ཀུན་བསྐྱོད་དགེས་པར་མཛད། །དྲི་ཞིམ་ཚིམས་བྱེད་ཕྱོགས་བཅུར་ཁྱབ། །རང་བཞིན་བལྟས་མཛེས་ཀུན་ཏུ་སྣང་། །མི་གཉིས་ཡེ་ཤེས་གསལ་མཛད་ཅིང་། །བྱང་ཆུབ་སེམས་ཀྱི་དངོས་གྲུབ་དག །ཁྱད་པར་མཆོད་པའི་ཚོགས་རྣམས་ལ། །གཉིས་མེད་གུས་པས་ཕྱག་འཚལ་བསྟོད། །ཨོཾ་ཐུགས་རྗེ་ཡེ་ཤེས་འགུགས་པའི་མཆོག །བྱམས་གནས་ཀུན་ལ་ཡང་དག་བཞུགས། །གསང་སྔགས་དགའ་བས་བསྟེ…

བསོད་ནམས་ཡེ་ཤེས་མཆོག་ཏུ་བསྟེན། །དཀྱིལ་འཁོར་ཐམས་ཅད་རྫོགས་པར་སྦྱོར། །དེ་དག་ཚུལ་གྱིས་ཉེ་བར་སྣང་། །བདག་བཅས་ཆོས་ཀུན་ཡོངས་རྟོགས་པས། །བདག་མེད་མྱ་ངན་འདས་པའི་མཆོག །ཕྱི་རོལ་གནས་ལ་མངོན་ཞེན་པའི། །འགྲོ་རྣམས་ཀུན་ཏུ་འཁྲུལ་པས་འཁོར། །དེ་དག་རང་གི་ཆོས་ཉིད་ཀྱིས། །བདུད་རྩིའི་དཀྱིལ་འཁོར་གནས་ལོངས་སྤྱོད། །ཕྱག་རྒྱ་གསང་གསུམ་…

གདམས་པས་སྟོན་པར་མཛད། །དེ་ཉིད་བསྟན་པའི་རྒྱུད་ཆེན་འདི། །ཐམས་ཅད་གཅིག་ཏུ་བསྡུས་པའི་མཆོག །བྱང་སེམས་འཇམ་དཔལ་རྣོན་པོ་དང་། །གསང་བདག་རྡོ་རྗེ་ཆོས་ལ་གཏད། །དུས་གསུམ་ཐམས་ཅད་མཁྱེན་པའི་མཆོག །སངས་རྒྱས་ཀུན་གྱི་གསང་བའི་མཛོད། །བདུད་རྩི་རོལ་པའི་རྒྱུད་ཆེན་འདི། །དད་བརྩོན་གུས་པར་གཟུང་བར་གྱིས། །ཇི་སྙེད་ཆོས་རྣམས་ཐམས་ཅད་ཀྱི།…

རྒྱ་གར་སྐད་དུ། ཀཱི་ལ་ཡ་དྭཱ་ད་ཤ་ཏནྟྲ་མ་ཧཱ་ཡཱ་ན་སཱུ་ཏྲ། བོད་སྐད་དུ། ཕུར་པ་བཅུ་གཉིས་ཀྱི་རྒྱུད་ཅེས་བྱ་བ་ཐེག་པ་ཆེན་པོའི་མདོ། བམ་པོ་ཐོག་མ་ཟུག་པ། དཔལ་བདེ་བ་ཆེན་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་གསང་བ་གསུམ་གྱི་བདག་པོ།སྤྲོས་པ་མེད་པའི་བྱང་ཆུབ་ཀྱི་སེམས་རྡོ་རྗེ། ཕྱོགས་བཅུ་དུས་གསུམ…

ཐོག་མ་དང་ཐ་མ་མེད་པར་རང་བྱུང་བ་ན། རྣལ་འབྱོར་གྱི་དབང་ཕྱུག་རྒྱལ་བ་རིགས་ལྔའི་སངས་རྒྱས་ཀྱིས་ནམ་མཁའི་མཐའ་ཀླས་པ། རྒྱལ་བ་སངས་རྒྱས་ཀྱི་བཙུན་མོ་དམ་པ་ལ་སོགས་ཏེ་རྣལ་འབྱོར་མ་ཆེན་མོ་དང་རྣལ་འབྱོར་ཆེན་པོ་གཉིས་སུ་མེད་པ་ལས་སྤྲུལ་པའི་སེམས་དཔའི་ཚོགས་བཙུན་མོའི་སེམས་མ་དང་བཅས་པ་དང་། གཞན་ཡང་སྤྲུལ་པ་དང་སྤྲུལ་པ་ལས་གྱུར་པའི་ས…

