རྡོ་རྗེ་བསྡམས་པའི་ནང་དུ་ནི། །མཛུབ་མོ་མཐེ་བོ་ཡང་དག་སྦྱར། །གཡས་པ་ཡི་ནི་མཐེ་བོ་བཏེག །བཅུག་སྟེ་བཙིར་བའི་ལྕགས་ཀྱུ་འཛིན། །མདའ་ལྔ་བསྡུས་པ་བཅིངས་ནས་ནི། །དབུས་མའི་བཅིངས་པ་ནང་དུ་གནས། །མཐེ་བོང་བསྙམས་པའི་མཐའ་རྡོ་རྗེ། །དང་པོའི་བདེ་བ་དམ་པ་བརྟན། །མཐེབ་མཛུབ་རྩེ་སྦྱར་དབུས་མའི་རྩེ། །མིག་འབྲས་ལྟར་སྦྱར་འཛིན་པའོ། །དབུས་…

དབང་དུ་བྱའོ། །རྡོ་རྗེ་ཀི་ལི་ཀི་ལས་དབུས་མ་ལ་ཙུམ་པ་ན་དང་། འཁྱུད་པ་དང་། བཙིར་བ་དང་། རོལ་པ་དང་། དབུས་མ་དང་། མཐེ་བོའི་རྩེ་མོར་བདེ་བར་བརྡེག་པས་མཐོང་བ་དང་། རོལ་པ་དང་། བཙིར་བ་རྣམས་ཀྱིས་ཐམས་ཅད་ལ་རོལ་པ་སྟེ། རྒྱུ་བ་དང་མི་རྒྱུ་བ་ཐམས་ཅད་དུ་ལྷའི་གཟུགས་ཀྱི་བུད་མེད་རྣམས་འབྱུང་བ་ཡིན་ནོ། །ཅི་སྲིད་འདི་རྣམས་དང་རོལ་ཅིང་…

ལས་བྱེད་པས་དངོས་གྲུབ་ཐམས་ཅད་སྒེག་མོ་དགའ་བའི་རྡོ་རྗེ་མིག་མི་གཡོ་བར་བྱེད་པས་ལས་ཐམས་ཅད་བསྒྲུབ་པར་བྱས་ན་ཐོགས་པ་མེད་པའི་དངོས་གྲུབ་ཀྱིས་གྲུབ་པར་འགྱུར་རོ། །དེ་བཞིན་དུ་རང་གི་ཕྱག་མཚན་རྣམས་ཀྱིས་དངོས་གྲུབ་ཐམས་ཅད་གྲུབ་པར་འགྱུར་རོ། །དང་པོ་ཉིན་རེ་ལན་ཅིག་ཏུ། །ཕྱག་རྒྱ་ཆེན་པོའི་སྙིང་པོ་བཟླ། །རྡོ་རྗེ་ཉེ་བའི་སྙིང་པོ་ཡ…

མཚམས་རྣམས་ལ་རྡོ་རྗེ་ཐལ་མོ་བསྐོར་བས་སོ། །སྒོའི་ཕྱག་རྒྱ་རྣམས་ནི་རྡོ་རྗེ་བསྙེམས་པའི་ཁུ་ཚུར་གྱིས་སོ། །བདེ་ཆེན་མཆོག་གི་ཕྱག་རྒྱ་ཆེ། །དེ་བཞིན་དངོས་གྲུབ་རབ་སྩོལ་བ། །མདའ་སོགས་དམ་ཚིག་སྣ་ཚོགས་པའི། །དངོས་གྲུབ་ཆེན་པོ་མཆོག་སྟེར་བའོ། །དེ་ནས་ཆོས་ཀྱི་ཕྱག་རྒྱ་ནི། །ཧོ་བིད་ཧཱུྃ་དྷྲྀཀ་ཧཱུྃ། དེ་རྣམས་ཀྱིས་ཀྱང་དངོས་གྲུབ་ཐམ…

