མེན་སྣ་ཚོགས་ཡུག་སོ་དྲུག །ཁ་འཁྱར་ཆིག་ཁྲི་ལྔ་སྟོང་ཆིག་བརྒྱ། གསེར་རྒྱ་ཐུར་གྱི་སྲང་སུམ་བརྒྱ་དོན་གཉིས། དངུལ་སྲང་ཉི་ཁྲི་ལྔ་སྟོང་སུམ་བརྒྱ། མུ་ཏིག་རྒྱ་ཐུར་གྱི་སྲང་ཆིག་བརྒྱ་རེ་དྲུག །སྦུག་སིལ་བཅུ་དྲུག །དཀར་ཡོལ་བཅུ་གཅིག །རས་ཡུག་ཉིས་བརྒྱ། གསར་མའི་གསེར་ཆས་ཆ་འགྲིག་བདུན། མདོ་ཆས་གཉིས། ཟེ་ཁེབས་སྤུ་ལེན་མགོ་འཕན་བདུན། …

ཚངས་པ་དུང་ཐོད་ཅན་གྱིས་འབྲུམ་ནད་ཕྲན་བུ་ཡོང་ཉེན་ཡོད་ཀྱང་རིམ་གྲོས་བཟློག་གསུང་བར་ངེད་པ་རྙེད། ཟླ་ཕྱེད་བར་ཞག་བབས་ཀྱི་ནུབ་རེ་བཞིན་ནད་རིམ་ལ་དམིགས་པའི་ཐུན་གཏོར་དང་ནད་བདག་སྟོབས་འཇོམས་ཀྱི་འཁོར་ལོའང་རྒྱུན་པར་རླུང་ལ་ཕྱར། རིན་ཆེན་དབང་གིས་གཙོས་དཔོན་ཆེ་ཆུང་སྐྱ་སེར་སྟོང་ཕྲག་སྐོར་ལ་བ་རི་ལུགས་ཀྱི་རྣམ་འཇོམས་ལྗང་སྔོན་གྱ…

སྡོད་མི་རྒྱ་བན་བཅུ་སྐོར་དང་དེ་གའི་མཁར་གྱི་མི་དཔོན་གྱིས་བཞེས་སྤྲོ་དང་བཅས་ཕྲད་པར་འོངས། རྒྱ་བན་དྲུག་གིས་ལྷ་ཁང་ཞིག་གསོས་ཀྱི་སློང་མོ་དགོས་ཟེར་བར་རྟ་བཞིས་གཙོས་དངོས་པོའི་སྟེར་སྦྱིན་བྱས། ཉིང་ཞའི་ས་མཚམས་སུ་མི་དཔོན་གྱིས་གདུགས་གཉིས། གོས་ཡུག་བཞི། དངུལ་གྱི་མདོང་མོས་སྣ་དྲངས་པ་བྱིན། ཚེས་བཅུ་དགུ་ལ་སན་ཡང་བྱིན་དུ་ལུའ…

དགོན། པཱ་རས་སྟོང་ཤག་གི་སྡེ་དམངས། ཞོར་མོ་ཐང་རའི་རྒྱ་ཧོར་ཅན་སྐྱ་སེར་སྟོང་ཕྲག་ལྔར་ཉེ་བ་ལ་ཡི་གེ་དྲུག་པའི་བཟླས་ལུང་ཕབ། བསྙེན་རྫོགས་སུམ་ཅུ་དང་དགེ་ཚུལ་སོ་གཉིས་བསྒྲུབས། བླ་ཆེན་དགོངས་པ་རབ་གསལ་གྱི་གདུང་བཞུགས་པའི་ལྷ་ཁང་མཇལ། གནམ་གང་ལ་དགེ་འདུན་དགུ་བརྒྱ་ལྷག་གི་སེར་སྦྲེང་དང་བཅས་དགོན་ལུང་དུ་འབྱོར། དགོན་པའི་གཡས་ངོས་…

