བཅས་པས་སྟོན་པ་ཤཱཀྱའི་རྒྱལ་པོའི་གསུང་རབ་ཀུན་གྱི་སྙིང་པོར་གྱུར་པ་ཡུམ་རྒྱས་པ་པོད་ཚད་བཅུ་དྲུག་འདི་ཕྱིའི་དོན་དུ་བཞེངས་པའི་ཚེ་སྨོན་ལམ་དགོས་ཚུལ་ལྟར་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་འཆམས་དཔོན་དགེ་སློང་ངག་དབང་དཀོན་ཅོག་གོ །གནས་གསུམ་ཞིང་མཆོག་བདེ་ཆེན་པདྨ་འོད། །སྐུ་གསུམ་རང་བཞིན་གྲུབ་པའི་མཁའ་དབྱིངས་ལས། །རྩ་གསུ…

དཔྱིད་ཀྱི་སྤྲིན། །བདེ་སྐྱིད་དགའ་སྟོན་ཆར་རྒྱུན་སྙན་པོའི་རྔ། །ཆབས་ཅིག་རབ་ལྡིར་རྫོགས་ལྡན་གསར་མགྲོན་དུ། །འགུགས་མཛད་རྩ་གསུམ་ལྷ་ཚོགས་འཁོར་བཅས་ཀྱེ། །མི་མཐུན་གཡུལ་ལས་རྣམ་པར་ཡོངས་རྒྱལ་བའི། །ཕན་བདེའི་སྒོ་འཕར་ཕྱེ་བ་འབྱེད་ནུས་པ། །གསང་སྔགས་རྒྱ་མཚོར་ལེགས་བཤད་འདུས་གླིང་ཆེར། །ཐབས་ཤེས་ཟུང་དུ་འཇུག་པའི་རྟེན་འབྱུང་ཆེར།…

དགའ་བཞིའི་འགྲོས་ཀྱིས་ཐར་གྲོང་ཆེར། །ཉེར་ཞུགས་ཟུང་འཇུག་གོ་འཕང་མྱུར་ཐོབ་ཤོག །ཅེས་པའང་ལྷ་ས་བ་བློ་བཟང་རབ་བརྟན་གྱིས་དགེ་སྐོས་ཀྱི་འཇོག་ལ་དངུལ་སྲང་བཅུ་བཞི་དང་ཞོ་དགུའི་པད་སྡེར་ཕུལ་བའི་ཚེ་ཁ་བྱང་དགོས་ཚུལ་ལྟར་ཟ་ཧོར་གྱི་བནྡེས་བཀོད། །སྲས་བཅས་རྒྱལ་བས་རབ་བསྔགས་བདེ་ཆེན་ཞིང༌། །ངོ་མཚར་བཀོད་ལེགས་མགོན་པོ་སྣང་མཐའ་ཡས། །མཛ…

པོའི་སྐལ་པ་དང༌། །མཉམ་ཞིང་མྱ་ངན་མེད་པའི་མཆེད་ཟླར་ཤོག །རབ་ཡངས་ས་སྟེང་སྐྱོང་བའི་རྒྱལ་པོ་ཆེའི། །ལེགས་བྱས་གསེར་འཁོར་ནམ་མཁར་ཉེར་འཕགས་པ། །སྲིད་གསུམ་ཟིལ་གྱིས་གནོན་པའི་དབང་ཕྱུག་གཙུག །ཞབས་སེན་ཀུནྡ་ཚེས་ལས་ཡོལ་མེད་ཤོག །དཀོན་ཅོག་རིན་ཅེན་རྣམ་གསུམ་བདེན་དཔང་དུ། །མངའ་གསོལ་སྤྱི་སྒོས་རིང་པོར་འཚོ་ཐབས་ལ། །ཆིག་དྲིལ་བརྟན་…

གཅིག་པུའི་རྣམ་འཕྲུལ་ལྟར། །སྐུ་ཡི་བཀོད་པའི་བྱེ་བྲག་མཐའ་ཡས་ཀྱང༌། །སྟོང་ཉིད་སྙིང་རྗེའི་རང་གདངས་དབྱངས་ཅན་མ། །རྟག་ཏུ་བསྟེན་ན་བསམ་པའི་རེ་བ་ཀུན། །ཡིད་བཞིན་དབང་གི་རྒྱལ་པོའི་མཆེད་པོ་རུ། །ངེས་རྙེད་སྙིང་མུན་སེལ་དང་ཆབས་ཅིག་པར། །སྡེ་བཞིའི་སྒོ་འཕར་རྫོགས་ལྡན་ལྟར་འབྱེད་ཕྱིར། །ཁྲག་ཞག་འཁྲུག་སྟེང་མེ་རླུང་འཁྱིལ་བའི་ནང༌…

