བླངས་པས། །མཐོང་མ་མྱོང་བའི་ཡུལ་གཉིས་མཐོང་། །ཤེས་མ་མྱོང་བའི་གཏམ་ཅིག་ཤེས། །བརྗོད་མ་མྱོང་བའི་ཚིག་ཅིག་བརྗོད། །དེ་ཚེ་རྟོགས་པའི་ཤེས་རབ་སྐྱེས། །ཞེས་གསུངས་སོ། །ཡང་ཞུས་པ། རྟོགས་པའི་ཤེས་རབ་ཇི་ལྟར་སྐྱེས། །ཞུས་སོ། །ང་ཡི་ཆོས་སྐུ་དག་པ་ལས། །ཐམས་ཅད་མཁྱེན་པའི་ཡེ་ཤེས་ཤར། །ལོངས་སྐུ་མ་བསྐྱེད་ལྷུན་རྫོགས་པས། །རྣམ་པ་ཐམས་ཅད…

ཀྱི་བུ་དེ་ལ་ནི་ངོ་བོ་རང་བཞིན་ཐུགས་རྗེ་གསུམ་ཞེས་ཀྱང་བྱའོ། །གཞི་ལ་གནས་པའི་སྐུ་གསུམ་ཞེས་ཀྱང་བྱའོ། །འབྲས་བུ་གཞི་ལ་གྲུབ་པ་ཞེས་ཀྱང་བྱའོ། །སྐུ་གསུམ་ཇ་ལོག་ཆེན་པོ་ཞེས་ཀྱང་བྱའོ། །འབྲས་བུའི་ངང་ལ་གནས་པ་ཞེས་ཀྱང་བྱའོ། །ལོངས་སྐུའི་ཆོས་སྐུ་ཆེན་པོ་ནི་རྣམ་པར་སྣང་མཛད་ཆེན་པོའོ། །ལོངས་སྐུའི་ལོངས་སྐུ་རིགས་བཞིའོ། །ལོངས་སྐ…

དག་པ། འདུས་མ་བྱས་པའི་ཡེ་ཤེས་ཆེན་པོ། ནམ་མཁའི་ལྟ་བུའི་ཆོས་ཉིད། སྟོང་པ་རྡོ་རྗེའི་ཆོས་ཅན། རིག་པ་དངོས་མེད་ཡེ་དག་ཟང་ཐལ་ཆེན་པོའོ། །རང་བཞིན་ནི་གཞི་གནས་ཀྱི་ཡེ་ཤེས་ཆེན་པོ་ལ། མཚན་ཉིད་འཛིན་པའི་ཡེ་ཤེས་ལྔ། མ་འགགས་པར་ངོ་བོ་ནང་ན་འོད་གསལ་བའོ། །ཐུགས་རྗེ་ནི་སྙིང་པོ་སྐུ་ལྔ། ཕྱག་རྒྱ་མི་འགག་པར་གསལ་བའོ། །རིགས་ཀྱི་བུ་ངོ་བོ…

རྗེ་བྱེ་བྲག་མི་འདྲ་བར་མཁྱེན་པས་སེམས་དཔའ་སེམས་མར་སྤྲུལ་པའོ། །དེ་བཞིན་ཆོས་སྐུ་སྐུ་གསུམ་གྱི་བཞག་ལུགས་དང་སྤྲུལ་སྐུ་སྐུ་གསུམ་གྱི་བཞག་ལུགས་ཀྱང་ཤེས་པར་བྱའོ། །སྐུའི་ཆེ་བ་ཡོངས་སུ་རྫོགས་ཏེ་གདུལ་བྱ་འཁོར་སྨིན་པ་རྣམས་ལ་མངོན་པར་སྣང་བས། འབྲས་བུ་མངོན་པར་གསལ་བའི་དུས་ཤེས་པར་བྱའོ། །ཐུགས་ཀྱི་མཁྱེན་པས་ཡར་ཆོས་སྐུར་གསལ་ཞི…

