བག་ཆགས་སྒྲིབ་གཡོགས་འོད་གསལ་ཆེན་པོར་གསལ། །གཏི་མུག་ཆོས་སྐུ་རང་བཞིན་གཅིག །རྒྱུ་རྐྱེན་འཕོ་འགྱུར་མེད་པའི་དོན་རྟོགས་ནས། །སྙིང་པོ་ཡང་དག་མ་ནོར་ངེས་པའི་ལམ། །སྐྱེ་མེད་ཀ་དག་བྱར་མེད་བློ་འདས་ཡིན། །དངོས་མེད་ཟང་ཐལ་མིང་མེད་དོན་རྟོགས་པས། །འཆར་སྒོ་འཁྲུལ་སྒོ་གཉིས་ཀ་མེད། །དེ་ཕྱིར་ཐོག་མར་ཡེ་སངས་རྒྱས། །ཞེས་གསུངས་སོ། །རྒྱ…

སྟོང་པ་ཀུན་འབྱུང་སྟོང་པར་སངས། །རང་བྱུང་རང་གྲོལ་རང་སངས་རྒྱས། །གཏི་མུག་མུན་པ་ཀ་དག་རྒྱས། །སངས་རྒྱས་གཞན་ན་མེད་ཀྱིས་མ་རེ་ཞིག །ཡེ་ཡིན་ཀློང་གྱུར་ངོ་ཤེས་པས། །སེམས་ཅན་འཁོར་བ་མེད་ཀྱིས་མ་དོགས་ཤིག །གཉིས་མེད་གཉིས་སུ་དབྱེར་མེད་པས། །སེམས་ཅན་སངས་རྒྱས་གཉིས་མེད་གཉིས་ཀ་མེད། །ཅེས་གསུངས་སོ། །རྒྱུད་ཀྱི་རྩེ་རྒྱལ་ཉི་ཟླ་འོད…

དེ་ནས་གསལ་དག་རིན་ཆེན་གྱིས། །སྐྱེ་མེད་ཀ་དག་སྟོན་པ་ལ། །སངས་རྒྱས་བྱ་བ་ཡོད་དམ་མེད། །དམྱལ་བ་བྱ་བ་ཅི་ལ་ཟེར། །ཞུས་པས། སྟོན་པས་འཁོར་ལ་བཀའ་སྩལ་པ། །ཐིག་ལེ་མཐོང་བརྟོལ་དོན་རྟོགས་པས། །སངས་རྒྱས་མེད་པས་སངས་རྒྱས་མིང་ཡང་མེད། །རྙེད་པར་འདོད་པས་བསྐལ་པ་བརྒྱར་མི་རྙེད། །སངས་རྒྱས་གང་ཡིན་བླ་དྭགས་ཡིན། །བླ་དྭགས་ཚིག་ལ་སངས་རྒྱས…

འབྲས་བུ་ཇི་ལྟར་ཐོབ། །ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ། །ཉི་ཟླའི་སྙིང་པོ་ཡང་ཏི་ལ། །འབྲས་བུ་ཐོབ་དང་མ་ཐོབ་གཉིས་མེད་ཀྱང་། །རྩོལ་བས་འབྲས་བུ་མི་འགྲུབ་སྟེ། །རེ་ཞིག་འཁོར་ལ་བྲོད་པ་བསྐྱེད་ཕྱིར་བཤད། །རེ་དོགས་འབྲས་བུ་ངས་མ་བཤད། །ཡིད་སྨོན་འབྲས་བུ་ངས་མ་བཤད། །ཞེ་འདོད་འབྲས་བུ་ངས་མ་བཤད། །བྱ་བཙལ་འབྲས་བུ་ངས་མ་བཤ…

