བགྲངས་པ། །ཀུན་བྱེད་ང་དང་ང་ཡི་རང་བཞིན་དང་། །ང་ཡིས་བྱས་པའི་ཆོས་དང་རྣམ་པ་གསུམ། །ང་ནི་སྟོན་པ་ཀུན་བྱེད་ཀུན་གྱི་མེས། །ང་ཡི་རང་བཞིན་རྣམ་པ་བཅུར་བསྟན་པ། །དེ་ནི་བསྟན་པ་ཀུན་གྱི་སྙིང་པོར་བཤད། །ཀུན་བྱེད་ང་ཡིས་བྱས་པའི་ཆོས་རྣམས་ནི། །དུས་གསུམ་གཅིག་ན་བཞུགས་པའི་སངས་རྒྱས་དང་། །ཁམས་གསུམ་གནས་པའི་འགྲོ་བ་ཐམས་ཅད་ཀུན། །དབྱེ…

དེ་སྐུ་དང་ཡེ་ཤེས་བཤད། །ཐུགས་རྗེ་སྣ་ཚོགས་ངེས་མེད་སྤྲུལ་པ་ཡིས། །བཟོད་ཐོབ་གང་ན་འདུས་པའི་འཁོར་དེ་ལ། །མ་ངེས་གང་གིས་འདུལ་བའི་དོན་ཡང་བསྟན། །སྨོན་ལམ་ལས་བཟང་རྐྱེན་གྱིས་བར་མ་ཆོད། །ང་ཡི་ཐུགས་རྗེ་སེམས་དཔའི་དུས་ལ་བབ། །ངས་བསྟན་འཁོར་གྱི་ནང་ནས་ཁྱོད་སྡུད་དང་། །གཉིས་མེད་དོན་ཉིད་ང་ཡིས་བསྟན་པ་གསུམ། །ཚོགས་པས་དུས་གནས་རང་…

ཐམས་ཅད་ཀྱི་རྩ་བ་བསྡུས་པ་འདི་གསུངས་སོ། །ཀྱེ་སེམས་དཔའ་ཆེན་པོ་ཉོན་ཅིག །ཆོས་ཐམས་ཅད་ཀྱི་རང་བཞིན་དང་རྩ་བ་ནི་འདི་ལྟ་སྟེ། ང་ནི་ཆོས་ཀུན་རང་བཞིན་ཡིན་པ་སྟེ། །ང་ཡི་རང་བཞིན་ལས་ནི་ཆོས་གཞན་མེད། །སྟོན་པ་སྐུ་གསུམ་ང་ཡི་རང་བཞིན་ཡིན། །དུས་གསུམ་སངས་རྒྱས་ང་ཡི་རང་བཞིན་ཡིན། །བྱང་ཆུབ་སེམས་དཔའ་ང་ཡི་རང་བཞིན་ཡིན། །རྣལ་འབྱོར་རྣ…

རང་བཞིན་ཡིན་པར་བཤད། །ཀུན་བྱེད་ང་ཡི་རང་བཞིན་རྣམ་ལྔ་ནི། །ང་ཡི་ངོ་བོ་རྣམ་ལྔ་ཕྱུང་བ་སྟེ། །ནམ་མཁའ་རླུང་ཆུ་ས་མེ་སྣང་བ་ལྔ། །ཀུན་བྱེད་ང་ཡི་རང་བཞིན་བསྟན་པ་ཡིན། །ཀུན་བྱེད་ང་ཡི་ཐུགས་རྗེས་མངོན་ཕྱུང་ནས། །རང་འབྱུང་ཡེ་ཤེས་རྣམ་ལྔ་བསྟན་པ་ནི། །འགྲོ་བ་རིགས་དྲུག་སེམས་ཅན་སྣང་བ་ཡང་། །ཀུན་བྱེད་ང་ཡི་རང་བཞིན་བསྟན་པ་ཡིན། །ཀུ…

