དུ་བྱུང་བའི་བསྙེན་བཀུར་དང་བཅས་ཏེ། སྔར་མ་འགྱུར་བའི་གསུང་རབ་འགའ་ཞིག་བསྒྱུར། བོད་ཀྱི་རྒྱལ་པོ་ལ་ང་ཆེ་བས་ལྷ་ཁང་ཉི་མ་ཙམ་ཞིག་རྩིག་གོ་གསུངས་པས། སློབ་དཔོན་མཛོད་མཁན་གྱིས་ཉི་མའི་རྒྱར་དཔག་ཚད་ལྔ་བཅུ་རྩ་གཅིག་ཡོད་པས། བོད་འདིར་མི་ཤོང་ཞེས་ཞུས་པར། ཟླ་བ་ཙམ་ཞིག་རྩིག་གསུང་བར་དེ་ཡང་སྔོན་དང་འདྲ་ཚུལ་སྨྲས། སྐར་མ་ཙམ་ཞིག་རྩིག…

གཤེགས་པས་བང་སོ་མེད། ལྷ་རྗེ་ནི་དགུང་ལོ་བཅོ་ལྔ་ལ་གཤེགས་པའི་བུར་སྐྱེ་བ་བདུན་པ་ཤེལ་གྱི་བྲག་ལ་རྒྱས་བཏབ་བོ། །སྨྲས་པ། དཔལ་ལྡན་གསང་བ་ཀུན་གྱི་གན་མཛོད་ལས་འོངས་འཛམ་བུ་ནཱ་ད་མཆོག །ལུས་ཅན་ཡོངས་ཀྱི་བླ་ན་སྤྱོད་པའི་མི་བདག་མཆོད་སྡོང་རབ་འབར་བར། །གྲུབ་པའི་རང་གཟུགས་ཟློས་གར་གསར་པ་ཁམས་གསུམ་མན་ཤེལ་རྩིག་ངོས་ལ། །ཤར་བའི་ས་སྤྱ…

དྲུངས་ནས་ཕྱུང་སྟེ་རྣམ་པར་དཀར་བའི་མཛད་པ་བླ་ལྷག་ཏུ་སྟོན་པའི་ཆེད་དུ་འཇིག་རྟེན་ཀུན་གྱི་ཅོད་པན་ལ་ཞབས་སེན་པདྨ་དཀར་པོའི་ཆུན་བུ་མཛེས་བྱེད་ཀྱི་རྒྱན་དུ་སྤུད་པའི་རིགས་སྟོབས་ཀྱིས་ཁྱད་པར་དུ་འཕགས་པའི་ཟ་མ་ཏོག་ཏུ་དབང་ཕྱུག་བརྒྱད་ཀྱི་ཡོན་ཏན་འཕྱུར་བུར་བལྟམས་པའི་མངའ་བདག་ཁྲི་ལྡེ་སྲོང་བཙན་རལ་པ་ཅན་བོད་འབངས་ཡོངས་ཀྱི་རལ་པའི…

དཀའ་ཞིང་ལེགས་སྦྱར་གྱི་སྐད་དང་མི་མཐུན་པ་རྣམས་དབུས་འགྱུར་གྱི་རྒྱ་དཔེ་སཾ་སྐྲྀ་ཏའི་ལུགས་གཞིར་བྱས་པ་རྣམས་དང་སྒོ་བསྟུན། རྒྱ་དཔེའི་བཅད་ལྷུག་སྤེལ་མའི་སྡེབ་སྦྱོར་སོགས་བོད་སྐད་ལ་ཇི་བཞིན་མི་འབྱུང་ཞིང་། དེ་དང་བསྟུན་ན་གོ་མི་བདེ་བས་དོན་རྟོགས་སླ་བ་གཙོ་བོར་བྱས། རྒྱ་སྐད་དུ་ཚིག་བསྡོམས་པ་རྣམས་དེ་ལྟར་བསྒྱུར་ན་གངས་ཅན་ལྗ…

