ཐུགས་རྗེ་ཆེན་པོ་རྒྱལ་བ་རྒྱ་མཚོའི་རྫོགས་རིམ་སྐོར་ལས་གཏུམ་མོའི་ཁྲིད་བདེ་ཆེན་རབ་འབར་ཞེས་བྱ་བ་བཞུགས་སོ།།

འཕགས་པ་འཇིག་རྟེན་དབང་ཕྱུག་སྤྱན་རས་གཟིགས་རྒྱལ་བ་རྒྱ་མཚོའི་ལྷ་ཚོགས་ལ་ཕྱག་འཚལ་ཞིང་སྐྱབས་སུ་མཆིའོ། །དགོངས་པ་གྲོལ་ཞིང་བྱིན་གྱིས་བརླབ་ཏུ་གསོལ། དེ་ཡང་སྤྱིར་མདོ་སྔགས་ཐམས་ཅད་ནས་སྤྱན་རས་གཟིགས་ལས་སྔགས་རྒྱ་ཆེ་ཞིང་། སངས་རྒྱས་ཐམས་ཅད་སྤྱན་རས་གཟིགས་ཀྱི་སྤྲུལ་པར་གསུངས་པས། རྒྱལ་བ་སྲས་བཅས་ཐམས་ཅད་འདུས་པར་གསུངས་པས་རྒྱལ་…

དབང་ཆེན་གྱི་རྒྱུད། མཁའ་འགྲོ་རྒྱ་མཚོའི་རྒྱུད་ལ་བརྟེན་ནས་ཨོ་རྒྱན་ཆེན་པོས་མཚོ་རྒྱལ་ལ་གནང་བ། མངའ་བདག་ཉང་གི་གཏེར་མ་དང་། བལ་པོ་ཤྲཱི་ལ་མཉྫས་རྒྱལ་པོ་སྲོང་བཙན་ལ་གནང་ནས་གཏེར་དུ་སྦས་པ། གྲུབ་ཐོབ་དངོས་གྲུབ་ཀྱི་གཏེར་མ་དང་། པདྨ་ཟབ་པའི་རྒྱུད་ལ་བརྟེན་ནས་བྱང་ཆུབ་སེམས་དཔའ་རྡོ་རྗེ་སྙིང་པོས་མཛད་པའི་ལྷ་ལྔའི་རྒྱ་གཞུང་ཆ་ལག…

འདུས་སོ། །དེ་ཡང་ཆོས་རྒྱལ་རིན་ཆེན་གླིང་པའི་གཏེར་ཤོག་ལས། མ་འོངས་ལྔ་བརྒྱའི་ཐ་མ་ལ། །མ་འོངས་གདུལ་བྱ་འདུལ་བ་ཡི། །ཐུགས་རྗེ་ཆེན་པོ་སྤྱན་རས་གཟིགས། །རྒྱལ་བ་རྒྱ་མཚོའི་ཕྲིན་ལས་ཀྱིས། །རྒྱ་བོད་ཧོར་གསུམ་འདུ་བ་ཡི། །དུས་གསུམ་མཁྱེན་པ་མཚུར་ཕུ་ཞེས། །གྲགས་པ་ཀརྨའི་མིང་ཅན་འབྱུང་། །ཞེས་སོགས་དང་། པདྨ་ང་དང་གཉིས་སུ་མེད། །མཁའ་…

བ་རྒྱ་མཚོའི་ལྷ་ལྔ་འདི། ཐབས་ཤེས་གཉིས་སུ་མེད་པ་པདྨ་ཟབ་པའི་རྒྱུད་ལ་བརྟེན་ནས་མཛད་ཅེས་སངས་རྒྱས་གླིང་པའི་གཏེར་ཁ་ནས་གསུངས་པས། རྒྱུད་སྡེ་ཐམས་ཅད་ཀྱི་མཐོ་ཤོས་རྒྱལ་མཚན་གྱི་ཏོག་ལྟ་བུ་ལགས་སོ། །དེའི་དབང་ལུང་བརྒྱུད་པ་གཏོར་བསྔོས་ལྟར། གཞན་ཡང་མང་དུ་སྣང་མོད་ཀྱི། བྱིན་རླབས་དོན་གྱི་བརྒྱུད་པ་གྲུབ་ཆེན་ཀརྨ་པས་ནས་ཀ་ཊོ་རའི་ག…