པའི་བཀའ་ལ་གདགས། །མན་ངག་ཀུན་གྱི་རྩ་བ་ང་ཡིན་པས། །སེམས་ལས་མ་གཏོགས་པ་ཡི་ཆོས་ཉིད་ནི། །དུས་གསུམ་སངས་རྒྱས་ཁམས་གསུམ་སེམས་ཅན་ལ། །ཀུན་བྱེད་ང་ཡིས་ཡང་དག་བསྟན་པ་མེད། །རྒྱུད་དང་མདོ་སྡེ་ཀུན་གྱི་སྤྱི་འགྲེལ་ཡིན། །རྒྱུད་དང་མདོ་སྡེ་སྟོན་པའི་སྟོན་པ་ཡང་། །ཀུན་བྱེད་ང་ཡི་རང་བཞིན་ཕྱུང་བ་ཡིན། །སྟོན་པ་དང་ནི་བསྟན་པ་གཉིས་ཀ་འགྲ…

ཐག་གཅོད་པར་བྱེད། །ཇི་ལྟར་སྣང་བའི་ཆོས་འདི་ཐམས་ཅད་ལ། །རྒྱུ་དང་འབྲས་བུའི་ཐེག་པ་ཅན་རྣམས་ཀྱིས། །ལ་ལས་དུག་མཐོང་སྤོང་བའི་རྟོག་པ་བྱེད། །ལ་ལས་སེམས་ཆགས་པ་ཡི་ཡུལ་མཐོང་ནས། །བདེན་གཉིས་མ་ཆགས་པ་ཡི་རྟོག་པ་བྱེད། །ལ་ལས་རྣམ་དག་བྱ་བའི་ཡུལ་མཐོང་ནས། །དག་པ་གསུམ་དང་བྱིན་རླབས་ཆོ་འཕྲུལ་གྱིས། །རྗེ་དང་ཁོལ་གྱི་ཚུལ་དུ་རྟོག་པར་བྱ…

སེམས་དཔའ་ཆེན་པོ་ཉོན་ཅིག །ང་ནི་ཆོས་ཀྱི་སྤྱི་ལུང་ཡིན་པའི་ཕྱིར། །གཏན་ཚིགས་དོན་གྱི་བཤད་ལུགས་རྣམ་ལྔ་ནི། །སྤྱི་དོན་རྣམ་པ་ལྔ་ཡིས་བཤད་པ་སྟེ། །ལོ་རྒྱུས་དོན་གྱི་བཤད་ལུགས་བསྟན་པ་དང་། །རྩ་བ་དོན་གྱི་བཤད་ལུགས་བསྟན་པ་དང་། །ཡོ་ག་དོན་གྱི་བཤད་ལུགས་བསྟན་པ་དང་། །དགོས་པ་དོན་གྱི་བཤད་ལུགས་བསྟན་པ་དང་། །ཚིག་གི་དོན་གྱི་བཤད་ལ…

བསྟན་པ་ཡིན། །ཀྱེ་སེམས་དཔའ་ཆེན་པོ་ཉོན་ཅིག །ཡོ་ག་དོན་གྱི་དགོས་ཆེད་བསྟན་པ་ནི། །ཀུན་བྱེད་ང་ལས་བྱུང་བའི་སྐུ་གསུམ་གྱིས། །ལོངས་སྤྱོད་སྐུ་དང་ཆོས་སྐུའི་བསྟན་པ་ཡི། །ཏན་ཏྲ་ལ་སོགས་ཡོ་ག་སྡེ་རྣམས་ལ། །སོ་སོའི་ཁྱད་པར་བྱེ་བྲག་ཡོད་ཀྱིས་ཀྱང་། །རྒྱུ་འབྲས་འདས་པ་ང་ཡི་བསྟན་པ་ནི། །རྫོགས་ཆེན་ཨ་ཏི་ཡོ་གའི་དོན་འདི་ནི། །ཐེག་པ་ཤ…

