བླ་མ་མཆོག་དང་འཇམ་པའི་དབྱངས། །སྲས་བཅས་རྒྱལ་ལ་གུས་བཏུད་ནས། །གཞན་ལ་ཕན་པར་བྱེད་པ་ཡི། །གཏོ་ཡི་ལག་ལེན་ཅི་རིགས་འགོད། །དེ་ལ་གཏོ་ཞེས་པ་ཉེས་པ་ལེགས་པར་འཆོས་པའི་ཐབས་རྣམས་ཀྱི་མིང་ཡིན་ལ། དེ་དག་གི་བྱེ་བྲག་ཚེགས་ཆུང་ལ་དོན་ཆེ་བ་རྣམས་ནི་གཏོ་ཡི་མན་ངག་དང་མཁྱུད་སྤྱད་དུ་ཡང་གྲགས་སོ། །གཏོ་དེ་ལ་དཀར་ནག་ཁྲ་གསུམ་སོགས་ཀྱི་དབྱེ་བ…

པོ་སོགས་འདུས་པའི་འཁོར་རྣམས་ཀྱིས་ཞུས་པའི་གཏོ་སྒྲོམ་འབུམ་ཏིག་ལས། ཕན་བྱེད་ཀྱི་གཏོ་སྨན་གྱི་ནགས་ཚལ་ལྟ་བུའི་སྐོར་དང་། གནོད་བྱེད་ཀྱི་གཏོ་དུག་གི་སྡོང་པོ་ལྟ་བུའི་སྐོར་ཚོ་གཉིས་བསྟན་པ་ལས། སྔ་མའི་སྐོར་ཚོ་རྣམས་ལག་ལེན་དུ་འདེབས་ཚུལ་མདོར་བསྡུས་བཀོད་པ་ལ། སྔོན་འགྲོ། དངོས་གཞི། རྗེས་དང་གསུམ་གྱི་དང་པོ་ལ། བདག་ལྷར་བསྐྱེད་…

སྒོམ་པ་སྔོན་དུ་སོང་ནས། སྭ་བྷཱ་ཝས་སྦྱང་། སྟོང་པའི་ངང་ལས་སྐད་ཅིག་གིས། །མུྃ་ཡིག་ཡོངས་སུ་གྱུར་པ་ལས། །རང་ཉིད་འཕགས་པ་འཇམ་དཔལ་དབྱངས། །དམར་སེར་ཞལ་གཅིག་ཕྱག་གཉིས་པ། །ཕྱག་གཡས་ཡེ་ཤེས་རལ་གྲི་གདེངས། །གཡོན་པས་ཤེར་ཕྱིན་གླེགས་བམ་གྱིས། །མཚན་པའི་ཨུཏྤལ་སྡོང་བུ་འཛིན། །གཞོན་ཚུལ་དར་དང་རིན་ཆེན་བརྒྱན། །པད་ཟླའི་གདན་ལ་སྐྱིལ་ཀ…

རྣམས་བྱིན་རླབས་སྤྱི་ལྟར་བྱས་ལ། །དངོས་སུ་འབྱོར་དང་ཡིད་ཀྱིས་རྣམ་སྤྲུལ་ཏེ། །ཀུན་ཏུ་བཟང་པོ་བླ་མེད་མཆོད་སྤྲིན་གྱིས། །མཁའ་དབྱིངས་རྣམ་དག་རྒྱ་ཆེར་ཡོངས་བཀོད་དེ། །ཕྱི་ནང་གསང་བའི་མཆོད་པ་རྒྱ་མཚོས་མཆོད། །ཨཱརྱ་མཉྫུ་ཤྲི་ས་པ་རི་ཝཱ་ར་ཨརྒྷཾ་སོགས། ཤཔྟ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཨཱཿཧཱུྃ། ཞེས་པས་མཆོད། གཞོན་ནུའི་སྐུ…

