བརྗོད་དོ། །དེས་ཚེ་ཡི་གེགས་ཞི་ཞིང་ཚེ་ཤིན་ཏུ་རིང་པོར་འཚོ་བར་འགྱུར་རོ། །རྒྱུད་སྡེའི་དགོངས་པ་བཞིན་ཆུ་འབྲུག་ཟླ་བ་ལྔ་པའི་ཚེས་གཅིག་ལ་འཇམ་དཔལ་རྡོ་རྗེས་སོ།། ༈ །།ཧཱུྃ། བསྙེན་ཅིང་བསྒྲུབ་པའི་དཀྱིལ་འཁོར་ལྷ་ཚོགས་རྣམས། །ཐུགས་རྗེ་ནུས་པ་མཐུ་དང་དཔུང་བསྐྱེད་ལ། །འོད་ཟེར་ཕོ་ཉ་ཕྱག་མཚན་འཕྲོ་འདུ་ཡིས། །བདག་གི་བླ་ཚེ་ཉམས་འཁྱར་…

གིས་ཐོན། །སྟེང་གི་ནམ་མཁའ་དག་ལ་ནི། །དཔའ་བོ་ཆུ་གྲི་ཐོད་ཅན་གྱུར། །ཆུ་གྲིས་རང་ལུས་ཐོད་པ་བྲེག །ཐོད་སྒྱེད་གསུམ་གྱི་སྟེང་དུ་བཞག །དེ་ནང་ལུས་དེ་དུམ་བུར་གཏུབས། །ཐོད་པ་ཡངས་ཤིང་རྒྱ་ཆེ་བའི། །སྣོད་ནི་ཕྱུར་བུར་གང་བར་གྱུར། །འོག་གི་རླུང་གཡོས་མེ་སྦར་ཏེ། །ཐོད་པའི་ནང་གི་བཅུད་རྣམས་ཁོལ། །རབ་འབྱམས་ཕྱོགས་བཅུའི་ཞིང་ཁམས་ནས། …

ཞིའི་མགྲོན་རྣམས་བདེ་ཆེན་མཉམ་པར་ཚིམ། །བདག་སོགས་འཁྲུལ་སྣང་སྡུག་བསྔལ་རྒྱུན་ཆད་དེ། །འགྲོ་ཀུན་བླ་མེད་བྱང་ཆུབ་ཐོབ་པར་ཤོག །ཅེས་བསྔོ་བས་མགྲོན་རྣམས་རང་གནས་སུ་གཤེགས་པར་བསམས་ལ་སྨོན་ལམ་གཞན་ཡང་གདབ་བོ། །ཀུན་མཁྱེན་རྒྱལ་དབང་ཀློང་ཆེན་པའི། །ཟབ་མོ་ཡང་ཏིག་རྡོ་རྗེའི་གསུང་། །དེ་ཡི་དུས་ཀྱི་གསལ་བྱེད་ལས། །གསུང་གི་དགོངས་པ་ཇི…

གཙུག་ཏུ་མགོན་པོ་ཚེ་དཔག་མེད་བསྒོམས་ལ། བདག་དང་སེམས་ཅན་ཐམས་ཅད་དུས་འདི་ནས་བཟུང་སྟེ་བྱང་ཆུབ་སྙིང་པོའི་བར་དུ་རྒྱལ་བ་ཚེ་དང་ཡེ་ཤེས་དཔག་ཏུ་མེད་པ་ལ་སྐྱབས་སུ་མཆིའོ། །ལན་གསུམ། སེམས་ཅན་ཐམས་ཅད་འཆི་བའི་འཇིགས་པ་ལས་ཐར་ཏེ་འཆི་མེད་རྟག་པ་དམ་པའི་གོ་འཕང་འཐོབ་པའི་ཆེད་དུ་ཚེ་ཐར་གཏོང་བའི་དགེ་བ་སྒྲུབ་པར་བྱའོ། །སྙམ་དུ་སེམས་བསྐ…

