སྟེ། །རྒོད་དང་བལྟ་དང་འཛུམ་པས་བཟུང་། །ང་ནི་སྙིང་རྗེའི་རང་བཞིན་པས། །སྐལ་བར་ལྡན་ལ་དངོས་གྲུབ་སྟེར། །དད་མོས་ལྡན་ལ་འབེབས་པར་བྱེད། །བརྩོན་པར་སྤྱོད་དང་ལྷན་ཅིག་གནས། །འདུས་པའི་ཚོགས་རྣམས་མ་ལུས་པ། །བློ་ཡི་ཐེ་ཚོམ་བསལ་གྱིས་ཉོན། །ཞེས་བཀའ་སྩལ་ཏོ། །དེ་ནས་དེ་བཞིན་གཤེགས་པ་དེ་དག་བྱང་ཆུབ་སེམས་དཔའ་དེ་དག་ཐམས་ཅད་དང་། གཞན་ཡ…

རྒྱལ་སྲས་ཚུལ་དུ་གཞུག་པར་བྱ། །རང་བཞིན་སྤྲུལ་པ་ཏིང་འཛིན་དང་། །རས་བྲིས་རྡུལ་ཚོན་དེ་བཞིན་དུ། །ལྷུན་གྲུབ་རིག་འཛིན་ས་ལ་གནས། །རྟོག་པའི་གདེང་ཅན་དད་སེམས་ལྡན། །རིམ་པ་བཞིན་དུ་གཞུག་བྱ་སྟེ། །དེ་ལས་གཞན་དུ་དོན་མི་འགྱུར། །འདྲེན་བྱེད་བླ་མའི་མཚན་ཉིད་ནི། །ཡེ་ཤེས་ལྷ་ཡི་རྗེས་བཟུང་དང་། །བསྐྱེད་རིམ་ཏིང་འཛིན་དམིགས་པ་གསལ། །…

བསྟོད་ནས་རབ་ཏུ་དགྱེས་པར་བྱ། །སྔོན་པོ་སེར་དམར་ལྗང་གུ་ཉིད། །ཤར་ལྷོ་ནུབ་བྱང་རིགས་ཡིན་ཏེ། །དབུས་ནི་ཤེལ་གྱི་སྙིང་པོའོ། །དཀར་སྔོ་སེར་དམར་ལྗང་གུ་ཉིད། །བརྩིག་པ་ལྔ་ལ་གོ་རིམ་བཞིན། །ཀུན་གྱི་ཕྱིར་ནི་མཐིང་གའོ། །དྲ་བ་ཕྱེད་དང་ཕ་གུ་དང་། །དར་བུ་ཁད་དང་བར་ཁྱམས་རྣམས། །ལེགས་པ་ཉིད་དུ་བསྐོར་བར་བྱ། །ཀ་བ་བརྒྱད་དང་འཁོར་ལོ་བཅ…

མཛད་དུ་གསོལ། །ཁྱེད་རྣམས་ལ་ནི་མཆོད་པ་དང་། །སློབ་མ་ཀུན་ལ་ཕན་གདགས་ཕྱིར། །བདག་མིང་འདི་ཞེས་བྱ་བ་ཡིས། །སར་ནི་དཀྱིལ་འཁོར་བྲི་ལགས་ཀྱིས། །གནས་འདིར་སངས་རྒྱས་ཀུན་གཤེགས་ཏེ། །བྱིན་གྱིས་རློབ་ཅིང་དབང་བསྐུར་མཛོད། །དེ་ནས་རིན་ཆེན་ལས་བྱུང་བའི། །བུམ་པ་མཛེས་པ་དག་བྱས་ནས། །རིན་ཆེན་སྨན་འབྲུ་སྙིང་པོ་དྲི། །ཤིས་པའི་རྫས་བྲིས་ཆ…

