ཕྱུག་བྱ་བ་དང་། །སྟོན་པ་འོད་མི་འཁྲུགས་པའི་སྤྱན་སྔ་རུ། །ཁྱེའུ་མཁའ་འགྲོ་འདུལ་བྱེད་ཅེས་སུ་བྱ། །སྟོན་པ་འཇམ་དཔལ་འཇིགས་སྐྱོབས་སྐུ་དྲུང་དུ། །བྱངཆུབ་སེམས་དཔའ་སྤྱོད་པའི་རྒྱལ་པོ་ཞེས། །སྟོན་པ་གཞོན་ནུ་སྟོབས་དང་ལྡན་པའི་དྲུང་། །བྱང་ཆུབ་སེམས་དཔའ་སྤྲིན་གྱི་ཤུགས་ཅན་ཞེས། །མངོན་རྫོགས་རྒྱལ་དང་རྡོ་རྗེ་འཆང་ཆེན་དྲུང་། །ཕྱག…

སེམས་པར་གྱུར་པ་དང་། །ཐུབ་དཀའ་གཞོན་དྲུང་ཁྱེའུ་དན་འཕགས་གྱུར། །ཤཱཀ་ཐུབ་སྤྱན་སྔར་འཕགས་པ་ཀུན་དགའ་བོ། །ཨོ་རྒྱན་རྒྱལ་པོ་ཨིནྡྲ་བོ་དྷི་དང་། །ཤམ་བྷ་ལ་རུ་ཆོས་རྒྱལ་ཟླ་བ་བཟང་། །འཕགས་ཡུལ་སློབ་དཔོན་ལས་ཀྱི་རྡོ་རྗེ་སྟེ། །གངས་ཅན་འདི་རུ་འཕྲུལ་བློན་མགར་དུ་གྲགས། །ལོ་ཆེན་བེ་རོ་ལྷ་ལུང་དཔལ་རྡོར་སོགས། །བསྟན་འགྲོའི་དོན་ལ་ཟློ…

ཕྱིན། །ཡུལ་མི་རྣམས་ཀྱིས་ཀློག་འདོན་བོས་སར་ཕྱིན། །ཀློག་གི་ཡོན་གྱིས་མ་ཁུ་སྐྱོང་བར་མཛད། །དེ་སྐབས་རྗེ་བཙུན་མི་ལ་སྐུ་ཐུང་གི། །བྲག་སྐྱ་རྡོ་རྗེ་རྫོང་ལ་བཞུགས་པ་ལ། །རྡོ་རྗེ་རྣལ་འབྱོར་མ་ཡི་བུ་སློབ་རྣམས། །ཡོང་ཚུལ་ཁྱད་འཕགས་ཉི་ཟླ་ལྟ་བུ་གཉིས། །ཡོངས་ལས་ཟླ་བ་ལྟ་བུའི་བུ་ཡིན་ནོ། །གུང་ཐང་ར་ལ་ངོས་སུ་སོངས་ཤིག་གསུངས་། །རྗ…

མཛེ་ནད་ཚབ་ཆེར་བྱུང་། །མ་ཁུས་མ་སྡོད་མི་ལའི་རྩར་སོང་ཟེར། །རྗེ་བཙུན་གྱི་འང་གདམས་ངག་འགའ་རེ་གནང་། །སྔགས་པ་ཞིག་ལས་གཏུམ་པོའི་སྒྲུབ་ཐབས་བསླབ། །ནན་ཏན་བསྒྲུབ་ཀྱང་ནད་ལ་ཕན་མ་གྱུར། །རེ་ཞིག་ཨ་ཙ་ར་བཞི་བྱུང་བ་ཡི། །དཔོན་དེས་དེ་རུ་བསྡད་ན་འཆི་བར་འདུག །ངེད་ཚོ་རི་བོ་རྩེ་ལྔ་འགྲོ་བསམ་སྟེ། །གྲོགས་གསུམ་བཏང་ལ་ང་ཡི་བླ་མའི་དྲུ…