ལོན་ཞུས་བཅད་ཀྱི་ཁྲིམས། དཀོན་ཅོག་གི་ཆོས་ཁྲིམས། ཇོ་མོ་མངའ་དགས་ཀྱི་ཁྲིམས་དང་དྲུག་ཏུ་ཕྱེ་བས། ངན་ལ་ཆད་པ་གཅོད་ཅིང་བཟང་ལ་བྱ་དགའ་སྟེར། མཐོ་བའི་གཉའ་ནས་གནོན་ཅིང་དམའ་བ་ཐབས་ཀྱིས་སྐྱོང་བའི་བཀའ་ཁྲིམས་ཀྱི་སྲོལ་བཟང་པོའི་འོད་སྣང་སྲིད་རྩེའི་བར་དུ་ཁྱབ་པའི་བདེ་སྐྱིད་ཀྱི་པུཎྜ་རི་ཀ་ཆེས་ཆེར་རྒྱས་པ་བར་སྐབས་སུ། སྡིག་བློན་མི…

ཤིན་ཏུ་མང་ངོ་། །འདིའི་དུས་སུ་རྒྱ་བོད་གཉིས་མ་མཐུན་པར། གཏུམ་དྲག་རྔམ་བརྗིད་དང་ལྡན་པའི་དམག་གི་དཔུང་ཚོགས་ཆེན་པོ་རྒྱ་ནག་པོའི་ཡུལ་དུ་གཡུལ་བཤམས་ཏེ། ཙི་ནའི་རྒྱལ་ཁམས་དུ་མ་བཅོམ་ཞིང་། མི་དཔོན་དང་། དཔའ་བོ་སྟག་ཤར་མང་དུ་བསད་དེ་ཆམ་ལ་ཕབ། དེ་ནས་རྒྱའི་ཧྭ་ཤང་དང་བོད་ཀྱི་ལོ་པཎ་རྣམས་ཀྱིས་བར་དུ་བཞུགས་དེ་ཚིག་གི་སྦྱངས་བཤད་ཀྱ…

རྡོ། བར་ཐོག་གསུམ་ས་ཕག །སྟེང་ཐོག་གསུམ་ཤིང་ལས་གྲུབ་པ། ཐོག་རེ་རེ་བཞིན་བྱ་འདབ། སྒོ་ཕ་གུ་དྲ་ཕྱེད་སོགས་ཀྱིས་རྣམ་པར་མཛེས་ཤིང་། སྟེང་གི་རྒྱ་ཕུབ་རླུང་གིས་བསྐྱོད་ཚེ་གདུགས་ལྟར་འཁོར་བའི་ངོ་མཚར་གྱི་ཆུ་འཛིན་འཕྲེང་བ་ཡིད་ཀྱི་སྐབས་གསུམ་པའི་ལམ་དུ་འཁྲིགས་པ་ལས། ཆེད་དུ་བརྗོད་པའི་དབྱར་སྐྱེས་ཀྱི་རྔ་གསང་ཕྱོགས་བྲལ་གཙུག་ཕུད་…

བཞིན་རྣམ་པར་སྤྱོད་པ་མ་ཡིན་པའི་སྟོབས་ཀྱི་ཁེངས་པས་དྲེགས་པ་མཐའ་དག་རང་ཉམས་སུ་བྱེད་པའི་ལུགས་ཀུན་ཆུ་ཤིང་གི་སྙིང་པོ་ལྟ་བུར་མཛད་དེ་རབ་ཏུ་ལྕི་བའི་རིན་པོ་ཆེའི་གདན་ཁྲི་ལ་གཡོ་བ་མེད་པའི་ཕྱོགས་ལས་རྣམ་པར་རྒྱལ་བའི་གདུགས་དཀར་པོའི་ཁོར་ཡུག་བདེ་སྐྱིད་ཀྱི་གྲིབ་བསིལ་ལ། སྐྱེ་རྒུ་མཐའ་དག་ངལ་གསོའི་བདེ་བ་ལ་སྤྱོད་པའི་སྐབས། ནག་…

