ཉིད་ངོ་བོ་ཀ་དག་མཁའ་དབྱིངས་ངོས། །ཆོས་ཚན་རྒྱུ་འབྲས་ཉི་ཟླ་ཟུང་འཇུག་པས། །འཛམ་གླིང་སྐྱེ་རྒུར་ཕན་བདེའི་སྣང་བ་ཡིས། །ཁྱབ་ཕྱིར་འགྲོ་ཡོངས་འཕེལ་གྲིབ་མེད་བརྟན་ཤོག །ཅེས་ས་སྐྱོང་བློ་བཟང་མཐུ་སྟོབས་ཀྱི་བརྟན་བཞུགས་འདི་ནི་དཀྱིལ་འཁོར་རྒྱ་མཚོའི་ཁྱབ་བདག་རྡོ་རྗེ་སློབ་དཔོན་ཆེན་པོ་བློ་གྲོས་མཆོག་གི་རྡོ་རྗེས་གསུང་གིས་བསྐུལ་བ…

འཛད་མེད་ཆར་གྱིས་སྨིན་པར་བྱིན་གྱིས་རློབས། །ཞེས་པ་འདིའང་སྐྱར་པོ་བསོད་ནམས་རབ་བརྟན་ལྔ་པའི་ཆོས་ཉིད་དུ་གྱུར་པའི་དུས་དགེ་འདུན་གྱི་ཞལ་འདོན་དུ་མཛད་རྒྱུའི་སྨོན་ལམ་ཚིགས་བཅད་ཅིག་དགོས་ཞེས་སྐྱར་བཙུན་རྡོ་རྗེ་དབང་ཕྱུག་གིས་བསྐུལ་བ་ལྟར་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་འཇམ་དབྱངས་བསྟན་འཛིན་ནོ། །སངས་རྒྱས་དེ་གསུང་བྱང་…

འབྱམས་པའི་ངོར་ཟ་ཧོར་གྱི་བནྡེས་སྦྱར་བའོ། །ཁྱོད་མཚན་སྐྱེ་རྒུའི་ཐོས་འཛིན་དུ། །ལེགས་པར་ཡོངས་སུ་རབ་བསྒྲགས་པས། །སྲིད་གདུང་སྨག་རུམ་ཉེར་བཅིལ་ཏེ། །གཏན་བདེའི་སྣང་བ་གསལ་བར་ཤོག །མཚན་དཔེའི་གཟི་བརྗིད་འབར་བའི་སྒྲ། །དབྱངས་ཀྱི་རྒྱལ་པོ་སེང་གེ་ཡི། །ང་རོ་བསྒྲགས་པས་འཁོར་འདས་ཀྱི། །སྡུག་བསྔལ་རི་དྭགས་མཐར་བྱེད་ཤོག །འགྲོ་བའི…

མཉམ་མ་རྒན་ཀུན། །གང་གི་མཆེད་ཟླར་མྱུར་འགྱུར་ཤོག །འཇིགས་པ་བརྒྱད་སོགས་རྒུད་པའི་རྒྱ། །ཐུགས་རྗེའི་མཚོན་གྱིས་ཉེར་བཅད་ནས། །བདེ་སྐྱིད་དཔལ་ལ་ལུས་ཅན་ཀུན། །སྦྱོར་ཞིག་ཨཱཪྻ་ཏཱ་རཱེ་མ། །ངག་ལ་སྨྲ་བའི་དབང་ཕྱུག་གིས། །བློ་གསལ་སྐལ་བཟང་རེ་སྐོང་བ། །རྒྱ་མཚོའི་རླབས་ལྟར་ཐོས་བསམ་སྒོམ། །དུས་ལས་ཡོལ་བ་མེད་དེ་རྒྱལ། །ཞེས་པ་འདིའང་ལ…

སྤྱོད་རྒྱུད་འཁྲུངས་རབས་ལ་སོགས་པའི། །སངས་རྒྱས་བྱང་སེམས་སྐུ་བརྙན་བྲིས་ཐང་རྣམས། །ཡུལ་དབྱིབས་ཨེ་གཟུགས་ཆོས་ལུང་དཀར་མོ་ཡི། །དཔོན་ཡིག་ངག་དབང་དཔལ་འབྱོར་ཞེས་བྱ་བས། །རྡུལ་བྲལ་སྟོན་ཟླ་ལྟར་དཀར་ལྷག་བསམ་གྱིས། །སྒོ་གསུམ་འབད་པ་ཆེན་པོས་ཉེ་བར་བསྐྲུན། །ལེགས་བྱས་འབྲས་བུས་བཟོད་དཀའི་སྡུག་བསྔལ་ཀུན། །མིང་ཡང་མི་བསྒྲག་ཚེ་འབྱ…

