འཁོར་གསང་བར་དབང་བསྐུར་ཏེ། །དམ་ཚིག་བསྟན་པའི་དབང་གཏད་ཅིང་། །ཕྱོགས་ཀྱི་བགེགས་རྣམས་འདུལ་མཛད་པ། །དམ་བཅས་ཕྲིན་ལས་བཞིན་དུ་སྤྱོད། །དེ་ཚེ་ཕྱོགས་བཅུའི་སྣང་བ་ཡི། །རྣམ་རྒྱལ་གཤིན་རྗེའི་གཤེད་པོ་དང་། །རྟ་མགྲིན་ཁྲོ་བོ་བདུད་རྩི་འཁྱིལ། །དབྱུག་སྔོན་མི་གཡོ་མགོན་པོ་དང་། །འདོད་པའི་རྒྱལ་པོ་སྟོབས་པོ་ཆེ། །ཧཱུཾ་མཛད་པདྨ་འཁྱིལ…

དེ་ནས་འདྲེན་བྱེད་གཙོ་བོའི་མཆོག །བདུད་ཀྱི་རྒྱལ་པོའི་ཚོགས་འདུས་ཏེ། །ཚངས་པ་ཁྱབ་འཇུག་ལྷ་ཆེན་དང་། །རྒན་བྱེད་གནས་བཅུའི་བདག་པོའི་ཚོགས། །མཐུ་དང་རྫུ་འཕྲུལ་སྐུ་སྟོན་ཅིང་། །སྡེ་དཔུང་དམག་བཅས་ཀུན་ཏུ་རྒྱུག །དེ་ཚེ་སངས་རྒྱས་ཐམས་ཅད་ཀྱིས། །བདེ་ཆེན་གཙོ་ལ་གསོལ་བཏབ་ཅིང་། །དེ་དག་གནས་ཚོགས་ཞི་བྱེད་པའི། །དཀྱིལ་འཁོར་སྤྲུལ་པ་…

བཅས་རྣམས་ལ་སྦྱོར། །ཁྲོ་བོ་ཆེན་པོ་བཅུ་གནས་སྦྱོར། །འཁོར་གྱི་མཁའ་འགྲོ་ཕྲ་མེན་དག །ཞལ་གཅིག་ཕྱག་གཉིས་འཇིགས་བྱེད་གཟུགས། །འཇིགས་པའི་རྒྱན་ཆ་ཀུན་གྱིས་མཛེས། །རང་གི་རིགས་ཚོགས་སྤྲུལ་པར་བཅས། །སྒོ་བཞིའི་ཁྲོ་བོའི་རྒྱལ་པོ་དག །དཀྱིལ་འཁོར་ཀུན་ནས་ལོངས་སྤྱོད་པའོ། །ཨོཾ་མ་ཧཱ་ཤྲཱི་ཧེ་རུ་ཀ་མ་ཧཱ་ཀྲོ་དྷཱི་ཤྭ་རཱི་སྟྭཾ་ཧཱུཾ་ཛ་ས…

ཉོན་མོངས་གནས་སུ་སྦྱངས། །ཉེ་བར་སྦྱོར་བའི་རྐྱེན་རྣམས་ཀྱིས། །བདུད་རྩི་ཆེན་པོའི་གནས་རྒྱས་སོ། །འདི་དག་ཉེ་བར་སྤྱོད་པའི་མཐུས། །རང་གི་དོན་ཀུན་གསལ་བར་བྱེད། །དེ་ནས་སངས་རྒྱས་ཐམས་ཅད་དང་། །བྱང་ཆུབ་སེམས་ཀུན་ཡི་རང་སྟེ། །མ་འོངས་རྣལ་འབྱོར་དོན་གྱི་ཕྱིར། །ངོ་མཚར་རྨད་བྱུང་ཉེ་བར་ཞུས། །རང་གི་དཀྱིལ་འཁོར་ཇི་བཞིན་དུ། །རང་གི…

