བྱང་ཆུབ་སེམས་དང་ལྡན་གྱུར་ཅིག །ཅེས་སྨོན་ལམ་གདབ། ཨོཾ་ནཱ་ག་ཨ་དྷི་པ་ཏི་ས་པ་རི་ཝཱ་ར་གཙྪ་ཞེས་པས་དཀར་ཕྱོགས་ཀྱ་ིཀླུ་རིགས་རྣམས་རང་གནས་སུ་གཤེགས། བྱ་ཁྱུང་གི་ཕྱག་རྒྱ་དང་། ཨོཾ་ག་རུ་ཌ་ཧཾ་ས་ཧེ་ཙ་ལེ་ཙ་ལེ་སྭཱ་ཧཱ། ཞེས་ནག་པོའི་ཀླུ་རིགས་རྣམས་བསྐྲད་པར་མོས་སོ། །དེ་ནས་བཅོམ་ལྡན་འདས་མགོན་པོ་ཐུགས་རྗེ་ཆེན་པོ་དང་ལྡན་པས་བདག་དང་…

བུར་ཤིང་སོགས་ཀྱི་མངར་ཁྱད་འབྱེད་དཀའ་བཞིན། །འགྲོ་ངོར་བརྟན་པའི་འཁོར་ལོ་ཞི་ཁྲོའི་གར། །ཚད་བཟུང་མིན་ཀྱང་ཤེས་རབ་སྣང་བའི་གཏེར། །སྦྱིན་མཛད་གངས་རིའི་མདངས་ཕྲོག་འཇམ་དཔལ་རྒྱལ། །དཀར་བའི་མཚན་དང་བཀོད་པ་དཔག་ཡས་ནང་། །དགྲ་ལས་རྣམ་པར་རྒྱལ་བས་ལེགས་བཀྲལ་བ། །མ་ཏིའི་ལུགས་ཞེས་ཁ་ཆེ་པཎ་ཆེན་གྱི། །ཐུགས་དམ་རྣམ་བཞིའི་ནང་ཚན་འདི་རྨད…

བུད་མེད་ལ་འཛེམ་པ་ཁྲུས་སོགས་གཙང་སྦྲ་ལྡན་པས་བདེ་བའི་སྟན་ལ་འདུག་སྟེ། ཐོག་མར་སྐྱབས་འགྲོ་བཞི་སྐོར་སྤྱི་དང་མཐུན། སེམས་བསྐྱེད་པ་ནི། བདག་གིས་སེམས་ཅན་ཐམས་ཅད་ཀྱི་དོན་དུ་མི་ཤེས་རྨོངས་པའི་མུན་པ་བསལ་ནས་ཤེས་རབ་ཀྱི་སྣང་བ་རྒྱས་པར་བྱས་ཏེ། རྫོགས་པའི་སངས་རྒྱས་ཀྱི་གོ་འཕང་ཐོབ་པར་བྱ། དེའི་ཆེད་དུ་འཕགས་པ་འཇམ་དཔལ་དབྱངས་དཀར་…

མཐའ་ནེའུ་གསིང་མེ་ཏོག་སྣ་ཚོགས་བཀྲ་བས་བསྐོར་བ། གླང་པོ་ཆེ་དཀར་པོ་མཆེ་བ་དྲུག་ལྡན་མཚན་ཉིད་ཡོངས་སུ་རྫོགས་པ་མང་པོ་དལ་བར་རྒྱུ་ཞིང་པདྨའི་རྩ་བ་ཟ་བ། ངང་ངུར་སོགས་ཆུ་བྱ་མང་པོ་རོལ་ཞིང་རྩེད་འཇོ་དང་བཅས་སྐད་སྙན་པའི་སྒྲ་སྒྲོག་པ། དེའི་དབུས་སུ་པཾ་ལས་པདྨ་དཀར་པོ་འདབ་མ་སྟོང་ལྡན་རྒྱས་པ་སྡོང་པོ་ཡལ་ག་ལོ་འབྲས་གསེར་ལས་བྱས་པ་མཉ…