སྤྲུལ་སྐུར་སྟོན་པ་སྟེ། སྤྲུལ་སྐུས་འགྲོ་བ་ལ་འཆད་པའི་ཕྱིར་ན་སྟོན་པའོ། །རྟོགས་པའི་ཤེས་རབ་ཀྱིས་ལོག་པར་རྟོགས་པའི་བདུད་བཅོམ་སྟེ། མཁྱེན་པའི་སྟོབས་དང་ལྡན་ཞིང་། གཟུང་འཛིན་གྱི་མཐའ་ལས་འདས་པས་ན་བཅོམ་ལྡན་འདས་སོ། །དེ་ལྟར་མཁྱེན་པས་རྟོགས་པ་བདག་གི་དཔལ་ལོ། །ཀུན་གྱི་དོན་བྱེད་ཅིང་འཆད་པས་ན་ཐུགས་རྗེ་གཞན་གྱི་དཔལ་ལོ། །འགྲོ…

ཆོ་འཕྲུལ་རྫུ་འཕྲུལ་ལྡན། །ཟུར་ཙམ་བསྡུས་ནས་བསྟན་པ་ཡིན། །ཡང་གསང་བའི་བདག་པོས་ཞུས་པ། སྐུ་གསུམ་འདས་ལུགས་ཇི་ལྟར་ལགས། །ཞེས་ཞུས་སོ། །སྟོན་པས་བཀའ་སྩལ་པ། ཆོས་སྐུ་མཐའ་རྣམས་ཀུན་ལས་འདས། །ལོངས་སྐུ་གཟུང་འཛིན་འཁོར་བའི་ཆོས་ལས་འདས། །སྤྲུལ་སྐུ་ཤེས་རབ་ཆེན་པོ་ཐུགས་རྗེའི་ཐབས་ལྡན་པས། །འཁོར་འདས་གཉིས་ཀའི་མཐའ་ལ་མི་གནས་འདས། །འ…

བསྐོར་ཏེ། ཐུགས་རྗེས་གཞན་བསྒྲལ་པའི་ཕྱིར། ལྡེམ་པོའི་དོན་ལ་དགོངས་ནས་ཐེག་པ་ཐུན་མོང་རྣམས་བཤད་དོ། །དེ་ནས་ཡང་མེ་རི་འབར་བའི་རྩེ་མོ་ལ་སངས་རྒྱས་ཀྱི་བདེན་པ་ངེས་པར་མཐོང་ནས། སྣང་བ་སྟོང་པའི་ཆོས་རྣམས་བཤད་དོ། །དེ་ནས་བྱ་རྒོད་ཕུང་པོའི་རི་ལ། རྒྱུད་ཆེན་པོ་གསང་བ་རྨད་དུ་བྱུང་བ་རྣམས་ཐུགས་ལས་བཀྲོལ། མགུར་གྱི་བུམ་པ་ལ་འདྲིལ། …

གཉིས་ཀྱི་མུར་འཛིན་པས། །རང་རིག་ཡེ་ཤེས་ལ་མ་ཟློས། །དེ་བས་ཕྱིན་ཅི་ལོག་པ་ཡིན། །དོན་ལས་ཉམས་དང་གོལ་བའི་ཕྱིར། །ཞེ་འདོད་བློ་ཡི་ལྟ་བ་ཡིན། །ཀྱེ་གསང་བའི་བདག་པོ་ཞེ་འདོད་ཆས་པའི་ལྟ་བ་བརྒྱད། གང་ཟག་བདག་མེད་རྟོགས་ཀྱང་ཆོས་ཀྱི་བདག་མ་སྤངས། །ཆོས་ཀྱི་བདག་ནི་གཟུང་འཛིན་གཉིས་སུ་སྣང་། །འཛིན་པའི་རྒྱུན་རྟོག་སྐད་ཅིག་འགགས། །རྟག་ཆ…

