འོངས་ཐར་པ་ཐོབ་པའི་ལུང་ཡང་བསྟན༔ བོད་ཁམས་ཐམས་ཅད་སྐྱོང་ཞིང་སྲུང་བ་དང་༔ མི་མཐུན་བར་ཆད་ཞི་བར་བཀའ་བསྒོས་བཞིན༔ ཇི་ལྟར་བཅོལ་བའི་ཕྲིན་ལས་འགྲུབ་པར་མཛོད༔ ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

འཇམ་དཔལ་གཤིན་རྗེ་ཁྲོ་ཆུ་དུག་གདོང་གི་ཟིན་བྲིས་ཆེན་པོ་རབ་གསལ་པོད་ཆུང་གི་དཀར་ཆག་ཐེམ་བྱང་བཞུགས་སོ༔

ན་མོ་མཉྫའི་ཡེ༔ འཇམ་དཔལ་གཤིན་རྗེའི་གཤེད་ལ་ཕྱག་འཚལ་ལོ། །ཁྲོ་ཆུ་དུག་གདོང་ཟིན་བྲིས་དཀར་ཆག་བཀོད། །མ་གཤིན་དྲེགས་པའི་ཚོགས་རྣམས་བཀའ་གནང་སྩོལ། །འཇམ་དཔལ་ཁྲོས་རྒྱུད་ཟླ་གསང་ནག་པོའི་རྒྱུད། །དེ་ཡི་རྒྱུད་གཞུང་ཚད་ལྡན་འཕངས་ཡུལ་དུ། །སྣང་བྱེད་འཇམ་དཔལ་བཤེས་གཉེན་ཞེས་གྲགས་པ། །ཉིད་ཀྱིས་སྤྱན་དྲངས་རྒྱུད་གཞུང་བརྡ་བཀྲོལ་ཚེ། །…

གཞུང་། །བོད་དུ་གནུབས་སྟོན་སངས་རྒྱས་ཡེ་ཤེས་ཀྱིས། །རྒྱུད་དང་སྒྲུབ་སྐོར་དཔག་མེད་གདན་དྲངས་ནས། །སྒྲགས་ཀྱི་ཡང་རྫོང་བསྒྲུབས་པས་ལྷ་ཞལ་གཟིགས། །མཐུ་སྟོབས་དབང་གིས་བྲག་ལ་ཕུར་པ་བཏབ། །མུ་སྟེགས་བོན་སོགས་བསྟན་དགྲ་ཐམས་ཅད་བསྒྲལ། །དེ་ནས་སློབ་དཔོན་པདྨ་འབྱུང་གནས་དང་། །འཇམ་དཔལ་བཀའ་བབ་སངས་རྒྱས་ཡེ་ཤེས་ཀྱིས། གཤིན་རྗེའི་རྒྱུ…

བཅད་དོ། །ལས་ཅན་རྣམས་ལ་ཆོས་བཀའ་སོ་སོར་གཏད། །གནུབས་སྟོན་དར་དབང་ཡ་བ་ཤཱཀ་རྡོར་དང་། །མཚུངས་མེད་ཨ་གྲགས་མཁས་གྲུབ་རིན་ཆེན་དབང་། །རྒྱལ་སྲས་སྨན་ལུང་མི་བསྐྱོད་རྡོ་རྗེ་སོགས། །མཁས་གྲུབ་མང་པོ་རྣམས་ཀྱིས་ཐུགས་དམ་མཛད། །སྙིགས་དུས་སི་ཏུ་བསོད་ནམས་རྣམ་རྒྱལ་དང་། །རིག་འཛིན་ཆེན་པོ་དབང་པོའི་སྡེ་ལ་སོགས། །སྐྱེས་ཆེན་དམ་པ་རྣམས་…

ཡོད་། །ལྷ་གྲངས་ཤེས་ཤིང་ལྷ་མང་ཚང་བའི་ཕྱིར། །བསྐང་ཟློག་བསྐུལ་རིང་གནམ་ལྕགས་རྔམ་སྒྲ་ཡོད། །དེ་རྣམས་འདོན་ཆ་སྒྲིག་ཆོག་གཞུང་གིས་བརྒྱན། །དེ་ནས་ཟིན་བྲིས་ཀ་ཐེམ་སྨོས་པ་ནང་། ༼ཀ༽ །ཡིད་ཆེས་དང་བ་དད་པ་སྐྱེ་བའི་ཕྱིར། །འཇམ་དཔལ་ལོ་རྒྱུས་ཤིན་ཏུ་གསལ་བ་ཡོད། ༼ཁ༽ །བྱིན་རླབས་དབང་ནི་ཆུ་རྒྱུན་མི་འཆད་ཕྱིར། །བླ་མ་བརྒྱུད་པ་དབང་གི…