དཔྱིད་ཀྱི་མ་མའི་མངལ་ཁུར་ལས་འདས་པའི་ཐུབ་བསྟན་མྱུ་གུའི་འཁྲི་ཤིང་གསར་པ་མིང་ཙམ་དུ་གྱུར་པས། ཚངས་འཇོམས་སྡེར་བཅས་རྣམ་པར་དགེ་བའི་གཡུལ་ལས་རྒྱལ་བའི་ཀུ་ཅོ་དྲག་པོ་འདོན་བཞིན་དུ། གླང་དར་མ་འུ་དུམ་བཙན་རྒྱལ་སྲིད་དུ་དབང་བསྐུར། སྦས་སྟག་སྣས་ནང་བློན་བྱས་ཏེ། ཆོས་བསྣུབ་པར་བསམས་ཀྱང་བསྙད་མ་རྙེད་པའི་སྐབས་སུ། སང་སར་མུ་གེ་ནད་ཡ…

པས། བསམ་ཡས། ར་མོ་ཆེ་རྣམས་ཀྱི་གཙུག་ལག་ཁང་གི་སྒོ་ལ་ཞལ་བ་བྱས། རྒྱལ་པོ་དགྱེས་སུ་རེ་ནས་བཙུན་པ་ཆང་འཐུང་བ་སོགས་ཀྱི་གཟུགས་བརྙན་གྱིས། འོན་ཀྱང་ཁྱིམ་པ་གོས་དཀར་གྱི་རྟེན་ལ་གསང་སྔགས་སྒྲུབ་པ་དག་ནི་ནང་གི་དེ་ཉིད་རྒྱལ་བློན་གྱིས་མ་རྟོགས་ཤིང་། རབ་བྱུང་གི་རྟགས་མེད་པས་གནོད་པ་མ་བྱུང་བ་དཔག་མེད་ཡོད་པས། ཀུན་མཁྱེན་ཡེ་བཟང་རྩེ་…

འོད་སྲུང་ནས་བརྒྱུད་པའི་མངའ་རིས་སྟོད་ཀྱི་རྒྱལ་རབས་དང་། ཇོ་བོ་རྗེ་དཔལ་ལྡན་ཨ་ཏི་ཤ་གདན་དྲངས་པ་སོགས་ཀྱི་སྐོར།དེ་ནས་མི་རིང་བར་གྱེན་ལོག་བྱུང་སྟེ། དེ་ཡང་གྱེན་ལོག་ནི། ནམ་མཁའ་ལ་བྱ་གཅིག་འཕུར་བར་བྱ་གཞན་མང་པོ་འདུས་ཏེ་གནོད་པ་བྱེད་པར་དཔེ་བྱས། །ཐོག་མར་ཁམས་ནས་ལོག །དེ་ཡང་རྐྱེན་བློན་པོ་བྲན་ཁ་དཔལ་ཡོན་ཉེས་མེད་དུ་ཁྲིམས་ལ…

པ་ཅན་དུ་མས་མི་རྣམས་བརླམས་པར། བུ་སྟོན་གྱིས་མཛད་པའི་བསྟན་བཅོས་རིན་ཅེན་བང་མཛོད་དུ་བཤད་ཅིང་། གྱེན་ལོག་གི་རྗེས་སུ་བང་སོ་ཕལ་ཆེར་ཀྱང་བྲུས་ཏེ་བཤིག་གོ །དེ་ལྟར་ཡུམ་བརྟན་གྱི་བརྒྱུད་པ་སྐྱིད་གཡོར་ཀུན་ལ་ཤིན་ཏུ་མང་ཞིང་། འོད་བསྲུངས་གཤེགས་པའི་བང་སོ་འཕྲུལ་རྒྱལ་གྱི་རྒྱབ་ཏུ་བརྩིགས། དེ་ནས་བང་སོ་རྩིག་པའི་སྲོལ་ནུབ་ཅིང་། ད…

