འཇིག་རྟེན་དང༌། འཇིག་རྟེན་ལས་འདས་པའི་དངོས་གྲུབ་མ་ལུས་པ་ཚེ་འདི་ཉིད་ལ་སྩལ་དུ་གསོལ། གལ་ཏེ་ཚེ་འདིར་འགྲུབ་པའི་སྐལ་བ་མེད་ན། འཆི་ཚེ་མཁའ་སྤྱོད་ཀྱི་གནས་སུ་འཁྲིད་པ་དང༌། མཐར་ཐུག་ཟུང་འཇུག་རྡོ་རྗེ་འཆང་ཆེན་པོའི་གོ་འཕང་ཐོབ་པར་བྱིན་གྱིས་བརླབ་ཏུ་གསོལ། ཞེས་འདོད་དོན་ཞུ། དེ་ནས་སྟོབས་བཞི་ཚང་བའི་སྒོ་ནས་བཤགས་པ་ནི། དུས་གསུམ…

པ་དང༌། །ཚེས་བཅུའི་མཆོད་དང་འཁོར་ལོའི་མཆོད་པ་སོགས། །ངན་ཅིང་དུས་སུ་མ་མཐོང་༴ །ཕྱག་རྒྱ་གཞོན་པ་མཚོན་ཆ་མཚན་མ་དང༌། །ལྷག་མ་འགོམ་དང་དམ་ཅན་ལྷ་ཚོགས་བརྙས། །སྔགས་དང་ལྷ་དང་རྒྱུད་ཚིག་དྲི་མེད་ལ། །ཀྱལ་ཀ་བྱས་སོགས་ནོངས་པ༴ །ཤེས་རབ་རིགས་ལ་སྨད་དང་བརྡེག་པ་དང༌། །བསྐོར་དང་ཕྱག་འཚལ་ལ་སོགས་མ་འགྲུབ་དང༌། མ་དད་ཉོན་མོངས་རང་དགར་ཆགས་…

པ་དང་ནི་བགྱིད་སྩལ་བ། །དེ་ཀུན་མགོན་པོས་བཟོད་པར་མཛོད། །བདག་ཅག་ལས་དང་པོ་པའི་རྟེན་གྱི་གང་ཟག་ཏུ་གྱུར་པས་སེམས་སྒྲིབ་པ་དང་ལྡན་པ་དང༌། ཡོ་བྱད་མ་ཚང་བ་དང༌། ཏིང་ངེ་འཛིན་མི་གསལ་བ་དང༌། སྔགས་མ་དག་དང༌། ཆོ་ག་ལྷག་པ་དང་ཆད་པ་ཐམས་ཅད་ལྷག་ཆད་ཁ་བསྐང་ཞིང༌། བདག་ཅག་གི་ལམ་དང་དངོས་གྲུབ་ཀྱི་བར་ཆད་དུ་མི་འགྱུར་བར་བྱིན་གྱིས་བརླབ་ཏུ…

ཧྲེཾ་ཧྲིཾ། ཧཱུཾ་ཧཱུཾ་ཕཊ་ཕཊ། སུམྦྷ་ལན་གཉིས་ཀྱི། ཚམས་རྔམ་སྔགས་ཀྱི་བསྲུང་བ་བྱེད་དོ། །དེ་ནས་སྤྱོད་ལམ་གྱི་རྣལ་འབྱོར་ནི། བདག་དང་སྣང་བའི་དངོས་པོ་ཐམས་ཅད་རྡོ་རྗེ་རྣལ་འབྱོར་མའི་སྐུའི་རང་བཞིན་ཨོཾ་གསུམ་མ་ཚར་གཅིག་བརྗོད་ནས། བརྗོད་པ་དང་གྲག་པའི་སྒྲ་ཐམས་ཅད་རྡོ་རྗེ་རྣལ་འབྱོར་མའི་གསུང་གི་རང་བཞིན། དྲན་རིག་རྣམ་པར་རྟོག་པ…

ཀྱི་བླ་མ་ལ་གསོལ་བ་འདེབས་པ་ནི། ཆོས་ཀུན་གདོད་ནས་རྣམ་དག་ངོ་བོ་ཉིད། །དང་པོའི་སངས་རྒྱས་བདེ་ཆེན་ལྷན་ཅིག་སྐྱེས། །དུས་གསུམ་རྒྱལ་བ་ཀུན་གྱི་སྤྱི་ཡི་གཟུགས། །རྩ་བའི་བླ་མའི་ཞབས་ལ་གསོལ་བ་འདེབས། །སངས་རྒྱས་ཀུན་དངོས་ཁྱབ་བདག་རྡོ་རྗེ་འཆང༌། །གདུལ་དཀའ་འདུལ་མཛད་དཔལ་ལྡན་ཧེ་རུ་ཀ །ཤེས་རབ་རང་བཞིན་རྡོ་རྗེ་རྣལ་འབྱོར་མ། །གསོལ་བ…

