འཕྲུལ་འདི་བསྒོམས་ན། །བླ་ན་མེད་པའི་གོ་འཕང་ཐོབ། །རིམ་ལྔ་ལས། ལུས་དང་ལོངས་སྤྱོད་གནད་དག་དང་། །ས་དང་ཕ་རོལ་ཕྱིན་ལ་སོགས། །སངས་རྒྱས་སྒྱུ་འཕྲུལ་ཆོ་འཕྲུལ་སོགས། །ཐམས་ཅད་སྒྱུ་མའི་རྣམ་འཕྲུལ་ལོ། །སྒྱུ་མ་ལྟ་བུའི་ཏིང་འཛིན་གནས། །ཡང་དག་མཐའ་ནི་རྣམ་པར་སྦྱངས། །ཞེས་དང་། སྒྱུ་མ་ལམ་རིམ་ལས། ཆོས་རྣམས་སྒྱུ་མ་ལྟ་བུ་ལ། །དད་བརྩོན…

པས་ལེགས་བརྒྱན་ཏེ། །ལེགས་པར་སྦྱར་བ་འདི་ལ་ཉེས་མཆིས་ན། །རྒྱལ་བ་རྒྱ་མཚོ་ལྷ་དང་ཌཱཀིར་བཤགས། །དགེ་བས་འགྲོ་ཀུན་ཏིང་འཛིན་མཆོག་ཐོབ་ནས། །མྱུར་དུ་འཇའ་ལུས་རྡོ་རྗེའི་སྐུ་འགྲུབ་ཤོག །དེ་སྐད་སྨྲས་གང་ཐུགས་རྗེ་ཆེན་པོ་ཡི། །རྣལ་འབྱོར་ཚེ་གཅིག་བརྩོན་ལྡན་དགེ་སློང་ནི། །རཱ་ག་ཨ་སྱ་ཞེས་བྱས་སྦྱར་བའོ། །བཀྲ་ཤིས་དཔལ་འབར་ཆོས་འདི་དར…

རྒྱལ་བ་རྒྱ་མཚོའི་ནུབ་མོ་ཉལ་བའི་རྣལ་འབྱོར་བཞུགས་སོ།།

ན་མོ་ལོ་ཀེ་ཤྭ་ར་ཡེ། རྒྱལ་བ་རྒྱ་མཚོ་ལ་བཏུད་ནས། །དེ་ཉིད་སྒྲུབ་པའི་རྣལ་འབྱོར་པ། །ཉལ་བའི་རྣལ་འབྱོར་བཤད་པར་བྱ། །ཆོས་བདག་ཌཀིའི་བཀའ་གནོང་བྱིན་གྱིས་རློབས། །དེ་ཡང་། རྒྱུད་ལས། ཤེས་རབ་ཕུན་སུམ་ཚོགས་པ་ལ། །ཆོས་ཀྱི་རྣམ་གྲངས་ཆེན་པོ་བསྟན། །ཞེས་དང་། ལོངས་སྤྱོད་ཀྱི་འཁོར་ལོ་དང་། ཆོས་ཀྱི་འཁོར་ལོ་སྟེ། ཡིག་འབྲུ་བཞི་དང་། ཟ…

ནུ་ཏ ར བཞི་ཟིན་ལ། །ཟིན་པ་གཉིད་འོད་གསལ་ཟིན་པ། རྨི་ལམ་ཟིན་པ། རྨི་ལམ་སྤྲུལ་བསྒྱུར་ཟིན་པ། རྨི་ལམ་འོད་གསལ་ཟིན་པ་དང་བཞིའོ། །འབུམ་ལྔ་ལས། མགྲིན་པ་ལོངས་སྤྱོད་འཁོར་ལོ་ལ། །མགོན་པོ་འོད་དཔག་མེད་པ་བཤད། །དེ་ཉིད་གསུང་གི་རྡོ་རྗེར་བཤད། །དེ་བཞིན་གཤེགས་པ་པདྨའི་ཕྱག །དེ་ཉིད་མཆོག་ཏུ་དགའ་བར་བཤད། །སྐྱེས་བུ་བྱེད་པར་ཡང་བརྗོད་…

