སྡེ་བརྒྱད་ལུས་ཚོགས་ཕྱེ་མར་འཐག་བྱེད་པ། །ཁྲོ་རྒྱལ་སྟོབས་ལྡན་ཞེ་སྡང་རྡོ་རྗེ་ལ། །ནམ་མཁའི་སྙིང་པོར་སྤྲོས་བྲལ་བདེ་ཆེན་མ། །གསུངས་པའི་བརྗོད་བྱའི་དོན་ཀུན་ཉེར་ཚང་བ། །མིག་གི་བདུད་རྩིར་བྱེད་དང་སྒྲོལ་གིང་ཆེ། །སྟོང་དཔོན་ལི་བྱིན་ཧ་རས་ཡོངས་བསྐོར་བས། །རྡོ་རྗེ་བྲག་རིའི་བར་དུ་གནོད་བྱེད་ཚོགས། །ཕྱེར་བཏགས་ལྷག་མ་སྡིག་པའི་…

དང་གཞུག་ཚགས་ལྷ་ས་འཇམ་དབྱངས་དབང་པོ། འཁོར་གྲ་སྡིངས་མི་འགྱུར། ཚོན་མདངས་མཁར་རྩེ་དགེ་བསྙེན་རྒྱལ་པོ། གཞུག་སྒྱོང་ལྕང་སྲུང་ཁང་རིན་ཅེན་རྡོ་རྗེ། གསེར་རིས་ལྷ་ས་ལགས་རྟ་མགྲིན་རྣམས་ཀྱིས་བགྱིས། །གཡོན་དྲུག་པ། དུས་ཀྱི་དགྲ་བོ་ཕྱག་རྒྱ་ཟིལ་གནོན་ཆེ། །བན་བོན་བྱད་མའི་གཉེན་པོར་ཁྲོས་པའི་ཞལ། །གནམ་ས་ཙམ་གདངས་རབ་དཀར་མཆེ་བའི་རྩེ…

དཔོན་བོད་རྗེས་འཛིན་པར་བྱོན་ཚུལ་དང༌། །དཔལ་ལྡན་ལྷ་མོ་ནོར་བཟང་གིས་བསྐོར་བས། །ས་ནད་གཉན་རྒོད་རིམས་ཀྱི་འཚེ་བ་ཀུན། །ཚ་གྲང་ཉི་ཟླ་བརྡབས་པས་ཆེར་འཐག་ཅིང༌། །འདི་ཕྱི་བར་དོའི་གནས་སྐབས་མ་ལུས་པ། །བསམས་དོན་ལྷུན་གྱིས་འགྲུབ་པའི་བཀྲ་ཤིས་ཤོག །གཡོན་བདུན་པའི་གཙོ་བོའི་སྐྱ་བྲིས་དབུ་འབྲིང་ཕོ་བྲང་ཕུན་ཚོགས། གཞུག་ཚོགས་དབུ་འབྲིང…

པ་རང་རིག་ཆོས་སྐུའི་རྩལ། །རྣམ་དག་དབྱིངས་ཀྱི་སྒྲོན་མར་ལོངས་སྐུའི་ཞིང༌། །མྱུལ་བས་བླ་མེད་ཡེ་ཤེས་ཕུན་ཚོགས་པ། །འཁྲུལ་མེད་སྤྲུལ་པའི་ཟློས་གར་མྱུར་འབྱོན་ཤོག །ཨོཌི་ཡ་ཎའི་མཁན་པོའི་ཐུགས་ཀྱི་བཅུད། །ཆོས་རྒྱལ་རཏྣ་གླིང་པའི་ཟབ་མོའི་གཏེར། །སླར་ཡང་འཛིན་ཞིང་སྤེལ་བའི་སྤྲུལ་པའི་གར། །རྩ་གསུམ་ཐུགས་རྗེའི་མཐུ་ཡིས་མྱུར་འགྲུབ་…

ལས་མཐར་ཕྱིན་རང་སྐལ་གཏེར། །བསྟན་འགྲོའི་དོན་དུ་སླར་ཡང་བཞེས་པར་ཤོག །ཚེ་རིང་གནམ་གྱི་ལུང་གིས་ཡངས་པའི་ས། །སྟོབས་ཀྱི་འཁོར་ལོས་མངོན་པར་སྒྱུར་བ་ཡིས། །དགའ་ལྡན་ཕོ་བྲང་ཆོས་དང་སྲིད་ཀྱི་བསྟན། །རྒྱ་ཧོར་བོད་ཁྱབ་འཕེལ་ཞིང་བརྟན་པར་ཤོག །གཏེར་གསར་བཤད་སྒྲུབ་ལུགས་འཛིན་སྨིན་གྲོལ་གླིང༌། །ཐོས་བསམ་སྒོམ་དང་སྲིད་ཞིའི་ཡོན་ཏན་ཚོག…

