དྷཱ ཏོ མ ཧཱ སུ ཁ ས མ ནྟ སུ མ ཉྫུ གྷོ ཥ ཤྲཱི ནྱ ཉྫ ཏེ ཛ སུ ནི མི ཏྟ བྷ བ ནྟ ཤུ ནྱ། བདེ་ཆེན་དབྱིངས་ལས་ཀུན་བཟང་འཇམ་དཔལ་དབྱངས། །མཚན་དཔེའི་གཟི་བྱིན་འཁོར་བ་སྟོངས་མིན་བར། །ནི རྤ ཉྩ ཝཱཾ བི ཙ ལ ཤ ཤྲ ཏ ཡ སྱ དེ བཿ ཤུ དྡྷ པྲ པཱ རི ཏ སུ མ ཎྜ ལ ཙ ཀྲ ཀཱ ཤྱ། ནམ་ཡང་གཡོ་མེད་ངེས་པ་ལྔ་ལྡན་པའི། །དག་པ་རབ་འབྱམས་ལྷ་ཡི་འཁོར…

འཆར་བར་ཤོག །དཀོན་ཅོག་རིན་ཅེན་མཐུ་དཔུང་བརྗོད་ལས་འདས། །རྒྱུ་འབྲས་རྟེན་ཅིང་འབྲེལ་འབྱུང་བསླུ་བ་མེད། །བདེན་ཚིག་གྲུབ་པ་རྣམས་ཀྱིས་བཀྲ་ཤིས་ཆར། །ཕྱོགས་བཅུར་ཕོབ་ལ་རེ་འབྲས་ལྷུན་གྲུབ་མཛོད། །ཅེས་པའང་ངེད་རང་གི་དམིགས་རྟེན་དུ་གཤེད་དམར་རུ་མཚོན་དམར་པོའི་ལྷ་ཚོགས་རྣམས་དབུ་ཆུང་སྙེ་མོ་ཀརྨ་དང་མཁར་རྩེ་དགེ་བསྙེན་རྒྱལ་པོས་ཆུ…

རྣམ་དཔྱོད་ཟླ་བྲལ་རྗེ། །ཞྭ་སེར་ཅོད་པན་རིང་ལུགས་བླ་ནས་བླར། །རབ་སྤེལ་དགའ་ལྡན་བསྟན་འཛིན་བོ་ཤོག་ཐུས། །མངོན་མཐོ་ངེས་ལེགས་རྣམ་དཀར་བསྐྲུན་པའི་ཆེད། །འཇམ་དབྱངས་དགའ་བའི་བཤེས་གཉེན་སྣང་བརྙན་ལ། །བླ་མ་ཡི་དམ་མཁའ་འགྲོས་ཡོངས་བསྐོར་བ། །བཞེངས་མཐུས་སྐྱེ་ཞིང་སྐྱེ་བར་མགོན་ཁྱོད་དང༌། །འབྲལ་མེད་རྗེས་སུ་འཛིན་པའི་བཀའ་དྲིན་སྩོལ…

ས་ལྷའི་མགོན་གཅིག་པད་དཀར་འཆང་བའི་ལྷ། །ཐུགས་ཀའི་ཧྲཱི༔ལས་ཟག་མེད་བདུད་རྩིའི་རྒྱུན། །བབས་པས་ཡིད་ཅན་བདེ་ཆེན་ཡེ་ཤེས་རྙེད། །གཡས་གཉིས་པ། ཤིན་ཏུ་མཐོ་བའི་རིགས་གཟིགས་དད་པ་བརྟན། །མི་བསྲུན་སྲིན་པོའི་དཔུང་ཚོགས་བགྲང་ཡས་པས། །ཐབས་ཀྱིས་རབ་བཏུལ་མཁའ་འགྲོ་སྤྱན་དྲངས་པས། །བདུད་མོ་ཉེར་བསྒྲལ་རྣམ་དག་ཕྱག་རྒྱ་ལྡན། །གཡས་གསུམ་པ། …

