བཅོམ་ལྡན་ཀུན་ཏུ་བཟང་པོ་ཡི། །ལྷུན་གྲུབ་སྐུ་ལ་ཕྱག་བཙལ་ནས། །ཐིག་ལེ་མཐོང་བརྡོལ་རྒྱུད་གསུངས་པ། །སྟོན་པ་ཀུན་ཏུ་བཟང་པོ་ཡིས། །གནས་ནི་ཐིག་ལེ་མཁའ་ཁྱབ་ཏུ། །འཁོར་ནི་རང་བྱུང་ཡེ་ཤེས་ལ། །དུས་ནི་ཐམས་ཅད་རང་བྱུང་དུས། །བསྟན་ནི་གཉིས་མེད་ཐིག་ལེའོ། །ཞེས་གསུངས་སོ། །ཀུན་ཏུ་བཟང་པོས་བཀའ་སྩལ་པ། །འཁོར་གྱི་རྡོ་རྗེ་སེམས་དཔའ་ཁྱོད…

རྒྱ་གར་སྐད་དུ། ཏནྟྲ་གྲ་རཱ་ཛ་སཱུརྻ་ཙནྡྲ་པྲ་བྷཱ་ཙྭ་ལ་ཨཱ་ཀ་ཤཱ་བརྟྟ་བི་ཤུཌྜྷ་ས་མུ་དྲཱ་བརྟྟ་པྲ་ཀ་ཊ་ཏནྟྲ་ནཱ་མ། བོད་སྐད་དུ། རྒྱུད་ཀྱི་རྩེ་རྒྱལ་ཉི་ཟླ་འོད་འབར་མཁའ་ཀློང་རྣམ་དག་རྒྱ་མཚོ་ཀློང་གསལ་གྱི་རྒྱུད་ཅེས་བྱ་བ། སྔོན་ཐོག་མའི་སངས་རྒྱས་སྐྱེ་མེད་ཀ་དག་ལ་ཕྱག་འཚལ་ལོ། །འདི་སྐད་བདག་གིས་ཅི་ཡང་མ་ཐོས་པ་གང་དུ་ཡང་མཚོན་བར…

པ་དང་ཞུས་ཚིག་ཉི་ཤུ་རྩ་གཅིག་གི་གླེང་སློང་བསྟན་པའི་ལེའུ་སྟེ་དང་པོའོ།། །།དེ་ནས་གསལ་དག་རིན་ཆེན་གྱིས། །སྐྱེ་མེད་ཀ་དག་སྟོན་པ་ལ། །དངོས་པོ་གཤིས་ཀྱི་གནས་ལུགས་ཇི་ལྟར་གནས། །ཞུས་པས། སྟོན་པའི་རྒྱལ་པོ་སྐྱེ་མེད་ཀ་དག་གིས། །འཁོར་གྱི་དམ་པ་གསལ་དག་རིན་ཆེན་ལ། །རྫོགས་ཆེན་རྒྱལ་པོ་ཉི་ཟླའི་སྙིང་པོ་བཤད། །འཁོར་རྣམས་མ་ཡེངས་གུས…

པས་འགྲུབ་པར་མ་གསུངས་སོ། །དངོས་མེད་ཆེན་པོར་ཡེ་ནས་གྲོལ། །ཟང་ཐལ་ཆེན་པོར་ཡེ་ནས་གྲོལ། །སྤྱི་ཕུད་ཐོད་རྒལ་ཆེན་པོར་གནས། །ཞེས་གསུངས་སོ། །རྒྱུད་ཀྱི་རྩེ་རྒྱལ་ཉི་ཟླ་འོད་འབར་མཁའ་ཀློང་རྣམ་དག་རྒྱ་མཚོ་ཀློང་གསལ་གྱི་རྒྱུད་ལས། དངོས་པོ་གཤིས་ཀྱི་གནས་ལུགས་བསྟན་པའི་ལེའུ་སྟེ་གཉིས་པའོ།། །།དེ་ནས་གསལ་དག་རིན་ཆེན་གྱིས། །སྐྱེ་མེ…