དབང་ཕྱུག་མཆོག །དཀོན་མཆོག་ཉི་མའི་ཐུགས་དམ་རྟེན་ཐང་འདི། །བཞེངས་པས་སྲིད་ཞིའི་བཞེད་དོན་ལྷུན་གྲུབ་སྟེ། །འགྲོ་ཀུན་བྱང་ཆུབ་ཆེན་པོར་འདྲེན་གྱུར་ཅིག །ཅེས་པའང་སྤྲུལ་སྐུ་རིན་པོ་ཆེ་ངག་དབང་དཀོན་ཅོག་ཉི་མའི་ཐུགས་དམ་རྟེན་གྱི་རྒྱབ་ཡིག་ཤློཀ་གཅིག་པ་ཞིག་དགོས་ཚུལ་བཞིན་ཟ་ཧོར་གྱི་བནྡེས་བཀོད་པའི་ཡི་གེ་པ་ནི་གནས་བརྟན་འཇམ་དབྱངས…

ནིང་སོགས། །ཡི་དམ་ཆོས་སྲུང་རྒྱ་མཚོའི་ཚོགས་རྣམས་ཀྱིས། །རིགས་འཛིན་ཆོས་རྗེར་སྔར་གྱི་སྲི་ངན་ཀུན། །རབ་ཞི་གཡུང་དྲུང་ལྟ་བུར་བརྟན་པར་ཤོག །ལོ་ཆེན་ངག་དབང་ཆོས་དཔལ་གྱི་བརྟན་བཞུགས་ཤིག་དགོས་ཞེས་ཆོས་མཛད་ངག་དབང་འཕྲིན་ལས་ཀྱིས་བསྐུལ་བ་ལྟར་ཟ་ཧོར་བནྡེས་སྦྱར་བའི་ཡི་གེ་པ་ནི་གནས་བརྟན་འཇམ་དབྱངས་གྲགས་པའོ། །བཻཌཱུཪྻ་མདོག་མཚན་ད…

མ་ལུས་པ། །བསམ་དོན་ཇི་བཞིན་འབད་མེད་ལྷུན་གྲུབ་པར། །སྨན་བླ་དྲང་སྲོང་བརྒྱུད་པས་ཐུགས་རྗེས་ཟུངས། །འགྲོ་ལ་སྲོག་འཚོ་མི་འཇིགས་སྦྱིན་པའི་སྨན། །རབ་བསྐྲུན་གཙུག་ལག་པཻཌཱུཪྻ་ཡི་འཕྲེང༌། །བཤད་སྒྲུབ་སྲད་བུར་བརྒྱུས་ནས་ཆད་མེད་དུ། །འཇིག་རྟེན་གསུམ་གྱི་བསོད་ནམས་དཔལ་འབར་ཤོག །ཅེས་དར་མོ་སྨན་རམས་པ་བློ་བཟང་ཆོས་གྲགས་ཀྱིས་སྐུ་གས…

འོད་ཀྱང་ཟིལ་གནོན་པ། །ངལ་བསོས་པོ་ཡི་ཞལ་དང་ནེའུ་ལེའི་ཁར། །བབས་པའི་ཕུན་ཚོགས་འདོད་དགུའི་ཆར་ཆེན་པོས། །དབུལ་བའི་སྡུག་བསྔལ་མཐའ་དག་དྲུངས་འབྱིན་ཤོག །ཐུགས་རྗེ་སྙིགས་མའི་དུས་འདིར་ཆེར་ལྷག་པ། །སྨན་གྱི་བླ་མའི་སྐུ་བརྙན་སྟོང་ཕྲག་གི །གྲངས་ལྡན་བཞེངས་པས་སྲིད་དང་ཞི་བ་ཡི། །བདེ་སྐྱིད་དཔལ་ལ་སྤྱོད་པར་བྱིན་གྱིས་རློབས། །སྤྱན…

ཀྱིས། །ཡིད་སྲུབས་སྡེ་ལས་རྣམ་པར་རྒྱལ་བ་ཡི། །རུ་མཚོན་སྲིད་རྩེར་བསྒྲེང་བའི་འཕྲིན་ལས་མཛོད། །ཅེས་གནས་རྙིང་སྤྲུལ་པའི་སྐུར་བརྗོད་དོན་འདི་ལྟ་བུ་ཡོད་པའི་བརྟན་བཞུགས་ཡང་ཡང་འབུལ་དགོས་ཚུལ་ཐང་སྲས་དང༌། གནས་རྙིང་གི་རྟ་སྒོ་ལྷ་བཙན་གཉིས་ཀྱིས་ལུང་བསྟན་ལྟར་དྲུང་ཆེན་དང་རི་བོ་བདེ་ཆེན་གྱི་དབུ་མཛད་ཀྱིས་བསྐུལ་མ་བྱུང་བ་བཞིན་ཟ…

