གནང་དང་། དེ་དང་འབྲེལ་བར་མཚན་བརྒྱ་རྩ་བརྒྱད་པའི་མདོའི་ལུང་རྗེས་གནང་གི་སྐབས་ངེས་པར་མཛད་དགོས་པའི་ཕྱག་བཞེས་ལྟར་ཐོབ་པའི་བརྒྱུད་པ་ནི། རྗེ་བཙུན་སྒྲོལ་མ། སློབ་དཔོན་ཀླུ་སྒྲུབ། བ་ལིང་ཏ་པ། ཐར་རྩེ་དང་ཤར་པའི་གསན་ཡིག་ན་མི་གསལ་ཡང་འཇམ་དབྱངས་མཁྱེན་བརྩེའི་དེར་སྣང་བ་ཆད་དམ་སྙམ། སངས་རྒྱས་ཡེ་ཤེས། ཌཱི་པཾ་ཀ་ར་བྷ་དྲ། དཔལ་བདེ…

ནས། རྗེ་ལྷ་མཆོག་སེང་གེ །དཀོན་ཅོག་ལྷུན་གྲུབ་མན་འདྲ། ཡང་ན་ངོར་ཆེན་ནས། མུས་ཆེན་སེམས་དཔའ་ཆེན་པོ། རྗེ་སངས་རྒྱས་རིན་ཅེན། དཀོན་ཅོག་ལྷུན་གྲུབ་མན་འདྲ། ཡང་ན་ངོར་ཆེན་ནས། རྒྱུ་འགུལ་པཎ་ཆེན། གློ་བོ་མཁན་ཆེན་ལེགས་འབྱུང་། འཇམ་དབྱངས་ས་ལོ། དཀོན་ཅོག་ལྷུན་གྲུབ་མན་འདྲ། ཡང་ན་ལྷ་མཆོག་སེང་གེ་ནས། ངོར་ཆེན་སངས་རྒྱས་སེང་གེ །ཐར་…

པ་ནས། ཞང་སྟོན་ཁུ་དབོན། བླ་མ་དམ་པ་མན་གོང་ལྟར་རོ། །ཡང་ན་འཕགས་པ་ནས། ཤར་པ་སྐུ་མཆེད། འཇམ་དབྱངས་ཆེན་པོ། བླ་མ་གཞོན་ཚུལ་བ། མཁན་ཆེན་ཤེས་རབ་རྡོ་རྗེ། ཆོས་སྒོ་བ་ཆོས་དཔལ་ཤེས་རབ། བྲག་ཐོག་པ་མན་འདྲ། །དཀོན་ཅོག་ལྷུན་གྲུབ་ཀྱིས་མཛད་པའི་རྗེས་གནང་གི་ཡི་གེའི་ལུང་ནི། རྗེ་དཀོན་ཅོག་ལྷུན་གྲུབ་ནས། བྲང་ཏི་པ་ནམ་མཁའ་དཔལ་བཟང་། སྒྲ…

གསུངས་པའི་རྒྱུད་ལེའུ་བརྒྱད་པའི་ལེའུ་གཉིས་པར། ནག་པོ་ཞལ་གཅིག་ཕྱག་དྲུག་པ། །གྲི་གུག་བགྲང་འཕྲེང་ཌཱ་མ་རུ། །ཐོད་པ་མདུང་དང་ཞགས་པ་བསྣམས། །ཞེས་གསལ་བར་བསྟན་ཅིང་རྩོད་མེད་ཡོངས་གྲགས་ཀྱི་རྒྱུད་རྭ་ཆོས་རབ་ཀྱིས་བསྒྱུར་བའི་མགོན་པོ་གསང་བ་མངོན་པར་འབྱུང་བའི་རྒྱུད་ལེའུ་ལྔ་བཅུ་པ་ལས། ཞལ་གསུམ་ཕྱག་དྲུག་པ་ལྷ་མོ་བཞིའི་འཁོར་དང་བ…