ནམས་རྒྱལ་མཚན་འགྲོ་བའི་འདྲེན་པ་མཆོག །གསོལ་བ༴། ཆོས་བཞིན་ལྷུར་མཛད་དཔལ་ལྡན་ཚུལ་ཁྲིམས་དང༌། །ཡེ་ཤེས་རྒྱལ་མཚན་ཡོན་ཏན་མང་པོས་བརྒྱན། །འགྲོ་ཀུན་དགའ་བའི་འཕྲིན་ལས་བཟང་པོ་ཅན། །གསོལ་བ༴ །ཟབ་དོན་རྒྱ་མཚོའི་མངའ་བདག་ཤཱཀྱའི་མཚན། །ཐུགས་རྗེའི་དབང་ཕྱུག་གཞོན་ནུ་ཆོས་གྲུབ་ཞབས། །གཉིས་འཛིན་འཁྲུལ་བ་སྤངས་པའི་གྲོལ་མཆོག་རྗེ། །གསོལ…

རྗེ་སློབ་དཔོན་མཆོག་དང་ལྷག་པའི་ལྷས། །ཡང་དག་ཡེ་ཤེས་འཕོ་བར༴ །དག་སྣང་ལྷ་ཡི་འཁོར་ལོ་འཇུག་པའི་སྒོ། །ཀུན་རྫོབ་སྣང་ཞེན་སྦྱོང་བའི་ཐབས་ཀྱི་མཆོག །ཟབ་མོ་སྙིང་པོའི་དཀྱིལ་འཁོར་བསྒོམས་པ་ལས། །རབ་འབྱམས་དངོས་གྲུབ་འགྲུབ་པར༴ །སྣ་ཚོགས་སྒྱུ་མའི་འཁྲུལ་འཁོར་བགྲང་ཡས་རྣམས། །དོན་དམ་ལྷན་ཅིག་སྐྱེས་པར་ངེས་བསྡོམས་པ། །བདེ་ཆེན་ཙཎྜ་…

མ་ལུས་བསྐྱེད་པའི་ཡུམ་མཆོག་རྣལ་འབྱོར་མ། །བདེན་པ་དེས་ཀྱང་བདེ་མཆོག་ལ་གནས་བཀྲ་ཤིས་ཤོག །བཀྲ་ཤིས་གང་ཞིག་གསང་ཆེན་ཟབ་མོའི་དོན་སྟོན་པའི། །མཁའ་འགྲོ་གྲངས་མེད་གསུང་གི་སྙིང་པོ་སུམ་ཅུ་གཉིས། །ས་གསུམ་ཁྱབ་པའི་འོད་ཟེར་བྱེ་བའི་འཕྲོ་འདུ་ཅན། །བདེན་པ༴ །བཀྲ་ཤིས་གང་ཞིག་འགྱུར་མེད་ལྷུན་གྱིས་གྲུབ་པའི་དབྱིངས། ཁམས་གསུམ་ཀུན་ལ་བད…

སོན་གྱུར་ཅིག །རྗེ་བཙུན་རྡོ་རྗེ་རྣལ་འབྱོར་མ་སྒྲུབ་ཅིང་མཆོད་པའི་ཆོ་ག་ངག་འདོན་འདི་ཡང་རྒྱལ་ཁམས་པ་ཏཱ་ར་ནཱ་ཐས་སྨྲས་པའོ།། །།མངྒ་ལཾ།། །།ཨོཾ་སྭཱ་སྟི། དཔལ་ལྡན་ཀུན་ཁྱབ་ཟུང་འཇུག་ཡེ་ཤེས་ནི། །བརྟན་གཡོ་ཀུན་གྱི་སྲོག་ཏུ་རྟག་བཞུགས་ཀྱང༌། །མ་རྟོགས་འགྲོ་བ་རྣམས་ཀྱི་སྒྲིབ་བསལ་ཕྱིར། །རྡོ་རྗེ་འཛིན་པས་ཆོས་ཚུལ་མཐའ་ཡས་གསུངས། །…

