འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། འཇིག་རྟེན་པའི་གོལ་མེད་འབྲས་བུར་བསྟན་པའི་ལེའུ་སྟེ་བརྒྱ་དང་རེ་དྲུག་པའོ།། །།དེ་ནས་འདུས་པའི་འཁོར་རྣམས་ལ། །ཀུན་རིག་རྒྱལ་པོས་བཀའ་སྩལ་པ། །སྤང་བའི་རྟོག་པ་མེད་པའི་ཕྱིར། །རྣམ་རྟོག་མ་སྤངས་རང་ཞི་བས། །ཉན་ཐོས་འགོག་པར་དེ་མི་གོལ། །དེ་ཡང་ངེས་པའི་འབྲས་བུ་ཡིན། །རྟེན་འདྲེལ་བཅུ…

མེད་ཡོན་ཏན་ཀུན་ལྡན་དེ། །ཕྱི་ནང་ཆོས་རྣམས་རྫོགས་པར་ནི། །ང་ཡིས་བཤད་ཀྱི་ལེགས་པར་ཉོན། །ལྟ་སྒོམ་གཉིས་སུ་དོན་གནས་པའི། །རྣལ་འབྱོར་ངེས་པའི་སྐལ་ལྡན་དེ། །དད་པས་ཀུན་ནས་བསླང་བའི་ཕྱིར། །སྙིང་རྗེའི་རླན་དང་མ་བྲལ་བས། །སེམས་བསྐྱེད་རྣམ་གཉིས་དེ་ལ་རྫོགས། །གང་ལ་མི་རྟོག་རང་གསལ་བའི། །ཆོས་ཉིད་ངང་ཚུལ་གསལ་བ་ལ། །བྱིང་རྒོད་གཉིས…

པ་རྫོགས། །ཐོག་མཐའ་མ་རིག་སངས་པ་ལས། །ལུང་ལྡན་རང་རིག་དོན་ཤར་བས། །མ་རིག་མུན་པ་ཀུན་བཅོམ་ཕྱིར། །སྟོབས་ཀྱི་ཕ་རོལ་ཕྱིན་པ་རྫོགས། །རང་བྱུང་ངོ་བོ་ཉིད་ཀྱི་སྐུ། །ཆོས་ཀུན་རྩ་བར་རབ་རྟོགས་པས། །ཡོན་ཏན་མ་ལུས་ཀུན་འདུས་ཕྱིར། །ཡེ་ཤེས་ཕ་རོལ་ཕྱིན་པ་རྫོགས། །ད་ཡང་འདུས་པའི་སྙིང་པོ་ཉོན། །སངས་རྒྱས་ཀུན་གྱི་མཛད་སྤྱོད་ལ། །ཐ་མལ་སྤ…

ཕྱིར། །གཉིས་མེད་དོན་ལ་མི་རྟོག་པས། །ཕྱོགས་ཅན་ལྟ་བར་དེ་མི་གོལ། །དེ་ཡང་ངེས་པའི་འབྲས་བུ་ཡིན། །ཚོགས་བརྒྱད་གོལ་སར་ཤེས་པའི་ཕྱིར། །སེམས་ཉིད་དོན་ལ་མི་རྩོལ་བས། །མཉམ་ཉིད་དོན་ལ་མི་འགྱུར་ཕྱིར། །ཆོས་ཀྱི་སྐུ་ལ་གོལ་ས་མེད། །རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། སྔགས་ཕྱི་ནང་དུ་མི་གོ…

དང་མཉམ་པའི་རྒྱུད་ལས། སྒྲིབ་པ་མེད་པའི་འབྲས་བུ་ཉམས་སུ་བླང་བ་བསྟན་པའི་ལེའུ་སྟེ་བརྒྱ་དང་བདུན་ཅུ་པའོ། །སྡོམ་དུ་བསྡུས་ཏེ་བསྟན་པ་སོ་བཞི་པའོ།། །།དེ་ནས་རྡོ་རྗེ་སེམས་དཔའ་ཡིས། །འདུས་པའི་ཚོགས་ལ་ཕན་གདགས་ཕྱིར། །ཀུན་རིག་སྟོན་པ་ཆོས་རྗེ་ལ། །ངེས་པའི་དགོངས་དོན་འདི་སྐད་གསོལ། །སེམས་ལས་མ་བྱུང་སངས་རྒྱས་དང་། །རྒྱུ་ལས་མ་བྱུ…

