ན་མོ་གུ་རུ་ཤྩ་མཉྫུ་ཤྲཱཡུཿབ་ཏ་ཡེ། ཕུན་ཚོགས་ཆོས་དབྱིངས་ནོར་འཛིན་ལྟོ་བར་མི་སྡུག་སྒེག་པའི་ཉམས་ཀྱི་ཆུ་གཏེར་ལས། ཁྲོ་ཆགས་སྙིང་རྗེའི་ཤུགས་དྲག་དྲི་བཞོན་ལས་འོངས་རབ་བརྗིད་ང་རོའི་རྦ་རླབས་འཁྲུག །མངོན་སྤྱོད་ཧ་ལའི་ཕྲིན་ལས་ན་ཀྲའི་ཚོགས་རྒྱུ་མཆོག་ཐུན་དངོས་གྲུབ་ཡིད་བཞིན་ནོར། །མ་ལུས་སྩོལ་པའི་བྱེད་པོ་སྲོག་དབུགས་བླ་ཚེའི་…

རྒྱ་ཆེན་པོ་ཐིག་ལེ་ལས། དབང་མེད་ན་ནི་དངོས་གྲུབ་མེད། །བྱེ་མ་བཙིར་ལ་མར་མེད་བཞིན། །ཞེས་གསུངས་པ་ལྟར། གསང་ཆེན་རྡོ་རྗེ་ཐེག་པའི་ལམ་གྱི་གཙོ་བོ་ནི་ཐོག་མར་སྨིན་བྱེད་ཀྱི་སྒོ་དམ་པ་དབང་ཡིན་ལ། སྨིན་བྱེད་ཀྱི་དབང་མ་ཐོབ་པར་གྱ་ཚོམ་དུ་གསང་སྔགས་ཀྱི་ལམ་ལ་ཐོས་བསམ་གྱིས་འཇུག་པ་ནི་དངོས་གྲུབ་མི་ཐོབ་པར་མ་ཟད། སྡུག་བསྔལ་མི་བཟད་པ་…

གཉེན་གྱིས། གོམས་པ་སྔོན་སྦྱངས་མང་ཐོས་ཆོས་རྣམས་ཤེས། །ཆོས་ཉིད་མཉམ་པའི་དོན་རྟོགས་གཏི་མུག་མེད། །དབྱིངས་དང་ཡེ་ཤེས་གཉིས་མེད་གཟུང་མ་འདུ། །བླ་མའི་མན་ངག་ཐོབ་པའི་གདེངས་ལྡན་པ། །ཡོན་ཏན་རྫོགས་པའི་བླ་མ་དམ་པ་བྱ། །ཞེས་གསུངས་ལ། དེ་ལྟ་བུའི་ཡོན་ཏན་དང་ལྡན་པ་ནི་མཆོག་ཡིན་ཞིང་། དེ་ལྟར་མིན་ནའང་བསྙེན་པ་རྫོགས་ཤིང་ལྷའི་གནང་བ་ཐ…

བསྟན་པར་བྱ་བ་འདི་ལ་གསུམ་སྟེ། སྔོན་དུ་འགྲོ་བ། གཞུང་གི་ལས་རིམ་རྗེས་ཀྱི་ཆོ་གའོ། །དང་པོ་ལ་ཡོ་བྱད་བཤམ་ཞིང་གཏོར་མ་གཏང་བ། ཐིག་ཚོན་རབ་ཏུ་གནས་ཤིང་ཆག་ཆག་གདབ་པ། དཀྱིལ་འཁོར་འདྲི་ཞིང་རྫས་འགོད་པ་སློབ་མ་སྟ་གོན་བྱ་བའི་རིམ་པའོ། །ས་བཅད་གོང་མ་གསུམ་ནི་སེ་སྟོན་ཆེན་པོས་མཛད་པའི་དབང་གི་ཆོ་ག་ངེས་པའི་དོན་བདེ་བླག་ཏུ་འཇུག་པ་ཞེ…

