གསུམ་པ་ལ་རྒྱ་བལ་དུ་བྱུང་ཚུལ་དང་། བོད་དུ་བྱུང་ཚུལ་ལོ། །དང་པོ་ནི། འཇམ་དཔལ་དབྱངས་ཀྱི་རྣམ་འཕྲུལ་མཐའ་ཡས་པའི་རྫུ་འཕྲུལ་གྱིས་མཁའ་འགྲོའི་སྲས་སུ་འཁྲུངས་པ། གསང་བའི་བདག་པོས་དབང་བསྐུར་ཞིང་རིགས་འཛིན་གྱི་སྐུ་བརྙེས་པའི་སློབ་དཔོན་འཇམ་དཔལ་བཤེས་གཉེན་ཞེས་བྱ་བ་བརྟུལ་ཞུགས་ཀྱི་སྤྱོད་པས། མིག་གི་ལྟ་སྟངས་ཙམ་གྱིས་ཀྱང་ཁ་ཆེའི་…

ཚུལ་བསྟན་ཅིང་། སྐྱེ་འཆི་མེད་པ་ཚེའི་རིགས་འཛིན་དང་། ཕྱག་རྒྱ་ཆེན་པོ་མཆོག་གི་དངོས་གྲུབ་བརྙེས་པའི་སློབ་དཔོན་འདི་ཉིད་ཀྱིས་བལ་ཡུལ་ཡམ་བུའི་རྒྱལ་རིགས་ལས་གནས་ལྔ་མཁྱེན་ཅིང་མཆོག་གི་གྲུབ་པ་བརྙེས་པ་འཁོར་འདས་ཡོངས་ཀྱི་སྲོག་ལ་མངའ་སྒྱུར་བའི་སློབ་དཔོན་བྷ་སུ་དྷ་ར་ལ་གནང་བ་ཡིན་ནོ། །འཁོན་སྟོན་རྡོ་རྗེ་འཛིན་པ་ཆེན་པོས། རི་མེ…

གནས་སོགས་དེའི་དུས་ཀྱི་སློབ་དཔོན་འགའ་ཞིག་གཤེད་སྐོར་གི་ཆོས་བཀའ་ཕན་ཚུན་དུ་གསན་རེས་མཛད་པར་མངོན་པར་མཐའ་གཅིག་ཏུ་མ་ངེས་ཤིང་། ཚིག་ཚོགས་མངས་ཀྱིས་དོགས་པས་ཞིབ་པར་མ་སྤྲོས་སོ། །གཉིས་པ་ལ་གསུམ། སློབ་དཔོན་པདྨ་ལ་བརྟེན་ནས་དར་ཚུལ། སློབ་དཔོན་བྷ་སུ་དྷ་ར་ལ་བརྟེན་ནས་དར་ཚུལ། གཉིས་ཀ་ཟབ་མོའི་གཏེར་དུ་སྦས་པའི་ཚུལ་ལོ། །དང་པོ་ནི…

དུ་ཆུ་དར་སྔོན་པོ་ལ་གསེར་གྱིས་བྲིས་པའི་ཆོས་སྐོར་བཅུག་སྟེ། ཁྲོ་ཆུའི་སྒྲོམ་བུར་རྒྱས་བཏབ་པ་དུར་ཁྲོད་བསིལ་བའི་ཚལ་དུ་སྦས་པ་སློབ་དཔོན་ཤཱནྟི་ཾགརྦྷས་བཏོན་པ་གནམ་ལྕགས་སྡིག་པའི་ཆོས་སྡེ་འདི། སློབ་དཔོན་པདྨ་བོད་དུ་ཕེབས་སྐབས་ཧ་ཅང་ཟབ་ཅིང་རྣོ་བས་ཐུགས་ལ་གབ་ཅིང་། དུས་དེའི་ཚེ་ཆོས་ཁྲིམས་དང་རྒྱལ་ཁྲིམས་གཉན་པའི་སྟབས་ཀྱིས་བས…