པ་ནི། དེས་ནམ་མཁའི་མཚན་ཉིད་ཀྱིས་ཀྱང་དཔག་ཏུ་རུང་བ་མ་ཡིན་པའོ། །དེ་ནས་ཡུམ་སངས་རྒྱས་སྤྱན་གྱིས་བཅོམ་ལྡན་འདས་གསང་བ་མཆོག་གི་བདག་པོ་དགོངས་པ་བཅོས་མ་མ་ཡིན་པ་ལ་མནལ་བཞིན་དུ་སེམས་ཅན་གྱི་དོན་དུ་གླུ་འདིས་བསྐུལ་ཏོ། །ཨེ་མ་ཧོ། མ་བཅོས་སྤྲོས་མེད་རྣམ་དག་ཀློང་ཡངས་ནས། །ཁྱབ་པའི་སྙིང་རྗེ་འབྱུང་བར་མི་དམིགས་ཀྱང་། །སྔོན་གྱི་སྨོ…

ཧོ་ཞེས་རྣམ་པར་བསྐུལ་ཏོ། །དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས་བསྐུལ་བར་མཁྱེན་ནས། ལོངས་སྤྱོད་རྫོགས་པའི་སྐུ་ལས་རྣམ་པར་སྤྲུལ་ཏེ་སྐུ་ཆ་གཉིས་སུ་རྣམ་པར་གསལ་བར་གྱུར་ཏོ། །དེ་ནས་ཡུམ་དམ་ཚིག་སྒྲོལ་མས་ལོངས་སྤྱོད་རྫོགས་པའི་སྐུ་ཆ་གཉིས་སུ་སྣང་བའི་ངང་ལས་གླུ་འདི་བླངས་སོ། །ཨེ་མ་ཧོ།ལོངས་སྤྱོད་རྫོགས་པའི་སྐུ་མཆོག…

ཆོས་ཉིད་ཀྱི་གསུང་དྲི་མ་མེད་པའི་སྒྲ་ཧཱུཾ་ཧཱུཾ་ཧཱུཾ་ཞེས་བརྗོད་པས། འཁོར་གྱི་དཀྱིལ་འཁོར་དེ་དག་ཐམས་ཅད་ཉིད་ཀྱི་སྐུ་ལ་བསྡུ་བར་མཛད་དོ། །དེ་ནས་ཡང་གསང་བ་མཆོག་གི་བདག་པོ་དེ་རྣམ་པ་སྣ་ཚོགས་ཀྱི་གསང་བ་གསུམ་གྱི་གླུ་དང་། མགོའི་གར་དང་། ལག་པའི་གར་དང་། སྐེད་པའི་གར་དང་། བརྡེག་པ་དང་། ཡོངས་སུ་བསྡིམ་པ་དང་། རྣམ་པར་སྦྱོར་བ་དང…

བྱང་ཆུབ་ཀྱི་སེམས་འབའ་ཞིག་ཏུ་གནས་པར་གྱུར་ཏོ། །དེ་ནས་ཡང་ཡུམ་གྱི་བྱང་ཆུབ་ཀྱི་སེམས་ལ་བསྐུལ་བའི་གླུ་འདི་བླངས་སོ། །ཨ་ཧོ། མ་ཆགས་པདྨ་དབང་གི་བྱང་ཆུབ་སེམས། །སྐྱོན་གྱིས་མ་གོས་གདོད་ནས་རྣམ་པར་དག །དུས་གསུམ་རྒྱལ་བ་རྣམས་ཀྱི་དགྱེས་པའི་ཡུམ། །བདེ་ཆེན་རང་བྱུང་འོད་ཀྱིས་ཆགས་པར་བྱ། །ཧོ་ཞེས་རྣམ་པར་བསྐུལ་ལོ། །དེ་ནས་ཡང་དེའི་…

