ངོས་བཟུང་མེད། །མུ་བཞིའི་རྟོག་ཞེན་རང་འགགས་ནས། །མི་གནས་ཆེན་པོར་མྱ་ངན་འདས། །འདི་ཡང་ཡོན་ཏན་རིན་པོ་ཆེ། །སྣང་བའི་ཡོན་ཏན་འདི་ལྟ་བུ། །མ་དག་འཁོར་བར་རང་འཇུག་སྒོ། །ངོ་བོ་ཉིད་ཀྱིས་ངག་སྒོ་ལ། །སོང་བ་མེད་པའི་ཚུལ་དུ་ཐིམ། །དཔེར་ན་སྦྲ་ཡི་ཆོན་ཐག་རྣམས། །བསྡུས་པས་དབུས་སུ་རང་འདུས་ལྟར། །དབང་པོའི་སྤྱོད་ཡུལ་མྱ་ངན་འདས། །འདི་…

གཏད་པའི་ས་མེད་ཡ་རེ་ཆ། །སྐྱེས་བུ་བརྟེན་པའི་ཚེ་སྲོག་ལ། །དུས་བཏབ་མེད་པ་ཡ་རེ་ཆ། །ཚོགས་དྲུག་ཡུལ་གྱི་སྣང་བ་ལ། །རྟག་པ་མེད་པ་ཡ་རེ་ཆ། །སྐྱེས་བུའི་དྲན་བསམ་བྱུང་ཚོར་ལ། །ཟད་པ་མེད་པར་ཡ་རེ་ཆ། །ལུས་ལས་འབྱུང་བའི་སྡུག་བསྔལ་ལ། །དང་བ་མེད་པ་ཡ་རེ་ཆ། །ཀྱེ་མ་གསུང་གི་བདག་ཉིད་ཉོན། །གཞི་རྩ་མེད་པའི་སེམས་ཉིད་འདི། །མ་བཙལ་བཞག་པ་…

གསུམ་ལ། །ཅིག་ཅར་རྫོགས་པ་ཡ་མཚན་ཆེ། །བརྡལ་བ་ཆེན་པོའི་ནང་དབྱིངས་ལ། །མཐའ་ལ་ཐུག་མེད་ཡ་མཚན་ཆེ། །སྟོང་པ་ཆེན་པོའི་ཤེས་རབ་ལ། །རྡུགས་པ་མེད་པ་ཡ་མཚན་ཆེ། །འབྲས་བུ་ཆོས་སྐུ་སྟོང་ཉིད་ལ། །དངོས་པོ་ཟད་པ་ཡ་མཚན་ཆེ། །དངོས་མེད་ཡེ་ཤེས་ཟང་ཐལ་ལ། །གཟུང་བ་མེད་པ་ཡ་མཚན་ཆེ། །རང་བཞིན་བབས་ཀྱིས་སྣང་བ་ལ། །མཐོང་བ་མེད་པ་ཡ་མཚན་ཆེ། །ཀྱེ་…

སེམས་ཅན་ཉིད་ཀྱིས་ཀྱང་། །ཉམས་སུ་ཇི་ལྟར་བླང་བར་བགྱི། །འདི་ཀུན་རིམ་པས་མ་འཚལ་ན། །འདི་རྣམས་སྟོན་པས་གསུང་བར་ཞུ། །དེ་ནས་སྟོན་པས་འདི་སྐད་གསུངས། །ཀྱེ་མ་སངས་རྒྱས་ཀུན་གྱི་ཡང་། །གསུང་གི་རྡོ་རྗེ་ཁྱོད་ཉོན་ཅིག །ངས་བསྟན་སྤྲོས་པའི་ཚིག་རྣམས་ལ། །དོན་ནི་ཆེ་ལ་གྲངས་མང་སྟེ། །འདི་ཀུན་བསྡུས་ནས་ཁྱོད་ལ་བསྟན། །འགྱུར་བ་མེད་པའི་…