ཚུར་གྱིས་རྡོ་རྗེ་རྡོ་རྗེའི་བདུད་རྩིའི་ཆུ་བླངས་ནས་ཆུའི་རྒྱུན་དེས། དབང་བསྐུར་ཏེ་འཐུང་དུ་བཅུག་ན་དབང་བསྐུར་བར་འགྱུར་རོ། །དབང་བསྐུར་བ་ཐམས་ཅད་ཀྱིས་ན་ཚོད་དར་ལ་བབ་པ་དང་།ནད་མེད་པ་དང་། དངོས་གྲུབ་ཐམས་ཅད་དང་ལྡན་པར་འགྱུར་རོ། །འདི་ལ་རིམས་དང་། གདོན་དང་། དུག་དང་། སྦྱར་དུག་དང་། མཁའ་འགྲོ་མ་དང་། ཕྱག་རྒྱ་ལ་སོགས་པས་གནོད…

ཀྱུས་སོ། །རྩེ་མོ་སྟོད་པའི་སྐྱེ་གནས་བཀྲོལ་བ་ལག་པ་གཡོན་པའི་མཐིལ་ཉེད་ཅིང་བསྣུན་པར་བྱའོ། །དེ་བཙིར་བར་བྱའོ། །མིག་བཙུམ་པར་བྱའོ། །བསྐོར་ཞིང་བཙིར་ནས་ཁྲོ་བོའི་ལྟ་བས་བལྟ་བར་བྱའོ། །ཡོངས་སུ་བསྐོར་ནས་ཁའི་མཐར་མཆེ་བ་བསྟན་པའི་གཡས་པའི་མཛུབ་མོས་སྡིགས་མཛུབ་བོ། །མཛུབ་མོ་ལ་ལྡང་བར་བྱའོ། །མཐེ་བོང་བཙིར་བར་བྱའོ། །ཡི་གེ་མུས་…

སྐྱེད་མོས་ཚལ་དང་། འབྲུ་ཐམས་ཅད་ལ་གཞག་པར་བྱའོ། །མཛུབ་མོ་རྣོན་པོས་ཀློག་པར་བྱའོ། །བདག་ཉིད་ཀྱིས་ཐམས་ཅད་ལ་དྲང་བར་བྱའོ། །ཕྱི་རོལ་གྱི་དཔུང་མདུན་དུ་བསྐོར་བར་བྱའོ། །རྡོ་རྗེ་ཁུ་ཚུར་གཉིས་ཀྱིས་གློག་འགྱུ་བས་བསྐོར་བར་བྱའོ། །གློག་འགྱུ་བས་ནམ་མཁའ་ལ་བསྐོར་བར་བྱའོ། །གཡས་པས་གཡོན་པ་ལ་བརྡེག་པར་བྱའོ། །རྡོ་རྗེ་ཁུ་ཚུར་གཉིས་ག…

རྡོ་རྗེ་གར་གྱི་བཤད་པ་ཡིན་ནོ། །མཛུབ་མོ་ཕྱིར་ཕྱོགས་པ་བསླང་བའི་རྡོ་རྗེ་སྙིང་གར་བཛྲོ྅ཧྃ་ཞེས་བྱ་བ་ནི་ཕྱག་རྒྱ་ཆེན་པོའོ། །དེ་བཞིན་དུ་སྙིང་གར་རྡོ་རྗེ་སྒོམ་ཞིང་མ་ཧཱ་ས་ཧ་ཧྃ་ཞེས་བྱའོ། །ཡེ་ཤེས་ཀྱི་ཁུ་ཚུར་གྱིས་ཏ་ཐཱ་ག་ཏོ྅ཧྃ་བཅོམ་ལྡན་འདས་ཀྱི་ཕྱག་རྒྱ་ཆེན་པོ་བཤད་དོ། །དེ་ནས་རྡོ་རྗེ་ཁུ་ཚུར་བཅིང་བ་ནི། །མཛུབ་མོ་རྡོ་རྗེ་…