རྒྱས། །ཡང་སྲིད་ཀུན་ཏུ་ལྷ་མིའི་རྟེན་བཟང་རྙེད། །སྒྲིབ་གཉིས་འཆིང་བའི་རྒྱ་ལས་རིང་མིན་དུ། །རྣམ་གྲོལ་མི་གནས་མྱ་ངན་འདས་ཐོབ་ཤོག །ཅེས་པ་འདིའང་རིག་བྱེད་པ་ཏྲེ་བོ་ངག་དབང་ནམ་མཁས་རྗེ་བཙུན་ཙོང་ཁ་པ་ཆེན་པོའི་སྐུ་ཐང་བཞེངས་པར་རྒྱབ་ཡིག་དགོས་ཚུལ་བྱུང་བ་ལྟར་ཟ་ཧོར་གྱི་བནྡེས་སྦྱར། །དགེ་དགེ་འདུན་གྲུབ་ཚོགས་རྒྱ་མཚོར་འདུན་པའི་…

རྒྱབ་ཡིག་སྨོན་ལམ་ཞིག་དགོས་ཚུལ་ལྟར་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་གནས་བཙུན་འཇམ་དབྱངས་སོ། །དཀོན་མཆོག་གསུམ་འདུས་རྩ་བའི་བླ་མ་ལ། །བྱང་ཆུབ་མ་ཐོབ་བར་དུ་གསོལ་བ་འདེབས། །ཚེ་འདིར་འགལ་རྐྱེན་བར་ཆད་ཀུན་ཞི་ཞིང༌། །རིང་འཚོ་མངའ་ཐང་དཔལ་འབྱོར་རྒྱས་པར་ཤོག །དེ་ནས་ཉིང་མཚམས་སྦྱར་ཚེ་བར་དོ་ཡི། །འཇིགས་སྐྲག་སྡུག་བསྔལ་ཉམས་…

བཟང་རིན་ཅེན་ཡོལ་གོར་རབ་བརྟན་ཤོག །དགེ་བའི་འབྲས་བུ་ནམ་ཡང་མི་འཛད་པའི། །བྱང་ཆུབ་མཆོག་གྱུར་ཡོངས་བསྔག་གཏེར་ཆེན་པོའི། །ཕུན་ཚོགས་བུམ་པ་བཟང་པོར་ལོངས་སྤྱོད་པའི། །བཟང་པོའི་བསྐལ་བ་ཅན་དུ་འགྱུར་བར་ཤོག །ཅེས་སྐྱར་པོ་བ་བསོད་ནམས་རབ་བརྟན་གྱི་ཕྱི་རྟེན་དུ་བཞེངས་པའི་ཐང་སྐུའི་རྒྱབ་ཡིག་ཚིགས་བཅད་འདི་ནི་རྡོ་རྗེ་དབང་ཕྱུག་གིས་…

ཁྱོད་ཞལ་གྱི་ལུང༌། །ཐེག་ཆེན་ཆོས་ཀྱི་བདུད་རྩི་འཐུང་བར་ཤོག །ས་བཅུ་ལམ་ལྔའི་རིན་ཅེན་ཐེམ་སྐས་ལ། །འཛེགས་ནས་རིང་མིན་སྟུག་པོ་བཀོད་པ་རུ། །ངེས་པ་ལྔ་ལྡན་ལོངས་སྤྱོད་རྫོགས་པའི་སྐུར། །སྔོན་སངས་རྒྱས་ནས་འགྲོ་ཀུན་འདྲེན་པར་ཤོག །ཉེ་དུ་འབངས་འཁོར་རྣམས་ཀྱིས་ལེགས་དམིགས་ནས། །རྟེན་བཞེངས་དཀོན་ཅོག་མཆོད་དང་ཐུབ་གསུང་བཀླགས། །སྦྱི…

པའི་སྐལ་བ་བཟང་པོ་འགྱུར་བར་ཤོག །ཅེས་པ་འདིའང་ཨོ་རོད་གཡོན་རུའི་དཔོན་པོ་བཱ་ཁན་བནྡེ་དང་དཔོན་མོ་ཚེ་རིང་རྒྱལ་གཉིས་ཀྱིས་བསྐུལ་བའི་ངོར་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་འཇམ་དབྱངས་བསྟན་འཛིན་ནོ། །དཔལ་ལྡན་ཤཱཀྱའི་འཕྲིན་ལས་གངས་རི་ལས། །གྲུབ་མཐའ་རྣམ་བཞིའི་ལེགས་བཤད་གངྒཱའི་རྒྱུན། །སྐལ་བཟང་གདུལ་བྱའི་རྒྱ་མཚོར་འབེབས་མ…

