བྱམས་པ་ཆེན་པོའི་སྙིང་པོའོ། །ཨོཾ་མུ་ཀ་ར་ག་ས་མ་ཧྲཱྀཿཧཱུཾ། བདེ་བ་རྨོངས་བྱེད་མའི་སྙིང་པོའོ། །ཨོཾ་པདྨ་རཱ་ཛ་ཡ་ཧཱུཾ་ཧཱུཾ། པདྨའི་རྒྱལ་པོའི་སྙིང་པོའོ། །ཨོཾ་པདྨོ་ཏྟ་མ་ས་ཀ་ལ་ཏྲཱཾ་ཧཱུཾ། པདྨ་དམ་པའི་སྙིང་པོའོ། །ཨོཾ་བཛྲ་ཨ་ཙ་ལ་ཧྲཱྀཿཧཱུཾ། རྡོ་རྗེ་མི་གཡོ་བའི་སྙིང་པོའོ། །ཨོཾ་ཨ་མོ་གྷ་རཱ་ཛ་ཧཱ་ཧཱུཾ། ཐོགས་མེད་རྒྱལ་པོའི་སྙ…

སྙིང་པོའི་ཁ་སྐོང་ཉིད་དུ་བཤད། །དེ་ནས་རྡོ་རྗེ་འཛིན་པ་ཡིས། །དེ་ཡི་ང་རྒྱལ་ལྡན་པ་ཡིས། །དཀྱིལ་འཁོར་ས་ཡི་དབུས་གནས་ཏེ། །བཞུགས་པའི་འདུག་སྟངས་བསྟན་བྱ་བ། །རྐང་གཡས་བརླ་དང་བྱིན་པའི་དབུས། །གཡོན་པ་ལེགས་པར་བཞག་ནས་ཀྱང་། །དེ་ཉིད་སྟེང་དུ་གཡས་བཞག་པ། །དང་པོ་རྡོ་རྗེའི་སྐྱིལ་ཀྲུང་ཡིན། །གཡོན་གྱིས་གཡས་པའི་བྱིན་པར་མནན། །པུས་…

པའི་སྟབས་སུ་ང་ཡིས་བཤད། །དེ་ནས་ཤར་དུ་གཤེགས་ནས་ནི། །གཡས་པའི་བརླ་དང་པུས་མོ་བསྲང་། །གཡོན་གྱི་བྱིན་པ་བརླར་བཅར་ནས། །བར་མཐོ་ལྔ་བཞག་གཡས་བརྐྱང་ཡིན། །ལྷོར་ནི་གཡོན་བརྐྱང་དེ་ལས་བཟློག །ཐད་ཀར་བཞག་ནས་གཡས་གཡོན་བར། །རྐང་མཐིལ་ལྔ་ཡི་ཚད་བཞག་པ། །དེ་དག་ལྷོ་ནུབ་ཏུ་ཡང་སྦྱར། །ནུབ་ཏུ་ཟླུམ་པོ་པུས་མོ་གཉིས། །སོ་སོའི་གནས་སུ་ལག་ག…

མོ་བསྒྲེང་། །གཡས་པས་རྡོ་བ་འཕེན་ཚུལ་ནི། །རྡོ་རྗེ་རྡོ་ཡི་གར་ཐབས་སོ། །དེ་ལས་མཁྲིག་མ་གཉིས་མདུད་པ། །རྡོ་རྗེ་ཞགས་པའི་ཐབས་ཡིན་ནོ། །གཡོན་པ་དཀུར་བརྟེན་གཡས་པ་ཡི། །ཁུ་ཚུར་མཐེ་བོང་ནང་ནས་བཏོན། །བསྒྲེང་བ་རྡོ་རྗེ་བེ་ཅོན་ཐབས། །དེ་ཉིད་ལས་ནི་གཡས་པ་ཡིས། །མདུང་རྩེ་གཅིག་པའི་ཚུལ་བྱེད་པ། །རྡོ་རྗེ་རྩེ་གཅིག་གར་ཐབས་སོ། །དེ་ལ…