བཀྲ་ཤིས་ཀྱིས་མཛད་པའི་ཡི་གེའི་སྟེང་ནས་ནོས་པར། གཏོར་དབང་བར་གཅོད་ཀུན་སེལ། རྗེས་གནང་བར་གཅོད་ཀུན་སེལ། དབང་བཞི་བྱིན་རླབས་ཀྱི་ཚུལ་དུ་བསྐུར་བ། བླ་མགོན་དབྱེར་མེད་ཀྱི་སྐོར་ལ་ཞི་བ་གྲིབ་སེལ། རྒྱས་པ་བླ་མ་མགོན་པོ་དབྱེར་མེད། མཁའ་འགྲོ་དབང་སྡུས་དང་གནས་དབབ་གཅིག་ཏུ་བྱས་པ། གསང་སྒྲུབ་མགོན་པོ་མཆིན་ཁ། ནང་སྒྲུབ་རྒྱན་ཅན། མག…

གྲུབ་འབྱུང་བའི་རྒྱུད་ལེའུ་ཉེར་ལྔ་པ་ཚད་ལྡན་དུ་མཛད་འདུག་ཀྱང་ཐམས་ཅད་མཁྱེན་པ་བུ་སོགས་ཚད་མར་མི་བཞེད་པ་རྒྱུད་འབུམ་དཀར་ཆག་ན་གསལ་བས་དུར་ཁྲོད་ནག་པོའི་རྒྱུད་བུ་སྟོན་གྱིས་བརྫུས་མར་བཞེད་པ་བཞིན་ཁོ་བོ་འདོད་གསུང་བ་དུར་ཁྲོད་ནག་པོ་རྣམ་པར་མ་དག་ཅིང་དངོས་གྲུབ་འབྱུང་བ་རྣམ་པར་དག་པ་རང་གི་ཞེན་འདོད་གཙོ་བོར་སྟོན་པ་ལས་རྣམ་དཔྱ…

བྱས་ཞེས་ཞལ་གྱིས་འཆེས་པ་བཞིན་འདིར་ཡང་ཞུས་དག་ཅིག་དགོས་པ་འདྲ་ཡང་ལོ་ཙཱ་ཞིག་མ་རྙེད་པའི་རང་བཙན་དུ་ལུས་པ་འདྲའོ། །བྱིན་གྱིས་བརླབ་པའི་ནག་པོ་ཆེན་པོ་འདི་ཉམས་སུ་ལེན་ཚུལ་དཔལ་ཕྱག་དྲུག་པའི་སྒྲུབ་ཡིག་མངོན་པར་རྟོགས་པ་རྒྱས་པའི་ཡི་གེ །ལག་ཏུ་ལེན་པའི་མན་ངག་མངོན་པར་རྟོགས་པ་སྒྲུབ་པའི་ཐབས་འབྲིང་པོའི་ཡི་གེ །རྣམ་པ་གཅིག་ཏུ་མང…

དཔལ་མགོན་པོའི་གཏོར་སྒྲུབ་བྱེད་པར་འདོད་པས་ཞེས་ཡོད་པའི་གཏོར་སྒྲུབ་བྱ་ཐབས་སོའི་མཐའ་ཅན། མཁས་གྲུབ་རྗེས་གཏོར་སྒྲུབ་འདི་ཤངས་པའི་ཡིག་རྙིང་ཞིག་ཡིན་འདུག་ཀྱང་མཛད་པ་པོ་བླ་མ་རྣམས་གསུང་རྒྱུན་མི་སྣང་གཏོར་སྒྲུབ་དང་གཏོར་ཆེན་འདྲེས་པས་མི་མཁས་པ་ཞིག་གིས་བྱས་འདྲ་སྙམ་པའི་རྟོག་པ་སྐྱེས་གསུང་བ་འདུག །འགོར་གཏོར་ཆེན་བྱེད་པར་འདོ…