རིགས་ཀྱི་ཕྱག་རྒྱའི་ཆོ་ག་རྒྱས་པའི་རྒྱུད་ནི། འཇུག་པའི་ཕྱག་རྒྱ་རབ་ཏུ་དགའ་བའི་རྡོ་རྗེ་ཁྲོ་བོའི་དགུག་པའི་ཕྱག་རྒྱ་དེ་ཉིད་དོ། །ཕྱག་རྒྱ་ཆེན་པོ་རྣམས་ཀྱང་དེ་བཞིན་ནོ། །དམ་ཚིག་ནི་འོག་ཏུ་རྡོ་རྗེ་བསྡམས་པའི་སོར་མོ་ཐམས་ཅད་འབར་བའི་ནང་དུ་མཐེ་བོང་རྡོ་རྗེ་ནི་རྡོ་རྗེ་ཁྲོ་བོ་ཏི་རིནྟི་རི་སྟེ་རྡོ་རྗེ་འཆང་ཆེན་པོ་སྒྲུབ་པར་བྱ…

གནས་སུ་མཐེ་བོའི་རྟགས་བཅུག་པའོ།། །།དེ་ནས་ནོར་བུའི་རིགས་ཀྱི་ཕྱག་རྒྱའི་རྒྱུད་ཀྱི་ཆོ་ག་རྒྱས་པ་ནི། རྡོ་རྗེ་ཐལ་མོ་རབ་ཏུ་བརྐྱང་ཞིང་མཐེ་བོང་མཉམ་པོ་ལ་མཛུབ་མོ་བཀུག་པ་བཞག་སྟེ་དཔྲལ་བའི་མཛོད་སྤུའི་ཕྱོགས་སུ་བཞག་ན་དབང་བསྐུར་བ་ཐམས་ཅད་གསོལ་བའོ། །ཕྱག་རྒྱ་ཆེན་པོ་ལ་སོགས་པའི་ཕྱག་རྒྱ་ཐམས་ཅད་བཅིང་བ་དེ་བཞིན་ནོ། །དམ་ཚིག་གི་…

དམ་ཚིག་གི་འཇུག་པ་ནི་མཛུབ་མོ་དང་གུང་མོ་དང་སྲིན་ལག་མཉམ་པོར་ལེགས་པར་སྦྱར་ལ་རྩེ་གསུམ་པར་བྱས་ལ་མཐེ་བོང་དང་མཐེའུ་ཆུང་གཉིས་ལུ་གུ་རྒྱུད་ནི་མགོན་པོ་རྣམས་ཀྱིའོ། །ཅི་ནས་ལྟར་བཟུང་བ་བཞིན་དུ་ལྷ་མོ་རྣམས་ཀྱི་ཕྱག་རྒྱའོ། །དམ་ཚིག་ནི་གུང་མོ་དང་སྲིན་ལག་རྡོ་རྗེ་བསྡམས་པས་མཛུབ་མོ་དང་གུང་མོ་དང་མཐེའུ་ཆུང་དང་སྲིན་ལག་མཐེ་བོའི་…

ནི་ནོར་བུའི་རིགས་ལའོ། །དེ་ནས་གསུང་གི་ཕྱག་རྒྱ་ལྔ་ནི། སྙན་པའི་གླུའི་ཡུལ་ཐམས་ཅད་ཀྱི་ཚུལ་རྣམས་ནུས་པ་ཅི་ལྟ་བུའི་གླུའི་རྒྱུན་ཐམས་ཅད་ཀྱིས་གླུ་བླངས་ཏེ་བཟླས་པ་ནི་རྡོ་རྗེ་སེམས་དཔའི་རིགས་ལ་རབ་ཏུ་དགའ་བའི་རྡོ་རྗེའི་ངག་གོ། །ལྕེ་དང་མཆུ་གཉིས་ཤིན་ཏུ་གཡོ་བ་མེད་ཅིང་ངོས་ཤིན་ཏུ་མ་འབྱར་བ་དབྱངས་དང་བྲལ་བའི་རྡོ་རྗེའི་ངག་དེ་…