ཞེ་འདོད་བྱ་རྩལ་ཡན་ལག་རྩལ། །འགྱུས་ཚད་རིག་ཚད་ཡན་ལག་རྩལ། །རྟགས་ཚད་མ་ལུས་རོལ་པའི་རྩལ། །འཆད་ཚད་བརྗོད་ཚད་ཐམས་ཅད་ང་ཡི་རྩལ་དུ་ཤར། །ཞེས་གསུངས་སོ། །རྒྱུད་ཀྱི་རྩེ་རྒྱལ་ཉི་ཟླ་འོད་འབར་མཁའ་ཀློང་རྣམ་དག་རྒྱ་མཚོ་ཀློང་གསལ་གྱི་རྒྱུད་ལས། འོད་གསལ་རྩལ་དང་ཡན་ལག་བསྟན་པའི་ལེའུ་སྟེ་གསུམ་པའོ།། །།དེ་ནས་གསལ་དག་རིན་ཆེན་གྱིས། །སྐ…

སྟོང་ལས་ཀུན་འབྱུང་སྟོང་པར་གྲོལ། །མེད་ལས་སྣ་ཚོགས་མེད་པར་གྲོལ། །ཐོལ་བྱུང་ཡིད་རིག་བྱུང་ཚད་གྲོལ། །ཝལ་བྱུང་དྲན་རྟོག་སྙིང་པོར་གྲོལ། །གཟུགས་སུ་སྣང་ཚད་བདེ་གཤེགས་སྐུ་རུ་གྲོལ། །སྒྲ་སྐད་ཐམས་ཅད་གྲགས་སྟོང་གསུང་དུ་གྲོལ། །དྲན་རྟོག་ཐམས་ཅད་སངས་རྒྱས་ཐུགས་སུ་གྲོལ། །ཁམས་གསུམ་སེམས་ཅན་ལུས་ངག་ཡིད་གསུམ་དེ། །དུས་གསུམ་སངས་རྒ…

འཁོར་འཁྲུལ་འཁོར་གཉིས་མེད་དབྱེར་མི་ཕྱེད། །མ་རིག་ཡེ་ཤེས་གཉིས་མེད་དབྱེར་མི་ཕྱེད། །འཁྲུལ་དང་མ་འཁྲུལ་གཉིས་མེད་དབྱེར་མི་བྱེད། །རྟོགས་དང་མ་རྟོགས་གཉིས་མེད་དབྱེར་མི་ཕྱེད། །སངས་རྒྱས་སེམས་ཅན་གཉིས་མེད་དབྱེར་མི་ཕྱེད། །འཁོར་བ་མྱང་འདས་གཉིས་མེད་དབྱེར་མི་ཕྱེད། །སངས་རྒྱས་འགྲོ་དྲུག་གཉིས་མེད་དབྱེར་མི་ཕྱེད། །སྣང་སྲིད་སྣ…

དེ་ནས་གསལ་དག་རིན་ཆེན་གྱིས། །སྐྱེ་མེད་ཀ་དག་སྟོན་པ་ལ། །བློ་འདས་ཐེག་པ་ཇི་ལྟར་བཤད། །ཞུས་པས། སྟོན་པས་འཁོར་ལ་བཀའ་སྩལ་པ། །བློ་འདས་རང་ལ་བརྗོད་མེད་ཀྱང་། །འཁོར་གྱི་རྟོག་པ་བསལ་ཕྱིར་བཤད། །ཡང་ཏི་ཉི་ཟླའི་སྙིང་པོ་ཐེག་པའི་སྤྱི་ཕུད་འདི། །ཐེག་པའི་གོང་བརྒལ་རྫོགས་ཆེན་གཉའ་གཅོག་ཡིན། །ཉི་ཟླའི་སྙིང་པོ་ཐེག་དགུ་ཐོད་རྒལ་འདི། …

