འདུས། །ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ། །སངས་རྒྱས་རྣམས་ཀྱི་ཐུགས་དགོངས་ནི། །ཡོངས་རྫོགས་ཐོད་རྒལ་ཐེག་པར་འདུས། །དེ་ཡང་ཇི་ལྟར་འདུས་ཤེ་ན། །སྔོན་ཐོག་སྤྱི་ཕུད་ཐུགས་དགོངས་ནི། །དངོས་མེད་གཏིང་གསལ་དགོངས་པར་འདུས། །ཡེ་ཐོག་སྟོན་པའི་ཐུགས་དགོངས་ནི། །ཡེངས་མེད་གཏིང་ཡངས་དགོངས་པར་འདུས། །ཐོག་མའི་སངས་རྒྱས་དགོངས་པ་…

རྐྱེན་གཉེན་པོས་བསྐྱེད་བཤིག་མེད། །དུས་གསུམ་འཕོ་འགྱུར་མེད་པ་ལ། །ཡེ་མེད་ཡེ་དྭངས་ཡེ་གསལ་བ། །རྣམ་པ་ཀུན་ལྡན་གང་ཡང་མེད། །སྐྱེ་བ་མེད་པ་འགག་པ་མེད། །རང་བྱུང་རང་སྣང་འོད་གསལ་བ། །ཅིར་སྣང་ཀ་ནས་དག་པ། གཉིས་མེད་རང་སར་གྲོལ་བ། བྱེད་པ་པོས་མ་བྱས་པ། རྒྱུ་ལས་མ་བྱུང་བ། རྐྱེན་གྱིས་མ་བསྐྱེད་པའོ། །དངོས་མེད་ཅང་མེད་མིང་མེད་པས། …

རྒྱུ་ཆོས་བློས་བརྟགས་ཆོས་མིན་བྱར་མེད་བློ་ལས་འདས། །དངོས་རྣམས་མིང་མེད་མཐའ་སྟོངས་བློ་ཡི་ཡུལ་ལས་འདས། །ཞེས་གསུངས་སོ། །སངས་རྒྱས་རྣམས་ཀྱི་ཐུགས་དགོངས་ཇི་ལྟར་འདུས་པར་བསྟན་པའི་ལེའུ་སྟེ་སོ་གཉིས་པའོ།། །།དེ་ནས་རང་སྣང་ཁྱེའུ་ཆུང་གིས། །མུ་མཐའ་ཡོངས་གྲོལ་སྟོན་པ་ལ། །ཆོས་རྣམས་ལ་བཟླ་ཆེན་པོ་བཤད་དུ་གསོལ། །ཞེས་ཞུས་པ་དང་། སྟ…

འཆད་མཁན་མེད། །ཆོས་རྣམས་ཉན་བཤད་དངོས་མེད་རང་བཞིན་མེད། །རྒྱུ་རྐྱེན་གཉེན་པོ་སྐྱེ་འགག་འགྲོ་འོང་མེད། །འཕོ་འགྱུར་གནས་ས་བྱུང་ས་ལྡོག་ས་མེད། །ཤེས་དང་མ་ཤེས་རྟོགས་དང་མ་རྟོགས་མེད། །སངས་རྒྱས་སེམས་ཅན་འཁོར་བ་མྱང་འདས་མེད། །མ་རིག་ཡེ་ཤེས་རྣམ་རྟོག་ཆོས་ཉིད་མེད། །སྐྱེ་རྒ་ན་འཆི་གནོད་གསུམ་ཆུ་བཞི་མེད། །སྣང་སྲིད་སྣོད་བཅུད་བླ…

མུ་མཐའ་ཡོངས་གྲོལ་སྟོན་པ་ལ། །འཁྲུལ་ཆོད་བློ་ཟད་ཕུགས་བསྐྱལ་གང་། །ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ། །འཁྲུལ་པའི་རྒྱུ་རྐྱེན་རྩད་ནས་ཆོད། །འཁྲུལ་མེད་ཡེ་ཤེས་ཕུགས་སུ་བསྐྱལ། །འཁྲུལ་སྣང་འཁོར་བའི་ཆོས་རྣམས་ལ། །མི་བདེན་རང་བཞིན་སྟོང་པའི་ཕྱིར། །འཁྲུལ་ཆོད་ཆོས་ཉིད་དབྱིངས་སུ་བསྐྱལ། །དེ་མ་ཡིན་ལ་དེར་འཛིན་པའོ། །འཁྲ…