དབུགས་རྣམ་ཤེས་ལྡན་པ་ཡི། །སེམས་ཅན་འདི་ནི་ཚེ་བདུད་ལས། །ཐར་ཏེ་འཇིགས་མེད་དབུགས་དབྱུང་ཐོབ། །འདི་ཡི་ཕུང་ཁམས་སྐྱེ་མཆེད་རྣམས། །རང་བཞིན་རྣམ་དག་མཆོད་པའི་སྤྲིན། །ནམ་མཁའ་ཁྱབ་པར་སྤྲོ་བྱེད་ཅིང་། །འདོད་ཡོན་ཀུན་ལྡན་བདེ་བ་ཆེ། །འཆི་མེད་ཚེ་མཆོག་གྲུབ་པའི་རྫས། །མུ་མཐའ་མེད་པར་ཡོངས་ཤར་བས། །ཁྱེད་རྣམས་ཐུགས་དམ་གཉན་པོ་བསྐང་། …

ཐུགས་ཀྱི་བཞེད་དོན་ཡོངས་སུ་འགྲུབ་པར་ཤོག །ཅེས་སྦྱར། མཐར་བཀྲ་ཤིས་ཀྱི་ཚིགས་སུ་བཅད་པ་ཅི་རིགས་པ་དང་བཅས་ཏེ་མེ་ཏོག་འཐོར་བས་དགེ་ལེགས་སུ་བྱའོ། །གསེར་འཕྱངས་མེ་བྱ་ཟླ་བ་བཅུ་པའི་ཚེས་བརྒྱད་ལ་མི་ཕམ་རྣམ་རྒྱལ་བས་གང་ཤར་བཀོད་པ་བཀྲ་ཤིས་པར་གྱུར་ཅིག་གུ། མངྒལཾ།། ༈ །།ཚེ་རྫི་སྲུང་མགོན་བཀྲ་ཤིས་དཔལ་འབར་བཞུགས། ཧཱུྃ། དུས་གསུམ་སངས…

ཕྱོགས་སྐྱོང་བཅུ་ཡིས་འཁོར་གྱིས་སྐོར། །ཕྱོགས་བཅུའི་གནས་ནས་སྲུང་དུ་འཛུགས། །སྲུང་དུ་ཆེ་ལ་སྐྱབས་སུ་བཙན། །བདག་ཅག་སྲུང་གི་ནང་དུ་ཚུད། །འདྲེ་གདོན་སྲུང་གི་རྒྱབ་ཏུ་ཕུད། །སྡེ་བརྒྱད་དྲེགས་པའི་གཙོ་བོ་བརྒྱད། །རང་རང་རིགས་ཀྱི་འཁོར་དང་བཅས། །ཕྱོགས་བཞི་མཚམས་བརྒྱད་སྲུང་དུ་འཛུགས། །ནད་གདོན་བྱད་ཕུར་བར་ཆད་སྲུང་། །དགྲ་བླ་ལྷ་…

བདུད་རྩི་ཡོན་ཏན་འབྱུང་བའི་གནས་ཉིད་དུ། །བདུད་ལས་རྣམ་རྒྱལ་མགོན་པོ་འཁོར་བཅས་ཀྱིས། །བདུད་རྩི་སྨན་གྱི་ཆར་པ་རྟག་ཏུ་ཕོབ། །ནད་མེད་བདེ་བའི་དངོས་གྲུབ་སྩལ་དུ་གསོལ། །བསོད་ནམས་དཔལ་དང་འབྱོར་བ་གོང་དུ་སྤེལ། །མཐུ་དང་ནུས་པ་སྙན་གྲགས་ཁྱད་དུ་ཐོན། །བསམ་པའི་དོན་ཀུན་ཡིད་བཞིན་འགྲུབ་པ་དང་། །ཕྱོགས་ལས་རྣམ་པར་རྒྱལ་བའི་ཕྲིན་ལས་མ…