ཆེན་པོར་བཤད། །རྣམ་རྟོག་ཆོས་ཉིད་ཆེན་པོར་བཤད། །མཚན་མའི་ཆོས་རྣམས་གཟིགས་མོར་བཤད། །བྱ་བཙལ་མེད་པའི་ཆོས་སུ་བཤད། །རྩོལ་སྒྲུབ་མེད་པའི་ཆོས་སུ་བཤད། །ཞེ་འདོད་མེད་པའི་ཆོས་སུ་བཤད། །ལྟ་སྒོམ་སྤྱོད་འབྲས་མེད་པའི་ཆོས་སུ་བཤད། །དངོས་གྲུབ་ཡིད་སྨོན་མེད་པའི་ཆོས་སུ་བཤད། །སྐུ་དང་ཡེ་ཤེས་རང་ལ་ཚང་བའི་ཆོས་སུ་བཤད། །བློ་ཟད་གྲུབ་མཐ…

གྲུབ་པར་འདོད། །བྱེ་བྲག་པ་ནི་བསྐོར་བ་བར་དང་བཅས་པར་འདོད། །དེ་ཡང་གཞུང་ལས་ཕྱི་ཡི་ཡུལ། །ཡུལ་ནི་ཕྲ་རབ་རྡུལ་དུ་སྣང་། །ཞེས་གསུངས་སོ། །རང་སངས་རྒྱས་ཀྱི་འདོད་པ་ནི། །རྡུལ་མིན་ཡུལ་གྱི་རྣམ་པ་སྟོང་། །རྣམ་པར་རིག་བྱེད་མ་ཡིན་འདོད། །ཅེས་གསུངས་སོ། །སེམས་ཙམ་པ་ཡི་འདོད་པ་ནི། །རྣམ་བདེན་རྣམ་རྫུན་རྣམ་གཉིས་ཏེ། །སེམས་ཙམ་རྣམ་བད…

ཚུགས་མེད། །ཡོ་ག་པ་ཡི་ཐེག་པ་ནི། །ཕྱི་ཡི་ཡུལ་དུ་སྣང་བ་དེ། །རིགས་ལྔ་ལྷ་ཡི་སྣང་བར་འདོད། །སྐྱེ་འགག་གཉིས་སུ་སྣང་བ་ལ། །དེ་ཡང་སྤུན་དང་གྲོགས་པོའི་ཚུལ། །ཞེས་གསུངས་སོ། །ནང་རྒྱུད་སྡེ་གསུམ་ཐེག་པ་ལ། །མ་ཧཱ་ཡོ་གའི་ཐེག་པ་ནི། །སྣང་བ་ཐམས་ཅད་ལྷ་དང་ལྷ་མོའི་དཀྱིལ་འཁོར་དུ། །ཕུང་པོ་ལྔ་ནི་རིགས་ལྔའི་ལྷ་རུ་བསྒོམ། །རྣམ་ཤེས་ཚོག…

མེད་པ་རུ། །ཟང་ཀ་རྣལ་མར་གནས་པའོ། །སྐྱེ་མེད་དངོས་མེད་འབྲས་བུ་བློ་ལས་འདས། །ཨེ་མ་ངོ་མཚར་རྨད་བྱུང་ཆོས། །གཞན་ལས་མི་འབྱུང་ཨ་ལས་བྱུང་། །ཨ་ལ་ལ་ཧོ། མ་ལུས་རིལ་པོར་ཀ་དག་ཆེན་པོར་གྲོལ། །ཞེས་གསུངས་སོ། །རྒྱུད་ཀྱི་རྩེ་རྒྱལ་ཉི་ཟླ་འོད་འབར་མཁའ་ཀློང་རྣམ་དག་རྒྱ་མཚོ་ཀློང་གསལ་གྱི་རྒྱུད་ལས། སྤྱི་ཏིའི་ཐེག་པ་བསྟན་པའི་ལེའུ་སྟེ…