གྱི་ལོ་རྒྱུས་ཡིན། །གང་དང་གང་གི་རྩ་བ་བཤད་པ་ནི། །ང་ལས་བྱུང་བའི་སྟོན་པ་སྐུ་གསུམ་གྱིས། །ཇི་སྐད་བསྟན་པའི་ཆོས་རྣམས་ཐམས་ཅད་ཀུན། །རྩ་བ་བྱང་ཆུབ་སེམས་སུ་བསྟན་པའི་ཕྱིར། །སྟོན་པ་དང་ནི་བསྟན་པ་འཁོར་རྣམས་ཀྱི། །རྩ་བ་དོན་གྱི་གཏན་ཚིགས་བསྟན་པ་ཡིན། །ང་ཡི་རང་བཞིན་དེ་བཞིན་ཉིད་གཅིག་ལ། །རྣལ་འབྱོར་རྣམ་བཞི་ཡོ་གའི་བྱེ་བྲག་ནི།…

ང་ལས་བྱུང་བའི་སྐུ་གསུམ་སྟོན་པ་ལ། །ང་ཡི་རང་བཞིན་རྣམ་གསུམ་མི་བསྟན་གསང་། །ང་ལ་གནས་པའི་དུས་གསུམ་སངས་རྒྱས་ལ། །ང་ཡི་རང་བཞིན་མི་བསྟན་གསང་བར་བྱ། །ང་ལ་འདུས་པའི་འཁོར་ཚོགས་ཐམས་ཅད་ལ། །ང་ཡི་རང་བཞིན་མི་བསྟན་གསང་བར་བྱ། །ང་ཡིས་བྱས་པའི་ཁམས་གསུམ་སེམས་ཅན་ལ། །ང་ཡི་རང་བཞིན་མི་བསྟན་གསང་བར་བྱ། །ང་ཡི་རང་བཞིན་མ་གསང་བསྟན་བྱས…

ཅིག །ཀུན་བྱེད་རྒྱལ་པོ་ང་ཡིས་ནི། །མངོན་དུ་ཕྱུང་བ་གསུམ་བསྟན་ཏེ། །ང་ཡི་རང་བཞིན་རྣམ་གསུམ་ངས་བསྟན་པ། །དོན་རྣམས་སྟོན་པའི་སྟོན་པ་དང་། །དོན་རིག་འདོད་པའི་འཁོར་རྣམས་དང་། །མ་ནོར་ངེས་པའི་དོན་དང་གསུམ། །ཀུན་བྱེད་ང་ཡིས་མངོན་དུ་ཕྱུང་། །དོན་སྟོན་མངོན་དུ་ཕྱུང་བ་ནི། །ཆོས་ཀྱི་སྐུ་དང་ལོངས་སྤྱོད་རྫོགས། །སྤྲུལ་པའི་སྐུ་དང་…

ཀྱེ་སེམས་དཔའ་ཆེན་པོ། མངོན་དུ་ཕྱུང་བ་ཞེས་བྱ་བ། །གང་གིས་གང་མངོན་ཕྱུང་བ་ནི། །གང་གིས་ང་ཡིས་མངོན་དུ་ཕྱུང་། །གང་ཞིག་མངོན་དུ་ཕྱུང་བ་ནི། །སེམས་དེ་ཉིད་དེ་མངོན་དུ་ཕྱུང་། །གང་གི་དོན་དུ་མངོན་ཕྱུང་ན། །ཡུལ་ལ་སོ་སོར་ལྟ་བ་ཡི། །འཁོར་གྱི་དོན་དུ་མངོན་ཕྱུང་ཡིན། །ལ་ལ་སྤོང་བའི་དོན་དུ་ཕྱུང་། །ལ་ལ་འགེགས་པའི་དོན་དུ་ཕྱུང་། །…