མཁའ་ལ་གཤེགས་པ། འགོར་སློབ་མའི་སྙིང་ན་ཆོས་ཀྱི་འཁོར་ལོ་ཞེས་ཡོད་པའི་མགོན་པོ་སྙིང་ཞུགས་ཀྱི་རྗེས་གནང་ཟུར་འདེབས། འདིའི་གཤམ་དུ་མཁས་གྲུབ་རྗེས་རྗེ་ནམ་མཁའི་རྣལ་འབྱོར་གྱི་ཕྱག་དཔེ་ན་མཆན་བུར་ཡོད་པ་མ་གཏོགས་གཞན་ལ་མེད་ཚུལ་མགོན་པོ་རིགས་ལྔའི་རྗེས་གནང་སྟོད་ལུགས་པར་ཡོད་པ་མ་དག་པ་དང་། གཏོར་སྣོད་པདྨར་བསྐྱེད་པ་མི་འཐད་ཚུལ་གས…

སྲང་བརྒྱ་ཕུལ་བས་ཞུས་ཏེ་རྨོག་ལྕོག་པ་ལ་གཏད་པའི་ཆིག་བརྒྱུད་མ། དེའི་གསང་བའི་སྒྲུབ་ཐབས་ཀྱི་རྒྱ་གཞུང་ཤ་ཝ་རི་པས་མཛད་པ་རྫོགས་བྱང་གི་མཐའ་ཅན། དཔལ་མགོན་པོའི་གསང་བའི་སྒྲུབ་ཐབས་ཐུན་མོང་མ་ཡིན་པ་མགོན་པོ་རྒྱན་ཅན་དུ་གྲགས་པ་དེང་སང་འདི་ལ་ནང་སྒྲུབ་ཟེར། རཱ་ཧུ་ལས་རྡོ་རྗེ་འཆང་ལ་དངོས་སུ་གསན་ནས་གྲུབ་པ་བརྙེས་པ། དེའི་དབང་ཆོག་…

ཡོད་པ་སྔགས་གསུམ་གའི་རྗེས་ཟློས་བྱའོའི་མཐའ་ཅན། གུ་ཎ་ཨ་ཀ་ར་དང་ཨ་ཐ་ཡ་ན་བཛྲ་གཉིས་ལས་བརྒྱུད་པའི་ལྷ་བཞི་དྲིལ་སྒྲུབ་ཀྱི་ལམ་གྱི་རིམ་པ་རྗེ་བཙུན་མཁའ་སྤྱོད་མའི་སྒྲུབ་ཐབས་མངོན་པར་རྟོགས་པ་རྫོགས་སོའི་མཐའ་ཅན། འགོར་རྡོ་རྗེ་ཕག་མོའི་བྱིན་གྱིས་བརླབ་པ་ཞེས་ཡོད་པའི་རྣལ་འབྱོར་མའི་སྒྲུབ་ཐབས་ཨ་ཐ་ཡ་བཛྲ་གྱིས་མཛད་པ། ལྷ་བཞིའི་ཞལ…

རྟེན་པའི་དངོས་གྲུབ་ཐམས་ཅད་བསྡུ་བའི་འདི་དང་གོང་གི་འཇིག་རྟེན་པའི་དངོས་གྲུབ་བསྡུས་པ་གཉིས་མི་འདྲ་ཡང་མགོན་དཀར་དང་དབང་རྒྱལ་གྱི་ཁྱད་ཡོད་པས་མི་གཅིག་གོ །མན་ངག་དངོས་གྲུབ་ཐམས་ཅད་མོད་ལ་འགྲུབ་པར་ཤོག་གི་མཐའ་ཅན། བསྟོད་པ་རྒྱལ་ཀུན་མ། མཁས་གྲུབ་ཆོས་རྗེས་ཕྱག་དྲུག་པའི་སྐོར་རྩད་བཅད་ཅིང་དག་ཐེར་མཛད་པའི་ཐེམས་ཡིག་ཁོ་བོས་ཡི་ག…