བ་རིག་པ་ཅོག་བཞག་གི་མན་ངག་གོ། །རྣམ་བཞི་ཡིས། །སྣང་སྲིད་ཆོས་རྣམས་བདར་ཤ་བཅད། །དུས་ཚོད་མཆོད་པའི་དུས། ཆོས་ལ་གནས་པའི་དུས། ཆོས་བོར་བའི་དུས། ཆོས་ལས་འདས་ཤིང་གྲོལ་བའི་དུས་སོ། །གདམས་ངག་རྣམ་བཞི་ཡི། །ཆོས་རྣམས་ཀུན་ལ་རང་བྱན་བྱས། །དག་ཉོན་མོངས་གནས་བསྒྱུར། གནས་དག རྒྱས་གདབ། ཉོན་མོངས་ལས་གྲོལ་ལོ། །ལུགས་གྲོལ་བའི་གནད་བཞི་ཡ…

ཤར་ཕྱོགས་ནམ་མཁའི་འདི་ཀུན་བླ་མའི་ཚིག་ཏུ་ཁམས་སུ་ཡང་། །ཁྱོད་ཀྱིས་གོམ་པ་ཀམ་ཀམ་བོར། །ལྷོ་ཡི་ཕྱོགས་སུ་ཁ་ལྟོས་ལ། །སོང་ལ་གོམ་པ་ཀམ་ཀམ་བོར། །བོར་ལ་དེ་ཉིད་ཉམས་མྱོང་སྤྱོད། །དེ་བཞིན་ནུབ་དང་བྱང་དུ་ཡང་། །ཁ་ལྟོས་གོམ་པ་ཀམ་ཀམ་བོར། །དེས་ནི་རང་སེམས་གཉུག་མ་ཡིས། །དཀྱིལ་འཁོར་དལ་གྱི་སྒོ་བཞིར་འཇུག་པའི་བརྡའོ། །ནང་དུ་ཞུགས་པ་ཡ…

པའི་ལོངས་སྤྱོད་ཐོབ། །ཟད་མེད་འདི་ལ་གང་གནས་པ། །ནུབ་པ་མེད་པའི་གཏེར་ཆེན་རྙེད། །གཏེར་འདི་གང་གིས་རྙེད་པའི་མི། །ང་ཡི་ཡོན་ཏན་འདི་ལ་རྫོགས། །ཆོས་ཅན་མཚན་མ་སྣང་དུས་སུ། །ང་ཡི་ཡོན་ཏན་རང་སྣང་བས། །འདི་ལ་བླང་དང་དོར་མི་བྱ། །འགྲོ་བའི་སྡུག་བསྔལ་མྱོང་བའི་ཚེ། །ང་ཡི་བདེ་བ་རང་ཤར་ཡིན། །དེ་དུས་བདེ་སྡུག་དབྱེར་མེད་ན། །ང་ཡི་ཡོན…

པ་མེད་པའི་གནད་ཀྱིས། རྟག་ཏུ་སྟོང་པ་ཉིད་ལ་གོམས་པར་བསྒོམས་པའི་སྐྱེས་བུ་དང་། སྟོང་པ་ཉིད་སྐད་ཅིག་ཙམ་ཡང་ཡིད་ལ་མ་བྱས་པའི་གང་ཟག་གཉིས། འཚང་རྒྱ་བ་ལ་ཁྱད་པར་རྡུལ་ཙམ་ཡང་མེད་པར། ཀུན་ཏུ་བཟང་པོ་ང་ཉིད་ཀྱིས་བསྟན་པའོ། །ཀྱེ་གསུང་གི་རྡོ་རྗེ་རིག་པ་ཉིད་འདུས་མ་བྱས་པའི་གནད་ཀྱིས། འདུས་བྱས་ཀྱི་དགེ་རྩ་དཔག་ཏུ་མེད་པ་བྱས་པའི་དད་པ…

