བཞི་དང༌། དབང་པོ་ལྔ་དང༌། ཕ་རོལ་ཏུ་ཕྱིན་པ་རྣམས་ཀྱི་རང་བཞིན་ནོ། །བསྲུང་བའི་དམ་ཚིག་དང་སོགས་སྦྲེལ། དེ་ཙམ་མ་གཏོགས་ཆོ་ག་ལྷག་མ་རྣམས་ལ་ཁྱད་པར་མེད་དོ། །དེ་བཞིན་དུ་སློབ་མ་ལ་དབང་བསྐུར་བ་ལ་ཡང་ཁྱད་པར་མེད་དེ། དཀྱིལ་ཆོག་རྒན་པོ་ནས་བཤད་པའི་སྤྲོས་པ་ཟར་ཟུར་མང་པོ་དེ་རྣམས་ངེས་པར་དགོས་པ་མ་ཡིན་ལ། ཅི་སྟེ་སྤྲོས་པ་ལ་དགའ་བས་བྱ…

ལྷན་ཐབས་འཛག་འཛོག་དུ་མ་བསྣན་པའི་རང་བཟོ་ལ་གཞན་ལ་མེད་པའི་ཁྱད་བཅོས་དང༌། ཟབ་ཁྱད་ཡིན་ནོ་སྙམ་མ་གོ་བོ་སྦོས་པ་ཡང་བག་རེ་སྣང་བ་སྙིང་རེ་རྗེ། འདིར་ནི་རྭ་འབུམ་སེང་གིས་མཛད་པའི་དཀྱིལ་ཆོག་གི་རྗེས་སུ་འབྲངས་པའོ། །རྡོ་རྗེ་འཇིགས་བྱེད་ཀྱི་ཆོས་སྐོར་རྭ་ལུགས་ལ་མངོན་པར་དགའ་བ་རྣམས་ཀྱིས་ལྷ་བཅུ་གསུམ་མའི་སྒྲུབ་ཐབས་དང་དབང་བསྐུར་ཆ…

དཔལ་རྡོ་རྗེ་འཇིགས་བྱེད་ཀྱི་རྣལ་འབྱོར་དང་འགྲེལ་པ་དྲུག་ཅུ་རྩ་བཞིའི་གཏོར་ཆོག་གི་ངག་འདོན་ཁམས་གསུམ་ཟིལ་གནོན་ཞེས་བྱ་བ་བཞུགས་སོ། །

ཨོཾ་སྭཱ་སྟི། དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེའི་ཁྲོ་རྒྱལ་གཤིན་རྗེ་མཐར་བྱེད་ཆེན་པོའི་རིགས་སྔགས་ཀྱི་ལས་ཚོགས་དང་འབྲེལ་བས་བསྒྲུབ་པར་བྱ་བ། དྲུག་ཅུ་རྩ་བཞིའི་གཏོར་མའི་ཆོ་ག་ཁམས་གསུམ་ཟིལ་གནོན་ཞེས་བྱ་བ། བླ་མ་དང་ལྷག་པའི་ལྷ་ལ་ཕྱག་འཚལ་ལོ། །རྣམ་དག་བདེ་ཆེན་དཔའ་བོ་དུས་ཀྱི་དགྲ། །སྲིད་ཞིའ…

མཐུན་པའི་གནས་སུ། ས་གཞི་ལ་དུག་ཁྲག་བསྲེས་པའི་ཐིག་ཆས་ཀྱིས་ཐིག་ཆེན་བརྒྱད་བཏབ། གནས་ཁང་ཡངས་དོག་དང་བསྟུན་པས་དཀྱིལ་འཁོར་གྱི་ཚད་ངེས་པ་མེད་ཀྱང༌། འགྲུབ་ཏུ་རུང་ན། ཐིག་སྐུད་ཁྲུ་གང་གིས་བསྐོར་བ་ལས་ཆུང་བ་མི་བྱ། གང་ལྟར་ཡང་ཟླུམ་པོར་བསྐོར་ལ། བསྐོར་ཐིག་དང་ལྷོའི་ཚངས་ཐིག་འཕྲད་མཚམས་ནས་བཟུང་སྟེ། ཤར་དང༌། བྱང་ཤར་གྱི་ཐིག་གི་བ…