དཔལ་ལྡན་ལྷ་མོ་ནག་མོ་ཕྱག་བཞི་མའི་བསྙེན་སྒྲུབ་ལས་སྦྱོར་རྟེན་བཅའ་ཐབས་དང་བཅས་པ་ཤིན་ཏུ་གཉན་པ་ལས་ལ་སྦྱར་བ་ས་མཱ་ཡ་གུ་ཧྱའི་མཐའ་ཅན། མཻ་ཏྲི་པའི་ལུགས་ཀྱི་ལྷ་མོ་ཕྱག་གཉིས་མའི་སྲོག་སྒྲུབ་ཆུང་བ་རྫོགས་སོའི་མཐའ་ཅན། དེའི་ལུགས་ཀྱི་སྲོག་སྒྲུབ་རྒྱས་པ་ལ་ལ་བླ་མ་རེ་གོང་པས་མཛད་ཟེར། འགའ་ཞིག་སྐྱེར་སྒང་པས་མཛད་ནས་ལྕགས་ཕོ་རིའི་བ…

བཟང་གིས་མཛད་པའི་མགོན་པོའི་བསྟོད་པ་གང་ཐུགས་མ། དེས་མཛད་པའི་ལྷ་མོའི་བསྟོད་པ་དཔལ་ལྡན་མ་མོ་མ། ཁྱུང་པོས་མཛད་པའི་བཀྲ་ཤིས་བཀའ་རྒྱ་མ་རྣམས། གཉིས་པ་ཐུན་མོང་མ་ཡིན་པ་ཤོག་དྲིལ་སྐོར་ལ། ཤོག་དྲིལ་དང་པོ་ལ་བསྲུང་འཁོར་འདྲི་ཐབས་རྡོ་རྗེའི་གོ་ཆ་བླ་མ་ཤངས་པ་ལོ་ཙཱ་བ་ལ་ནག་པོ་ཆེན་པོས་བསྟན་པ། མཁས་གྲུབ་རྗེའི་ཞུས་དག་མ་ཡིན་པས་མཇུག…

པ་ཀུན་གསོ། །གདམས་པ་ལྔ་པོ་འདི་གྲུབ་ཆེན་རཱ་ཧུ་ལས་མཁས་གྲུབ་ཁྱུང་པོ་རྣལ་འབྱོར་ལ་གསུངས་པའི་སྙན་བརྒྱུད་བླ་མའི་ཞལ་ཤེས་མ། ཡང་ཟློག་གི་ཞལ་ཤེས་ཡིག་ཆུང་རྣམས། ཤོག་དྲིལ་གསུམ་པ་མགོན་པོའི་སྦྱིན་སྲེག་གི་ཆོ་ག་སྔོན་འགྲོ་དངོས་གཞི་རྗེས་གསུམ་གྱིས་བསྟན་པ། འགྲུབ་ཁུང་ལིང་ག་འཁོར་ལོ་སོགས་བསྟན་པ་ལས་ཀྱི་འཁོར་ལོ་ཞེས་བྱ་བ་རཱ་ཧུ་ལ…

ཞིག་འདྲའོ། །སྲིའུ་གསོ་བའི་གདམས་པ་གཏོར་མས་བསྲུང་བ་ལ་ཞལ་ཤེས་ཀྱང་ཡོད་དོའི་མཐའ་ཅན། གུ་གུལ་གྱི་བསྙེན་པས་བགེགས་སྐྲོད་པ། ཡུངས་ཀར་གྱི་བསྙེན་པས་བགེགས་ཚར་གཅོད་པ། ལམ་དུ་འགྲོ་བའི་བར་ཆད་བསྲུང་བ། གནོད་བྱེད་སྲེག་པར་བསམ་པའི་མཐའ་ཅན། ལུག་ནག་པོའི་བལ་གྱི་བསྲུང་སྐུད་དམ་ཚིག་མ་ཉམས་པས་བྱའོའི་མཐའ་ཅན། ངག་གནོད་སེལ་བའི་གདམས་པ་…