གུ་གུལ་གྱིས་བདུག །རོལ་མོ་དྲག་ཏུ་བྱ་ཞིང་བགེགས་བསྐྲད་དོ། །དེ་ནས་སློབ་མ་རྣམས་ཕྱག་དང་མཎྜལ་ཕུལ་ཏེ། དེའང་བམ་ཆེན་གསང་བའི་དབང་གི་ཆོ་ག་ལས། སྤྲོ་བ་བསྐྱེད་དང་གནང་བ་བྱིན། །སྡོམ་པ་འབོགས་ཤིང་སྲུང་སྐུད་གདགས། ཁྱོར་ཆུ་བླུད་དང་སོ་ཤིང་དོར། །ཀུ་ཤ་བྱིན་དང་གཟེངས་བསྟོད་དེ། །རྨི་ལམ་བརྟག་དང་སྦྱིན་སྲེག་བྱ། །ཞེས་པ་ལྟར་བཅུ་ལས།…

ངེས་པར་འབྱུང་བ་ཀུན་སྟོན་པ། །བུ་འདིར་ཤོག་ཅིག་བདེ་བའི་ས། །ཐེག་ཆེན་རིམ་པས་འགྲོ་བ་དང་། །སྐུ་གསུང་ཐུགས་ཀྱི་རྡོ་རྗེ་བཟུང་། །རྫོགས་པའི་ཡེ་ཤེས་བདེ་ཆེན་གྱི། །དམིགས་པ་མེད་པར་གནས་ཕྱིར་དུ། །སྟོང་ཞིང་རང་སེམས་རྟག་པར་བཟུང་། །སྒྱུ་འཕྲུལ་དྲ་བའི་དབང་རྫོགས་བྱིན། །འཁོར་བའི་སེམས་ཅན་ཐམས་ཅད་ཀུན། །འཁོར་རྒྱུད་ལམ་གྱི་སྒོ་བཅད…

ཞེས་བརྗོད་ཅིང་རྡོ་རྗེ་དང་དྲི་ཆུས་རྒྱས་གདབ་བོ། །སྤྱི་བོར་རྡོ་རྗེ་བཞག་ལ་ཨྱཻ་རིང་གིས་བར་ཆད་བསྲུང་ངོ་། །ལྔ་པ་ཁྱོར་ཆུ་བླུད་པ་ནི། ཨཱོཾ་བྷིགྷྣཱནྟ་ཀྲྀཏ་ཧཱུྃ་ཕཊ། ཨཱོཾ་སརྦ་ཤོ་དྷན་ཡ་ཧཱུྃ་ཕཊ། ཅེས་བརྗོད་དེ་བྱིན་ལ། ཧཱུྃ། སྔགས་བཟླས་བདུད་རྩིའི་ཆུ་འདི་ཡིས། །ལུས་ངག་ཡིད་གསུམ་སྒྲིབ་པ་སྦྱངས། །བར་ཆད་ཐམས་ཅད་དག་གྱུར་ཏེ། །ཟ…

ཀུན་བྱས་པ་ཡང་། །དེ་ཀུན་གྱིས་ནི་དཀྱིལ་འཁོར་ནི། །མཐོང་བས་བྱང་བར་འགྱུར་བས་ན། །གྲགས་པ་མཐའ་ཡས་སྔགས་སྤྱོད་པའི། །ཚུལ་ལ་གནས་ན་སྨོས་ཅི་དགོས། །གང་གིས་བསྐལ་པ་བྱེ་བ་རུ། །བསོད་ནམས་ཡེ་ཤེས་ཚོགས་བསགས་ཀྱང་། །འདི་ནི་མཐོང་བར་ཤིན་ཏུ་དཀའ། །བླ་མེད་འདི་ལ་དགའ་བར་གྱིས། །ཞེས་བརྗོད། ཡང་ན། སངས་རྒྱས་བསྟན་པ་རྨད་བྱུང་བསམ་ཡས་ལ༔ ཁྱ…