ལས་འདིར་འབད་རྩོལ་འབྲཻལ་པ་ཅན་ཀུན་དང༌། །དགེ་བ་སྒྲུབ་པོ་རང་ཉིད་སྔོན་འགྲོ་བའི། །སྐྱེ་བོ་སྲིད་གསུམ་ལམ་ལ་གནས་པ་ཀུན། །ཇི་སྲིད་བྱང་ཆུབ་སྙིང་པོའི་བར་དུ་ཡང༌། །ཚེ་རིང་ནད་མེད་ལོངས་སྤྱོད་རྒྱས་པ་དང༌། །བདུད་ཀྱི་ལས་དང་མི་མཐུན་ཕྱོགས་ཀུན་ཞི། །བསམ་དོན་དགེ་བ་ཐམས་ཅད་འགྲུབ་པ་དང༌། །དམ་པའི་ཆོས་ཀྱི་དགའ་སྟོན་འགྱེད་པར་ཤོག །བཀ…

རྗེ་བཙུན་རྡོ་རྗེ་རྣལ་འབྱོར་མའི་སྲེག་བླུགས་ཀྱི་ལག་ལེན་བཞུགས།

ཨོཾ་སྭཱ་སྟི། དཔལ་རྡོ་རྗེ་རྣལ་འབྱོར་མའི་བསྲེག་བླུགས་འབྲིང་པོའི་ལག་ལེན་ནི་འདི་ཡིན་ཏེ། དང་པོར་ཡོ་བྱད་ཚོགས་པར་བྱ་བ་ལ། དུང་ཆོས་སམ་ཐོད་པར་བསངས་ཆུ་ཀུ་ཤ་དང་བཅས་པ། གཏོར་མ་རྒྱན་གྱིས་བརྒྱན་པ་གཉིས། པད་འདབ་མེད་པ་གཉིས། བསྲེག་རྫས་ཀྱི་ཁྱད་པར་ཏིལ་ནག་ལོགས་སུ་བྱ། གཞན་ནས་གྲོ་སྲན་འབྲས་སོགས་འབྲུ་སྣ་ཚོགས་བསྲེགས་པ། དུར་བ། …

ཟླུམ་དེ་བཞག་ལ། བསངས་སྦྱང་ནས། ཡིད་ལ་འདོད་པ་ཀུན་འགྲུབ་ཤོག་གི་བར་སྔོན་འགྲོ་གཏོར་མ་དང་འདྲ། འཕྲིན་ལས་བཅོལ་བ་ནི། གང་དག་འདིར་གནས་ལྷ་དང་ཀླུ། །གནོད་སྦྱིན་སྲིན་པོས་གཞན་དག་ལ། །ས་འདི་བདག་གིས་བསླང་བར་བགྱི། །སྲེག་བླུག་དོན་དུ་ཁྱོད་ཀྱིས་སྩོལ། །ཞེས་ལན་གསུམ། གང་དག་ནག་པོའི་ཕྱོགས་ལ། ཞེས་སོགས་ཀྱིས་བགེགས་བསྐྲད་ལ་གཏོར་མ་ཕ…

བུ་གྲུ་བཞི་སེར་པོ། ཟུར་བཞིར་མགོ་ནང་དུ་བསྟན་པའི་ཟླ་ཕྱེད་རྡོ་རྗེའོ། །ཐབ་ནང་དུ་བུད་ཤིང་སྙོམས་པར་བརྩིགས་ལ་མེ་ཚང་བཅའ། སྟེགས་བུའི་ཕྱི་རོལ་ཅི་བདེ་བར། ཐབ་ཀྱི་གཡས་སུ་མཆོད་ཡོན་དང་ཞབས་བསིལ། དེའི་ནང་དུ་འཇིག་རྟེན་པའི་མེ་ལྷ་མཆོད་པའི་ཆུ་གཉིས་བཤམས། རང་གི་གཡོན་དུ་སྔ་མའི་འཕྲོ་ལས་མཐུད་དེ་སྲེག་རྫས་རྣམས་བཤམས། ཐབ་ཀྱི་གཡོ…

ལ། ཐབ་ལ་གཡོན་བསྐོར་དུ་ལན་གསུམ་བསྐོར་ནས་མེ་ཚང་དུ་བཅུག །ཨོཾ་ཛྭ་ལ་ཛྭ་ལ་ཧཱུཾ། དེ་ནས་ཧཱུཾ་བདུན་བཟླས་ཏེ་རླུང་གཡབ་ཀྱིས་སྦར། ཡང་སུམྦྷས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་འབར་བའི་མེ་ཉིད། རཾ་ལས་མེ་ལྷ་དཀར་པོ་བགྲང་འཕྲེང་དང་སྤྱི་བླུགས་འཛིན་ཞིང༌། པད་ཟླ་དང་ར་སྐྱེས་ལ་གནས་པ། པདྨ་དཀར་པོ་ལྟ་བུའི་བཞིན་ཅན། མེ་ལྕེ་སྟོ…