ཚུལ་བྱས་རྡོ་རྗེའི་གར། །ཕྱོགས་བཞིར་ས་གནོན་ལ་སོགས་པའི། །སོ་སོའི་ཕྱག་རྒྱས་གསལ་བྱས་པ། །སྒོ་བཞི་བྱིན་གྱིས་རླབས་པའི་ཐབས། །གཡོན་པ་དཀུར་བརྟེན་གཡས་སྡིགས་མཛུབ། །བསྒྲེང་བ་རྡོ་རྗེ་འཁྱིལ་པའི་ཐབས། །གཡས་པ་རྡོ་རྗེ་སྙིང་གར་འཛིན། །གཡོན་གྱི་དྲིལ་བུ་རྣ་བར་དཀྲོལ། །རྡོ་རྗེ་སྒྲ་ཡི་ཐབས་སུ་བཤད། །སྙིང་ཁར་རྡོ་རྗེ་ཁུ་ཚུར་གཉིས།…

པ་སྡིགས་མཛུབ་མེ་འབར་བཅས། །དཔལ་འབར་མོ་དང་བཅས་པ་བསྒོམ། །ཆེད་བརྗོད་བསྟོད་པས་བརྟན་པར་བྱ། །ང་རྒྱལ་ལྡན་པས་སོར་མོ་རྣམས། །ཕན་ཚུན་བསྣོལ་ཏེ་རྡོ་རྗེ་བསྡམས། །ཨོཾ་གྲྀ་ཧྞ་བཛྲ་ས་མ་ཡ་ཧཱུཾ་བཾ། དེ་ཡིས་རབ་ཏུ་བརྟན་པར་བྱ། །དེ་ཉིད་མགོ་ཡི་ཕྱོགས་ལྔར་བཞག །ཨོཾ་བཛྲ་ཛྭ་ལ་ཨ་ན་ལཱརྐ་ཧཱུཾ་ཨ་བྷི་ཥིཉྩ་མཾ། དེ་ཡིས་རིགས་བདག་དབང་བསྐུར་བ…

ཆུང་སྦྲེལ། །མཛུབ་མོ་རྩེ་སྤྲད་སྤྱི་བོར་བཟློག །ཨོཾ་བྷྲཱུཾ་བཛྲ་བྷནྡྷ་བཾ། རྡོ་རྗེ་ཞགས་པའི་ང་རྒྱལ་གྱིས། །ཁུ་ཚུར་མཁྲིག་མར་མདུད་ཅིང་བསྐོར། །ཨོཾ་བཛྲ་པཱ་ཤ་ཧྲཱྀཿ། དེ་ཉིད་མཚུངས་པས་ཤར་ཕྱོགས་བཅིང་། །རྡོ་རྗེ་བ་དན་ང་རྒྱལ་གྱིས། །མཐེ་བོ་བསྣོལ་ཏེ་མཛུབ་མོ་བསྒྲེང་། །མཐེ་ཆུང་བ་དན་ལྟར་བྱས་ནས། །ཨོཾ་བཛྲ་པ་ཏང་ཀི་པ་ཏཾ་ཀི་ནི་…

དེ་ལ་གསལ་བརྟན་དམིགས་པ་བྱ། །ཡེ་ཤེས་ལྷ་རྣམས་དེ་བཞིན་དགུག །བར་སྣང་ཁམས་དང་གཞལ་ཡས་ཁང་། །ཆོས་བདུན་དྲུག་གིས་དེ་མཉེས་བྱ། །དེ་ནས་མ་ལུས་བསླབ་བྱ་བླང་། །སྡོམ་པ་དང་ནི་དམ་ཚིག་གཟུང་། །མཆོད་བསྟོད་བཤགས་དང་ཕྲིན་ལས་བཅོལ། །བཟོད་པའི་ཡུལ་དང་ཉེས་པ་བཤགས། །དུས་རྣམས་ཀུན་ཏུ་མཉེས་པར་བྱ། །དེ་ནས་རང་གི་གནས་སུ་གཤེགས། །བཀྲ་ཤིས་སྨོན…