ཉིད་བྱང་ཆུབ་ཆེན་པོར་བརྗོད། །ཅེས་དང་། །བརྟག་གཉིས་ལས། ཡེ་ཤེས་ཆེན་པོ་རོས་གང་བ། །གཉིད་ནི་སྤངས་བར་མི་བྱ་སྟེ། །དབང་པོ་རྣམས་ཀྱང་མི་དགག་གོ །གསང་འདུས་ལས། ཆོས་རྣམས་རྨི་ལམ་ལྟ་བུ་སྟེ། །རང་བཞིན་དག་པ་དེ་ཉིད་ལ། །འཁྲུལ་པའི་རྡོ་རྗེ་རབ་ཏུ་གསུངས། །དེ་ལ་ཉལ་དུས་མགོ་བྱང་། རྐང་པ་ལྷོ། རྒྱབ་ཤར། ཁ་ནུབ་ཏུ་བསྟན། མགྲིན་པར་པདྨ་ད…

གདན་དུ་བསམས་པས་ཉི་ཟླའི་སྟེང་དུ་འདུག་ནུས་པ་དང་། ཆུའི་ཆོ་འཕྲུལ་ཆེ་ན་གཏུམ་མོ་སྦྱར་ལ་བྱང་སེམས་བསྲེག །མེ་ལ་བྱང་སེམས་ཀྱིས་བཀང་། རླུང་ལ་རྩ་གནས་ཐམས་ཅད་གསེར་གྱི་རྡོ་རྗེ་རྒྱ་གྲམ་གྱི་བར་མེད་དུ་དཀྲིག །གཡང་ས་ལ་བསྐལ་པའི་རླུང་གིས་ཕྱི་རོལ་གྱི་རི་རབ་ཁང་ཁྱིམ་ནམ་མཁར་གཏོར་བར་བསམ་པ་དང་། གཅན་གཟན་སེང་གེའི་གདོན་ལ་ཁྲོ་བོ་སོ…

པའོ། །དེ་ལ་སེང་གེའི་ཉལ་སྟབས་ཀྱིས་ཉལ་བ་སོགས་གོང་ལྟར་ལ། སྙིང་པདྨ་འདབ་བཞིའི་དབུས་སུ་ཧཱུྃ་སྔོན་པོ་འདབ་མ་བཞི་ལས་ཨ་ནུ་ཏ་ར་བསམ། ཧཱུྃ་གི་འོད་ཀྱི་བརྟན་གཡོ་བསྡུ། རིམ་པར་ཞུ་བ་ལས། དེ་ཡང་ཐིག་ལེ་སྲན་མ་ཙམ་དུ་སེམས་བཟུང་ནས་གཉིད་པས། ས་ཆུ་ལ་ཐིམ་པས་ལུས་ལྗིད་ཁ་ཆུ་འབྱུང་། ཆུ་མེ་ལ་ཐིམ་པས་ཐོད་པ་ཚ་འུབས་སེ་བ་མིག་ཆུ་ཆེར་འགྲོ།…

ཁེངས་འོད་ཟེར་བ་སྤུའི་བུ་ག་ནས་ཕྱིར་འཕྲོས་ཡུལ་ཁམས་ཐམས་ཅད་གསལ་བར་བྱས་པ་དང་། རང་ཉིད་རྒྱལ་བ་རྒྱ་མཚོ་སྟོང་རའི་དབུས་སུ་དྷ་ཏི་སྔོ་སངས་མདའ་སྨྱུག་ཙམ་ལ་ཤེས་པ་གཏད་པ་དང་། སྙིང་གར་མི་བསྐྱོད་པ་སྤྱན་རས་གཟིགས་སམ། དེའི་སྤྱི་བོར་མི་བསྐྱོད་པའི་ཐུགས་ཀར་ཧཱུྃ་སྔོན་པོ་སྤུས་བྲིས་པ་ཙམ་ལ་སེམས་བཟུང་བས་ཟིན་ནོ། འཇམ་དཔལ་ཞལ་ལུང་ལས…

ཆེར་འབར་བས། །ལ་བ་པ་ལྟར་ཚེ་གཅིག་སངས་རྒྱས་ཤོག །དེ་སྐད་ཐུགས་རྗེ་ཆེན་པོའི་རྣལ་འབྱོར་པས། །རྩེ་གཅིག་སྒྲུབ་པའི་ཁོངས་སུ་སྦྱར་བའོ།། སོ།། །།མངྒ་ལཾ། །བཀྲ་ཤིས།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།