ཉོན་མོངས་ང་རྒྱལ་དམག་དཔུང་བཟློག །སྟོང་ལས་ཀུན་འབྱུང་རང་གྲོལ་གྱིས། །ཉོན་མོངས་ཕྲག་དོག་དམག་དཔུང་བཟློག །མུ་མཐའ་ཡོངས་གྲོལ་དཔའ་བོ་ཡིས། །ཉོན་མོངས་འཁོར་བའི་དམག་དཔུང་བཟློག །ཅེས་གསུངས་སོ། །ཉོན་མོངས་དམག་དཔུང་བཟློག་པའི་ལེའུ་སྟེ་སོ་དྲུག་པའོ།། །།དེ་ནས་རང་སྣང་ཁྱེའུ་ཆུང་གིས། །མུ་མཐའ་ཡོངས་གྲོལ་སྟོན་པ་ལ། །འཁོར་བ་རུ་ནས་…

སྐྱེ་མི་འགག་འགྲོ་དྲུག་གཡང་ས་བཅད། །ཅེས་གསུངས་སོ། །འགྲོ་དྲུག་གཡང་ས་བཅད་པའི་ལེའུ་སྟེ་སོ་བརྒྱད་པའོ།། །།དེ་ནས་རང་སྣང་ཁྱེའུ་ཆུང་གིས། །མུ་མཐའ་ཡོངས་གྲོལ་སྟོན་པ་ལ། །ཆོས་རྣམས་གོ་ལྡོག་ཇི་ལྟར་རྟོགས། །ཞེས་གསོལ་པ་དང་། སྟོན་པས་འཁོར་ལ་བཀའ་སྩལ་པ། །ཡོངས་རྫོགས་ཐོད་རྒལ་ཐེག་པ་ཡིས། །རྒྱུ་འབྲས་ཆོས་རྣམས་གོ་བཟློག་པས། །བསྐྱེ…

རི་མཆོག་རྩེ་ནས་བལྟས་པས་སྣང་སྲིད་ཐམས་ཅད་མཐོང་། །ཉི་མ་མཁའ་ལ་ཤར་ན་རྒྱལ་ཁམས་ཐམས་ཅད་གསལ། །ཨ་ཐ་སྡིས་ཐ་མ་ཧཱ་སུ་ཁ་ཧོ། དེ་ནས་མཁའ་འགྲོ་གསང་བའི་བརྡའ་གནང་བཤད། རིན་ཆེན་སྣང་གསལ་འོད་གསལ་གྱི་ལྷ་ཁང་ན། ལྷ་ཀུན་གྱི་སྤྱི་ཕུད་ཉི་ཟླའི་མེ་ལོང་ཅན་བྱ་བ་དང་། ལྷ་མོ་མཛེས་མ་འོད་སྟོང་ལྡན་མ་གཉིས་བཟའ་མི་བྱས་པས། སྣང་སྲིད་འཁོར་འདས་ཐམ…

སྣ་བྲག་དགུ་རུམ་བརྩེགས་པའི་ནང་ནས་རིན་པོ་ཆེའི་གཏེར་རྙེད། རྒྱ་མཚོ་ཆེན་པོའི་ནང་ནས་རང་བྱུང་ངང་དྭངས་ཀྱི་ཁྱེའུ་ཆུང་གིས་རིན་པོ་ཆེ་གསེར་གྱི་ཟ་མ་ཏོག་ཏུ་ཡིད་བཞིན་གྱི་ནོར་བུ་རིན་པོ་ཆེ་རྙེད་ནས་ཟ་མ་ཏོག་ཏུ་བཅུག་སྟེ། མི་འགྱུར་མི་ཤིགས་པའི་རྒྱས་བཏབ་པའི་མན་ངག་གོ། །རིན་པོ་ཆེ་སྣ་ཚོགས་འོད་འབར་བའི་ནང་ན། རིན་པོ་ཆེ་གཅིག་གཞན…

རྟོགས་པས། །ཡན་ལག་བུ་ཡི་སྣང་ཚུལ་ལ། །ཕྱི་ཡུལ་རང་སེམས་སོ་སོར་མཐོང་། །མཐོང་བས་སྐོར་བ་བར་དང་བཅས། །གཡག་རྔ་ནེ་སིང་ལྟ་བུར་སྣང་། །མདོ་སྡེ་པ་ཡི་ལྟ་བ་ནི། །རྡུལ་ཕྲན་མི་སྣང་གོང་བུ་གཅིག་ཏུ་སྣང་། །བདག་མེད་ཚོགས་དྲུག་ཡུལ་འགེགས་འདོད། །དེ་ལས་རང་རྒྱལ་ལྟ་བས་འཕགས་པ་ནི། །ཕྱི་ཡི་ཡུལ་ཡང་འབྱུང་བ་རྟེན་འདྲེལ་སྣང་། །ནང་གི་སེམས་…