མཐོང་ན། །བསྐལ་པ་བརྒྱ་ཕྲག་ཡུན་རིངས་སུ། །རང་གི་བྱང་ཆུབ་དེ་སྤོང་འགྱུར། །བྱ་མེད་བདེ་ཆེན་དེ་མི་ཐོབ། །ཡུལ་དེ་རང་དུ་མ་རྟོགས་པར། །ཡུལ་དེ་རྐྱེན་གྱིས་དགྲར་བརྟགས་ནས། །རང་གི་རང་བཞིན་དེ་བཀག་ན། །བསྐལ་པ་བརྒྱ་ཕྲག་ཡུན་རིངས་སུ། །ཆོས་ཉིད་རང་གི་སེམས་མི་མཐོང་། །རང་སེམས་ཆོས་ཉིད་མ་མཐོང་ན། །བསྐལ་པ་བརྒྱ་ཕྲག་ཡུན་རིངས་སུ། །རང…

སེམས་དཔའ་རྡོ་རྗེས་གསུངས་སོ། །དེ་ནས་ཀུན་བྱེད་རྒྱལ་པོ་ཉིད་ཀྱིས་ལུང་བསྟན་པ། ཀྱེ་སེམས་དཔའ་ཆེན་པོ། ཆོས་ཉིད་མངོན་དུ་ཕྱུང་བ་རང་སེམས་ཡིན། །རྒྱུ་དང་འབྲས་བུ་ཐེག་པ་ཅན་རྣམས་ཀྱིས། །རང་སེམས་མངོན་དུ་ཕྱུང་བ་མ་རྟོགས་ཏེ། །སྤོང་ཞིང་འགེགས་པས་བསྐལ་པ་ཡུན་རིངས་གནས། །སྦྱོངས་ཤིང་བགྲོད་ལ་བསྐལ་པ་གསུམ་དུ་གནས། །དག་བྱེད་ཁྲུས་དང་…

མི་སྣང་རང་སེམས་ཀུན་ལ་ཁྱབ། །ཡིན་པའི་ངོ་བོ་སྣང་བ་འདི་ཡིན་ཏེ། །འདི་མིན་སྙམ་པའི་རྒྱུ་འབྲས་ཐེག་ཆེན་ལ། །སྤོང་འགེགས་སྦྱོང་བ་བྱིན་བརླབས་སྣ་ཚོགས་ཀྱིས། །རང་སེམས་ཆོས་ཉིད་བྱ་མེད་དེ་ལས་གོལ། །རང་གམ་བཞག་ནས་གཞན་མ་རྒྱང་དུ་ཚོལ། །བྱ་མེད་བདེ་བོར་རྩོལ་བ་དང་དུ་ལེན། །ཚི་ཆད་པ་ཡི་ནད་དུ་དེ་ལས་མེད། །མ་ཡེངས་ཏིང་འཛིན་འཛིན་པའི་ར…

དེ་ནི་ལྷག་མ་མེད་པའི་ཐེག་པར་བཤད། །ང་ཡི་རང་བཞིན་ཀུན་དུ་སྣང་བ་ལ། །འདོད་སྤྱོད་དག་པའི་འཁོར་གྱི་ཚོགས་རྣམས་ལ། །ང་ཡི་ངོ་བོ་ལོངས་སྤྱོད་རྫོགས་པར་ཕྱུང་། །ངོ་བོ་དེ་ལ་ལྟ་སྤྱོད་རྫོགས་བྱེད་སྟོན། །དེ་ནི་ཐུན་མོང་མིན་པའི་ཐེག་པ་སྟེ། །ང་ཡི་རོལ་པའི་ངོ་བོ་ཕྱུང་བ་ཡིན། །ང་ཡི་རང་བཞིན་ཐུགས་རྗེ་འབྱུང་བ་ལས། །ཇི་ལྟར་འདུལ་བར་སྤྲ…