ཡོངས་སུ་ཤེས་པས་གསུང་གྲུབ་པ། །དེ་ནི་རྡོ་རྗེའི་བཟླས་པར་འགྱུར། །དེ་ཡིས་སེམས་ཀྱི་ཏིང་ངེ་འཛིན། །མཐར་ཐུག་དང་ནི་རྨི་ལམ་དང་། །སྒྱུ་མ་ལྟ་བུའི་ལམ་ལ་སློབ། །དེ་ཡིས་དབང་བསྐུར་ཡོངས་རྫོགས་ནས། །རང་བཞིན་འོད་གསལ་སྣང་བར་བྱེད། །ཡོན་ཏན་སྲིད་དང་ཞི་ལ་སོགས། །གཉིས་སུ་སྣང་བ་དབྱེར་མེད་པའི། །ཟུང་དུ་འཇུག་པ་རྟོགས་པར་འགྱུར། །མི་ས…

བད་ཀན་རླུང་སོགས་རིན་ཆེན་འབྱུང་། །མཐའ་ཡས་ཀྱི་ནི་བདེ་བར་ཚོར། །སྡུག་བསྔལ་ཚོར་བ་དོན་གྲུབ་ཡིན། །བཏང་སྙོམས་རྣམ་པར་སྣང་མཛད་དོ། །འདུ་ཤེས་ཕུང་པོ་མཐའ་ཡས་གཙོ། །མི་བསྐྱོད་རྐང་གཉིས་པར་འདུ་ཤེས། །བཞི་པ་རིན་ཆེན་འབྱུང་བའོ། །རྣམ་མེད་འོད་དཔག་མེད་པ་ཡིན། །མང་པོར་སྣང་བ་དོན་གྲུབ་སྟེ། །གཡོ་མེད་རྒྱུ་བྲལ་རྣམ་སྣང་མཛད། །དེ་བཞི…

རིམ་བྱིན་གྱིས་རླབས་པའི་རིགས། །ཕྱི་རོལ་རྒྱ་མཚོ་རྣམ་སྣང་མཛད། །འབབ་ཆུ་ཆུ་བོ་བཀོད་མ་དང་། །ལྟེང་ཀ་རྣམས་ཀྱིས་རིགས་བཞིར་འགྱུར། །གོས་དཀར་མོ་ཉིད་མེ་ཁམས་ལ། །མགོ་བོ་མེ་དྲོད་རྣམ་སྣང་མཛད། །སྙིང་ག་ལྟེ་བ་ཡན་ལག་དང་། །ལྟོ་བའི་མེ་རྣམས་སོ་སོར་རིས། །རྡོ་ལས་བྱུང་བའི་གཙོ་བོ་སྟེ། །རྒྱུན་བཞག་མེ་ཤེལ་གཙུབ་ཤིང་དང་། །ནགས་ཀྱི་མ…

དཔལ་ཏེ། །ལུས་ལ་བརྟེན་པའི་རྣམ་ཤེས་ཚོགས། །ཀུན་གྱི་བདག་དང་ཡུལ་དུ་གྱུར། །ཕྱི་དང་ནང་དང་སྦྱར་བ་ནི། །དབང་པོ་ཡུལ་དང་སྐྱེ་མཆེད་རྣམས། །བྱང་ཆུབ་སེམས་དཔའི་དཀྱིལ་འཁོར་ཆེ། །གཟུགས་སྒྲ་དྲི་རོ་རེག་ཡུལ་རྣམས། །ལྔ་དང་བཅུ་ནི་རླུང་རང་བཞིན། །སྲོག་སེལ་གྱེན་རྒྱུ་མཉམ་ཁྱབ་བྱེད། །ལྷ་རྣམས་ཡང་དག་ངེས་པར་རྒྱུ། །རྩ་བ་དང་ནི་ཡན་ལག་ཚུ…