བྱུགས་པས་བསྒྲུན་མིན་པ། །མཚར་སྡུག་ལང་ཚོའི་དཔལ་གྱི་འཇོ་སྒེག་ཅན། །འཆི་མེད་ཚེ་དཔལ་མཆོག་སྦྱིན་ཕྱག་རྒྱ་ཡིས། །འགྲོ་ཀུན་རྡོ་རྗེའི་སྲོག་ཏུ་འགྲུབ་བྱིན་རློབས། །ལྔ་རིག་གཞུང་བརྒྱར་བརྗོད་པ་རྣམ་དག་ངག །དབང་ཕྱུག་བློ་ཡི་མ་དྲོས་ཀླུང་ཆེན་ལས། །ལེགས་བཤད་རྣམ་བཞིའི་ཆུ་བོ་སྐལ་བཟང་གི །ཐོས་འཛིན་རྒྱ་མཚོའི་ཀློང་དུ་འབབ་པར་ཤོག །ཕ…

སྨོན་ལམ་དྲོད་གཤེར་གྱིས་སྨིན་ཏེ། །ས་བཅུ་ལམ་ལྔ་ཛམྦུ་ཏྲི་ཤའི་འབྲས། །ཀུ་བའི་གསེར་གྱི་སྙེ་མར་འགྱུར་བར་ཤོག །རྣམ་འདྲེན་དེའི་གསུང་ལེགས་འཛིན་སྐྱེ་འཕགས་ཚོགས། །ལྷ་དང་དྲང་སྲོང་བདེན་པའི་ཚིག་ལ་དབང༌། །སླུ་མེད་རྟེན་ཅིང་འབྲེལ་བར་འབྱུང་བའི་མཐུས། །རེ་བའི་འདོད་དོན་མ་ལུས་འགྲུབ་པར་ཤོག །ཅེས་བདེན་པ་བརྗོད་པའི་ཚིགས་སུ་བཅད་པ་…

མངའ་སངས་རྒྱས་གར་གྱི་དབང༌། །བདེན་གཉིས་ཆོས་ཕུང་དབྱངས་སྙན་ཚེ་ཡི་གཟུངས། །རིག་གྲོལ་དཔལ་ལྡན་རྒྱལ་སྲས་དགེ་འདུན་ཏེ། །མཆོག་གསུམ་ཐུགས་རྗེའི་གཟི་འོད་དེང་འབར་མཛོད། །གཙུག་ལག་བྱེ་བར་བརྗོད་པ་རྣམ་དག་ངག །དབང་ཕྱུག་གྲུབ་པའི་བློ་གྲོས་སྐལ་བཟང་གི །རྣམ་འདྲེན་བཞི་པའི་རིང་ལུགས་རྒྱ་མཚོའི་གཏིང༌། །དཔོགས་ནུས་འཇིགས་མེད་བཤེས་གཉེན…

བདེ་སྨན་སྔགས་མཐུ་ནུས་འགྲུབ། །ལྷ་མིན་འབྱུང་པོ་རང་རྒྱུད་ཞི་ཞིང་དུལ། །ལོ་ཏོག་རྩི་བཅུད་ཚོང་གི་ཁོ་སྤོགས་འཕེལ། །སྲིད་འབྱོར་ཡོངས་འདུའི་སྙེ་མ་གཡུར་ཟ་ཤོག །མང་ཐོས་དོན་བསམ་སྒོམ་པའི་ཐེམ་སྐས་ལ། །ངེས་འབྱུང་བྱང་སེམས་སྟོང་ཉིད་བསྐྱེད་རྫོགས་ཀྱི། །གོམ་སྟབས་ལྷོད་པོར་འཛེགས་ནས་སྐུ་བཞི་དང༌། །ཡེ་ཤེས་ལྔ་ལྡན་གྲོང་དུ་བགྲོད་པར…

གཟུགས་རྣམས་གཞན་དུ་མ་གྱུར་བར། །མི་ཤིགས་སྐྱིལ་ཀྲུང་གཅིག་བཅས་ཚེ་དཔག་མེད། །མཛོད་སྦུའི་ཟེར་གྱིས་སྲིད་འཁྱམས་འགྲོ་ཀུན་གྱི། །དུས་མིན་འཆི་བའི་སྨག་རུམ་མཐར་སྐྲོད་ཅིག །མགྲིན་པར་འཇམ་མགོན་གཞོན་ནུའི་འཇོ་སྒེག་ལ། །ཚངས་སྲས་ལྷ་མོས་ཉེར་འཁྱུད་བཞད་པའི་སྒྲ། །གཞོམ་མེད་རྡོ་རྗེའི་གླུར་ལེན་ངག་གི་དབང༌། །བློ་གསལ་སྐལ་བཟང་རྒྱ་མཚོ…

