ལ་རྟག་ཏུ་མཆོད་པ་དང་གཅིག བླ་མ་སྤྱི་བོར་ཁུར་བ་དང་གཉིས༔ དམ་ཚིག་གཅིག་པའི་མཆེད་གྲོགས་ལ་སྙིང་ལྟར་བརྩེ་བ་དང་གསུམ༔ རབ་དགུ་གསུམ་ཀཿ འབྲིང་མར་ངོའི་དགུ་གཉིས༔ ཐ་མ་ཉི་ཤུ་དགུ་ལ་ཁྲོ་ཆུའི་གཏོར་མ་འབུལ་བ་མི་བཅག་པ་དང་བཞི༔ དུས་རྟག་ཏུ་ཁྲོ་ཆུ་ལ་གཏོར་བསྔོས་སྔགས་བསྔོས་ཙམ་བྱ་བ་དང་ལྔ༔ རྟག་ཏུའམ་ཐ་ན་ཞག་རེ་ལ་ལན་རེ་ལྷ་ཡི་ང་རྒྱལ་བ…

བར་བྱ་བ་དང་བཅོ་ལྔའོ༔ དམ་ཚིག་དེ་རྣམས་བསྲུང་ན་ཡོན་ཏན་ནི༔ ལྷ་དང་སྲུང་མ་རྣམས་རྟག་ཏུ་འདུ་ཞིང་སྲུང་༔ ལྷ་སྲིན་སྡེ་བརྒྱད་དབང་དུ་འདུ་ཞིང་ཟིལ་གྱིས་གནོན༔ དམ་ཅན་སྲུང་མས་ཕྲིན་ལས་བསྒྲུབ་ཅིང་༔ གཤིན་རྗེ་དང་མ་མོ་ལས་ལ་འཁོར༔ ཆག་ཆེན་ཉམ་ང་མི་མཐུན་པའི་བར་ཆད་ཐམས་ཅད་ཞི༔ མཐུན་རྐྱེན་ཚེ་དང་བསོད་ནམས་བསམ་པའི་དོན་ཐམས་ཅད་འགྲུབ༔ བ…

མཐར་མི་ལུས་ཐོབ་ནས་བླ་མ་ཡི་དམ་གྱི་སྤྲུལ་པ་གཅིག་དང་འཕྲད་ནས་རིམ་གྱིས་གྲོལ་བར་འགྱུར་རོ༔ བླ་མ་ལ་དམ་ཚིག་མ་བསྲུངས་ནས་ཡི་དམ་ལ་བསྙེན་པ་ཚུལ་བཞིན་དུ་བྱས་ན༔ རིག་སྔགས་འཆང་བའི་གདོན་ཞེས་བྱ་སྟེ་ལྷ་ཡི་སྐུ་གཟུགས་འདྲ་བའི་དམ་སྲིའི་རིགས་གཅིག་གི་ཡི་དྭགས་སུ་སྐྱེས་ནས༔ ཕྱི་རབས་མཚམས་དང་སྒྲུབ་ཆེན་བྱེད་པ་རྣམས་ལ་གནོད་པར་འགྱུར༔ …

ནས་ཚོགས་དང་བསྐང་བཤགས་བརྒྱ་རྩ་འབུལ༔ ཏིང་ངེ་འཛིན་གྱིས་དབང་རྒྱས་པར་བླངས༔ ཡིག་བརྒྱ་དང་སཱཙྪ་རྣམས་ཅི་འགྲུབ་ལ་འབད༔ བླ་མའི་འདས་མཆོད་ལ་དམིགས་ནས་དངོས་པོ་འབུལ་རྒྱུ་ཅི་ཡོད་པ་དེ་དགེ་ཕྱོགས་སུ་བཏང་ངོ་༔ དེ་ལྟར་དམ་ཚིག་དང་ལྡན་པར་བྱས་ལ་བསྙེན་སྒྲུབ་ལ་འཇུག་པར་བྱའོ༔ ཨྠྀི༔ བསྙེན་པ་ནི༔ དང་པོ་སྟ་གོན༔ གཉིས་པ་དངོས་གཞི༔ རྗེས་ས…