ལུང་སྟོན་ཆེ་བ་བརྗོད་པ་ནི། །དགེ་བའི་རྟགས་སུ་ངས་ལུང་བསྟན། །དེ་ལས་བཟློག་པའི་རྟགས་རྣམས་ཀུན། །ངན་པར་བཤད་དེ་གང་མཐོང་ཡང་། །ཚོགས་བསགས་དག་པའི་དོན་ལ་འང་། །བསྐྱར་ཞིང་བལྟ་བའི་ཆོ་ག་བྱ། །དེ་ལྟར་རབ་ཏུ་བརྟགས་ནས་ནི། །བླ་མ་དཔལ་ཆེན་ཉིད་ལ་བཤད། །དེ་སྟེང་དགེའོ་ཞེས་སྨྲ་ན། །རྨི་ལམ་ལ་བརྟེན་དངོས་གྲུབ་བླང་། །མི་དགེ་སྨྲ་ལ་སྦྱི…

སེམས། །བྱ་སྤྱོད་རྣལ་འབྱོར་རྒྱུད་རྣམས་ལས། །བསྲུང་བར་བྱ་བ་གང་གསུངས་པ། །ཐུན་མོང་སྤྱི་ཡི་དམ་ཚིག་ཡིན། །ཁྱད་པར་བྱེ་བྲག་བསྲུང་བྱ་བ། །རྩ་བར་གྱུར་པ་བཞི་དག་དང་། །ཡན་ལག་ཉི་ཤུ་རྩ་ལྔ་སྟེ། །ཇི་ལྟར་སྨོན་དང་འཇུག་པ་ཡི། །བྱང་ཆུབ་སེམས་གསུམ་བསྒོམ་པ་ཡིས། །རྡོ་རྗེ་ཐུགས་ཀྱི་དམ་ཚིག་གོ། །རང་ཉིད་ཡི་དམ་ལྷ་ཚོགས་ཀྱི། །སྔགས་དང་ཕ…

དམ་ཚིག་ནི། །རབ་ཏུ་ལྷག་པར་བསྲུང་བར་བྱ། །གཅན་གཟན་རྒྱལ་པོའི་ཁྲི་མི་བཤིག །ཟ་མ་ཏོག་ཏུ་དུག་མི་བླུག །རིན་ཆེན་ལྕུག་ཕྲན་མི་བསྲེག་ཅིང་། །ཞུན་ཁོལ་ལྟ་བུ་མི་བཏུང་སྟེ། །པདྨའི་ཟེའུ་འབྲུ་ཁ་མི་གསེད། །བུག་རྡོལ་སྣོད་དུ་བཅུད་མི་བླུག །དོན་དང་མི་ལྡན་རྫས་མི་སྟེར། །ཤེལ་སྒོང་འདམ་དུ་བསྣུར་མི་བྱ། །མ་དག་སྣོད་དུ་དག་པ་མིན། །ཡིད་…

དད་བརྩོན་སྐྱེས་བུ་ཡིས། །བཟློག་པའི་གཉེན་པོ་མྱུར་དུ་བསྟེན། །དེ་ཡིས་ཡོན་ཏན་ཀུན་ལྡན་ནས། །རྡོ་རྗེ་འཆང་བ་ཉིད་དུ་འགྱུར། །ཞེས་བཀའ་སྩལ་ཏོ། །ཞི་བ་འདུས་པ་རྩ་བའི་རྒྱུད་ལས། དམ་ཚིག་དང་སྡོམ་པ་རབ་ཏུ་འབྱུང་བའི་ལེའུ་སྟེ་བརྒྱད་པའོ།། །།དེ་ནས་བཅོམ་ལྡན་འདས་ཀྱིས་འགྲོ་བ་ཐམས་ཅད་རྣམ་པར་རྒྱལ་བ་ཡོངས་སུ་སྨིན་པར་བྱེད་པ་ཞེས་བྱ་བའ…