རཾ་ཡཾ་ཁཾ། སྟོང་པའི་ངང་ལས་དཀར་དང་དམར་གྱི་གཏོར་མ་འདི་ཉིད་མགྲོན་སོ་སོའི་ཐུགས་དང་མཐུན་པའི་འདོད་ཡོན་མི་ཟད་པ་ནམ་མཁའ་མཛོད་ཀྱི་འཁོར་ལོ་ཟག་མེད་བདེ་བ་ཆེན་པོའི་གཏེར་དུ་གྱུར། ཨ་ཀཱ་རོས་བརླབས་ནས་འབུལ་བ་ནི། ཀྱེ། རྗེ་བཙུན་འཕགས་པ་འཇམ་དཔལ་དབྱངས། །ཚངས་པ་འཇོག་པོ་རྣམ་རྒྱལ་མ། །ཀོང་ཚེ་འཕྲུལ་རྒྱལ་ལ་སོགས་པའི། །གཙུག་ལག་བརྒྱུ…

མོའི་ཚོགས་རྣམས་དང་། །རྒྱལ་བ་སྲས་དང་བཅས་པ་ཡི། །བཀའ་དང་དམ་ཚིག་ལ་གནས་པ། །སྣང་སྲིད་དྲེག་པ་མཐུ་བོ་ཆེ། །གནམ་ས་བར་སྣང་ལ་རྒྱུ་ཞིང་། །ལེགས་ཉེས་སྟངས་འཛིན་དམ་ཚིག་གི །རྗེས་གཅོད་འགལ་བྱེད་ཆོམས་ལ་འབེབས། །དཔལ་མགོན་དྲེགས་པ་སྡེ་བརྒྱད་ཚོགས། །འཁོར་དང་བཅས་པ་ཐམས་ཅད་ཀྱིས། །ཇ་ཆང་ཕུད་ཀྱི་མཆོད་པ་དང་། །དམར་གཏོར་མཐུན་རྫས་འདི་བ…

འདོད་ཡོན་ཀུན་ལྡན་འདི། །བསྔོས་པ་བཞིན་དུ་ཐོབ་གྱུར་ཅིག །དགའ་མགུ་ཡི་རངས་ཚིམ་གྱུར་ནས། །བུ་ལོན་ལན་ཆགས་བྱང་བ་དང་། །ཤ་འཁོན་སྡིག་སྒྲིབ་དག་གྱུར་ཅིག །གནོད་ཅིང་འཚེ་བའི་གདོན་རྣམས་ཀྱིས། །བཟུངས་པ་ཐོངས་ལ་བཅིངས་པ་ཁྲོལ། །བསྡམས་པ་གློད་ལ་མནན་པ་ཐེག །ཕྱིན་ཆད་གནོད་འཚེ་མི་བྱེད་པར། །ཞི་ཞིང་བྱམས་པའི་སེམས་ཀྱིས་སུ། །རང་རང་སོ་ས…

ནི། ཤི་འདྲེ་ལྷས་སྒྲོལ། གཤིན་རྗེ་གྲུ་སྒྲོལ། ས་བདག་འཕྲང་སྒྲོལ་གསུམ་དང་། ཁ་ཆིངས་རྣམ་པ་ལྔའི་གཏོ་ནི། ཕུང་སྲི་ཁ་ཆིངས། ཆུང་སྲི་ཁ་ཆིངས། དམ་སྲི་ཁ་ཆིངས། རྒྱལ་འགོང་ཁ་ཆིངས། ས་བདག་ཁ་ཆིངས་སོ། གདབ་ཐབས་རྣམ་པ་ལྔའི་གཏོ་ནི། བླ་ཕུར་དང་། །སྲོག་ཕུར་དང་། སྲིད་ཕུར། ཚེ་ཕུར། དཔལ་ཕུར་གདབ་པ་ལྔ་དང་། དེའི་ཡན་ལག་གེགས་ཕུར་གདབ་པ་དང…