ཕྱིས་སུ་འདི་ཐོག་ནས་ཐོབ་པ་ཡིན། ཁྲོམ་སྟོང་ཕྲག་གཉིས་ལྷག་པ་ལ་མ་ཎིའི་བཟླས་ལུང་བྱས། བླ་མས་རྟེན་འབྲེལ་གྱི་ཁྱད་ཀྱིས་དཀོན་མཆོག་བརྩེགས་པའི་དབུ་ནས་སྒྲོག་དགོས་གླེང་བ་འདི་སྐབས་ལུང་མ་ཐོབ་ཀྱང་སྐྱེ་བོ་རྣམས་ཀྱིས་ཆོས་ཀྱི་སྒྲ་རྣ་བར་ཐོས་པའི་ཕན་ཡོན་ཡོང་བས་འགལ་བ་མེད་འདྲ་སྙམ་ཤོག་ལྡེབ་གསུམ་ཙམ་ཞིག་བཀླགས། ཁྲོམ་པ་ཀུན་བཤར་བའི་…

རྫོགས་བརྒྱ་དྲུག་ཅུ་སྐོར་དང་དགེ་ཚུལ་སུམ་ཅུ་བསྒྲུབས། ཁལ་ཁ་མཁའ་འགྲོ་ནོ་ཡོན་ལ་གྲུབ་རྒྱལ་ལུགས་ཀྱི་ཚེ་དབང་དང་སྒྲོལ་དཀར་སྤྱན་བདུན་མ། ཨ་ཀ་དགེ་ཚུལ་ལ་འཇམ་དབྱངས་དམར་སེར་གྱི་རྗེས་གནང་། ཨས་ཁན་ཨ་མ་ལ་སྐྱེར་སྒང་ལུགས་ཀྱི་རྟ་མགྲིན་གྱི་བྱིན་རླབས་འདོད་པ་དང་སྦྱར་ཞིང་གོང་དུ་འབུལ་རྒྱུའི་ཞུ་ཡིག་ཤལ་དཀར་དམར་སོགས་རྟེན་དཔངས་མཐ…

འབུམ་དགོན་ལུང་། ནང་ཕྱོགས་ཀྱི་ནང་སོ་རྣམ་པ། མཚོ་ཁའི་དཔོན་པོ་མི་བཟང་དམངས་སོགས་ཁྲོམ་ཁྲི་རྭ་ཅན་ལ་ཐུགས་རྗེ་ཆེན་པོ་གཙོ་འཁོར་གསུམ་པ། ཇི་ནོང་ཆོས་སྐྱིད། ཨེར་ཏེ་ནི་དའི་ཆིན་། ཨ་མི་དྷར་རྣམས་ལ་ཚེ་རྟ། ཨ་ག་དགེ་ཚུལ། དགའ་ལྡན་དར་རྒྱས། མགོན་པོ་ཚེ་དབང་ཅན་ལ་རྟ་མགྲིན། ཆིན་ད་མུ་ནི་ལ་ཚེ་མགོན། སྐུ་འབུམ་ཆོས་རྗེ། ནང་སོ་ཁག །རི་…

ཉིན་མོ་ཕྲད་མི་སྟོང་ཕྲག་གཉིས་ཙམ་ཚོགས་པའི་གཡེང་བས་མཚན་མོ་ཆུ་ཚན་ཞིག་བརྒྱབ། མེ་རྒན་དཀའ་བཅུས་བསྐུལ་ནས་སྤོམ་རའི་གསོལ་མཆོད་ཅིག་བྲིས། དེ་སྐབས་ཨ་རིག་གི་སྡེར་འཕྱི་དུག་བྱུང་གཤིས་སྒར་དམངས་ལ་འགོས་དོགས་པས་ཕྲད་མི་ཚང་མ་གཏོང་མ་ཐུབ། བསྟན་འཛིན་ལ་རྡོ་རྗེ་འཆང་ཕ་བོང་ཁ་བའི་བསྟོད་པ་གསར་རྩོམ་གྱི་ལུང་བཀླགས། ཚེས་བརྒྱད་ཀྱི་ཞོག…