དྲི་དག་མི་བསྐྱོད་པ། །གཞན་དག་དབུས་ལྷོ་ནུབ་བྱང་རིམ། །ལྕེ་ཡི་རྣམ་ཤེས་རབ་ཏུ་རྒྱུ། །མངར་ཁ་བསྐ་དང་ལན་ཚྭ་ཚ་རིམ་གྱི། །དངོས་རྒྱུ་ལུས་ཀྱི་ཡོན་ཏན་ཏེ། །བསྟན་ནས་འཁྱུད་དང་སྒོ་རེག་དང་། །རྔུབ་དང་གཉིས་རབ་སྦྱོར་བ་ཡིས། །གནས་རྣམས་གསུམ་དང་དབུ་མའི་གནས། །དབུས་ལྷོ་ནུབ་བྱང་ཤར་སོགས་ཀྱིས། །གོ་རིམ་གྱིས་ནི་ཡུལ་ལྔ་ཡིན། །ཡེ་ཤེས་ལ…

སྔགས་ཀྱི་དེ་ཁོ་ན། །སྲོག་འགྱུར་ཀུན་གྱི་དངོས་གྲུབ་བཤད། །ཕུང་པོ་ང་བདག་རང་བཞིན་ཅན། །འོད་ལྔའི་འཕྲོ་འདུ་དཔག་མེད་ལས། །ཤིན་ཏུ་ཕྲ་བའི་རྣལ་འབྱོར་བསྒོམ། །རི་རབ་རྩེ་ཡི་དམིགས་པ་ལྟ། །སྐུ་གསུང་ཐུགས་ཀྱི་ཡི་གེ་གསུམ། །འོང་དང་འདུག་དང་འགྲོ་བ་ལ། །མགྲིན་པ་སྙིང་ག་ལྟེ་གསང་གནས། །སྟེང་དུ་འགྲོ་ལ་སོགས་པ་དག །དབུགས་ལས་རིག་པ་ཉི་ཤ…

ཡིན་ཡང་དག་འགྲོ། །དྲི་སྤྱོད་རབ་འགྲོ་རོ་མྱང་ཞིང་། །ངེས་འགྲོ་དག་སྟེ་དེ་དག་ནི། །ཉི་ཟླ་རོལ་མོ་ལ་སོགས་པའི། །གནས་ནས་གཤེགས་ཏེ་རང་ལོངས་སྤྱོད། །ལྷ་དང་ལྷ་མོ་འོད་ཟེར་བཅས། །འབྱུང་བ་ཡེ་ཤེས་ལྔ་བདག་གིས། །བསྐུལ་ཏེ་བཟླས་པ་གསུམ་དུ་བྱེད། །གཞལ་མེད་ཁང་གི་སྟེང་སྒོ་ལ། །རླུང་མེ་ས་དང་ཆུ་རང་བཞིན། །རང་རང་གི་ནི་འགྲོ་བྱེད་བཞི། །…

གི་རྣལ་འབྱོར་རྫོགས་འདོད་པའི། །ལམ་གྱི་ཁ་སྐོང་བཤད་པའོ།། །།དེ་ནས་བཅོམ་ལྡན་རྡོ་རྗེ་འཛིན། །དུས་གསུམ་སངས་རྒྱས་ཐམས་ཅད་ཀྱི། །ཡོན་ཏན་མཆོག་ལ་རབ་དགོངས་ཤིང་། །དམ་ཚིག་རྫས་ཀྱི་བསྒྲུབ་པ་བཤད། །རིགས་ལྔའི་དམ་ཚིག་ལྔ་ཡི་དངོས། །ཡེ་ཤེས་ལྔ་རྫོགས་གྲུབ་པའི་རྫས། །རྩ་བརྒྱད་ཡན་ལག་སྟོང་དང་བཅས། །ཕྱི་ནང་གསང་བའི་དེ་ཉིད་ལས། །རང་བཞི…

