བ་གང་ཡང་ཡོད་མ་ཡིན། །དངོས་མེད་མིང་མེད་མཚོན་ལས་འདས། །དེ་བཞིན་སངས་རྒྱས་སེམས་ཅན་གཉིས། །གང་ཡང་བཏགས་གྲུབ་མེད་པའི་ཚེ། །གང་ཡང་མ་གྲུབ་ཅིར་མི་སྣང་། །མིང་མེད་མཐའ་སྟོངས་བློ་ཡུལ་མིན། །ཡེ་སྟོང་གང་ལ་དངོས་པོ་མེད། །མངོན་སུམ་མི་སྣང་རང་བཞིན་ཁྱབ། །ཅེས་གསུངས་སོ། །རྒྱུད་ཐམས་ཅད་ཀྱི་རྒྱལ་པོ་ཉི་ཟླའི་སྙིང་པོ་འོད་འབར་བ་བདུད་ར…

ཐེག་པའི་འཇུག་པ་ལྟ་སྒོམ་ཇི་ལྟར་མེད། །རྣམ་རྟོག་སྡིག་པ་ཀ་ནས་ཇི་ལྟར་དག །བག་ཆགས་སྒྲིབ་པ་གཏན་ནས་ཇི་ལྟར་སངས། །སངས་རྒྱས་རྣམས་ཀྱི་ཐུགས་དགོངས་ཇི་ལྟར་འདུས། །ཆོས་རྣམས་ལ་བཟླ་ཆེན་པོ་ཇི་ལྟར་ལགས། །འཁྲུལ་ཆོད་བློ་ཟད་ཕུགས་སུ་ཇི་ལྟར་བསྐྱལ། །སྲིད་པ་ཐམས་ཅད་ལྟོ་ནས་ཇི་ལྟར་བཟློག །ཉོན་མོངས་དམག་དཔུང་ཆེན་པོ་ཇི་ལྟར་བཟློག །ཁམས་ག…

བཤད་ཀྱིས་གུས་པར་ཉོན། །ཨ་ཐང་འབོང་ཡང་ཏ་ཏི་ཨ། །གཏིང་ཡངས་དོན་གྱི་གནས་ལུགས་དེ། །ཅང་མེད་དངོས་མེད་བརྗོད་མེད་ཀྱང་། །རྟོག་པ་བསལ་ཕྱིར་རེ་ཞིག་བསྟན། །མུན་ཁུང་གསེར་འཚོལ་སྒྲོན་མེའི་དཔེས། །དོན་གྱི་གསེར་དང་སྤྲད་པར་བྱ། །གཏིང་ཡངས་དོན་གྱི་གནས་ལུགས་ནི། །སྔོན་ཐོག་ཅི་ཡང་མེད་པ་ཡིན། །ཐོག་མ་མིང་དང་བྲལ་བ་ཡིན། །གཞི་ལ་འཁྲུལ་པ་…

ཉིད་གཏིང་མཐའ་ཡངས་པ་ཡིན། །དངོས་པོ་དངོས་མེད་ཀུན་གྱི་བདག །ཆོས་ཉིད་གཏིང་མཐའ་ཡངས་པ་ཡིན། །དཔེ་མེད་ཟླ་མེད་མཚོན་དུ་མེད། །ཆོས་ཉིད་གཏིང་མཐའ་ཡངས་པ་ཡིན། །ཅིར་ཡང་མ་གྲུབ་ཅིར་ཡང་སྣང་། །ཆོས་ཉིད་གཏིང་མཐའ་ཡངས་པ་དང་། །གཏིང་ཡངས་ཆོས་ཉིད་དོན་གནས་ལུགས། །སྐྱེ་མེད་ཀ་དག་ཡིད་དབྱེར་མེད། །ཡེ་ནས་ཆོས་ཉིད་རྣལ་མའོ། །འབྲས་བུ་ཡེ་གྲུབ…

གཞི་མེད་ངང་ལས་ཀུན་གཞི་ཤར། །དངོས་མེད་ངང་ལས་དངོས་ཀུན་ཤར། །སྣང་མེད་ངང་ལས་སྣ་ཚོགས་ཤར། །ཡོད་མེད་ངང་ལས་འཁོར་འདས་ཤར། །གཉིས་མེད་ངང་ལས་མ་རིག་ཡེ་ཤེས་ཤར། །ཅིར་ཡང་གྲུབ་པ་མེད་པའི་ངང་ཉིད་ལས། །རང་བཞིན་ངོ་བོ་ཐུགས་རྗེ་གསུམ་དུ་ཤར། །རིག་དང་མ་རིག་རྣམ་གཉིས་ལས། །དེ་ལས་སྐུ་གསུམ་དུག་གསུམ་གཉིས་སུ་ཤར། །དེ་ལས་ཞིང་ཁམས་རྣམ་གསུམ…

