སྟག་ཚང་ལོ་ཙཱ་བ་ཤེས་རབ་རིན་ཅེན་གྱི་འདུལ་ཊཱིཀ་འདུལ་བའི་སྙིང་པོ་རབ་ཏུ་གསལ་བའི་གཞི་སྨད་ཀྱི་རྣམ་བཤད་ལས། དབྱེ་(༦བ) བ། བསྡུ་བ། མཚན་ཉིད། གོ་རིམ། གྲངས་ངེས། སྒྲ་དོན་དང་དྲུག་གོ །དང་པོ་ནི། ལུང་ལས། རབ་བྱུང་གསོ་སྦྱོང་གཞི་དང་ནི། །དགག་དབྱེ་དབྱར་དང་ཀོ་ལྤགས་དང་། །སྨན་དང་གོས་དང་སྲ་བརྐྱང་དང་། །ཀོ་ཤམྦི་དང་ལས་ཀྱི་གཞི། །ད…

སྟོབས་བསྐྱེད་པ་དང་མི་མཐུན་ཕྱོགས་ངོ་ཤེས་པས་བསྲུང་བ་གསུམ། རབ་བྱུང་བཞི་དང་རྣམ་འབྱེད་ཀྱིས་བསྟན་ཟིན་པས། ད་ནི་བསླབ་པ་ཡོངས་སུ་སྦྱོང་བའི་དང་། བདེ་བར་གནས་པའི་རྐྱེན་བསྟེན་པའི་སྒོ་ནས་བསྲུང་བ་གཉིས་ཡིན་ལ། དེ་གཉིས་ཀྱི་ནང་ནས་དང་པོ་གཙོ་བོ་ཡིན་ཅིང་། དེ་ལ་ཡང་རང་སྟོབས་ཀྱིས་བསླབ་པ་སྦྱོང་བ་གཙོ་བོ་ཡིན་པའི་ཕྱིར་རོ། །དེའི་…

དང་པོ་གསུམ་ཡང་ལུས་ལྟ་བུ་ཡིན་པས་དང་། དེ་ལ་འཆབ་པ་དང་མི་ལྡན་པ་དགོས་ཤིང་འཆབ་པ་གང་ལ་འབྱུང་བ་ཤེས་པའི་ཐབས་ཡིན་པས་དང་། འཆབ་ཉེས་དེ་འདག་བྱེད་ཡིན་པས་རིམ་པ་ལྟར་རོ། །རྩོད་པ་ཕྱིར་བཅོས་ལ་བྱ་བའི་རང་བཞིན་དང་། དགེ་སྦྱོང་གི་ཚུལ་དང་། ལྟུང་བའི་རང་བཞིན་རྣམས་རྩོད་པ་གསུམ་ཡིན་ལ། དེ་ཡང་ལུང་ལས། ལས་བྱེ་བའི་གཞི་མཇུག་ཏུ་བཤད་ཀྱང་…

གསུངས། འདི་ཉིད་སྙིང་པོར་བཟུང་སྟེ་བཤད་པ་ལ། སྡོམ་པ་མ་ཐོབ་པ་ཐོབ་པར་བྱེད་པ། ཐོབ་པ་མི་ཉམས་པ་བསྲུང་བར་བྱེད་པ། ཉམས་ལེན་ཕྱིར་བཅོས་པའི་ཐབས་དང་གསུམ་དུ་བསྡུས་པའི་སྡོམ་པ་ཐོབ་པར་བྱེད་པའི་ཐབས་ལ། ཇི་ལྟར་བྱུང་ཚུལ། དེ་དག་གི་དོགས་གནས་ལ་མཐའ་དཔྱད་པ། ཆོ་གའི་ལག་ལེན་དངོས། ཞར་བྱུང་ཁྱིམ་པ་ལ་ཕན་གདགས་པའི་ཆོ་ག་དང་བཞི།དང་པོ་ནི།…