བར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། ཐུགས་ཀར་ཟླ་བ་ལ་གནས་པའི་ཨཱཿཡིག་དཀར་པོ་ལས་འོད་ཟེར་འཕྲོས་པས་རང་བཞིན་གྱི་གནས་ནས་རྗེ་བཙུན་འཇམ་དཔལ་དབྱངས་ལ་སངས་རྒྱས་དང་བྱང་ཆུབ་སེམས་དཔའི་ཚོགས་ཀྱིས་བསྐོར་བ་ཨོཾ་བཛྲ་ས་མཱ་ཛཿས་སྤྱན་དྲངས། ཚོགས་ཞིང་གི་སྐབས་ལྟར་མཆོད། ཛཿཧཱུཾ་བཾ་ཧོཿས་གཉིས་སུ་མེད་པར་བསྟིམ། སླར་ཡང་ཐུགས་ཀའི་ཧཱུཾ་ལས་…

ཟེར་དཀར་དམར་འཕྲོ་བ་འཁོར་ལོ་ཁ་མ་རེག་ཙམ་དུ་བཀོད་ལ། འཁོར་ལོ་ཆོས་འཁོར་དུ་མྱུར་དུ་འཁོར་ཞིང་ཡིག་འབྲུ་གཡོན་དུ་འཁོར་བ་ལྟ་བུ་སྣང་བ་ལ་དམིགས་ནས་སྡིག་སྒྲིབ་ཐམས་ཅད་དག་པར་བསམས་ཤིང་། ཨོཾ་ཝཀྱེ་དཾ་ན་མཿ ཞེས་ཅི་ནུས་སུ་བཟླ། བསྙེན་ཚད་ནི། སློབ་དཔོན་སྒེག་པའི་རྡོ་རྗེས། རིག་སྔགས་རྒྱལ་པོ་འབུམ་ཕྲག་གཅིག་གིས་འགྲུབ། །ཟླ་བ་གཅིག་ག…

ལོ་རྩིབས་དྲུག་ལ། །འབྲུ་དྲུག་ཡི་གེ་བཀོད་ལ་གཡས་གཡོན་བསྐོར། །ཤུགས་དྲག་རྩེ་མོ་རྣོ་ཞིང་རབ་དཀར་བས། །ཉེས་འཇོམས་སྟོབས་ལྡན་མྱུར་འཛིན་རབ་གསལ་འགྱུར། །ཞེས་གསུངས། གསུམ་པ་མཇུག་ནི། ཐུན་མཚམས་སུ་བདག་བསྐྱེད་ཀྱི་ཡེ་ཤེས་པ་མདུན་གྱི་ནམ་མཁར་བྱོན་པར་གྱུར་ཞེས་ཞལ་ཚུར་གཟིགས་ནས་བཞུགས་པར་བསམ། རྒྱ་སྟོན་གྱིས་རང་ཐ་མལ་པའི་གཟུགས་ཞེས…

།པད་སྡོང་ཡལ་ག་ལོ་མ་ཕུན་ཚོགས་གསེར། །འདབ་རྒྱས་དཀར་སེར་གེ་སར་དམར་སེར་ཅན། །ལྟེ་བ་ལྗང་སེར་མཐོ་ལ་ཕྱག་འཚལ་ལོ། །དེ་སྟེང་ཨ་ཡིག་མཆོག་རབ་ཡོངས་གྱུར་ལས། །རབ་ཟླུམ་འཁོར་ལོ་རྣམ་དག་ཕུན་ཚོགས་མཛེས། །ཤིན་ཏུ་མདོག་དཀར་རི་བོང་འཛིན་གཟུགས་ཅན། །བསིལ་ཟེར་ཕྱོགས་བཅུར་འགྱེད་ལ་ཕྱག་འཚལ་ལོ། །དེར་བཞུགས་ཨཱཿ དཀར་ལས་གྲུབ་དཔའ་བོའི་སྐུ། …