བཞིན་མ་ཆགས་བདེ་བའི་མཆོག །བལྟ་མི་བལྟ་ཡི་ལྟ་བ་མེད། །ལྟ་བ་རྩོལ་བས་སྒྲུབ་ཏུ་མེད། །བསྒོམ་མི་བསྒོམ་གྱི་སྒོམ་པ་མེད། །བསྒོམ་པ་རྩོལ་བས་བསྒྲུབ་ཏུ་མེད། །སྤྱོད་མི་སྤྱོད་ཀྱི་སྤྱོད་པ་མེད། །སྤྱོད་པ་རྩོལ་བས་བསྒྲུབ་ཏུ་མེད། །བསྒྲུབ་མི་བསྒྲུབ་ཀྱི་བསྒྲུབ་ཏུ་མེད། །འབྲས་བུ་རྩོལ་བས་བསྒྲུབ་ཏུ་མེད། །ཕྲིན་ལས་རྩོལ་བས་བསྒྲུབ་ཏ…

བསྒྲུབ་རྩོལ་བས་མ་སྤངས་པར། །ཀ་དག་དངོས་མེད་སྐྱེ་མེད་བྱར་མེད་བློ་ལས་འདས། །གནས་ལུགས་སྙིང་པོ་ཆིག་ཆོད་པ། །ཆོས་ཉིད་ཡང་དག་ངེས་པ་མ་ནོར་བ། །ཆིག་ཆོད་ཆོས་སྐུ་ལྷུན་གྲུབ་ཟང་ཐལ་ཡེ་ནས་གྲོལ། །ཡེ་དག་ཡེ་གསལ་ཡེ་གྲུབ་ཡེ་གནས་སོ། །ཡང་ཏི་ཉི་ཟླའི་སྙིང་པོ་ལ། །ད་གདོད་བྱ་བཙལ་རྩོལ་སྒྲུབ་ག་ལ་ཡོད། །ཅེས་གསུངས་སོ། །རྒྱུད་ཀྱི་རྩེ་རྒ…

རྒྱུད་ཀྱི་རྩེ་རྒྱལ་ཉི་ཟླ་འོད་འབར་མཁའ་ཀློང་རྣམ་དག་རྒྱ་མཚོ་ཀློང་གསལ་གྱི་རྒྱུད་ལས། ཡང་ཏི་རྩོལ་སྒྲུབ་འདས་པ་ལ་ལྟ་སྒོམ་སྤྱོད་འབྲས་མི་དགོས་པར་བསྟན་པའི་ལེའུ་སྟེ་བཅུ་གཉིས་པའོ།། །།དེ་ནས་གསལ་དག་རིན་ཆེན་གྱིས། །སྐྱེ་མེད་ཀ་དག་སྟོན་པ་ལ། །ཐེག་དགུ་སྤང་ངམ་ཇི་ལྟར་བགྱི། །ཞེས་ཞུས་པས། སྟོན་པས་འཁོར་ལ་བཀའ་སྩལ་པ། །ཡང་ཏི་ཉི་…

ལ། །རེ་བར་བྱང་འམ་ཡེ་ནས་རྫོགས། །ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ། །ཡང་ཏི་ཉི་ཟླའི་སྙིང་པོ་ལ། །འཇུག་པའི་དཀྱིལ་འཁོར་རེ་བའི་དངོས་གྲུབ་མེད། །ཆོས་ཉིད་བྱང་ཆུབ་སེམས་ཀྱི་དཀྱིལ་འཁོར་ནི། །གདོད་ནས་གསལ་བས་འདྲིར་མི་རེ། །མཁའ་ཀློང་རྣམ་དག་ཆོས་དབྱིངས་དཀྱིལ་འཁོར་ན། །རང་བྱུང་སྙིང་པོའི་ལྷ་ཚོགས་ངང་གིས་གསལ། །ད་གདོད་…