ལས་མ་བྱུང་སངས་རྒྱས་ཡིན། །སྣང་མེད་རང་བྱུང་ཆོས་ཉིད་ལ། །ཡུལ་དུ་བྱས་པ་མེད་པའི་ཕྱིར། །ལྷ་མེད་བསྒོམ་རྒྱུ་ག་ལ་ཡོད། །དེ་ཕྱིར་སེམས་ནི་ཀུན་བརྟགས་ཡིན། །གང་ཡང་མ་བསྒོམས་ཆོས་ཉིད་ནི། །སེམས་ཀྱི་ཡུལ་ལས་འདས་པའི་ཕྱིར། །སེམས་ལས་མ་བྱུང་རང་བྱུང་སྟེ། །སངས་རྒྱས་ཀུན་གྱི་དགོངས་པ་ཡིན། །ད་ཡང་རྡོ་རྗེ་སེམས་དཔའ་ཉོན། །སེམས་ནི་མ་རི…

མེད། །སྤྲོས་མེད་ཆོས་སྐུ་རང་བྱུང་ལ། །རང་སེམས་བྲལ་བས་དམིགས་པ་མེད། །དམིགས་མེད་ཆོས་ཀྱི་སྐུ་ཞེས་བྱ། །སེམས་ལ་དུས་གསུམ་ཡོད་པའི་ཕྱིར། །ཚེ་ལ་སྔ་ཕྱི་ད་ལྟ་འབྱུང་། །སེམས་ལ་འཕོ་འགྱུར་ཡོད་པའི་ཕྱིར། །དེ་ཕྱིར་ལུས་ལ་སྐྱེ་འཆི་འབྱུང་། །ན་ཚ་བདེ་སྡུག་སྣ་ཚོགས་པ། །རང་སེམས་ཡིན་ཕྱིར་འཁོར་བར་སྨིན། །དེ་ཕྱིར་སེམས་ནི་སངས་རྒྱས་མ…

སངས་རྒྱས་བསྟན་པའི་ལེའུ་སྟེ་བརྒྱ་དང་དོན་གཅིག་པའོ།། །།དེ་ནས་འདུས་པའི་ཚོགས་རྣམས་ལ། །རྒྱུ་ལས་མ་བྱུང་འབྲས་བུ་དེ། །ཀུན་རིག་རྒྱལ་པོས་བཀའ་སྩལ་པ། །རྒྱུ་རྐྱེན་མེད་པའི་མཐུན་དཔེ་ནི། །ནོར་བུ་རིན་ཆེན་ཀུན་ལྡན་བཞིན། །ཆོས་སྐུ་རྒྱུ་ལ་རག་མ་ལུས། །རྐྱེན་ལ་མི་ལྟོས་སྨོས་ཅི་དགོས། །ད་ཡང་འདུས་པའི་སྙིང་པོ་ཉོན། །རྒྱུ་ནི་འདུས་བ…

དང་ཤེས་རབ་ཡིན་ཞེས་ཟེར། །ཇི་སྲིད་ཐབས་ལ་བརྟེན་གྱི་བར། །ཆང་དང་དུག་བསྲེས་འཆི་བ་འདྲ། །དེ་ཕྱིར་རང་བྱུང་ཐབས་མི་དགོས། །ཐབས་ནི་མ་རིག་དྲང་བ་ཙམ། །ཡེ་ཤེས་ཟང་ཐལ་རྒྱུས་མ་བསྐྱེད། །རྒྱུ་མེད་འབྲས་བུ་ཤེས་པས་ཆོག །ད་ཡང་རྡོ་རྗེ་སེམས་དཔའ་ཉོན། །རང་བྱུང་སྟོབས་ཀྱི་འབྱུང་བའི་དཔེ། །ལྷ་ཡི་པཉྩཱ་ལི་ཀ་བཞིན། །རྒྱུ་རྐྱེན་མ་བསྐྱེད་ར…

པ། །སངས་རྒྱས་ཀུན་གྱི་ཡེ་ཤེས་སྐུ། །རང་བྱུང་ངོ་བོ་རྟོགས་ལས་བྱུང་། །འདུས་མ་བྱས་ཀྱི་ནམ་མཁའ་འདྲ། །གང་ཡང་མེད་པའི་སྔོན་རོལ་དུ། །རང་བྱུང་ངོ་བོ་ཉིད་ཀྱི་གཞི། །ལུང་ལས་མ་བརྟེན་གདམས་ངག་ཆོས། །རང་གི་རིག་པས་རང་རྟོགས་ཕྱིར། །འཁྲུལ་མ་མྱོང་ལ་རྟོགས་མ་མྱོང་། །དེ་ཚེ་འཁོར་འདས་འབྱུང་བ་མེད། །གཞི་ཤེས་རང་བྱུང་རིག་པ་ལ། །གཞི་ནས་…