པོའི་བཀའ་དྲིན་ལས་ཡིད་ཆེས་པར་ཐོབ། གཞན་རི་ཁྲོད་པ་ཀརྨ་རྣམ་རོལ། རིག་འཛིན་སྦས་པའི་རྣལ་འབྱོར་པ་ཀརྨ་དོན་ཡོད། སྡེ་སྣོད་འཛིན་པ་ཀརྨ་རྣམ་དག །ཞབས་དྲུང་རིན་པོ་ཆེ་ངག་དབང་བཀྲ་ཤིས་དཔལ་གྲུབ། ལྷོ་རིན་པོ་ཆེ། སྤྲུལ་སྐུ་མི་འགྱུར་རྡོ་རྗེ་སོགས་ལས་སྦྲང་མས་སྦྲང་རྩི་ལེན་པ་ལྟར། འདི་སྐོར་ཐོར་བུ་སོ་སོར་ཐོབ་ཅིང་། དྲུང་སྒམ་པོའི་ད…

ཀྱང་། འདི་སངས་རྒྱས་ཐམས་ཅད་ཀྱི་སྤྱི་དབང་ཐེག་དགུ་རབ་འབྱམས་སྤྱི་དབང་ཐོབ་པ་ཡིན་པས་དེས་ཆོག །འདི་ལ་གྲུབ་པ་མ་ཐོབ་ཅིང་། སྐུ་བཞི་ངོ་སྤྲོད་ཀྱི་རླུང་སེམས་ལ་རྩ་ལ་མ་རྫོགས་པ་དང་། གྲུབ་རྟགས་སྣ་ཚོགས་འཛམ་གླིང་ཁྱབ་པར་འགྲན་ཟླ་མེད་པར་སྟོན་མི་ནུས་པས། ལོ་བརྒྱ་སྟོང་དུ་ཆོས་དང་དབང་བསྐུར་ཉན་བཤད་བྱས་ཀྱང་བུ་རྩེའི་རྩེད་མོ་དང་འད…

ཟས་དང་འཕྲད་པ་ལྟར་ཉམས་སུ་ལོངས་ཤིག །འདི་ལ་བསྐྱེད་རྫོགས་རྒྱ་ཆེ་གྲངས་མང་ཡང་། ད་ལམ་རྫོགས་རིམ་གྱི་རྩ་བ་གཏུམ་མོ་ལམ་གྱི་གཞུང་ཤིང་ཞེས་བྱ་བ་དེ་ཁོ་ན་བསྟན་པ་ཡིན། དེ་ཡང་དལ་འབྱོར་མི་ལུས་རིན་པོ་ཆེ་ཐོབ་དཀའ་ཡུན་རིང་མི་གནས་འཆི་ངེས། ཤི་ནས་ལས་འབྲས་དབང་ཆེ་བས། རིགས་དྲུག་གང་དུ་སྐྱེས་ཀྱང་སྡུག་བསྔལ་གྱི་རང་བཞིན་ཡིན་་འཁོར་བའི…

བསྒོམས་ཏེ། སྔོན་དུ་ཕྱག་ཆེན་སོགས་ཁྲིད་གཞན་ཐོབ་པས་འཐུས་ཤིང་། དེ་ཐམས་ཅད་ཆོས་ཐུན་གཅིག་ཏུ་བསྡུས་པས་ཆོག་གོ། ༈ དེ་ཡང་གདམས་ངག་ཟབ་མོ་བསྒོམ་པ་ལ། དཔེར་ན། ཚོས་བྱེད་ཁ་ལྭ་བ་དེ་ལེགས་པར་བཀྲུས་ནས་དྲི་མ་མེད་པར་བྱས་ན། ཚོས་གང་ཡིན་ཟ་ལ། དྲི་མ་ཅན་གྱིས་ཚོས་མི་ལེན་པ་དང་འདྲ་བས་སྒྲིབ་སྦྱོང་གལ་ཆེ་ཞིང་རྗེ་སྟག་ལུང་ཐང་པ་ཆེན་པོའི་…

གཅིག་གི་ངང་ནས། རང་གི་སྤྱི་བོའི་སྟེང་དུ་པད་ཟླའི་གདན་ལ་བླ་མ་རྡོ་རྗེ་སེམས་དཔའ་བཞུགས་པའི་ཞབས་ཀྱི་མཐེ་བོང་ལས་ཡེ་ཤེས་ཀྱི་བདུད་རྩི་བབས། བདག་གི་ཚངས་བུག་ནས་བྷཞུགས་པས་སྒོ་གསུམ་སྡིག་སྒྲིབ་དག་པར་བསྒོམ་ཞིང་ཡི་གེ་བརྒྱ་པ་བརྗོད་པར་བྱའོ། །ཞེས་གསུངས་པ་ལྟར་དམིགས་པ་འདི་གཅིག་པུ་ལ་ཞག་བདུན་ནམ། ལྔ་སོགས་ཅི་རིགས་བྱའམ་རྟགས་ཐོ…

