འཕགས་མི་ཡི་བདག །སྐུ་ཚེ་ཆབ་སྲིད་མངའ་ཐང་རྒྱས་པར་ཤོག །ལྷག་བསམ་ཚངས་པའི་རལ་ཀླུང་སྟུག་པོ་ནས། །དགེ་ཚོགས་འཛད་མེད་གངྒཱ་འདྲེན་མཁས་པས། །སྐལ་ལྡན་ཤིང་རྟའི་མཆེད་ཟླ་ཧོར་བོད་ཀྱི། །སྐད་གཉིས་སྨྲ་བ་སེ་ཆེན་དབོན་པོ་གང༌། །བརྒྱ་ཕྲག་བགྲང་བྱར་ཉེ་བ་རིང་པོའི་ཚེ། །རྣམ་ཐོས་བུ་ལ་འགྲན་བཟོད་བསོད་ནམས་ཀྱི། །འཆར་དང་ནུབ་པ་དང་བྲལ་དུས་ཀ…

རྗེ་འབངས་རྣམས་ལ་ནད་གདོན་བར་གཅོད་ཀྱིས། །ཉེར་འཚེ་ཀུན་ཞི་ཚེ་དཔལ་རིགས་བརྒྱུད་སོགས། །ཡར་ངོའི་ཟླ་ལྟར་འཕེལ་བར་བྱིན་རློབས་ཤིག །སྨོན་ལམ་ཅི་བཏབ་རེ་བ་ཇི་བཞིན་དུ། །ལྷུན་གྱིས་གྲུབ་པར་བླ་མ་ཡི་དམ་ལྷ། །སངས་རྒྱས་བྱང་སེམས་ཉན་རང་ཆོས་སྐྱོངས་གིས། །དངོས་གྲུབ་ཆར་འབེབས་ལས་ཀུན་བསྒྲུབས་པར་ཤོག །ཅེས་སྡེ་མང་གི་འདོན་རྒྱུ་འདི་ལྟ་…

ཚིག་ལ་དབང༌། །ཚུལ་ཁྲིམས་ལྡན་པའི་སྨོན་ལམ་དེང་འགྲུབ་ཤོག །ཅེས་བརྗོད་དོན་དང་མང་ཉུང་འདི་ཙམ་ཡོད་པའི་སྨོན་ལམ་ཞིག་དགའ་ལྡན་དོན་གཉིས་གླིང་བླ་སྤྱི་མཐུན་མོང་གིས་བསྐུལ་བ་ལྟར་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་འཆམས་དཔོན་ངག་དབང་དཀོན་ཅོག་གོ །དུས་ཀྱི་དགྲ་བོར་ཁྲག་འཐུང་རོལ་གར་གྱིས། །འཁོར་འདས་ཕྱག་རྒྱ་ཟིལ་གནོན་བཞད་པ་རྩལ…

ཡོངས་བསྒྲིགས་ཆོ་ག་ཡིས། །བདུད་ལས་རྣམ་པར་རྒྱལ་བའི་ཕན་བདེའི་སྒོ། །ལེགས་འབྱེད་བཤད་སྒྲུབ་ངེས་གསང་ཐེག་མཆོག་གླིང༌། །དེའི་ཆེད་བརྩོན་ལྡན་དགེ་སློང་རིག་པ་འཛིན། །འཇམ་དབྱངས་གྲགས་པས་སྒོ་གསུམ་འབད་པའི་མཐུས། །རྡོ་རྗེ་སློབ་དཔོན་སྟུག་པོ་བཀོད་ཞིང་གི །མགོན་ལྟར་བསྐལ་པར་གཡོ་མེད་བརྟན་པར་ཤོག །མི་ཡི་དབང་ཕྱུག་སྐུ་ཚེ་མངའ་ཐང་དང…

ལིང་ཁ་བཅུ་དྲུག །སྨན་རྙིང་ཁ་བཅུ། རྟེན་ཁེབས་གཉིས། རྒྱ་གོས་སེའུ་མ། གོས་ཡུག་བཞི། གོས་གསང་ཚོན་ཁྲ་ཁ་དོ། ལིང་སེར་ཡུག་དང་ལིང་དཀར་ཁ་ལྔ། དྲིལ་བུ་ཐེག་ཆེན་གསུམ་དང་བོད་དྲིལ་གཅིག །ཚོགས་ཁྲོ་གཅིག །ཟངས་དམར་གྱི་ཀ་ཋོ་ར་ཆ་གཅིག་རྣམས་ལ་དགེ་སྐོས་ཐེར་ཟན་ཚོས་གོང་བརྒྱབ་ལ་ཁྱོན་བསྡོམས་དངུལ་སྲང་ཉིས་བརྒྱ་དང་ཞོ་གསུམ་ཐོབ་པ་རྣམ་པར་…