ཚོགས་སྨིན་གྲོལ་ལམ་བཟང་མཆོག །སྦྱིན་མཁས་རྒྱལ་དབང་བསོད་ནམས་རྒྱ་མཚོའི་སྡེ། །གཡོན་དང་པོ། ཇི་ལྟ་ཇི་སྙེད་ཆོས་ཀུན་ཐུགས་མཚོའི་ནང༌། །ཟླ་གཟུགས་ལྟར་གཟིགས་ཨྱོན་མཁའ་འགྲོ་ཡི། །ཡེ་ཤེས་གཙོ་མོས་བདེ་སྟོང་ལམ་བཟང་པོར། །ཉེར་བཀོད་དཀོན་ཅོག་འབངས་ཀྱི་སྙན་གྲགས་འབར། །གཡོན་གཉིས་པ། ལོངས་སྤྱོད་མངའ་ཐང་འབྱོར་པས་མ་གོས་པར། །མར་མེ་མཛད…

ཚེ་རིང་གནམ་གྱི་ཤེ་མོང་གིས་བཏེག་པའི། །མང་བཀུར་རིགས་བྱོན་ལྷ་སྔགས་ཡེ་ཤེས་མདས། །ལོག་འདྲེན་བདུད་དཔུང་དོན་སྙིང་ཆེར་ཕུག་སྟེ། །དག་པའི་ཞིང་སྦྱོར་བདེ་ཆེན་ཆོས་ཀྱི་རྒྱལ། །དུས་གསུམ་རྒྱལ་བའི་མཁྱེན་བརྩེ་ནུས་མཐུ་ཚོགས། །གཡོན་བདུན་པ། ཡོངས་འདུས་རྗེ་བཙུན་བློ་བཟང་གྲགས་པ་ཡི། །ཆོས་སྲིད་དཔག་བསམ་ལྗོན་འབྲས་ཕན་བདེ་ལ། །རྟག་ཏུ་…

སྲོག་གི་ཀ་བ་ཚུགས། །བྱམས་མགོན་དབུས་འགྱུར་འཆང་དུ་མ་བྱོན་པར། །དགའ་ལྡན་ཕོ་བྲང་ཆོས་སྲིད་ཟུང་འཇུག་བསྟན། །དར་ཞིང་འགྲོ་རྣམས་སྨིན་གྲོལ་ལ་འགོད་པའི། །གཏན་གྱི་མདུན་མ་མཐའ་དག་ལྷུན་གྲུབ་ཤོག །སླུ་མེད་རྟེན་ཅིང་འབྲེལ་འབྱུང་ཞིང་ས་ལ། །ལྷག་བསམ་རྣམ་དག་ས་བོན་རབ་བཏབ་པ། །མཚམས་སྦྱོར་དྲོད་གཤེར་གྱིས་བསྐྱངས་གསེར་གྱི་སྙེ། །ལེགས་…

ཆེན་བཞི། །ཧཱ་ཤང་ལ་སོགས་འཁོར་དང་བཅས། །དྲི་བསུང་ངད་འཐུལ་མ་ལ་ཡའི། །རྒྱུར་བསྐྲུན་དགེ་བས་ཤི་གསོན་ཀུན། །འདི་ཕྱིའི་བསམ་དོན་ལྷུན་གྲུབ་ནས། །རྣམ་འདྲེན་གོ་འཕང་མྱུར་འགྲུབ་ཤོག །ཅེས་པ་འདིའང་རིག་བྱེད་པ་བསྟན་འཛིན་དབང་པོས་འཇམ་དབྱངས་དཔལ་བཟང་དགོས་པ། བསོད་ནམས་དབང་འཛིན་གསུམ་དུས་ལས་འདས་པ་དང་མ་ཨ་སྙིང་སོགས་ཤུལ་མི་རྣམས་ཀྱི་…