ནོར་ཆོས་ཉིད་རབ་མཁྱེན་ཅིང་། །རྣམ་པ་མ་ལུས་ཆོས་ཅན་ལྷང་ངེར་གཟིགས། །ཐུགས་རྗེ་ཆེ་དང་ཐབས་ཚུལ་དཔག་མེད་ཀྱིས། །སྲིད་མཚོ་མཐའ་དག་སྐྱོབ་ལ་ཕྱག་འཚལ་ལོ། །འཇམ་དབྱངས་མགོན་པོ་གུས་པས་རྗེས་དྲན་ཞིང་། །སྒོམ་བཟླས་ལེགས་མཆོད་མངོན་པར་བསྟོད་པ་ཡིས། །བློ་ངན་མུན་ནག་འཐིབས་པའི་ཚོགས་རྣམས་ཀུན། །སྤྲིན་མེད་ཉི་མ་བཞིན་དུ་དྭངས་བར་མཛོད། །ཅ…

དཔལ་བེར་གཏམས་པ་བདུད་རྩིའི་བཅུད། །ནོར་སྐྱོང་མི་དབར་མ་བཞུགས་མཁས་གྲུབ་ཕྲེང་། །ཆད་མེད་ལས་འོངས་ཟུར་ཆེན་ཐམས་ཅད་མཁྱེན། །ཁྱབ་བདག་ཞ་ལུ་པ་ཡི་བཀའ་དྲིན་ལས། །རྙེད་འདི་སྐྱེ་མང་བསོད་ནམས་ཟོང་གིས་བསྒྲུབས། །རང་གཞན་མང་པོར་ཕན་འདོད་ལྷག་བསམ་གྱིས། །འབད་པས་བསྒྲུབས་མཐུས་རྣམ་མཁྱེན་མ་ཐོབ་བར། །ཆོས་ཀུན་བལྟ་བའི་བློ་མིག་ཆེས་ཡངས་པ…

དེད་དཔོན་ཆེན་པོར་འགྱུར་བར་ཤོག །ཅེས་པ་འདིའང་སྐུ་སྐྱེ་བསྟན་འཛིན་རྒྱ་མཚོས་འཇམ་དཀར་གྱི་ཉམས་ལེན་སྐབས་འདི་ལྟ་བུ་ཞིག་དགོས་ཞེས་བསྐུལ་བ་ལྟར་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་མཐར་རྒྱས་པ་བློ་བཟང་དབང་པོའོ། ། ན་མོ་྅ཛོཏ་ནཱ་ཐཱ་ཡ། བྱམས་བརྩེའི་ཤེལ་གྱིས་ལས་ཉོན་ཞུགས་ཀྱི་ཕུང་། །ཉེར་བསིལ་ཕན་བདེའི་ལོ་ཏོག་རྒྱས་མཛད་པ། །བ…

དཔའི་རྣམ་པས་དབུ་བརྒྱན་པ་ལ་སངས་རྒྱས་དང་བྱང་ཆུབ་སེམས་དཔའ་དཔག་ཏུ་མེད་པས་བསྐོར་བ་བཛྲ་ས་མཱ་ཛཿས་སྤྱན་དྲངས། ཨོཾ་བཛྲ་པུཥྤེ་ཨཱཿཧཱུཾ་ནས། ཤབྡའི་བར་གྱིས་མཆོད། གུར་ལས་བྱུང་བའི་རྒྱུན་བཤགས་ཚར་གསུམ་དང་ཚད་མེད་བཞི་བསྒོམ། གཉིས་པ་དངོས་གཞི་ནི། ཤཱུ་ནྱ་ཏཱས་སྟོང་པར་སྦྱངས། སྟོང་པའི་ངང་ལས་རང་གི་སེམས་མཾ་སེར་པོ་ལས་འོད་ཟེར་འཕྲོ…