གིས་བོད་དུ་འོངས༔ སྒྲགས་ཀྱི་གྲོང་ཁྱེར་བདུན་ཅུ་གཏན་ལ་ཕབ༔ ཅེས་དང་། སྒྲུབ་ཁང་ཕ་མའི་མཁར་ལས་བྱས༔ སྒྲགས་ལ་ནག་པོའི་རྩེ་རུ་ནི༔ ཉེ་འབྱེད་རླུང་གི་འཁོར་ལོ་བསྐོར༔ སྦྲགས་ཀྱི་གྲོང་ཁྱེར་སུམ་ཅུ་རྩ་བདུན་བརླག༔ ཅེས་སོ། །གསུམ་པ་ལ་གསུམ། གཏེར་སྦས་པ་དངོས། ལས་འཕྲོ་ཅན་གྱིས་བཏོན་ཚུལ། གཏེར་གྱི་ཆོས་རྣམས་གཉན་ཞིང་ཁྱད་པར་འཕགས་ཚུལ་…

ཡོད་པ་ཡི༔ ལོ་ནི་ཁྱི་འབྲུག་ལོ་པ་ལ༔ རུས་རྒྱ་མིང་ནི་ཞང་ཁྲོམ་ཞེས༔ དེ་ལྟ་བུ་ཡིས་རྙེད་པར་ཤོག༔ ཅེས་པ་ལྟར། སྨོན་ལམ་གྱི་མཐུས་གནུབས་ཆེན་ཉིད་རོང་རམ་པ་ཆུ་ཆན་ཁར་རྡོ་རྗེ་འོད་འབར་དུ་སྐྱེ་བ་བླངས་ནས། གནུབས་ཆེན་གྱི་སྤྲུལ་པ་ཞིག་གིས་གྲོགས་བྱས་གཏེར་སྒོ་ཕྱེ་ནས་ཟབ་ཆོས་འགའ་ཞིག་དང་ཁ་བྱང་རྣམས་ཐོན་རིམ་གྱིས་གཏེར་ཆོས་རྣམས་རྫོགས…

བསམ་ཡས་བསྐོར་ནས་འཕྲང་ཕུར་བྱིན། །བླ་མ་རྙེད་ནས་གདམས་པ་ཞུས། །རྩ་རྒྱུད་སྡིག་པ་སྙིང་འཛིངས་ལ། །མན་ངག་ཟུར་ཆོས་བརྒྱན་པ་རྣམས། །ངལ་དུབ་སྤངས་ནས་ཞུ་གཏུགས་བྱས། །ཞེས་ཀྱང་གསུངས་ལ། དེ་ཡང་མྱང་དང་ཆོས་དབང་གི་སྐྱེ་སྤྲུལ་མངའ་རིས་པཎ་ཆེན་གྱིས་བསམ་ཡས་དབུ་རྩེ་ནས་རིགས་འཛིན་ཡོངས་འདུས་ཀྱི་ཟབ་གཏེར་དགྲ་བཅོམ་ཟུང་གི་ལྷུང་བཟེད་ཀྱི་…

འབྱུང་གི་མི་ནུབ་རྒྱལ་མཚན་ཚུགས༔ ཞེས་གསལ་བར་བྱུང་བ་ཡིན་ནོ། །གཏེར་སྟོན་ནས་རིམ་པ་བར་མ་ཆད་དུ་བྱོན་པའི་བླ་མ་རྣམས་ཀྱི་མཚན་དང་གོ་རིམ་ཙམ་ནི་གཞུང་སོ་སོའི་སྐབས་དང་། བླ་བརྒྱུད་གསོལ་འདེབས་རྣམས་ཀྱི་སྐབས་སུ་ཤེས་ཤིང་། རྒྱུད་མན་ངག་གསན་ཚུལ་སོགས་རྒྱས་པ་ནི་ཡི་གེ་མངས་ཀྱིས་དོགས་པས་མ་བྲིས་ལ། སོ་སོའི་རྣམ་ཐར་ཆོས་འབྱུང་དུ་ཤེ…