པའི་བར་ངེས་དོན་བདེ་འཇུག་ལས་ཇི་ལྟར་གསུངས་པ་བཞིན་རྟགས་དང་ཡུན་རིང་ཐུང་སོགས་སྐབས་དང་སྦྱར་རོ། །དབང་ཆོས་འདིའི་ལུགས་ཀྱི་བདག་མདུན་གྱི་དཀྱིལ་འཁོར་ཆིག་ཆོད་དུ་བསྒྲུབ་པ་ཡིན་ལ། དེ་ཙམ་བློས་མི་ལྕོགས་པ་འཛབ་ཁང་མདུན་གྱི་དཀྱིལ་འཁོར་རྣམས་ལ་དབྱེ་བའི་གནད་ཤེས་དགོས་སོ། །གཉིས་པ་དབང་བསྐུར་བ་ལ། དཀྱིལ་འཁོར་དུ་འཇུག་པ་དང་། དབང་བ…

གནང་བ་ཐོབ་པར་བསམ་མོ། །དེ་ནས་ངེས་དོན་བདེ་འཇུག་ལས། ཁྲུས་སོགས་བྱ་ཞིང་གསོལ་བ་གདབ། །རྒྱུན་བཤགས་སེམས་བསྐྱེད་གནས་གསུམ་བརླབ། །སླར་ཡང་གསོལ་གདབ་གནས་སུ་དྲངས། །དྲི་དང་ཆུ་བླུད་དམ་བསྒྲགས་ཤིང་། །སྒྲིབ་སྦྱངས་ལྷ་དབབ་མེ་ཏོག་དོར། །མིག་དབྱེ་དཀྱིལ་འཁོར་བསྟན་པའོ། །ཞེས་པ་ལྟར་བཅུ་གཅིག་ལས། དང་པོ་ནི། སློབ་མ་རྣམས་ཁྲུས་བྱས། ནང…

ཡང་གསང་གཤེད་པོའི་དཀྱིལ་འཁོར་དུ། །བདག་ནི་འཇུག་པར་འཚལ་ལགས་ཀྱི། །རྡོ་རྗེ་སློབ་དཔོན་དཀྱིལ་འཁོར་གཙོ། །དཔའ་བོས་བདག་ལ་བཀའ་དྲིན་གསོལ། །ཞེས་ལན་གསུམ་བརྗོད། ལྔ་པ་གནས་སུ་དྲང་བ་ནི། འཁོར་བའི་སེམས་ཅན་ཐམས་ཅད་ཀུན། །རྒྱུད་ལྔ་ལམ་གྱི་སྒོ་བཅད་དེ། །མཐོ་རིས་ཐར་པའི་སྒོ་ཕྱེ་ནས། །བླ་མེད་གནས་སུ་དྲང་བར་བྱའོ། །ཨཱོཾ་བཛྲ་ས་མ་ཡ་ཛཿ…

ཡ་ཨི་དམ་ན་ར་སྐན། ཞེས་དང་། རྡོ་རྗེའི་རིགས་ཀྱི་བུ་མཆོག་ཁྱོད། །དེ་རིང་ཕྱིན་ཆད་ང་ཡི་བུ། །ང་ཡིས་བསྒོ་བ་བྱ་བ་དང་། །དམ་ཚིག་ལ་ཡང་གནས་པར་བྱ། །ཞེས་བརྗོད།བརྒྱད་པ་སྒྲིབ་སྦྱོང་ནི། སློབ་མ་དཀྱིལ་འཁོར་གྱི་ཤར་སྒོ་ཡིད་ཀྱིས་ཤག་གིས་ཕྱེ་བས་གཞལ་ཡས་ཁང་གི་ནང་ན་ཕྱག་རྒྱ་ཟིལ་གནོན་གྱི་ལྷ་ཚོགས་རྣམས་མངོན་སུམ་དུ་བཞུགས་པ་ལ་མོས་གུས…