རྒྱུད་ལས། ཨོཾ་བཛྲ་སཏྭ་ཧཱུྃ། ཞེས་པ་འདི་འབུམ་ཕྲག་གསུམ་གྱིས་དམ་ཚིག་ཆག་ཉམས་སྡིག་སྒྲིབ་དག་ནས་དེར་སྐྱེ་བར་གསུངས་ཏེ། རྩོད་ལྡན་དུས་སུ་བཞི་འགྱུར་དགོས་ཏེ། འབུམ་ཕྲག་བཅུ་གཉིས་བཟླས་ན་ཆག་ཉམས་སྡིག་སྒྲིབ་ངེས་པར་དག་པ་ཡིན་པས་གྲངས་ཀྱི་བསྙེན་པའམ་ཡང་ན་རྟགས་ཐོན་པར་མཛོད། དེ་ནི་ཆོས་ཐུན་གཅིག་གོ། ༈ དེ་ནས་སྐབས་འདིར་དབང་མ་བསྐུ…

ངག་ཞུ་ཙ་ན། །ཚོགས་ཀྱི་འཁོར་ལོ་དགོས་པ་ཡིན། །ཞེས་གསུངས་སོ། །རས་ཆུང་པས། མཁའ་འགྲོ་རྒྱ་མཚོའི་སྲོག་སྙིང་ཡོད། །ཅེས་གསུངས་པ་ནི་འདི་ཡིན་པར་བཤད། བཀའ་རྒྱས་བཏབ་ཅིང་གཉན་པའི་ཕྱིར་བརྒྱུད་པ་འཛིན་པ་རེ་མ་གཏོགས་པ་གཞན་ལ་མི་སྟོན་པ་ལེགས་པར་གདའ། བཀའ་བརྒྱུད་རྣམས་ལ་ཕྱི་ནང་གསང་གསུམ་དེ་ཁོ་ན་ཉིད་ཀྱི་ཡི་དམ་རྣམས་ལས་འདི་གསང་བའི་ཡི…

བདེ་དང་ཡངས་དང་ལྷོད་དང་གསུམ། །ཞེས་དང་། རྗེ་དཀོན་མཆོག་འབངས་ཀྱིས། ལུས་ཀྱི་འདུ་འཛི་མ་ལུས་རིང་དོར་ནས། །རྐང་པ་སྐྱིལ་ཀྲུང་སྒལ་ཚིགས་མདའ་ལྟར་བསྲངས། །ལག་པ་ས་ནོན་འགུལ་སྤྱོད་རྣམ་པར་སྤངས། །ལུས་ཀྱི་བཅའ་ཐབས་ཚུལ་བཞིན་འབྱོངས་བར་ཤོག །ཅེས་གསུངས་པ་དང་། དྲུང་ཆེན་ཀུན་དགའ་རྣམ་རྒྱལ་བས། དེ་བས་བཅའ་བ་ལུས་ཀྱི་གནད། །ཅེས་དང་། ལུ…

རྒྱུན་དུའང་འདི་ལ་གོམས་ན་སྒོམ་རང་བབས་སུ་འོང་སྟེ། རྟེན་འབྲེལ་ལུས་ལ་བསྒྲིགས་ན་རྟོགས་པ་སེམས་ལ་འཆར་བའི་གནད་དོ། །དེ་ལྟར་ལུས་དྲང་པས་རྩ་དྲང་། རྩེ་དྲང་པས་རླུང་དྲང་། རྩ་རླུང་སྒོམ་པའི་སྣོད་དུ་འགྱུར། དམིགས་པ་གང་སྒོམ་གསལ་ཆ་ཐོན། འཁྲུལ་འཁོར་དུས་མ་གཏོགས་རྒྱུན་དུ་ལུས་གནད་ཁོ་ནའོ། །དེས་ཆོས་ཐུན་གཅིག་གོ། །༈ བླ་མ་ལ་གསོལ་…