ལ༔ ཕྱི་ཡི་བར་ཆད་ནང་དུ་མ་བཏང་ཞིག༔ ནང་གི་དངོས་གྲུབ་ཕྱིར་མ་བཏང་ཞིག༔ ཅེས་བརྗོད་ལ་གཏོར་མ་ཐོའི་རྩར་བཞག ཐོ་རྒྱལ་པོ་བཞི་ལ་བསྐྱེད༔ གྲོ་གའམ་ཤོག་བུ་ལ་ལིངྒ་བྱ་མཆུ་ཅན་གྱི་སྙིང་ཁར་ཛ་ཁ་སྤྲོད་ཀྱི་བར་དུ་ཏྲི་བྲི༔ དེ་ཡི་མཐར་གནོད་བྱེད་དམ་སྲི་ཁུག་ཅིག་མཱ་ར་ཡ་ཛ་ཛ༔ ཞེས་བྲི༔ དེའི་ཡན་ལག་ལྕགས་སྒྲོག་གིས་བསྡམས་པའི་ཡན་ལག་བཞི་ལ་ཛ…

ལས་ངན་ཁྱོད་བྱམས་པའི་བསྟན་པ་མ་བྱུང་གི་བར་དུ་མ་ལྡང་ཅིག༔ བྱམས་པའི་བསྟན་པ་ལ་ཆོས་ཉོན་ཅིག ཅེས་ས་རིམ་པ་དགུ་ཡིས་གཡོག༔ རེ་རེ་ལ་རྡོ་རྗེ་རྒྱ་གྲམ་རེ་བྲིས་པས་མནན༔ མེ་ཁྲོལ་གཅིག་བླུག༔ ཆུ་ཐིགས་གཅིག་བླུག༔ དེ་ནས་མི་མངོན་པར་བྱས་ལ༔ དེ་ནས་ལས་བྱང་གཞུང་གི་བྲོ་བྱས་ལ་རྐང་པ་གཉིས་ཀྱིས་རྒྱ་གྲམ་དུ་མནན་ནོ༔ གནས་ནི༔ གྲུབ་ཐོབ་གོང་མ…

བརྒྱད་དམ་བརྒྱ་རྩ་བརྒྱད་བཙུགས༔ གྲོ་གའམ་ཤོག་བུ་ལུ་ལིངྒ་ཡན་ལག་ལྕགས་སུ་བཅུག་པའི་སྙིང་ཁར་ནི་ཏྲ་བརྩེགས་པའི་གཡས་གཡོན་དུ་ཛ་ཁ་སྤྲོད་བྲི༔ དེ་ཡི་མཐར༔ ཚེ་བསོད་ཁ་རྗེ་དབང་ཐང་ལ་གནོད་པའི་དགྲ་བགེགས་ཚེ་སྲོག་ལ་གནོད་པའི་ཚེ་བདུད༔ བྱད་མ་བསམ་ངན་འཆང་བ༔ སྡང་བའི་དགྲ གནོད་པའི་བགེགས༔ བསྟན་པའི་སྤྱི་དགྲ་ཐམས་ཅད་གཟུགས་ལིང་ག་འདི་ལ་…

གཅིག་བཞག དེའི་ཁང་སེང་ནས་ཐུན་ཐག་སྟེང་དུ་དྲང་བ་རང་ངོས་ཀྱི་སྟེགས་བུའི་འགྲམ་མམ་རང་གི་མདུན་དུ་རལ་གྲི་སོར་བརྒྱད་པའི་ཡུ་བ་ལ་བཏགས་ཏེ༔ ས་གྲུ་གསུམ་ཆུང་ངུ་གཅིག་ལ་རལ་གྲིའི་ཡུ་བ་བཙུགས་ནས་སླང་སྟེ་བཞག བཀྲ་ཤིས་པའི་ས་སྣ་གང་འཛོམ་ལ་མཆོད་རྟེན་དཀར་པོ་བྲེ་བུམ་པ་ཏོག་དང་བཅས་པ་བང་རིམ་བཞི་པ་གཅིག་བྱས་ལ༔ དེ་ཡི་བུམ་པའི་ནང་དུ་བཟ…