རྒྱལ་པོར་མང་ཇ་འགྱེད་བཅས་གང་ལྕོགས་ཐོག་འཛུགས་རྩིས་ཡིན་པས་རྩོམས་ཤིག་པར་དྭགས་ལྷ་སྒམ་པོ་ནས་སྤྲུལ་སྐུ་རིན་པོ་ཆེ་བློ་བཟང་འཕྲིན་ལས་རྣམ་རྒྱལ་ངེས་དོན་གྲུབ་པའི་ཤིང་རྟ་མཆོག་གི་སྡེའི་གསུང་གིས་བསྐུལ་བ་དང་དུ་བླངས་ཏེ་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་དཔལ་གྲོང་སྔགས་རམས་པ་ངག་དབང་དགེ་ལེགས་སོ། །རྩ་གསུམ་བྱིན་རླབས་རྟེན…

རིས་མེད་སྐྱེ་རྒུར་བརྩེ་ཡང་ཞི་བའི་དབྱིངས། །གཟུགས་སྐུ་མ་བསྡུས་འདོད་ཁམས་གནས་སོ་སོར། །ལེགས་བཞུགས་ཟུག་རྔུ་འབྱིན་ཅིང་སིམ་པ་སྟེར། །དེ་ཕྱིར་ཐུབ་དབང་གནས་བརྟན་བཅུ་དྲུག་གི །སྣང་བརྙན་བྲིས་ཐང་བདུན་ལ་ཉེར་ཚང་བ། །ལྷ་བཟོ་ཆོས་སྐྱོང་སྤུན་དང་མར་བཅས་པས། །རྣམ་དག་བསམ་དང་སྦྱོར་བས་བཞེངས་པའི་མཐུས། །དུས་ཀྱི་ཆོས་ཉིད་གྱུར་བ་དཔལ…

ནམ་མཁའི་ཟླ་བ་ཡི། །དཔལ་ལྷ་ངན་སོང་གསུམ་མུན་ལ་འབྱོན་པ། །རབ་གསལ་མངོན་མཐོའི་ཀུནྡ་བཞད་བྱིན་རློབས། །དམིགས་ཡུལ་ཡོན་སྦྱོར་གྱིས་མཚོན་མཁའ་མཉམ་གྱི། །སེམས་ཅན་མཐའ་དག་སྲིད་ཞིའི་མཐའ་གཉིས་སུ། །མ་ལྷུངས་དབུ་མར་གནས་པ་རྫོགས་སངས་རྒྱས། །ཐོབ་ཕྱིར་བྱམས་མགོན་ཕྱག་རིང་གཙུག་རྐྱོང་མཛོད། །ཅེས་པའང་ལྷ་བཟོ་བ་ཆོས་སྐྱོང་ནང་མིར་བཅས་པས་…

སའི་དབང་ཕྱུག་མཆོག །གཞོམ་མེད་རྡོ་རྗེའི་ངོ་བོར་ལྷུན་གྲུབ་ཤོག །སྐུ་ཚེ་རིགས་བརྒྱུད་ཕུན་ཚོགས་དཔལ་འབྱོར་ཀུན། །གསེར་གྱི་འཁོར་ལོ་སྒྱུར་རྒྱལ་ཇི་བཞིན་གྱི། །ཁྲིམས་གཉིས་གཉའ་ཤིང་མངའ་འབངས་ཕྲག་པ་ལ། །ལྕི་བའི་རྫོགས་ལྡན་དུས་ཀྱི་རྗེས་འགྲོར་ཤོག །ཐུབ་པས་ལེགས་གསུངས་བགྲང་ཡས་མདོ་རྒྱུད་ཆོས། །འགལ་མེད་བྱང་ཆུབ་བསྒྲུབ་ལ་གདམས་པ་…

ཚོགས་རྣམས་ཀྱིས། །བསམས་པའི་དོན་ཀུན་འགྲུབ་པའི་གྲོགས་བྱེད་ཤོག །ཅེས་ངེད་རང་དང་སྡེ་པའི་རིམ་གྲོ་གཙོ་བོར་གྱུར་པའི་སྨོན་ལམ་གྱི་བདེན་བརྗོད་ཚིག་སྦྱོར་གསལ་ཞིང་འཇམ་བདེ་བ་ཞིག་འབྲས་སྤུངས་དང་རི་བོ་ཆོས་གླིང་སོགས་ཆོས་སྡེ་ཁ་ཤས་སུ་འཛུགས་རྩིས་ཡིན་པས་དགོས་ཞེས་མཆོད་དཔོན་ངག་དབང་ཤེས་རབ་ཀྱིས་བསྐུལ་བ་ལྟར་ཟ་ཧོར་གྱི་བནྡེས་སྦྱར…