སོང་ཞེས་ཛཱ་ཀའི་བསླབ་བཞིན་དུ། །བྱེད་བཞིན་སོང་བས་ཛཱ་ཀི་ནམ་མཁར་ཡལ། །ནགས་ཚལ་པདྨ་ཁ་བྱེ་ལྟ་བུས་དབུས། །ཉིན་མཚན་འོད་ཀྱི་གུར་དབུས་བླ་མ་ཡི། །གཟིམས་ཁང་གྲུ་བཞི་མེ་ཏོག་རྒྱས་པ་རུ། །བླ་མ་ཝ་ལ་ཙནྡྲ་ཡབ་ཡུམ་མཇལ། །གསེར་ཞོ་བཞི་པོ་ཕུལ་ཏེ་བཤུམ་བཞིན་དུ། །ཞུ་དོན་བསྙད་པས་དབུགས་དབྱུང་བཀའ་སྩལ་ཐོབ་། །ཛཱ་ཀི་དེ་ནི་ཁོང་གི་བསྟན་བསྲ…

གདམས་ངག་ཞུས་ཤིང་བསྒོམ། །རེ་ཞིག་དུས་ནས་ཝ་ལ་ཙནྡྲ་ལ། །སྐུ་དྲིན་བསབ་ཕྱིར་རྒྱ་གར་འགྲོ་ཞུས་ནས་། །བསོད་སྙོམས་བྱས་རྙེད་པ་དང་ཚོང་སོགས་ཀྱིས། །གསེར་སྲང་བཞི་རྙེད་ཁྱེར་ཏེ་རྒྱ་གར་ཕྱིན། །བླ་མར་སྲང་དོ་ཡུམ་ལ་སྲང་གང་ཕུལ། །བླ་མའི་ཕྱག་ཕྱིར་ཡོན་བདག་འགའ་ལའང་བྱིན། །གཏུམ་པོའི་སྐོར་གྱི་ཡོངས་རྫོགས་དང་། །རྒྱུད་དང་འགྲེལ་བཤད་ཕྱ…

སྐོར་ཐོ་རེ་འགའ་ཞུས་མི་ལའི་དྲུང་། །འབྲལ་བ་མེད་ཅིང་ནཱ་རོའི་ཆོས་དྲུག་སོགས། །གདམས་ངག་ཐམསཅད་རིམ་བཞིན་ཡོད་སྤྲུག་གནང་། །དེ་དག་རྩེ་གཅིག་ཐོས་བསམ་བསྒོམ་པར་མཛད། །དཔོན་སློབ་མང་ཞིག་གངས་རི་ཏི་སེར་བྱོན། །ནཱ་རོ་བོན་ཆུང་རྫུ་འཕྲུལ་སྟོབས་ཀྱིས་བཏུལ། །གདུལ་བྱ་སྐལ་ལྡན་མང་པོ་སྨིན་གྲོལ་བཀོད། །དེ་ནས་བྲག་སྐྱ་རྡོ་རྗེ་རྫོང་སོག…

གཉིས་ཕྱག་ཕྱིའི་དམ་བཅའ་ཕུལ། །བཀའ་ཆོས་ཞུས་པས་གདམས་ངག་རྫོགས་པར་གནང་། །རྗེ་བཙུན་ཆེན་པོ་བལ་པོ་རྫོང་དུ་ཕེབས། །རྒྱ་གར་དྷརྨ་བྷོ་དྷིས་བརྐྱང་ཕྱག་ཕུལ། །སྙན་གྲགས་སྐུ་བསོད་རྒྱས་ནས་དད་འདུན་འུར། །སྙེ་ནམ་དྲོད་ཕུག་སོགས་སུ་བཞུགས་པའི་དུས། །ཕུ་དེའི་མཚན་ཉིད་གྲྭ་པའི་གཙོ་བོ་པ། །ལོ་སྟོན་ར་ལོ་གཉིས་པོ་ཕྲག་དོག་སྐྱེས་། །རྩོད་པ…

མཁའ་འགྲོའི་ཆོས་དགུ་ཡི། །བཞི་གནང་ལྔ་དེ་རྒྱ་གར་ན་ཡོད་པ། །ང་ལ་ལོང་ཞེས་གསུངས་ཀྱང་ང་མ་ཕྱིན། །ད་སྟེ་ཁྱོད་སོང་ལོང་ལ་ཤོག་ཅིག་གསུངས། །འབུལ་བ་ཐམས་ཅད་གསེར་དུ་སྒྲིལ་ནས་བསྣམས། །ཁྲི་མཐོན་བརྩེགས་ཏེ་རས་ཆུང་བཞུགས་སུ་གསོལ། །མངའ་གསོལ་ཤེས་བརྗོད་གཤེགས་སྐྱེས་ཚོགས་འཁོར་མཛད། །འབྱོན་ལུགས་ཞལ་ཏ་སྨོན་ལམ་མཛད་ནས་བརྫངས། །རྒྱ་བལ་འ…