ངོ་བོ་དམ་ཚིག་རྫས། །ཤ་ལྔ་དྲི་གསུམ་ཁུ་བ་གཉིས། །རང་གྲོལ་སྤང་བླང་མེད་པ་དང་། །བྱང་ཆུབ་སེམས་དཔའི་སྡོམ་པ་ཆེ། །སྤྱོད་པ་ནུས་པ་དབང་ཡིན་ནོ། །དབང་པོ་ལྔ་ཡི་མངོན་ཤེས་དང་། །མཚན་རྟགས་ཡེ་ཤེས་ལྔ་ཡི་དངོས། །དངོས་སུ་གྲུབ་པ་ནང་གི་དབང་། །འདི་དག་དབང་པོ་ཡུལ་དང་བཅས། །དམིགས་པ་རྫས་ཀྱི་གཟུགས་བརྙན་བསྟན། །ཆེ་བའི་ཡོན་ཏན་བསྟོད་ཚིག་…

མ་སྐྱེས་རྒྱུ་ལས་མ་འགགས་རྐྱེན། །བྱང་ཆུབ་སྙིང་པོ་བདེ་བ་ཆེ། །རང་གིས་རིག་ཅིང་རང་གིས་མཐོང་། །རྟོགས་ཤིང་ཐོབ་པ་འདི་ཁོ་ན། །གཞན་ན་ཡོད་ཅིང་ཚོལ་བ་མེད། །མ་བསྒྲུབས་དེ་ཉིད་སར་རྫོགས་པའོ། །དེ་ནི་འབྲས་བུ་རྫོགས་པའི་དབང་། །འདི་རུ་མ་རྫོགས་གང་ཡང་མེད། །ཐེ་ཚོམ་སོམ་ཉིས་འགྲུབ་པ་མིན། །སྐད་ཅིག་མ་ཡི་ཡུལ་ཡིན་ནོ། །མ་འོངས་དུས་ཀྱི…

ཉིད་དུ་གྱུར། །འཕྲོ་འདུ་ལས་ཀྱི་སྦྱོར་བ་ཡིས། །ལས་ཀུན་མཛད་པའི་ཆོ་འཕྲུལ་གྱིས། །རྟོག་པའི་རླུང་དང་ཆུ་རྣམས་ཀུན། །མི་ཤིགས་པ་དང་བདུད་རྩིའི་རྒྱ། །བརྟན་བྱེད་ཡིད་བཞིན་འབྱུང་བ་ནི། །སྒྲོལ་མ་མཱ་མ་ཀཱི་དང་སྤྱན། །རང་གི་མཁའ་དབྱིངས་རྣམ་པར་དག །དེ་བཞིན་དྲོད་དང་གོས་དཀར་མོ། །ཀུན་བཟང་དབྱིངས་སུ་ཁྱབ་བྱེད་བསྒོམ། །ཨེ་ཀྲོ་དྷཱི་ཤ…

ཨ་ར་ག །མཾ་མ་ར་ད་ཉི། གྷཾ་གྷ་རུ་ཙ། ཡེ་ཤེས་འབར་བའི་གཞལ་ཡས་སུ། །སེང་གེ་གླང་ཆེན་རྟ་བྱ་ཁྱུང་། །མ་མ་སཱུརྱ། ཨ་ཨ་ཙནྡྲ། བཾ་པདྨ། རཾ་རཏྣ། ཉི་ཟླ་པདྨ་རིན་པོ་ཆེ། །གཙོ་དང་འཁོར་ལ་རིམ་བཞིན་གསལ། །བཛྲ་ཙིཏྟ་མོ་ཧ་ར་ཏེ་ཛ། ཧྲཱྀཿསྥ་ར་ཎ་ཕཊ། སཾ་ཧ་ར་ཎ་ཧཱུཾ། ཁམས་གསུམ་ཡེ་ཤེས་སྒྲོན་མ་ལས། །རིན་ཆེན་མཛོད་ནི་ཐིག་ལེས་བརྒྱན། །རྒྱལ་བའི་…

