དང་། །སྒྲོན་མ་དབྱིངས་ཀྱི་ཀློང་རྡོལ་བའོ། །ང་དྲུག་ཉི་དྲོད་ཀྱང་། ཟླ་གྲངས་མཉམ་བསྟན། །དེ་ཉིད་རྣམ་དོན་གཉིས་ཀྱིས་བསྟན། །ཐབས་ཀྱིས་འགྲོ་བ་སྒྲོལ་བྱ་དང་། །ཤེས་རབ་ཡུལ་རྣམས་བཅད་པར་བསྟན། །ང་བདུན་ནམ་མཁའ་ཁད་མཉམ་བསྟན། །དེ་ཉིད་ལ་ཡང་དོན་བཞིས་བསྟན། །གཉིས་མེད་མཐའ་ལས་འདས་པ་དང་། །མཐར་ཕྱིན་ཡུལ་ལ་མི་གནས་དང་། །འགྲོལ་བའི་དབྱི…

མིང་དང་མཚན་མའི་དངོས་པོ་རྣམས། །རབ་ཏུ་བཤད་ཅིང་སྦྱར་བར་བྱ། །མཚན་མ་ཉིད་ལ་ལྟོས་གྱུར་ན། །ཡེ་ཤེས་སྣང་བ་འཆར་མི་འགྱུར། །ཡེ་ཤེས་སྣང་བ་ཆེན་པོ་ཉིད། །རབ་ཏུ་བཤད་ཅིང་བརྗོད་པར་བྱ། །དེ་ཡང་རབ་བསྟན་འདི་ལྟ་སྟེ། །མིང་དང་དངོས་པོ་འཛིན་པ་ཡིས། །ལམ་ལ་ལྟོས་ན་ཡེ་ཤེས་མེད། །སྣང་བ་མེད་པའི་ཆོས་ཉིད་ནི། །རབ་ཏུ་བཤད་ནས་མཚན་བརྗོད་བྱ། །…

དང་། །རྟོགས་པ་ལམ་གྱི་འཕོ་ལུགས་དང་། །ཡེ་ཤེས་མིག་གི་འཕོ་ལུགས་དང་། །བག་ཆགས་སྣང་བའི་འཕོ་ལུགས་དང་། །སེམས་དང་ཡེ་ཤེས་འཕོ་ལུགས་སོ། །རེ་བདུན་རྫོགས་ཆེན་གཏན་ཚིགས་བསྟན། །དེ་ཉིད་ལ་ཡང་དོན་དྲུག་སྟེ། །གཉིས་མེད་རིག་པའི་གཏན་ཚིགས་དང་། །སྣང་བ་སེམས་ཀྱི་གཏན་ཚིགས་དང་། །རང་སྣང་ལམ་གྱི་གཏན་ཚིགས་དང་། །ཕྱིར་རྒོལ་སུན་འབྱིན་གཏན་…

ཤེས་རབ་དང་། །རྒྱལ་བ་རྟགས་ཀྱི་ཤེས་རབ་དང་། །མངོན་སྣང་ཡུལ་གྱི་ཤེས་རབ་དང་། །བསྒོམ་པ་འཛིན་པའི་ཤེས་རབ་དང་། །མཐའ་དབུས་མེད་པའི་ཤེས་རབ་དང་། །ལམ་བསྟན་འབྲས་བུའི་ཤེས་རབ་དང་། །གཏན་ཚིགས་སྟོང་པའི་ཤེས་རབ་དང་། །གཏན་ཚིགས་གཅིག་གི་ཤེས་རབ་བོ། །དོན་གཅིག་རྒྱལ་བའི་རང་རྟགས་བསྟན། །དེ་ཉིད་རྣམ་དོན་བཅུ་དགུ་བསྟན། །རྒྱལ་བ་མྱ་ངན་འ…

མིང་གི་སྐུ་གསུམ་དང་། །ཡང་དག་དོན་གྱི་སྐུ་གསུམ་མོ། །དོན་ལྔ་དབང་གི་སྡོམ་བྱང་བསྟན། །དེ་ལ་རྣམ་དོན་གསུམ་གྱིས་བསྟན། །གདམས་ངག་དོན་གྱིས་བསྟན་པ་དང་། །ཡང་དག་ཐོབ་ཕྱིར་བསྟན་པ་དང་། །རྫས་ལྔ་དག་གིས་བསྟན་པའོ། །དོན་དྲུག་རང་གྲོལ་དགོངས་པ་བསྟན། །དེ་ལ་རྣམ་དོན་བཅུ་ཡིས་བསྟན། །སྣང་བ་ཡུལ་ལ་གྲོལ་བ་དང་། །རང་སྣང་མཁའ་ལ་གྲོལ་བ་དང…