གཡོན་ཏུ་ཁྲིའུའི་ཁར་རམ་མཉྫིའི་སྟེང་དུ་གཡས་སུ་བདུད་རྩི་བྷན་བཀང་བ་པཉྩ་བཏབ་པ་བཞག༔ གཡོན་དུ་བྷན་རཀྟས་བཀང་བ་སྨན་ཆེན་ཅུང་ཟད་བཏབ་པ་བཤམས༔ སྟེང་གི་ནམ་མཁའ་གཡོ་འགུལ་མེད་པའི་ལྡིང་ཁྲི་གསུམ་བྱས་ལ༔ དབུས་མ་ཟངས་ལྕགས་ཀྱི་ཀ་ཏོ་ར་ལྟ་བུའམ༔ མ་འབྱོར་ན་བྷནྡའི་ནང་དུ་ནས་ནག་སྲན་མ་བྲ་བོ་ཏིལ་ནག་རིམ་བུ་སྐྱེ་ཚེ་ཡུངས་དཀར་ཡུངས་ནག་ཐང་…

གཤིན་རྗེའི་གཏོར་མ་གཞུང་ལྟར་གཙོ་འཁོར་བདུན༔ དེ་ལ་བཀྲ་ཤིས་རྟགས་བརྒྱད་རྒྱལ་སྲིད་སྣ་བདུན་བྱ་རིགས་རི་དྭགས་གཅན་གཟན་གཡུང་དྭགས་སྣ་ཚོགས་ཀྱི་བསྐང་འབྲས་བཙུགས༔ དེ་ནི་རྒྱུན་གཏོར་དང་བསྐང་གཏོར་གཉིས་ཀ་ཡིན་རྒྱུན་དུ་གསོ་བྲན་བྱས་ལ་གཞུང་བསྲང་༔ གཡས་ཀྱི་ལྡིང་ཁྲི་ལ་ཕུན་སུམ་ཚོགས་པའི་ཚེ་ཟས་ནི༔ རིན་པོ་ཆེའི་སྣོད་ནང་དུ་འབྲུ་ནག་…

རྒྱ་མདུད་ལྟ་བུ་བརྒྱད་བཞོག་བྱ༔ སེང་ལྡེང་ལ་ཆང་ཟུང་བརྒྱད་བཞག་པ་དང་༔ རྒྱ་མདུད་འོག་མ་ལ་གྲི་ལྕགས་ཀྱི་མདེའུ་ཟུར་གསུམ་པ་ལྕགས་སྣོད་དུ་དུག་ཁྲག་གིས་ངར་བླུད་པ་བཙུགས༔ སྔོ་དམར་སྐུད་པས་ཆང་ཟུང་དཀྲིས་ལ་སྐུད་པ་དེ་ཉིད་ཀྱི་ཚེར་ནག་ཕུར་པ་དང་སྦྲེལ༔ ཕུར་པ་གཉིས་ལས་འོད་ཟེར་འཕྲོས༔ སངས་རྒྱས་མཆོད༔ སེམས་ཅན་གྱི་དོན་བྱས༔ དགྲ་བགེགས…

ལྕགས་ཕུར་པ་མགུལ་དུ་བཏགས༔ སྲོག་འཁོར་དང་ཐོག་ཕུར་མཆན་ཁུང་དུ་བཅང་ན་བདེའོ༔ དེ་ནས་གཞན་ཡང་རྩ་བ་གསུམ་གྱི་གོང་གཏོར༔ མཆོད་པ་རྣམ་ལྔ་ཚོགས་རྫས་ཡོ་བྱད་དཀར་གཏོར་དམར་གཏོར༔ རྒྱུན་གྱི་མཐེབ་སྐྱུ་མང་པོ་ལ་སོགས་ཚོགས་པར་བྱས་པས་དེ་ནི་སྤྲོས་བཅས་སོ༔ སྤྲོས་མེད་གཞན་དུ་གསལ༔ གཉིས་པ་ནི༔ དེ་ནས་གཞུང་གི་ཡི་དམ་གཞན་ཡོད་ན་གཞུང་བསྲང་༔ ག…

