དཀོན་མཆོག་གསུམ་ལ་གནོད་པ་བྱེད་པ་དང༌། བླ་མ་ལ་བརྙས་པ་དང༌། དམ་ཚིག་དང་བྲལ་བ་དང༌། སྔགས་དང་རྒྱུད་ལ་འཕྱ་བར་བྱེད་པ་དང༌། སེམས་ཅན་ལ་འཚེ་བ་འདི་རྣམས་ལ་ཕན་པའི་ཕྱིར། སྔགས་པས་སྙིང་རྗེས་གདུང་བའི་སེམས་ཀྱིས་གནོད་པས་སྦྱོར་བ་རབ་ཏུ་བྱའོ། །གལ་ཏེ་གཞན་ལ་བྱས་ན་དམ་ཚིག་ཉམས་ནས་ཚབ་ཆེན་པོར་འགྲོ་བའོ། །རྒྱུད་གཞན་ལས་ཀྱང་གསུངས་པ། སློ…

གཉིས་པ་དང་ལྡན་པ། །གཉིས་པ་ཡི་ནི་གསུམ་པ་ལ། །ཡང་ནི་དབྱངས་ཡིག་གཉིས་པ་ལྡན། །དྲུག་པ་ཡི་ཡང་དང་པོ་དང༌། །ཡང་ནི་དྲུག་པའི་དང་པོ་སྦྱིན། །དབྱངས་ཡིག་བཅུ་གསུམ་དང་ལྡན་པ། །ལྔ་པ་ཡི་ཡང་ལྔ་པ་ལ། །དབྱངས་ཡིག་བཅུ་གཅིག་དང་ལྡན་པ། །དྲུག་པ་ཡི་ཡང་དང་པོ་དང༌། །ཡང་ནི་དྲུག་པའི་དང་པོ་སྦྱིན། །ལྔ་པ་ཡི་ཡང་ལྔ་པ་ལ། །བཅུ་དང་གཅིག་གིས་མནན་ལ…

པའི་གཉིས་པ་དང་ལྡན་པ། །བཞི་པ་ཡི་ནི་ལྔ་པ་ལས། །དབྱངས་ཡིག་གསུམ་པ་དང་ལྡན་པ། །དེ་ནས་མེ་ཡི་ས་བོན་དང༌། །དབྱངས་ཡིག་གཉིས་པར་ལྡན་པ་དང༌། །ལྔ་པ་ཡི་ནི་ལྔ་པ་དང༌། །དེ་ནས་རླུང་གིས་ས་བོན་སྦྱིན། །ཐོག་མར་རྣམ་པར་སྣང་མཛད་བྱིན། །མཆོག་གི་དབང་ཕྱུག་དང་སྦྱར་བ། །སྟེང་དུ་ས་བོན་སྟོང་པས་བརྒྱན། །ལྔ་པ་ཡི་ནི་གཉིས་པ་དང༌། །གསུམ་པ་ཡི་ན…

གསུམ་པ་དང་ལྡན་ཏེ། །འོག་ཏུ་མེ་ཡིས་ས་བོན་སྦྱིན། །བཞི་པ་ཡི་ནི་དང་པོ་ལ། །དབྱངས་ཡིག་གཉིས་པ་དང་ལྡན་པའོ། །བཞི་པ་ཡི་ནི་ལྔ་པ་ནི། །མཁས་པ་ཡིས་ནི་ལན་གཉིས་བརྗོད། །ཐོག་མར་རྣམ་པར་སྣང་མཛད་སྦྱིན། །སྡེ་ཚན་བདུན་གྱི་ས་བོན་ལ། །དབྱངས་ཡིག་དྲུག་པ་དང་ལྡན་པ། །སྤྱི་བོ་རུ་ནི་ཐིག་ལེས་བརྒྱན། །ལྔ་པ་ཡི་ནི་གཉིས་པ་དང༌། །གསུམ་པ་ཡི་ནི…

