མགོན་པོའི་རྒྱུད་ཁྲག་མཚོ་ཁོལ་མར་དབང་ཕྱུག་ལ་བསྟོད་པ། མཐུ་སྟོབས་རྩལ་ལྡན་རྩ་གསུམ་དབང་བྱེད་པ། །ཕ་རོལ་རྒོལ་བའི་ནུས་པ་ཚར་གཅོད་ཅིང་། །བདུད་དཔུང་ཟློག་བྱེད་ཡོན་ཏན་རྒྱལ་པོ་ཆེ། །ཉན་རང་སངས་རྒྱས་བྱང་ཆུབ་སེམས་དཔའ་ལ། །རྟག་ཏུ་ཁྱོད་ནི་རབ་ཏུ་མཆོད་བྱེད་པ། །ཞེས་གསུངས་སོ། །དེ་ལྟར་མུ་སྟེགས་དབང་ཕྱུག་ཐུགས་རྗེ་ཆེན་པོའི་སྤྲུལ…

སོགས་རིག་གནས་ཐམས་ཅད་ཀྱང་སྤྱན་རས་གཟིགས་ལས་བྱུང་བས། རིག་པ་ཐམས་ཅད་དང་མཐུན་ལ། འདི་ནི་བྱང་ཆུབ་ཐོབ་ཐབས་ཡིན་ཡང་ཁྱད་པར་འཕགས་སོ། །བཀའ་གདམས་བུ་ཆོས་རྒྱལ་བུ་བློ་གྲོས་འཕེལ་གྱི་སྐྱེས་རབས་ལས། རྒྱལ་བུས་སྨྲས་པ། སེམས་ཅན་དག་ལ་བློ་རིག་སྟེ། །མིང་ཡང་དེ་དང་མཐུན་པར་འདོགས། །ལྷ་ཡང་ཐ་དད་དུ་མ་སྐད། །རྒྱ་གར་ནང་པའི་བློ་ངོ་ན། །ང་ན…

བོན་གྱིས་འདུལ་བར་དགོངས་ནས་གཤེན་རབ་ཏུ་སྤྲུལ་ནས་བོན་བསྟན། ཞེས་དང་། བོན་གྱི་གཞུང་ལས་ཀྱང་། དུ་ཏྲི་འཁོར་བའི་ཕྱགས་བདར་ཡིན། །མ་ཎི་འདྲེན་པའི་ལྕགས་ཀྱུ་ཡིན། །ཞེས་བསྟོད་ཅིང་བསྔགས་པ་བརྗོད་པས། ཐུགས་རྗེ་ཆེན་པོའི་ཆོས་འདི་བོན་དང་རྩིས་རྣམས་དང་ཡང་མཐུན་ལ། དེ་བས་དུང་ཕྱུར་གྲངས་མེད་ལྷག་ཅིང་ཁྱད་པར་དུ་འཕགས་ཏེ། རྒྱལ་བུ་བློ་…

མྱུར། །འཕྲལ་དགའ་ཕུགས་ནི་ངན་འགྲོ་འགྱུར། །ཞེས་གསུངས་པས་ནང་པ་བཟང་བར་ཤེས་སོ། །ཐུགས་རྗེ་ཆེན་པོ་ཕྱག་སྟོང་སྤྱན་སྟོང་ལས་སངས་རྒྱས་སྟོང་སྤྲུལ་པར་གསུངས་པས་སྟོན་པ་ཤཱཀྱ་ཐུབ་པ་ཡང་ཐུགས་རྗེ་ཆེན་པོའི་སྤྲུལ་པ་ཆ་གཅིག་ཡིན་ལ། སྡེ་སྣོད་གསུམ་ནི་ཐུབ་པས་གསུངས་པའི་ཕྱིར་དང་། སྡེ་སྣོད་གསུམ་ཀ་ལ་སྤྱན་རས་གཟིགས་ཡོངས་སུ་གྲགས་ཤིང་མད…