ཟངས་ལས། །འཇམ་དབྱངས་དགའ་བའི་བཤེས་གཉེན་གྱི། །འདྲ་འབག་བཞེངས་མཐུས་ལྷ་མིའི་རྟེན། །རིམ་བརྒྱུད་མྱང་འདས་མྱུར་ཐོབ་ཤོག །ཅེས་པའང་སྔགས་རམས་པ་ངག་དབང་གྲགས་པ་དང་གཞོན་ནུ་སྐལ་བཟང་སྤུན་གྱི་ངོར་བྲིས་པ་ཤྲཱི་བྷ་ཝནྟུ། །རབ་དཀར་བསོད་ནམས་ཡོངས་སྨིན་མུ་ཐི་ལ། །འཛད་མེད་ཉེར་སྩོལ་ཐུབ་དབང་ཤཱཀྱའི་ཏོག །ཁྱེད་གསུང་སློབ་བཅས་སྤྱན་སྔར་རྣ…

སྨན་རྩ་ཡུག་བརྒྱ། བྱང་དར་ཡུག་བརྒྱ། གོས་ཆེན་ལེགས་པ་ཡུག་ལྔ། གོས་ལོག་ཐང་གསེར་མ་ཡུག་དྲུག་ཅུ་དང་ཚོས་གཅིག་མ་བཞི་བཅུ་བཅས་ཡུག་བརྒྱ། རྒྱ་དཀར་ཡུ་ཐུང་ཉིས་བརྒྱ། ཟམ་སོ་ཡུག་བརྒྱ། སག་རི་བུབས་བརྒྱ། བུར་ལྟང་བཅུ་གཉིས། བྱེ་ཤེལ་ལྟང་རྩེ་རེ། སྤོས་དཀར་ལྟང་རྩེ་གསུམ། གོས་རྒྱན་བཞིའི་ཡོལ་བ་རྣམ་པ་སུམ་ཅུ་སོ་གཉིས་རེ་ཡོད་པའི་ཆ་གཅི…

དང་གཏོང་བས་མཆོག་གསུམ་བསྙེན་བཀུར་བར། །མགོན་མེད་ཟས་སྦྱིན་ལ་འགྲན་དཔའ་ཞིང་མཛངས། །རྟུལ་ཕོད་རྩལ་མངའ་དགའ་ལྡན་བོ་ཤོག་ཐུའི། །ཚེ་བསོད་སྟོབས་འབྱོར་བླ་ནས་བླར་འཕེལ་ཤོག །རྒྱལ་བ་སྲས་བཅས་མཁྱེན་བརྩེ་མ་ཡོལ་ཆབ། །ཕན་བདེའི་ཆུ་གཉེར་བགྲང་ཡས་འཁྲིགས་ཀློང་ལས། །གང་བསམ་འདོད་པ་འཇོ་བའི་དབང་རྒྱལ་ནོར། །མི་འབྲལ་སྤྱི་བོའི་གཙུག་ཏུ་མཛ…

རྣམ་དཀར་དགེ་ཚོགས་ཞིང་ས་ལ། །ལྷག་བསམ་སྨོན་ལམ་ས་བོན་དྲོད་གཤེར་གྱིས། །རབ་སྨིན་བདེ་སྐྱིད་གསེར་སྙེ་དར་དྲག་པར། །སྤྱོད་པའི་སྐལ་མཆོག་མྱུར་དུ་འགྲུབ་པར་ཤོག །ཅེས་གཞིས་ཀ་ཤར་གུ་རུ་རྟ་མགྲིན་དུས་ཀྱི་ཆོས་ཉིད་དུ་གྱུར་པའི་ཚེ་ཟུར་དཔལ་ནོར་བུས་ཚེས་བཅུ་ཁག་སོགས་སུ་འཛུགས་རྒྱུར་བསྐུལ་བ་ལྟར་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི…

དབང་དཀོན་ཅོག་གིས་བགྱིས་པ་ཨཱཡུ༔སིདྡྷི་པྲ་ཡཙྪ། །ཟག་བྲལ་མི་ཟད་འཆི་མེད་ཨ་མྲི་ཏ། །ལྷ་སྔགས་ཡེ་ཤེས་རོལ་པའི་འོད་སྣང་ལས། །ལྷུན་གྲུབ་ཨ་ཧཾ་ཀ་བ་སྲ་བརྟན་སྲོག །ཉེར་འཇུག་རིགས་བདག་པདྨ་ཚེ་དབང་རྩལ། །ཐུགས་རྗེས་བྱིན་རློབས་དབྱངས་ཅན་བཞད་པའི་སྡེར། །རྟེན་ཅིང་འབྲེལ་འབྱུང་ཆོས་ཟབ་རབ་བསྒྲིགས་པས། །ཕྱོགས་ལས་རྣམ་པར་རྒྱལ་བའི་ཕན་བད…