བསྲངས་ནས་དམིགས་པ་གསལ་འདེབས་པ་ཡིན་པས༔ ཐུན་མང་ཉུང་བསྐྱེད་རིམ་བརྟན་མི་བརྟན་དང་བསྟུན་ནོ༔ དེ་ནས་གཞུང་གི་སྐྱབས་འགྲོ་ནས་བཟུང་སྲུང་འཁོར་བསྐྱེད་ཆོག་བསྟོད་པ་ཡན་ཆད་ཐམས་ཅད་དང་༔ ངག་ནས་འདོན་པ་དང་ཡིད་ལ་བསྒོམ་པ་སོགས་འདོན་སྒོམ་སྦྲགས་ལ༔ བདག་བསྐྱེད་མདུན་བསྐྱེད་སོ་སོར་བྱེད་ན་མདུན་བསྐྱེད་མཆོད་པ་བྱིན་རླབས་མན་ཆད་འདོན༔ རྙི…

སེམས་དཔའ་ཐམས་ཅད་ཀྱིས་བསྐོར་བར་བསམ༔ དེ་རྣམས་ལས་འོད་འཕྲོས་བདག་གཞན་ཐམས་ཅད་ཀྱིས་དུས་གསུམ་དུ་བསགས་པའི་སྡིག་སྒྲིབ་ཐམས་ཅད་སྦྱངས་ནས་སངས་རྒྱས་ཀྱི་ས་ལ་བཀོད་པར་བསྒོམས་ནས༔ ཏདྱ་ཐཱ༔ ཨོཾ་མུ་ནི་མུ་ནི་མ་ཧཱ་མུ་ན་ཡེ་སྭཱ་ཧཱ༔ ཞེས་བརྒྱའམ་ཉེར་གཅིག་གམ་བདུན་བཟླས༔ ཡང་དེ་རྣམས་ཀྱི་གནས་ལྔ་ནས་འོད་ཟེར་ཁ་དོག་ལྔ་འཕྲོས༔ རང་གི་གནས་ལྔ…

ཏི་ཡོད་པ༔ དར་དང་རིན་པོ་ཆེའི་བརྒྱན་ཅིང་སྐྱིལ་ཀྲུང་གིས་བཞུགས་པའི་ཐུགས་ཀར་ཟླ་བའི་གདན་ལ་ཨོཾ་དཀར་པོའི་མཐར་སྔགས་ཀྱིས་བསྐོར་བ་ལས་འོད་ཟེར་དཀར་པོ་འཕྲོས༔ རང་གི་ལུས་གང་བས་ལུས་ཀྱི་སྡིག་སྒྲིབ་དག༔ འོད་ཟེར་ཕྱིར་འཕྲོས་སེམས་ཅན་ཐམས་ཅད་ཀྱི་ལུས་ཀྱི་སྒྲིབ་པ་སྦྱངས་ནས་སྐུ་འཇམ་དཔལ་རྡོ་རྗེའི་གོ་འཕང་ལ་བཀོད་པར་བསམས་ལ༔ ༀ་ཝཱ་གི…

གི་སྒྲིབ་པ་དག༔ བདག་དང་སེམས་ཅན་ཐམས་ཅད་ཀྱི་ངག་གི་སྒྲིབ་པ་དག གསུང་རྡོ་རྗེ་འཇིག་རྟེན་དབང་ཕྱུག་གི་གོ་འཕང་ཐོབ་པར་བསམས་ལ༔ ཨོཾ་མ་ཎི་པདྨེ་ཧཱུྃ༔ བརྒྱ་ཙམ་བཟླ་ཞིང་༔ འོད་ཟེར་དེས་གསུང་གི་རིགས་ཀྱི་སངས་རྒྱས་ཐམས་ཅད་ལ་བསྟོད་དབྱངས་རོལ་མོའི་མཆོད་པ་སྣ་ཚོགས་ཕུལ༔ གསུང་གི་བྱིན་རླབས་ཐམས་ཅད་ཨཱཿཡིག་དམར་པོའི་རྣམ་པར་སྤྱན་དྲངས་ན…