སོ། །ཕ་རྒྱུད་གསང་འདུས་ནས། ཐུགས་རྗེ་ཆེན་པོ་གསང་འདུས་འཇིག་རྟེན་དབང་ཕྱུག་སྒྲུབ་ཐབས་གསུངས་པ་དང་། མ་རྒྱུད་དགྱེས་རྡོར་གྱི་བཤད་རྒྱུད་རྡོ་རྗེ་གུར་ལས། ཐུགས་རྗེ་ཆེན་པོ་འཇིག་རྟེན་དབང་ཕྱུག་སྒྲུབ་ཐབས་སྔགས་ཡིག་དྲུག་ཕཊསྭཱ་ཧཱ་ཅན་གསུངས་པ་དང་། བདེ་མཆོག་ནི་སྔོན་དྲག་པོ་དབང་ཕྱུག་འདུལ་ཕྱིར་རྣམ་སྣང་ཆེན་པོའི་སྤྲུལ་པར་བཤད་ལ…

ཐུགས་རྗེ་ཆེ་བསྒྲུབ་བདེ་གཤེགས་ཀུན་འགྲུབ་འགྱུར། །ཞེས་གསུངས་པ་དང་། བཀའ་གདམས་གླེགས་བམ་ལས། ལྷ་བཞི་གདམས་པའི་སྐབས་སུ་སྤྱན་རས་གཟིགས་ལ་བསྟོད་པ། ཞི་བ་ཐུགས་རྗེ་མཚུངས་མེད་པ། །ཐུགས་རྗེའི་ཚོགས་རབ་དཔག་མེད་པ། །སྤྱན་རས་གཟིགས་ཀྱི་ངོ་བོ་ཉིད། །ཅེས་དང་། རྒྱལ་བ་སྲས་བཅས་མ་ལུས་པའི། །ཕོ་བྲང་ཉིད་ཀྱང་དེ་ཉིད་ཡིན། །བུ་ག་གཅིག་ན་…

བཟླས་པས་མཆོག་ཐུན་མོང་ཐམས་ཅད་འགྲུབ་པར་གསུངས་པས་ཀྱང་ངོ་མཚར་ཆེའོ། །གཞན་གསང་སྔགས་ཅི་ཙམ་ཟབ་པ་བཞིན་དུ་དམ་ཚིག་སོགས་དང་མ་ལྡན་ན། །ལྟུང་བ་ཚབ་ཆེ་བས་སྐྱོན་ཡོན་ཤིན་ཏུ་ཆེ་ལ། འདིར་པདྨ་རྒྱལ་པོའི་རྒྱུད་ལས། ལྟུང་བ་རྣམས་ཀྱིས་མི་འཇིགས་སོ། །ཆོས་ཀྱི་རྩ་བ་འདི་ཟིན་ན། །ཡན་ལག་ཐམས་ཅད་འདུས་པ་ཡིན་། །ཞེས་གསུངས་སོ། །སྔགས་གཞན་ནི་འ…

རིན་པོ་ཆེས་ལུང་བསྟན་པ། མཁས་པ་ཅི་འདྲ་འོང་ན་རྒྱ་གར་གྱི་པཎྜི་ཏ་དང་། ད་ལྟའི་ལོ་པཎ་ཚད་མ་འདི་དག་སྨོན་ལམ་གྱིས་བོད་དུ་སྐྱེ་བ་བླངས་ནས་མཁས་པ་ཚད་མ་བསྟན་ལ་ཕབ་པ་ཡང་འགའ་ཙམ་འབྱུང་། ཡང་མངའ་བདག་ཁྲི་སྲོང་གི་གདུང་རྒྱུད་དྲུག་བདུན་ཙམ་མར་སོང་དུས། བོད་ཐམས་ཅད་ལོ་ཙཱ་བར་གྲགས་པ་སྟེ། མི་ཕྱེད་རྒྱ་གར་དུ་ཐག་ལྟར་འདྲེན། ཐམས་ཅད་རང་ག…