འདི། །སྙིང་བོར་གྱུར་པས་ཀུན་གྱི་བདག་ཉིད་ཡིན། །བྱ་མི་དགོས་པས་ཡེ་ནས་སངས་རྒྱས་ཡིན། །རྩོལ་སྒྲུབ་མེད་པས་ཡེ་ནས་ཆེ་བར་བཤད། །བདག་ཉིད་ཆེན་པོ་སངས་རྒྱས་ཆེ་བར་བཤད། །མ་སྐྱེས་སྤྲོས་བྲལ་མངོན་དུ་ཕྱུང་བ་འདི། །ཡེ་ནས་གཟུང་འཛིན་བྲལ་བས་ཆོས་ཀྱི་དབྱིངས། །བྱ་མི་དགོས་པས་ཡེ་ནས་སངས་རྒྱས་ཡིན། །རྩོལ་སྒྲུབ་མི་དགོས་ཡེ་ནས་ཆེ་བར་བཤད…

མེད། །སེམས་དཔའ་ཆེན་པོ་རྡོ་རྗེ་ཁྱོད་ཉིད་ཀྱང་། །ཀུན་བྱེད་ང་ཡི་རང་བཞིན་བསྟན་པའི་ཕྱིར། །ཁྱོད་ཀྱང་ང་ལས་ང་ཡིས་ཕྱུང་བ་ཡིན། །ཀུན་བྱེད་ང་ནི་ཆོས་ཀྱི་སྙིང་པོར་ཞོག །ཀུན་བྱེད་ང་ནི་ཡེ་ནས་བྱས་ཟིན་གྱིས། །ད་གདོད་བྱ་དགོས་ཀུན་ལ་ལུང་མ་སྟོན། །ད་གདོད་བྱ་དགོས་འཁོར་ལ་ལུང་བསྟན་ན། །འཁོར་རྣམས་རྩོལ་བའི་ནད་ཀྱིས་ཟིན་པར་འགྱུར། །ར…

ཞེས་ཞུས་སོ། །ཀྱེ་སེམས་དཔའ་ཆེན་པོ་ཉོན་ཅིག །སྐུ་ནི་ང་སྲས་རྒྱལ་བ་གསུམ་གྱི་སྐུ། །གདུང་ནི་དུས་གསུམ་རྒྱལ་བ་ང་ཡི་སེམས། །དུས་མེད་རྟག་ཏུ་སེམས་དཔའ་འདི་འཆང་ན། །དུས་གསུམ་སངས་རྒྱས་རྣམས་ཀྱི་མཆོད་པའི་རྟེན། །སྐུ་གདུང་རིང་བསྲེལ་ཞེས་ནི་དེ་ལ་བྱ། །ཀྱེ་སྟོན་པའི་སྟོན་པ་ཀུན་བྱེད་རྒྱལ་པོ་ལགས། །སྐུ་གདུང་རིང་བསྲེལ་དེ་ལྟར་ལགས…

ཀྱིས། །བྱ་བའི་ཕྲིན་ལས་སྣ་ཚོགས་དང་། །བསམ་པའི་ཏིང་འཛིན་རིམ་པ་དང་། །འཕྲོ་བའི་འོད་ཟེར་སྣ་ཚོགས་དང་། །བལྟ་བའི་ཡུལ་ནི་ཅི་དམིགས་ཀྱང་། །ཇི་བཞིན་པ་ལ་གཡོས་པ་མེད། །བྱ་བའི་ལས་ཀྱིས་གྲུབ་པ་མེད། །བསམ་པའི་ཏིང་འཛིན་ཡལ་བར་འགྱུར། །འཕྲོ་བའི་འོད་ཟེར་ཞི་འགྱུར་ན། །བལྟ་ཡུལ་གང་ཡང་མཐོང་བ་མེད། །དེས་ན་བཙལ་བའི་ལས་མ་བྱེད། །ཀྱེ་སེ…