ནོ ཤ ཀ དུཿ ཁ སྱ ས རཱ ཏྤྲ ཛནྨི ནྱཱ སྟཱ ར ཏོ པྲཱ ནུ བྷ བ ཤྲི ཡ ཤྩ། མྱ་ངན་མེད་པས་སྡུག་བསྔལ་རྒྱ་མཚོ་ལས། །སྐྱེ་ལྡན་སྒྲོལ་བའི་མཆོག་གི་མཐུ་དཔལ་གྱིས། །ཨཱ དེ ྉྤ྄ ཎི དྷྱཻ ྈྐ ར ཏ ྉྥ ལཾ པྲ ཏྱ ཀྵཱ ཧ མཱ དེ ྈྑ ས མཱ ཉྩ ཡ ཙྪ། སྔོན་གྱི་སྨོན་ལམ་མཛད་པའི་འབྲས་བུ་རྣམས། །མངོན་སུམ་བདག་སོགས་མཁའ་མཉམ་འགྲོ་ལ་སྩོལ། །(༡༢༤བ)

གཱ མྦྷི ཪྻ དྷ རྨ སྭ ར ཀཱ ཡ ཀ རྞེ ཀཱི རྟེ སྶུ ཧི ཏྱཻ སྶ ར གྷོ ཥ གཻ ཏྱཻཿ ཟབ་རྒྱས་ཆོས་སྒྲ་ལུས་ཅན་རྣར་བསྒྲགས་པའི། །ཕན་བདེ་རྒྱ་མཚོའི་དབྱངས་སྙན་གླུར་འབབ་པས། །ཨཱ དེ ྉྤ྄ ཎི དྷྱཻ ྈྐ ར ཏ ྉྥ ལཾ པྲ ཏྱ ཀྵཱ ཧཱ མཱ དེ ྈྑ ས མཱ ཉྩ ཡ ཙྪ། སྔོན་གྱི་སྨོན་ལམ་མཛད་པའི་འབྲས་བུ་རྣམས། །མངོན་སུམ་བདག་སོགས་མཁའ་མཉམ་འགྲོ་ལ་སྩོལ། །(…

ས དྡྷ རྨ སཱ ག ཪྻ བ ར སྱ མཱ ཏཱ ནཱ ཧཱི བི ལཱ ལི ཏྱ ཨ བྷི ཛྷ རཱ ཛྙཱ། དམ་ཆོས་རྒྱ་མཚོ་མཆོག་གི་བློ་གྲོས་ཀྱི། །རྣམ་པར་རོལ་པ་མངོན་མཁྱེན་རྒྱལ་པོ་ཡིས། །ཨཱ དེ ྉྤ྄ ཎི དྷྱཻ ྈྐ ར ྉྥ ལཾ པྲ ཏྱ ཀྵཱ ཧ མཱ དེ ྈྑ ས མཱ ཉྩ ཡ ཙྪ། །སྔོན་གྱི་སྨོན་ལམ་མཛད་པའི་འབྲས་བུ་རྣམས། །མངོན་སུམ་བདག་སོགས་མཁའ་མཉམ་འགྲོ་ལ་སྩོལ། །(༡༢༥བ)

མཱ ཧ དྨ ཧཱ ཀ ལྐ ག མེད ཡཽ ཥ དྷྱུ ཏྟཱ ར བ ཌཱུ ཪྻ ཀེ རཱ ལྱ རཱ ཛྙཱ། ཆེས་ཆེར་སྙིགས་མའི་འགྲོར་བརྩེ་སྨན་གྱི་བླ། །བཻཌཱུཪྻ་ཡི་འོད་ལྡན་རྒྱལ་པོ་ཡིས། །ཨཱ ད ྉྤ྄ ཎི དྷྱཻ ྈྐ ར ཏ ྉྥ ལཾ པྲ ཏྱ ཀྵ ཧ མཱ དེ ྈྑ ས མཱ ཉྩ ཡ ཙྪ། སྔོན་གྱི་སྨོན་ལམ་མཛད་པའི་འབྲས་བུ་རྣམས། །མངོན་སུམ་བདག་སོགས་མཁའ་མཉམ་འགྲོ་ལ་སྩོལ། །(༡༢༦ན)