རྩི་གཤིན་རྗེ་དང་༔ མ་མོ་ལ་སོགས་བཀའ་བརྒྱུད་རིམ་པར་སྤེལ༔ ཤིན་ཏུ་ཟབ་པའི་མཐར་ཐུག་སྙིང་པོ་རྣམས༔ སྤྱིར་ཡང་བོད་རྣམས་གསར་དད་ཆེ་བ་དང་༔ སྙིགས་མའི་འགྲོ་བ་ལྷག་པར་སྙིང་རྗེ་བས༔ མཐའ་དབུས་ཐམས་ཅད་གཏེར་གྱིས་བཀང་ནས་བཞག༔ ཅེས་དང་། སྤྲུལ་སྐུ་མངའ་བདག་མྱང་གི་ཆོས་འབྱུང་ནོར་བུའི་ཕྲེང་བར། ད་ལྟ་རྒྱལ་ཁྲིམས་གཉན་པས་སྲོག་སེར་གཏད་མི…

གཏེར་ལ་མོས་པའི་སྐལ་ལྡན་རྣམས༔ དེང་སང་གུ་རུའི་ཞལ་མཐོང་སྨོན་ལམ་ཐེབས༔ ཐམས་ཅད་ལས་ཅན་ཡིན་ནོ་དགའ་བ་སྒོམས༔ ཞེས་གསུངས་སོ། །བཞི་པ་ནི། ཐེག་པ་རིམ་པ་དགུ་ལས། བླ་མེད་ཀྱི་སྐུ་གསུང་ཐུགས་ཡོན་ཏན་འཕྲིན་ལས་ལྔ་ལས། སྐུའི་སྒྲུབ་པ་རྡོ་རྗེ་ཐོགས་མེད་ཅེས་བྱ་བ། དེ་ལ་ཡང་བསྐྱེད་པ་མ་ཧཱ་ཡོ་གར་གཏོགས་ལ། བསྐྱེད་རྫོགས་གསུམ་ལས་ཚུལ་ཨ་ནུ་…

སྒྲུབ་པ་པོའི་མཚན་ཉིད། གང་དུ་བསྒྲུབ་པའི་གནས། གང་ལྟར་བསྒྲུབ་པའི་ལས་ཀྱི་རིམ་པའོ། །དང་པོ་ནི། ཆོས་ཚན་ཉེར་ལྔའི་སློབ་བུའི་འདོད་པ་བརྟག་ཐབས་ལས། སྡིག་ལ་མི་དད་སྙིང་རྗེ་ཅན༔ མི་རྟག་ཤེས་པ་འཛིན་པ་མེད༔ ཚིག་ལ་མི་གཉེར་དོན་ལ་གཉེར༔ རྒྱུད་འཇམ་སྤྱོད་པ་དལ་བ་རྣམས༔ དམ་ཚིག་ཅན་གྱི་སྣོད་ལྡན་ཡིན༔ ཞེས་དང་། དད་པ་ཆེ་ཞིང་གཟུངས་ཐོབ་…

རབ་ཡིན་ལ། མིན་ནའང་ལྟ་བའི་དོན་སྤྱི་ངེས་པོར་བྱས་པ་ནི་ཤིན་ཏུ་གལ་ཆེ་སྟེ། །དྲག་པོའི་ལམ་ཀུན་ཏུ་ལྟ་བའི་རྩིས་ཟིན་པར་བྱེད་དགོས་པའི་ཕྱིར་རོ། །བསྙེན་པ་ཡང་འཕྲིན་ལས་ཉམས་སུ་བླང་བ་ཙམ་ལ་ནི། གྲངས་བསྙེན་ཙམ་སོང་ཡང་། ཆོ་ག་ལ་ལས་སྦྱོར་ཉམས་སུ་བླང་བ་ཡིན་ན་མཚན་མ་ངེས་པར་ཐོབ་དགོས་སོ། །ཞེས་རྣམ་ངེས་རིན་ཅེན་སྒྲོན་མེར་གསུངས་པ་ནི་…