དབང་དུ་བྱས་ན་སྔོན་ཆོག་ཏུ་བགྲང་དུ་རུང་མོད། སྔོན་ཆོག་དང་། དར་ཆོག་གཉིས་སུ་ཟླས་ཕྱེ་བའི་སྔོན་ཆོག་ནི་མིན་ནོ། །དེའི་རྒྱུ་མཚན་སྟག་ཚང་ལོ་ཙཱ་བའི་འདུལ་ཊཱིཀ་ཏུ་སངས་རྒྱས་རང་བྱུང་དང་། རང་རྒྱལ་མཁན་སློབ་མེད་པར་དང་། ལྔ་སྡེ་ངེས་པ་ལ་འཇུག་པས་དང་། བཟང་སྡེའི་ཚོགས་སྐྱབས་གསུམ་ཁས་ལེན་གྱིས་དང་། ཤཱ་རིའི་བུ་སོགས་ཚུར་ཤོག་གིས་དང…

ལ་ཀུན་མཁྱེན་ཀླུ་སྒྲུབ་རྒྱ་མཚོའི་འདུལ་བའི་དཀའ་གནས་ལ་དཔྱད་པ་ལུང་རིགས་ནོར་བུའི་ཐེམ་སྐས་ལས་མཆོད་སྦྱིན་མ་ལྟ་བུ་འཕྲིན་ཆོག་ལས་རྫོགས་པའི་ཚེ། སྔར་དགེ་འདུན་གྱིས་གསོལ་བཞིའི་ཆོ་ག་མཛད་པའི་བརྗོད་པ་ཐ་མའི་ཆ་གསུམ་པ་ལ་བསྙེན་རྫོགས་ཀྱི་སྡོམ་པ་མ་ཐོབ་པར། དེ་ཉིད་ཀྱི་འཕྲིན་ཨུཏྤ་ལའི་མདོག་ཅན་གྱིས་མཆོད་སྦྱིན་མའི་རྣ་བར་བཏང་བ་ལ…

དང་། །དེ་བཞིན་སྟོན་པར་ཁས་བླང་དང་། །འཕྲིན་གྱིས་བསྙེན་པར་རྫོགས་པ་དང་། །ཚུར་ཤོག་ལ་སོགས་བསྙེན་རྫོགས་བླང་། །འཁྲུལ་པ་ཡིན་པ་མཉམ་པོ་ལ། །འདི་རྣམས་སྔོན་གྱི་ཆོ་གར་བཤད། ཅེས་པའི་ཚིག་ཟུར་གྱིས། འདི་རྣམས་སྔོན་གྱི་ཆོ་གར་བཤད། །ཅེས་པའི་སྐབས་ནས་དངོས་བསྟན་གྱི་ཆོ་ག་ཡིན་པའི་ཕྱིར་ཏེ། ཁྱོད་འཕྲིན་གྱིས་བསྙེན་པར་རྫོགས་པ་དང་ཞེས…

རྒྱུད་ལ་མཐོང་ལམ་སྐྱེས་མ་ཐག་ཏུ་བསྙེན་པར་རྫོགས་པའི་གང་ཟག་ཡིན་པའི་ཕྱིར་ཏེ། ཁྱོད་རང་ཉིད་ལ་སྟོན་པས་བདེན་བཞིའི་ཆོས་འཁོར་བསྐོར་མ་ཐག་ཏུ་བསྙེན་པར་རྫོགས་པའི་གང་ཟག་གང་ཞིག །ཁྱོད་ལ་སྟོན་པས་བདེན་བཞིའི་ཆོས་འཁོར་བསྐོར་བ་དང་ཁྱོད་ཀྱི་རྒྱུད་ལ་མཐོང་ལམ་སྐྱེས་པ་དུས་མཉམ་པའི་ཕྱིར། མ་གྲུབ་ན། དེ་དེར་ཐལ། འདུལ་བ་ལུང་ལས། གང་གི་…