ཕྱག་རྒྱ་ཡིས། །ཐམས་ཅད་ཅིག་ཆར་བསྒྲལ་བྱས་ཏེ། །རིགས་ཀྱི་དཀྱིལ་འཁོར་ཆེ་གནས་སྦྱོར། །ཨོཾ་སྭ་བྷཱ་བ་ས་ཀ་ར་དྷི་དྷ་ས་སི་སྟྭཾ། མ་ཧཱ་ཀ་རུ་ཎི་ཧཱུཾ་ཛ་ཛ། དྲེགས་བྱེད་རྣམས་ཀྱི་རྣམ་ཤེས་དག །ངེས་པར་གཟུགས་ལ་བབས་ནས་ནི། །མཁའ་འགྲོའི་ཞལ་ནི་ནུབ་ཏུ་བསྟན། །ཕྱག་རྒྱ་བཞི་ཡིས་འགྲུབ་པར་བྱེད། །གནས་ཀྱི་སྒོ་འདི་སུ་ཡིས་གཅོད། །སེམས་ཀྱི་བ…

ཆུབ་སེམས། །མ་སྐྱེས་པ་ན་འགག་པ་འཇིག །བདག་ཉིད་མེད་ན་མཉམ་པའི་སྐུ། །ཐུགས་རྗེ་ཆེན་པོ་ཅིར་མི་མཛད། །ཡེ་ནས་དེ་ལྟར་གནས་བཞིན་དུ། །སེམས་ཅན་མ་རིག་རྨོངས་པའི་བློས། །བདག་དང་གཞན་དུ་སོ་སོར་འཛིན། །རྟག་ཆད་མཐའ་རྣམས་མ་སྤངས་པས། །འཁྲུལ་པས་བསྟན་པའི་ཕུང་པོ་ལྔ། །ལོག་རྟོག་ཕྱིན་ཅི་ལོག་གིས་བཅིངས། །ཉོན་མོངས་སྡུག་བསྔལ་རྒྱུ་བསགས་ཏེ…

ཐོས་རང་རྒྱལ་དགྲ་བཅོམ་རྣམས། །ས་བཅུའི་བྱང་ཆུབ་སེམས་དཔའི་ཚོགས། །ཕྱག་འཚལ་ཡང་དག་མཆོད་ཅིང་བསྟོད། །སྟུག་པོ་བཀོད་པའི་ས་འདས་ནས། །རང་གི་རིགས་ཀྱི་དཀྱིལ་འཁོར་རྒྱལ། །སྟོང་གསུམ་མ་ལུས་སྟོན་བྱས་པས། །འབུམ་གྱི་ཆར་ཡང་མི་ཕོད་དེ། །སྐྱེས་བུ་ཆེན་པོའི་རྣལ་འབྱོར་གྱིས། །བསྒྲལ་བ་འབའ་ཞིག་སྙིང་རྗེའི་མཆོག །བདུད་དང་དབང་ཕྱུག་སྙིང་…

ཀྱི་མཆོད་རྟེན་མངོན་འཕགས་པ། །རྐང་པ་གཡས་པ་བྱང་ཤར་མཚམས། །དུར་ཁྲོད་ཆེན་པོ་ལི་ཡི་ཡུལ། །མ་མོ་ཆེན་མོ་ཙནྡ་ལཱི། །མེ་དང་ཆུ་ཡི་རྫུ་འཕྲུལ་ཅན། །མཆོད་རྟེན་མིང་ནི་མྱུ་གུའི་ཚོགས། །མ་མོ་སྔགས་རྣམས་ཀུན་འགྲུབ་གནས། །རྐང་པ་གཡོན་པ་ནུབ་བྱང་མཚམས། །དུར་ཁྲོད་ཆེན་པོ་ལི་ཡི་ཡུལ། །མ་མོ་ཆེན་མོ་སྨ་ཤ་ནཱི། །བདེ་སྐྱིད་ལྡན་པ་ཕུན་སུམ་ཚོ…