ཁུངས་བཅོས་ཁུལ་རེ་བྱས་ནས་ངའི་འགྱུར་བཟང་ཟེར། ད་ལྟ་སྤྲུལ་པའི་ལོ་པཎ་རྣམས་མི་བཟང་ན། མ་འོངས་པའི་བོད་ཕྲུག་སོ་སོའི་སྐྱེ་བོ་རྣམས་མི་མཁས་གསུངས། །དེར་བོད་ཕྲུག་ལོཙྪ་བར་གྲགས་པ་རྣམས་རྒྱུད་འཕྲོས་ནས། མན་ངག་ཅུང་ཟད་རེ་ལ་བཅོས་ཆུང་དང་གབ་སྦས་དང་། འདྲ་མིན་མང་པོ་འཆོས། རྒྱ་གར་གྱི་ཁུངས་དང་བརྒྱུད་པ་ཡང་ལོགས་ནས་འདྲེན། བོད་རྣམས…

པའི་གཏེར་མ་ལས། ཐུགས་རྗེ་ཆེན་པོ་རྒྱལ་བ་རྒྱ་མཚོའི་སྒྲུབ་ཐབས་ཡབ་ཡུམ་གཉིས་མེད་ཀྱི་རྒྱུད། པདྨ་རྒྱལ་པོ་དང་པདྨ་ཟབ་པའི་བརྒྱུད་ནས་བཏུས་ཏེ། དགེ་སློང་པདྨ་འབྱུང་གནས་ཀྱིས་མཛད་པའོ། །ཞེས་བྱུང་བ་དང་། མངའ་བདག་ཉང་དང་གྲུབ་ཐོབ་དངོས་གྲུབ་ཀྱི་གཏེར་མ་ཨོ་རྒྱན་གྱིས་མཛད་པའི་རྒྱལ་བ་རྒྱ་མཚོའི་ལེའུ་བཅུ་གཉིས། བལ་པོ་མཉྫ་ཤི་ནས་སྲོ…

མིང་ཙམ་མ་གྲགས་པའི་ཕྱིར་དང་། སྔགས་དང་རྒྱ་སྐད་ལ་བོད་སྐད་དང་བོད་ཡིག་འདྲེས་པ་དང་། གསར་མ་དང་མི་མཚུངས་པའི་ཆོས་སྐད་མང་པོ་གདའ་བ་དང་། ཡི་༧གེ་བཏགས་པས་སངས་རྒྱས་ཟེར་བ་དང་། རིལ་བུས་སངས་རྒྱས་ཟེར་བ་དང་། ཐུབ་པ་དྲུག་རྫོགས་པའི་སངས་རྒྱས་ཡིན་ཟེར་བ་དང་། སེམས་གློ་བའི་ནང་དུ་ཡོད་ཟེར་བ་དང་། རྩོམ་ལུགས་ལ་བླུན་ཚིག་འདྲེས་པ་དང་།…

ཡང་འདི་ལ་ཚང་སྟེ། སྤྱིར་ཐུགས་རྗེ་ཆེན་པོའི་སྒོམ་བཟླས་འདི་ཆོས་ཡིན་པས་བོད་ཐམས་ཅད་ཡིད་ཆེས། བོད་དུ་མཁས་ཤིང་མཁས་པར་གྲགས་པ། སྔོན་གྱི་སྐ་ཅོག་ཞང་གསུམ། བར་དུ་ལོ་ཆེན་རིན་ཆེན་བཟང་པོ། ལོ་ཆུང་ལེགས་པའི་ཤེས་རབ་ཁུ་དབོན། ཕྱིས་ས་པཎ་བུ་སྟོན། གསང་ཕུ་སེང་ཆེན་བརྒྱད། ཙོང་ཁ་པ་དཔོན་སློབ་གསུམ། འཇམ་དབྱངས་ཆེན་པོ་དང་མི་བསྐྱོད་རྡོ…

