༄༅།། འཕགས་པ་འཇམ་དཔལ་དབྱངས་ཀྱི་མཚན་ཡང་དག་པར་བརྗོད་པ་བསྟོད་པ་གླུ་བླངས་ཀྱི་རྒྱུད་དོན་འབྲུ་ནོན་གྱི་ཚུལ་དུ་བཤད་པ་ལེགས་བཤད་ལུང་གི་འབྲུག་སྒྲ་ཞེས་བྱ་བ་བཞུགས་སོ།། ༄༅།། ཡང་དག་གསུང་གི་འབྲུག་སྒྲ་སྙན་པའི་རྔ་བོ་ཆེ་དབྱངས་བསོད་ཅན་གདུལ་བྱ་སྤྲིན་ལ་དགའ་བའི་རྣ་བར་ལྷུངས་མ་ཐག། རྣམ་བྱང་ལམ་གྱི་དགའ་བ་རབ་བཞད་ཟག་མེད་འབྲས་བུའི…

དེ་ཡང་མཚན་དང་ཕྱག་འཚལ་བ་ནི་སྨོས་མ་ཐག་པའི་ས་བཅད་དེ་བཅུ་བཞིའི་ནང་དུ་མི་འདུས་པས་ན་གཞུང་འགྲེལ་སྤྱི་ཁོག་གི་ས་བཅད་ལ་ནི། དོན་རྣམ་པར་ངེས་པ་ཆོས་ཀྱི་རྣམ་གྲངས་ཀྱི་མདོ་ལས། དེ་ནས་བཅོམ་ལྡན་འདས་ཀྱིས་སྤྲིན་ལྟར་ཟབ་ཅིང་སྙན་ལ་རྒྱ་ཆེ་བའི་ཚངས་པའི་དབྱངས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ཁྱེད་ལ་ཆོས་བཤད་པར་བྱ་སྟེ།…

གཉིས་པ་བར་དུ་དགེ་བ་གཞུང་གི་དོན་ལ་ནི། པྲ་ཛྙཱ་གུ་རུའི་དོན་བསྡུས་མཚན་གྱི་སྒྲོན་མེ་ལས། སངས་རྒྱས་ཀུན་གྱི་ཡེ་ཤེས་སྐུ། །གཙུག་ཏོར་ཆེན་པོ་ཚིག་བདག་གི །མཚན་རྣམས་ཡང་དག་བརྗོད་པ་ལ། །སྤྱི་དོན་བཅུ་བཞི་དེར་བསྡུས་བཞི། །དེ་ལ་སྤྱི་དོན་བཅུ་བཞི་ཡི། །རྣམ་པར་དབྱེ་བར་བྱ་བ་ནི། །ཞུས་ནས་སླར་གསུངས་རིགས་གཟིགས་དང་། །སྒྱུ་འཕྲུལ་མང…

གསུམ་པ་ཐ་མར་དགེ་བ་མཇུག་གི་དོན་ནི། མཛད་པ་པོའམ་གསུང་བ་པོ་སུ་ཡིས་གསུངས་པ་དང་། འགྱུར་བྱང་བསྟན་པ་དང་གཉིས་ལས། དང་པོ་ནི། བཅོམ་ལྡན་འདས་འཇམ་དཔལ་ཡེ་ཤེས་སེམས་དཔའི་དོན་དམ་པའི་མཚན་ཡང་དག་པར་བརྗོད་པ། བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས་གསུངས་པ་རྫོགས་སོ། །ཞེས་པ་སྟེ། དོན་གོ་ཤིན་ཏུ་སླའོ།། གཉིས་པ་ནི། རྒྱ་གར་གྱི་མ…