འཁྲུགས་བསལ་བའི་ཟིན་བྲིས་ཡོད། ༼ཐ༽ །རང་གཞན་སྲུང་ཞིང་གཞན་གྱིས་མི་ཚུགས་ཕྱིར། །ལས་ཚོགས་རང་གཞན་སྲུང་བའི་ཟིན་བྲིས་ཡོད། ༼ད༽ །བཏགས་ཆོག་རྒྱལ་པོ་རང་གཞན་བ སྲུང་བའི་ཕྱིར། །སྲུང་འཁོར་བྲི་ཐབས་དཔེ་བུམ་གསལ་བ་ཡོད། ༼ན༽ །ཕ་རོལ་རྦོད་གཏོང་གནོད་པ་བཟློག་པའི་ཕྱིར། །ཟློག་པའི་མན་ངག་ཀུན་གྱི་ཟིན་བྲིས་ཡོད། ༼པ༽ །དམ་ཉམས་དགྲ་ལ་མྱུར…

སྲོག་སྔགས་བསྒྲུང་བའི་ཕྱིར། །སྔགས་སྒོམ་སྤུ་གྲི་འབར་བའི་འཁོར་ལོ་ཡོད། ༼ཞ༽ །བསྟན་ལ་ཐུག་པའི་དགྲ་བོ་བྱུང་སྲིད་ན། །སྲོག་སྒྲུབ་ཆེན་མོ་ཙིཏྟ་དམར་འབྱིན་ཡོད། ཟ་དེ་ཡི་ཕྱག་ལེན་གབ་པ་མངོན་ཕྱུང་ཕྱིར། །ལིངྒ་བྲི་ཐབས་ཞལ་ཤེས་སྣ་མང་ཡོད། ༼འ༽ །ལྷ་ཉིད་གནད་ལ་ཤིན་ཏུ་དབབ་པའི་ཕྱིར། །གནད་འབེབ་རྒྱུད་ལུང་སྲོག་རྩ་དམར་འདྲེན་ཡོད།། ༼ཡ…

ཆུབ་ལམ་དུ་འགྲོ་བའི་ཕྱིར། །ཟིན་བྲིས་བརྩམ་དོན་སྨོན་ལམ་བཅས་པ་ཡོད། །དེ་ལྟར་འཇམ་དཔལ་ཁྲོ་ཆུ་དུག་གདོང་གི། །རྒྱུད་དང་རྒྱ་གཞུང་མན་ངག་ཉམས་ལེན་ཕྱིར། །ཟིན་བྲིས་ཆེན་མོ་རབ་གསལ་པོད་ཆུང་པོ། །དེ་ཡི་དགེ་བས་འགྲོ་རྣམས་རྨོངས་པ་ཡི། །མི་ཤེས་འཁྲུལ་པའི་དྲི་མ་རབ་བསལ་ནས། །འགྲོ་བ་ཐམས་ཅད་གསལ་བའི་ཉིན་བྱེད་ཀྱི། །གངས་ཅན་གསང་སྔགས་བ…

བཅོམ་ལྡན་འཇམ་དཔལ་ལས་ཀྱི་གཤིན་རྗེ་ཁྲོ་ཆུ་དུག་གདོང་གི་ལོ་རྒྱུས་ཟིན་བྲིས་མདོར་བསྡུས་རབ་ཏུ་གསལ་བ་བཞུགས་སོ།།

