སྐྱོང་བའི་ཆོས་ལྡན་རྒྱལ་བ་ཨ་ཤྭདྠ་ཡི་ལྗོན་པའི་དབང་པོ་དར་བའི་མཆོག །ཧ་རི་ཙན་དན་དཔུང་པ་སྐྱེས་ཀྱི་དབུས་མཐོ་ཨ་ག་རུ་ཡི་རྒྱལ་ཕྲན་ཀུན་གྱིས་ཟླ་བྲལ་བ། །ཧ་རི་ཀ་ཡི་མགྲིན་དབྱངས་ཁྲིམས་གཉིས་ང་རོས་ཨ་མྲའི་ཡོངས་འདུ་མངའ་འབངས་ཡོངས་ཀྱི་འདབ་མ་འཛུམ། །ཧ་ཧར་བཞད་པའི་ཕུལ་བྱུང་དགའ་སྟོན་བཟང་པོས་ཨ་མྲི་ཏ་ཡི་སྙིང་པོའི་ཟིལ་དངར་བླ་ན་མ…

རྒུར་མངའ་སྒྱུར་བའི། །ས་དབང་རྒྱལ་པོའི་གོ་སར་གནམ་གྱི་མཐོངས། །སྒོ་འཕར་ཡངས་པའི་སྤོ་ནས་བུམ་བཟང་གིས། །སྤྱི་བོར་དབང་བསྐུར་སྡེ་སྲིད་ཕག་མོ་གྲུ། །ཨེ་མ་སྔོན་བྱོན་ས་སྤྱོད་ལྷ་རྣམས་ཀྱིས། །བོད་འབངས་འདབ་བརྒྱ་བཞད་པའི་ཕན་བདེའི་འོད། །སྤྲོས་ཚེ་ཉིན་བྱེད་བདག་གིས་ཅི་བྱ་ཞེས། །གནོད་སྦྱིན་ཕྱོགས་ཀྱི་འཁྲིག་པའི་ཁྱིམ་དུ་བྲོས། ཁྲ…

ནས། །འཆད་རྩོད་རྩོམ་པའི་བློ་གྲོས་མཐུ་དམན་ན། །གནོད་སྦྱིན་ནོར་ལ་སྤྱོད་པ་ཚེ་འཕོས་ནས། །དབུལ་པོའི་ཁྱིམ་དུ་སྐྱེས་དང་ཁྱད་པར་ཅི། །མི་མཛད་སྟོབས་འབྱོར་གཏེར་ལ་མངའ་སྒྱུར་ཡང་། །འདི་ཕྱིའི་ཕུན་ཚོགས་བསྒྲུབ་པའི་རྣམ་དཔྱོད་མིག །ལོངས་ཚེ་ས་འོག་གནས་པའི་ཀླུ་ཚོགས་དང་། །སྲང་ལ་བཏེག་ཚེ་ལྕི་ཡང་གང་གིས་འབྱེད། ཁུངས་ལྡན་ལོ་རྒྱུས་མཐ…

བུ་རྒྱས་པའི་གཡུར་ཟ་ལྡེམ། །དེ་ལྟ་ན་ཡང་ངེས་པ་ལྔ་ལྡན་གཟུགས། །བཤེས་གཉེན་དམ་པའི་ཨཱ་དརྴ་ཡི་ངོས། །ཟློས་གར་བསྒྱུར་བའི་དྲིན་ལས་རིག་པའི་གནས། །སྨ་ཚེ་དབྱངས་ཅན་དགྱེས་པའི་འཛུམ་གྱིས་བསུ། །ལྷག་བསམ་རབ་དཀར་དྲི་བྲལ་ཡིད་ཀྱི་མཁར། །བསྟན་བཅོས་ཆུ་ལྷའི་བུ་ཡི་པུ་སྟ་ཀས། །སྐྱེ་རྒུའི་ཉོན་མོངས་འདུ་བ་འཁྲུགས་པའི་ནད། །ལེགས་བཤད་ཆུ་ཀ…

བ་གཉིས་པ་རྗེ་བཙོང་ཁ་པའི་བསྟན་ལ་ཞུགས་པས་རྒྱུ་མཚན་ཤེས་ནས་མི་ལྡོག་པའི་དད་པ་ཐོབ་ཀྱང་། འཐད་ལྡན་གྱི་གྲུབ་པའི་མཐའ་རྣམས་ལ་ཆོས་སྤོང་གི་སྒྲིབ་པས་མ་སྦགས་ཤིང་། བཅུ་ཕྲག་རིག་པའི་གནས་ལ་བློ་གྲོས་ཀྱི་འཇུག་པ་ཅུང་ཟད་ཤར་བའི་ཟ་ཧོར་གྱིས་རིགས་ལས་ལོ་རྒྱུས་སྨྲ་བའི་བཙུན་པ་ངག་དབང་བློ་བཟང་རྒྱ་མཚོ། མིང་གཞན་ཚངས་སྲས་བཞད་པའི་རྡོ་ར…