པོའི་རྒྱུད་ལས་སྔགས་བཏུ་བའི་རྟོག་པ་སྟེ་གསུམ་པའོ། །དེ་ནས་རྡོ་རྗེ་འཇིགས་བྱེད་ཀྱི་སྒྲུབ་པ་ཆོས་ཐམས་ཅད་བདག་མེད་པ་སྔོན་དུ་སོང་བས་ལྷའི་དམིགས་པ་ཡང་དག་པར་བཤད་པར་བྱ་སྟེ། དང་པོ་རང་བཞིན་གྱིས་དག་པའི་སྔགས་བརྗོད་པར་བྱའོ། །ཆོས་ཐམས་ཅད་བདག་མེད་པའི་ངོ་བོར་བྱས་ནས་ནམ་མཁའི་དཀྱིལ་དུ་ཡཾ་གྱི་རྣམ་པ་ལས་གྲུབ་པའི་རླུང་གི་དཀྱིལ་འ…

བསམ། ཧཱུཾ་དེ་ལས་འོད་ཟེར་གྱི་རྣམ་པ་འཕྲོས་པས་སྔོན་དུ་གསུངས་པ་བཞིན་དུ་ཡང་ཞུགས་ཏེ། ཡི་གེ་དེ་ལས་རྡོ་རྗེ་ཆེན་པོ་རྣམ་པར་གདེངས་པ་ཁ་དོག་ནག་པོ་འོད་ཟེར་ལྔ་དང་ལྡན་པ། རྣམ་པར་དམིགས་པར་བྱ་སྟེ། རྡོ་རྗེ་དེ་ལས་ཕྲ་མོའི་རྣམ་པའི་སངས་རྒྱས་དང༌། བྱང་ཆུབ་སེམས་དཔའ་དང༌། ཁྲོ་བོ་དང༌། རིག་པའི་ལྷ་མོས་ནམ་མཁའི་དབུས་ཏིལ་གྱི་གོང་བུ་ལ…

སུ་རུང་བའི་ཐོད་པའི་ཐོད་བྱས་པ། ཐོད་པ་བརྩིགས་པའི་རྩེ་མོ་འཇིགས་པ་ཆེན་པོ་ཅན། ཕེཾ་ཞེས་ཐོད་པའི་འཕྱང་འཕྲུལ་གྱིས་བརྒྱན་པ། ཞབས་བཅུ་དྲུག་པ། གཅེར་བུའི་གཟུགས་མཚན་མ་གྱེན་དུ་འགྲེང་བ། གཡོན་བརྐྱང་བ། གསུས་པ་ཆེ་བ། སྐྲ་གྱེན་དུ་བརྫེས་པ། འཇིགས་པ་ཆེན་པོར་བྱེད་པ། ཕཊ་ཅེས་སྒྲ་སྒྲོག་པ། ཕྱག་སུམ་ཅུ་རྩ་བཞི་དང་ལྡན་པ། གླང་པོ་ཆེའི…

པ། དྲུག་པ་ན་གཞུ། བདུན་པ་ན་རྒྱུ་མ། བརྒྱད་པ་ན་དྲིལ་བུ། དགུ་པ་ན་ལག་པ། བཅུ་པ་ན་དུར་ཁྲོད་ཀྱི་རས། བཅུ་གཅིག་པ་ན་སྐྱེས་བུ་གསལ་ཤིང་ལ་བཙུགས་པ། བཅུ་གཉིས་པ་ན་མེ་ཐབ། བཅུ་གསུམ་པ་ན་ཐོད་ཚལ། བཅུ་བཞི་པ་ན་སྡིགས་མཛུབ། བཅོ་ལྔ་པ་ན་འཕན་རྩེ་གསུམ་པ། བཅུ་དྲུག་པ་ན་རླུང་གིས་འཕྱར་བའི་རས། ཕྱག་གཉིས་ཀྱིས་གླང་པོ་ཆེའི་ལྤགས་པ་རློན་པ་…