སངས་རྒྱས་ལ་སོགས་པའི་ནང་དུ་རྡུལ་ཙམ་ཡང་བརྗོད་པར་མ་བྱེད་ཅིག །དེ་ཅིའི་ཕྱིར་ཞེ་ན། དེ་དག་རྣམས་ཀྱིས་ཚིག་འདི་ཀུན་ཐོས་པས་སྐྲག་པ་དང་། སྔངས་པ་དང་བརྒྱལ་བར་འགྱུར་ཏེ་གསང་སྔགས་རྣམས་ལ་མི་མོས་ཏེ། ཡིད་བྱུང་ནས་དེའི་རྣམ་པར་སྨིན་པས་སེམས་ཅན་དམྱལ་བ་ཆེན་པོ་ཉམས་སུ་མྱོང་བར་འགྱུར་བས་ན། བསྟན་ཅིང་ཐོས་པ་དག་ལྟ་ཅི་སྨོས་ཏེ། རླུང་ཕྱ…

རྒྱ་གར་སྐད་དུ། འདི་ལ་ལེའུ་གསུམ་གྱི་དོན་མཚན་ཀླད་དུ་སྨོས་པ། ཤྱ་ག་ག་ན་ཤ་རཱི་ར་ཛྭ་ལ་མ་ཧཱ་ཏནྟྲ་ནཱ་མ། བོད་སྐད་དུ། དཔལ་ནམ་མཁའ་མཚན་སྦྱོར་མེད་པའི་སྐུ་གདུང་འབར་བ་ཆེན་པོའི་རྒྱུད་ཅེས་བྱ་བ། བཅོམ་ལྡན་འདས་འབྱུང་བ་རྣམས་རང་སར་དག་པ་ཆེན་པོ་ལ་ཕྱག་འཚལ་ལོ། །འདི་སྐད་བདག་གིས་ཐུན་མོང་མ་ཡིན་པའི་གླེང་གཞི་བསྟན་པའི་དུས་གཅིག་ན། …

རང་གི་འཁོར་རིག་པའི་ཡེ་ཤེས་གདུང་། །མི་འབྱེད་སྣང་བའི་ཆོས་སྟོན་པ་གདུང་དུ། །ངས་ནི་ཐོག་མའི་དུས་དུས་ཕུན་སུམ་སུ་ཡང་། །འདི་ཉིད་དུ་ནི་འོང་བ་ཡིན། །ཆོས་ཀུན་གདུང་གི་རང་བཞིན་ལ། །འདི་ལྟར་གཏན་ལ་ཕབ་པའོ། །འདི་ནི་ངས་བསྟན་པ་ཡིས་སྟོན། །ངས་ནི་ཕྱིས་ཀྱང་སྟོན་པའོ། །འདི་སྐད་བདག་གིས་ཐོས་པའི་ཐུན་མོང་གི་གླེང་གཞི་དུས་གཅིག་ན། མི…

དེ་བཞིན་རྡོ་རྗེ་ཐུགས་ཀྱི་རྟགས། །ཅི་ལྟར་སྔོན་དུ་ཤར་བ་ལྟར། །འདིར་ཡང་སྐལ་ལྡན་གྱི་སེམས་ཅན་ཀུན་ལུས་ལ། །འདི་དག་རྣམས་ནི་སེམས་ཅན་ཐམས་ཅད་ལ་ཡང་གཞི་ལ་བཅས་ཀྱིས་གྲུབ་ནས་ཡོད་སྣང་བར་འགྱུར། །འདི་ཉིད་སུ་ལ་སྣང་བ་དེ། །སྔོན་ནས་སྦྱངས་པའི་སྐལ་བ་ཅན། །སྔ་མ་བར་ཆོད་དུ་སོང་ལ་མ་སྨིན་པ་ལས་ནི། །ད་ལྟའི་དུས་ངེས་འབྲས་བུ་ནི། །སུ་ཡིས…