ཁོག་གི་སྐྱ་སེར་སྟོང་དུ་ལོངས་པ་དང་ཕྲད་ཅིང་བདོག་པ་བསྟར། དཔོན་གྱིས་ཐོག་དྲངས་པའི་སྐྱ་སེར་ཚང་མར་རིགས་གསུམ་མགོན་པོའི་རྗེས་གནང་བསྐུར། དཔོན་དྲུང་ལ་ཞལ་བྲམ་ནག་བཤན་པ་དྲུག་སྐོར་གྱི་རྗེས་གནང་བྱེད་གདོང་གློ་བུར་དུ་འབྲུག་གི་སྒྲ་དྲག་པོ་དང་བཅས་པའི་སེར་བ་ཡུན་མི་ཐུང་ཙམ་བབས་པ་དེ་སྐབས་ཆོས་སྐྱོང་གཉན་པའི་འཚུབ་ཁོ་ནར་གོ་ཡང་ར…

གྱིས་གཙོས་སུམ་བརྒྱ་ཙམ་ལ་མ་ཎིའི་བཟླས་ལུང་། དོན་གཉེར་ཅན་དུ་མར་ཐུགས་རྗེ་ཆེན་པོའི་རྗེས་གནང་དང་བསྙེན་གནས་ཀྱི་ཆོ་གའི་ལུང་བྱས། དཔོན་ངག་དབང་རྡོ་རྗེས་བསྐུལ་བའི་རང་བསྟོད་ཅིག་བྲིས། ལོ་སྔོན་མ་གདང་ལ་ཐོན་པ་ནས་བཟུང་འདི་ལོ་ས་མཚམས་འདིར་འབྱོར་བའི་བར་གྱི་ལྷ་སྡེ་མི་སྡེ་དཔོན་ཆེ་ཆུང་སྐྱ་སེར་དྲག་ཞན་རྣམས་ཀྱི་བློ་རིགས་དང་མཐ…

ནང་སོ་དངོས་གྲུབ། ཧོར་བུ་དམར་རྣམས་རིམ་གྱིས་བསུ་བ་ལ་འབྱོར། ལྷ་རྒྱལ་དར་ལ་སྤྱན་རས་གཟིགས་ཕྱག་བཞི་པ། བུ་དམར་ཅན་སུམ་བརྒྱ་སྐོར་ལ་སྐྱེར་སྒང་ལུགས་ཀྱི་རྟ་མགྲིན། ད་ལའི་བཱ་ཐུར་ལ་སྨེ་བརྩེགས་ལྗང་སྔོན་གྱི་རྗེས་གནང་རྣམས་ཐུགས་དང་བསྟུན། ཤག་ཏུ་སྒར་དམངས་ཀྱིས་ཉིན་གཅིག་སྤྱི་རིམ་བྱས། ཆོས་སྐྱོང་ཆེན་པོ་ཕེབས་ནས་ད་ཆ་ཁོག་འདི་ལ་…

རྣམས་ཀྱི་ལུང་ཕུལ། གཡང་རའི་མདོར་སེམས་དཔའ་ཆེན་པོས་སོག་ལུགས་ཀྱི་སྟོན་མོ་ཤིན་ཏུ་བཟབས། ཁོང་རང་ལ་གཏོགས་པའི་ལྷ་སྡེ་མི་སྡེ་རགས་རིམ་གྱིས་ཕྲད། བཀྲ་ཤིས་ལྗོངས་ཆོས་རྗེ། སྡེ་པ་ཕོན་མདོ་བ། བྲག་དབར་གྲ་ཚང་གི་བླ་མ་རྣམས་འབྱོར། མཚོ་སླེ་གདེངས་ནས་བཏེག་པའི་འབོགས་ཀྱི་སར་སྟག་ལུང་དབོན་རིན་པོ་ཆེ་ངག་དབང་རྣམ་རྒྱལ་ལེགས་གྲུབ་བསུ་བ…