བསམ་པར་བྱའོ། །རྭ་གཉིས་ཀྱི་བར་དུ་དབུས་ཀྱི་ཞལ་དམར་པོ་རབ་ཏུ་འཇིགས་པ། ཞལ་ནས་ཁྲག་འཛག་པར་བསམ་པར་བྱའོ། །སྟེང་དུ་འཇམ་དཔལ་གྱི་ཞལ་ཅུང་ཟད་སེར་བ་ཡིད་ཙམ་ཁྲོ་བ་གཞོན་ནུའི་བརྒྱན་གྱིས་བརྒྱན་པ། སྤྱི་བོར་རལ་པ་ལྔ་དང་ལྡན་པ་རྣམ་པར་བསམས་ཏེ། ཞལ་ཐམས་ཅད་སྤྱན་གསུམ་པར་བསྒོམས་ཏེ། འདི་ལྟར་བདག་ཉིད་རྩེ་གཅིག་ཏུ་དམིགས་སོ། །དེ་ལྟར་རྡ…

འཇིགས་བྱེད་ཆེན་པོའི་རྣལ་འབྱོར་གྱི་རྒྱུད་ལས་སྒོམ་པའི་རྟོག་པ་སྟེ་བཞི་པའོ། །དེ་ནས་དཔལ་རྡོ་རྗེ་འཇིགས་བྱེད་ཆེན་པོའི་གསང་བའི་བྲིས་སྐུའི་མཆོག་རབ་ཏུ་བཤད་པ། དཔའ་བོའི་རས་སམ། ཞིང་ལ་བཀལ་བའི་རས་སམ། མེ་ཏོག་ཅན་གྱི་རས་སམ། རབ་ཏུ་འཛག་པའི་རས་སམ། བུ་བཙས་པའི་རས་སམ། དེ་མ་རྙེད་ན་རས་གཞན་གང་ཡང་རུང་བ་བླངས་ལ། འདིར་དངོས་པོ་ཀུན…

ཞལ་གསུམ་སྟེ། སྔོན་པོ་དང༌། དམར་པོ་དང༌། སེར་པོ་ཤིན་ཏུ་ཁྲོས་པ་བྲི་བར་བྱའོ། །གཡོན་དུ་དཀར་པོ་དང༌། དུད་ཁ་དང༌། ནག་པོའོ། །དེ་གཉིས་ཀྱི་དབུས་སུ་རབ་ཏུ་དམར་བ་བྲི་བར་བྱ། དེའི་སྟེང་དུ་འཇམ་དཔལ་གྱི་ཞལ་སེར་པོ་ཅུང་ཟད་ཁྲོ་བ་བྲི་བར་བྱའོ། །ཕྱག་གཡས་པ་ན་རྡོ་རྗེ་གྲི་གུག་དང༌། མཚོན་རྩེ་གཅིག་པ་དང༌། གཏུན་ཤིང་དང༌། ཆུ་གྲི་དང༌། ར…

ནེ་ཙོ་དང༌། ཁྲ་དང༌། ཁྱུང་ཆེན་དང༌། རི་སྐེག་དང༌། བཞད་རྣམས་སོ། །འདི་ལྟ་བུར་འདུག་པའི་རྡོ་རྗེ་འཇིགས་བྱེད་ཆེན་པོ་བྲི་བར་བྱའོ། །དེའི་ཕྱི་རོལ་ཏུ་དུར་ཁྲོད་ཆེན་པོ་ཡང་བྲི་སྟེ། འཇིགས་པ་ཆེན་པོར་བྱེད་པའི་གནོད་སྦྱིན་དང༌། སྲིན་པོ་དང༌། ཞིང་སྐྱོང་དང༌། རོ་ལངས་དང་ལྡན་པ། སྐྱེས་བུ་མདུང་རྩེ་བཙུགས་པའི་གཟུགས་དེར་བསྟན་པར་བྱ། …