བའི་དྲེགས་ལྡན་བླུན་པོ་དག་ལ་བཀུར་ཞིང་། པཎྜི་ཏ་སྨྲི་ཏི་ལྟ་བུའི་མཁས་པ་ཡང་རྫི་བོ་སོགས་ངན་པའི་ལས་འཚོལ་བ་འདི་དག་ལ་དཔགས་ཀྱང་། རྗེ་བཙུན་ས་པཎ་གྱིས། ཙུ་ཏའི་ཡུལ་དུ་ཕྱིན་པ་ན། །རྐང་གཉིས་པ་ལ་མིར་མི་རྩི། །ཞེས་དང་། ཙན་དན་གསེར་ལས་རིན་ཆེ་བ། །བླུན་པོས་སོལ་བར་བྱས་ཞེས་གྲགས། །ཞེས་གསུང་བ་ཐུགས་མེད་པར་སྣང་ངོ་། །ལྷ་བླ་མ་ཡེ་ཤ…

ནི། །དམ་ཆོས་རྒྱ་མཚོ་བོད་དུ་བསྒྱུར་ན་བདེ། །ཞེས་པའི་ལུང་བསྟན་བྱུང་བས་རྐྱེན་བྱས་ཏེ། དཀའ་སྤྱད་དུ་མས་ཁ་ཆེར་བྱོན། ཀ་ལ་ཝ་རི་བྱ་བའི་གྲོང་དུ་སླེབ། བྲམ་ཟེ་ཞིག་གིས་ཕྱག་གི་རི་མོ་བལྟས་ཏེ་ཤིས་པ་བརྗོད། རྐང་མགྱོགས་ཡིད་བཞིན་ནོར་བུ་བསམ་འཕེལ་བྱ་བ་ལ་བརྟེན་ནས་གྲོང་ཁྱེར་ཏ་མ་ལ་སནྟིར་བྱོན་ནས། པཎྜི་ཏ་ཤྲདྷ་ཀོ་ར་ཝརྨ་དང་མཇལ་ཏེ…

བས། དབོན་སྲས་རྣམས་ཀྱིས་གསེར་མང་དུ་བཙལ་ཀྱང་ཡུན་དུ་འགོར་ཞིང་། ཡེ་ཤེས་འོད་ཀྱིས་གསུང་ལས། ད་ངེད་ན་ཚོད་མཐོན་པོར་གྱུར་པས་འདི་ནས་ཐོན་ཀྱང་བསྟན་འགྲོ་ལ་ཕན་པར་དཀའ་བས། གསེར་རྣམས་ཀྱིས་པཎྜི་ཏ་སྤྱན་དྲོངས་ལ་ཆོས་དར་བར་བྱེད་པའི་བཀའ་གནང་སྟེ། མི་རིང་བར་གྲོངས། ལས་ཆེན་ཀུན་རྒྱལ་བས། ལྷ་བླ་མ་ཡེ་ཤེས་འོད་གསེར་འཚོལ་དུ་བྱོན་པ། ག…

རྟ་ལྗང་གི་དབང་པོ་ལྟ་བུ་ཞིག་སྤྱན་དྲང་བར་དགོངས་སོ། །འོན་ཀྱང་ལས་ཆེན་ཀུན་རྒྱལ་བས། ཨ་ཙརྱ་དམར་པོས་གསང་སྔགས་ཐིག་ལེའི་སྐོར་བསྒྱུར་ནས་རབ་བྱུང་དུ་མ་ཁྱིམ་པར་ཕབ་པས་ཆོས་ལོག་མཁན་པོ་ཡིན་ཞེས་སྨྲ་བ་ནི། པཎྜི་ཏ་རང་གི་རྟོགས་པའི་ཡོན་ཏན་གྱི་དོད་མ་མཉམ་པའི་རབ་ཏུ་བྱུང་བ་འགའ་ཞིག་སྔགས་ཀྱི་དེ་ཁོ་ན་ཉིད་མ་རྟོགས་པར་འཆལ་བའི་སྐྱོན་…