གྱི་རྒྱུད་ལས། ཡང་ཏི་ཉི་ཟླ་རྟོགས་པས་མ་བསྒྲུབས་འབྲས་བུ་ཐོབ་པར་བསྟན་པའི་ལེའུ་སྟེ་ཉེར་གཉིས་པའོ།། །།དེ་ནས་གསལ་དག་རིན་ཆེན་གྱིས། །སྐྱེ་མེད་ཀ་དག་སྟོན་པ་ལ། །རྒྱུད་ཀྱི་མཚན་བཤད་ཇི་ལྟར་བཤད། །ཅེས་ཞུས་པས། སྟོན་པས་འཁོར་ལ་བཀའ་སྩལ་པ། །རྒྱུད་གསུམ་རྩེ་རྒྱལ་ཉི་ཟླའི་རྒྱུད་དུ་འདུས། །རྒྱུད་རྣམས་ཀུན་གྱི་རྩེ་མོ་བྱུང་རྒྱལ་བས…

དག་འཁྲུལ་པ་རྣམ་པར་དག །དེ་ཕྱིར་མཁའ་ཀློང་རྣམ་དག་རྒྱུད། །མཁའ་ནི་རྩལ་ཟེར་འོད་གསལ་ལ། །ཀློང་ནི་སྙིང་པོ་ཀ་དག་ཀློང་། །རྣམ་དག་བློས་བཏགས་ཆོས་རྣམས་འགགས། །དེ་ཕྱིར་མཁའ་ཀློང་རྣམ་དག་རྒྱུད། །མཁའ་ནི་སྣང་གསལ་ནམ་མཁའ་ལ། །ཀློང་ནི་ཆོས་ཉིད་དབྱིངས་ཀྱི་ཀློང་། །རྣམ་དག་ཆོས་ཅན་ཆོ་འཕྲུལ་དག །སྤྲིན་དང་ཁུ་རླངས་ཆར་སེར་ཀུན། །ནམ་མཁའི…

རྒྱུད་ཀྱི་མཚན་བཤད་བསྟན་པའི་ལེའུ་སྟེ་ཉེར་གསུམ་པའོ།། །།དེ་ནས་གསལ་དག་རིན་ཆེན་གྱིས། །སྐྱེ་མེད་ཀ་དག་སྟོན་པ་ལ། །རྒྱུད་འདི་བསྟན་པའི་སྐལ་ལྡན་ཇི་ལྟ་བུ། །ཞེས་ཞུས་པས། སྟོན་པས་འཁོར་ལ་བཀའ་སྩལ་པ། །དཔེར་ན་སེང་གེའི་འོ་མ་ཡང་། །རིན་ཆེན་གསེར་ཟོར་བླུགས་པ་ལས། །སྣོད་ངན་ཕལ་དུ་བཞོས་གྱུར་ན། །བཅུད་ཀྱང་འབོ་ལ་སྣོད་ཀྱང་ཆག །དེ་བ…

རྒྱ་གར་སྐད་དུ། བཛྲ་སཏྭ་ཤ་ཏཱཀྵ་རཱ་ཀ་ཨ་བྷི་ཥེ་ཀོཏྟ་མ་ཧཱ་རཱ་ཛ་ཏན་ཏྲ་ནཱ་མ། བོད་སྐད་དུ། རྡོ་རྗེ་སེམས་དཔའི་ཡི་གེ་བརྒྱ་པ་དབང་མཆོག་རྒྱལ་པོའི་རྒྱུད་ཅེས་བྱ་བ། བཅོམ་ལྡན་འདས་དཔལ་རྡོ་རྗེ་འཆང་ཆེན་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། དེ་བཞིན་གཤེགས་པ་ཐམས་ཅད་འོག་མིན་རྡོ་རྗེའི་གནས་ཀྱི་དང་པོ་ན་བཞུགས་ཏ…