ཙམ་ལ་དངོས་བཏགས་མ་ཕྱེ་བའི་མིང་བཏགས་ཙམ་ཡིན་པས་དགེ་སློང་མཚན་ཉིད་པར་འཁྲུལ་བར་མི་བྱའོ། །ཞེས་གསུངས་པ་ནི་རྣམ་དཔྱོད་དང་ལྡན་པའི་གཏམ་མོ། །སྔ་ཕྱིར་དུ་འདུལ་འཛིན་མང་པོ་སྔོན་ཆོག་བཅུ་ཞེས་ན་ཡམས་སུ་གསུང་བར་འདྲེན་ཚུལ། བྱ་འདུལ་དང་བུ་སོགས་སངས་རྒྱས་དང་རང་རྒྱལ་སོ་སོ་དང་། དབུས་དང་མཐའ་འཁོབ་ཏུ་གསོལ་བཞིའི་ཆོ་ག་ཞེས་གཅིག་ཏུ་འད…

ལ་བརྟེན་དགེ་འདུན་རྣམས་འདུས་ཏེ་གསོལ་བ་དང་བཞིའི་ལས་ཙམ་གྱིས་ཅིག་ཅར་རབ་ཏུ་བྱུང་བ་དང་བསྙེན་པར་རྫོགས་པར་གནང་བ་ཡིན་ལ། ཚུལ་ཇི་ལྟར་ན་སྐྱེ་བ་རྒྱུའི་ཁྱད་པར་སྔོན་ཆོག་གི་སྒོ་ནས་བསྙེན་རྫོགས་ཀྱི་སྡོམ་པ་སྐྱེ་བ་ལ་མཚམས་ནང་དེ་ན་ཡོད་པའི་དགེ་འདུན་ཐམས་ཅད་འདུས་པ་རབ་ཏུ་བྱུང་བའི་རྟགས་ཆ་ལུགས་དང་ལྡན་པ་རྒན་རིམ་ལ་ཕྱག་འཚལ་བ་སོགས…

ཞེས་ཕྱག་ཚན་བཅུ་གཅིག་བཤད། སྔོན་ཆོག་ལ་ཐལ་མོ་སྦྱར་སྟན་མེད་པར་ཙོག་པུར་ཡུད་ཙམ་འདུག་པས་ཆོག །དར་ཆོག་ལ་ཐལ་མོ་སྦྱར། རྩྭ་ཕ་གུའི་སྟེང་དུ་སྟན་མེད་པར་འདིང་བ་གཟར་བ་ལ་ཡུན་རིང་པོར་འདུག་དགོས། སྔོན་ཆོག་ལ་བདག་རབ་བྱུང་བསྙེན་རྫོགས་མཛད་དུ་གསོལ་སོགས་བསྒྲུབ་བྱ་རང་ཉིད་ཀྱི་ལན་གསུམ་དུ་གསོལ་བ་བཏབ་པས་ཆོག །དར་ཆོག་ལ་མཁན་པོས་ངོ་ཆེ…

གའི་རྣམ་པ་ནི་དེ་ལྟ་བུར་རིག་པར་བྱའི་རྣམ་པ་གཞན་མ་ཡིན་ནོ་ཞེས་བྱ་བའི་ཐ་ཚིག་གོ །ཞེས་གསུངས། ཉེས་མེད་ཕུན་ཚོགས་ཀྱི་དབང་དུ་བྱས་ན་མཚམས་ནང་དེར་གནས་པའི་དགེ་འདུན་ཐམས་ཅད་འདུ་བར་བཤད་ཀྱང་། དམིགས་ཀྱིས་བསལ་བ་ནི། དགྲ་བཅོམ་པ་ས་ག་ལྷས་མཛད་པའི་འདུལ་བ་ཚིག་ལེའུར་བྱས་པ་མེ་ཏོག་ཕྲེང་རྒྱུད་ལས། དབུས་དང་མཐའ་འཁོབ་པ་དག་ལ། །བསྙེན་རྫ…