ནས། གསང་བའི་སྔགས་འདི་ཕྱུང་ངོ་། །ཁཾ། དེ་ནས་ཡང་གསང་བ་མཆོག་གི་བདག་པོ་དེས། ཡོངས་སུ་འདེགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། གསང་བའི་སྔགས་འདི་ཕྱུང་ངོ་། །སུཾ། དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས། གསང་བ་གསུམ་ལས་བྱུང་བའི་སྔགས་དེ་རྣམས་འདོན་པའི་ཚེ། འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་ཡོངས་…

སྤྲོས་པ་མེད་ཅིང་གཉིས་སུ་མེད་པའི་བདག་ཉིད་ཅན་དེས། ཆོས་ཐམས་ཅད་རྣམ་པར་རོལ་པའི་ཏིང་ངེ་འཛིན་ལ་སྙོམས་པར་ཞུགས་ཏེ། ཐབས་དང་ཤེས་རབ་གཉིས་སུ་མེད་པའི་བྱང་ཆུབ་སེམས་ལས་གསང་བའི་སྔགས་འདི་ཕྱུང་ངོ་། །ཐཱ། དེ་ཕྱུང་མ་ཐག་ཏུ་ཕྱོགས་བཅུ་དུས་གསུམ་གྱི་སངས་རྒྱས་རྣམས་ཀྱི་གསུང་རྣམ་པར་དག་པ་ཞེས་བྱ་བའི་འོད་ཟེར་སྤྲོས་ཏེ། དེའི་ཚེ་གསང་བ…

ཡང་གསང་བ་མཆོག་གི་བདག་པོ་དེས། རྐྱེན་ཡོངས་སུ་གསལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཡང་དེའི་ཚེ་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་སྒྱུ་མ་ལྟ་བུར་གནས་པར་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས། གསང་བའི་སྔགས་བཛྲ་དྷྲྀཀ་ཅེས་བརྗོད་པ་དེའི་ཚེ། མི་བསྐྱོད་པའི་སྐུ་ཕྱག་རྒྱ་ཆེན་པོ་རྒྱན་ཡོངས་སུ་རྫ…

པའི་མཆོག་ལྡན་གསུང་མཆོག་ཉིད། །གཏི་མུག་ཆེན་པོ་སྒྲ་ཆེན་འབྱུང་། །མཆོག་ཏུ་གསལ་ལ་དྲི་མ་མེད། །གསལ་ཞིང་དྲི་མ་རྣམ་དག་པ། །གཏི་མུག་རྒྱལ་བའི་གསུང་མཆོག་ཉིད། །ཅེས་བསྒྲགས་སོ། །དེ་ནས་ཡང་བཅོམ་ལྡན་འདས་གསང་བ་མཆོག་གི་བདག་པོ་དེས། རབ་ཏུ་མཆོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཡང་དེའི་ཚེ་ཡོངས་སུ་གསལ་བ་ཞེས་བྱ་བའ…

པོ། །དུས་གསུམ་སངས་རྒྱས་ཐམས་ཅད་ཀྱི། །སྐུ་ཡི་ཕྱག་རྒྱ་རྫོགས་པ་ཡིན། །ཞེས་གླེངས་ཏེ། ཨ་ཞེས་བརྗོད་ཅིང་བཅོམ་ལྡན་འདས་ཀྱི་སྤྱན་སྔར་བཞུགས་སོ། །དེ་ནས་ཡང་གསང་བ་མཆོག་གི་བདག་པོ་དེས། རིན་པོ་ཆེ་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་ཆེད་དུ་བརྗོད་པ་འདི་གསུངས་སོ། །ཨེ་མ་ཧོ་སངས་རྒྱས་ཐམས་ཅད་ཀྱི། །ཡོན་ཏན་གསུང་ན…

པ་ཞེས་བྱ་བའི་འོད་ཟེར་བསྡིམས་པས་དེའི་ཚེ་རིན་པོ་ཆེ་ཟུར་བརྒྱད་པ་ལས་ཡོན་ཏན་འབྱུང་བ་ཞེས་བྱ་བའི་རང་སྒྲ་འདི་སྐད་ཅེས་གྲགས་སོ། །ཨེ་མ་ཧོ་ཡོན་ཏན་ཀུན་གྱི་ཐུགས། །རྣམ་དག་ཐུགས་ནི་དྲི་མ་མེད། །རིན་ཆེན་རྒྱལ་པོ་ཡོན་ཏན་གཙོ། །སེམས་ཅན་ཀུན་གྱི་རེ་སྐོང་བ། །ཡིད་བཞིན་ནོར་བུ་རིན་པོ་ཆེ། །མི་འགྱུར་ཁ་དོག་སྔོ་སངས་འོད། །རིན་ཆེན་འབ…