དགུ་པའོ།། །།དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་སྟོན་པ་རྡོ་རྗེ་འཆང་། །ཐེག་པ་བརྒྱད་དུ་དེ་ལྟར་གསུངས་པ་དེ། །དགོངས་པ་ཉམས་སུ་ཇི་ལྟར་ལེན། །ཞེས་ཞུས་སོ། །སྟོན་པས་བཀའ་སྩལ་པ། རྡོ་རྗེ་འཛིན་པ་ལེགས་པར་ཟུང་ཤིག །དམིགས་གཏད་བཅས་པའི་བསྒོམས་པ་བརྒྱད། །རྩོལ་བའི་བློ་ཡིས་ཡུལ་བཟུང་ནས། །ཉན་ཐོས་ཐེག་པས་འདི་ལྟར་བསྒོམ། །རང་…

རང་དོན་ལ་བསྒོམ་དུས་སུ། །སྤྱོད་པའི་བྱེ་བྲག་ཇི་ལྟར་སྤྱད། །ཅེས་ཞུས་སོ། །སྟོན་པས་བཀའ་སྩལ་པ། གསང་བའི་བདག་པོ་ལེགས་པར་ཟུང་ཞིག །ཐེག་བརྒྱད་རང་གི་སྤྱོད་པ་བསྟན། །སྡུག་བསྔལ་རྩོལ་བསྒྲུབ་བཅས་པ་སྤྱོད། །སྤྱོད་པ་བླང་དོར་མེད་པར་མ་རྟོགས་པས། །ཐུན་མོང་མ་ཡིན་བླང་དོར་སྤྱོད། །ཉན་ཐོས་སྤྱོད་པའི་ཁྱད་པར་ནི། །མ་བྱིན་ལེན་དང་མི་ཚ…

ཐེག་པ་སོ་སོའི་འབྲས་བུ་ནི། །ལྟ་བ་མངོན་དུ་གྱུར་པ་འབྲས་བུའི་མཆོག །ཉན་ཐོས་དག་གི་འབྲས་བུ་ནི། །ལྟ་སྒོམ་སྤྱོད་པ་མཐར་ཕྱིན་པས། །འབྲས་བུ་ཟུང་བཞི་ཡ་བརྒྱད་སྨིན། །རང་རྒྱལ་དག་གི་འབྲས་བུ་ཡང་། །ལྟ་སྒོམ་སྤྱོད་པ་མཐར་ཕྱིན་པས། །དགོས་པ་འབྲས་བུ་རྣམ་གཉིས་ཐོབ། །དཔེར་ན་ནེ་ཙོ་བསེ་རུ་བཞིན། །བྱང་སེམས་དག་གི་འབྲས་བུ་ཡང་། །ལྟ་བསྒ…

ཤེས་ལྔ་ཡི་དོན། །ངོ་བོ་གཅིག་ལ་མཚོན་ཚུལ་ཕྱེ། །དེ་དོན་གཅིག་ཏུ་དྲིལ་བ་ནི། །རང་རིག་ཆོས་ཀྱི་སྐུ་རུ་འདུས། །རང་རིག་རྟོགས་པར་བྱ་བའི་ཐབས། །དུས་གསུམ་སངས་རྒྱས་ཀུན་གྱིས་ཀྱང་། །བརྒྱད་ཁྲི་བཞི་སྟོང་ཆོས་བཤད་ཀྱང་། །ཅར་གྱིས་བསྟན་པའི་གདམས་ངག་མེད། །དེ་ཕྱིར་ལམ་དུ་ཞུགས་ཚད་ཀྱིས། །རང་གི་རིག་པ་ཆོས་ཀྱི་སྐུ། །རང་ལ་རང་ཆས་ཡོད་གྱ…