ཆོས་དྲུག་ཤམ་བུའི་སྐོར། །བསྲེ་བ་དགུ་སྐོར་ཟློ་བ་སྐོར་གསུམ་དང་། །བསམ་གཏན་ཐུན་འཇོག་ལ་སོགས་མང་དུ་གནང་། །ཁྱོད་ནི་ཆོས་ཀྱི་སྐལ་ལྡན་བསོད་ནམས་ཆེ། །འོན་ཀྱང་ཚེ་ལ་རིང་པོ་མི་འདུག་གསུངས། །དེ་ལ་བསྲིང་བའི་ཐབས་གསང་ཞུས་པ་དང་།གྲོང་ཁྱེར་ཕ་ཀིར་གཏད་མོར་སོངས་ཤིག་གསུངས། །དེ་རུ་གྲུབ་ཆེན་ཨ་མོ་གྷ་བཛྲ། །མཇལ་བས་ཞག་བདུན་ཚེ་ལས་མི་…

གྱིས་ཤིག་གསུངས། །ཏི་ཕུའི་དྲུང་ནས་སླར་ཡང་ཆོས་མང་ཞུས། །གདམས་ངག་ཐམས་ཅད་ཞུན་ཐར་ཆོད་པར་མཛད། །སྤྲུལ་པའི་ལུགས་བྱུང་ལྕགས་ཀྱི་རྡོ་རྗེ་།དང་། །བདེ་མཆོག་ཐང་སྐུ་ཨ་ཀ་རུའི་ཕྱག་འཁར། །ཁྲི་སྙན་པགས་པ་ཀླུ་རུ་དྲ་བ་མང་། །དེ་སོགས་བླ་མ་མི་ལར་འབུལ་རྒྱུ་བསྐུར། །རིམ་བཞིན་བལ་ཡུལ་དུ་ཕེབས་མུ་སྟེགས་ཀྱིས། །སྦྱོར་ངན་བཏུལ་ཞིང་རྫུ་འཕ…

སྤོ་མཐོན་གྱི། །བྲག་དམར་དུ་ཕེབས་རས་ཆུང་ཆུ་ལེན་ཚེ། །རྐྱང་དང་སྤྱང་ཀི་མ་བརྒྱ་བུ་བརྒྱ་ཡིས། །ལྟད་མོར་ཡེངས་ཚེ་མི་ལས་བདེན་བརྗོད་ཀྱི། །ལུས་མེད་མཁའ་འགྲོའི་ཆོས་སོགས་ཕན་བྱའི་སྐོར། །ཐམས་ཅད་ཡར་ཕྱེས་མུ་སྟེགས་ངན་སྔགས་དཔེ། །མེ་ལ་བསྲེགས་པས་རས་ཆུང་དད་པ་ལོག །སྐུ་ཡི་བཀོད་པ་བསམ་མི་ཁྱབ་པ་དང་། །ཕ་ཝང་ཞོན་དང་མཁའ་ལ་འཕུར་བ་སོག…

པར་མཛད། །སླར་ཡང་རེ་ཞིག་དུས་ནས་རྨི་ལམ་ན། །བརྟེན་ནས་རས་ཆུང་རྒྱ་གར་འབྱོན་དགོངས་སྐྱེས། །བླ་མས་མ་གནང་ཐུན་མོང་མ་ཡིན་པའི། །གདམས་ངག་བཅོ་བརྒྱད་ལ་སོགས་མང་དུ་བསྩལ། །བླ་མ་རང་སེམས་བྱེར་མེད་ཤེས་གྱིས་ལ། །རྒྱ་གར་འགྲོ་བའི་སྤྲོས་པ་ཆོད་ཅིག་གསུངས། །གསུང་བཞིན་ཉམས་ལེན་གནད་དུ་བསྣུན་པར་མཛད་། །དཔོན་སློབ་ལྷན་ཅིག་ལོ་མང་སྒོམ་ཞ…