ཐམས་ཅད་ཡེ་ནས་ལྷ་ཡི་དཀྱིལ་འཁོར་དམ་ཚིག་པ་རང་གི་སེམས་ཉིད་ཡེ་ནས་ཆོས་ཀྱི་སྐུ་ཡེ་ཤེས་སེམས་དཔའ་ཡིན་པ་བླ་མེད་ཀྱི་རྒྱུད་སྡེ་ཐམས་ཅད་ནས་རྒྱ་ཆེར་གསུངས་སོ། །དེ་ཡང་ཕྱི་མདོ་ལུགས་ནས་སེམས་སངས་རྒྱས་སུ་གསུངས་ཤིང་། བརྩོན་འགྲུས་དྲག་པོས་འབད་ཀྱང་བསྐལ་པ་གྲངས་མེད་གསུམ་དུ་འགོར་ལ། སྔགས་བླ་མེད་ནས་ཚེ་གཅིག་གིས་སངས་རྒྱས་ཐོབ་པར་གས…

དེ་ལ་ཡུན་རིང་གོམས་ན་ཉམས་སྣང་སྣ་ཚོགས་སུ་འཆར་བ་དང་། སྡིག་སྒྲིབ་དག་རྟོགས་ཀྱང་འབྱུང་ངོ་། །འདི་དག་སྔ་མ་ལ་མ་གོམས་ན་ཧབ་ཐུབ་བྱས་རུང་། ལུས་ཐོབ་ཀྱང་དེ་ལས་རྟོགས་པ་མི་སྐྱེ་བས་ཕུར་ཚུགས་སུ་སྒོམས་ཤིག །ཆོས་ཐུན་གཅིག་གོ། །དེ་ནས་དཔག་བསམ་གྱི་ཤིང་འཛུགས་པ་ཞེས་ནང་རྩའི་སྟོང་ར་ནི། རང་ལུས་ཐུགས་རྗེ་ཆེན་པོ་རང་ལུས་ཚད་ཙམ་བསྒོམས་…

གའི་རྩ་འདབ་བརྒྱད་སྔོན་པོ་ཅུང་ཟད་ཁ་ཐུར་དུ་བསྟན་པ། ལྟེ་བའི་རྩ་འདབ་དྲུག་ཅུ་རྩ་གཉིས་སེར་པོ་ཅུང་ཟད་ཁ་གྱེན་དུ་བསྟན་པ། གསང་གནས་རྩ་འདབ་སུམ་ཅུ་རྩ་གཉིས་ལྗང་གུ་ཁ་ཐད་ལྟ་བ་ཐམས་ཅད་སྟོང་པ་གསལ་བ་བསྒོམ། ལུས་གནད་སྔར་ལྟར་ཡུན་རིང་དུ་བསྒོམ། རླུང་རང་བབ་ཏུ་བཞག །རྩ་ཐམས་ཅད་དབུ་མ་ལས་གྱེས་པ། རོ་རྐྱང་དང་མ་འདྲེས་ཤིང་མ་ཐུག་པ་སྟེ…

དབང་དུ་འདུ། ཡེ་ཤེས་ཀྱི་ཌཱཀི་ལུས་དང་གྲིབ་མ་ལྟར་འཁོར་ཏེ། རྩ་ནི་ནང་གི་མཁའ་འགྲོ་མ་ཡིན་པས་དེ་དབང་དུ་འདུས་ན་ཕྱིའི་ཊཱཀི་ཐམས་ཅད་རང་དབང་མེད་པར་དབང་དུ་འགྱུར་རོ། །འབྲས་བུ་སངས་རྒྱས་ཐམས་ཅད་ཀྱི་སྐུ་འགྲུབ་བོ། །དེས་ཆོས་ཐུན་གཅིག་གོ། ༈ རྒྱུད་ཀྱི་རྒྱལ་པོ་མ་ཧཱ་མཱ་ཡཱ་ལས། སྲོག་དང་རྩོལ་བ་འབད་ནས་སུ། །རྣལ་འབྱོར་པ་ཡི་རླུང་རྔ…

གསལ་སྟོང་འཛིན་མེད་འོད་གསལ་བའི་ངང་དུ་མཉམ་པར་བཞག །རླུང་བཏང་བའི་དུས་སུ་སྣ་བུག་གཉིས་ནས་དལ་གྱིས་བཏང་ཞིང་སྡིག་པ་དག་པར་སྒོམ་པ་ནི། དཔེར་ན་སྣོད་ཀྱི་གཡའ་ངན་པ་འཁྲུད་པ་དང་འདྲ་བས། གོང་དུ་བརྗོད་པ་བཞིན་དུ་གཟུང་འཛིན་ལ་སོགས་པ་ཐམས་ཅད་སངས་ཀྱིས་དག་པར་བསམ་པ་ནི། སྲོག་རྩོལ་རླུང་གི་གནད་ཡིན་ནོ། །ཞེས་དང་། དེའི་རྩ་ཚིག་རྗེ་དཀོ…