རྒྱ་གར་སྐད་དུ། ཙན་གུ་རྒྱ་ཀཱ་ལ་ཏན་ཨུ་པ་དེ་ཤ་ན་མ། བོད་སྐད་དུ། ཟླ་གསང་ནག་པོའི་རྒྱུད་ཀྱི་མན་ངག་ཅེས་བྱ་བ། བཅོམ་ལྡན་འདས་འཇམ་དཔལ་གཤིན་རྗེའི་གཤེད་ལ་ཕྱག་འཚལ་ལོ། །ལོ་རྒྱུས་དོན་གྱིས་མ་བཤད་ན། །གསང་ཆེན་ངེས པའི་བཀའ་འདི་ལ། །ཡི་མི་ཆེས་པའི་སྐྱོན་དུ་འགྱུར། །ཞེས་གསུངས་པས། འདིའི་ལོ་རྒྱུས་ལ་བཞི་སྟེ། ལྷ་དངོས་ཇི་ལྟར་བྱུང་…

ཕྱོགས་འཇིག་རྟེན་གྱི་ཁམས་གཤིན་རྗེ་དམྱལ་བའི་ཡུལ་དམེ་ནག་བྱ་བ་ན། ལས་ཀྱི་གཤིན་རྗེ་ཚེ་བདག་སྲོག་བདག་འཆི་བདག་གསུམ་བསྡོངས་ནས་སྐུ་གཅིག་ཏུ་བརྫུས་ཏེ་སྐྱེས་པ་གཤིན་རྗེ་ཁྲོ་ཆུ་དུག་གདོང་ཞེས་བྱ་བ་བྱུང་སྟེ། འཁོར་ལས་ཀྱི་གཤིན་རྗེ་བྱེ་བ་དུང་ཕྱུར་དང་བཅས་པས། ཁམས་གསུམ་སྲིད་གསུམ་འགྲོ་དྲུག་སྐྱེ་འགྲོ་ཐམས་ཅད་དུས་གཅིག་ཏུ་ཟོས་ནས…

བཅུ་མངའ་བ་རྫུ་འཕྲུལ་ཐོགས་མེད་ཀྱིས་དབང་བསྐུར་ནས་དམ་ལ་བཏགས། རང་རྟགས་སྲོག་གི་སྙིང་པོ་མདངས་གསོལ་དུ་ཕུལ། ཕྱི་རབས་ཀྱི་སྔགས་འཆང་རྣམས་ཀྱིས་བསྒྲུབ་ན་འཇིག་རྟེན་གྱི་ཁམས་ཀྱི་ལྷ་འདྲེ་མི་གསུམ་ཐམས་ཅད་དང་ནང་པའི་ཁྱད་མ་ལྷ་སྲུང་དང་བཅས་པ། ཕྱི་པ་མུ་སྟེགས་ལ་སོགས་ཤིན་ཏུ་རྒྱ་ཆེ་བ་འབུམ་ཕྲག་རྣམས་ཀྱང་སྐད་ཅིག་དུས་གཅིག་ལ་ཞག་བདུ…

ཀྱི་ཡིག་སྒྲ་ཐམས་ཅད་ཡེ་ཤེས་ཀྱི་མེས་བསྲེགས་ནས་མུ་སྟེགས་ཀྱི་བསྟན་པ་གཅིག་ཀྱང་མེད་པར་བྱས། སངས་རྒྱས་ཀྱི་བསྟན་པ་ནི་དར་ཞིང་རྒྱས་སོ། །གསང་བ་ལྟར་ན་ཆོས་སྐུ་ཀུན་ཁྱབ་ཀུན་ཏུ་བཟང་པོའི་ཀློང་ན། ལོངས་སྐུ་འཇམ་དཔལ་རིགས་ལྔའི་ངེས་པ་ལྔ་ལྡན་དུ་བཞུགས་པ་ལས། སྤྲུལ་སྐུ་ལས་གཤིན་ཁྲོ་ཆུ་དུག་གདོང་གི་སྐུར་སྤྲུལ་ནས། གདུག་པ་ཅན་ཐམས་ཅད…

སོགས་པ་མཐའ་ཡས་པ་གསུངས་སོ། །རྒྱུད་དེ་རྣམས་ལྷ་མ་སྲིན་སྡེ་བརྒྱད་དང་མཁའ་འགྲོ་མ་རྣམས་ཀྱིས། རིན་པོ་ཆེ་དང་གནམ་ལྕགས་དང་རུས་པའི་སྒྲོམ་བུར་བཅུག་ནས། དུར་ཁྲོད་ཆེན་པོ་བསིལ་བའི་ཚལ་གྱི་མཆོད་རྟེན་བདེ་བྱེད་བརྩེགས་པ་དང་། ལྷོ་ཕྱོགས་སྐུ་ལ་རྫོགས་པའི་དུར་ཁྲོད་དང་། ཨོ་རྒྱན་མཁའ་འགྲོའི་གནས་དང་། རྒྱ་གར་ལྷོ་ཕྱོགས་མཆོད་རྟེན་དཀ…