ཤྲཱི ཀཱི བ ཏ སྶཽ ག ཏ ཏ ཤྩ སཱུ ཏྲེ སཱུ ཀྟེ ཀྵུ ཀོ རྫཾ བ ར ནོ སུ ནཱ ཁྱཱ། དཔལ་གྱི་མགུར་ནས་བདེ་བར་གཤེགས་པའི་མདོ། །ལེགས་གསུངས་ཤཱཀྱའི་སྐྱེས་མཆོག་སླུ་མེད་བཀའ། །ཡ སྨི ཉྩ ས པྟ མྦྷ ཏ རཱ ཛྙཱ མཱ དཱ རྠཱ ྉྤ ཉྩ ཤཱ དཱ ྉྤ྄ ཏི ནེ ཏྲ ནཱ དྱཾ། །ཇི་བཞིན་ཐུབ་ཆེན་མཆེད་བདུན་བཞེད་པའི་དོན། །ལྔ་བརྒྱའི་འགྲོ་རྣམས་མངོན་སུམ་ཉམས་མྱ…

ཀུན་ལ་སྲོག་གཅེས་དེ་ཕྱིར་ར་ལུགས་ཕྱུགས། །འཆི་བདག་ལག་ནས་བླུས་ཏེ་རིང་པོ་རུ། །འཚོ་ཐབས་མི་འཇིགས་སྐྱབས་ཀྱི་སྦྱིན་པའི་སྒོ། །རྒྱུ་སྦྱོར་ཡོན་གྱི་བདག་པོས་ཆེ་བའི་དགེ །རབ་དཀར་ལེགས་བྱས་ཀ་པུ་ར་ཡི་རྡུལ། །འབུམ་ཕྲག་ལྷག་བསམ་ཟླ་བ་ལས་འཛགས་པས། །མཁའ་མཉམ་སྐྱེ་རྒུའི་ཚ་གདུང་མ་ལུས་པ། །ཡོངས་བཅིལ་ཕན་བདེའི་སྣང་བས་ཀུན་ཁྱབ་ཤོག །ཁྱ…

མཁས་པའི་བསྟན་བཅོས་དང་བཅས་པ། །འཛད་མེད་པར་དུ་བརྐོས་ནས་མཆོད་སྦྱིན་སྒོ། །འབྱེད་ལ་ཐུགས་རྗེའི་སྤྱན་གྱིས་ཉེ་བར་གཟིགས། །འགྲོ་བའི་དབང་པོར་རྣམ་འཕྲུལ་མཐའ་ཀླས་ཀྱང༌། །ངོ་བོ་གཅིག་ལས་མི་གཡོ་རྒྱལ་བའི་ཡུམ། །སེང་ལྡེང་ནགས་ཀྱི་སྒྲོལ་མའི་ཟློས་གར་གྱིས། །འཇིགས་ཆེན་བརྒྱད་སོགས་འཚེ་བ་ཀུན་ལས་སྐྱོབས། །བསྐལ་འཚོའི་ཚེ་དང་རྨུགས་འཛ…