ཏེ། སྔ་འགྱུར་མདོ་རྒྱུད་ཉི་ཤུ་རྩ་གཅིག །ཕྱི་འགྱུར་པདྨ་དྲྭ་བ་སོགས་མཐའ་ཡས་པ་ད་ལྟ་དངོས་སུ་ཡོད་པ་འདི་ག་ཡིན། ལོ་པཎ་གྱིས་བསྒྱུར་ངོ་ཤེས་པ་ཡང་འདི་ཡིན་ཏེ། སྔོན་བེ་རོ་ཙཱ་ན་རྒྱལ་བ་མཆོག་དབྱངས་སོགས་དང་། སྲོང་བཙན་དུས་ཐོན་མི་སམ་བྷོ་ཊ། ཕྱིས་ལོ་ཆེན་རིན་ཆེན་བཟང་པོ་སོགས་ཀྱིས་བསྒྱུར་བ་འདི་ཡིན། ཚིག་དོན་ལ་མཁས་པས་དཔྱད་བཟོད་…

རང་བཟོའི་མདོ་རྒྱུད་ལ། །མཁས་པས་ཡིད་བརྟན་མི་བྱའོ། །ཞེས་སོགས་སྡོམ་གསུམ་རབ་དབྱེ་དང་། ཐུབ་པ་དགོངས་གསལ་དང་། ཕྱོགས་བཅུའི་སྤྲིང་ཡིག་རྣམས་ནས། དངོས་སམ་ཤུགས་ཀྱིས་བོད་དུ་དར་བའི་གསར་རྙིང་གི་མདོ་རྒྱུད་དུ་མ་བཀག་པར་མཛད་ཀྱང་། ཐུགས་རྗེ་ཆེན་པོ་རྒྱལ་བ་རྒྱ་མཚོ་ལ་ནི་དངོས་ཤུགས་གང་ནས་བཀག་པ་མི་སྣང་ལ། ལྷག་པར་པདྨ་ཟབ་པའི་རྒྱུད…

ནས། ལྷ་བཙན་པོ་ཞི་བ་འོད་ཁུ་དབོན་གྱིས་ཡོན་བདག་མཛད་ནས། སྔགས་མཚན་ཉིད་མང་དུ་བསྒྱུར་ཞིང་ཁྱད་པར་པདྨ་ཟབ་པའི་རྒྱུད་འདི་ཉིད་རྒྱ་གར་གྱི་མཁན་པོ་ཆོས་ཀྱི་སྙིང་པོ་དང་། བོད་ཀྱི་ལོ་ཙཱ་བ་རིན་ཆེན་བཟང་པོས་མངའ་རིས་སུ་བསྒྱུར་ཅིང་ཞུས་ཏེ་གཏན་ལ་ཕབ་པའོ། །ཞེས་གསུངས་སོ། །པདྨ་ཟབ་པའི་རྒྱུད་འདི་ཡང་རྒྱ་གར་གྱི་མཁན་པོ་ཨ་མོ་གྷ་རཀྟི་ད…

ཁུངས་བཙུན་ཞིང་། ཏི་ཕུ་པས་རས་ཆུང་བ་ལ་གནང་སྟེ། རས་ཆུང་བས་རྒྱ་གར་ཕལ་སྐད་ནི། ཕྱག་བཞི་པའི་སྤྲུལ་པ་ཨ་ཙ་ར་གཅིག་གིས་བསླབས་པས་ཤེས་ཤིང་དབང་ལུང་ལ་ལོ་ཙཱ་མི་དགོས་ལ། ལེགས་སྦྱར་སྐད་དང་སྒྲ་ཡིག་མཁས་པ་མི་མཁྱེན་པས། ཆོས་ལོ་ཙཱ་བ་འགོས་ལོ་དང་རྨ་ལོ་གཉིས་ལ་གསེར་བྱིན་ནས་བསྒྱུར་བཅུག་ཀྱང་ཕྲག་དོག་གིས་ཐད་ལ་མ་བསྒྱུར་བ་ཏི་ཕུས་མཁྱེ…