སེམས་ཅན་དག་མཐོང་སྟེ། དེའི་ཚེ་དེའི་དུས་ན། ཕྱོགས་བཅུ་ཀུན་ནས་རྒྱལ་བ་ཐམས་ཅད་འདུས་ནས་བཀའ་བགྲོས་ཏེ་ཐུགས་རྗེའི་དོན་བགྲོ་བ། ཀྱེ་མ་རྡོ་རྗེ་སེམས་དཔའ་རྡོ་རྗེ་འཛིན། །འཇིག་རྟེན་འདོད་ཁམས་དམ་ཚིག་སྐྱོན། །ཉེས་བྱས་རྣམ་སྨིན་རྒྱུ་ལས་བཟློག །དེ་ཡི་གཉེན་པོ་ཁྱོད་ཉིད་ཡིན། །ཞེས་བགྲོའོ། །རྡོ་རྗེ་འཆང་བ་རྡོ་རྗེ་འཛིན། །དེ་ཉིད་སྤ…

གཅིག །བས་མཐའི་དུར་ཁྲོད་གནས་ན་བསྒྲུབ། །མཁས་པ་ཀུན་གྱི་སེང་གེར་གྱུར། །དེ་ལྟ་བུ་ཡི་སློབ་དཔོན་ལ། །ཡུལ་ཁམས་སྐྱོང་བའི་རྒྱལ་པོའི་བུས། །བློ་སྦྱོང་རིག་པ་རྫོགས་བྱས་ནས། །རྒྱལ་པོའི་གོང་ན་བྲམ་ཟེ་གནས། །རྒྱལ་བུ་ཕྲག་དོག་ངན་སེམས་སྐྱེས། །བླ་མ་བྲམ་ཟེ་སྒྲུབ་པ་ལ། །མཁའ་འགྲོའི་ཚོགས་ཀྱིས་བརྡའ་བརྟན་པ། །རྣལ་འབྱོར་གསེར་སྣོད་ངན…

ཤོག །ཚེ་འཕོས་ནས་ཀྱང་ན་རཀ་གནས། །ཁ་འཁོར་སྡུག་བསྔལ་ཐར་མེད་ཤོག །དེ་ལས་ཐར་ཡང་པྲེ་ཏ་ཀ །ཏིརྱ་ཀ་ཡི་ཁ་འཁོར་ཤོག །དུས་དང་ཚེ་རབས་ཐམས་ཅད་དུ། །འཕགས་པའི་ཞལ་ནི་མི་མཐོང་ཞིང་། །བྱང་ཆུབ་མྱུ་གུ་སྔོ་བསྐམ་ཤོག །ཅེས་པ་ངན་སེམས་དམོད་པ་བོར། །ཉེས་བྱས་དམ་ཉམས་རྒྱལ་བུ་དེ། །དེ་ནས་མྱུར་དུ་ལུས་དག་ལ། །ནད་རྣམས་ཀུན་ཕོག་ཚེ་དུས་བྱས། །རང་…

ཆོད། །གསང་སྔགས་བླ་མེད་རྡོ་རྗེ་ལ། །ཐབས་མཆོག་བླ་ན་མེད་པ་བཞུགས། །ཉན་ཐོས་རང་རྒྱལ་ལྟ་བུ་མིན། །དཔེར་ན་ཉན་ཐོས་འདུལ་ཁྲིམས་ནི། །རྫ་སོ་མ་བཏང་ཆག་པ་འདྲ། །ཆག་པར་གྱུར་ན་གསོ་ཐབས་མེད། །གསང་སྔགས་རྡོ་རྗེ་ཐེག་པ་ནི། །རིན་ཆེན་གསེར་འདྲ་རྒྱུ་མཆོག་བཟང་། །གསེར་དངུལ་སྣོད་འདྲ་ཞོམས་ཀྱང་བཅོས། །སྔ་མ་བཞིན་དུ་ལེགས་པར་སོས། །དེ་བཞིན…