རང་གྲོལ་གྱུར། །རྩོལ་བ་མེད་པར་རང་གནས་པས། །ཆོས་ཅན་སྣ་ཚོགས་རང་གྲོལ་གྱུར། །ཡིད་རིག་སེམས་བློ་དྲན་རྟོག་གིས། །གང་ལའང་རྟོག་དཔྱོད་མ་བཅུག་པས། །ཆོས་ཅན་སྣ་ཚོགས་རང་གྲོལ་གྱུར། །སྒོ་ལྔ་གསལ་དྭངས་ཆོས་དབྱིངས་ལ། །ཡིད་སེམས་འཛིན་རྟོག་མ་སྐྱེས་ན། །ཆོས་ཅན་སྣ་ཚོགས་རང་གྲོལ་གྱུར། །སྣང་བ་རང་སྣང་ཆེན་པོ་ལ། །འཛིན་རྟོག་མ་བཅུག་རང་ག…

ནད་གཅོད་དེ། །སྐུ་གསུང་ཐུགས་ཀྱི་བདུད་རྩིས་བཅོམ། །གསང་བ་སྐྱེ་མེད་ཀ་དག་གི། །བདུད་རྩི་ཆེན་པོ་བསྟན་པ་ནི། །ཆོས་ཉིད་གཏིང་མཐའ་ཡངས་པ་དང་། །ཆོས་ཅན་རིག་པ་མུ་མཐའ་གྲོལ། །སྙིང་པོ་སྐྱེ་བ་མེད་པ་དང་། །ཡན་ལག་མ་འགགས་ཀ་ནས་དག །དངོས་མེད་རྣལ་མར་གནས་པ་དང་། །སྙིང་པོ་ལྷུན་གྲུབ་འཕོ་འགྱུར་མེད། །གསང་བ་བློ་ཡི་སྤྱོད་ཡུལ་མིན། །སྐྱ…

ཡ་ཨུ་པ་ཡོ་ག་དང་། །དེ་དག་བློས་བརྟགས་བྱས་ཆོས་ཡིན། །མ་ཧཱ་ཨ་ནུ་ཨ་ཏི་གསུམ། །དེ་གསུམ་ལྟ་བ་གཉིས་སུ་བཟུང་། །གཞི་ལ་ཐོས་པ་ཁ་འབྱམས་པས། །བློས་བརྟགས་ཐེག་དགུས་དགོས་པ་མེད། །ཅེས་གསུངས་སོ། །ཉི་ཟླའི་སྙིང་པོ་བདུད་རྩིའི་རྒྱ་མཚོ་འཁྱིལ་པའི་རྒྱུད་ལས། ཐེག་པ་རིམ་དགུ་མི་དགོས་པར་བསྟན་པའི་ལེའུ་སྟེ་དགུ་པའོ།། །།དེ་ནས་རང་སྣང་འོད་…

སྟོང་གསལ་ཀུན་སྒྲོལ་མ་བྱ་བ་གཉིས་ཀྱིས། ཡུལ་མཁའ་ཀློང་ཀུན་འབྱུང་ཡངས་པ་ཅན་གྱི་ཕོ་བྲང་ཞེས་བྱ་བར། ཐབས་དང་ཤེས་རབ་གཉིས་སུ་མེད་པའི་སྦྱོར་བ་བྱས་པས། གཉིས་སུ་མེད་པའི་བྱིན་རླབས་ལས་བདུད་རྩི་དཀར་དམར་གྱི་ཆར་ནམ་མཁའ་ལ་བབས་པས་སེམས་ཅན་རྣམས་ཀྱིས་འཐུངས་པས་མགྲིན་པའི་ལམ་དུ་བརྒྱུད་དེ་ཐུགས་རྗེ་དབྱིངས་སུ་ཐིམ། སེམས་ཅན་ཐམས་ཅད་སྐ…

ཆགས་སྡང་གཅིག་ཀྱང་མ་ལུས་པ་རླུང་པོས་ཁྱེར་ནས་སྟོང་སངས་ཀྱིས་ཐལ་ལོ། །དེར་བར་སྣང་གསལ་བའི་ཁྲི་སྟེང་ན། སྣང་གསལ་འོད་ཀྱི་དཀྱིལ་འཁོར་ནས་གསལ་བའི་ཟླ་བ་ཤར་བས། གཏི་མུག་བག་ཆགས་སྒྲིབ་གཡོགས་ཀྱི་མུན་པའི་སྨག་རུམ་ཐམས་ཅད་དུས་གཅིག་ཏུ་སངས་ནས། དེ་ནས་རིན་པོ་ཆེ་གསལ་བའི་འོད་ལྔ་ཤར་ཏེ། འོད་དེའི་རང་བཞིན་གསལ་བ་ལ། སྣང་བ་ངང་དྭངས་ཏེ་…