མཚན་མོ་བཟའོ། །གལ་ཏེ་མཆོག་གི་དངོས་གྲུབ་འདོད་ན། དུས་གསུམ་དུ་རྣམ་པར་སྣང་མཛད་དང༌། ཁྲག་གིས་སྤོས་བྲིས་སྐུའི་མདུན་དུ་དབུལ་ལོ། །འདི་ནི་འཇམ་དཔལ་མཆོག་དཔལ་རྡོ་རྗེ་འཇིགས་བྱེད་ཆེན་པོའི་རྣལ་འབྱོར་གྱི་རྒྱུད་ལས་བྲིས་སྐུའི་ཆོ་གའི་རྟོག་པ་སྟེ་ལྔ་པའོ། །དེ་ནས་སྦྱིན་སྲེག་གི་ལས་ཀྱི་ཆོ་ག་གསུངས་པ། ཇི་ལྟར་སྔོན་གྱི་རིམ་པ་སྟེ།…

མ་ཧེ་དང༌། རྟའི་ཤ་ལྷན་ཅིག་ཏུ་གང་གི་མིང་དང་བཅས་པ་དུར་ཁྲོད་ཀྱི་མེ་ལ་བསྲེགས་ན་དེ་དང་འབྲལ་བར་འགྱུར་རོ། །ཡང་ན་དུར་ཁྲོད་ཀྱི་ཤིང་ལ་གཏུམ་པོའི་མེ་རབ་ཏུ་སྦར་ལ་ཁྱྀམ་དུ་གནས་ཏེ། གོང་གི་རྫས་དེ་བསྲེགས་ན་རྡོ་རྗེ་འཛིན་པ་ལྟ་བུ་ཡང་ཉི་མ་བདུན་གྱིས་འབྲལ་ལོ། །དེ་ནས་བསྐྲད་པར་འདོད་ན། བྱ་རོག་གི་ཤ་དང༌། རྔ་མོའི་སྦངས་དང༌། ལྷན་ཅི…

པར་འགྱུར་རོ། །ལས་དེ་རྣམས་ནི་ཤིན་ཏུ་མཉམ་པར་བཞག་པས་བྱ་བའམ། ཡང་ན་སྔགས་པ་ཉིད་ཀྱིས་ཀྱང་ལས་དེ་དག་མི་བྱ། གཞན་སུ་ལ་ཡང་མི་བསྟན་ཏོ། །དེ་ནས་བུ་མོ་རེངས་པར་འདོད་ན། ཚེར་མ་དང༌། དུག་དང༌། སྐེ་ཚེ་དང་བཅས་པར་རང་གི་ཁྲག་གིས་སྤྲུས་ནས་ཡི་གེ་བཅུ་པའི་སྔགས་དང་བཅས་པས་བུ་མོ་ཆེ་གེ་མོ་རེངས་པར་གྱུར་ཅིག །ཅེས་དུར་ཁྲོད་ཀྱི་མེ་ལ་སྦྱིན…

པར་འདོད་ན། བྱ་རྒོད་ཆེན་པོའི་ཚང་དང་ཤ་ཆེན་བསྲེགས་ན་སྨྱོ་བར་འགྱུར་རོ། །དེ་ཕུབ་མའི་མེ་ལ་བསྲེགས་ན་བདེ་ལེགས་སུ་འགྱུར་རོ། །དེ་ནས་ནོར་ནོར་མ་ཡིན་པར་འདོད་ན། ཤིང་བལ་གྱི་མེ་ལ་ད་རུ་རའི་འབྲས་བུ་དང་བཅས་པར་མཚན་མོ་བརྒྱ་རྩ་བརྒྱད་སྦྱིན་སྲེག་བྱས་ན་ཤིན་ཏུ་ཆུད་ཟོས་པར་འགྱུར་རོ། །ཨ་རུ་ར་བསྲེགས་ན་སླར་རྫས་དེ་ཉིད་དུ་འགྱུར་རོ།…