རི་མོ་ཉིད་དང་འབུར་དུ་ནི། །སུ་ལ་ཡོད་པའི་སྐྱེས་བུ་དེ། །སངས་རྒྱས་ཀུན་གྱི་གསུང་ལ་ཡང་། །འདི་ཡིས་སྔོན་དུ་སྦྱངས་པས་ན། །ཚེ་གཉིས་ཀྱིས་ནི་གསུང་གཅིག་ཏུ། །ངེས་པའི་འབྲས་བུ་ཐོབ་པར་འགྱུར། །འདི་ལ་བར་ཆོད་མེད་པ་གཅེས། །བར་མ་ཆོད་པར་སུས་བསྒོམ་པ། །གདོན་མི་ཟ་བར་མཐོང་བར་འགྱུར། །སངས་རྒྱས་རྣམས་ཀྱི་ཐུགས་ལ་ཡང་། །སྔོན་དུ་གོམས་པ…

པར་འགྱུར། །མ་ཞུགས་ལྡོག་པས་རེ་ཞིག་གོང་བཞིན་ནོ། །འདི་ཡོ་ག་དགའ་ལ་དྷུ་ཎྼྀ་སྐུ་གསུང་ཐུགས་ཀྱི་རྟགས་ཅི་ལྟར་འབྱུང་བ་སྟོན་ལྟར་སེམས་ཅན་དག་ལ་ཡང་། །སྔོན་དུ་སངས་རྒྱས་སྐུ་གསུང་ལ། །གོམས་ཤིང་སྦྱངས་པའི་རྟགས་སུ་ཡང་། །འདི་ལྟར་འབྱུང་ངོ་མཁའ་འགྲོ་མ། །སངས་རྒྱས་ཀུན་གྱི་སྐུ་ཉིད་ལ། །སྔོན་དུ་སུ་ཡིས་གོམས་དེ་ཡི། །སྨྲ་བའི་ཚིག་ནི…

ཞག་འགའ་ཙམ་ལ་བསླབས་བསྒོམ་པ་རང་བབས་དང། །སེམས་ནི་ངང་གིས་དལ་བ་རྙེད། །འདིས་ནི་སྔོན་དུ་སྐུ་ལ་གོམས། །བསམས་པས་ཆོས་རྣམས་བློར་སྣང་དང་། །སྔར་མ་མཐོང་བའི་ཡུལ་མཐོང་དང་། །སྔར་མ་ཐོས་པའི་ཆོས་ཀྱི་ཚིག །རང་བཞིན་ཉིད་དུ་ཤེས་པ་ནི། །འདིས་ནི་སྔོན་དུ་སངས་རྒྱས་ཀྱི། །གསུང་ལ་གོམས་སོ་མཁའ་འགྲོ་མ། །རྟག་ཏུ་གཅིག་པུར་འདུག་པ་དང་། །གང་…

ཡིད་ཀྱིས་ལེགས་པར་ཟུང་། །འདི་ལྟར་སྐྱེས་བུ་སྐལ་བ་ཅན། །ཆོས་ཉིད་དོན་ལ་ཚེ་འདི་ལ་ནི་གོམས་ནས་ནི། །ཕྱིར་མི་ལྡོག་པའི་ཉམས་ལེན་ཐུན་མོང་མ་ཡིན་པ་ས་ལ་ཡང་། །སུ་ཡིས་སྤྱད་པར་ནུས་པ་ལ། །ལུས་ངག་སེམས་ཀྱི་རྟགས་སུ་ཡང་། །འདི་རྣམས་འབྱུང་ངོ་མཁའ་འགྲོ་མ། །གང་གིས་སྒྲ་ལ་གོམས་པའི་རྟགས་འབྱུང་བའི་སྒྲ་རྣམས་དང་། །རིགས་དྲུག་སྒྲ་ལ་སུས་…