གཏོང་ཕོད་མོས་གུས་བརྣགས་པ་ཆེ། །ལ་ཟློའི་ཆོས་དང་སློབ་དཔོན་དང་། །འདི་ཉིད་དོན་ལ་མོས་པ་ཆེ། །སེར་སྣའི་མདུད་ཁྲོལ་ལོངས་སྤྱོད་འབུལ། །ལོངས་སྤྱོད་མེད་ན་རང་ལུས་འབུལ། །མན་ངག་ཞུ་བའི་དོན་ཆེད་དུ། །བུ་དང་ཆུང་མ་ལ་སོགས་ཏེ། །སྲོག་ལ་བབ་ཀྱང་གཏོང་ནུས་ན། །ཡང་དག་སྐྱེ་མེད་ཅར་གྱིས་བསྟན། །དེ་སྐད་སྟོན་པས་གསུངས་པ་དང་། །གསང་བའི་བད…

སྡེ་ཀློང་སྡེ་གསུམ། །སེམས་སྡེ་ལ་སོགས་བཞི་ཡིས་བཤད། །ཡུལ་ལ་སྤྲོས་གཅོད་བསྐྱེད་པ་ཡིན། །བསྡུས་པས་ལུས་སེམས་ཤན་མ་ཕྱེ། །དེ་ཡིས་དོན་ལ་སྤྲོས་གཅོད་པས། །སྡུད་པ་དག་ཏུ་བསྟན་པ་ཡིན། །ཅར་ཕོག་དག་གི་མན་ངག་ནི། །རིག་པ་དག་ལ་སྤྲོས་གཅོད་པས། །ཅར་བའི་མན་ངག་དག་ཏུ་བསྟན། །དེ་ཡིས་འཁྲུལ་པ་རྩད་གཅོད་མཁས། །གཞན་ལ་ལྟོས་ནས་ཟབ་འགྱུར་ཏེ། …

པར་བྱ། །འཁྲུལ་ནས་རགས་པའི་འབྱུང་བ་རྣམ་པ་ལྔ། །ཕྲ་བ་ཡེ་ཤེས་འོད་ཀྱི་ཁ་དོག་ལྔ། །ཆོས་ཉིད་སྟོང་པའི་ངང་དུ་ཤར་བ་སྟེ། །རྟོགས་པའི་དོན་ལྡན་རྣམས་ལ་ཆོས་ཉིད་ཡིན། །མ་རྟོགས་པ་ལ་འཁྲུལ་སྣང་ཡུལ་དུ་ཤར། །ཆོས་ཉིད་ངོ་ཡིས་བཟུང་ན་འདི་ལྟ་སྟེ། །ཆོས་ཉིད་སྟོང་པ་ཉིད་དང་ཆོས་ཉིད་ལ་འགགས་པ། །ཆོས་ཉིད་གཉིས་སུ་མེད་དང་ཆོས་ཉིད་དྲི་མ་མེད། …

སྤྱོད་པས་རགས། །དེ་ཡིས་གང་ལ་བསྒྲིབ་གྱུར་ན། །དབང་པོ་སྒོ་ལྔའི་དབྱེ་བར་བཅས་པ་ཡིས། །འབྱེད་པ་མེད་པའི་ཤེས་རབ་བསྒྲིབས། །དངོས་པོ་སྣ་ཚོགས་བདག་ཏུ་འཛིན་པ་ཡིས། །དགོངས་པ་འཛིན་མེད་ཉག་ཅིག་དོན་ལ་བསྒྲིབས། །སྒོ་ལྔ་སྐྱེ་འགག་བཅས་པ་དེས། །སྐྱེ་འགག་མེད་པའི་ཡེ་ཤེས་བསྒྲིབས། །ཕྲ་བ་ཡིད་གཉིས་དག་ཏུ་བསྟན་པ་དེས། །ཡུལ་གྱིས་ཕྲ་སྟེ་ད…