མཐུ། །ཉེར་སྨིན་ཐུན་མོང་མ་ཡིན་འདུལ་ཞིང་ཆེ། །གངས་ཅན་འགྲོ་རྣམས་སྐྱོང་བའི་འཇིག་རྟེན་མགོན། །སྤྱན་རས་གཟིགས་ཀྱིས་དཔུང་གཉེན་མཛད་དུ་གསོལ། །མ་གྱུར་སྐྱེ་རྒུའི་གནས་སྐབས་བདེ་སྐྱིད་རྒྱས། །སྐྱེ་བར་ཁྱོད་ཀྱིས་འབྲལ་མེད་རྗེས་བཟུང་སྟེ། །ས་ལམ་སྤངས་རྟོགས་ཡོན་ཏན་མཐར་ཕྱིན་ནས། །ཀུན་མཁྱེན་ཡེ་ཤེས་ཆེན་པོ་ཐོབ་བྱིན་རློབས། །ཞེས་པ…

བྱིན་གྱི་རློབས། །ཞེས་པའང་བློ་བཟང་ཐབས་མཁས་ཀྱིས་སྨོན་ལམ་ཆེན་མོར་རབ་འབྱམས་ཀྱི་གྲྭ་སྐོར་བྱས་དུས་དགོས་ཚུལ་ལྟར་ཟ་ཧོར་གྱི་བནྡེས་བཀོད། །ཟབ་གསལ་མཚན་དཔེའི་ཉི་འོད་འབར་བའི་གཟིས། །སྐྱེ་རྒུའི་ཕན་བདེའི་སྣང་བ་རབ་དཀར་བས། །ཆེས་ཆེར་བདོ་བའི་སྙིགས་མ་ལྔ་ཡི་སྨག །མཐོང་ཐོས་དྲན་པས་རྣམ་གྲོལ་ཤཱཀྱའི་རྒྱལ། །བདུད་བཞིའི་སྡེ་བཅོམ་བ…

དངོས་སུ་འདྲེན་བྱེད་ཡུལ་དུ་བདུད་རྩིའི་དཔྱིད། །མཐོང་བ་ཙམ་གྱིས་དོན་ལྡན་ཡིད་བཞིན་ནོར། །འདོད་འཇོའི་སྐུ་བརྙན་ལྷག་བསམ་དག་པས་བསྐྲུན། །དགེ་བས་དོན་གྲུབ་དབང་རྒྱལ་དཔལ་གྱི་རིར། །སྐྱེ་སྲིད་བཟུང་ནས་ཐེག་མཆོག་དམ་ཆོས་ཀྱི། །དགའ་སྟོན་ངོམས་པ་མེད་པར་ལེགས་མྱངས་ཏེ། །རིགས་འཛིན་རྣམ་བཞིའི་གོ་འཕང་འགྲུབ་བྱིན་རློབས། །ཀ་དག་དབྱིངས…

ཤཱཀྱ་སེང་གེའི་སྤྱོད་ཚུལ་གྱིས། །བདུད་བཞིའི་སྡེ་དཔུང་བཏུལ་ནས་ཐར་པ་དང༌། །རྣམ་མཁྱེན་ཡེ་ཤེས་རྒྱུད་ལ་སྐྱེ་བྱིན་རློབས། །དྲག་ཤུལ་འཇིགས་རུང་མི་བཟད་མེ་འབར་བའི། །སྐུར་བཞེངས་ཁྲོ་རྒྱལ་སེང་གེ་སྒྲ་སྒྲོག་གི །གནམ་ལྕགས་རྡོ་རྗེས་ལོག་འདྲེན་འབྱུང་པོའི་ཚོགས། །མྱུར་བར་ཚར་གཅོད་དངོས་གྲུབ་སྩོལ་བྱིན་རློབས། །གར་དགུའི་ཉམས་ཀྱི་ས…