བརྟན་གྱུར་ཅིག །བློ་བཟང་གྲགས་སྙན་ལུགས་ཟུང་བསྟན་པའི་སྲོག །མཐུ་སྟོབས་ནུས་པས་ལེགས་འཛིན་ཡངས་པའི་ས། །སྐྱོང་མཛད་མི་དབང་སྐུ་ཚེ་ཆབ་སྲིད་རྣམས། །དབྱར་གྱི་ཆུ་གཏེར་ཇི་བཞིན་འཕེལ་བར་ཤོག །འདུས་པའི་སྡེ་འདི་ཁྲིམས་གཙང་ཐོས་བསམ་སྒོམ། །བྱ་བ་ལས་ཀྱི་འཁོར་ལོར་བཅས་པ་ཡི། །སྲིད་ཞིའི་ཡོན་ཏན་མ་ལུས་བླ་ནས་བླར། །འཕེལ་བའི་དགའ་སྟོན་ར…

སྐལ་བཟང་ལ་སྦྱོར་བས། །གནམ་གྱི་ཤེ་མོང་དཔུང་པའི་མཐུ་སྟོབས་ཀྱིས། །ཡངས་པའི་ནོར་འཛིན་སྐྱོང་བ་ཞབས་བརྟན་ཤོག །དགའ་ལྡན་ཕྱོགས་ལས་རྣམ་པར་རྒྱལ་བ་ཡི། །འཆི་མེད་དབང་པོའི་འདུན་ས་ཕོ་བྲང་ཆེའི། །ཆོས་སྲིད་བསྟན་པ་མུ་ཏི་ཀ་ཡི་འཕྲེང༌། །ཡིད་ཅན་བསོད་ནམས་སྲད་བུར་རྟག་རྒྱུ་ཤོག །ཨྱོན་སངས་རྒྱས་གཉིས་པའི་སྨིན་གྲོལ་གྱི། །བཤད་སྒྲུབ་སྔ…

ནོར་འཛིན་སྐྱོང་བ་མི་ཡི་རྗེ། །གཞོམ་མེད་རྡོ་རྗེའི་ཁྲི་ལ་རྟག་བརྟན་ཤོག །ཛཱ་ཏིའི་དྲི་བསུང་འཐུལ་བའི་ཡུལ་གྲུ་ནས། །རྣམ་བཀྲ་ཟ་འོག་འཐག་པའི་རྒྱལ་ཁམས་བར། །ཁྲིམས་གཉིས་གསེར་གྱི་གཉའ་ཤིང་རབ་ལྕི་བས། །འགྲོ་རྣམས་རྫོགས་ལྡན་དགའ་སྟོན་ལ་སྤྱོད་ཤོག །ཕྱོགས་ལས་རྣམ་རྒྱལ་ཕན་བདེ་འབྱུང་བའི་གནས། །སྨིན་གྲོལ་རྒྱུད་འབྲེལ་མན་ངག་རྡོ་རྗ…

ངག་དབང་འཇམ་མགོན་བློ་གྲོས་བཟང་པོ་ཡི། །རིང་ལུགས་རྒྱ་མཚོའི་གོས་ཅན་ཁྱབ་པའི་ཁུར། །འཛིན་མཛད་ཡོངས་འཛིན་དམ་པར་གསོལ་བ་འདེབས། །ཚེ་རབས་ཀུན་ཏུ་དལ་བའི་རྟེན་ཐོབ་ནས། །བཤེས་གཉེན་མཆོག་གི་མགོན་གྱིས་ལེགས་བཟུང་སྟེ། །འཇམ་དཔལ་སྙིང་པོའི་བསྟན་པ་དྲི་མེད་ལ། །ཐོས་བསམ་སྒོམ་པ་བྱེད་པར་བྱིན་གྱིས་རློབས། །གནས་སྐབས་དམ་ཆོས་སྒྲུབ་པར་བ…

བགེགས་དང་བར་ཆད་སོགས། །མི་མཐུན་ཕྱོགས་རྣམས་མ་ལུས་རབ་ཞི་ཞིང༌། །བསམ་དོན་ལྷུན་གྱིས་འགྲུབ་པའི་དགེ་ལེགས་གང༌། །འབད་མེད་ལག་རྩེར་སྩོལ་བའི་དཔལ་ཐོབ་ཤོག །གང་དེ་བསྒྲུབ་པའི་སྒོ་ནས་སྦྱིན་པའི་བདག །སོར་མོའི་སྒྱུ་འཕྲུལ་དྲྭ་བའི་བྱེད་པོ་དང༌། །ཕྱོགས་འདིར་ལུས་ངག་ཡིད་ཀྱི་ངལ་བ་དག །བསྟེན་ཀུན་དོན་གཉིས་མ་ལུས་འགྲུབ་གྱུར་ཅིག །ཅེ…