རྣལ་འབྱོར་ལུས་ཀྱིས་གནོན་པ་དང་། །སྤྱོད་པ་རྒྱུན་གྱིས་གནོན་པ་དང་། །རང་དོན་རིག་པས་གནོན་པ་དང་། །ཡེ་ཤེས་ངོ་བོས་གནོན་པ་དང་། །ལམ་ཉིད་འབྲས་བུས་གནོན་པ་དང་། །གསང་སྔགས་དོན་གྱིས་གནོན་པ་དང་། །རིག་པ་སྟོབས་ཀྱིས་གནོན་པའོ། །གྱ་བཞི་དགོངས་པ་ལུང་བསྟན་ནོ། །དེ་ལ་རྣམ་དོན་གཉིས་ཀྱིས་བསྟན། །ཚིག་ལ་བརྟེན་ཏེ་ལུང་བསྟན་དང་། །རྒྱུ་…

ན། སྣང་བ་ལ་བསྟན་དུ་ཡོད་པའི་ཕྱིར་ཐབས་ལ་ཆེ་ཆུང་མེད་དོ། །དེ་ཅིའི་ཕྱིར་ཞེ་ན། གདམས་ངག་བསྟན་པས་ཐམས་ཅད་གྲོལ་བའི་ཕྱིར་རོ། །སེམས་ཅན་གྱི་དབང་པོ་ལ་རྣོ་བརྟུལ་མེད་དོ། །དེ་ཅིའི་ཕྱིར་ཞེ་ན། ངོ་སྤྲད་པས་ཆོག་པའི་ཕྱིར་རོ། །དེའི་ཕྱིར་ན། སངས་རྒྱས་ཀྱི་ལམ་ལ་མཁས་པར་གྱིས་ཤིག །སངས་རྒྱས་ཀྱི་བདེན་པ་ཉི་ཤུ་རྩ་གཅིག་ངོ་ཤེས་པར་གྱིས་…

རྒྱ་གར་སྐད་དུ། རཏྣ་ཀུ་ཊ་མ་ཧཱ་གུ་ཎོ་ཥྚ་ཏནྟྲ་རཱ་ཛ་ནཱ་མ། བོད་སྐད་དུ། རིན་ཆེན་སྤུངས་པ་ཡོན་ཏན་ཆེན་པོ་སྟོན་པ་རྒྱུད་ཀྱི་རྒྱལ་པོ་ཞེས་བྱ་བ། བཅོམ་ལྡན་འདས་དཔལ་ཀུན་ཏུ་བཟང་པོ་མཉམ་པ་ཉིད་དུ་ཤེས་པ་ཀུན་གྱི་རྗེ་ལ་ཕྱག་འཚལ་ལོ། །འདི་སྐད་བདག་གིས་བསྟན་པའི་དུས་གཅིག་ན། སྣང་བ་རྣམ་པར་དག་པ་སྣ་ཚོགས་ལེའུ་ལྔ་སྟོན། ཐུན་མོང་མ་ཡིན་པ…

གཞི་ཚད་མེད་པ་འདི་ནི། ཆོས་ཐམས་ཅད་ཀྱི་བྱུང་ཁུངས་སུ་ཡེ་ནས་གནས་པའོ། །དེ་སྐད་དུ་རང་གི་རང་དམས་པའི་ཚིག་ཏུ་རང་ཤར་རོ། །འདི་སྐད་བདག་གིས་ཐོས་པའི་དུས་དུས་གཅིག་ན། སྟོན་པ་བཅོམ་ལྡན་འདས་ཀུན་ཏུ་བཟང་པོ་རིན་པོ་ཆེ་འབར་བ་རྒྱན་སྤུངས་པ་ཞེས་བྱ་བ་ཉིད། བཀོད་པ་རྣམ་པར་བརྒྱན་པ་རིན་པོ་ཆེ་འོད་འབར་བ་ཞེས་བྱ་བའི་ནམ་མཁའ་གནས་ལ། སངས་རྒ…

གམ་ཡིས། །ལྷུན་གྲུབ་ཀྱིས་མ་བལྟས་མེད་པའི་ཡུལ་གཟིགས་ནས། །ལུས་མེད་ཀ་དག་གི་བསམ་བྲལ་ཐུགས་ལས་ནི། །རང་བྱུང་དུ་མ་གྲུབ་པ་ཡི་མགུར་ནས་དྲངས། །སྨྲ་མེད་མི་སྣང་ལྟོས་པ་མེད་ལྗགས་ལ་ཡང་། །སྤྲོས་མེད་ཤུགས་ཀྱིས་མི་འཛད་ཚུལ་དུ་བཀྲམ། །ཡེ་མེད་ཆོས་སྐུ་བཤད་ལུགས་བླ་མ་གསུངས་སོ། །རང་སྟོང་ཞལ་ནས་ནི། །འགྲོ་དང་འོང་མེད་དབུགས་ལས་བྱུང་། …