བཅུ་དུས་གསུམ་གྱི་རྒྱལ་བ་རྣམས་ཀྱིས།འོད་རབ་ཏུ་འཕྲོ་བ་ཞེས་བྱ་བའི་འོད་ཟེར་རབ་ཏུ་སྤྲོས་པ་དེའི་ཚེ། གསང་བའི་སྔགས་འཕྲོ་འདུ་བར་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས།འོད་དཔག་ཏུ་མེད་པ་ཞེས་བྱ་བའི་འོད་ཟེར་སྤྲོས་ཤིང་བསྡིམས་པ་དེའི་ཚེ། སྔགས་ཀྱི་ཡི་གེ་ལས་གསུང་དཔག་ཏུ་མེད་པ་ཞེས་བྱ་བའི་རང་སྐད་འདི་སྐད་ཅེས་བསྒྲགས་ས…

འཁོར་བ་དང་མྱ་ངན་ལས་འདས་པའི་ཆོས་ཐམས་ཅད། ཆགས་པ་དང་བྲལ་བ་ཞེས་བྱ་བ་ལ་གནས་པར་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས། རིག་པའི་སྔགས་ཨཱཾཿཨཱ་རོ་ལིཀ་ཅེས་བརྗོད་པ་དེའི་ཚེ། ཆོས་ཀྱི་སེམས་དཔའི་སྐུ་ཕྱག་རྒྱ་ཆེན་པོའི་རྒྱན་ཐམས་ཅད་དང་ལྡན་པར་འཐོན་ཏེ། འདི་སྐད་ཅེས་གླེངས་སོ། །ཨེ་མ་ཧོ་ང་ནི་རང་བྱུང་སྟེ། །ཆོས་སྐུ་དག་པ་པད…

གསང་བ་མཆོག་གི་བདག་པོ་དེས། ཕྲག་དོག་རྣམ་པར་དག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཡང་དེའི་ཚེ་ཡོངས་སུ་རྫོགས་པ་ཞེས་བྱ་བའི་མཚན་མ་རལ་གྲིར་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས། ལས་གྲུབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཡང་དེའི་ཚེ་ཕྱོགས་བཅུ་དུས་གསུམ་གྱི་རྒྱལ་བ་རྣམས་ཀྱིས། དོན་ཡོད…

ཆ་འཁོར་ལོ་སྟེ། །ཡོན་ཏན་མཚོན་ཆ་རིན་ཆེན་ཡིན། །མ་ཆགས་མཚོན་ཆ་པདྨ་སྟེ། །ལས་ཀྱི་མཚོན་ཆ་རལ་གྲི་ལྔས། །ལས་གང་བསྒྲུབ་པ་གྲུབ་པར་བྱེད། །ཅེས་གསུངས་སོ། །དེ་ནས་ཡང་གསང་བ་མཆོག་གི་བདག་པོ་དེས། ནམ་མཁའི་མཚན་ཉིད་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཆེད་དུ་བརྗོད་པ་འདི་གསུངས་སོ། །ཨེ་མ་ཧོ་སངས་རྒྱས་ཐམས་ཅད་ཀྱི། །ནམ་མཁའི…

ཡང་དེའི་ཚེ་གཉིས་སུ་མེད་པར་རབ་ཏུ་བརྟན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། གསང་བའི་སྔགས་འདི་ཕྱུང་ངོ་། །ཊ། འདི་ཕྱུང་མ་ཐག་ཏུ་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད། ཆོས་ཉིད་རབ་ཏུ་བརྟན་པ་ཞེས་བྱ་བ་ལ་གནས་པར་གྱུར་ཏོ། །དེ་ནས་ཡང་གསང་བ་མཆོག་གི་བདག་པོ་དེས། སྐུ་གསུང་ཐུགས་ཀྱི་གསང་བ་ལས་རིག་པའི་སྔགས་འདི་ཕྱུ…