ཕེབས་། །རླུང་བཟུང་རྫུ་འཕྲུལ་ངང་ནས་བྱོན་པ་ཡིས། །བོང་ལམ་ཟླ་གཅིག་ཞག་གཅིག་གིས་བཅད་བྱོན། །གཅོང་རོང་སྟོད་ལུང་ནས་བརྒྱུད་འཕེན་ཡུལ་བྱོན། །ཡོན་བདག་ཞིག་གིས་འབུལ་བ་མང་བྱས་པས། །ཤ་སྐམ་ཕུལ་རྣམས་བརྡུང་སྟེ་ཕྱི་རྐྱལ་གང་། །མི་ལའི་དྲུང་དུ་འབུལ་བར་བསྐྱལ་དུ་བྱོན། །སླར་ཡངདབུས་བྱོན་རྗེ་བཙུན་སྐྱེལ་ཐུང་བྱས། །རིས་ཆུང་ཕུག་གི་ག…

ལ་སྙད་ལང་ལྷ་གཅིག་གིས། །བླ་མ་སུན་ཕྱུང་དེ་ནས་བྲོས་ཏེ་བྱོན། །འཇིག་རྟེན་ཁྱི་མོས་བར་ཆད་ཡོད་འདུག་ཅེས། །མི་ལས་ལུང་བསྟན་གསུངས་པ་རྗེས་སུ་དྲན་། །བོང་འགྲོས་ཟླ་བ་གཉིས་ལམ་ཞག་གཉིས་ཀྱི། །བཅད་ནས་བྱོན་ཅིང་ཡོན་བདག་ཕྱུག་པོ་ཞིག །འབུལ་བ་མང་ཕུལ་ཤ་སྐམ་བྱུང་ཚད་བརྡུངས། །མི་ལའི་དྲུང་དུ་འབུལ་ཕྱིར་ཆུ་བར་བྱོན། །བླ་མ་མཇལ་ཞིང་བཤག…

གྱུར་། །ཚུལ་སྟོན་ཆེན་པོས་གདན་དྲངས་གདམས་ངག་ཞུས། །ལར་དུ་ཆོས་ཞུས་འབུལ་ནོར་བསམ་མི་ཁྱབ། །སློབ་མ་གྲུབ་པ་ཐོབ་པ་མང་དུ་བྱུང་། །བསམ་ཡས་སུ་ཕེབས་སྐོར་གཉེར་སྒོ་བཅད་པས། །མཁའ་ལ་འཕུར་ནས་བསྐོར་བ་ལན་གསུམ་མཛད། །དབུ་རྩེའི་སྟེང་དུ་བབ་པས་ལྷ་ཁང་རྣམས། །རང་བཞིན་སྒོ་བྱེ་མེ་ཏོག་ཆར་བབ་ཤིང་། །རོལ་མོའི་སྒྲ་དང་དྲི་བཟང་ཕུལ་ཁྱབ་འཐུ…

མ་འོངས་པ། །མི་རབས་བདུན་དུ་ལོ་ཡི་མིང་ཅན་གྱི། །འདོན་པར་ལུང་བསྟན་སླར་ཡང་ཤམས་པོར་བྱོན། །དབྱེ་ཆེན་དབྱེ་ཆུང་སོགས་སུ་སྒྲུབ་པ་མཛད། །སྐལ་ལྡན་རྣམས་ལ་བཀའ་ཆོས་མང་དུ་གསུངས། །གྲུབ་པའི་རྒྱལ་མོ་ཞལ་གཟིགས་ལུང་བསྟན་མཛད། །མཁའ་འགྲོ་བཙུན་ཆུང་མ་ཡི་སྤྱན་དྲངས་ནས། །དམྱལ་དང་ལོ་རོང་འགྲོ་བའི་དོན་མང་མཛད། །བྱས་འགོར་གནས་དང་བྱར་སྨད…

མཐར་ཕྱིན་གྲུབ་པ་མཆོག་ཐོབ་པས། །བླ་མའི་རྒྱལ་ཚབ་ཏུ་གྱུར་འཁོར་དུ་ཡང་། །རས་པ་སྟོང་ཕྲག་བཅུ་གཉིས་དགེ་བཤེས་ཀྱང་། །ལྔ་བརྒྱ་ཙམ་སོགས་ཕྲིན་ལས་ཆེན་པོ་བྱུང་། །རྗེ་བཙུན་གཙང་པ་རྒྱལ་བ་ཁྱུང་ཚང་པ། །ལ་སོགས་རྗེས་བཟུང་གྲུབ་ཐོབ་ས་ལ་བཀོད། །ཆོས་རྒྱལ་རིན་ཆེན་གླིང་པའང་ཞབས་ལ་གཏུགས། །སྙན་བརