མངའ་སྒྱུར་བའི་རྒྱལ་པོ་ཞིག་མེད་ན། རྒྱལ་བའི་བསྟན་པ་འབྱུང་དཀའ་བར་དགོངས་ནས། མང་པོས་བཀུར་བའི་བརྒྱུད་ལས་བྱུང་བའི་རྒྱལ་པོ་དམག་བརྒྱ་པ་ཞེས་བྱ་བ་ལས་སྲས་འཕགས་པས་བྱིན་རླབས་ཀྱི་བྱེད་པོས་མི་ལས་འདས་པ་ཞིག་བལྟམས་ཏེ། མིག་མས་འགྲིབས་སུ་ཡོད་པ། གཡུའི་སྨིན་མ་ཅན། སོ་དུང་སོ་འཁོར་མར་ཡོད་པ། ལག་པ་འཁོར་ལོའི་ཡན་ལག་ཅན་ལྟ་བུར་ཡོད་…

དིང་ཁྲི་བཙན་པོ། དེ་དང་སོ་ཐམ་ཐམ་གྱི་སྲས་སོ་ཁྲི་བཙན་པོ། དེ་དང་དོག་མེར་མེར་གྱི་སྲས་མེར་ཁྲི་བཙན་པོ། དེ་དང་གདགས་ཀྱི་ལྷ་མོ་དཀར་མོའི་སྲས་གདགས་ཁྲི་བཙན་པོ། དེ་དང་སྲིབ་ཀྱི་ལྷ་མོའི་སྲས་སྲིབ་ཁྲི་བཙན་པོ། འདི་རྣམས་རྨུ་ཐག་ལ་བྱས་ནས་མཁའ་ལ་ཡལ་བས་བང་སོ་མེད་པར་གྲགས་ཤིང་། གནམ་གྱི་ཁྲི་བདུན་ནོ། །སྲིབ་ཁྲི་བཙན་པོ་དང་། ས་བཙུ…

བོན་གཤེན་པོ་ཆེ་བྱུང་། རུ་ལས་སྐྱེས་དང་སྲས་ལྷ་བུ་མགོ་དཀར་ཏེ་བློན་པོ་གཉིས་ཀྱི་རིང་། ཆུ་ཡུར་བར་དྲངས། སྤང་ཞིང་དུ་རྨོས། རྡོ་བཞུ་བས་དངུལ་ཟངས་ལྕགས་གསུམ་བཏོན། ཆུ་ལ་ཟམ་པ་བཙུགས། རྒྱལ་པོ་དེ་དག་བར་གྱི་སྟེང་གཉིས་ཡིན། བང་སོ་གཡའ་དང་རྫ་ལ་བཏབ་བོ། །སྤུ་དེ་གུང་རྒྱལ་དང་བོམ་ཐང་རྨང་མཉའི་སྲས་ཨེ་ཤོ་ལེགས། དེ་དང་རྨུ་ལྕམ་བྲ་མ་…

བཙན་ནམ། དེ་དང་སྨན་བཟའ་ཁྲི་དཀར་གྱི་སྲས་ལ་ཁྲི་སྒྲ་དཔུང་བཙན། དེ་དང་སྨན་བཟའ་ཀླུ་སྟེང་གི་སྲས་ཁྲི་ཐོག་རྗེ་བཙན་ཏེ་གདུང་རབས་ཉེར་བདུན་གྱི་རིང་ཆབ་སྲིད་སྒྲུང་ལྡེའུ་བོན་གསུམ་གྱིས་བསྐྱངས་པ་ཡིན་ནོ། །སྨྲས་པ། ཕྱག་ན་པདྨའི་གསང་བ་གསུམ་གྱི་ངོས། །བསིལ་ལྡན་ལྗོངས་འདིའི་རྗེ་འབངས་རི་མོའི་གར། །བློ་གསལ་ཡིད་ངོར་བསྒྱུར་བའི་གཏམ་…

རྣམས་མཁའ་ལས་བབས་ཏེ། གདུང་རབས་ལྔ་ནས་འདིའི་དོན་ཤེས་པ་འབྱུང་བའི་ལུང་བསྟན་གྱི་སྒྲ་ནམ་མཁའ་ལས་བསྒྲགས་པས། ངོ་མི་ཤེས་པ་ལྟར་བཅོས་ཀྱང་། ངོ་མཚར་དུ་བཟུང་ནས། ཕོ་བྲང་གི་དཀར་ཁང་དུ་མིང་གཉན་པོ་གསང་བར་བཏགས་ནས་མཆོད་པ་དང་བཅས་ཏེ་བཞུགས་སུ་གསོལ་བའི་མཐུས་རྒྱལ་པོ་དགུང་ལོ་བརྒྱད་ཅུ་པ་སླར་ན་ཚོད་དར་ལ་བབས་པའི་ལང་ཚོ་ལྟར་ཡ་མཚན་དུ་…

རྩི་ཡིན་ཞེས་ཉོན། །ངན་པ་རྣམས་ཀྱང་མེ་དང་འདྲ་བས་གསོས། །མི་ཆོས་རྟོག་པ་ཡིན་གྱི་རྣམ་རྟོག་སྐྱུངས། ཁྱོད་ཡབ་མེས་ཀྱི་གཉན་པོ་གསང་བར་མཆོད་པ་གྱིས། །འ་ཞའི་ཡུལ་ནས་སྨན་པ་བོས་ལ་མིག་ཕྱེ། མིག་མ་བྱུང་ན་སུམ་པའི་ཡུལ་ན་བོན་པོ་ཞིག་གི་ཆུང་མ་རྒྱ་མོ་རྒྱ་ལྕམ་བྱ་བ་ལ་ནུབ་ཅིག་འགྲོགས་པའི་ཤག་མོ་ཙམ་པ་ལ་སྐྱེས་པའི་སུམ་རི་རིང་མོ་བྱ་བ་ཡ…

དེ་ལྟར་དམ་པའི་ཆོས་ཀྱི་འཆི་མེད་བདག་པོའི་བ་གམ་མངོན་པར་མཐོ་བ་དག་གི་སྒོ་གླེགས་གྲངས་མེད་དུས་གཅིག་ཏུ་ཕྱེ་བའི་སྲོལ་གྱིས་དགེ་ལེགས་ཀྱི་འདོད་རྒུ་རྣམ་པར་བཀྲ་བའི་སྡེ་བཞིའི་འབྲས་བུ་ཟད་མི་ཤེས་པའི་བདོག་པ་རིས་སུ་མ་ཆད་པའི་འགྲོ་བ་ཀུན་ལ་གཏོང་བའི་ཕྱག་རིང་དུ་བརྐྱངས་པའི་དགེ་མཚན་དུ་ཆེ་བའི་མི་རྗེ་སྲོང་བཙན་སྒམ་པོ་ནི། བཀའ་གད…

བས་སྐུ་ཁྲུས་གསོལ་ཞིང་། ཨ་མི་དེ་ཝས་རྒྱལ་པོའི་བུ་ལ་རེག་ནས་དབང་བསྐུར་བས་བརྗོད་པར་དཀའ་བའི་སྤྲུལ་པ་སྣ་ཚོགས་འགྱེད་པ་དང་གཟིགས་པ་སོགས་ངོ་མཚར་བའི་མཚན་མ་མཐའ་ཀླས་པར་གྱུར་ཏེ། པོ་ཏ་ལའི་རི་འདིའི་རྩེ་ལ་ཕོ་བྲང་བཏབ་ནས་བཞུགས་ན་མཐའ་བཞིའི་གུས་ལྡན་གྱི་རྒྱལ་པོ་ཐམས་ཅད་ཀྱིས་རང་དབང་མེད་པར་གུས་པས་འདུད་པའི་དབང་ཕྱུག་བརྒྱད་ཀྱི་…

ཆེད་སོ་ཡོད་པ་ལྟར་ཕོ་བྲང་གསར་དུ་བརྩིགས་པ་ལ་ལེགས་ཇར་བསྙད་པའི་དོན་ཞུ་གསོལ་གུས་འདུད་ལྷུར་ལེན་གྱི་སྐྱེས་བཟང་པོའི་ཡི་གེ་དང་བཅས་བློན་པོ་མངགས་པ་རྣམས་ལན་གྱི་ཆབ་ཤོག་སོ་སོའི་ཡི་གེར་བཏབ་ཅིང་། བཟང་པོའི་གསུང་དང་གྱ་ནོམ་པའི་དངོས་པོས་ཚིམ་པར་བྱས་ཏེ་བརྫངས་པས། རྒྱལ་པོ་ཀུན་ཡིད་རང་དབང་མེད་པར་དགའ་བར་མཛད་དོ། །རྗེ་བཙུན་འཇིག…

པོ་ཐོན་མི་ལ། །མ་ལུས་གནང་བ་ཐུགས་ལ་བཏགས། །རྒྱ་གར་ཡུལ་དུ་ཕྱིན་པ་ཡིན། །མཁས་གྲུབ་ཁྱེད་དང་མཇལ་བ་ཡིན། །ཞེས་དོན་དུ་གཟོ་བའི་གསུང་བྲམ་ཟེ་ལ་བྱོན་ཏེ་བོད་དུ་ཕེབས་ནས། རྒྱལ་བློན་གཉིས་ཕོ་བྲང་མ་རུར་ལོ་གསུམ་མཚམས་གཅད་དེ་ཡི་གེ་དང་སྒྲ་རྣམས་སློབ་པའི་ཚུལ་མཛད་པས་མཁས་པའི་དཔྱིད་དུ་གྱུར་ཀྱང་དེའི་ནང་དུ་བོད་སྐད་ལ་ཉེ་བར་མཁོ་བའི་…

པས། བློན་པོ་གཞན་ཕྲག་དོག་པར། ཐོན་མིས། ཡུལ་མཐའ་འཁོབ་བོད་ཀྱི་རྒྱལ་ཁམས་འདིར། །མི་མཁས་པ་སླེབ་པའི་སྔོན་མ་ཡིན། །ང་མུན་པ་སེལ་བའི་སྒྲོན་མེ་ཡིན། །རྗེ་རྒྱལ་པོ་ཉི་ཟླའི་ཚུལ་དུ་བཞུགས། །གྲོགས་བློན་པོའི་ཁྲོད་ན་ང་ཙམ་མེད། །བོད་ཁ་བ་ཅན་པའི་མི་རྣམས་ལ། །ང་ཐོན་མི་བཀའ་དྲིན་མི་ཆེའམ། །ཞེས་གཞན་གྱི་འགྲན་སེམས་ཀྱི་བྲག་རི་དྲི་མ་མ…

ལན་ཅིག་མིན་པར་མྱོང་བར་མཛད་དོ། །སྨྲས་པ། འགྲོ་བའི་བསོད་ནམས་དཔྱིད་ཀྱི་མངལ་ཁུར་ལས། །དཔག་བསམ་ཡོངས་འདུའི་རྒྱལ་སྲས་མཚར་སྡུག་ཅན། །འཐོན་པའི་ཕྱག་ན་པདྨ་མི་ཡི་སྲིད། །བཟུང་འདིས་རྫོགས་ལྡན་དྲི་དེ་རིང་ནས་འགུགས། །མཁའ་མེའི་སྲད་བུར་བརྒྱུས་པའི་ཀ་འཕྲེང་ལ། །རྒྱ་མཚོ་དབྱངས་ཀྱིས་བརྒྱན་པའི་ཡི་གེའི་བརྡའི། །རིན་ཅེན་ཕྱང་འཕྲུལ་ར…

རྒྱས་དང་བྱང་ཆུབ་སེམས་དཔའ་མཐའ་ཡས་པ་བཞུགས་པ་གཟིགས་ནས་བྱེ་མའི་ཐུམ་བུ་དང་། རྩྭའི་ཕོན་པོ། མཆོད་རྟེན་པདྨའི་འཁོར་ལོ་ཅན་ནས། འཁོར་བ་འཇིག །འོད་སྲུངས། ཤཱཀ་ཐུབ་གསུམ་གྱི་རིང་བསྲེལ་སྙིམ་པ་རེ་དང་བཅས་པ་བསྣམས་ཏེ་རྒྱལ་པོ་ལ་ཕུལ། སླར་ཡང་ཡི་དམ་གྱི་ཐུགས་ཀ་ནས་སྤྲོས་པའི་འོད་ཟེར་གྱི་བརྔས་བསྟན་པ་ལྟར་སྤྲུལ་པའི་དགེ་སློང་གིས་བལ…

ཡོན་ཅན། ཞལ་ནས་ཨུཏྤལ་དྲི་བྲོ་བ་ཞིག་ཡོད་པ་ལས། རྒྱལ་པོས་ཡི་དམ་གྱི་ལྷ་ལ་གསོལ་བ་བཏབ་པས། འཕགས་པས་བྱིན་གྱིས་བརླབས་པའི་སྤྲུལ་པའི་ཟློས་གར་བུད་མེད་ཀྱི་སྲིད་བཟུང་བ་གཉིས་ཡོད་པ་བཙུན་མོར་སྤྱན་འདྲེན་དགོས་པའི་ལུང་བསྟན་གྱི་སྒྲ་ནམ་མཁའ་ལས་བྱུང་བ་དང་། སྤྲུལ་པའི་རྒྱལ་པོའི་སྤྱན་གཉིས་ལས་འོད་ཟེར་འཕྲོས་པ་ཤར་ནུབ་ཏུ་སོང་བ་ལ། …

མཚན་དཔེ་དང་ལྡན་ཞིང་། རྟ། གླང་པོ། བློན་པོ། དམག་དཔོན། བཙུན་མོ། འཁོར་ལོ། ནོར་བུ་སྟེ། སྔོན་དུ་འགྲོ་བའི་དཔུང་ཚོགས་ཡན་ལག་རྣམ་བཞི་དང་བཅས་པའི་སྤྲུལ་པ་བལ་པོའི་རྒྱལ་པོའི་སྒོ་དྲུང་དུ་ཕྱིན་ཏེ། བློན་པོ་རིན་པོ་ཆེས་བརྡ་སྦྱར་ནས། ངེད་ཁ་བ་ཅན་གྱི་ཡུལ་འཕགས་པ་ཕྱག་ན་པདྨས་བྱིན་གྱིས་བརླབས་ཤིང་། འཕགས་པ་ཉིད་རྒྱལ་པོའི་ཚུལ་བཟུ…

བྱ་བ་ཡི་དྭགས་གྲོང་ཁྱེར་ཏེ། །མི་ལྟོགས་རྒྱལ་ཁམས་ཡིན་པར་རྒྱལ་བས་ལུང་བསྟན་པས། །རིན་ཅེན་བང་མཛོད་མང་པོ་བདག་ལ་རྒྱུ། ཁ་བ་ཅན་གྱི་རྒྱལ་ཁམས་བསིལ་ཞིང་གྲང་། །ཚེ་གཅིག་དྲོད་པའི་གོས་ཤིག་བདག་ལ་ཞུ། །དེ་ལྟར་མ་འདྲིས་མི་ཡི་ཁྲོད་ནང་དུ། །བསམ་རྒྱུད་སྤྱོད་པ་བྱ་བ་ཇི་ལྟར་བགྱི། །ཡབ་གཅིག་རྒྱལ་པོ་བདག་ལ་བཀའ་སྩོལ་ཅིག །ཅེས་ཞུས་པས། …