ཡང་མི་འདྲ་བ་བཀའ་གདམས་གླེགས་བམ་དུ་ཕ་གཅིག་གི་བུ་ལ་སྤྱང་ལྐུགས་ཡོང་བར་གསུངས་པ་ཤིན་ཏུ་མད་པར་སྣང་། ཚོགས་ཆེན་དུ་གླེགས་བམ་རིན་པོ་ཆེའི་ཆོས་ཐུན་གཅིག་ཕུལ། གྲོང་སྨད་ཨ་སུག་ལ་སྐྱོས་མའི་ལུགས་ཀྱིས་མུ་ཏིག་གི་འཕྲེང་བ་ཆེ་ལེགས་ཤིག་བྱིན། དེ་ལས་མང་བ་ཇའི་སང་སྡེ་པའི་བློར་མི་འདུག་པས་བབས་དང་བསྟུན། གནས་རྙིང་ཞབས་དྲུང་ཁྲི་ཐོག་པ…

འགོལ་སྡོད་ཡུན་རིང་བ་མང་པོར་ཕྱོགས་མཐའ་ནས་ཨང་ཉན་འདི་ག་ཡོད་འདུག་རུང་ད་ཆ་ལོ་རྒན་དྲུག་ཅུའི་ཁར་སླེབས་པ་ཐུགས་སྙུགས་བུད་པོ་ཡོང་བ་འདྲ། འཕན་ཡུལ་ཁོག་གི་དགོན་ཆེ་ཕྲའི་བླ་མ་གྲྭ་རིགས། མི་སེར་གྱི་བྲོ་པ་གཞས་མ་རྣམ་གྲངས་ཤིན་ཏུ་མང་བ་འདུག །སྡེ་པ་དཔོན་གཡོག་སྒོ་ལ་བརྒྱུད་སྐྱིད་ཤོད་དུ་ཐེགས། འབྲུག་པ་སྤྲུལ་པའི་སྐུ། བདེ་ཆེན་ཆོ…

ཆ་བསྟར། ཚངས་པ་དུང་གི་ཐོར་ཚུགས་ཅན་ཁོག་ཏུ་སྤྱན་དྲངས་འཕྲིན་ལས་གྲུབ་པའི་གཏང་རག་གི་མཆོད་སྤྲིན་རྒྱས་པར་ཕུལ་ཞིང་སླར་ཡང་དམ་ཚིག་བསྒྲགས། གེ་རེ་གླིང་ཁར་བཀྲ་ཤིས་ལྗོངས་ཆོས་རྗེ་གྲ་བཅས། ཐང་སྐྱ། ལྷ་བུ། གེ་རེ་དགོན་གསར་ཡོན་མཆོད་རྣམས་ཕྲད་པར་འབྱོར། འབྲོམ་སྟོད་དུ་བདེ་ཆེན་རྩེ་ནས་གུང་གི་དྲོ་བཏེག །གཉན་མགོན་ཕུག་ཏུ་སྤྱན་གཟིག…

ཆེན་ཆོས་ཀྱི་རྒྱལ་པོའི་སྐུ་ཚབ་མགྲོན་གཉེར། བྱ་གཤོངས། སྤང་རི། བདེ་བ་ཅན། དཔལ་འཁོར་ཆོས་སྡེ། ཞང་སྟོན་ཆེ་ཆུང་། བདེ་ཆེན་ཆོས་འཁོར། དྲིན་ལས་པ། སྡིངས་པོ་ཆེ་པ། སྤྲུལ་སྐུ་གསུང་སྤྲུལ། ལྷུན་པོ་རྩེ་པས་མཚོན་པའི་དབུས་གཙང་གི་ཆོས་སྡེ་བླ་ཁག་མང་པོས་ལེགས་སྐྱེས་བསྟར། དེ་ནུབ་གླིང་མེ་ཤིན་ཏུ་འཇམ་པ་བྱུང་། ཉེར་དྲུག་ལ་རྡོ་རྗེ་བྲ…