ཏེ། །མཉམ་པའི་ངང་དུ་རྟོགས་གྱུར་ན། །ཐམས་ཅད་བྱང་ཆུབ་མཆོག་གི་རྒྱ། །ཕྱག་རྒྱའི་སྐུ་ལས་འདའ་བ་མེད། །ཕྱོགས་བཅུའི་རྒྱལ་བ་མ་ལུས་ལ། །གར་དབྱངས་མཆོག་དང་དམ་ཚིག་རྫས། །ནམ་མཁའ་མཛོད་ཀྱི་ཏིང་ངེ་འཛིན། །རྫས་མཆོག་མི་ལས་འདས་པའི་ལྷ། །རྒྱལ་པོ་ཆེན་པོ་ལོངས་སྤྱོད་མཆོག །ཕྱག་རྒྱ་བཞི་དང་ཉོན་མོངས་ལྔ། །གཉིས་སུ་མེད་དང་འཆི་བ་མེད། །འདོ…

དྷ་ར་ཎི་སྭཱ་ཧཱ། ཨོཾ་ནིསྶ་རཾ་བྷཱ་ཡ་སྭཱ་ཧཱ། ཨོཾ་བྷ་དྲ་བྷ་དྲ་ས་མནྟ་སྭཱ་ཧཱ། ཨོཾ་མཉྫུ་ཤྲཱི་ཨཾ་རཱ་གཱ་ཡ་སྭཱ་ཧཱ། ཧཱུཾ་ལཱ་སྱེ་ས་མ་ཡ་སྟྭཾ། ཏྲཱཾ་མཱ་ལེ་ས་མ་ཡ་ཧོཿ། ཧྲཱྀཿགཱི་ཏི་རཱ་ཀོ྅ཧཾ། ཨ་ནིརྟི་རཱ་ག་ཡཱ་མི། ཛཿདྷཱུ་པེ་པྲ་བེ་ཤ་ཕཊ། ཧཱཾ་པུཥ྇་ཨཱ་བེ་ཤ་ཡ་ཨ་ཨ། བཾ་དཱི་པ་ཨ་ལོ་ཀེ་བ་སུ་ཀི་ནི་སྭཱ་ཧཱ། སུ་གི་རཱི་ཡང་ཧེ་གནྡྷེ་ཙིཏ…

བསྒོམས་ཏེ། །མཁའ་གསང་བྱིན་བརླབས་སྦྱོར་བའི་ཚུལ། །བཟླས་པས་ཤེས་རབ་སེམས་དབུས་ནས། །དེ་ཉིད་ཐབས་ཀྱི་གནས་དེ་རུ། །མཐིང་ནག་ཡི་གེ་འབྲུ་ཚད་སྤྲོས། །དངོས་པོ་སྦྱངས་ཏེ་བཛྲའི་གཟུགས། །རྩེ་ལྔའི་དབུས་སུ་གསལ་བའི་དཀྱིལ། །ཨཱོཾ་ཞེས་བྱ་བ་དཀར་པོ་བསྒོམ། །ཐབས་ཀྱི་དབུས་ནས་ཤེས་རབ་གསང་། །མཁའ་ལ་ཏིལ་འབྲུ་ཙམ་དུ་སྤྲོས། །སྔར་བཞིན་མཛད་པ…

སེམས་རྣམ་པར་དག་པའི་རང་བཞིན་གྱི་འོད་གསལ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་བཀའ་སྩལ་ཏོ། །ཀྱེ་མ་འདུས་པའི་ཚོགས་རྣམས་ཀུན། །གསང་སྔགས་རོལ་པའི་དཀྱིལ་འཁོར་འདིར། །ཕྲིན་ལས་མཛད་པ་སྣ་ཚོགས་པའི། །ལས་ཀྱི་བྱེ་བྲག་གསུངས་པ་ཡང་། །འཇིག་རྟེན་འདས་པའི་དངོས་གྲུབ་སྟེ། །མྱ་ངན་འདས་པ་རྟོགས་མི་འགྱུར། །དེ་བས་དེ་ཉིད་ར…