ཤེ་དེ་ཝ། བཻ་ཌཱུརྱའི་ལྷུང་བཟེད་སོགས། རིན་པོ་ཆེའི་བང་མཛོད་བདུན་གྱིས་ཐོག་དྲངས་མཁོ་དགུའི་ཡོ་བྱད་རྣམས་སྐལ་རྫོངས་སུ་མཛད་དེ། ཁྲི་བཙུན་ལ་བསླབ་བྱ་འདི་ལྟར། སྔོན་ཚེ་བུ་མོས་ཕ་ཡུལ་བཟུང་བ་མེད། །དེ་ཕྱིར་བུ་མོ་ཁྱོད་ཀྱང་བོད་ཡུལ་སོང་། བཀའ་བཏགས་ཆོས་ལུགས་བཟང་པོ་དར་བར་གྱིས། །རྗེ་ཡི་སྐུ་མཁར་ཕོ་བྲང་བཙན་པོ་འཆོས། །ཆོས་བཞེངས…

ཀྱི་རྟེན་ཁྱད་པར་ཅན་རྣམས་དང་། སྔར་སྤྲུལ་པའི་དགེ་སློང་གིས་སྤྱན་དྲངས་པའི་རྟེན་རྣམས་ལྷན་ཅིག་ཏུ་མཆོད་པའི་ཁང་བཟང་ཡིད་དུ་འོང་བར་བཞུགས་སུ་གསོལ་ནས། ཀུན་ཏུ་བཟང་པོའི་མཆོད་པའི་སྤྲིན་གྱིས་མཆོད་ཅིང་། བཙན་པོ་ཡང་སྐུ་རྣམས་ཀྱི་ཐད་ཀ་ནས་འབེན་ཚད་གང་ལས་རིང་དུ་མི་བཞུད་པར་བཞུགས་པས། ཁྲི་བཙུན་གྱི་ཐུགས་ལ། རྒྱལ་པོ་འདི་ལྷ་དང་མི…

འཕོས་པ་ལྟ་བུ་ཞིག་བརྩིགས་ནས། རྗེ་བློན་འབངས་འཁོར་མཐའ་དག་འདོད་པའི་ཡོན་ཏན་ལྔ་ལ་ལོངས་སྤྱོད་པའི་སྐབས་སུ། སྤྲུལ་པའི་རྒྱལ་པོས་ཤར་ཕྱོགས་ནས་རྒྱ་རྗེའི་སྲས་མོ་ཀོང་ཇོ་སྤྱན་འདྲེན་པའི་ཉེར་བསྡོགས་སུ་སྤྱན་གཡོན་པའི་འོད་ཟེར་ལས་འཁོར་ལོས་སྒྱུར་བའི་རྒྱལ་པོ་སོགས་སྔར་ལྟར་སྤྲུལ་ནས། རྒྱའི་ཕོ་བྲང་ཀེ་རུའི་ཁྲི་སྒོར་ཕེབས་ཏེ་བློན…

ཀྱེ་མ་བུ་མོ་བདག་ལ་ཚུར་གསོན་དང་། །བོད་ཅེས་བྱ་བ་ཁ་བ་ཅན་གྱི་ཡུལ། །ཡུལ་ལ་ཁྱད་དུ་འཕགས་པ་དེ་ཡིན་ཏེ། །གངས་རི་རང་བྱུང་མཆོད་རྟེན་ཡ་མཚན་ཅན། །ལྷུན་གྱིས་གྲུབ་པའི་གནས་མཆོག་དམ་པ་ནི། །མཚོ་བཞི་གཡུ་ཡི་མཎྜལ་བཀྲམ་པ་འདྲ། །ཐང་བཞི་རང་བཞིན་མཆོད་པ་བཤམས་པ་འདྲ། །ཆུ་བོ་བཞི་ཡི་མགོ་བཞི་རང་བཞིན་ཅན། །རི་མཐོ་ས་གཙང་གངས་རི་གཉན་གྱི་ལ…