སུ་མཆོག་ཐུན་གང་བསྒྲུབ་པ༔ སྒྲུབ་པ་བྱས་ན་མི་འགྲུབ་གང་ཡང་མེད༔ ཅེས་པའི་དབང་པོ་རབ་ཀྱི་གནས་གསུམ་གྱིས་གཙོ་བྱས་པའི་མདོར་ན། ལུང་ལྔ་གླིང་གཅིག་ལྗོངས་གསུམ་གངས་ཉི་ཤུ༔ ཞེས་སོགས་སློབ་དཔོན་སངས་རྒྱས་གཉིས་པའི་སྒྲུབ་གནས་ཀྱིས་མཚོན་ཏེ། བླ་མ་གོང་མ་རྣམས་ཀྱི་གནས་ཁྱད་པར་ཅན་དུ་བོགས་ཆེ་ཞིང་། ལས་དང་པོ་པས་དེ་རྣམས་མ་གྲུབ་ནའང་། ཉ…

མེ། ཁྲག་གི་ཨརྒྷཾ། དྲི་ཆུའི་བསང་ཆབ། ཐོད་རྔ་དང་རྐང་གླིང་ལ་སོགས་པ་ཅི་རིགས་པ་བཤམ། ཐོད་པ་ཞིག་ཏུ་མོན་ནམ་རབས་ཆད་སོགས། སྐྱེས་པའི་གྲི་སྙིང་། གཡག་ནག་པོའི་སྙིང་དང་གསུམ་ལ་དར་ནག་གི་དགབ། ཐུན་མོང་སྤྱིའི་མཆོད་པ་ལྔའང་བཤམ་མོ། །ཟོར་ལས་བྱེད་ན། དུག་ཁྲག་དང་གཡག་རུ། ཟོར་གཏོར། སྐམ་ཐུན་ལ་སོགས་པའང་བཤམ་པར་བྱའོ། །ཞེས་རྣམ་ངེས་རི…

བྱ་བའི་དང་པོ་ལ་གསེར་སྐྱེམས་བཏང་བ། འཇམ་དཔལ་ཞི་བ་བསྐྱེད་ཅིང་རྒྱུད་བཀླག་པ། སྐྱབས་སུ་འགྲོ་བ། སེམས་བསྐྱེད་པ། ཚད་མེད་བཞི་བསྒོམ་པ། ཡན་ལག་བརྒྱད་པ་བྱ་བ། མཚམས་བཅད་པ། བཤགས་པ་བྱ་བ། དམ་བཅའ་བ། བྱིན་དབབ་པ། མཆོད་གཏོར་བྱིན་གྱིས་བརླབ་པའོ། །དང་པོ་ནི། ཛ་གད་བྱིན་གྱིས་བརླབས་ལ་ཕུད་མཆོད་ཚུལ་བཞིན་དུ་བྱས་ཤིང་། སྡེ་བརྒྱད་ཆ་མཉ…

སྒྲ་ཆེན་སྒྲོག །དགའ་མགུའི་ཚུལ་གྱིས་འཁོར་རྣམས་རྗེས་སུ་ཡི་རང་འདུད། །སྟེང་འོག་རྐན་གཉིས་རྔ་བོ་ཆེ་ལས་རྒྱུད་ཚིག་རྣམས། །ལྕེ་ཡི་དབྱུ་གུས་བསྐུལ་ཞིང་ཆོས་སྒྲས་ཡོངས་གང་གྱུར། །ཞེས་པའི་དོན་བཞིན་མ་ཡེངས་པར་བྱའོ། །དེ་ཡང་སྤྱིར་ལྕགས་འདྲར་འཇམ་དཔལ་ཞི་བ་སྒྲུབ་ཐབས་བདུད་རྩིའི་ཐིགས་པ་དང་། ལྕགས་སྡིག་ཏུ། །སྟོང་དྲིལ་ཉི་མ་ཤར་བ་ལ…