དགོངས་དོན་མཐའ་ཀླས་པ། །ཡོངས་ཚང་ཡི་དམ་སྒྲུབ་སྡེ་བཀའ་བརྒྱད་ལྷའི། །མཆོག་ཐུན་དངོས་གྲུབ་མངའ་བརྙེས་རྗེ་དང་འབངས། །ཉེར་ལྔའི་འཕྲུལ་གྱིས་སྐྱེ་རྒུ་ཕན་བདེར་བཀོད། །ཚེ་དབང་རིགས་འཛིན་སྔགས་སྲུང་རལ་གཅིག་མ། །གཟའ་མཆོག་ཆེན་པོ་དམ་ཅན་རྡོར་ལེགས་ཀྱིས། །རྒྱུ་སྦྱོར་ཉིན་མཚན་སྲུང་སྐྱོབ་མ་གཡེལ་བར། །འདོད་དོན་ལྷུན་གྱིས་གྲུབ་པའི་འཕ…

ནས་རྩ་བའི་བླ་མའི་བར། །མ་ཆད་བརྒྱུད་འཕྲེང་བཅོམ་ལྡན་རིགས་གསུམ་མགོན། །ལྷ་ཆེན་ལྕམ་དྲལ་དང་བཅས་རབ་བསྐོར་བས། །ས་འོག་ས་སྟེང་ས་བླའི་འགྲོ་ཀུན་སྙིང༌། །ཉེར་སྒུལ་ཡིད་ལ་བསམ་དགུའི་འདོད་ཡོན་ནོར། །གཏེར་སྒོ་ཕྱེ་སྟེ་རྒྱལ་ཁབ་ཡོལ་གོའི་ནང༌། །ཕྱུར་བུར་སྤུངས་ཤིག་དབུལ་བྲལ་ལོངས་སྤྱོད་ཚོགས། །དབྱར་མཚོ་ཇི་བཞིན་རྒྱས་པར་མཛད་དུ་གསོ…

རྡོར་གསུམ་གྱིས་བསྐོར་བ། །ཚེ་དཔག་མེད་སྐུ་གསུམ་རིགས་འདུས་ལ་ལྷ་མོ་ཙནྜལཱི་བརྒྱུད་པའི་བླ་མ་དང་ལུས་དཀྱིལ་གྱི་ལྷ་གཉིས། བདུད་བཙན་ཀླུ་གསུམ་གྱིས་བསྐོར་བ། ཉི་མ་མདུང་གང་མའི་ཕྱག་རྡོར། བླ་བརྒྱུད། རིགས་གསུམ་མགོན་པོ། གཏེར་གསར་ལྷ་ཆེན་གྱིས་བསྐོར་བ། དཔལ་ལྡན་དམག་ཟོར་མ་ཞི་དྲག་གཙོ་འཁོར་ལ་བླ་བརྒྱུད། གཉེན་ཆེན་པོ། རྡོ་རྗེ་ག…

བརྒྱའི་རོ་དང་ལྷན་ཅིག་མི་གནས་ཤིང༌། །ཕུན་ཚོགས་དཔལ་འབྱོར་ལྷུན་གྲུབ་གཏན་མདུན་བདེའི། །ཡིད་བཞིན་ནོར་གྱིས་ཅི་འདོད་རེ་སྐོང་ཤོག །རྩ་བརྒྱུད་བླ་མ་ཡི་དམ་ཞི་ཁྲོའི་ལྷ། །དཔའ་བོ་མཁའ་འགྲོ་དམ་ཅན་སྲུང་མ་ཡིས། །ལེགས་བྱས་འཕྲིན་ལས་སྒོ་འཕར་ཡོངས་ཕྱེ་སྟེ། །ཐོག་མཐའ་བར་དགེའི་ཕུན་ཚོགས་བཀྲ་ཤིས་སྩོལ། །ཞེས་པ་འདིའང་མཆོད་དཔོན་ངག་དབང…

ཉེར་ཐོབ་ཐེག་ཆེན་དམ་ཆོས་སྟོན་པར་ཤོག །བསྐལ་མང་ཚིགས་ཀྱིས་རླབས་ཆེན་སྤྱད་པ་དང༌། །ས་ལམ་ཚོགས་བསྒྲུབ་བལྟོས་པས་མ་ངོམས་པར། །གསང་སྔགས་སྨིན་ཅིང་གྲོལ་བས་རྒྱུད་སྦྱངས་ནས། །ཁ་སྦྱོར་བདུན་ལྡན་མྱུར་དུ་འགྲུབ་བྱིན་རློབས། །བེ་རི་རབ་འབྱམས་པ་ངག་དབང་ལེགས་པས་འདི་ལྟ་བུ་ཞིག་དགོས་ཞེས་ནན་གྱིས་བསྐུལ་བར་ལྟར་ཟ་ཧོར་གྱི་བནྡེས་སྦྱར་བའ…