འཕྱུར་བ་བླ་ན་མེད། །སངས་རྒྱས་རྣམས་ནི་ཕྱོགས་ཀུན་ལས། །རྣམ་པར་རྒྱལ་ཕྱིར་བཞད་པ་བརྒྱད། །དཔལ་གྱི་དགྱེས་དབྱངས་སེང་གེའི་སྒྲ། །ཧ་ཧཱ་ཧི་ཧཱི་ཧེ་ཧེ་ཧོ་ཧོཿ ཐད་ཀ་བཀུག་དང་འགྲེང་བསྟོད་བཞི། །རང་ཉིད་མཐོ་ཞིང་རྒྱལ་བའི་སྒྲ། །ཡིན་གྱི་ཧུ་སོགས་འདི་སྐབས་མིན། །ཧམ་སོགས་དགྱེས་སྦྱོར་སྐབས་ཡིན་ཡང་། །འདིར་ནི་མང་ཉུང་མཐའ་ཁེགས་པའི། །བ…

བྱ། །འོད་ཀྱིས་དངས་བཅུད་བསྡུས་ནས་བསྟིམ། །ཡེ་ཤེས་ནོར་བུ་འབར་བར་བསྒྲུབ། །དེ་ནས་དུས་ཚེས་བཟང་པོ་ལ། །ས་གནས་ལེགས་པའི་རི་བྲག་མཚོ། །ལྗོན་ཤིང་ཆུ་ཀླུང་ལ་སོགས་པ། །གང་འདོད་གནས་སུ་ཆོ་གས་སྦ། །ཁྱད་པར་བྲག་གི་ཁུང་བུའམ། །ས་བརྐོས་རྡོ་ཡི་ཁང་བུ་རུ། །ཆུད་མི་ཟ་བའི་རྒྱ་ཡིས་བཏབ། །དེ་ལ་དང་པོ་བདག་ཉིད་ལྷའི། །ང་རྒྱལ་ལྡན་པས་དེར་ས…

དབུས་རིན་ཆེན་གཞལ་ཡས་སུ། །སངས་རྒྱས་སྤྱན་མ་སྐུ་མདོག་སེར། །དགྱེས་པར་བཞུགས་ལ་གཏེར་སྦ་བར། །གསོལ་བཏབ་དགྱེས་ཤིང་བདག་ཉིད་ནི། །རྣམ་པར་སྣང་མཛད་རྣམ་པ་རུ། །སྙོམས་ཞུགས་བདེ་བའི་མཆོད་པ་འབུལ། །མཁའ་དབྱིངས་བདེ་བའི་སྒོ་ཕྱེ་ནས། །ནང་དུ་ཞུགས་པས་ཐུགས་དབུས་སུ། །མ་མ་ཀི་ལ་དེ་བཞིན་དུ། །རིན་ཆེན་འབྱུང་ལྡན་སྙོམས་འཇུག་བྱ། །མཁའ་ནས…

ཧཱུྃ་བཛྲ་རཀྵ་རཀྵ་བྷྲཱུྃ། ཞེས་པ་བརྗོད་ཅིང་ཐུགས་རྒྱས་གདབ། །ཕོ་བྲང་སྒོ་ལས་ཕྱིར་ཐོན་ཏེ། །གཞལ་ཡས་ཁང་གི་ཕྱི་རོལ་དུའང་། །རྡོ་རྗེའི་གུར་གྱིས་སྲུང་བར་བྱ། །ཐུགས་མཆོག་མི་ཟད་རྒྱན་འཁོར་ལོ། །མཁའ་ཁྱབ་སྐྱེ་དགུ་ཚིམ་སྨོན་གདབ། །དེ་བཞིན་རིམ་པས་ཕྱིར་བྱུང་སྟེ། །ཕྱག་མཚན་སོ་སོའི་རྒྱས་གདབ་སོགས། །བཤད་མ་ཐག་པའི་རིམ་པ་སྦྱར། །ས་ཡ…