དགའ་རབ་རྡོ་རྗེས་མཁྱེན་ནས། འདི་འཇམ་དཔལ་གྱིས་བྱིན་གྱིས་བརླབས་པ་ཡིན་པས་མིང་ཡང་འཇམ་དཔལ་བཤེས་གཉེན་ཞེས་བྱའོ། །ཞེས་གསུངས་སོ། །དེ་ཡང་འཇམ་དཔལ་གྱི་རྒྱུད་ཕལ་ཆེར་མི་ཡུལ་དུ་སྣང་བ་སློབ་དཔོན་འདིའི་སྐུ་དྲིན་ཡིན་ཏེ། སྔོན་ཁྲོ་གྱི་པཎྜི་ཏ་ཞིག་གིས་ཨོ་རྒྱན་ནས་འཇམ་དཔལ་གྱི་རྒྱུད་རྣམས་སྤྱན་འདྲེན་པར་བརྩམས་པ་ན། ཨོ་རྒྱན་གྱི་རྒ…

ཞལ་དང་བཅུ་དགུ་ཡོད་པ་གཅིག་གིས་བསྲུངས་ནས། བཤད་པ་དང་བྲི་བ་དང་ཁྱེར་བའི་དབང་མེད། ལྟ་བ་དང་བློ་ལ་བཟུང་རུང་ཙམ་ཡོད་པར་གྲགས་སོ། །དེ་ནས་སློབ་དཔོན་འཇམ་དཔལ་བཤེས་གཉེན་དུར་ཁྲོད་བསིལ་བ་ཚལ་དུ་དགོངས་པ་ལ་བཞུགས་ནས། ལྷ་མ་སྲིན་སྡེ་བརྒྱད་དབང་དུ་བསྡུས་ཤིང་དམ་ལ་བཏགས་པས། མཁའ་འགྲོ་མ་ལས་ཀྱི་དབང་མོ་ཆེས་གནང་བ་བྱིན་ནས། མཆོད་རྟེན་…

གཏེར་ནས་བཏོན། དེ་ནས་དུར་ཁྲོད་བསིལ་བ་ཚལ་དུ་སློབ་དཔོན་པདྨ་ཉིད་འཇམ་དཔལ་དམར་པོའི་སྐུར་སྤྲུལ་ནས་ལྷ་ལས་གྱུར་པའི་བགེགས་ཐམས་ཅད་བསྒྲལ་ཏེ་རིག་པ་དབྱིངས་སུ་བསྟིམས་པས། མཚན་ཚེ་བདག་ཆེན་པོར་གྲགས་སོ། །ཧ་ལ་གདོང་དྲུག་ཏུ་སྤྲུལ་ནས་བཙན་འགོང་ཐམས་ཅད་བསྒྲལ་ཏེ་རིག་པ་དབྱིངས་སུ་བསྟིམས་པས། མཚན་སྐུ་མཆོག་དམར་པོར་གྲགས་སོ། །གཤིན་རྗ…

བསྒྲལ་བ་དང་། གནུབས་སངས་རྒྱས་ཡེ་ཤེས་ཀྱིས་མཛད་ནས་ཕོ་ངོ་བརྒྱད་ཅུ་གྱ་བདུན་བསྒྲལ་བ་སོགས་སློབ་དཔོན་མང་པོས་མཛད་པ་སོགས་ཡོད་དོ། །དེ་ཡང་འཇམ་དཔལ་གསང་རྒྱུད་ལས ཟས་ངན་ལྕི་བ་ཟ་བ་དང་༔ ལས་ངན་སྡིག་པ་བྱེད་པ་དང་༔ གོས་ངན་རེ་བ་གྱོན་པ་དང་༔ མཚམས་མེད་ལྔ་ནི་བྱེད་པའི་ཚེ༔ དེ་ཚེ་ང་ཡི་བསྟན་པ་འབྱུང་༔ ཞེས་གསུངས་པ་ལྟར་སྙིགས་མ་ལྔ་བད…