རྒྱལ་བ་རྒྱ་མཚོའི་འཆི་བ་ལམ་ཁྱེར་བཞུགས་སོ། །

ན་མོ་ལོ་ཀེ་ཤྭ་ར་ཡ། འཇིག་རྟེན་དབང་ཕྱུག་ལ་བཏུད་ནས། །དེ་ཡི་མན་ངག་ཁྱད་པར་ཅན། །འཆི་བ་ལམ་ཁྱེར་བརྗོད་པ་ལ། །ཌཀི་སྲུང་མས་བཀའ་གནང་སྩོལ། །དེའང་རྒྱུད་ལས། གསང་སྔགས་ཀུན་གྱི་ཡང་སྙིང་འདི། །དཀའ་བ་ཆེན་མཛད་ནན་ཏན་དུ། །བརྗོད་པར་དཀའ་བ་ཅན་གྱི་རིགས། །སྒྲིབ་པ་ཐམས་ཅད་ཟད་ནས་ཀྱང་། །བདེ་བའི་གནས་སུ་ཁྲིད་པ་ཡི། །དོན་འདི་ཟབ་དང་རྒྱ་…

འདྲེས། །ཞེས་དང་། བདེ་བའི་གནས་ན་བདེ་བའི་ལམ། །བདེ་བའི་འབྲས་བུ་བླ་ན་མེད། །ཅེས་པས་འཕོ་བ་དང་བར་དོ་བསྟན་ཏེ། འཕོ་བ་ཐེབས་ན་སྡིག་པོ་ཆེ་ཡིན་ཡང་ལས་ཉོན་གྱི་སྡིག་སྒྲིབ་འགགས་ནས། ངན་སོང་གི་སྡུག་བསྔལ་མྱོང་རྒྱུ་ཡང་བདེ་བ་ཆེན་པོའི་ཞིང་དུ་འདྲེན་པ་དང་། འོད་གསལ་དང་སྒྱུ་ལུས་ཀྱི་ནུས་པས་ལས་སྒྲིབ་ཐམས་ཅད་དེར་ཟད་ནས་བདེ་བ་ཅན་གྱ…

བ་ཅན་དུ་འབྲས་བུ་བླ་མེད་ཀྱི་སངས་རྒྱས་འོད་དཔག་མེད་ཀྱི་ཐུགས་ཀར་འཕོ་བའོ། །དེ་ལ་རབ་འོད་གསལ་ངོས་བཟུང་བ་དང་ཆོས་སྐུའི་འཕོ་བ་དོན་གཅིག་སྟེ། འཇམ་དཔལ་ཞལ་ལུང་ལས་བདག་སེམས་དབྱིངས་སུ་ཞུགས་པའི་ཚེ། །གསལ་ཞིང་རབ་དགའ་མཁའ་འདྲ་རྟོགས། །ཞེས་དང་། བཀའ་ངེས་ལས། ཐིམ་པའི་རྗེས་ལ་གོམས་པ་ཡི། །རང་བཞིན་གྱིས་ནི་འོད་གསལ་འབར། །ཞེས་དང་། ག…

ལ་ཕྲིན་ལས་བཅོལ། མ་ནུས་ན་གསོལ་བ་བཏབ། སྙིང་གར་པདྨ་འདབ་བཞིའི་དབུས་སུ། ཧཱུྃ་དང་ཨ་ནུ་ཏ་རའམ། ཧཱུྃ་ཁོ་ན་བྷཻཾ་ཀྱང་ཆོག་སྟེ། དེ་ལས་འོད་འཕྲོས་རྟེན་གཡོ་སྣོད་བཅུད་ཐམས་ཅད་རང་ལ་བསྡུ། རང་གི་ཡི་གེ་ཧཱུྃ་དེ་གྱེན་དུ་བསྡུས་ནས་ནཱ་ད་སྟོང་ཉིད་ལ་བཞག །དུས་གསུམ་གྱི་རྟོག་པ་སྣང་མཆེད་ཐོབ་པ་སོགས་ཅི་ཤར་ཡང་རིག་པ་སྐད་ཅིག་མའི་ཐོག་ཏུ་…