ཀྱིས་ལུས་ངག་ཡིད། །བྱིན་བརླབ་བཤགས་སྦྱང་སྤང་བསྒྲུབ་དང་། །རང་འཁྲུངས་རྡོ་རྗེ་གསེར་ཉིད་དོ། །ཡིད་ཀྱི་སྒོ་ནས་ཆག་ཉམས་བྱུང་། །ཐུགས་ཀྱི་ལྟ་བས་བཤགས་པར་བྱ། །ལྟ་བ་ལོག་པ་ཉམས་པ་ཆེ། །ཡིན་པ་མེད་པ་ལྟ་བའི་མཆོག །ཡིད་ཀྱི་བཤགས་ཐབས་ཆེན་པོ་ཡིན། །ལུས་ཀྱི་སྒོ་ནས་ཆག་ཉམས་ན། །ཕྱག་རྒྱ་སྐུ་ཡི་བསྒོམས་པས་བཤགས། །ཕྱོགས་སུ་འཛིན་པ་ཉམས་…

རྒྱ་མཚོ་རྣམས་ལ་ཕྱག་འཚལ་ལོ། །ཆོས་རྣམས་རྣམ་དག་ཡེ་ནས་ལྷུན་གྲུབ་ཅིང་། །བྱ་བ་བྱེད་དང་ཡིད་ཆོས་རྣམ་པར་དག །ཀུན་བཟང་ཡབ་ཡུམ་གཉིས་ལ་ཕྱག་འཚལ་ལོ། །ཆོས་སྐུ་ནམ་མཁའ་བཞིན་དུ་དབྱེར་མེད་ཀྱང་། །གཟུགས་སྐུ་འཇའ་ཚོན་བཞིན་དུ་སོ་སོར་གསལ། །ཐབས་དང་ཤེས་རབ་མཆོག་ལ་མངའ་བརྙེས་པ། །རིགས་ལྔ་བདེ་བར་གཤེགས་ལ་ཕྱག་འཚལ་ལོ། །ངོ་མཚར་ཕོ་བྲང་བད…

འདི་རྣམས་དབང་དུ་གསོལ་ལ་ཕྱག །ཚིག་གསལ་ལུས་གུས་མོས་པས་འཚོལ། །སྒྱུ་འཕྲུལ་ཆེན་པོའི་དཀྱིལ་འཁོར་ནི། །ཞི་བ་ཆོས་ཉིད་ངང་ལས་མ་གཡོས་ཀྱང་། །ཕྲིན་ལས་མཐར་ཕྱིན་ཐབས་མཆོག་ཁྲོ་བོའི་ཚུལ། །འབར་བ་ཁྲོ་བོའི་ཚོགས་ལ་ཕྱག་འཚལ་ལོ། །ཧོ་རང་རིག་ཐབས་ཀྱི་རྒྱལ་པོ་མཆོག །སངས་རྒྱས་སྤྱི་དཔལ་ཁྲོ་བོའི་རྗེ། །ཆེ་མཆོག་ཧེ་རུ་ཀ་ལ་ཕྱག་འཚལ་ལོ། །འ…

དྲུག་པའོ།། །།ཡང་བཀའ་སྩལ་པ། ལས་ངན་སེམས་ཅན་ཁྱོད། ལུས་ངག་ཡིད་གསུམ་བརྩོན་འགྲུས་ཕྱུང་། །དཀྱིལ་འཁོར་ལྷ་རྣམས་དབང་གསོལ་ལ། །གུས་པས་དཀྱིལ་འཁོར་ལྷ་ལ་མཐོལ། །དམིགས་མེད་ཆོས་ཀྱི་སྐུ་ལ་ཕྱག་འཚལ་ལོ། །ལོངས་སྤྱོད་རྫོགས་པའི་སྐུ་ལ་ཕྱག་འཚལ་ལོ། །ཅིར་ཡང་སྤྲུལ་པའི་སྐུ་ལ་ཕྱག་འཚལ་ལོ། །མི་འགྱུར་རྡོ་རྗེའི་སྐུ་ལ་ཕྱག་འཚལ་ལོ། །མངོན…