ཤན་དབྱེ་བ་དང་། །སྐྱོན་གྱི་དྲི་མ་བསལ་བ་དང་། །འབྱུང་བའི་དྲི་མ་ཕྲ་རགས་གསུམ་བྲལ་བ། །ཆོས་ཉིད་དག་གསལ་མེ་ལོང་གི་དཀྱིལ་འཁོར་གཡའ་ཕྱིས་པ་ལྟ་བུ་ལ། རིག་པ་སེམས་ཀྱི་དྲི་མ་ཕྲ་རགས་གསུམ་དང་བྲལ་བ་ཡི། རང་གསལ་འཛིན་མེད་མར་མེ་རླུང་གིས་མ་བསྐྱོད་པ་ལྟ་བུ་ནི། ཆོས་ཉིད་ངང་དུ་ཤར་བ་དེ། །ཡེ་ཤེས་དབྱིངས་ལས་ཤར་བ་ཡིས། །མཐའ་རྣམས་རྣམ་པ…

ཆོས་ཀྱི་སྐུ་ལ་བསྒྲིབས། །དྲི་མ་ཕྲ་རགས་དེ་རྣམས་ཀྱིས། །ཆོས་ཀྱི་དབྱིངས་ལ་བསྒྲིབས་པས་ན། །ཆོས་སྐུ་ངོ་མ་ཤེས་པས་ལྷན་སྐྱེས་མ་རིག་བྱུང་། །རྒྱུ་རྐྱེན་གཉིས་ཀྱིས་རྣམ་རྟོག་རགས་པ་བརྟས། །དེ་ཡི་སྐྱོན་གྱིས་སྐུ་གསུམ་དོན་མ་གསལ། །ཆོས་ཉིད་དོན་ཀྱང་མ་གསལ་རགས་པར་བརྟས། །ཕྱི་ཡི་ཡུལ་ཉིད་འཁྲུལ་པ་དང་། །མ་འཁྲུལ་པ་ཡི་བྱེ་བྲག་དེ་ལྟ…

མཚན་གདན་ཁྲི་ལ་སོགས་པ། །སྣང་ཡང་ཡང་དག་དོན་དུ་གྲུབ་པ་མེད། །ཆོས་སྐུའི་ཡོན་ཏན་ཙམ་དུ་སྣང་བ་ཡིན། །རྩལ་དང་མདངས་སུ་མ་འགགས་ཆ་ཙམ་ཤར་བ་ཡིན། །མཁྱེན་པའི་ཤེས་རབ་ཙམ་ལས་གསལ་པ་ཡིན། །ལོངས་སྐུའི་སྐྱོན་གྱི་མཐའ་བསལ་བ། །དྲི་མ་རགས་པའི་ཕུང་པོ་རྣམ་པ་ལྔས། །ལོངས་སྐུ་རིགས་ལྔ་དག་ལ་བསྒྲིབས་པ་ཡིན། །དྲིལ་བས་ལོངས་སྐུ་རྣམ་སྣང་དེ་ལ་བས…

དང་ཐུགས་ལས་བྱུང་བའི་ཆ་ནས་སྤྲུལ་སྐུའོ། །ཆོས་སྐུ་ངོ་འཕྲོད་དུས་ན་སྐུ་གསུམ་ངོ་འཕྲོད་པའོ། །ཅིའི་ཕྱིར་ཞེ་ན་སྐུ་གསུམ་ལྷུན་གྲུབ་ཕྱིར། །སྐུ་གསུམ་མ་རྟོགས་ལུས་ངག་ཡིད་གསུམ་སྟེ། །རྟོགས་པའི་དུས་ན་སྐུ་གསུམ་དུས་གཅིག་འཆར། །ཆོས་ཀྱི་སྐུ་ལ་གསུམ་ག་དུས་གཅིག་རྫོགས། །ཅི་ཡི་ཕྱིར་ན་ལྷུན་གྱིས་གྲུབ་པའི་ཕྱིར། །སྐྱོན་བསལ་ངོས་བཟུ…