ཛཿས་སྤྱན་དྲངས། དེ་བཞིན་གཤེགས་པ་རྣམས་ཀྱིས་བདག་ལ་དབང་བསྐུར་བར་མཛད་དུ་གསོལ། ཞེས་གསོལ་བ་བཏབ་པས། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཡ་ཧཱུཾ། ཞེས་གསུང་ཞིང་བུམ་པའི་ཆུས་དབང་བསྐུར། སྐུ་གང་དྲི་མ་དག་ཆུ་ལྷག་མ་ཡར་ལུད་པ་ལས། རྡོ་རྗེ་སེམས་དཔས་དབུ་བརྒྱན་པར་བསམ། དེ་ནས་ཚོགས་ཞིང་གི་སྐབས་ལྟར་ཉེར་སྤྱད་རོལ་མོ་དང་བཅས་…

གེ་པ་ནི་འཆམས་དཔོན་དགེ་སློང་ངག་དབང་དཀོན་མཆོག་གོ། ན་མོ་གུ་རུ་མཉྫུ་ཤྲི་ཡེ། འཁོར་ལོ་ཐ་མའི་སྙིང་པོ་ཕལ་ཆེན་ནས། །ཀུན་ཏུ་བཟང་པོའི་སྨོན་ལམ་གསུངས་པ་ཡི། །འཕྲོས་དོན་བདེ་ལྡན་ཞིང་དུ་འཕོ་བའི་ཐབས། །ཉལ་སྒོམ་མཁས་པའི་བཞེད་སྲོལ་དེང་འདིར་སྤེལ། དེའང་བཟང་པོ་སྤྱོད་པའི་བདག་ནི་འཆི་བའི་དུས་བྱེད་གྱུར་པའི་ཚེ། ཞེས་སོགས་ཀྱི་དགོངས…

གནས་ཁང་དང་ས་ཕྱོགས་ཐམས་ཅད་དག་པའི་ཞིང་བདེ་བ་ཅན་དངོས་སུ་བསམས་ལ་རང་ཉིད་མོས་པའི་ཡི་དམ་གྱི་ལྷར་གསལ་བཏབ། མདུན་དུ་རིན་པོ་ཆེའི་ཁྲི་པདྨ་དང་ཟླ་བའི་སྟེང་དུ་སྣང་བ་མཐའ་ཡས་སྐུ་མདོག་དམར་པོ་ཞལ་གཅིག་ཕྱག་གཉིས་མཉམ་གཞག་གི་ཕྱག་རྒྱའི་སྟེང་ན་ལྷུང་བཟེད་བདུད་རྩིས་གང་བ་བསྣམས་པ། ཞབས་རྡོ་རྗེའི་སྐྱིལ་ཀྲུང་ཅན། དར་གྱི་ན་བཟའ་དང་རིན…

བསྐྱེད། །ཞེན་པ་ཐམས་ཅད་བཏང་བར་བྱ། །འཆི་བར་འཇིགས་པ་མེད་སེམས་ཀྱིས། །སྣང་བ་མཐའ་ཡས་ཏིང་འཛིན་བསྒྲུབ། །ཅེས་པ་ལྟར་སྣང་བ་མཐའ་ཡས་ལ་བླ་མ་སངས་རྒྱས་བྱང་སེམས་ཀྱིས་བསྐོར་བ་རྟེན་གྱི་སྟོབས། སྔོན་ཆད་ཀྱི་སྡིག་པ་ལ་དུག་ཁོང་དུ་སོང་བ་ལྟ་བུའི་འགྱོད་སེམས་རྣམ་པར་སུན་འབྱིན་པའི་སྟོབས། ཕྱིན་ཆད་སྲོག་ལ་བབ་ཀྱང་མི་བགྱིད་སྙམ་པ་ཉེས་པ…