གང་གིས་སྔར་མ་རིག །ཆགས་དང་འཛིན་པའི་ཞེན་ཡུལ་ནི། །དང་པོ་ཉིད་ནས་ཆོས་ཉིད་ལས། །འདི་ཀུན་རང་གི་རང་སྣང་བར། །ཡེ་ནས་སྣང་བ་སྔར་མ་རིག །བདག་རྟོག་བཅིངས་པ་ཉོན་མོངས་ལྔ། །ཡེ་ནས་རིག་པ་རང་ཤར་བས། །ལྷན་ཅིག་གནས་པ་ཞལ་མ་འཚོ། །ས་ཆུ་མེ་རླུང་འབྱུང་བ་བཞི། །ཡེ་ནས་རང་གི་ལུས་ཡིན་པར། །སུས་མ་མཐོང་བའི་མིག་དེ་བརྟུལ། །ཡང་གསང་བསྡུས་པའི་…

མ་ལུས་ཡོད་པའི་འཁོར་རྣམས་ལ། །མ་བཤད་གསུངས་པ་མེད་པ་ཡི། །ཚིག་གི་རྒྱལ་པོ་རྣམས་སུ་ནི། །མི་སྣང་གཅིག་པའི་འཁོར་རྣམས་ཀྱིས། །སུ་ལ་ཞུས་པ་མེད་པར་ནི། །རྣ་བའི་དབང་པོས་མ་ཉན་པར། །མ་གླེངས་བསྒྲགས་པའི་ཚུལ་དུ་སྣང་། །མ་གཏད་རང་སོར་བཞག་པ་ཡི། །སེམས་ཀྱིས་འདི་ཡི་ཚིག་ཀུན་ཀྱང་། །སུས་ཀྱང་བསླབ་པ་མེད་པར་ནི། །སོ་སོའི་བློ་ལ་གོ་བར་སྣ…

གསང་བ་ངོ་མཚར་ཆེན་པོ་རྨད་ཀྱི་ཆོས། །འདི་ལྟར་བདག་སོགས་རྣམས་ཀྱི་བློ་གཏིང་ཡིད་ཆེས་བྱ། །འདི་དོན་སངས་རྒྱས་སྟོང་གིས་བྱིན་བརླབས་པས། །འཁོར་བའི་བག་ཆགས་རྣམས་ནི་གཏན་ནས་སྦྱངས། །གསང་ཆེན་ངེས་པའི་ཚིག་འདི་སུས་ཐོབ་པ། །བླ་མེད་མཆོག་རྣམས་འདི་ཡིས་དང་དུ་ལོངས། །དེ་ཕྱིར་ངེས་པའི་སྙིང་པོ་འདིར་འཇུག་བྱ། །ཞེས་གསུངས་པས། འཁོར་དེ་དག…

ལོ་བསྐོར། །རང་བྱུང་ཆེན་པོའི་ཚིག་ཏུའོ། །དེ་ལ་འཁོར་དུ་སྣང་བ་མེད། །སྣང་བྱེད་འཛིན་པའི་ཆ་དག་ལས། །ཕྱི་ཡི་ཡུལ་རྣམས་འཁོར་ལྟར་སྣང་། །ལས་དང་སེམས་གཉིས་འདུས་པ་ཡི། །འབྱུང་བ་འདུས་པའི་གཟུགས་མེད་པས། །འཁོར་དུ་སྣང་བ་ཙམ་དུ་མེད། །རིག་དང་ཡེ་ཤེས་ཁྱད་པར་ལས། །དག་པ་རང་ངོ་མཚོན་པ་ཡིས། །སྣང་བ་རགས་པའི་ཕུང་པོ་ནི། །སྣང་བྱེད་འཛིན་…

རྒྱན་གྱིས་ཆོས་ཐམས་ཅད་ཡོན་ཏན་གྱི་འཆར་ཚུལ་ཅིར་ཡང་མ་འགགས་པར་གཟིགས་པས། རང་ལ་རང་ངོ་མཚར་ཏེ། རང་གིས་གད་མོ་ཆེན་པོའི་རྣམ་པ་ཉིད་ཀྱིས་ཉིད་ལ་རང་དགོད་པའི་འོད་དག་ལྗགས་ཀྱི་དབང་པོ་ལས་རང་ཤར་རོ། །ཀྱེ་སངས་རྒྱས་ཐམས་ཅད་ངོ་མཚར་གྱི་གད་མོ་བཅུ་གཉིས་ཀྱི་གསུང་གི་རྡོ་རྗེ་སྙིང་པོ། ལྟ་བ་རང་བྱུང་གི་ཡེ་ཤེས་ལ་ལྟོས་དང་། དགེ་སྡིག་དང་…