བའི་བསམ་པ་བརྟན་པོས། བདག་དང་མཁའ་མཉམ་ལུས་ཅན་མ་ལུས་ཀུན། །ཞེས་སོགས་བརྗོད། བཞི་པ་ནི། རྒྱ་ཆེན་བྱང་ཆུབ་མཆོག་ཏུ་སེམས་མཆོག་བསྐྱེད། །ཅེས་པས་གསལ་བཏབ་སྟེ། དེའང་འཁོར་ལོ་ནག་པོའི་སྒྲུབ་ཐབས་ལས། གང་ཞིག་ལྟ་བ་ངན་པ་ཡིས། །ལོག་པར་ལྟ་བའི་སེམས་ཅན་ལ། །དྲག་པོའི་ཐུགས་རྗེ་བརྟན་པ་དང་། །རང་བྱུང་ཡེ་ཤེས་རྟོགས་བྱའི་ཕྱིར། །ཞེས་དང་། …

དྲངས་ལ། རྡོ་རྗེ་སློབ་དཔོན་སངས་རྒྱས་དཔལ། །ཞེས་སོགས་བརྗོད་ཅིང་། ཚོགས་ཞིང་རྣམས་ལ་སྐྱབས་སུ་འགྲོ་བའི་སེམས་དང་ལྡན་པས་ཕྱག་གི་མཆོད་པ། ཐུན་མོང་སྤྱིའི་མཆོད་པ། ནང་དང་གསང་བ་སོགས་ཀྱི་མཆོད་པ་དངོས་སམ་ཡིད་ཀྱིས་སྤྲུལ་ཏེ་འབུལ། དངོས་གྲུབ་འགྲུབ་པའི་བགེགས་སུ་གྱུར་པའི་ཉེས་པ་རྣམས་བཤགས། རྩ་བ་གསུམ་གྱི་ཐུགས་རྗེས་དག་པར་མོས་པ་…

ལྟ་བུའི་གུར་ཁང་གང་གིས་ཀྱང་གཞིག་ཏུ་མེད་པ་སྲ་ཞིང་བརྟན་པར་བསམས་ཏེ། སྲ་བརྟན་མི་གཡོ་རྡོ་རྗེའི་གུར་ཁང་། ཞེས་སོགས་དང་། ཕཊ་རཾ་སོགས་བརྗོད། གཉིས་པ་ནི། རང་ཉིད་ཟིལ་གནོན་དུ་གསལ་བའི་སྤྱི་བོར་གཙུག་ཏོར་འཁོར་ལོར་སྒྱུར་བ་སེར་པོ་ཁྲོ་ཞལ་ཅན་གྱི་ཐུགས་ཀར་བྷྲུཾ་ལས་སྲུང་འཁོར་སེར་པོ་རྩིབས་བཅུ་པ་ཉི་གདན་དང་བཅས་པའི་སྟེང་དུ་ཧཱུཾ…

ཅིང་། བསྙེན་པ་དང་། སྒྲུབ་པ་དང་། ཏིང་ངེ་འཛིན་དང་། སྔགས་དང་ཕྱག་རྒྱ་ལ་སོགས་པའི་མཐུ་ཡིས། གསང་བའི་ཐེག་པ་ལ་རྣམ་པར་འཚེ་བའི་དགྲ་བོ་རྣམས་དྲག་པོ་མངོན་སྤྱོད་ཀྱི་ནུས་མཐུས་བསྒྲལ་བ་སོགས་གསང་སྔགས་ཟབ་མོའི་སྤྱོད་པ་ཐམས་ཅད་མཐར་དབྱུང་ཞིང་། བླ་མེད་བསྒྲུབ་ཅིང་མ་ཐོབ་ཀྱི་བར་དུ་བཅོམ་ལྡན་འདས་དཔལ་ཆེན་ཟིལ་གནོན་འཁོར་བཅས་ཀྱི་ཐུག…