ཞུགས། སྙིང་གར་ཐིམ་ནས་རྒྱལ་བའི་ཐུགས་དང་རང་སེམས་དབྱེར་མེད་དུ་བསམ། དེ་ལྟ་བུའི་ཏིང་འཛིན་འགལ་མེ་འཁོར་བ་ལྟར་གྲངས་མི་བཟུང་བར་ཇི་ཙམ་ནུས་ཀྱི་བར་བྱ། གསུམ་པ་མཇུག་ནི། ཕྱི་ནང་རིམ་བཞིན་ལུས་ལ་བསྡུ། བདག་ཉིད་དད་པའི་ངོ་བོར་བསྐྱེད། དགེ་བ་སེམས་ཅན་རྣམས་ལ་བསྔོ། །ཕྱིས་ཀྱང་དེ་ལ་གོམས་པར་བྱ། ཞེས་པ་ལྟར་ཐུན་འཇོག་ཁར། སངས་རྒྱས་ད…

གོ །ཉིན་མོ་སོགས་གནས་སྐབས་ཀྱི་སྤྱོད་ལམ་ཐམས་ཅད་འདུག་པའི་གནས་དེ་བདེ་བ་ཅན་གྱི་ཞིང་ཁམས་སུ་བསམས་ལ་རྟག་ཏུ་སངས་རྒྱས་འོད་དཔག་ཏུ་མེད་པ་དང་མི་འབྲལ་བར་བསྒོམ། འགྲོ་བའི་ཚེ་རང་གི་མདུན་དུ་སངས་རྒྱས་འོད་དཔག་ཏུ་མེད་པ་བཞུགས་པའི་ཕྱོགས་སུ་འགྲོ་བར་བསམ་མོ། །བཞི་པ་ཕན་ཡོན་ནི། འདི་ལ་ནད་དང་གདོན་མི་འབྱུང་། །འཆི་བའི་དུས་ན་སྡུག་བ…

དགའ་བའི་བཤེས་གཉེན་གྱིས་ལྕགས་བྱ་ཧོར་ཟླ་ལྔ་པའི་ཉེར་དྲུག་ལ་ཕོ་བྲང་པོ་ཏ་ལར་སྦྱར་བའི་ཡི་གེ་པ་ནི་འཆམས་དཔོན་དགེ་སློང་ངག་དབང་དཀོན་མཆོག་གོ ། ཐུགས་རྗེ་ཆེན་པོ་རྒྱལ་པོ་ལུགས་ཀྱི་ལས་བྱང་དང་འབྲེལ་བའི་ཚོགས་མཆོད་ནི། ཐུགས་ཀའི་ཧཱུཾ་ལས་འོད་ཟེར་འཕྲོས་པའི་རྩེར། །རཾ་ལས་ཡེ་ཤེས་མེ་ཡིས་རྫས་རྣམས་ཀྱི། །མ་དག་ཉེས་པའི་སྐྱོན་ཀུན་མ…

ལ་པ་སྟྭཾ། ཡི་གེ་བཅུ་པ་ལན་བདུན་བཟླས་ནས། །གནས་མཆོག་འདི་རུ་བྱིན་ཕོབ་ལ། །སྒྲུབ་མཆོག་བདག་ལ་དབང་བཞི་བསྐུར། །བགེགས་དང་ལོག་འདྲེན་བར་ཆད་སོལ། །མཆོག་དང་ཐུན་མོང་དངོས་གྲུབ་སྩོལ། །ཚོགས་དང་པོ་འབུལ་བ་ནི། །འཕགས་མཆོག་ཐུགས་རྗེའི་དཀྱིལ་འཁོར་ལ། །གཟུགས་སྒྲ་དྲི་རོ་རེག་བྱ་སོགས། །འདོད་ཡོན་ཕྱི་མཆོད་ནམ་མཁའ་གང་། །བདུད་རྩི་སྨན་…