བྱུང་སྟེ། དེའི་ཚེ་ཡབ་སྲས་མཇལ་བའི་འཕྲིན་པ་འཆར་ཀས་བྱས་དེའི་ཚེ་ཤཱ་རིའི་བུས་འཆར་ཀ་ད་ལྟར་ཀྱི་ཆོ་གས་རབ་བྱུང་བསྙེན་རྫོགས་བྱས་པར་གསུངས་པའི་ཕྱིར་རོ་ཞེས་གསུངས། དེ་ཡང་གོང་དུ་སྨོས་པའི་བསྙེན་པར་རྫོགས་ཚུལ་རྣམས་ལ་ཡུལ་གཞན་ལ་མ་བརྟེན་པ་རང་རྒྱལ་སྲིད་པ་ཐ་མ་པ་དང་བྱང་སེམས་སྲིད་པ་ཐ་མ་པས་ཟད་མི་སྐྱེ་ཤེས་པའི་བྱང་ཆུབ་མངོན་དུ་…

ལྟ་བུ་སྟེ། རྒྱ་ཆེར་འགྲེལ་ལས། སེམས་ཅན་རྒྱུད་རྣམ་པར་དག་པ་ཤ་སྟག་བྱུང་བས་འདུལ་བྱའི་རིམ་པ་ལ་མི་བལྟོས་ཤིང་མཁན་པོ་དང་སློབ་དཔོན་ལ་སོགས་པ་ལ་མ་བལྟོས་པར་ཡང་ཚེགས་ཆུང་ངུ་ཁོ་ནས་བཅོམ་ལྡན་འདས་ཀྱི་བཀའ་རྫོགས་པར་བྱེད་པར་བྱེད་པ་དང་། དེ་དག་བསོད་ནམས་བྱས་པ་ཡིན་པས་ནད་མེད་པ་དང་། ཇི་སྟེ་དེ་དག་ལ་ནད་ཅིག་བྱུང་དུ་ཟིན་ཀྱང་དེ་དག་ག…

ནཱ་གཱ་རྫུ་ནས། མ་དྲོས་པའི་མཚོ་ལས་ཆུ་བོ་བཞི་ལྟར་ཕྱོགས་ཀུན་ཏུ་ཁྱབ་པ། ཀུན་མཁྱེན་ཀླུ་སྒྲུབ་རྒྱ་མཚོས། སྒྲ་གཅན་འཛིན་བཟང་སྤྲིན་གྱི་བཅུད་། །འཐུང་མཁས་ཀླུ་སྒྲུབ་མ་དྲོས་མཚོ། །བྷོ་ཊའི་ལྗོངས་འདིར་བསྙེན་རྫོགས་ཀྱི། །ཆུ་ཀླུང་མཐའ་དག་འདི་ལས་བབ། ཅེས་གསུངས། ཁྱད་པར་གངས་ཅན་གྱི་ལྗོངས་འདིའི་སྡོམ་རྒྱུན་སྔ་ཕྱི་མཐའ་དག་ཤིང་རྟ་ཆ…

དག་ལ་དགེ་སློང་བཏུབ་བམ་ཞེས་ཞུས་པའི་ལན་དུ། བཏུབ་བམ་སད་པར་བྱ་གསུངས་ནས་སྐད་ལབས་པ་ཚོ་ལས་ཐོག་མར་བོད་ལ་དད་པ་ཆེ་བའི་རྦ་ཁྲི་གཟིགས་དགེ་སློང་བྱས་མ་ཐག་ཏུ་མཚན་རྦ་དཔལ་དབྱངས་སུ་བཏགས། ལྔའི་མངོན་པར་ཤེས་པ་དང་ལྡན་པས་བཙན་པོ་དགྱེས་ཏེ། དེའི་ཞབས་སྤྱི་བོར་བླངས་ནས་ཁྱོད་བོད་ཀྱི་རིན་པོ་ཆེ་ཡིན་ནོ་ཞེས་བཀའ་སྩལ་ནས་མཚན་ཡང་རྦ་རཏྣ་ཞ…