ཐེག་ཆེན་དམ་ཆོས་ཐོས་བསམ་དང༌། །སྒོམ་པས་སྤྱན་རས་གཟིགས་དང་གསང་བའི་བདག །ཇི་བཞིན་རླབས་ཆེན་སྤྱོད་པ་འགྲུབ་པར་ཤོག །གནས་དེར་རང་བདེར་མ་ཆགས་སྙིང་སྟོབས་ཀྱི། །སྤྲུལ་པ་མཐའ་དག་བཀྱེ་ནས་མ་དག་པ། །གྲངས་མེད་ཞིང་དུ་གནས་པའི་སེམས་ཅན་ཚོགས། །ཐར་པར་འཁྲིད་པའི་ས་མཁན་བྱེད་པར་ཤོག །སྒྲིབ་གཉིས་དགྲ་བཅོམས་སྤང་རྟོགས་ཡོན་ཏན་ཀུན། །རྫོགས…

རྡོ་རྗེའི་སྐུར། །བསྟན་ནས་ཡིད་སྲུབས་སྡེ་བཅས་མཐར་བྱེད་མཁར། །ཁྱོད་བསྙེན་ལྷག་པའི་ལྷར་བཟུང་བསྒྲུབས་པ་དང༌། །ལས་ལ་སྦྱར་བས་སྲིད་གསུམ་འབྱུང་པོའི་སྲོག །ཉེར་དྲངས་བཀའ་ལས་འདས་རྣམས་ལག་མཐིལ་གཉིས། །གནམ་སའི་བར་བཅར་སྡིག་པས་ཁོང་ཁྲག་དྲོངས། །ཀུན་རྫོབ་ཙམ་ལ་མི་ཞེན་རང་གི་སེམས། །གདོད་ནས་རྣམ་དག་ཕྱག་ན་རྡོ་རྗེའི་མཚོན། །རྣོན་པོ…

བུ་ཞིག་དགོས་ཚུལ་ལྟར་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་འཆམས་དཔོན་ངག་དབང་དཀོན་ཅོག་གོ །ལྷོ་ཕྱོགས་གྲུ་འཛིན་རི་བོའི་ཕོ་བྲང་རྩེར། །རྟག་ཏུ་བཞུགས་ཀྱང་འགྲོ་དྲུག་སེམས་ཅན་ལ། །ཐུགས་རྗེས་ནམ་ཡང་མི་ལྷོད་དོན་མཛད་པ། །འཕགས་མཆོག་སྤྱན་རས་གཟིགས་ལ་གསོལ་བ་འདེབས། །པད་ཟླའི་གདན་སྟེང་མཉམ་པར་བཞེངས་པའི་སྐུ། །གངས་རི་ལྟར་དཀར་མཚ…

མཁའ་མཉམ་སེམས་ཅན་མ་ལུས་པ། །རྣམ་དག་ཡེ་ཤེས་སྤྱན་དང་ལྡན་པར་ཤོག །ཅེས་པ་འདིའང་དཔོན་ས་བུ་ཁྲིད་རྒྱལ་མོས་བསྐུལ་བ་ལྟར་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་འཆམས་དཔོན་ངག་དབང་དཀོན་ཅོག་གོ །རྣམ་དག་དད་པའི་དངས་མཚོར་རྒྱལ་ཀུན་གཟུགས། །ཡོངས་ཤར་གཅིག་འདུས་ངག་དབང་བློ་གྲོས་གཏེར། །མཁས་བཙུན་བཟང་པོའི་ངང་ཚུལ་ཟབ་རྒྱ་ཅན། །མཚོ་བྱུང…

འཛིན་དབང་རྒྱལ་དང༌། ལྷ་བཟང་ཀླུ་དབང༌། ཀུན་དགའ་རབ་བརྟན་ལྕམ་སྲིང་གསུམ་གྱིས་བསྐུལ་བ་ལྟར་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་འཆམས་དཔོན་ངག་དབང་དཀོན་ཅོག་གོ །འཇམ་དཔལ་ཚེ་བདག་རིགས་ཀྱི་ཅོད་པན་དུ། །ལེགས་བཞུགས་རྡོ་རྗེ་དབྱིངས་ཀྱི་དབང་ཕྱུག་མ། །ཡིད་སྲུབས་གཤེད་དུ་དམག་ཟོར་རྒྱལ་མོའི་སྐུར། །ཉེར་བསྟན་བྱིན་རླབས་མཐུ་སྟོབས་…