མངོན་ཅིང༌། ཆོས་འབྱུང་གི་ནང་དུ་ཟླུམ་ཐིག་ཉིས་བསྐོར་ནང་ལེའུ་ཚེ་དགུ་པ་ཞིག་བྱ། རྡུལ་ཚོན་དགྱེ་བ་ནི། ཆོས་འབྱུང་གི་ནང་ནག་པོ། མུ་རན་དང་རེའུ་མིག་གི་གཞི་རྣམས་ནག་པོ། མེ་རི་དམར་སེར། རྡོ་ར་སོགས་བསྐོར་ན། གྲུ་བཅད་ལ་ཁྲག་མཚོ། རྡོ་ར་མེ་རི་སྤྱི་དང་མཐུན། དུར་ཁྲོད་ཕྱི་ནང་གང་དུ་བྲིས་ཀྱང་འདྲ། རེའི་མིག་དབུས་མ་ལ་ཉི་གདན་གྱི་ས…

ཆོས་ཀྱི་རྒྱལ་པོ་གཏོར་མ་བ་དན་ནག་པོ་དང་བཅས་པ་བཞག །སྒོས་མཆོད་ཞིག་ཀྱང་བཤམས། དམ་རྫས་རྫོགས་པར་ཚང་ན་རབ་ཡིན། ངེས་པར་ཤ་ཁྲག་དང༌། མྱོས་བྱེད་ཀྱི་མཆོད་པ་གལ་ཆེའོ། །སྒྲུབ་པ་པོའི་མདུན་དུ་ཧ་ཅང་མི་རིང་བར་འབྲུབ་ཁུང་དངོས་སམ་བྲིས་པའི་ནང་དུ། ལིང་ག་དབང་པོ་དོད་པ་ཞིག་བཞག་སྟེ་ཁེབས་ཀྱིས་བཀབ། གཞན་ཡང་རོལ་མོ་ལ་སོགས་པའི་ཡོ་བྱད་དང…

ཟད་དགོས་པ་རྣམས་དང༌། སྔོན་འགྲོ་གཏོར་མ་སོགས་མ་ཚང་བ་མེད་པར་བཤམ་མོ། །འདི་དག་གི་རྒྱུ་མཚན་ནི་གཞན་དུ་བཤད་པར་བྱའོ། །གཉིས་པ་ལ་སྔོན་འགྲོ། དངོས་གཞི། རྗེས་ཆོག་སྟེ་གསུམ་ལས། དང་པོ་ནི། སྔོན་འགྲོ་གཏོར་མ། ཡ་མཱནྟ་ཀའམ། ཨོཾ་བཛྲ་ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུཾ་ཕཊ། ཅེས་པས་བསངས། སྭ་བྷཱ་ཝས་སྦྱངས། ཨོཾ་ཨཱཿཧཱུཾ་ཧ་ཧོ་ཧྲཱིཿས་བྱིན་…

སྒྲ་དང་བཅས་ཕྱིར་དོར། ཧྲཱྀཿཥྚཱིཿདང་བགེགས་མཐར་བྱེད་ཀྱི་གཟུངས་བཟླས་ལ་བགེགས་བསྐྲད། ཡང་གནས་དང་ཡོ་བྱད་བསངས་སྦྱངས། གནས་ཁང་སྟོང་པའི་ངང་ལས། བྷྲུཾ་ལས་བྱུང་བའི་དུར་ཁྲོད་འབར་བའི་གཞལ་མེད་ཁང་མཚན་ཉིད་ཐམས་ཅད་ཡོངས་སུ་རྫོགས་པ། རྒྱན་ཐམས་ཅད་ཀྱིས་རྣམ་པར་བརྒྱན་པ། ཕྱི་རོལ་བསྲུང་བའི་འཁོར་ལོས་ཡོངས་སུ་བསྐོར་བའི་དབུས་སུ། ཨ་ལས…

ཞུ་འབུལ་མི་དགོས་ཤིང༌། སྤྱིར་དེ་དག་འཛོམ་ན་ཡང༌། ཞུ་འབུལ་མ་བྱས་པའི་ཆོ་ག་ཆད་པར་མི་འགྱུར་རོ། །གཉིས་པ་དངོས་གཞི་ལ། རྣལ་འབྱོར་བསྒྲུབ་པ་དང༌། ལས་ལ་སྦྱར་བའོ། །དང་པོ་ལ་བདག་བསྐྱེད་བསྒོམ་བཟླས་དང༌། མདུན་བསྐྱེད་སྒྲུབ་མཆོད་དོ། །དང་པོ་བདག་བསྐྱེད་ནི། བདག་དང་འགྲོ་བ་ནམ་མཁའི་མཐའ་དང་མཉམ་པའི་ཞེས་པ་ནས། དེ་འོད་དུ་ཞུ་རང་ཉིད་ལ…