འཆི་ལྟས་ཚང་ན་སྒལ་ཚིགས་དབྱུག་པ་ལ་བཀན་ལ་ཀ་ཞེས་དྲག་པོས་བླ་མའི་ཐུགས་ཀར་འཕང་ངོ་། །ཡང་རྡོ་ཁབ་ལེན་མགྲོན་བུ་བསྲེག་ཐལ་སྦྱང་རྒོད་སྦྱར་བ་ཚངས་བུག་ལ་བྱུགས་པས་རྟེན་འབྲེལ་རྫས་འཕོའོ། །རྡོ་རྗེ་མཁའ་འགྲོ་མས། ཉིན་རེ་བྲམ་ཟེ་གསོད་པ་དང་། །མཚམས་མེད་ལྔ་ནི་བྱེད་པ་དང་། །རྐུན་འཕྲོག་འདོད་པ་སྤྱོད་པ་དང་། །ལམ་ལམ་དེ་ཡི་དག་གྱུར་ཅིང་…

ལས། ལྟེ་བར་འདོད་ཁམས་བདེ་འགྲོ་སྟེ། །ཐིག་ལེ་ལས་ནི་གཟུགས་ཅན་ལུས། །སྟེང་ནས་ཟླ་མེད་རྣམ་གསུམ་སྟེ། །དེས་ནི་བདེ་འགྲོ་བྱེད་པའོ། །སྣ་ལ་གནོད་སྦྱིན་གནས་སུ་སྐྱེ། །རྣ་བ་ལས་ནི་མིའམ་ཅི། །ལྷ་མོ་གལ་ཏེ་མིག་ལས་ནི། །མི་རྣམས་ཀྱིས་ནི་རྒྱལ་པོར་འགྱུར། །ཁ་ཡི་སྒོ་ནས་ཡི་དྭགས་རྣམས། །གཅི་བས་དེ་བཞིན་དུད་འགྲོའོ། །བཤང་བ་ལས་ནི་དམྱལ་…

ཅན་ནི། །ཐོག་མེད་བསྒྲོད་པ་ཇི་བཞིན་དུ། །འདི་ལྟར་ལས་ཀྱི་ཞགས་པ་ཡིས། །འགྲོ་བ་དྲུག་ཏུ་རབ་ཏུ་སྐྱེ། །ཞེས་དང་། འཇམ་དཔལ་ཞལ་ལུང་ལས། །ཡིད་ནི་རྡོ་རྗེའི་སྐུ་གྱུར་པའི། །བར་དོ་ལས་ནི་གྲོལ་བར་འགྱུར། །ཞེས་གསུངས་པ་དང་། བར་དོ་ངོ་ཤེས་ནས། རང་ཉིད་རྒྱལ་བ་རྒྱ་མཚོའི་སྐུ་སྣང་ལ་རང་བཞིན་མེད་པར་བྷཻཾ་སྟེ། དེ་བསྟེན་ནས། ཕྱག་ཆེན་བསྐྱ…

སྦྱང་བ་དང་། དེ་བཞིན་དུ་དུད་འགྲོ་ལྷ་མིན་ལ་སོགས་གང་འདུལ་སྤྲུལ་ནས་འགྲོ་དོན་རྒྱ་ཆེན་བྱེད་པ་སྟེ། འདི་དག་ད་ལྟ་ནས་བར་དོ་ཡིན་པར་བྷཻཾ་ནས་དམིགས་པ་སྦྱངས་ཏེ་བར་དོར་རྩལ་རྫོགས་པར་བྱའོ། །གལ་ཏེ་མངལ་དུ་སྐྱེ་བར་ཆུད་ན་ཕ་མ་བླ་མ་ཡབ་ཡུམ་མམ་རྒྱལ་བ་རྒྱ་མཚོ་ཡབ་ཡུམ་དུ་བྷཻཾ་པས་ཆགས་སྡང་མི་སྐྱེ་མངལ་སྒོ་ཁེག་གོ །དེ་ནས་བདེ་བ་ཅན་དུ…

སྱས་སྦྱར་བའོ།། །།འདི་བྲིས་ཉེས་འགལ་ཅི་མཆིས་ཡི་དམ་ཌཀིའི་ཚོགས་ལ་བཤགས་ཤིང་། དགེ་བས་འགྲོ་བ་ཐམས་ཅད་འཆི་མེད་རྡོ་རྗེའི་སྐུ་འགྲུབ་པར་གྱུར་ཅིག། །། ༧་ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།། །།