གྱི་ཆ་ཡང་མ་བྱས་པར་དུས་གཅིག་ལ་སངས་རྒྱས་པ་ཧ་ཧ། ཀྱེ་གསུང་གི་རྡོ་རྗེ་སྐུ་གསུམ་སྟོང་པ་ཆེན་པོ་ཡེ་རྫོགས་ཀྱི་འབྲས་བུ་ལ་ལྟོས་དང་། དུས་གསུམ་འདུ་འབྲལ་མེད་པའི་ཆོས་ཉིད་ངོ་མཚར། ཕ་རོལ་ཏུ་ཕྱིན་པ་དྲུག་མ་སྤྱད་པར་ཚོགས་རྣམས་དུས་གཅིག་ལ་རྫོགས་པ་ཧ་ཧ། ཀྱེ་གསུང་གི་རྡོ་རྗེ་རིག་པ་ཅེར་བཞག་སྟོང་པ་ཆེན་པོ་ཀུན་མཉམ་གྱི་ཡེ་ཤེས་ལ་ལྟོ…

གྲུབ་དག་གདགས་པ་ཀྱང་ལ་མ་ངེས་པར། །འཆར་བྱེད་བརྒྱད་ཀྱི་ཚུལ་དུ་བྱུང་། །དེ་ནི་སྣང་ཚུལ་མ་འགགས་པས། །ཐུགས་རྗེ་ལྟ་བུའི་འཆར་ཚུལ་ལས། །སེམས་ཅན་ཀུན་གྱི་སྐྱོབ་པའི་གནས། །སྣང་བ་རང་གསལ་འགག་མེད་པས། །འོད་ལྔའི་གསལ་བྱེད་ཚུལ་དུ་སྣང་། །མཁྱེན་པའི་སྣང་ཆ་མ་འགགས་པས། །ཡེ་ཤེས་དག་པའི་སྒོ་ཉིད་དུ། །སྣང་བ་འགག་མེད་ལམ་ལྟར་ཤར། །རང་སྣང་…

གི་སྣང་ཆ་རང་གསལ་བས། །འོད་ལྔའི་ཚུལ་གྱི་འཆར་སྒོ་ལས། །ཡོན་ཏན་གསལ་བྱེད་ཕྱིར་མ་ཤོར། །འདི་མེད་སེམས་ཅན་རང་འོད་ལ། །རྒྱ་ཆད་རྒྱ་བཅད་གུད་དུ་བཅད་པ་དང་། །ཡང་བྱུང་ཀུན་ཏུ་ཆད་པར་འགྱུར། །ཟུང་འཇུག་འཆར་བྱེད་འདྲེལ་བའི་ཕྱིར། །རང་སྣང་ཡོན་ཏན་ཆེན་པོ་འབྱུང་། །ལུས་ཀུན་གཅིག་ཏུ་འདྲིལ་བའི་ཕྱིར། །སྐུ་གསུམ་གཅིག་ཏུ་གནས་པས་ན། །ངོ་བ…

འཁྲུལ་པའི་མིང་མེད་པས། །དེ་ཕྱིར་མ་དག་འཁོར་བའི་སྒོ། །སྲིད་པ་རྣམས་ཀྱི་རྒྱུ་སྲང་དུ། །སྣང་བ་འགག་མེད་ཚུལ་དུ་ཤར། །མ་དག་འཁོར་བའི་སྒོ་ཞེས་བསྟན། །ཐོད་རྒལ་ཡེ་ཤེས་ཡོད་པས་ན། །དག་པ་ཉིད་ཀྱིས་དག་པ་མཚོན། །འཆར་བྱེད་སྣང་བ་སོ་སོ་ལས། །དག་པའི་ཡེ་ཤེས་ཆེན་པོའི་སྒོ། །ཟང་ཐལ་རྣམ་པ་གསུམ་དུ་འཆར། །འདི་མེད་རང་རྩལ་མི་རྫོགས་པས། །དག…

འདི་ཡང་ཡོན་ཏན་རིན་པོ་ཆེའི། །ཡོན་ཏན་འཆར་ཚུལ་འདི་ལྟ་བུ། །ཡེ་ཤེས་ཉིད་ལ་ཡེ་ཤེས་ཉིད། །རང་གི་ངོ་བོར་རང་ཐིམ་པས། །ཤེས་པ་འཛིན་རྟོག་དྲན་བསམ་ནི། །རང་གནས་མཉམ་པ་ཉིད་ཀློང་དུ། །ཐམས་ཅད་གཉིས་མེད་མྱ་ངན་འདས། །སོ་སོའི་ཡེ་ཤེས་སྣང་ཆ་ཡང་། །བྱས་པ་མེད་པའི་ཀློང་དཀྱིལ་དུ། །ནུབ་པ་མེད་པར་མྱ་ངན་འདས། །དེ་ཉིད་རང་ལ་རང་ཐིམ་པས། །ཡེ་ཤ…