རྩོལ་བསྒྲུབ་བྱས་ནས་བཞུགས་པ་མ་ཡིན་ཏེ། །ཡེ་ཐོག་མ་ཉིད་ནས་བཞུགས་པ་ཡིན། །ཡེ་ནས་བཞུགས་པས་སྤྱན་མི་འདྲེན། །གདོད་ནས་དག་པས་སྒྲིབ་མི་སྦྱང་། །ཀ་ནས་དག་པས་ད་མི་མཆོད། །ཡེ་ནས་བཟང་བས་བསྟོད་མི་དགོས། །རང་ལ་རང་གནས་གཤེགས་བཞུད་མེད། །གོང་དུ་བཤད་པའི་དོན་རྟོགས་ན། །དེ་ལས་མི་འདའ་དམ་ཚིག་ཡིན། །ཀ་དག་སྐྱེ་མེད་དོན་རྟོགས་ན། །དེ་ལས་…

གསལ་གྱི་རྒྱུད་ལས། ཡང་ཏི་གནས་ལུགས་ཀྱི་དཀྱིལ་འཁོར་བསྟན་པའི་ལེའུ་སྟེ་བཅུ་བཞི་པའོ།། །།དེ་ནས་གསལ་དག་རིན་ཆེན་གྱིས། །སྐྱེ་མེད་ཀ་དག་སྟོན་པ་ལ། །དཀྱིལ་འཁོར་ཆེན་པོ་དེ་ལྟར་ན། །དབང་བསྐུར་བྱིན་བརླབ་འཚལ་མི་འཚལ། །ཞེས་ཞུས་པས། སྟོན་པས་འཁོར་ལ་བཀའ་སྩལ་པ། །རྫོགས་ཆེན་ཡང་ཏི་རྟོགས་པ་ལ། །བྱིན་བརླབ་དབང་བསྐུར་མི་དགོས་ཏེ། །རང་…

བྱིན་བརླབ་གཞན་ནས་རེ་མི་དགོས་པར་བསྟན་པའི་ལེའུ་སྟེ་བཅོ་ལྔ་པའོ།། །།དེ་ནས་གསལ་དག་རིན་ཆེན་གྱིས། །སྐྱེ་མེད་ཀ་དག་སྟོན་པ་ལ། །ཚོགས་དང་གཏོར་མ་མ་བཏང་བར། །ཚོགས་བསགས་སྨོན་ལམ་ཇི་ལྟར་རྫོགས། །ཞེས་ཞུས་སོ། །སྟོན་པས་འཁོར་ལ་བཀའ་སྩལ་པ། །རྫོགས་ཆེན་ཡང་ཏི་ཡོ་ག་ལ། །ཚོགས་དང་གཏོར་མ་མི་དགོས་ཏེ། །ཚོགས་གསོག་གཏོར་མ་དགོས་ན་ཡང་ཏི་མ…

འཁྲུལ་པ་ཡོད་དམ་མེད། །ཞེས་ཞུས་པས། སྟོན་པས་འཁོར་ལ་བཀའ་སྩལ་པ། །ཡང་ཏི་ཉི་ཟླའི་སྙིང་པོ་རྟོགས་པ་ན། །གོལ་སྒྲིབ་འཁྲུལ་པ་གང་ཡང་མེད། །ཡེ་ནས་ཐོག་མའི་དོན་རྟོགས་གོལ་དུ་མེད། །སྐྱེ་མེད་ཀ་དག་རྟོགས་པས་སྒྲིབ་པ་མེད། །བྱར་མེད་བློ་འདས་རྟོགས་པས་འཁྲུལ་དུ་མེད། །ཡེ་ཤེས་སྤྱི་བླུགས་རྟོགས་པས་ཐེག་པའི་གོལ་སྒྲིབ་མེད། །ཡང་ཏི་ཡོ་ག་…