བཞིའི་ཆུ་བོས་མ་དག་དྲི་བཀྲུས་ནས། །སྐུ་བཞིའི་ས་བོན་ཐེབས་པས་རང་རྒྱུད་སྨིན། །ལམ་བཞི་རྫོགས་རིམ་འགྲོས་ཀྱིས་ཡོངས་གྲོལ་ཏེ། །ལས་བཞིས་འགྲོ་བ་མ་ལུས་འདྲེན་ནུས་ཤོག །ཅེས་གདོང་དཀར་རྫོང་སྡོད་མས་གྲོ་ཚེ་བརྟན་གྱིས་འཇིག་བྱེད་ཀྱི་བྲིས་ཐང་བཞེངས་པའི་རྒྱབ་ཡིག་དགོས་ཚུལ་ལྟར་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་འཆམས་དབོན་ངག་དབ…

ལེགས་བསྒྱུར་མཚོ་སྐྱེས་རྡོ་རྗེའི་ཐུགས་རྗེའི་མཐུས། །ཟ་ཧོར་རིགས་ལས་ཟིལ་གནོན་བཞད་པ་རྩལ། །ཆེ་མཆོག་ཞི་ཁྲོ་ཀུན་བདུས་རྣལ་འབྱོར་པ། །པདྨས་མིང་བཏགས་རྡོ་རྗེ་ཐོགས་མེད་རྩལ། །སྲོག་གི་ཀ་བ་གཡུང་དྲུང་ལྟར་བརྟན་ཤོག །རྨོངས་པའི་མུན་སངས་བློ་གྲོས་སྣང་བ་རྒྱས། །རྒྱ་མཚོ་ལྟ་བུར་ཟབ་དང་རྒྱ་ཆེའི་ཁྲིམས། །བཀའ་རྟགས་བཙན་པོ་མཆོག་དམན་ག…

མཁའ་ཁྱབ་མཁའ་ཡི་རྡོ་རྗེ་སྟོང་ཆེན་དབྱིངས། །ཟུང་འཇུག་གར་དགུའི་སྒྱུ་འཕྲུལ་རྨད་པོ་ཆེ། །བསྒྱུར་མཛད་བཅོམ་ལྡན་ཧེ་རུ་ཀ་དཔལ་གྱིས། །ཐུགས་རྗེའི་རང་གཟུགས་འགྲོ་ངོར་མྱུར་འཆར་ཤོག །འཁོར་ལོའི་མགོན་ནུས་གསུང་ངག་ཆད་མེད་པ། །བསྐྱེད་རྫོགས་སྙན་བརྒྱུད་ཟབ་མོ་ལ་དབང་བ། །རས་ཆུང་བསྟན་པའི་ཉི་འོད་བརྡལ་བ་ལ། །ཆོས་རྒྱལ་དབང་པོའི་ཡང་སྲི…

རྡོ་རྗེའི་སྐུ་འགྲུབ་ཤོག །ཐུགས་ཀར་ཉི་མའི་སྟེང་དུ་ཧྲཱིཿཡིག་མཐར། །གཟུངས་སྔགས་སྒྲ་དབྱངས་སེང་གེའི་ང་རོ་ཡི། །དུས་མིན་འཆི་བའི་རི་དྭགས་མཐར་བྱས་ནས། །བསྒོམས་པས་འགག་མེད་རྡོ་རྗེའི་གསུང་འགྲུབ་ཤོག །ལྷ་སྔགས་ཐམས་ཅད་རིག་པའི་རང་རྩལ་དུ། །ཤར་ནས་ཆོས་སྐུ་བདེ་སྟོང་ཆེན་པོའི་ཀློང༌། །རོ་གཅིག་འཆར་བའི་རྣལ་འབྱོར་ལ་གཞོལ་བས། །འགྱ…

སྨོན་བཀྲ་ཤིས་ཤིག་དགོས་ཞེས་དགའ་གདོང་སྔགས་རམས་པ་དོན་གྲུབ་རྒྱ་མཚོས་ཚེ་སྒྲུབ་ཀྱི་མཚམས་བྱས་སྐབས་བསྐུལ་བ་ལྟར་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་འཆམས་དཔོན་ངག་དབང་དཀོན་མཆོག་གོ །ཡིད་བཞིན་འཁོར་ལོའི་སྣང་བརྙན་བརྒྱ་ཕྲག་ཏུ། །སྤེལ་བས་བཀྲ་ཤིས་དབང་ཕྱུག་དུས་མིན་གྱི། །འཆི་བདག་ལས་རྒྱལ་རིང་འཚོའི་དལ་རྟེན་ལ། །འདི་ཕྱིའི་ད…