ནི་བདེ་བ་ཆེན་པོའི་རྡོ་རྗེ་གསང་བའི་དམ་ཚིག་གོ། །གསུང་གི་ཕྱག་རྒྱ་ནི་སྙིང་པོའོ། །ཐུགས་ཀྱི་ཕྱག་རྒྱ་ནི་ཉེ་བའི་སྙིང་པོའོ། །རྡོ་རྗེའི་ཕྱག་རྒྱ་ནི་རྡོ་རྗེ་སྙེམས་མའི་འོ།། །།དེ་ནས་ཕྲ་མོའི་ལས་ཀྱི་ཕྱག་རྒྱའི་རྒྱུད་དོན་ཡོད་ཅིང་ཐོགས་པ་མེད་པ་འདི་ཡིན་ཏེ། མ་མཆུའི་སྒྲོས་སོ་རྣམས་ཀྱིས་བཟུང་ནས་རྡོ་རྗེའི་ལྟ་བས་བལྟ་ཞིང་ཐམས་ཅ…

ཉེ་བའི་སྙིང་པོ་གསང་བའོ། །དོན་ཡོད་ཐོགས་མེད་གསང་བ་དང་། །རང་བཞིན་གྲུབ་པ་དེ་བཞིན་དུ། །བསོད་ནམས་མེད་པ་རྣམས་ལ་ཡང་། །དངོས་གྲུབ་ཀུན་ལ་གྲུབ་པར་འགྱུར། །དཀྱིལ་འཁོར་མ་ཞུགས་པ་རྣམས་ལ། །སྙིང་པོ་མཆོག་འདི་སྦྱིན་མི་བྱ། །གསང་བའམ་གསང་རྒྱུད་དམ་པ་ནི། །གལ་ཏེ་དངོས་གྲུབ་ཡིད་འོང་འདོད། །གང་གི་ཁྱིམ་དུ་གནས་གྱུར་པའི། །ཕྱག་རྒྱ་སྔ…

ཅི་ལྟར་འགྲུབ། །སློབ་དཔོན་ཉིད་དུ་ཇི་ལྟར་འགྱུར། །མེ་ཏོག་སྤོས་དང་མར་མེ་དང་། །དྲི་རྣམས་ཅི་ཡིན་ཇི་ལྟར་འགྱུར། །མཆོད་པ་ཡང་ནི་ཇི་ལྟར་བྱ། །གསང་བའི་མཆོད་པ་ཇི་ལྟར་ཡིན། །ཀུན་བྱེད་ཀུན་ཟ་སྡིག་པ་ཅན། །ཤིན་ཏུ་སྡིག་ཅན་ཇི་ལྟར་གྲུབ། །དོན་ཡོད་ཐོག་མེད་དངོས་གྲུབ་ཀྱིས། །དེ་རྣམས་ཇི་ལྟར་གྲུབ་པར་འགྱུར། །གསང་བ་དེ་ཡང་གང་ཞིག་ཡིན…

ཐམས་ཅད་སྒྲུབ་པའི་རྒྱུད་ནི། དཀྱིལ་འཁོར་བརྟག་པ་བྱས་ནས་ནི། །ནང་གི་རིམ་པར་ཞུགས་བྱ་སྟེ། །དཀྱིལ་འཁོར་དག་ལ་ཛཿཧཱུྃ་བྃ། །ཧོཿཔྲ་སིད་དྷྱ་མཾ་བརྗོད་བྱ། །དེ་ནས་རྡོ་རྗེ་སེམས་དཔའ་ཉིད་རྒྱུད་ནི། སངས་རྒྱས་ལ་སོགས་འགྲོ་ཀུན་གྱི། །ཐམས་ཅད་བདག་ཉིད་བཅོམ་ལྡན་མཆོག །སེམས་ཅན་འབྱུང་ཕྱིར་སེམས་དཔའ་སྟེ། །རྡོ་རྗེ་སེམས་དཔའ་རབ་ཏུ་གྲགས།…