མི་ཤིགས་རྒྱ་ཡིས་གདབ། །དེ་ཡིས་ཚེ་དཔལ་ཆོས་འབྱོར་གྱི། །བདེ་ཆེན་ནམ་མཁའ་མཉམ་པའི་གཏེར། །བྱང་ཆུབ་བར་དུ་མི་ཟད་ཅིང་། །རིན་ཆེན་ཀུན་བདག་དབང་ཕྱུག་གི །སངས་རྒྱས་ནོར་བུའི་རྒྱལ་པོ་འགྲུབ། །གང་དུ་སྦས་པ་བཀྲ་ཤིས་ཤིང་། །ལྷ་ཀླུ་གནོད་སྦྱིན་ཡུལ་སྐྱོང་བདེ། །རང་དབང་འཕྲལ་ཡུན་འདོད་དགུ་འགྲུབ། །ཤིན་ཏུ་གསང་ཞིང་རང་ཉམས་ལོངས། །ཆུ་རྟ…

བསྐྱེད་ཅིང་སྤྱན་འདྲེན་བཞུགས་གསོལ་ཕྱག་མཆོད་བསྙེན་བསྟོད་བར་གཏེར་གཞུང་བཞིན་བྱས་ལ། གསང་བདག་སྒྲུབ་པའི་བསྙེན་དམིགས་བདག་མདུན་དམ་ཡེ་དབྱེར་མེད་སོགས་སྦྱར་ལ་རྩ་སྔགས་ཅི་རིགས་དང་། དེ་རྗེས་ཤམ་སྦྱར་ཅི་རིགས་བཟླས། མཐར་དབྱངས་གསལ་ཡིག་བརྒྱ་རྟེན་སྙིང་། ཕྱག་མཆོད། ཛབ་བསྟོད་མཐར། མཆོག་དང་ཐུན་མོང་དངོས་གྲུབ་སྩལ་དུ་གསོལ། །རྩ་ས…

འདོད་གསོལ་སྦྱར། པུཥྤེ་དཀར་མོ་སོགས་ཀྱིས་མཆོད། ཆོས་སྐྱོང་རྒྱལ་པོ་སོགས་ཀྱིས་བསྟོད། ཧཱུྃ། ནོར་བདག་ཡིད་བཞིན་ནོར་བུ་སོགས། བུམ་གཏེར་མཆོད་པ་གསུམ་པོ་ཚར་གཅིག །དེའི་འདོད་གསོལ་ཚར་གསུམ། དངོས་གྲུབ། སྔོན་ཚེ་བསྐལ་པ་སོགས་ཚར་གཅིག་རྗེས། ཕྱི་སྒྲུབ་སྔགས་ལ་འདོད་འབྱུང་སྔགས་སྡེབས་མུ་ཀ་སོགས་སྦྱར་བ་ཉེར་གཅིག་སོགས་ཅི་རིགས་དང་། …

བསམ། དེ་ནས་གཡང་གཞི་བྱིན་རླབས་དང་། གཡང་ལ་སྤྱན་འདྲེན་གྱི་འགོང་པོ་བསེ་རག་བཟློག་ཅེས་པའི་བར་དུ་བཏང་། དེ་ནས་སྲིད་པ་དང་པོ་གང་ནས་སོགས་གཡང་འགུགས་བྱ། གསེར་སྐྱེམས་དང་འབྱུང་ལྔའི་གཡང་འགུགས་ཉིན་ཐ་མ་ཁོ་ནར་འདོན་པར་གསུངས་ཀྱང་ཉིན་བཞིན་བཏང་ནའང་ལེགས། མཐར་མདངས་ལྡན་ལྷུན་གྲུབ་མ་སོགས་གཡང་འགུགས་ལོངས་ཁོམ་བསྟུན་ལ་བསགས། མཐར་ཕྱ…