རྩ་བརྒྱད་གཡོག་དང་བཅས། །དཀྱིལ་འཁོར་ཆེན་པོར་དབང་ཐོབ་ནས། །དམ་བཅས་ལས་བཞིན་རྣམ་པར་བཀོད། །དེ་ནས་བཅོམ་ལྡན་ཀུན་ཏུ་བཟང་། །རིགས་རྣམས་ཐམས་ཅད་ཞི་བྱེད་པས། །དཀྱིལ་འཁོར་ཐམས་ཅད་རབ་བསྡུས་པའི། །སྐུ་ནི་སྨུག་ནག་འབར་བ་ལ། །ཕྱག་རྒྱ་མཚོན་ཆ་སྣ་ཚོགས་ཐོགས། །རབ་ཏུ་འཇིགས་པའི་དཀྱིལ་འཁོར་ལས། །རིགས་ཚོགས་སྤྲུལ་པ་ཕྱོགས་བཅུར་འགྱེད། །…

དཀྱིལ་འཁོར་ཆེན་པོར་འབར་བ་ཡི། །ཁང་པ་གྲུ་བཞི་སྒོ་བཞིས་བརྒྱན། །སྣ་ཚོགས་རིན་ཆེན་རྟ་བབས་ཚོགས། །ཉི་ཟླ་མེ་ཏོག་ཕྲེང་བས་བརྒྱན། །འདོད་པའི་ཡོན་ཏན་ལྷ་མོའི་སྤྲིན། །རྡོ་རྗེ་རིན་ཆེན་བ་དན་ལས། །སྙན་པའི་དྲིལ་བུ་ཕྱོགས་བཅུར་སྒྲོགས། །ར་བ་རྡོ་རྗེ་པདྨས་བརྒྱན། །ཕོ་བྲང་དཀྱིལ་འཁོར་དབུས་གནས་པ། །དུར་ཁྲོད་འབར་བའི་གཞལ་ཡས་ཁང་། །ད…

གསུམ་ཕྱག་དྲུག་ལ། །ཞབས་བཞི་བརྐྱང་བསྐུམ་འབར་བའི་སྟབས། །འཇིགས་བྱེད་རྒྱན་ཆའི་ཆ་ལུགས་དང་། །ཁྲོ་བོ་འབར་བའི་གར་བཅས་པས། །རིན་ཆེན་ཉི་ཟླའི་གདན་བཞུགས་པའོ། །ཀྲོ་དྷཱི་ཤྭ་རི་དབྱིངས་ཀྱི་ཡུམ། །སྐུ་མདོག་སྔོ་ནག་དབུ་དགུ་པ། །བཅོ་བརྒྱད་ཕྱག་བཅས་ཞབས་བརྒྱད་མཛེས། །བདེ་གཤེགས་རིགས་ལྔ་ཧེ་རུ་ཀ །ཡུམ་བཅས་གནོན་ཐབས་གར་གྱིས་བཞུགས། །…

མེད་ཡེ་ནས་དག་པས་ན། །མཱཾ་ས་རིན་ཆེན་འབྱུང་ལྡན་གཙོ། །མཉམ་དང་མི་མཉམ་དབྱེར་མེད་དངོས། །སྣང་བ་རཀྟ་མཐའ་ཡས་ཐུགས། །སྐྱེ་འགག་མེད་པ་ཡེ་ནས་དག །དོན་ཡོད་དྲི་ཆུ་ལས་གྲུབ་པ། །ཀུན་ཀྱང་གཙང་ཞིང་དྲི་མ་མེད། །ཐམས་ཅད་མ་ལུས་སངས་རྒྱས་ལྔ། །མ་ལུས་རྫོགས་པའི་ཡེ་ཤེས་ཉིད། །མ་བཅོས་ཡེ་ནས་ལྷུན་གྱིས་གྲུབ། །དེ་ཕྱིར་སྨན་ཆེན་བཅུད་ཀྱི་མཆོག…