པ་འདིའང་མཁར་སྔོན་བློ་བཟང་དཔལ་འབྱོར་དགེ་སློང་གིས་བསྐུལ་བའི་ངོར་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་དགེ་སློང་འཇམ་དབྱངས་གྲགས་པའོ། །འགྲོ་ཁམས་དང་འཚམ་རིས་མེད་རྗེས་འཛིན་པར། །འཆར་ནུབ་སྤངས་པའི་དམ་བཅའ་བརྟན་པོའི་ཁུར། །ཡོངས་བཏེགས་སངས་རྒྱས་དེ་གསུང་དགེ་འདུན་བཅས། །དཀོན་ཅོག་ཐུགས་རྗེའི་མཐུ་དཔུང་ཆེས་ཆེར་སྐྱེད། །ལུས་ང…

བའི་ཡི་གེ་པ་ནི་འཆམས་དཔོན་དགེ་སློང་ངག་དབང་དཀོན་ཅོག་གིས་བགྱིས་པ་སིདྡྷི་རསྟུ། །ཚོགས་གཉིས་བསིར་བུའི་ཤུགས་འཆང་རྟ་བདུན་གྱིས། །རབ་དྲངས་ཟས་གཙང་སྲས་པོ་ཚ་ཟེར་ཅན། །བྱིན་རླབས་འོད་སྟོང་སྐྱེ་རྒུའི་སྙིང་གི་དབུས། །མྱུར་དུ་བཀྱེ་ཞིག་མ་འདྲིས་མཛའ་བའི་བཤེས། །དཔལ་གྱི་མགུར་ནས་བདེན་གཉིས་དམ་པའི་ཆོས། །ནམ་མཁའི་མཐའ་ལྟར་ཚད་བཟུང…

ལུས་གཅིག་ཏུ་བསྡུས་པའི་དགེ་བའི་མཐུས། །ངག་གི་དབང་ཕྱུག་བློ་བཟང་རྒྱ་མཚོའི་སྡེ། །བསྐལ་བརྒྱར་ཞབས་པད་རབ་བརྟན་རྒྱུ་སྦྱོར་བ། །དེང་ནས་རྣམ་མཁྱེན་ཡེ་ཤེས་འཐོབ་མིན་བར། །བརྩེ་བས་རྗེས་བཟུང་ནམ་ཡང་འབྲལ་མེད་ཤོག །ཐུབ་པའི་བསྟན་དར་ཞྭ་སེར་འཛིན་པའི་སྡེའི། །རིང་ལུགས་གོང་འཕེལ་མངའ་འབངས་གཏོགས་ཀུན་གྱི། །མི་མཐུན་དུས་ཀྱི་སྐལ་ངན་ཉ…

ཁ་ཏོན་བགྱིས་པས་མཚོན་རྣམ་དཀར་དགེ་ཚོགས་བསམ་གྱིས་མི་ཁྱབ་པ་བསྐྲུན་པར་བརྟེན། སྤྱིར་སངས་རྒྱས་ཀྱི་བསྟན་པ་ཡུན་རིང་དུ་གནས་པ་དང༌། དེ་འཛིན་གྱི་སྐྱེས་བུ་ཞབས་པད་བརྟན་ཅིང་སེམས་ཅན་ལ་བདེ་སྐྱིད་འབྱུང་བ། སྒོས་སུ་ངེད་རང་དང་མཆོད་ཡོན་གྱི་རིང་འཚོ། རྟ་དཔོན་རྣམས་འཇོམས། ཨ་ཆོག །དཔལ་མོ། ཆོག་སྐྱིད་རྣམས་ཀྱི་འདི་ཕྱིའི་ལེགས་ཚོགས་…

སླུ་མེད་སྐྱབས་གནས་དཀོན་ཅོག་རྣམ་གསུམ་དང༌། །ཁྱད་པར་བླ་མ་ཡི་དམ་མཁའ་འགྲོར་བཅས། །ལྷག་བསམ་དག་པའི་རེ་འབྲས་དེང་སྨིན་སྩོལ། །ངག་དབང་དབྱངས་ཅན་བློ་གྲོས་ཟབ་གཏེར་གྱིས། །སྐལ་བཟང་ཡོངས་ལ་རྒྱ་ཆེའི་གསུང་རབ་དོན། །དྭངས་མཆོར་ཟླ་གཟུགས་ཇི་བཞིན་མངོན་སུམ་དུ། །སྟོན་མཛད་རིགས་ཀུན་བདག་པོར་གསོལ་བ་འདེབས། །ཕྱི་ནང་རིག་གནས་འཆད་ལ་འཇིག…