ནཱ ཋ ཨཱ ཤྩ ཪྻ མཱུ རྟི སྶུ ཁཱི སྠཱ ན ཡོཿ ། བདེ་ལྡན་ཞིང་གི་མགོན་པོའི་ངོ་མཚར་སྐུ། །རི་མོར་བྲིས་པའི་བསོད་ནམས་གང་ཐོབ་དེས། རེ ཁ ལེ ཁཱི ནི པུ ཎྱཱ ཡ ཡོ ཡཱ སྟ ཐཱ། བྱེད་པོ་ཉིང་མཚམས་སྦྱར་ཚེ་འོད་དཔག་མེད། །མངོན་སུམ་ལྟ་ཞིང་དམ་པའི་ཆོས་མྱོང་ཤོག །ཀཱ རུ ཀཱ ལ མྲྀ ཏོ ཨཱ ཡུ ནོ མེ ཡ ཡོཿ ། བདེ་བ་ཅན་ཞིང་བཀོད་པ་རྒྱལ་བའི་གསུ…

ཁམས་མྱུལ་བཞེད་པ། །ཕྱོགས་འདིར་འགྲོ་དོན་དུས་ལ་བབས་གྱུར་ན། །སྤྲུལ་སྐུའི་གར་བསྒྱུར་དེ་སྨོན་ལྷུན་གྲུབ་ཤོག །ཅེས་པ་འདི་ཡང་རྒྱལ་ཁང་རྩེ་བའི་རྗེས་འཇུག་རྣམས་ཀྱིས་བསྐུལ་བ་ལྟར་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་འཕྱོང་རྒྱས་ལྐོག་པ་ཕུན་ཚོགས་དབང་པོའ། །རྣམ་པར་སྣང་མཛད་ཐུགས་རྗེའི་ཆུ་རྒྱུན་གྱིས། །ཐོག་མེད་བསགས་པའི་སྡིག་…

མགོན་པོ་ལོངས་སྤྱོད་རྫོགས་སྐུར་བཞུགས། །མཁའ་ཁྱབ་འགྲོ་བྱིན་བརླབ་སྤྲུལ་མི་བསྐྱོད་ཚོགས། །དབྱེར་མེད་རྡོར་སེམས་སྤྲུལ་སྐུའི་ཕུང་པོ་ཁམས། །སྐྱེ་མཆེད་གཤེགས་སེམས་ཁྲོ་བོར་ཡོངས་རྫོགས་པ། །བདག་ཉིད་རྗེ་བཙུན་བླ་མར་གསོལ་བ་འདེབས། །གསང་གསུམ་བདེ་བ་ཆེན་པོར་ཞུ་བའི་དཔྱིད། །གནས་གསུམ་རྩ་འཁོར་ལ་ཐིམ་བྱིན་བརླབས་པས། །སྒོ་གསུམ་མི་…

འཆེས་རྡོ་བའི་རི་མོ་ཇི་བཞིན་བཞུགས། །བགྲང་ཡས་ལུས་སྤྲུལ་སྒོ་གསུམ་གུས་ཕྱག་འཚལ། །ཕྱི་ནང་གསང་བ་དེ་ཉིད་མཆོད་སྤྲིན་འབུལ། །སྡིག་ལྟུང་ཉེས་པ་ཅི་མཆིས་སྙིང་ནས་བཤགས། །ཚོགས་གཉིས་ཕུང་པོ་བསགས་སོ་ཅོག་ལ་རངས། །རྡོ་རྗེ་ཐེག་པའི་ཆོས་འཁོར་བསྐོར་བར་བསྐུལ། །བསྐལ་མཐའི་བར་དུ་མྱ་ངན་མི་འདར་གསོལ། །འདིས་མཚོན་དུས་གསུམ་བསགས་དང་གསོག་…

རུ་བཞུགས། །བཞོན་པའི་རླུང་ལས་དག་པ་སྒྱུ་ལུས་སུ། །ལངས་མཐར་རྣམ་གྲོལ་དོན་གྱི་འོད་གསལ་དང༌། །མཚན་དཔེའི་སྐུ་གཉིས་དངོས་པོ་གཅིག་པ་ཡི། །སློབ་པའི་ཟུང་འཇུག་མངོན་དུ་མཛད་ཁྱོད་བཞུགས། །ཕྱི་ནང་རྐྱེན་གྱི་ཤེས་སྒྲིབ་དྲུང་ཕྱུངས་ཏེ། །མི་སློབ་ཟུང་འཇུག་ཁ་སྦྱོར་ཡན་ལག་བདུན། །ལྷུན་གྲུབ་དཀྱིལ་འཁོར་རྒྱ་མཚོ་སྤྲོ་བསྡུའི་ཆེད། །འཁོར…