ཡང་དག་སྔགས་དང་ཕྱག་རྒྱའི་ཚོགས། །ཡང་དག་བསྒྲུབ་པ་བརྩོན་པར་བྱ། །བདེ་བ་ཆེན་པོའི་ས་གཞི་དག །ཀུན་ནས་རྣམ་པར་བརྒྱན་པའི་གནས། །ཉེས་པའི་ཚོགས་བྲལ་མདངས་ལྡན་པ། །བར་ཆད་བགེགས་ཀྱིས་གནོད་མེད་པར། །ཕྱི་ནང་ཚུལ་བཞིན་སྦྱང་བ་དང་། །བསྐྲད་དང་བསྲུང་དང་བྱིན་གྱིས་བརླབས། །ཡང་དག་ཡེ་ཤེས་བརྟན་འགྱུར་བའི། །ས་གཞི་ཟབ་མོ་བྱིན་བརླབས་པའི། །…

བརྒྱད། །རེའུ་ཆ་བརྒྱད་པའི་གཞུང་བཞིན་བལྟ། །དེ་ཡི་རྩེ་མོ་བརྒྱད་ལ་ཡང་། །ཡིད་བཞིན་ནོར་བུ་འབར་བ་བྲི། །དཀྱིལ་འཁོར་དབུས་སུ་དགོད་པའི་རྫས། །སྲིད་གསུམ་བྷན་དྷ་བཟང་འཁོར་ཡུག །ཡེ་ནས་མ་བཅོས་རང་བཞིན་སྣོད། །དཔལ་དང་ལྡན་པའི་སྣོད་བཞག་ལ། །གནས་དེ་ཉིད་དུ་དགོད་པའི་སྨན། །ཡེ་ནས་རང་བྱུང་བདུད་རྩི་ལྔ། །ཤ་ཆེན་བཤང་གཅི་ཁུ་བ་ཁྲག །དག…

བདུད་རྩི་རྫོགས་པར་མཛད། །རྡོ་རྗེ་རིན་ཆེན་པདྨ་དང་། །བདེ་གཤེགས་རིགས་ཀྱི་ཁྲོ་རྒྱལ་བཞི། །དཀར་སྔོ་དམར་དང་སེར་བའི་མདོག །ཞལ་གསུམ་གཡས་གཡོན་རྣམ་པར་འགྱུར། །རྡོ་རྗེ་རིན་ཆེན་པདྨ་དང་། །འཁོར་ལོ་བདུད་རྩི་བུམ་པ་ཉིད། །རྒྱ་གྲམ་རལ་གྲི་དགྲ་སྟྭ་དང་། །རིན་ཆེན་ཕྲེང་བཅས་ཡུམ་དང་འཁྲིལ། །ཕྱི་རོལ་མཆོད་པའི་ལོངས་སྤྱོད་རྒྱན། །ལྷ་མ…

ལས། །བཅངས་སྟེ་སོར་མོ་སོ་སོར་གདེངས། །སྣ་ཚོགས་རྡོ་རྗེ་འབྱུང་བའི་ཚུལ། །གཞན་རྣམས་ཀུན་ནས་བསྐུལ་བར་བྱས། །བཏག་དང་བཙག་དང་གཞལ་བ་དང་། །ཉི་ཟླ་གསལ་བའི་དཀྱིལ་འཁོར་དུ། །འབྲུ་ལྔ་ཡེ་ཤེས་འཕྲོ་འདུ་ཡིས། །སྟོང་གསུམ་ཁྱབ་པས་དོན་བྱས་ཏེ། །བཅུད་ཀྱི་དམ་པ་ཀུན་བསྡུས་ནས། །དུས་གསུམ་སངས་རྒྱས་མཆོད་པའི་ཕྱིར། །མུ་ཏིག་དཀར་པོ་དྲི་མེད་…