ཁྲིམས་སྦྱིན། །མཁན་སློབ་ཚོགས་ལས་བོད་ཀྱི་བློ་གསལ་སད་མི་བདུན་ཞེས་བསྙེན་པར་རྫོགས། །གངས་རིའི་ལྗོངས་འདིར་རབ་བྱུང་འདུལ་བའི་བསྟན་པ་རྨ་མེད་དེ་ནས་བྱུང་། ཞེས་གསུངས། རྒྱལ་པོ་དར་མས་བསྟན་པ་བསྣུབས་པའི་གཏམ་གསན་པས། ཆུ་བོ་རིའི་སྒོམ་གྲྭ་ནས་སྟོད་ལུང་དམར་ཤཱཀྱ་མུ་ནེ་དང་། བོ་དོང་པ་གཡོ་དགེ་འབྱུང་དང་། བཞད་ཀྱི་གཙང་རབ་གསལ་དང་…

གི་མཁན་སློབ་གཉིས་དམར་གྱིས་གསང་སྟོན་རྒྱའི་ཧྭ་ཤང་ཀེ་དབང་དང་འབག་གིས་ཁ་སྐོང་མཛད་ནས་བསྙེན་པར་རྫོགས་ཤིང་ཕྱིས་ཐུགས་རབ་ཤིན་ཏུ་ཆེ་བས་དགོངས་པ་རབ་གསལ་དུ་གྲགས། མི་ཉག་གྷའི་ཡུལ་དུ་གོ་རོང་སེང་གེ་གྲགས་ལ་འདུལ་བ་གསན། ཀྭ་འོད་མཆོག་གྲགས་ཞེས་ལྷོ་བལ་ནས་ཆོས་མང་པོར་སྦྱངས་པ་ཞིག་ཁམས་སུ་བྱོན་པར་འབུམ་ཊཱིཀ་སོགས་ཞུས། རི་དནྟིག་ཏུ་…

སེང་གེ །མངའ་རིས་འོད་བརྒྱད་སྤུན་གཉིས། བོ་དོང་པ་ཨུ་པ་དེ་ཀར་རྣམས་ཀྱང་བརྫངས། གཙང་གཡོ་དམར་གསུམ་བགྲེས་པས་མཁན་པོ་མི་འཁྱོངས་གསུངས་ནས་སློབ་དཔོན་དང་བླ་ཆེན་དགོངས་པ་རབ་གསལ་གྱིས་མཁན་པོ་མཛད་དེ་རབ་བྱུང་བསྙེན་རྫོགས་གནང་། འདུལ་བ་བསླབས་ཏེ་ཡར་ཕེབས་ནས་དབུས་གཙང་གི་མི་བཅུ་བཙན་པོ་རྣམས་ཀྱི་བླ་མཆོད་དུ་གྱུར། ཀླུ་མེས་ལ་གནས་གཞ…

མཁན་པོ་གྲོངས་པས་དེ་ག་སྡོམ་པར་ངོས་བཟུང་ནས་དེའི་རྒྱུན་སྤེལ་བ་ལ་དགེ་ཚུལ་ཆུ་གཏོར་མར་གྲགས། འབྲེ་གཞོན་ཚུལ་གྱིས་བླ་ཆེན་པོའི་མཁན་བུ་ཡ་ཟི་བོན་སྟོན་ལ་སྡོམ་པ་ཞུས་པས། དེར་བས་ཟེར་བའི་ངང་ལས་འདས་པས་སྡོམ་པ་ཐོབ་པར་བརྩིས་པས་སྡོམ་པ་དེར་བས་མར་གྲགས། འ་འབྲེ་གཉིས་ནས་གཙང་གི་ཕྱོགས་སུ་གནས་གཞི་དང་སྡེ་རྒྱ་ཆེར་འཕེལ་ཚུལ་ཀུན་མཁྱེ…