ཡོངས་གྲོལ་སྟོན་པ་ལ། །ཀྲི་ཡོག་སྡེ་གསུམ་བལྟ་བ་གང་། །ཞེས་ཞུས་པས། སྟོན་པས་འཁོར་ལ་བཀའ་སྩལ་པ། །ཀྲི་ཡའི་བལྟ་བའི་འདོད་ལུགས་ནི། །དངོས་མེད་སྙིང་པོ་མ་རྟོགས་པས། །ཡན་ལག་འདི་ལྟར་སྣང་བ་ཀུན། །རིགས་གསུམ་ལྷ་ཡི་དཀྱིལ་འཁོར་འདོད། །དོན་དམ་དག་པ་རྣམ་གསུམ་བལྟ། །སྙིང་པོ་མ་རྟོགས་ཨུ་པ་ཡས། །ཀུན་རྫོབ་རིགས་བཞིའི་ལྷ་དལ་ལ། །དོན་དམ་…

བ་ཡེ་སངས་རྒྱས་པར་འདོད། །ཡིད་སྨོན་ཁ་ལ་འབྱམས་པ་ལས། །དེ་ལྟར་མངོན་དུ་གྱུར་པ་ཉུང་། །ཞེས་གསུངས་སོ། །མ་ཧཱ་ཨ་ནུ་ཨ་ཏི་གསུམ་གྱི་ལྟ་བ་བསྟན་པའི་ལེའུ་སྟེ་ཞེ་དྲུག་པའོ།། །།དེ་ནས་རང་སྣང་ཁྱེའུ་ཆུང་གིས། །མུ་མཐའ་ཡོངས་གྲོལ་སྟོན་པ་ལ། །ཐེག་པ་དགུ་ལས་ཁྱད་འཕགས་པའི། །སྤྱི་ཏིའི་ལྟ་བ་ཇི་ལྟར་ལགས། །ཞེས་ཞུས་པས། སྟོན་པས་འཁོར་ལ་བཀའ…

ཀུན་འབྱུང་མུ་མཐའ་གྲོལ། །རང་བཞིན་ལྷུན་གྱིས་གྲུབ་པ་ལ། །ངོ་བོ་གསལ་ལ་དག་པར་གྲོལ། །དེ་རྣམས་བསྡུས་པའི་བལྟ་བ་ནི། །དབྱིངས་ལས་ཀུན་ཤར་དབྱིངས་སུ་གྲོལ། །དཔེར་ན་ནོར་བུ་རིན་ཆེན་བཞིན། །ཀུན་འབྱུང་གང་ཡང་གྲུབ་པ་མེད། །འགག་མེད་ཆོ་འཕྲུལ་རང་སར་གྲོལ། །ཞེས་གསུངས་སོ། །ཡོངས་རྫོགས་ཐོད་རྒལ་གྱི་ལྟ་བ་བསྟན་པའི་ལེའུ་སྟེ་ཞེ་དགུ་པའོ…

སྙིང་དང་ནོར་བུ་ཆུ་དྭངས་ཀྱིས་བསྐོར་བའི་མན་ངག་གོ། །ཞེས་གསུངས་སོ། །མཁའ་འགྲོ་མ་གསང་བའི་བརྡའ་ཆོས་བསྟན་པའི་ལེའུ་སྟེ་ང་གཅིག་པའོ།། །།དེ་ནས་རང་སྣང་ཁྱེའུ་ཆུང་གིས། །མུ་མཐའ་ཡོངས་གྲོལ་སྟོན་པ་ལ། །སངས་རྒྱས་ངོ་སྤྲོད་བརྡའ་ཆོས་གང་། །ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ། །འཁོར་རྣམས་མ་ཡེངས་གུས་པར་ཉོན། །མཁའ་དབྱིངས་གས…

མེད་ལྟོས། །ཆོས་ཉིད་གཞི་ལ་འཁྲུལ་པ་མི་མངའ་བར། །ང་བདག་མ་རིག་དབང་གིས་འཁྲུལ་སྣང་ཡང་། །གདམས་པའི་གནད་ནི་གང་སྐྱེས་དུས་སུ་སངས། །སྣང་སྲིད་ཅིར་སྣང་རང་སར་གྲོལ་བ་ན། །དེ་ཀ་ཉིད་ལ་གནས་ལུགས་རྟོགས་ཞེས་བཤད། །ཅེས་གསུངས་སོ། །མན་ངག་གནད་ཀྱི་བརྡའ་ཆོས་རིན་ཆེན་སྤུངས་པ་ཞེས་བྱ་བའི་ལེའུ་སྟེ་ང་གསུམ་པའོ།། །།དེ་ནས་རང་སྣང་ཁྱེའུ་ཆུང…