གྲྀཧྣཎྟུ་པྲ་ས་ད། མེ་དྷི་མན་ཀུ་རུ་ཀུ་རུ་སྭཱཧཱ། ཨོཾ་བཛྲ་ཨརྒྷཾ་པྲ་ཏཱིཙྪ་སྭཱཧཱ། པུཥྤེ་ནས་ཤཔྟའི་བར་གྱིས་མཆོད། ཧཱུཾ འདིར་བཞུགས་འདིར་བཞུགས་འཇམ་པའི་དབྱངས། ཁྲོ་བོ་གཤིན་རྗེ་གཤེད་པོའི་ཚོགས། །འཇམ་དཔལ་ཁྲོ་བོ་མི་བཟད་པ། །མཐུ་རྩལ་དྲག་པོ་བཞུགས་སུ་གསོལ། །པདྨ་ཀ་མ་ལ་ཡེ་སྟྭཾ། བཅོམ་ལྡན་དེ་བཞིན་གཤེགས་པ་ཀུན། །ཞེས་པ་ནས། ཨོཾ…

ལུས་སྦོམ་པ། བི་ཛ་པུ་ར་ཀ་དང་ནེའུ་ལེ་འཛིན་པ་རྟ་ལ་ཞོན་པ། བྱང་ཤར་དུ་དབང་ལྡན་དཀར་པོ་རྩེ་གསུམ་དང་ཐོད་པ་འཛིན་པས་གཽ་རཱི་ལ་འཁྱུད་པ། མིག་གསུམ་པ་རལ་པའི་ཐོར་ཅོག་ཅན་ཁྱུག་མཆོག་ལ་ཞོན་པ། ཤར་ལྷོར་མེ་ལྷ་དམར་པོ་བགྲང་འཕྲེང་དང་སྤྱི་བླུགས་འཛིན་པ་ར་སྐྱེས་ལ་ཞོན་པ། ལྷོ་ནུབ་ཏུ་བདེན་བྲལ་ནག་པོ་མི་བཟད་ཅིང་ཆེར་འཁྲུགས་པ་གྲི་གུག་ད…

དུ། ཡ་མ་ནས། བཱ་སུ་དྷ་རི་ནིའི་བར་ལ་ཡང་སྦྱར། གྲུབ་པའི་དངུལ་ཆུའི་བཅུད་ཀྱིས་རེག་པ་ན། ཞེས་པ་ནས། གཡོན་བརྐྱང་གིས་བཞུགས་པའོ། །བསྡུ་ན་དེ་ཙམ་གྱིས་ཀྱང་ཆོག་ལ། སྤྲོ་ན། མིག་ཏུ་ཀྵཾ་ནས། མི་བསྐྱོད་པས་དབུ་བརྒྱན། ཛཿཧཱུཾ་བཾ་ཧོཿ དེ་ནས་མཆོད་པ་གོང་བཞིན་བྱིན་གྱིས་བརླབས་པ་ལས། གནས་ཁང་བསྐྱེད་ཆོག་བོར་བ་ཡིན་ཏེ། སྟོང་པའི་ངང་ལས། …

དྲི་ཞིམ་བྱུགས་པས་རིམ་གྲོ་བགྱི། །ཨོཾ་བི་ཀྲྀ་ཏཱ་ན་ན་དུཥྟཾ་སཏྭ་ད་མ་ཀ་གཿགཿགཿ ནད་གདོན་དགྲ་བགེགས་ཚར་བཅད་ལས། །མཁའ་དང་ས་སྟེང་རྒྱུ་བའི་ཤ ། སྣ་ཚོགས་རོ་དང་སྦྱར་བ་ཡང༌། །ཞལ་ཟས་བདུད་རྩི་ཆེན་པོར་འབུལ། །ཨོཾ་ཀཱ་ལ་རཱུ་པ་སརྦ་སཏྭ་ད་མ་ཀ ། མཧཱ་བྷཱུ་ཏ་ཨ་དྷི་པ་ཏི་ཨི་མཾ་བ་ལིཾ་གྲཧྞ་པ་ཏ་ཡེ་སྭཱཧཱ། སྣ་ཚོགས་རོལ་མོའི་ཁྱད་པར་ནི། །…