སངས་རྒྱས་ཡིན། །དེ་མེད་ཆོས་རྣམས་མ་ལུས་ཀུན། །སྤྲེའུ་འདྲའི་ལུང་གིས་བསླད་པ་ཡིན། །ཐེག་དགུའི་ཆོས་ཀུན་རྐྱེན་གྱིས་བྱས། །དེ་ཕྱིར་ངེས་དོན་བཀའ་མ་ཡིན། །དེར་བརྟེན་སྒྲུབ་ཐབས་བསྟན་ཆོས་སོགས། །བྱས་པའི་ཆོས་ཀུན་ཤིན་ཏུ་ནོར། །དེས་བརྩམས་མཁས་པའི་ཡིན་ཟེར་ནས། །བསྟོད་ར་ལོ་རྒྱུས་མང་བཤད་ཀྱང་། །སྤྲེའུ་འདྲའི་ལུང་གིས་དམ་ཆོས་བསླད།…

ལམ་ལ་རག་མ་ལུས། །ཡུལ་ལས་མ་སྐྱེས་ཆོས་སྐུ་དེ། །ལུང་ལྡན་རྐྱེན་གྱིས་རྟོགས་པས་ཆོག །རྡོ་རྗེ་སེམས་ལ་བརྟེན་པའི་ཕྱིར། །ད་ཡང་རྡོ་རྗེ་སེམས་དཔའ་ཉོན། །རང་ལ་ཡོད་ཀྱིས་གཞན་མ་བལྟ། །གང་གི་རྟོགས་པ་མ་ཞུགས་ཤིང་། །ཤེས་པ་རང་གསལ་འདི་ཉིད་ནི། །ཆོས་སྐུར་ཤེས་པས་ཆོག་པའི་ཕྱིར། །ཆོས་ཉིད་ངང་ལ་ཐུག་མ་གཅོད། །ལྟ་བའི་རྒྱུན་ལ་བརྗེད་མ་ངེས…

བསྟན་པས་བྱུང་བ་ཡིན། །དེ་ཕྱིར་བླ་མའི་བཀའ་འདི་གཅེས། །རང་བྱུང་སྙིང་པོ་བྱང་ཆུབ་ལ། །རྩོལ་བར་བྱ་བ་མིང་ཡང་མེད། །བྱ་དགོས་འཁོར་བ་ལུང་མ་བསྟན། །སེམས་ཀྱིས་ཆོས་སྐུ་ཁྱོད་ལ་བྱེད། །ད་ཡང་འཁོར་གྱི་སྙིང་པོ་ཉོན། །ནམ་མཁའི་ཆ་ལ་བགོས་མ་བྱེད། །བརྫུན་གྱིས་བདེན་པ་མ་བསླུ་བར། །ཚིག་མང་བཤད་པས་ཆོས་མ་བསླད། །ཚིག་ཏུ་ཉུང་ལ་དོན་དུ་འདྲི…

རྣལ་འབྱོར་སྣང་བའི་འོད་བྱུང་བ། །གཞའ་ཚོན་རང་བཞིན་མེད་ཤེས་ལྟར། །དམ་པར་ཤེས་པའི་བློ་མི་འབྱུང་། །འོད་གསལ་བདུད་ནི་ཟིལ་གནོན་རྟགས། །དོན་རྟོགས་རྣལ་འབྱོར་དམ་པ་ཡིས། །སྒྲ་ཡི་རྣམ་པ་གང་ཐོས་ཚེ། །སྒྲ་བརྙན་རྟག་པ་མེད་ཤེས་པས། །རྗེས་འབྲང་འཛིན་པའི་སེམས་བྲལ་ཕྱིར། །གྲགས་སྒྲ་བདུད་ནི་ཟིལ་གནོན་རྟགས། །རྣལ་འབྱོར་འཇིགས་གཟུགས་མཐོ…

མེད་རྟོགས་ཕྱིར། །ལོངས་སྤྱོད་བདུད་ནི་ཟིལ་གནོན་རྟགས། །རྣལ་འབྱོར་གནས་ལ་ཞེན་པའི་ཚེ། །མགྲོན་པོ་ཡུལ་སླེབ་འཇིགས་མེད་ལྟར། །མ་བཀོལ་ཏིང་འཛིན་གྲོགས་སུ་ཆེ། །ཞེན་པའི་བདུད་ནི་ཟིལ་གནོན་རྟགས། །རྣལ་འབྱོར་གཡེང་བའི་བདུད་བྱུང་ཚེ། །མེ་ལ་ཤིང་བསྣན་ཇི་བཞིན་དུ། །རྣམ་རྟོག་ཡེ་ཤེས་སྐུལ་མར་ཤེས། །གཡེངས་བདུད་ཟིལ་གྱིས་གནོན་པའི་རྟག…