དོན་སྦྱར་བ་ཞིག་དགོས་ཞེས་ཁ་བའི་ལྗོངས་འདིར་རིག་སྔགས་འཆང་བའི་གཙུག་རྒྱན་དཔལ་ལྡན་སྨད་རྒྱུད་གྲྭ་ཚང་གི་སློབ་དཔོན་ངག་དབང་བློ་གྲོས་རྒྱ་མཚོས་ཐོག་དྲངས་འདུས་ཚོགས་རྣམས་ཀྱིས་བསྐུལ་བ་ལ་བརྟེན་ནས་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་འཕྱོང་རྒྱས་ལྐོག་པ་ཕུན་ཚོགས་དབང་པོའོ། །བདུད་བཞིའི་དཔུང་གིས་མི་གཡོ་གཏུམ་པོ་ཆེར། ཁྲག་འཐུ…

བདག་གི་སྐུ་ཐང་རྣམས་བཞེངས་པའི་རྒྱབ་ཡིག་དགོས་ཚུལ་ལྟར་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་ལྐོག་པ་ཕུན་ཚོགས་དབང་པོའོ། །ཁྱོད་བསྒྲུབས་ཞི་ཁྲོ་ཀུན་བསྙེན་ཆིག་ཐུབ་སྨན། །པདྨ་ཐོད་འཕྲེང་ཡབ་ཡུམ་རྡོ་རྗེ་འཆང༌། །སྐྱབས་མཆོག་གསང་འདུས་བླ་མའི་བརྒྱ་ཕྲག་སྐུ། །བཞེངས་པས་བསམས་དོན་ལྷུན་གྲུབ་རྩེ་དགོད་ཤོག །ཅེས་ཆོས་དབང་རིན་པོ་ཆེའ…

ཀྱིས་བདག་རྗེས་ཟུངས། །ཞེས་གོང་དཀར་མདོ་པ་ཆོས་མཛད་ངག་དབང་ལྷུན་གྲུབ་ཀྱིས་རྒྱལ་བ་བུ་རམ་ཤིང་པ་དང་ཀུན་མཁྱེན་བཙོང་ཁ་པ་ཆེན་པོའི་སྐུ་ཐང་བཞེངས་པའི་རྒྱབ་ཡིག་དགོས་ཚུལ་ལྟར་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་ཕུན་ཚོགས་དབང་པོའོ། །འཕྲོག་བྱེད་ཀྱིས་བཏེག་རིན་ཅེན་ཕྲས་བརྒྱན་ཁྲི། །འདབ་སྟོང་ཉི་ཟླ་ཟུང་འཇུག་གདན་སྟེང་དུ། །སྲས…

དགའ་བའི་དཔལ་ལྡན་རྣམ་པར་རྒྱལ་བའི་སྡེར། །ཚུལ་ཁྲིམས་དག་པའི་ཞིང་ས་གཤིན་པ་ལ། །ཆོས་སྤྱོད་རྣམ་བཅུའི་མྱུ་གུ་རྒྱས་པའི་རྩེར། །ངེས་པར་ལེགས་པའི་སྙེ་མ་སྨིན་པར་ཤོག །དམ་པ་ཆོས་བཞིན་བསྲུང་བར་ཞལ་འཆེས་དང༌། །ལྷ་དང་དྲང་སྲོང་རིག་པ་འཛིན་པ་སོགས། །བདེན་ཚིག་གྲུབ་པ་རྣམས་ཀྱི་ནུས་མཐུ་ཡིས། །ཇི་ལྟར་སྨོན་པ་ལྷུན་གྱིས་གྲུབ་པར་ཤོག །ཅ…