གནས། །རྡོ་རྗེ་སེམས་དཔའ་དངོས་སུ་ནི། །མྱུར་དུ་ཐམས་ཅད་ལ་ཡང་ཞུགས། །དེ་ནས་དེ་བཞིན་གཤེགས་པ་འབྱུང་བ་ཤེས་པའི་རྒྱུད་ནི། འདོད་ལས་ཆགས་པ་དགའ་ལས་བདེ། །བདེ་ལས་སྡིག་པ་སྡིག་ལས་སྡུག །སྡུག་ལས་ཏིང་འཛིན་ཤིན་ཏུ་བརྟན། །རྡོ་རྗེ་ཉིད་ལས་སངས་རྒྱས་འབྱུང་། །དེ་ནས་དེ་བཞིན་གཤེགས་པའི་རིགས་ལ་སོགས་པ་འབྱུང་བ་ཤེས་པའི་རྒྱུད་ནི། དེ་བཞི…

བས་ཀྱང་། །སེམས་དཔའ་ཆེན་པོ་བཞག་ནས་ནི། །ཉིན་ཞག་བཞིར་ནི་བསྒྲུབ་པར་བྱ། །དེ་ནས་སློབ་དཔོན་ཉིད་ཀྱི་གྲུབ་པ་ཤེས་པའི་རྒྱུད་ནི། བདེ་བ་ཆེན་པོ་རྡོ་རྗེ་ཡི། །གསང་མཆོག་དམ་ཚིག་གྲོང་ཁྱེར་དུ། །ཅི་བཞིན་རང་ཉིད་རབ་ཞུགས་ཏེ། །བདུད་རྩིའི་ཆུ་ཡིས་དབང་བསྐུར་བྱ། །དེ་ནས་མེ་ཏོག་ལ་སོགས་པའི་མཆོད་པ་འབུལ་བའི་ཤེས་པའི་རྒྱུད་ནི། རྡོ་རྗེ…

བཞིན་གཤེགས་པ་ཐམས་ཅད་ཀྱི་རྡོ་རྗེ་གསང་བ་དེ་བཞིན་གཤེགས་པ་ཐམས་ཅད་ཀྱི་དབང་བསྐུར་བའི་རྡོ་རྗེ་རིན་པོ་ཆེ་དེ་བཞིན་གཤེགས་པ་ཐམས་ཅད་ཀྱི་ཆོ་ག་གཟིགས་པའི་ཡེ་ཤེས་ཀྱི་དབང་ཕྱུག་གི་རྡོ་རྗེའི་པདྨ་དེ་བཞིན་གཤེགས་པ་ཐམས་ཅད་ཀྱི་སྣ་ཚོགས་པའི་མཛད་པས་ཕྲིན་ལས་དམ་པའི་ཆོ་ག་རྒྱས་པའི་རྡོ་རྗེས་ཐམས་ཅད་ལ་ཁྱབ་པ་མ་ལུས་ཤིང་ལུས་པ་མེད་པའི་ར…

བྱའོ། །བདེ་བ་ཆེན་པོ་རྡོ་རྗེ་གསང་བའི་དམ་ཚིག་གི་དེ་ཁོ་ན་ཉིད་སྒྲུབ་པའི་དངོས་གྲུབ་ཀྱི་ཆོ་ག་རྒྱས་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་ཕྱག་རྒྱའི་ཡེ་ཤེས་ཀྱི་སླར་ཡང་ཕྱག་རྒྱ་ཐམས་ཅད་སྒྲུབ་པའི་དངོས་གྲུབ་ཀྱི་རྒྱུད་འདི་གསུངས་སོ། །ཉིན་རེ་སྔ་རོལ་དུས་ཅི་བཞིན། །དང་པོའི་རྡོ་རྗེ་བདེ་བ་ཆེ། །འདིས་ནི་རྟ…