དཀའ་ཐུབ་ཀྱི་བརྟུལ་ཞུགས་ཡང་དག་པར་བཟུང་། ཐུན་མོང་དང་ཐུན་མོང་མ་ཡིན་པའི་རིག་པའི་གནས་ཀྱི་ཡ་ལད་བཙན་པོ་གྱོན་ཞིང་། མཛངས་པའི་ཡོན་ཏན་གྱི་དུ་ཀཱུ་ལའི་བ་དན་དཀར་པོ་སྲིད་པའི་རྩེ་མོར་གཡོ་བའི་པཎ་གྲུབ་དམ་པ་དཱི་པཾ་ཀ་ར་ཤྲཱི་ཛྙ་ནའི་སྙན་གྲགས། ལྷ་བླ་མའི་སྙན་གྱི་དབང་པོར་སོན་པ་ལ་བརྟེན་ནས། ནག་ཚོ་ལོ་ཙཱ་བ་རྒྱ་གར་དུ་ཆོས་སློབ་པར…

བཅོས་ཁྱད་པར་མཛད། སྔར་རྒྱ་གར་ནས་ཕེབས་ཁར་ལོ་གསུམ་ལ་ཕྱིར་ཕེབས་པའི་ཁས་ལེན་གནས་བརྟན་ཤཱི་ལཱ་ཀ་རའི་དྲུང་དུ་ནག་ཚོས་ཁས་བླངས་པ་བཞིན་འཕགས་པའི་ཡུལ་དུ་འབྱོན་པར་ཆས་པའི་ཚེ། འབྲོམ་སྟོན་པ་རྒྱལ་བའི་འབྱུང་གནས་ཇོ་བོ་བསེ་བཙུན་གྱི་དྲུང་ན་ཡོད་སྐབས། མངའ་རིས་སུ་པཎྜི་ཏ་ཕེབས་པའི་གཏམ་གསན་པས་མགྱོགས་པར་བཤུལ་དུ་ཞུགས་ཏེ་ཇོ་བོ་དང་མ…

དྷ་ར་བའི་འཕྲེང་བ་སྤེལ་ལེགས་ཁ་བ་རི་བའི་ལུས་ཅན་རྣམས་ཀྱི་གྲོང་དུ་འཆིང་བར་མཛད་དོ། །འོད་ལྡེའི་སྲས་རྩེ་ལྡེའི་དུས་སུ་དབུས་གཙང་ཁམས་གསུམ་གྱི་སྡེ་སྣོད་འཛིན་པ་ཕལ་ཆེར་འདུས་ཏེ། ཆོས་ཀྱི་འཁོར་ལོ་བསྐོར་བའི་བསྙེན་བཀུར་དང་བདག་རྐྱེན་མཛད། ཟངས་མཁར་ལོ་ཙཱ་བས་ཚད་མ་རྒྱན་ཡང་དུས་དེར་བསྒྱུར། རྭ་ལོ། གཉན་ལོ། ཁྱུང་བོ་ཆོས་བརྩོན། བ…

པ་རྒ་ལོ། དཔྱལ་ལོ། གློ་བོ་ལོ་ཙཱ་བ། འབྲོ་ལོ་ཙཱ་བ་སོགས་ཀྱིས་གཤེད་སྐོར་དང་དུས་འཁོར། ས་སྐྱ་བ་དཀར་པོ་རྣམ་གསུམ་སློབ་བརྒྱུད་དང་བཅས་པས་འབྲོག་མི་ལུགས་ཀྱི་གསུང་ངག་གུར་བརྟག་སམ་གསུམ། བདེ་མཆོག་སྐོར། རྗེ་བཙུན་མི་ལ། སྒམ་པོ་པ། འབྲུག་པ། ཁྲོ་ཕུ། འབྲི་སྟག་སོགས་ཀྱིས་ཕྱག་རྒྱ་ཆེན་པོ་དང་ཆོས་དྲུག་གི་སྐོར། པཎ་ཆེན་ཤཱཀྱ་ཤྲཱི་ས…