བརྒྱ་དང་དོན་དྲུག་པའོ།། །།ད་ཡང་འདུས་པའི་སྙིང་པོ་ཉོན། །ངེས་དོན་རྟོགས་པའི་རྣལ་འབྱོར་པ། །ལན་ཅིག་སྐྱེ་འཆིའི་བདུད་བྱུང་ཚེ། །ཡེ་ཤེས་ཆོས་སྐུའི་གཟུགས་བརྙན་ནི། །ལོངས་སྤྱོད་རྫོགས་དང་སྤྲུལ་སྐུ་འབྱུང་། །ད་ཡང་འདུས་པའི་སྙིང་པོ་ཉོན། །འཇིག་རྟེན་དག་པར་རྟོགས་པའི་ཚེ། །དམྱལ་བའི་བཙོ་བསྲེགས་འཇིགས་པའི་སྒྲ། །ངུ་འབོད་ཙེར་ལྷང…

དེ་ལས་ཞེན་མེད་ཀྱང་བྱུང་ཉམས་མེད་རྒྱལ་བའི་གནས། །རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། ལྟ་སྒོམ་གྱི་བདུད་ཟིལ་གྱིས་གནོན་པའི་རྟགས་དང་འབྲས་བུ་བསྟན་པའི་ལེའུ་སྟེ་བརྒྱ་དང་དོན་བདུན་པའོ།། །།དེ་ནས་འདུས་པའི་འཁོར་རྣམས་ལ། །ཀུན་རིག་སྟོན་པས་བཀའ་སྩལ་པ། །རྣམ་སྨིན་ལུས་ཀྱི་སྒོ་ལྔ་ཡི། །འ…

བྱུང་འཇིགས་མེད་ཉམས་དང་ལྡན། །ལུས་མེད་ཡེ་ཤེས་ཆོས་སྐུར་གསལ། །ད་ཡང་འདུས་པའི་སྙིང་པོ་ཉོན། །ལུང་བསྟན་བདུད་ནི་ཟིལ་ནོན་ན། །ཡང་དག་བཀའ་ལ་ཡིད་ཆེས་པས། །ལུང་སྟོན་རང་བྱུང་རོལ་པར་ཤེས། །བླང་དོར་མེད་པའི་འབྲས་བུ་ཡིན། །ཉམས་ལ་ཞེན་པ་ཟིལ་ནོན་ན། །ཡོན་ཏན་བལྟར་མེད་འབྲས་བུ་སྟེ། །བདེན་པ་ངེས་པར་མཐོང་བའི་ཕྱིར། །ས་ནོན་སྒྲིབ་པ་ངེ…

གསུམ་གསུངས་པ་དེ་དག་ཀྱང་། །གདུལ་བྱའི་འཁོར་ལ་ཕྱེ་བ་ལས། །དོན་ལ་དབྱེར་མེད་ངོ་བོ་གཅིག །དེ་ཕྱིར་ཐིག་ལེ་ཉག་གཅིག་ཡིན། །རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། ཉམས་ཀྱི་བདུད་ཟིལ་གྱིས་ནོན་པའི་འབྲས་བུ་བསྟན་པའི་ལེའུ་སྟེ་བརྒྱ་དང་དོན་དགུ་པའོ། །སྡོམ་དུ་བསྡུས་ཏེ་བསྟན་པ་སོ་དྲུག་པའོ།། …

གཟུགས་ཁམས་བཅུ་བདུན་དེ་མི་འཁོར། །ཁྱུང་དང་རིན་ཆེན་ཀླུ་བདག་བཞིན། །ལུང་ལྡན་ངེས་པའི་གདམས་ངག་གིས། །ཆོས་སྐུ་རང་རིག་ངོས་ཟིན་ཕྱིར། །ཀུན་གཞི་དུག་གསུམ་རྩད་ནས་བཅད། །དེ་ཕྱིར་རང་བྱུང་དོན་འདི་གཅེས། །ད་ཡང་རྡོ་རྗེ་སེམས་དཔའ་ཉོན། །ཡེ་ཤེས་སྤྱི་བླུགས་ཆེ་བ་ཡིས། །གོལ་ས་ཕྱི་ནང་ཆོད་པའི་ཕྱིར། །ངེས་པའི་དོན་ལ་བསྒོམ་མི་དགོས། །ག…