པའི་ཚེ་དགོས་ཚུལ་ལྟར་ཟ་ཧོར་བནྡེས་བཀོད། །ལྷག་པའི་ལྷ་མཆོག་འཕགས་པ་སྤྱན་རས་གཟིགས། །མཆོད་གསོལ་བསྙེན་སྒྲུབ་རྩེ་གཅིག་རབ་འབད་མཐུས། །འདི་ནང་ནད་གདོན་ཞི་ཞིང་ཚེ་བསོད་རྒྱས། །ཕྱི་མ་པོ་ཏ་ལ་རུ་སྐྱེ་བར་ཤོག །ཅེས་པའང་དཔོན་ས་བུ་ཁྲིད་རྒྱལ་མོས་དད་རྟེན་དུ་མིག་འབྱེད་ཐུགས་རྗེ་ཆེན་པོ་བཞེངས་པའི་རྒྱབ་ཡིག་དགོས་ཚུལ་ལྟར་ཟ་ཧོར་གྱི་…

འགྲིག་བཞེད་དོན་ཀུན། །ཇི་བཞིན་ལྷུན་གྲུབ་གཡོ་བ་མེད་པར་ཤོག །རྩ་བརྒྱུད་བླ་མ་དགྱེས་མཛད་ཧེ་རུ་ཀ༔། །ཁམས་གསུམ་བརྟན་པ་འཕྲོག་མཛད་དབང་ལྷར་བཅས། །མཐུ་ལྡན་སྲུང་མས་དུས་དྲུག་མ་གཡེལ་བར། །མཆོག་ཐུན་དངོས་གྲུབ་ཆར་ཆེན་ཉེ་བར་ཕོབ། །གནམ་ལ་གཟའ་སྐར་འཛོམ་པའི་འཕྲོད་བཟང་དང༌། །ས་ལ་བཀྲ་ཤིས་གཡང་ཆགས་ཕུན་སུམ་ཚོགས། །མཆོག་གསུམ་ཐུགས་རྗེ…

བ་སོ་ཆོས་ཀྱི་རྒྱལ་མཚན་གྱི་སྤྲུལ་པའི་སྐུ་མཁྱེན་རབ་ཀྱི་དབང་ཕྱུག་ངག་དབང་དཀོན་ཅོག་ཉི་མའི་འཁྲུངས་རབས་དང་འབྲེལ་བའི་གསོལ་འདེབས་སྨོན་ལམ་ཚིགས་བཅད་སོགས།ཨོཾསྭསྟི་པྲ་ཛ་བྷྱཿ། རབ་འབྱམས་གངྒཱའི་ཞིང་རྡུལ་ལས་འདས་པའི། །རྒྱལ་ཀུན་རྣམ་མཁྱེན་ཕུང་པོ་གཅིག་བསྡུས་གང༌། །གསང་གསུམ་མི་ཟད་རྒྱན་གྱི་རོལ་གར་རྩེན། །རྗེ་བཙུན་འཇམ་དཔལ་དབ…

ཐུགས་རྒྱུད་ཡོངས་དག་དབྱིག་འཛིན་འཇམ་པོའི་ངོས། །བསོད་ནམས་ནོར་མཆོག་ཕུང་པོར་རབ་སྤུངས་ཏེ། །རྣམ་དཔྱོད་ཤིང་རྟས་ཐར་གྲོང་ཆེར་འཇུག་པ། །འཕགས་དབོན་རིན་ཅེན་ཞབས་ལ་གསོལ་བ་འདེབས། །གསལ་སྟོང་མ་འགགས་རྫིང་བུར་ཟླ་གཟུགས་ལྟར། །བདེན་དངོས་དང་བྲལ་གང་ལའང་མི་འཇིགས་པས། །སྒྲིབ་གཉིས་འཆིང་བཅོམ་དོན་གཉིས་མཐར་ཕྱིན་མཛད། །ལྷ་ཡི་སྐྱབས་གྱ…