བཟང་དྲུག་འབྲས་བུ་གསུམ་དང་ནི། །ཡུང་བ་སྤང་རྩི་སེ་རྒོད་ཤུན། །ཀ་ར་ག་པུར་ཁྱིའུ་རོ་ཚན། །ཁྱི་གུ་དཀར་མིག་མ་བྱེའི་ཤ །སོ་རྟོག་བོང་ང་སྐྱེར་བར་ཤུན། །བསེ་རུ་བྲག་ཞུན་པར་པ་ཏ། །སེར་ཐིག་སྲོ་ལོ་ཨུཏྤལ་སྔོན། །དེ་དག་སྦྱར་ཞིང་བསྒྲུབས་སྤྱད་ན། །རིམས་ནད་དུག་ནད་ཁྲག་ནད་སེལ། །བདུད་རྩི་ཅོང་ཞི་བྲག་ཞུན་དང་། །བ་ལུའི་ལོ་མ་ཚ་བ་གསུམ།…

ཡུངས་ཀར་ནག །རྒྱ་གྲམ་ལམ་དང་ཆུ་འགྲམ་ས། །གངས་དང་རི་མཐོ་མཆོད་རྟེན་ས། །རྡོ་ལྕགས་རིན་ཆེན་སྣ་ལྔའི་ཕྱེ། །ལྡོང་རོས་གླ་རྩི་ཤ་ཚིལ་ཆེན། །རྟ་བོང་མུ་ཟི་ཚེར་མའི་ཤིང་། །ཟི་ར་གུ་གུལ་དཀར་ནག་དང་། །གཡི་སྤྱང་ཕག་དང་བོང་བུའི་བྲུན། །གཞན་ཡང་ཐུན་རྫས་དྲག་པོའི་རྫས། །སེར་བ་ཁུ་འཕང་གངས་ཆུ་དང་། །དྲག་པོའི་སྣོད་དུ་ཞག་གསུམ་བསྒྲུབ། །ཁ…

སྐྱ། །སྦྱར་བས་སྦྱར་དུག་སེལ་བར་བྱེད། །རྒྱ་ཚིལ་བྱི་བའི་ཀླད་པ་དང་། །འབྲས་བུ་གསུམ་དང་བཟང་པོ་དྲུག །རྩ་བ་ལྔ་བསྐོལ་བཅུད་རྣམས་ལ། །དྲི་རོ་ཁ་དོག་ནུས་པ་དང་། །ཞུ་བའི་རྗེས་སོགས་ལེགས་པར་བཙིར། །ཐབས་ནི་སྲུལ་དང་གདུལ་བ་དང་། །དབྱེ་དང་དབྱུང་དང་བཙོ་བ་དང་། །བཙིར་དང་སྐམ་དང་བསྣུར་བ་ཡིས། །ཕྱེ་མ་རིལ་བུ་ལྡེ་གུ་དང་། །ཟན་དང་ཚོད…

ཆང་བཞིན་དུ་ནི་ལོངས་སྤྱད་བཏུང་། །ཚ་འབྲས་ཅོང་ཞི་མར་རྙིང་དང་། །བྲག་ཞུན་དང་སྦྱར་སྨན་མར་སྒྲུབ། །མངར་དང་འོ་མར་ཚ་འབྲས་རྣམས། །སྦྱར་བ་འགམ་ཕྱེར་བསྒྲུབ་པ་ཡིན། །གཞན་ཡང་རིལ་བུ་ཕྱེ་མ་དང་། །སྨན་མར་ཁཎྜ་ལྡེ་གུ་དང་། །གོང་བུ་བཅུད་ལེན་ལ་སོགས་པ། །དྲི་རོ་ནུས་པའི་སྐྱོབས་བསྡུས་པ། །འུ་སུ་སྒོག་སྐྱ་མར་རྣམས་ཏེ། །དང་པོ་གཉིས་པ་མ…