རཀྟ་བདུད་རྩིའི་སྣོད། །ཕྱོགས་བཞི་ཐབས་དང་ཤེས་རབ་ཀྱི། །སྙོམས་འཇུག་ཤེས་རབ་བཞི་ཡི་ཚུལ། །བདེ་གཤེགས་རིགས་ཀྱི་དབུ་རྒྱན་དང་། །བྱིན་རླབས་ཆ་ལུགས་ཀུན་རྫོགས་པའོ། །ཨོཾ་ཧྲཱྀཿཧ་ཡ་གྲཱི་ཝ་ཧུ་ལུ་ཧུ་ལུ་ཧཱུཾ་ཕཊ། ཨོཾ་བཛྲ་ཨ་མྲྀ་ཏ་ཧུ་ལུ་ཧུ་ལུ་ཧཱུཾ་ཕཊ། ཨོཾ་རཏྣ་ཨ་མྲྀ་ཏ་ཧུ་ལུ་ཧུ་ལུ་ཧཱུཾ་ཕཊ། ཨོཾ་བུཌྜྷ་ཨ་མྲྀ་ཏ་ཧུ་ལུ་ཧུ་ལུ་ཧཱུཾ་…

དག་མ་བྱུང་ན། །བསྐང་གསོ་ཆོ་ག་རྒྱ་བསྐྱེད་དོ། །སྤོགས་ཐབས་བསྐྱེད་པ་རྩལ་ཤུགས་འབྱུང་། །དམ་ཚིག་ཆེན་པོ་བསྐང་བའི་ཕྱིར། །རྫས་རྣམས་དག་ཀྱང་བཀང་ལ་བཞག །དེ་ནས་མཆོད་ཅིང་དངོས་གྲུབ་བླང་། །སློབ་མ་ལ་ཡང་དབང་བསྐུར་རོ། །བླ་མ་ལུང་ལྡན་དེ་དག་གིས། །ཚིགས་སུ་བཅད་པ་འདི་བརྗོད་དོ། །དོན་དམ་མ་སྐྱེས་རྣམ་དག་སེམས་ཀྱི་དབྱིངས། །དག་དང་མ་ད…

སུ་དག་རྟོགས་ན། །གཉིས་མེད་དོན་གྱིས་ཟིན་པ་ཉིད། །ཇི་ལྟར་དམིགས་པ་བཞིན་དུ་འགྲུབ། །དངོས་དང་དངོས་མེད་རྟོག་པའི་མཚན། །གཙང་དང་མི་གཙང་རྟོག་པའི་མཚན། །མཁས་པས་གཉིས་ལ་གནས་མི་འགྱུར། །བདུད་རྩི་ཆེན་པོའི་ངོ་བོ་ཉིད། །བྱང་ཆུབ་སེམས་ནི་དཀར་བས་ན། །དྲི་མེད་རྣམ་དག་ཡེ་ཤེས་སྐུ། །རཀྟ་ཆགས་མེད་དམར་བས་ན། །ཆོས་རྣམས་ཀུན་སྤྱོད་པདྨའི་…

དཀྱིལ་འཁོར་རྒྱན་བཅས་ཕུན་སུམ་ཚོགས། །མཆོད་དང་གཏོར་མ་རྒྱ་ཆེན་རྣམས། །ཉེ་བར་བཀོད་པའི་གནས་སུ་བརྒྱན། །ཕྱི་ནང་གསང་བའི་ལྷ་དག་ལ། །ཇི་བཞིན་ཉེ་བར་དེར་གནས་ཏེ། །ས་གཞི་རབ་ཏུ་སྦྱངས་བྱས་ནས། །ཚེས་གྲངས་ཡར་ངོའི་བརྒྱད་ལ་བརྩམ། །བཀྲ་ཤིས་སྔ་དྲོ་ལ་སོགས་དུས། །དཀྱིལ་འཁོར་ཆེན་པོ་བརྩམ་བྱ་ཞིང་། །བ་ཡི་རྣམ་ལྔ་དྲི་ལྔ་དང་། །བདུད་རྩི…