པ། །ཡོངས་རྫོགས་ཐོད་རྒལ་དོན་རྟོགས་ན། །ཚོགས་གཉིས་མ་བསགས་ཡོངས་སུ་རྫོགས། །སྒྲིབ་གཉིས་མ་སྦྱངས་ཀ་ནས་དག །སྨོན་ལམ་མ་བཏབ་རང་ལས་གྲུབ། །སྙིང་པོ་ཆོས་སྐུར་རང་སངས་རྒྱས། །ཐེག་པ་འོག་མའི་ཆོས་བཞིན་དུ། །བྱ་རྩོལ་ཚོགས་གསོག་སྨོན་མེད་པར། །ཡང་དག་དོན་གྱི་སངས་རྒྱས་འཐོབ། །ཅེས་གསུངས་སོ། །སྨོན་ལམ་ཚོགས་རྫོགས་ལ་མི་ལྟོས་པར་སངས་རྒྱ…

ཐེག་འོག་བྱ་རྩོལ་རྒྱུད་རྣམས་བཏུལ། །ཉི་ཟླའི་སྙིང་པོའི་རྒྱུད་ཆེན་གྱིས། །གཏི་མུག་མ་རིག་རྒྱུད་ཀུན་བཏུལ། །འོད་འབར་ཀ་དག་རྒྱུད་ཆེན་གྱིས། །བག་ཆགས་སྒྲིབ་གཡོགས་རྒྱུད་རྣམས་བཏུལ། །བདུད་རྩིའི་རྒྱ་མཚོའི་རྒྱུད་ཆེན་གྱིས། །ཉོན་མོངས་དུག་ལྔའི་རྒྱུད་རྣམས་བཏུལ། །ཞེས་གསུངས་སོ། །རྒྱུད་ཀྱི་རྒྱལ་པོས་གཞན་བཏུལ་ཚུལ་བསྟན་པའི་ལེའ…

ཏེ། །གདམས་ངག་བདུད་རྩི་ཇི་ལྟར་འཁྱིལ། །ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ། །ཐོག་མར་རྒྱ་མཚོའི་དཔེས་བསྟན་ནས། །དཔེར་ན་བདུད་རྩིའི་མཚོར་འཁྱིལ་པས། །གང་འཐུངས་ནད་འཐོན་སྐྱེ་འཆི་མེད། །དེ་ལྟར་གྱུར་ཀྱང་རྒྱ་མཚོ་དེ། །ཟད་པ་མེད་ཅིང་འཕེལ་བ་མེད། །གང་བ་མེད་ཅིང་སྟོངས་པ་མེད། །ཅེས་གསུངས་སོ། །དཔེ་བསྟན་པའི་ལེའུ་སྟེ་དྲུག…

དེ་དོན་གདམས་ངག་བསྟན་པ་ནི། །འཕྲང་གསུམ་འདས་དང་ད་ལྟ་ཕྱིས། །དགྲ་གསུམ་ཡིད་རིག་སེམས་དང་གསུམ། །རང་སྣང་རང་བཞིན་རང་གྲོལ་གསུམ། །སྐྱེ་མེད་ཀ་དག་བློ་འདས་རྫོང་། །དུག་གསུམ་དགྲ་བསད་སྐུ་གསུམ་མཁར། །ང་བདག་ཞེ་འདོད་གཟུང་འཛིན་ཐོན། །ཆོས་ཉིད་སྐྱེ་མེད་དབྱིངས་སུ་ཉོལ། །ཞེས་གསུངས་སོ། །དེ་ནས་ཆོས་ཅན་གྲོལ་ལུགས་ནི། །སྣང་སྲིད་སྣ་ཚོ…

རང་སྣང་ཁྱེའུ་ཆུང་གིས། །མུ་མཐའ་ཡོངས་གྲོལ་སྟོན་པ་ལ། །ཡོངས་རྫོགས་བླ་མེད་ཐེག་པ་ལ། །གོལ་ས་སྒྲིབ་པ་ཡོད་དམ་མེད། །ཅེས་ཞུས་པ་དང་། སྟོན་པས་འཁོར་ལ་བཀའ་སྩལ་པ། །ཡོངས་རྫོགས་ཐོད་རྒལ་དོན་རྟོགས་ན། །གོལ་ས་སྒྲིབ་པ་འཁྲུལ་ས་མེད། །ཅེས་གསུངས་སོ། །དེ་ནས་འཁོར་གྱིས་ཡང་ཞུས་པ། །དེ་མ་རྟོགས་ཀྱི་གང་ཟག་ལ། །གོལ་ས་སྒྲིབ་པ་ཇི་ལྟར་འབྱ…