རྟེན་པའི་གཞི་ནི་གཞལ་ཡས་ཁང་། །ལོངས་སྤྱོད་མཆོད་པའི་ཚོགས་ཆེན་པོ། །ཕ་མ་བུ་དང་བུ་མོ་ནི། །ཡབ་ཡུམ་སྲས་དང་སྲས་མོ་སྟེ། །ཕྱི་ནང་འཁོར་ནི་ཉེ་དུ་དང་། །བྲན་འབངས་མངག་གཞུག་ལ་སོགས་ཡིན། །དང་པོ་ཉིད་ནས་རྫོགས་པས་ན། །ཆེན་པོའི་རྫོགས་པ་ཞེས་བྱ་སྟེ། །སྣང་བ་སྣ་ཚོགས་སྤྲུལ་པའི་སྐུ། །རྟོག་པ་ལོངས་སྤྱོད་རབ་རྫོགས་ཏེ། །མི་རྟོག་ཡེ་ཤེ…

བདག་དང་དངོས་པོ་སེམས་ཅན་དག །དབྱེ་བ་མེད་ཅིང་ཡོངས་མ་གྲུབ། །གུས་ཤིང་མ་འདྲེས་ལྟོས་པ་མེད། །ཉོན་མོངས་མེད་པར་སྤྱད་པ་ནི། །ཐུན་མོང་ཆོས་སུ་སྤྱོད་པའོ། །དམན་པའི་བདེན་འབྲས་མི་སྨོན་ཅིང་། །གཅིག་པུར་ཞི་ལ་མི་གནས་པ། །ཡུལ་གསུམ་དག་པར་སྦྱོར་བ་སྟེ། །མ་ལུས་དབྱེ་བ་མེད་པའོ། །ཁྱད་པར་འདི་ཡི་སྤྱོད་པ་ནི། །དཀྱིལ་འཁོར་གསུམ་དང་མཆོད…

བུ་འཁོར་ལོ་དང་། །ཐབས་དང་ཤེས་རབ་གཅིག་ཉིད་ཀྱིས། །བརྟགས་ཤིང་སྣང་བ་ཙམ་དུ་འགྱུར། །མཆོག་གྱུར་དམན་དང་བར་མའི་སྐུ། །སྣ་ཚོགས་ལས་ཀྱང་སྣ་ཚོགས་ཏེ། །རིགས་དང་མཐུན་པའི་བདག་ཞེན་པས། །ཆེས་ལྷག་ཡུལ་དུ་གྱུར་པ་ཡིན། །གནས་སྐབས་མཐར་ཐུག་དུས་དང་ཐབས། །ཐུན་མོང་ཁྱད་པར་ཡོངས་སུ་འབྱུང་། །མ་ལུས་པ་དང་མ་ནོར་བའི། །རང་དང་གཞན་གྱི་སྣང་བ་ཡི…

ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཉིད་ཀྱི་སྐུ་གསུང་ཐུགས་ཡུམ་དང་བཅས་པའི་བྱིན་གྱིས་རླབས་ཀྱིས་རྣམ་པར་འཕྲུལ་པའི་དཀྱིལ་འཁོར་ཆེན་པོའི་འཁོར་ལོ་ཡོངས་སུ་རྫོགས་པ་དེ་དག་དང་། དུས་གསུམ་དུ་བཞུགས་པའི་སངས་རྒྱས་ཐམས་ཅད་ཀྱི་ལག་ན་རྡོ་རྗེ་འཆང་བ་སྲས་ཀྱི་ཐུ་བོ་ཆེན་པོ་དང་བཅས་པ་རྣམས་རབ་ཏུ་དགྱེས་ཤིང་ཡི་རང་བས་འོད་ཟེར་གྱི་རྣ…