བརྡའ་ཆོས་ཡིན་གསུངས་སོ། །ཉི་ཟླའི་སྙིང་པོ་འོད་འབར་བའི་བདུད་རྩིའི་རྒྱ་མཚོ་འཁྱིལ་པའི་རྒྱུད་ལས། འོག་ཀླུའི་འཇིག་རྟེན་དུ་བརྡའ་ཆོས་བསྟན་པའི་ལེའུ་སྟེ་བཅུ་གསུམ་པའོ།། །།དེ་ནས་རང་སྣང་འོད་གསལ་གྱིས། །མུ་མཐའ་ཡོངས་གྲོལ་སྟོན་པ་ལ། །གནད་ཀྱི་དགོས་དོན་གང་དུ་འདུས། །ཞེས་ཞུས་པས། སྟོན་པས་འཁོར་ལ་བཀའ་སྩལ་པ། །གནད་ཀྱི་དགོས་དོན་…

ཞེས་ཞུས་པས། སྟོན་པས་འཁོར་ལ་བཀའ་སྩལ་པ། །ཉོན་མོངས་མ་སྤངས་གྲོལ་ལུགས་ནི། །གཏི་མུག་མ་སྤངས་ཆོས་སྐུར་གྲོལ། །ཞེ་སྡང་མ་སྤངས་ལོངས་སྐུར་གྲོལ། །འདོད་ཆགས་མ་སྤངས་སྤྲུལ་སྐུར་གྲོལ། །ང་རྒྱལ་མ་སྤངས་དབྱེར་མེད་གྲོལ། །ཕྲག་དོག་མ་སྤངས་བདེ་ཆེན་གྲོལ། །ཞེས་གསུངས་སོ། །དུག་ལྔ་མ་སྤངས་རང་གྲོལ་བར་བསྟན་པའི་ལེའུ་སྟེ་བཅོ་ལྔ་པའོ།། །།…

བསྐལ་པ་སྟོང་དུ་བསགས་པའི་གཏི་མུག་དང་། །རང་བྱུང་འོད་གསལ་ཆེན་པོའི་ཉི་མ་ཤར། །མ་རིག་མུན་པའི་སྒྲིབ་གཡོགས་ཀ་ནས་དག །ཅེས་གསུངས་སོ། །མ་རིག་པའི་སྨག་རུམ་ཀ་ནས་དག་པར་བསྟན་པའི་ལེའུ་སྟེ་བཅུ་བདུན་པའོ།། །།དེ་ནས་རང་སྣང་ཁྱེའུ་ཆུང་གིས། །མུ་མཐའ་ཡོངས་གྲོལ་སྟོན་པ་ལ། །ང་བདག་དུག་གསུམ་ཇི་ལྟར་བསད། །ཅེས་ཞུས་པས། སྟོན་པས་འཁོར་ལ་བ…

འཁོར་བའི་སྡུག་བསྔལ་གྲོལ་ན་མྱ་ངན་འདས། །འཁོར་བའི་འཁྲུལ་སྣང་ཆོད་ན་མྱ་ངན་འདས། །འཁོར་བའི་ཆགས་སྡང་གྲོལ་ན་མྱ་ངན་འདས། །འཁོར་བའི་གཉེན་འདྲེལ་སྤངས་ན་མྱ་ངན་འདས། །འཁོར་བའི་འདམ་ནས་ཐོན་ན་མྱ་ངན་འདས། །གཟུང་འཛིན་སྒྲོག་ལས་གྲོལ་ན་མྱ་ངན་འདས། །འཛིན་རྟོག་རྟོད་ཕུར་ཕྱིན་ན་མྱ་ངན་འདས། །ཉོན་མོངས་རྒྱ་ནས་ཐར་ན་མྱ་ངན་འདས། །རྣམ་རྟོ…

ལ་རྣམ་གྲངས་དུ་མཆིས། དགྲ་དེའི་རྩ་བ་གང་དུ་མཆིས། དགྲ་དེ་ལ་ཇོ་བོ་ཡོད་དམ་མེད། ཡོད་ན་དགྲ་དེའི་ཇོ་བོ་ཇི་ལྟར་འདུལ། ཞེས་ཞུས་པ་དང་། ལས་ཀྱི་མཁའ་འགྲོ་མས་ལན་གསུངས་པ། སེམས་ཅན་ཐམས་ཅད་ལ་གནོད་ཅིང་འཚེ་བའི་དགྲ་ནི་དུག་ལྔ་ལགས་སོ། །དགྲ་དེའི་གྲངས་ནི་ཉོན་མོངས་བརྒྱད་ཁྲི་བཞི་སྟོང་ལགས་སོ། །དགྲ་དེའི་རྩ་བ་ནི་འགོང་པོ་ང་བདག་ཏུ་འད…