གིས་བཅིངས་པ་ཀུན་ལས་གྲོལ། །ཕྱིས་ནི་ལུས་རུ་ཤན་ཕྱེད་པས་ངག་སེམས་འདྲེལ་ཆོད། །ལྟ་བ་ལ་ནི་གོམས་པའི་རྟགས། །སྐལ་བ་དང་ལྡན་སྐྱེས་བུ་ལ། །འདི་བཞིན་དུ་ཡང་འབྱུང་བར་འགྱུར། །སྟོང་པས་ལུས་དང་སེམས་རྒྱས་པས། །མཁའ་འགྲོ་བཞི་སྟེ་ནམ་མཁའ་ལས། །རླུང་ལ་རང་དབང་བསྒྱུར་བའི་ཕྱིར། །རླུང་བཞིན་སྐད་ཅིག་དྲུག་བརྒྱ་ལ། །འཛམ་བུ་གླིང་དུ་རྒྱུ་བ…

ཟག་བཅས་ཕུང་པོ་མི་སྣང་བར། །འབྲས་བུ་ཐོབ་ལ་ཐེ་ཚོམ་མེད། །གང་གིས་དབྱིངས་ལ་གོམས་པ་ནི། །དབུགས་ནི་ཕྱི་ནང་རྒྱུ་བ་ཟད། །ནམ་མཁར་བྱ་བཞིན་འགྲོ་བ་དང་། །དེ་བཞིན་ཆུ་ལ་ཉ་བཞིན་དུ། །སྐལ་དང་ལྡན་པ་འདི་འགྲོ་སྟེ། །སྔར་མ་མཐོང་བའི་ཡུལ་རྣམས་དང་། །གླིང་དང་རི་རབ་བཅས་པ་ཡང་། །འདུག་ས་གཅིག་ནས་མཐོང་བ་དང་། །གནས་གཅིག་ནས་དེ་བཞིན་སངས་རྒ…

ཅིག་ངེས་རྩད་ཆོད། །འདི་ལྟར་རྟགས་དང་ལྡན་པ་དེ། །དེ་ནས་ལོ་ནི་གཉིས་ནས་ཀྱང་། །རིག་པ་ཉིད་ཀྱི་ཚད་ཚད་ལ་ཕེབས་པ་ཤེས་ནས། །དབྱིངས་དང་རིག་པའི་རང་སྣང་དང་། །འབྲལ་བ་མེད་པར་འདུག་པའོ། །དེ་ཡང་ལུས་ཀྱི་འབྱུང་བ་རང་དེངས་སུ། །འགྱུར་བ་འདི་ལ་ཐེ་ཚོམ་མེད། །གང་གིས་སྐུ་ལ་ཚད་འབྱོངས་པ། །སྐལ་དང་ལྡན་པའི་སྐྱེས་བུ་ལ། །སྔོན་དུ་རྟགས་ནི་འ…

དང་། །རི་བྲག་ལ་ཡང་ཟང་ཐལ་དང་། །ས་ཡི་འོག་དུ་འཛུལ་བ་དང་། །ཆུ་ལ་འབྱིང་བ་མེད་པར་འབྱུང་། །དེ་ལྟར་བྱུང་བའི་སྐལ་ལྡན་དེས། །དབྱིངས་རིག་གདེང་དུ་མ་ཚུད་ན། །འབྱུང་བ་ཉིད་ནི་རང་དེངས་སུ། །འགྱུར་བ་ཉིད་ནི་མ་ཡིན་ཏེ། །འདི་ནས་སྐྱེ་བ་འཕོས་ནས་ནི། །ཆོས་ཉིད་ཀྱི་ནི་བར་དོ་ལ། །སྐད་ཅིག་ཉིད་ལས་གྲོལ་བར་འགྱུར། །གང་དག་སྐྱེས་བུ་སྐལ་ད…