རྒྱུ་འབྲས་ཕྲ་མོ་ལ། །བླང་དོར་ཚུལ་བཞིན་བསྒྲུབ་པར་བྱིན་གྱིས་རློབས། །ཚངས་དང་བརྒྱ་བྱིན་འཁོར་ལོས་སྒྱུར་རྒྱལ་སོགས། །ཆེན་པོའི་གོ་འཕང་གྲངས་མེད་མྱོང་བའི་མཐར། །བཟོད་དཀའ་ངན་སོང་སྐྱེ་མང་བརྒྱུད་པ་འདིས། །རྣམ་དག་ངེས་འབྱུང་སྐྱེ་བར་བྱིན་གྱིས་རློབས། །སྡུག་བསྔལ་གསུམ་གྱིས་ཡ་ངའི་གཡང་ས་ལས། །རྣམ་པར་གྲོལ་བའི་ཞི་བའི་གླིང་མཆོ…

ལྡན་ཚེ་དང་ཡེ་ཤེས་དཔག་མེད་པའི། །ཐུགས་རྗེ་ཆེན་པོས་དེང་འདིར་བྱིན་གྱིས་རློབས། །རྒྱལ་བའི་དབང་པོ་བློ་བཟང་གྲགས་པ་ཡི། །བསྟན་པ་རིན་ཅེན་ཡར་ངོའི་ཟླ་བ་ལྟར། །སྤེལ་ཕྱིར་ངག་དབང་བློ་བཟང་རྒྱ་མཚོའི་སྡེ། །འགྱུར་མེད་སེང་གེའི་ཁྲི་ལ་ཞབས་བརྟན་ཤོག །དེ་ལྟར་གསོལ་བ་ཇི་བཞིན་བཏབ་པ་ཡིས། །བསམ་པའི་རེ་བ་དོན་དང་ལྡན་པའི་ཆེད། །དེང་ནས་…

ངག་གི་ལམ་ནས་མ་དྲངས་པར་འབོལ་རྩོམ་གོ་བདེ་ཞིང་འདི་ཙམ་འཚོ་ཞེས་པའི་ཚིགས་བཅད་ཞིག་དགོས་ཞེས་གསོལ་དཔོན་གེ་ར་བ་བློ་བཟང་མཁྱེན་བརྩེ་དང་བློ་བཟང་དགེ་འདུན་སྤུན་གཉིས་ཀྱིས་ནན་གྱིས་བསྐུལ་བ་ལ་བརྟེན་ནས་དུས་དང་བསྟུན་པའི་ལོ་གྲངས་ཀྱི་མཐའ་འཛིན་པ་ནི་རྒྱལ་སྲས་ལག་ལེན་གྱི་དོན་བཞིན་འདྲི་མ་ནུས། འོན་ཀྱང་བླ་ཆེན་སྤྱིའི་ཕྱག་མཛོད་ནས་…

བཅུར་འཛུག་པའི་དཔལ། །སྐལ་བཟང་གདུལ་བྱའི་མགོན་པོར་གསོལ་བ་འདེབས། །གར་གྱི་དབང་ཕྱུག་བཅོམ་ལྡན་རྣམ་པར་རྒྱལ། །ཚེ་སྦྱིན་ཡིད་བཞིན་འཁོར་ལོ་བཅས་རྣམས་ཀྱི། །རྨད་བྱུང་ཐུགས་རྗེའི་ཉི་མ་འོད་པོ་ཆེས། །བདུད་བཞིའི་སྨག་རུམ་མིང་གི་ལྷག་མར་མཛོད། །བྱམས་པའི་ཐུགས་ཀྱིས་འགྲོ་ཀུན་འདྲེན་སླད་དུ། །ངག་ལ་སྨྲ་བའི་དབང་ཕྱུག་ཞལ་སྒོ་ནས། །ཟབ་…

ནི་པཱ་ཎཱི་བྱཱ་ཀ་ར་ཎ་ཀ་ཙན་སྭ་ར་སྭསྟཱི་སོགས་བརྡ་སྤྲོད་རྒྱ་མཚོའི་ཕ་རོལ་ཏུ་སོན་པ་སེ་དཀར་རིགས་ཀྱི་ཐེག་ལེ་འདར་པ་ལོ་ཙཱ་བ་ངག་དབང་ཕུན་ཚོགས་ལྷུན་གྲུབ་ཀྱིས་བསྐུལ་བ་ལ་བརྟེན་ནས་ཟ་ཧོར་གྱི་བནྡེས་སྦྱར་ཡི་གེ་པ་ནི་དཀར་བྲག་པ་ངག་དབང་བྱམས་པའོ། །བྱིན་རླབས་གཏེར་གྱུར་རྩ་བརྒྱུད་བླ་མ་དང༌། །དངོས་གྲུབ་སྩོལ་མཛད་སྒྲུབ་སྡེ་བརྒྱད་…