དབང་ཕྱུག་ཚངས་དབང་མགོན་གྱི་སྲས། །མེ་ལྷའི་རྒྱལ་པོ་ཌཱཀྐིས་དབང་བསྐུར་བ། །ཤེས་རབ་མཆོག་གིས་ཉོན་མོངས་ཐམས་ཅད་སྲེག །འཇིག་བྱེད་མེ་ལྷ་ཉིད་ལ་རྣམ་པར་འདུད། །ཅེས་བསྟོད་ཅིང་སྤྲོ་ན། ཚངས་དབང་འཇིག་རྟེན་སོགས་ཀྱང་བྱ། ཡང་གོང་བཞིན་དགང་བླུགས་གཅིག་ཕུལ་ཏེ། འཇིག་རྟེན་པའི་མེ་ལྷ་ཁོ་ན་མཆོད་པའི་ཆོ་གའོ། །ཡང་སུམྦྷས་བསངས། སྭབྷཱ་ཝས་ས…

ཨོཾ་མཧཱ་བེ་ག་ཡེ་སྭཱཧཱ། ཨོཾ་བཛྲ་གྷསྨ་རི་སྭཱཧཱ། ཨོཾ་བཛྲ་བི་ཛ་ཡེ་སྭཱཧཱ། ཨོཾ་བཛྲ་པུཥྟ་ཡེ་སྭཱཧཱ། ཨོཾ་བཛྲ་མཧཱ་བ་ལ་ཡེ་སྭཱཧཱ། ཞེས་པ་རྣམས་ཀྱིས་འབྲུ་སྣ་ཚོགས་བསྲེས་པ་འབུལ། ཨོཾ་མཧཱ་ཤྲཱི་ཕ་ལ་དྷ་ན་སྭཱཧཱ། འབྲས་བུ་སྣ་ཚོགས་དང༌། ཨོཾ་ཨ་པྲ་ཏི་ཧ་ཏ་བཛྲ་ཡེ་སྭཱཧཱ། ཀུ་ཤ་དང༌། ཨོཾ་ཨགྣ་ཡེ་ཧེ་རུ་ཀ་མཧཱ་བཛྲ་ཨགྣ་ཡེ་སྭཱཧཱ། བཅུ་པ་ཞེ…

བར་གྱིས་མཆོད། གཟི་བརྗིད་ཆེན་པོ་མེ་ཡི་ལྷ༌། །འདོད་པ་ཐམས་ཅད་རབ་སྟེར་བ། །རང་གཞན་དོན་སྦྱོར་ས་ལ་བཞུགས། །ཚངས་སྲས་མཆོག་ལ་ཕྱག་འཚལ་ལོ། །མཆོད་སྦྱིན་གཏོར་མ་འདི་བཞེས་སོགས། སླར་ཡང་མཆོད་པ་ཁ་གསོས་ཏེ། བྱིན་གྱིས་བརླབས། ཨོཾ་སརྦ་ཏ་ཐཱ་ག་ཏ་བཛྲ་ཡོ་གཱི་ནི་སོགས་ཀྱི་འབུལ། དཔལ་ལྡན་རྡོ་རྗེ་མཁའ་འགྲོ་སོགས་དང༌། རྐང་བརྒྱད་ཀྱིས་བསྟ…

འཇིག་རྟེན་ལས་འདས་པའི་མེ་ལྷ་ལ་ཐུན་མོང་དུ་འབུལ་བ་ཡིན་ལ། གྲངས་འཛིན་པ་ནི་འཇིག་རྟེན་ལས་འདས་པ་ཁོ་ན་ལའོ། །དེ་ལྟ་ན་འདི་སྦྱིན་སྲེག་འབྲིང་པོ་ཡིན་ལ། བསྡུས་པ་ནི་འཇིག་རྟེན་པའི་མེ་ལྷའི་ཆོ་ག་རྣམས་དོར་ཞིང༌། འཇིག་རྟེན་འདས་པའི་སྐབས་ཀྱི་རྫས་སྔགས་སོ་སོ་བ་ཡང་སྤངས་ཏེ། འབར་བའི་ཕུང་པོ་ཉིད་དྲང་སྲོང་མེ་ལྷའི་ངོ་བོར་ལྷག་པར་མོས…

རྡོ་རྗེ་རྣལ་འབྱོར་མའི་བསྐྱེད་རིམ་གྱི་མན་ངག་གོ་དོན་དང་བཅས་པ་མདོ་ཙམ་གྱི་ཡི་གེ་བདེ་ཆེན་རོལ་པ་ཞེས་བྱ་བ་བཞུགས།