ཤ་ཝ་རི་དབང་ཕྱུག་གིས་རྒྱུད་ནས་ཕྱུང་སྟེ་གུཔྟ་བཛྲ་ལ་གནང་། དེས་འཇོག་པོའི་རིར་ཁྱུང་པོ་ལ་གནང་བའི་སྐྱེ་རགས་ཐེམ་ཁུག་ནས་ཕྱུང་བར་རྫས་སྔགས་ཏིང་ངེ་འཛིན་ལ་བརྟེན་པའི་མགོན་པོའི་རླུང་སྒྲུབ་ཀྱིས་ལོ་ཏོག་འཇོམས་ཤིང་ཐོག་དབབ་པ། མིའི་རླིད་བུ་ལ་བརྟེན་པའི་མགོན་པོའི་རླུང་སྒྲུབ་ཀྱིས་སྦོོས་ཏེ་གསད་པའོ། །འཁོར་གྱི་རླུང་སྒྲུབ་ལ། མ…

སྟོན་ཡན་ལ་ཆིག་བརྒྱུད་མ་གནད་ཡིག་ཡིད་བཞིན་ནོར་བུར་གྲགས་པ་སངས་རྒྱས་སྟོན་པས་རི་གོང་དཔལ་གྱི་རི་ཁྲོད་དུ་ཡི་གེར་བཀོད་པ། རྟ་མགྲིན་ལ་བརྟེན་པའི་བསྲུང་བ་རྡོ་རྗེའི་ཆར་འབེབས་ཐུན་མོང་མ་ཡིན་པའི་ཞལ་ཤེས། བགེགས་ཀྱི་རྒྱལ་པོ་ལ་བརྟེན་ནས་པྲ་འབེབས་པའི་གདམས་པ་རྣམས། ཤོག་དྲིལ་བདུན་པ་ལ་དཔལ་ལྡན་ལྷ་མོའི་ཕྱག་གཡོན་གྱི་ཐོད་པ་ལ་བརྟ…

དངོས་ཀྱིས་ཤངས་པ་ལོ་ཙཱ་བ་གནང་བ་སྟོན་པའི་བསྟན་པ་བསྲུང་བར་གྱུར་ཅིག་གི་མཐའ་ཅན། རྣལ་འབྱོར་གྱི་དབང་ཕྱུག་ཤ་ཝ་རི་པས་རྒྱུད་ནས་ཕྱུང་སྟེ་སྲས་ཀྱི་ཐུ་བོར་གནང་ཞིང་ས་ར་ཧའི་ལུགས་ཀྱང་མཻ་ཏྲི་པར་གསན་པའི་མགོན་པོའི་འཁོར་ལོའི་ལས་སྦྱོར་ཤངས་ཁྲག་གི་ཤོག་དྲིལ་དང་པོ། རེ་མ་ཏིའི་མན་ངག་གི་འཁོར་ལོའི་ལས་སྦྱོར་ལྷ་མོའི་སྙིང་ཁྲག་ཤོག་ད…

རྒྱས་ཐོབ། །སྣོད་མིན་དག་ལ་སྤེལ་གྱུར་ན། །ཀྵེ་ཏྲ་པཱ་ལ་ཡབ་ཡུམ་གྱིས། །དེ་ཡི་སྙིང་ཕྱུང་སྲོག་ཆོད་ཅིགཅེས་པ་སྣང་ངོ་། ཤོག་དྲིལ་བཅུ་གཉིས་པ་ལ་ཤོག་དྲིལ་དམར་པོའི་མན་ངག་སྐོར་ལ་རིགས་གཏད་པའི་ཞལ་ཤེས། ནང་རྟེན་གྱི་ཞལ་ཤེས། གསང་རྟེན་གྱི་ཞལ་ཤེས། དེ་ཁོ་ན་ཉིད་ཀྱི་རྟེན་གྱི་ཞལ་ཤེས། ཁྱད་པར་ཅན་གྱི་རྟེན་བརྡབ་དར་གྱི་ཞལ་ཤེས་རྣམས། …