མཚོའི་ཆོས་འདི་ལ་ལོ་ཙཱ་བའི་ཚིག་ལྷད་སོགས་མ་དག་པའི་ཆ་མེད་ངེས་པའོ། །ཡང་བྷ་ག་ལའི་ཕག་མོས་ཏ་ལའི་ལོ་མ་ལ་མཁའ་འགྲོའི་བརྡ་ཡིག་སུ་བཀོད་ནས་རས་ཆུང་བ་ལ་གནང་བ་དེ་ཕྱིས་གཉན་ཆུང་ལོ་ཙཱ་བས་བསྒྱུར་རོ། །གཉན་ཆུང་ལོ་ཙཱ་བ་ཡང་སྒྲ་དང་ཐ་སྙད་ལ་མཁས་པ་ཞིག་གོ །ཡང་བལ་པོ་མཉྫ་ཤིས་རྒྱལ་བ་རྒྱ་མཚོ་སྦ་ལྕག་མའི་སྐོར་རྒྱལ་པོ་སྲོང་བཙན་ལ་གནང་བ…

ཆེ་བའི་པཎྜི་ཏ་བཛྲ་པཱ་ཎི་དང་། བོད་ཀྱི་ལོ་ཙཱ་བ་འབྲོག་ཤེས་རབ་གྲགས་པ་ཞེས་དཔལ་དུས་ཀྱི་འཁོར་ལོ་བོད་དུ་བསྒྱུར་ནས། སྦྱོར་དྲུག་སོགས་དར་བར་མཛད་མཁན། ད་ལྟ་བོད་ཀྱི་དུས་འཁོར་བ་ཐམས་ཅད་ཀྱི་ཆོས་ཕུག་ཏུ་གྱུར་པའི་ལོ་ཙཱ་བ་དེས་བསྒྱུར་བས། བསྒྱུར་མཁན་གྱི་ལོ་པཎ་ཤིན་ཏུ་ཁམས་ཆེ་བ་ཡིན་པས་ཐེ་ཚོམ་མེད་དོ། །དཔེ་ཡང་མངའ་བདག་མེ་ཏྲི་པའ…

མི་འདུག་སྟེ། ཁ་ཅིག་ནི་བླ་མ་གོང་མའི་གསུང་སྒྲོས་སྙན་སྙན་རྣམས་བསྡུས་ནས་ཞེས་ལམ་འབྲས་བཀག །དེ་བས་ཀྱང་ཁ་ཅིག་གིས་ཨ་ཙ་ར་དམར་པོའི་ཆོས་ལོག་ཅེས་སྐུར་པ་ཆེན་པོ་འདེབས་པ་ཐོས་ཏེ། ཨ་ཙ་ར་དམར་པོ་དང་། ཐ་དྷ་ཀཱ་ར་ཝརྨ་དང་། ག་ཡ་དྷ་ར་གསུམ་སྐུ་གཅིག་མཚན་གྱི་རྣམ་གྲངས་ཏེ། བོད་དུ་ལན་གསུམ་ཕེབས་པ་ལ་མཚན་གསུམ་དུ་གྲགས་པ་ཡིན་པར་ཡོ་གའི་…

སད་བརྡེག །ཐོས་བསམ་གྱིས་ལོ་ཏོག་སེར་བས་བརྡེག །ཅེས་སོགས་ལུང་བསྟན་ལོ་རྒྱུས་རྒྱས་པར་གསུངས་ཏེ། ཇོ་འབྲོམ་རྔོག་གསུམ་དང་དུས་མཚུངས་ཏེ། ཨ་ཙ་ར་དམར་པོས་ཆགས་ལམ་བསྟེན་པས་སེར་ཁྱིམ་པ་དར་ནས་བཀའ་གདམས་བསྟན་པ་ལ་གནོད་པ་བྱུང་སྐད་ཅིང་། ཕྱག་ཆེན་ཐིག་ལེ་ར་ལི་ཉེར་བཞི་ཡེ་ཤེས་ཐིག་ལེ་སོགས་ག་ཡ་དྷ་རའམ། ཨ་ཙ་ར་དམར་པོའི་བརྩམ་ཆོས་རྒྱུད…