འབུར་གྱི་རྟེན་བཞེངས་པའི་དགེ་བ་བསྔོ་བའི་ཚིགས་བཅད་དགོས་ཚུལ་བྱུང་བ་བཞིན་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་ཕུན་ཚོགས་དབང་པོའོ། །བུ་རམ་ཤིང་པའི་གསུང་རབ་ཀུན་གྱི་བཅུད། །འཁོར་ལོ་བར་པའི་སྙིང་པོ་ཤོ་ལོ་ཀ །ཁྲི་ཕྲག་གཉིས་དང་ཆིག་སྟོང་བརྒྱད་བརྒྱ་པ། །ངོ་མཚར་གླེགས་བམ་བཞེངས་པའི་ལེགས་བྱས་མཐུས། །བློ་བཟང་དངོས་གྲུབ་ཐོག་མེ…

རྣམ་རྒྱལ་མ། །ཡིད་བཞིན་འཁོར་ལོའི་སྤྱན་གྱིས་བཙའ་བར་མཛོད། །ཐུབ་པའི་བསྟན་ལ་རྗེས་ཞུགས་ཀློག་པ་མཁན། །ཞྭ་སེར་རིང་ལུགས་དར་ཞིང་རྒྱས་མཛད་པ། །དུས་ཀྱི་ཕོ་ཉའི་མཆེ་བ་ལས་ཐར་ཏེ། །རྡོ་རྗེ་ལྟ་བུར་གཡོ་མེད་ཞབས་བརྟན་ཤོག །དཀོན་ཅོག་རིན་ཅེན་རྣམ་གསུམ་མཐུ་སྟོབས་ཀྱིས། །འགྲོ་བའི་བླ་མ་མཁན་ཆེན་དམ་པ་གང༌། །བསྐལ་པ་རྒྱ་མཚོར་འཚོ་ཞིང་ར…

རྡོ་རྗེའི་ངག་ལ་དབང་འབྱོར་བློ། །སྐལ་བཟང་གདུལ་བྱ་རྒྱ་མཚོའི་མགོན་གྱུར་པ། །དཔལ་ལྡན་བླ་མའི་ཞབས་སེན་ཟླ་ཚེས་བར། །མོས་པའི་གཙུག་ཏོར་གྱིས་འདུད་གསོལ་བར་འདེབས། །སྐྱེ་བར་ཞྭ་སེར་ཅོད་པན་འཛིན་པ་ཡི། །བསྟན་ལ་རྗེས་ཞུགས་ཚུལ་ཁྲིམས་རྣམ་པར་དག །མདོ་དང་སྔགས་ཀྱི་ཆོས་ཚུལ་མ་ལུས་པ། །སྟོན་པའི་བཤེས་གཉེན་དམ་པས་རྗེས་འཛིན་ཤོག །དབུ་མ…

རྗེ་ཆོས་ཀྱི་རྒྱལ་པོ་ཡིས། །བདག་ཅག་དཔོན་སློབ་ཆོས་སྲིད་འཕེལ་བ་དང༌། །ཇི་ལྟར་སྨོན་པ་བཞིན་ལ་བར་གཅོད་པའི། །བགེགས་རིགས་ཀུན་ཞི་བསམས་དོན་འགྲུབ་པར་ཤོག །དཔལ་ལྡན་ལྷ་མོ་འདོད་ཁམས་དབང་ཕྱུག་མས། །བདག་ཅག་དཔོན་སློབ་ཆོས་སྲིད་འཕེལ་བ་དང༌། །ཇི་ལྟར་སྨོན་པ་བཞིན་ལ་བར་གཅོད་པའི། །བགེགས་རིགས་ཀུན་ཞི་བསམས་དོན་འགྲུབ་པར་ཤོག །ཅེས་རིང…