ཆོས་ཉིད་གཏིང་མཐའ་ཡངས་པ་སྟེ། །མིང་མེད་མཐའ་སྟོངས་ཀློང་དུ་གྱུར། །ཞེས་གསུངས་སོ། །མཁའ་འགྲོ་གསང་བའི་བརྡའ་ཆོས་བསྟན་པའི་ལེའུ་སྟེ་ཉེར་གཉིས་པའོ།། །།དེ་ནས་རང་སྣང་ཁྱེའུ་ཆུང་གིས། །མུ་མཐའ་ཡོངས་གྲོལ་སྟོན་པ་ལ། །ཐེག་པའི་གྲུབ་མཐའ་ཇི་ལྟར་མེད། །ཅེས་ཞུས་པས། སྟོན་པས་འཁོར་ལ་བཀའ་སྩལ་པ། །ཡོངས་རྫོགས་བླ་མེད་དོན་རྟོགས་ན། །ཐེག་…

བལྟ་བསྒོམ་ཁྱད་པར་འཕགས། །མུ་མེད་མཐའ་ཡས་ནམ་མཁའ་ཀློང་ཡངས་ལྟ་བ་ཡིན། །ཆོས་ཉིད་གཏིང་གྲོལ་རྒྱ་མཚོ་ཀློང་ཡངས་སྒོམ་པ་ཡིན། །མཐའ་སྟོངས་ཕྱོགས་མེད་གླང་ཆེན་སྨྱོན་པ་སྤྱོད་པ་ཡིན། །སྐུ་གསུམ་ལྷུན་གྲུབ་འབྲས་བུའི་རི་བོ་ཆེན་པོ་ཡིན། །ཞེས་གསུངས་སོ། །ཡོངས་རྫོགས་བླ་མེད་ཀྱི་བལྟ་བསྒོམ་བསྟན་པའི་ལེའུ་སྟེ་ཉེར་བཞི་པའོ།། །།དེ་ནས་རང…

རྣམས་ཇི་ལྟར་མེད། །ཅེས་ཞུས་པ་དང་། སྟོན་པས་འཁོར་ལ་བཀའ་སྩལ་པ། །ཡོངས་རྫོགས་ཐོད་རྒལ་བླ་མེད་ལ། །སེམས་རིག་ཆོས་རྣམས་ཡོད་མ་ཡིན། །དངོས་གཞི་མེད་པས་སེམས་མེད་དོ། །སྐྱེ་བ་མེད་ལས་རིག་པ་མེད། །ཐ་སྙད་མེད་པས་ཆོས་རྣམས་མེད། །དྲན་སེམས་འཁྲུལ་པ་ཡིན་པས་སེམས་ཀྱི་བཏགས་ཆགས་མེད། །རིག་པ་འཁྲུལ་རྒྱུ་ཡིན་པས་རིག་མེད་སྐྱེ་བ་མེད། །ཐེག…

དག་བཞིན། །གཏིང་ཡངས་མཐའ་གྲོལ་གདམས་པ་ཡིས། །ཐིག་ལེ་མཐོང་རྡོལ་ཡེ་ཤེས་གསལ། །འོད་གསལ་ཆོས་ཉིད་དོན་རྟོགས་པས། །རྣམ་རྟོག་སྒྲིབ་པ་ཀ་ནས་དག །སྐྱེ་མེད་དངོས་མེད་ཅང་མེད་རྟོགས། །མཚམས་མེད་ལྔ་དང་མི་དགེ་དག །སྙིང་པོའི་ཀློང་དུ་རབ་གནས་ནས། །དགེ་སྡིག་གཉིས་ཀ་མ་སྤྱད་པས། །རང་གྲོལ་ངན་སོང་སྐྱེ་ལྷུང་མེད། །གཏིང་ཡངས་སྙིང་པོའི་ཀློང་…

མཁའ་གོས་སུ་གྱོན། ས་གཞི་གདན་དུ་བཏིང་། སྐར་མདའ་རྐེད་ལ་བཅིངས། ན་བུན་མགོ་ལ་གོན། འཇའ་ཚོན་རྒྱལ་མཚན་བྱས། གཡས་སུ་ཉི་མ་ཐོགས། གཡོན་དུ་ཟླ་བ་ཐོགས། སྣང་སྲིད་ལྟོ་བར་བཅུག རྒྱ་མཚོ་ཁྲོག་ཆོད་བྱས། འགྲོ་དྲུག་གི་སེམས་ཅན་ཐམས་ཅད་ཀྱི་སྙིང་བཏོན་ནས་ཟོས་པས། ལུས་ཐམས་ཅད་བདེ་བས་གང་སྟེ། སེམས་ཅན་ཐམས་ཅད་ཀྱི་སྙིང་བཏོན་ནས་ཟོས་ཀྱང་། ད…