ཆིངས་ཐབས་གསུམ་ནི། མི་རྒོད་ཇག་ཆིངས། རྟ་ཆིངས། ཆིངས་གསུམ་གནད་ཀྱི་གདམས་པ་གསུམ་མོ། །ཉེས་པ་གསུམ་བཅོས་པའི་གཏོ་ནི། བག་མ་བླངས་ཉེས་པ། ཁང་པ་བརྩིགས་ཉེས་པ། དུར་གདབ་ཉེས་པ་དང་གསུམ་མོ། །མི་རིགས་བདུན་གྱི་གཏོ་ནི། རྒྱལ་པོ། བནྡེ། བོན་པོ། ཞང་བློན། དམངས། བུད་མེད། བྱིས་པ་བདུན་གྱི་གཏོའོ། །གཞུག་ཐབས་གཉིས་ནི། ས་གཏེར་དང་བར་གཏེ…

ཤིང་སྤེན་མ། བོང་བ། སོལ་བ། འཇག་མ་བརྒྱ་རྩ་བརྒྱད་དང་། ངར་མི་བརྒྱ་རྩ་བརྒྱད་ཚང་བར་བྱས་ལ། རིལ་མ་སྤེན་མ་སོལ་བ་བོང་བ་འཇག་མ་དང་ངར་མི་རེ་རེ་བཅས་ལྷན་ཅིག་སྣོད་དུ་བཤམས་པ་ཉིད། རེ་རེ་ལ་སྔགས་འདི་རེ་རེ་བརྗོད་དེ། ཆུ་ཆེན་འབབ་པའི་ནང་དུ་བསྒྱུར་བའམ། དེ་ལྟར་མ་གྲུབ་ན་ཟངས་ཆུས་བཀང་བའི་སྣོད་དུ་བསྒྱུར་ནས། མཐར་ཐམས་ཅད་ཚང་བའི་རྗེ…

བྱ་བ་ཡིན་ཡང་། བདེན་བདར་འདི་ལྟར་གཏོ་བསྒྱུར་དང་གཏོ་ཐབས་ཀུན་ལ་ཁ་བསྒྱུར་སོ་སོར་བྱས་ཏེ་སྦྱོར་ན་ལེགས། ན་མོ། སངས་རྒྱས་ཆོས་དང་དགེ་འདུན་གྱི་བདེན་པ་དང་། བླ་མ་ཡི་དམ་མཁའ་འགྲོའི་འཇམ་དཔལ་གཞོན་ནུར་གྱུར་པ་དང་། ཀོང་ཚེ་འཕྲུལ་གྱི་རྒྱལ་པོ་གཙུག་ལག་སྲིད་པའི་ལྷ་དང་བཅས་པའི་བདེན༴ དམ་པ་ཆོས་སྐྱོང་བའི་སྲུང་མ་རྣམས་ཀྱི༴ འགོ་བའི་…

ཕྱི་མིག་མི་བལྟ་བར་ནང་དུ་ལོག་ནས་ལས་རྗེས་བསྡུ་བ་དང་བཀྲ་ཤིས་བརྗོད་པར་བྱའོ། །དེས་གེགས་ཆེ་བ་དང་། ཉམ་ང་བ་ཐམས་ཅད་བཟློག་པར་ངེས་ཏེ་ཤིན་ཏུ་ཟབ་བོ། །འདི་ལ་རྫས་འདྲ་ཡང་སྔགས་མི་འདྲ་བ་ཨུཥྞཱི་ཥའི་ཕྱི་ཟློག་སོགས་བྱད་ཁ་ཆུར་བསྒྱུར་དུ་གྲགས་པའི་མན་ངག་བཀའ་གཏེར་རྣམས་སུ་ཟབ་པར་བསྔགས་པ་གཞན་པ་ཡང་ཡོད་དོ། །འདི་སྐབས་སུ་ཨུཥྞཱི་ཥའི་…