སྒར་སྟོན་གྱི་བཞུགས་གྲལ་ཐོག་གནས་རྙིང་ཞབས་དྲུང་ཁྲི་ཐོག་པས་ཆོས་ཀྱི་གསུང་གླེང་རྒྱ་ཆེར་མཛད། སྐུ་ཡོན་ཆེ་ཞིང་ཐུགས་ངར་བའི་གསུང་བཤད་མ་རྫོགས་དོགས་པ་ལྟ་བུའི་རྫོང་དམ་དྲགས་པའི་སྐྱོན་ལས་མང་དུ་ཐོས་པའི་རྣམ་དཔྱོད་ཀྱི་རྩེར་སོན་པ་ཞིག་གདའ། སང་ཉིན་སྡེ་པ་ཐོན་པ་མགོན་པོ་བཀྲ་ཤིས་ཀྱིས་སྒར་སྟོན་དང་ལེགས་སྐྱེས། དམར་ཁམས་གོ་བོ་དབ…

བྲག་སྣ་ཆོས་རྗེ་གྲ་བཅས་ཀྱིས་ཚན་གྲངས་སྤེལ་ཏེ་རྣམ་རྒྱལ་མ་དང་འབྲེལ་བའི་ཚེའི་རྟེན་འབྲེལ་བསྒྲིགས། དཀོན་གཉེར་དཔོན་དགེ་སྟེང་བླ་མ་ཉིན་ལྟར་གྱིས་འོངས་ནས་མོལ་མཆིད་ཞིབ་པར་བྱུང་། ཚེས་བཅུ་གཅིག་ལ་གསར་རྒྱག་མཛད་པའི་དགའ་ལྡན་ཁང་གསར་དུ་རྒྱལ་པོས་ཤོག་གསུང་བ་ལྟར་ཕྱིན་པའི་གུང་ཚིགས་བྱས། གཞིས་ཀ་སྔར་གྱི་བཀོད་ལེགས་དེ་ལས་ཅུང་ཟད་…

ཚེ་ཞུ་ལ་རེའི་མགོ་སྐོར་གྱི་རྣམ་པ་ཡིན་སྣང་། ལྗང་དཔོན་པོས་དགའ་ལྡན་དངུལ་གདུང་རིན་པོ་ཆེ་དང་མགོན་ཁང་། མལ་གྲོ་གཟིམས་ཁང་ཤར་གྱི་ཕྱག་བཞི་པ། སྡེ་པ་བྱ་པས་ཡང་རྩེ་གཟའ་ཁང་དུ་སྙན་དར། འོ་རློན་པས་ཕྱག་དྲུག་པའི་ཕྱི་རྟེན་འབུལ་བ་དང་སྙན་དར་གྱི་ཞལ་ཡིག་དགོས་ཚུལ་བྱུང་བ་རྣམས་བྲིས། རབ་བྱུང་བསྙེན་རྫོགས་བརྒྱད་ཅུ་སྐོར་བསྒྲུབས། སྡ…

སླར་ཡང་གཙང་ཕྱོགས་སུ་ཕེབས་པ་བཅས་ཀྱི་སྐོར།ཤིང་ཕོ་རྟ་ལོའི་གནམ་ལོ་གསར་ཚེས་ཀྱི་འདོད་ཁམས་དབང་ཕྱུག་མའི་མཆོད་གཏོར། རྟེན་འདོགས་གཟབ་རྒྱས་སུ་བསྟར་ཞིང་ཚིགས་བཅད་བཀོད་པའི་ལྷ་རྫས་ཕུལ། བཞུགས་གྲལ་གྱི་དུས་སྟོན་སྔར་འཁྱུད་ལྟར་བྱས། བསྟན་འཛིན་ཆོས་ཀྱི་རྒྱལ་པོ་ལ་འཆི་མེད་དཔལ་སྟེར་གྱི་ཚེ་དབང་བརྒྱ་རྩ་དང་གུར་མགོན་གྱི་རྗེས་གནང་…