པར་གང་གི་མིང་དང་བཅས་པར་སྦྱིན་སྲེག་སྟོང་བྱས་ན་ཉི་མ་བདུན་གྱིས་རྡོ་རྗེ་འཛིན་པ་ལྟ་བུ་ཡང་རབ་ཏུ་འབྲོས་པར་འགྱུར་ན་ཕྲ་མོ་གཞན་ལྟ་ཅི་སྨོས། དེ་ནས་བྱ་རོག་གི་ཚང་དང༌། འབྲས་ཀྱི་ཕུབ་མ་དང༌། ལྷན་ཅིག་ཏུ་དྷ་རུ་རའི་ཤིང་ལ་མེ་རབ་ཏུ་སྦར་ཏེ། ཡི་གེ་བཅུ་པའི་སྔགས་གང་གི་མིང་དང་བཅས་པར་ནམ་ཕྱེད་ན་སྦྱིན་སྲེག་བྱས་ན་ཉི་མ་བདུན་གྱིས་སྐ…

བཞིན་བྱ་བའི་བྱེ་བྲག་སྨྲས། །རྡོ་རྗེ་སེམས་དཔས་ཀྱང་མི་འགྲུབ། །གང་གི་མདུན་དུའང་སྔགས་པ་ཡིས། །དེ་ཕྱིར་ལས་རྣམས་མཐོང་མི་བྱ། །གཞན་དང་ལྷན་ཅིག་ཏུ་མི་བྱ། །གལ་ཏེ་སྔགས་པས་ལས་བྱ་འདོད། །དེ་དག་གཅིག་པུ་ཉིད་ཀྱིས་བྱ། །སྔགས་པ་དེ་ཡིས་ལས་ཀུན་འགྲུབ། །འདི་ནི་འཇམ་དཔལ་མཆོག་རྡོ་རྗེ་འཇིགས་བྱེད་ཆེན་པོའི་རྣལ་འབྱོར་གྱི་རྒྱུད་ལས་སྦ…

བསམ་ཤིང་བརྗོད་པ་ཙམ་གྱིས། རྡོ་རྗེ་འཛིན་པ་ཡང་ཞག་བདུན་གྱིས་འཆི་ན། ཕྲ་མོ་སྲོག་ཆགས་གཞན་ལྟ་ཅི་སྨོས། དེ་ནས་གཞན་ཡང་བསམ་གཏན་གྱི་རབ་ཏུ་སྦྱོར་བ་ནི། མ་ཧེའི་གདོང་ཅན་གྱི་ང་རྒྱལ་གྱིས་གནས་ཏེ། ལས་ཐམས་ཅད་སྒྲུབ་པར་བྱའོ། །མེའི་དཀྱིལ་འཁོར་གྱི་དབུས་སུ་བསྒྲུབ་བྱ་འདར་བར་རྣམ་པར་བསམ་ལ། དེའི་མདུན་དུ་སྲིན་པོ་མང་པོ་བསམ་པར་བྱ་སྟ…

དེ་རུ་ཡཾ་ཡོངས་སུ་གྱུར་པའི་རྔ་མོ་བསམ་པར་བྱ་སྟེ། ཡང་དེའི་རྒྱབ་ཏུ་ཡཾ་གྱིས་རྣམ་པ་ལས་གྱུར་པའི་རླུང་གི་དཀྱིལ་འཁོར་ཟླ་བ་ཕྱེད་པའི་རྣམ་པར་བསམ་མོ། །དེའི་སྟེང་དུ་བསྒྲུབ་བྱ་གཅེར་བུ་སྐྲ་བཤིག་པར་བྲེད་པར་གྱུར་པར་བསམ་པར་བྱ་སྟེ། མ་ཧེའི་གདོང་ཅན་གྱིས་སྦྱོར་བ་ལ་གནས་པས། དེའི་རྒྱབ་ཏུ་གཤིན་རྗེའི་གཟུགས་ལག་པས་དབྱུག་པ་འཛིན་པ…