བརྗོད། ཉིན་ཐ་མར་འབྲོ་བརྡུང་བར་གྲུབ་ནས་གཡང་གཏད་དུས་སྦྱིན་བདག་རྣམས་སྟན་ལ་ཚོགས་སློབ་དཔོན་གྱིས་གཞི་ནས་ནས་ཕུལ་ལ་འཇལ་ཏེ་གཡང་སྒྱེ་སོགས་སུ་བླུག །འོ་གཅིག་དུ་མ་འཕེལ་སོགས་དྲི་བ་དང་ལན་བརྗོད། མཆོད་བསྟོད་དངོས་གྲུབ་བླང་སྟེ་རྫས་རྣམས་སྦྱིན་བདག་ལ་གཏད། གསེར་སྐྱེམས་དང་འབྱུང་ལྔའི་གཡང་འགུགས་མདངས་ལྡན་མ་བརྟན་བཞུགས་བཅས་གྲུབ…

དངོས་གྲུབ་བླང་ཞིང་བརྟན་བཞུགས་བྱ། བདག་གི་རྣལ་འབྱོར་བསྡུ་ལྡང་སོགས་གོང་བཞིན་ནོ། །ཁ་སྐོང་གི་སྦྱིན་སྲེག་དང་དབང་དང་རྒྱས་པའི་སྦྱིན་སྲེག་སོགས་བྱ་ན་གཞུང་བཞིན་ནོ། །ཚུལ་འདི་འཛིན་པ་རྣམས་ལ་ཡོངས་གྲགས་པའི། །ཕྱག་ལེན་གཙང་མ་དེ་སྟེང་མན་ངག་གི །ཟབ་གནད་འགའ་ཞིག་གིས་ཀྱང་བརྒྱན་པའི་ཕྱིར། །ཡིད་བཞིན་ནོར་ལྟར་འདོད་དགུ་སྩོལ་བར་ངེ…

འདུས་པར་བསམ། །ཨོཾ་ཛམྦྷ་ལ་ཛ་ལེནྡྲ་ཡ་ཀུ་རུ་ཀུལླེ་སརྦ་ལོ་ཀ་ཝ་ཤཾ་ཀུ་རུ་ཧྲཱིཿ སྭཱ་ཧཱ། བརྒྱ་བཟླས་པས་ཟས་ནོར་ཆར་དུ་འབེབས། སྟོང་བཟླས་འཇིག་རྟེན་ཀུན་ནས་གཡོ། ཁྲི་ཡིས་ལྷ་འདྲེ་མི་གསུམ་ཤ་རུས་ལ་སྦྲང་མ་ལྟར་འདུ། འབུམ་གྱིས་ཇི་ལྟར་འདོད་པའི་དངོས་གྲུབ་ཐོབ་པར་འགྱུར་རོ། །ཐུན་མཐར་གཏོར་མ་འབུལ་ན། རིན་པོ་ཆེའི་སྣོད་དུ་དཀར་མངར་ཤ…

གཉེན་ལ། །གདམས་པ་འདི་ལས་ཟབ་པ་མེད། །མོས་ལྡན་སྐལ་བཟང་རྣམས་ཀྱི་ལོངས། །ས་མ་ཡ་རྒྱཿ ཉི་མ་ཟླ་བ་དྲུག་པའི་ཚེས་བཞི་དགུང་མཐར་བྲིས། །བཀྲ་ཤིས།། ༈ །བདག་ཉིད་སྣང་བ་མཐའ་ཡས་ཀྱི། །ཐུགས་ཀར་པདྨ་རྒྱས་པའི་དབུས། །ཟླ་ཏེང་རྡོ་རྗེ་རྣོན་པོ་ནི། །མདོག་དམན་རལ་པོད་འཛིན་པའམ། །ཡང་ན་འཇམ་དཔལ་ཁོ་ནར་གསལ། །ཐུགས་དབུས་ཟླ་བར་དྷཱི་ཡིག་པ། །སྔག…