ཕྱག་རྒྱ་འགོད་པ་སོགས། ལོ་བཅུ་གཉིས་དང་སྤར་ཁ་བརྒྱད་ཕྱོགས་སོ་སོར་བཀོད། ཕོ་གདོང་དང་མདའ་བཀྲ། མོ་གདོང་དང་འཕང་བཀྲ། ངར་གླུད་དང་གཏོར་མ་རྣམས་རེ་རེ་ནས་བརྒྱད་རེ་བྱས་པ་སྤར་ཁ་སོ་སོར་བཀོད། དབུས་སུ་ལུས་ལས་བསྒྲེས་པའི་ཟན་ནམ་ཁམས་ལས་ངར་གླུད་ཆེ་བ་གནམ་ལོ་གང་ཡིན་གྱི་མགོ་ཅན་གཅིག་བཤམས། ལུས་ལ་གོས་བསྐོན། ཕོ་ལ་ཕོ་ཤིང་། མོ་ལ་མོ་…

གཏོ་ཡི་བདག །གླུད་དང་ཡས་རྟགས་འདི་ལོངས་ལ། །ནད་གདོན་སྐག་ཆག་བསྒྱུར་དུ་གསོལ། །དེ་བཞིན་བྱང་ཕྱོགས་ཆུ་ཁམས། ནུབ་ཕྱོགས་ལྕགས་ཁམས། ཤར་ཕྱོགས་ཤིང་ཁམས། མཚམས་བཞི་འབྱུང་བའི་རྒྱལ་པོ་ནི། །ས་ཁམས་འབྱུང་བ་གཏོ་ཡི་བདག །ཅེས་ཁ་བསྒྱུར། མདོས་ཀྱི་བདག་པོས་མདོས་བཞེས་ཤིག །གླུད་ཀྱི་བདག་པོས་གླུད་བཞེས་ཤིག །གོང་ལྟར་ཁྱེར་ཅིག་སོགས་ཀྱི་ཚ…

ལ་འཚེ་གོད་བྱུང་བ་ཐམས་ཅད་ལ་གཏོ་འདི་ལན་གཅིག་བཏང་བས་བཟློག་ཅེས་གསུངས། རྒྱས་པ་སྤར་ཁ་བརྒྱད་མདོས་དང་། སྤར་ཁའི་ཉེས་པ་སྒོས་བཅས་ཀྱི་གཏོ་རྣམས་གཞན་དུ་གསལ། བསྡུ་ན་འདིས་ཆོག་གོ །ཡང་ཀེག་ཆེ་བ་ལ་ལོ་དེར་སྤར་ཁ་གང་བབ་དེའི་ཕྱུགས་གང་ཡིན་ལ་སྤར་ཁ་རང་རང་གི་སྙིང་སྐུར་དུ། འབྲུ་བརྒྱད་ཁལ་དུ་བཀལ་བ་མཆོད་གནས་ལ་ཡོན་དུ་འབུལ་བའམ། ཡང་ན…

སྤར་ཁ་སོ་སོའི་ཟས་གོས་ནོར་སོགས་རྩིས་གཞུང་རྣམས་སུ་གསལ། འདི་དག་སྤར་ཁ་སོ་སོའི་མཐུན་རྫས་དང་མདོས་རྫས་སུ་ཤེས་པར་བྱའོ། །ཡང་ཀེག་ཆེ་བ་དེའི་འཕུར་སྨེ་གང་གི་ཐོག་ཏུ་ཕྱིན་པའི་གདོན་དེ་བཅོས་པར་བྱ། ཀག་ཆེ་གཏོ་ནག་སྲོག་གཅོད་མདངས་བསྐང་སོགས་ཀྱང་བྱ་བར་བཤད་དོ། །ཡང་སྨེ་བ་དཀར་གསུམ་ལ་བབ་པའི་ཀེག་ཆེ་བའི་ནད་པ་ལ། ལྷ་གསོལ། རྒྱལ་མདོ…