བསྡུས་པའི་སེམས་ཅན་ཐམས་ཅད་ཟག་པ་མེད་པའི་བདེ་བས་རྒྱུད་ཚིམ་ནས་མྱུར་དུ་སངས་རྒྱས་ཀྱི་གོ་འཕང་ཐོབ་པའི་སྐལ་བ་དང་ལྡན་པར་གྱུར་ཅིག །ཨོཾ་སརྦ་ཏ་ཐཱ་ག་ཏ་ཨ་ནུ་རཱ་ག་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། དེ་ནས་བསྟོད་པ་ནི། རོལ་མོའི་སྒྲ་དང་སྦྱར་ཞིང་དབྱངས་དང་བཅས་པས་དཀྱིལ་ཆོག་ནས་བཤད་པ་ལྟར། མིའུ་ཐུང་སྒེག་པ་སོགས་སམ། ཡང་ན། ཧཱུཾ། འཇམ་དཔ…

པོའི་སྐུ་ལ་རྟག་ཏུ་འདུད། །ཧཱུཾ། དབུ་དགུ་འབར་བའི་དཀྱིལ་འཁོར་ནས། །གཡས་ཀྱི་ཞལ་གསུམ་བགྲད་པ་ནི། །མཐིང་ནག་དམར་དང་སེར་བའི་ཞལ། །གཡོན་གྱི་ཞལ་གསུམ་གཙིགས་པ་ནི། །དཀར་དང་དུད་ཁ་ནག་པོའི་ཞལ། །དབུས་ཀྱི་ཞལ་གསུམ་འབར་བ་ནི། ཁྲོ་དང་ཆགས་དང་ཞི་བའི་ཚུལ། །ཕྱག་རྒྱ་འོད་ཟེར་འབར་བ་ལས། །གཡས་ཀྱི་ཕྱག་རྒྱ་བཅུ་དྲུག་ནི། །བརྡེག་ཅིང་འཇོམ…

གྱིས་བསྟོད་པ་ནི་མདོ་ཙམ་གྱིས་ཆོག་པས། གང་འདུལ་ཚུལ་གྱིས་སོགས་དང༌། ཕྱོགས་བཅུའི་དཀྱིལ་འཁོར་མ་ལུས་པ། །རྫུ་འཕྲུལ་ཆེན་པོས་མངའ་མཛད་ནས། །འགྲོ་བའི་སྡུག་བསྔལ་ཞི་མཛད་པ། །གནས་སྲུང་རྣམས་ལ་ཕྱག་འཚལ་བསྟོད། །ལྷ་དང་ལྷ་མིན་ལ་སོགས་པ། །འགྲོ་བ་དྲུག་ན་གནས་པ་ཡི། །གདུག་པ་ཅན་ཀུན་ཚར་གཅོད་པའི། །འཇོམས་བྱེད་སྐུ་ལ་ཕྱག་འཚལ་ལོ། །ཚེ་ད…

ཞིང༌། གཡོན་ཞགས་པ་ནག་པོ་དང་བཅས་པའི་སྡིགས་འཛུབ་མཛད་པ། སྐྲ་ཁམས་པ་གྱེན་དུ་བརྫེས་ཤིང་མཆེ་བ་གཙིགས་པ། གཅེར་བུ་ལིང་ག་གྱེན་དུ་བསྒྲེང་བ། རབ་ཏུ་འཇིགས་པའི་ཉམས་ཅན་རྒྱན་སྤངས་པ། ཞབས་གཡས་བསྐུམ་གཡོན་བརྐྱང་གི་སྟབས་ཀྱིས་མེ་རླུང་འཚུབ་མའི་ཀློང་ན་མ་ཧེའི་གདན་ལ་ཞུགས་པའོ། །གཡོན་དུ་ཙཾ་ལས་ཡུམ་ཙ་མུཎྜི་ནག་མོ་སྐྲ་དམར་སེར་སིལ་བུར…

བཀོས་ལ་འདེབས་པ་པོ། །ཤི་བ་ཀུན་གྱི་གཤིན་བུ་རྗེ། །དགེ་བ་ཅན་གྱི་སྟངས་འཛིན་པ། །སྡིག་པ་ཅན་གྱི་ཆད་པ་མཁན། །ལྷ་དང་བཅས་པའི་འཇིག་རྟེན་ན། །ལེགས་ཉེས་ཆོས་བཞིན་གཅོད་པ་པོ། །ཆོས་རྒྱལ་གཤིན་རྗེ་ཞེས་བྱ་བ། །མངོན་ཤེས་རྫུ་འཕྲུལ་མཐུ་རླབས་ཅན། །འཁོར་བཅས་གནས་འདིར་གཤེགས་སུ་གསོལ། །ཧྲཱྀཿཥྚཱིཿམཐར། ཡ་མ་རཱ་ཛ་ས་པཱ་རི་ཝཱ་ར་ཨཱ་ཀརྵ་ཡ་ཛ…