གསོལ་བ་འདེབས། །བཅོམ་ལྡན་འཇིགས་མཛད་རྡོ་རྗེའི་རྣལ་འབྱོར་ཆེར། །གཞོལ་གྲུབ་གནམ་ལྕགས་ཐོག་མདའི་ཚ་དབལ་གྱིས། །མི་བསྲུན་བྲག་རི་ཕྱེ་མར་རབ་འཐག་པའི། །ནུས་མཐུའི་གཟི་བྱིན་འབར་ལ་གསོལ་བ་འདེབས། །བླ་མེད་ཡེ་ཤེས་བཻཌཱུར་ཞུན་མའི་ཁམས། །མཐའ་ཡས་ཚེ་ཡི་གཟུགས་སུ་ཉེར་གྲུབ་སྣོད། །འཆི་བ་མེད་པའི་བཅུད་དུ་ལེགས་འཁྱིལ་བ། །ལྷ་མཆོག་དབང་བ…

གྲུབ་པར་ཤོག །ཁྲིམས་ལྡན་མང་ཐོས་འདུས་པའི་ཚོགས་ཆེན་གྱི། །རྣམ་པར་དག་པའི་ལྷག་བསམ་རྒྱལ་མཚན་རྩེར། །རྩེ་གཅིག་སྨོན་ལམ་བཏབ་ལྟར་ཡིད་ནོར་ཆེས། །ཅི་བསམ་དོན་ཀུན་མྱུར་དུ་འགྲུབ་པར་ཤོག །དེ་ལྟར་བདེན་སྟོབས་བརྗོད་མཐུས་མཁའ་དབྱིངས་ལས། །མ་སྨད་མཁྱེན་བརྩེ་ནུས་པའི་གྲུ་ཆར་ཆེ། །བབས་པས་དོན་གཉིས་མྱུ་གུ་ལེགས་སྨིན་ནས། །དགའ་སྟོན་མཆོ…

དཔལ་འབྱོར་མངའ་ཐང་རྣམས། །གོང་འཕེལ་མཐའ་བཞིའི་ལས་སྒོ་ཀུན་འདུས་ཏེ། །རྨུགས་འཛིན་དབང་པོའི་ཕུན་ཚོགས་ལ་འགྲན་པའི། །བདེ་སྐྱིད་ཉི་མ་གུང་ནས་འཆར་བར་ཤོག །ཆོས་ཉིད་མི་འགྱུར་ལྷ་ལམ་ཡངས་པའི་དབྱིངས། །ཆོས་ཅན་རྟེན་ཅིང་འབྲེལ་འབྱུང་མཁའ་གླང་ལས། །སླུ་མེད་བདེན་ཚིག་མི་འཛད་ཆུ་རྒྱུན་གྱིས། །ཇི་ལྟར་འདོད་པའི་འབྲས་བུ་གཡུར་ཟ་ཤོག །དུས…

དང་ཤེས་རབ་ས་བོན་ལས། །སྐུ་བཞིའི་འབྲས་བུ་རོ་བདར་ལེགས་སྨིན་བཅུད། །སྐྱེ་རྒུ་ཡོངས་ཀྱི་ལོངས་སྤྱོད་སྐལ་བཟང་ཅན། །ཐུབ་དབང་ཤཱཀྱའི་རྒྱལ་པོས་ཤིས་པ་སྩོལ། །ཕྱོགས་དུས་དགེ་བའི་ཆུ་ཀླུང་རབ་འཁྱིལ་ནང༌། །ཕུན་ཚོགས་དབྱངས་ཀྱི་མགྲིན་རྔ་ཆེར་བསྒྲགས་པས། །རྣ་བའི་ཟིལ་དངར་རབ་སྟེར་ཀུན་དགའི་དཔྱིད། །ཉེར་སྩོལ་ལུས་དཀར་དབང་པོས་ཟས་གཙང་ས…