ཅེས་བསྒྲགས་པ་དང་། །དམྱལ་བའི་གནས་ཀྱི་སེམས་ཅན་དེ། །དྲན་པ་སླར་ནི་རྙེད་པར་གྱུར། །སྡུག་བསྔལ་སྐབས་དེ་ཞི་བ་ལས། །རྡོ་རྗེ་སེམས་དཔས་འདི་སྐད་གསུངས། །ཞིང་ཁམས་རྒྱལ་བ་རྒྱ་མཚོ་དགོངས། །དུས་གསུམ་སངས་རྒྱས་ཐམས་ཅད་ཀྱི། །མཚམས་མེད་ཉེས་བྱས་རྣམ་སྨིན་བྱང་། །གསང་སྔགས་དམ་ཚིག་སོ་རུ་ཆུད། །མི་དགེ་ཕལ་པ་སྨོས་ཅི་དགོས། །གང་ཞིག་ནད་ཀྱ…

ཨ་ལ་ལ་ཧོ། ཞེས་སྨྲས་སོ། །དེ་ནས་དུས་གསུམ་གྱི་སངས་རྒྱས་རྣམས་ཀྱིས། རྡོ་རྗེ་སེམས་དཔའ་ལ། ཐུགས་ཀྱི་ཡང་སྙིང་བརྗོད་པ་ཁྱོད། ཤིན་ཏུ་ལེགས་སོ། །བཤགས་པའི་རྒྱལ་པོ་བརྗོད་པ་ལེགས་སོ་ལེགས་སོ། །ཞེས་གནང་བ་བྱིན་ནོ། །དབང་མཆོག་རྒྱལ་པོའི་རྒྱུད་ལས། ཡང་སྙིང་གསང་སྔགས་བཤགས་པའི་ལེའུ་སྟེ་བརྒྱད་པའོ།། །།དེ་ནས་ཕྱག་ན་རྡོ་རྗེ་ཡིས། །ལས…

མགོན་པོས་མྱུར་དུ་མགོན་སྐྱབས་མཛོད། །ཅེས་གསོལ་བ་བཏབ་པོ། དེ་ནས་ལག་ན་རྡོ་རྗེ་ཡིས། །རིན་ཆེན་སྒྲོམ་བུ་ཕྱག་ཐོགས་ནས། །ལས་ངན་དེ་ཡི་གཙུག་ཏུ་བཞག །རིག་པའི་ཚིགས་བཅད་འདི་བརྗོད་དོ། །ཨོཾ་རིན་ཆེན་སྒྲོམ་བུའི་བུམ་པ་ན། །སངས་རྒྱས་ཞི་ཁྲོའི་ལྷ་ཚོགས་བཞུགས། །སེམས་ཅན་ཁྱེད་ལ་དབང་བསྐུར་བས། །པྲེ་ཏའི་སྡུག་བསྔལ་བྲལ་བར་ཤོག །དྲེ་པ་…

པའི་པོ་ཏི་འདི། །དུས་གསུམ་སངས་རྒྱས་ཞི་ཁྲོའི་གསུང་། །སེམས་ཅན་ཁྱོད་ལ་དབང་བསྐུར་བས། །ཏིརྱའི་སྡུག་བསྔལ་གྲོལ་བར་ཤོག །སུ་མ་ཐ་མ་ཐ་སརྦ་ཏིརྻ་ཀ་ག་ཏེ་ཧེ་ཏུཾ་ཧཱུཾ་ཕཊཿ། ཨོཾ་བུཌྜྷ་སཏྭ་ས་མ་ཡ། མ་ནུ་པཱ་ལ་ཡ། བུཌྜྷ་སཏྭ་ཏྭེ་ནོ་པ་ཏིཥྛ། དྲྀ་ཌྷོ་མེ་བྷ་བ། སུ་ཏོཥྱོ་མེ་བྷ་བ། ཨ་ནུ་རཀྟོ་མེ་བྷ་བ། སུ་པོཥྱོ་མེ་བྷ་བ། སརྦ་སིདྡྷིམྨེ་…