དང་རྒྱང་བུ་སྨུག་པོས་དམུ་བཅོས་སོ། །མི་དམར་རྟ་དམར་རྐྱང་དམར་གྱིས་བཙན་བཅོས། ཡས་དེ་རྣམས་དང་གོང་བཞིན་རྡེའུ་དམར་པོ་ལོ་གྲངས། ཤ་སྣ་ཁྲག་སྣ་སྙིང་སྣ་རྣམས་ཀྱང་བླུགས། སེ་འབྲུ་འམ་ཚར་འབྲུ་དང་། །ས་དམར་ལ་གོང་གི་སྔགས་ལོ་གྲངས་བཟླས་ཏེ་བཏབ། དམར་གཉིས་གནས་ཕྱོགས་སུ་ཉིན་ཕྱེད་བསྐྱལ། མི་དམར་རྟ་དམར་སོགས་དང་འཕྲད་ན་ཐེབས་སོ། །སྨེ་…

སྐ་རགས་རྙིང་པ་དང་། རང་གི་སྐེ་རྒྱན་གྱི་ནོར་བུ་སྟེ་རིན་པོ་ཆེ་ཞིག་ཀྱང་མགུལ་ནས་བཀྲོལ་ཏེ་གླུད་ཀྱི་སྐེ་ལ་བཏགས། ལོ་འགྲོས་བཅུ་གཉིས་ཀྱི་གཟུགས་དང་བཅས་པ་བཤམས། འདི་ལ་བྱིན་རླབས་དང་བསྔོ་བའི་སྨྲེང་མ་གསུངས་ཀྱང་འདོད་ན་གོང་གི་གླུད་བྱིན་རླབས་དང་། ཁྱེར་ཅིག་སོགས་ཚིགས་བཅད་བརྗོད་ནས་བསྔོས། ནད་པ་དེའི་རང་གེགས་དང་བདུན་ཟུར་གྱི…

དོན་དུ་གལ་ཐོད་ཐོད་མི་བྱ་སྟེ། སྡིག་ཆེ་བའི་སླད་དུའོ་ཞེས་གསུངས། དཀར་ནག་ཁྲ་གསུམ་གྱི་གཏོ་འདིར་བཤད་སྐོར་འདི་ལ། མགོ་དགུ་ལག་དགུའི་གཏོ་ཞེས་ཀྱང་ཟེར་རོ། །ཡང་སྐག་དང་བར་ཆད་བཟློག་པ་འཆི་བདག་ཞགས་འགྲོལ་གྱི་གཏོ་ནི། སྲོག་ལ་དགྲ་དར་ནས་ན་བ་ལ། རྒྱབ་བཅོས་སུ་སྲོག་བསླུ་ཉེའུ་འདོན་བྱ། ཚེ་གཟུངས་འདོན། རང་ལོ་གང་ཡིན་པའི་གཟུགས་ལ་རང…

ཀྱིས་བསྔོས་ལ། བདེན་སྟོབས་དམིགས་ནས་མིང་འདི་ཞེས་སོགས་སྦྱར་ཀྱང་ལེགས། དེ་བཞིན་གཏོ་ཕྲན་གླུད་ཅན་རྣམས་ལའང་རིགས་འགྲེ་ཤེས་པར་བྱའོ། །ལུས་ལ་དགྲ་དར་ཞིང་ན་ན། ན་ཟླ་གཅིག་གིས་སྣ་དྲངས་པའི་མི་ལོ་གྲངས་ཙམ་མམ་ཅི་རིགས་ལས་ཕྱེ་བླངས། དེ་ཆ་གསུམ་དུ་བཅད་དེ། ཆ་གཅིག་ལ་ལོ་བཅུ་གཉིས་ཀྱི་གཟུགས་དང་གཏོར་མ་རྒྱས་པར་བྱ། ཆ་གཅིག་ལ་གཏོ་གཞི་…