སྟོང་གི་མཆོད་པ་དཔག་ཏུ་མེད་པ་ཕུལ༔ ཐུགས་ཀྱི་བྱིན་རླབས་ཐམས་ཅད་ཧཱུཾ་ཡིག་སྔོན་པོའི་རྣམ་པར་ཁ་བ་བུ་ཡུག་ལྟར་སྤྱན་དྲངས༔ གསང་བདག་ལ་ཐིམ་པས་འོད་དུ་ཞུ་ནས༔ ཉི་ཟླའི་གདན་ལ་ཧཱུཾ་སྔོན་པོས་མཚན་པར་གྱུར༔ ཡང་རང་ཉིད་ཁྲོ་ཆུ་གཞུང་ལྟར་གསལ་བའི་ཐུགས་ཀར་པདྨ་འདབ་མ་བཞི་པའི་ལྟེ་བར་ཉི་མའི་གདན་ལ་ཧཱུྃ་དེ་ཉིད་འཇམ་དཔལ་མཐིང་ཁ༔ ཤར་དུ་འཇམ…

ཤྭ་རི་ཧཱུྃ༔ ཅེས་བརྒྱ་རྩ་བརྒྱད་བཟླ་ཞིང་། འོད་ཟེར་གྱིས་རིགས་ལྔའི་རྒྱལ་བ་ཐམས་ཅད་མཆོད༔ སྐུ་ལྔ་ཡེ་ཤེས་ལྔའི་བྱིན་རླབས་ཐམས་ཅད་འོད་ཟེར་རྣམ་པ་ལྔའི་རང་བཞིན་དུ་ཚུར་འདུས་ལྷ་ལྔ་ལ་ཐིམ་པས༔ རང་གི་ཕུང་པོ་ལྔ་སྐུ་ལྔར་གནས་འགྱུར༔ འཇམ་དབྱངས་རིགས་ལྔའི་ཐུགས་ཀའི་ཧཱུྃ་ཡིག་ལ་ཐིམ་པར་བསམ༔ དེ་ནས་རང་ཉིད་ཁྲོ་ཆུར་གསལ་བའི་ཐུགས་ཀར་ཉི…

འཁོར་བར་བསམས་ནས་ཁྲི་ཚོ་ཙམ་བཟླ༔ སླར་ཡང་ཡིག་འབྲུ་འཁོར་བཞིན་པའི་ས་བོན་གསུམ་དང་བཅས་པ་ལས་འོད་ཟེར་ཁ་དོག་སྣ་ཚོགས་འཕྲོས༔ བླ་མ་ཡི་དམ་སངས་རྒྱས་བྱང་ཆུབ་སེམས་དཔའ་ཆོས་སྐྱོང་སྲུང་མ་ཐམས་ཅད་ལ་མཉེས་པའི་མཆོད་པ་དཔག་ཏུ་མེད་པ་ཕུལ༔ དེ་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཐུགས་རྗེ་ནུས་མཐུ་ཐུགས་སྲོག་ཡི་གེ་དང་བཅས་པ་དབང་དུ་བསྡུས་…

སྒྲོ་མེ་ལ་བསྲེག་པ་ལྟར་སྐད་ཅིག་ལ་མེད་པར་བྱས༔ འཇིག་རྟེན་དང་འཇིག་རྟེན་ལས་འདས་པའི་དྲེགས་པ་ཅན་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་བཀྲག་གཟི་མདངས་མཐུ་སྟོབས་གཟི་བརྗིད་ཐམས་ཅད་གཅིག་ཏུ་བསྡུས་ནས་བདག་ཉིད་གཟི་བརྗིད་ཕུན་སུམ་ཚོགས་ཤིང་ཐམས་ཅད་འདུས་པའི་བདག་ཉིད༔ ང་ལས་ཆེ་བཙན་འཇིག་རྟེན་ཁམས་ན་མེད་དོ་སྙམ་པའི་ང་རྒྱལ་བརྟ…