མཁའ་ལ་སྤྲིན་ཕུང་འཁྲིགས་པ་བཞིན་དུ་བྱིན་ཏེ། སློབ་མའི་སྤྱི་བོ་དང་བ་སྤུའི་བུ་ག་ནས་ཞུགས་ཏེ་སྙིང་གའི་འཇམ་དབྱངས་ཀྱི་རང་བཞིན་ཧཱུྃ་ལ་གཉིས་སུ་མེད་པར་ཐིམ་པར་གྱུར་པར་བསྒོམས་ལ། གུ་གུལ་གྱི་དུད་པ་བྱ། རོལ་མོ་དབྱངས་དང་བཅས་པས་བྱིན་འབེབས་བདེ་ཆེན་ཆོས་དབྱིངས་མའམ། རྒྱས་པར་སྤྲོ་ན། བདེ་གཤེགས་རྒྱལ་བ་མ་རྫོགས་པར་བྱས་པའི་མཇུག་…

གསོལ། །ཨྱཻ་ཀ་ཡ་མ་པྲ་ཏཱིཙྪ་བཛྲ་ཧོ༔ ཞེས་སྐབས་འདིར་ཕྱག་ལེན་ལ་དཀྱིལ་འཁོར་ལ་མི་དོར་བར་སློབ་དཔོན་གྱི་སྐུ་ལ་མེ་ཏོག་བལྟོས་མེད་དུ་དོར། གང་ལ་བབས་པའི་རིགས་ངོས་བཟུང་ལ་བསྟན། རྩ་སྔགས་དང་པྲ་ཏི་གྲྀཧྞ་མ་ཧཱ་བ་ལ་ཧོཿ ཞེས་མེ་ཏོག་མགོ་ལ་བཞག་ལ་ལྷ་བསྟིམ་མོ། །སྐབས་དེར་སློབ་དཔོན་གྱི་སྐུ་ལ་མེ་ཏོག་ཕོག་ན་རྡོ་རྗེ་བཞད་པ་རྩལ་ལམ། ཟི…

རྗེའི་རོལ་པ་མཚོན་པའི་ཐོད་ཕྲེང་གི་རྭ་བས་བསྐོར་བ། བདེ་བ་ཆེན་པོ་མཚོན་པའི་ཟླ་གམ་གསུམ་དང་བཅས་པའི་ཕྱི་རོལ་ཏུ་ཡེ་ཤེས་བཞི་མཚོན་པའི་ཐོད་མཁར་བཞི། ཡེ་ཤེས་བཅུ་དྲུག་མཚོན་པའི་འཁོར་ལོ་རྩིབས་བརྒྱད་མཚན་དང་བཅས་པ། སྐྱེ་མཆེད་བཅུ་གཉིས་དག་པའི་ལྕགས་མཁར་བཅུ་གཉིས། ཆད་མེད་བཞི་མཚོན་པའི་གྲུ་ཆད་བཞི། འཕྲིན་ལས་བཞི་མཚོན་པའི་ཁྱམས་བ…

ཀྱི་དབང་། རྗེས་དམ་ཚིག་བསྟན་པའོ། །དང་པོ་ལ་མཎྜལ་ཕུལ་ཞིང་གསོལ་བ་གདབ་པ། ཁྲུས་ཀྱི་བུམ་པས་བཀྲུ་ཞིང་ལྷར་བསྐྱེད་པ། ལྷ་བུམ་ལ་ཤིས་བརྗོད་བསྒྲགས་ཏེ་དབང་བསྐུར་བ། ཡོན་ཏན་རྒྱས་བྱེད་ཡེ་ཤེས་ལྔའི་དབང་། བུམ་པའི་དབང་དོན་ངོ་སྤྲད་པ། མཐའ་བརྟེན་གྱི་དབང་ངོ་། །དང་པོ་ནི། ན་མོ་དབང་ཆེན་གཞལ་ཡས་དབུས་ཀྱི་ལྟེ་བ་ལ། །ཞེས་པའམ། ནོར་འཛི…