སེམས་རྒྱུད་དུལ། །རྩི་སྨན་རིགས་སྔགས་མཐུ་ལྡན་ལྔ་བདོ་བའི། །མི་བཟད་ཟུག་རྔུ་དྲུངས་ནས་འབྱིན་པར་ཤོག །འདུ་བ་འཁྲུགས་རྣམས་སྒོ་གསུམ་ནད་དང་བྲལ། །སྦྲུམ་མ་བདེར་བཙའ་ཚོང་པ་ཁེ་སྤོགས་ལོན། །སོ་ནམ་འབྲས་སྨིན་ཤ་འཁོན་འཐབ་རྩོད་བྲལ། །འཇིག་རྟེན་ཁམས་ཀུན་བདེ་ཞིང་སྐྱིད་པར་ཤོག །བསླུ་བ་མེད་པའི་སྐྱབས་མགོན་ཡིན་ནོ་ཅོག །སྨོན་ལམ་གདབ་ཡ…

བཞུགས་གནས་བརྟན་བཅུ་དྲུག་གི །ཆོ་གའི་གཞུང་ལས་བྱུང་བ་ལྟ་བུར་བདག་སོགས་སྐྱེ་རྒུའི་སྡིག་ལྟུང་དེས་བསྐྱེད་ཉེས་ཚོགས་མ་ལུས་རབ་བྱེད་ཞིང༌། །སྲིད་དང་ཞི་བའི་ཕ་མཐར་མི་ལྟུང་བདེན་གཉིས་རྫིངས་ཀྱིས་འཁོར་བ་ཆུའི་སྲིན་འབྱུང་གནས་ངག་ལས་སྒྲོལ་ནུས་ཤོག །མར་མེ་མཛད་དཔལ་ཡབ་སྲས་བཞེད་སྲོལ་ལྷ་ཆོས་བདུན་ལས་ཁྲོ་རྒྱལ་ཀུན་འདུས་རྗེ་བཙུན་མ…

གསོལ་བ་འདེབས། །ཐོས་དང་བསམ་པར་འཇིགས་མེད་བརྩོན་པ་ཡིས། །རྟག་ཏུ་ཉེར་གོམས་ཤེས་རབ་གོ་ཆ་ཅན། །ཐུབ་དབང་ཤིང་རྟ་ཆེ་གཉིས་དགོངས་དོན་བསྟན། །ལང་ཚོ་རྒྱས་པའི་སྡེ་ལ་གསོལ་བ་འདེབས། །འཇམ་དཔལ་དབྱངས་དངོས་བློ་བཟང་གྲགས་པ་ཡི། །རིང་ལུགས་དགའ་བ་བརྒྱ་པའི་ཡུལ་སའི་བར། །སྤེལ་མཁས་རིས་མེད་འགྲོ་བའི་བཤེས་གཉེན་མཆོག །མཚུངས་བྲལ་བླ་མ་མཆོག་…

ཁྲིམས་ཡོངས་གཙང་ཐོས་བསམ་འཕེལ་བར་ཤོག །གདོན་བགེགས་ནད་སོགས་སྣ་ཚོགས་རྐྱེན་ངན་གྱིས། །དུས་མིན་འཆིས་མཚོན་འཇིགས་པ་མཐའ་དག་ཞི། །འཐབ་རྩོད་ཤ་འཁོན་དང་བྲལ་ཕུ་ནུ་ལྟར། །མཉེས་གཤིན་བྱམས་པས་རྟག་ཏུ་མཛའ་བར་ཤོག །སྲོང་བཙན་ཞལ་གྱིས་འཆེས་བཞིན་མཐའ་བཞི་ཡི། །ལས་སྒོ་ལྷ་ལྡན་གནས་སུ་ཡོངས་འདུ་བ། །དཔག་བསམ་ཤིང་གི་འབྲས་བུ་སྡེ་འདིར་ཡང༌། …

བཞད་པ་ལ། །ལྷག་པའི་ལྷས་བསྐོར་བྲིས་ཐང་བཞེངས་པའི་དགེས། །སྐྱེ་བ་ཀུན་ཏུ་ལྷ་མིའི་བདེ་སྐྱིད་མྱོང༌། །རིང་པོར་མི་ཐོགས་བྱང་ཆུབ་མཆོག་ཐོབ་ཤོག །སེམས་ཅན་ཡོངས་ལ་ཆགས་དང་སྡང་མེད་པར། །བྱམས་བརྩེས་ཉེར་འཁྱུད་ཤཱཀྱ་སེང་གེ་ཞེས། །མཐོང་ཐོས་དྲན་རེག་ཡོད་དོ་ཅོག་གྲོལ་བའི། །ཉན་ཐོས་ཚུལ་འཛིན་གནས་བརྟན་བཅུ་དྲུག་དགོངས། །བདག་ཅག་གཏི་མུག…