རྗེ་དང་གཡོན་ཞགས་པ་འཛིན་པ་རྒྱན་དང་ལྡན་པར་གསལ་བཏབ། གསུམ་པ་ནི། དབང་སྟེགས་པདྨ་འདབ་བརྒྱད་བྲིས་པའམ་བསམས་པའི་སྟེང་དུ། སློབ་མ་དཀྱིལ་འཁོར་ལ་མངོན་པར་ཕྱོགས་ཏེ་འདུག་པའི་སྟེང་དུ་གཡས་སུ་གདུགས་དཀར་པོ། གཡོན་དུ་བ་དན་རྒྱལ་མཚན། ཕྱོགས་ཀུན་ཏུ་མཆོད་པས་བསྐོར་ཞིང་། སྟེང་གི་ནམ་མཁའ་ལ་དབང་ལྷ་གཞལ་ཡས་ཁང་དང་བཅས། སངས་རྒྱས་དང་བྱང་…

ཤེས་ལྔའི་རྟོགས་པ་མངོན་དུ་གྱུར། རྒྱལ་བ་རིགས་རྣམ་པ་ལྔས་དབུ་བརྒྱན་པ། དེ་ལ་སངས་རྒྱས་བྱང་སེམས་དཀྱིལ་འཁོར་ལྷ་ཚོགས་དབང་ལྷ་རྣམས་ཀྱིས་མཆོད་པ་བསམ་གྱིས་མི་ཁྱབ་པས་མཆོད། བཀྲ་ཤིས་ཀྱི་མེ་ཏོག་གི་ཆར་དབབ། རོལ་མོའི་སྒྲ་བསྒྲགས་ནས་ཁམས་གསུམ་ཆོས་ཀྱི་རྒྱལ་པོ་ཆེན་པོར་མངའ་གསོལ་ལོ། །བཞི་པ་ནི། སློབ་བུའི་མགོ་ཐོག་ཏུ་དབུ་རྒྱན་བཞག…

ཚེ་བདག་ངོ་བོ་འདི་ལྟ་སྟེ། །ཐམས་ཅད་ཆོས་སྐུ་ངོ་བོ་གཅིག །ལྷུན་གྲུབ་ཡེ་ཤེས་ཆེན་པོའི་སྐུ། །སྣ་ཚོགས་སྣང་བ་སྤྲུལ་པའི་སྐུ། །རོལ་པ་གསུམ་གྱི་ངང་དུ་རྫོགས། །ཞེས་སོ། །ཡོན་ཏན་ནི། ཡོན་ཏན་རིན་པོ་ཆེ་ལྟ་བུ། །ཀུན་འབྱུང་འཕེལ་འགྲིབ་མེད་པར་གནས། །ལྷུན་གྲུབ་ཚེ་བདག་དངས་མ་ལྔ། །རྒྱུ་རྐྱེན་འཕྲོ་འདུའི་རྩོལ་དང་བྲལ། །ཕྱག་རྒྱ་ཆེན་པ…

ཐིག་ལེ་བཅུད་ལ་སྡུད། །སྣང་སྲིད་སྐྱེ་འགྲོ་མ་ལུས་ཀྱི། །ཚེ་སྲོག་ཡི་གེ་གཉིས་བསྡུས་འཆང་། །ཕྱག་རྒྱ་གཅིག་པའི་ཚེ་བདག་ནི། །གདན་ལ་ཡབ་ཡུམ་བྱ་ཁྱུང་དྲེགས། །རྒྱན་གྱི་སྔགས་དང་གབ་པའི་སྔགས། །ལུས་བསྲུང་དྲག་པོ་འཇོམས་པས་སོ། །སྤྲུལ་པའི་ཚེ་བདག་ནག་པོ་ནི། །ཟིལ་གནོན་ཐུགས་ཀྱི་སྤྲུལ་པ་སྟེ། །དབུ་དགུ་ལས་དང་ཡོན་ཏན་སྟོབས། །གནད་དགུ…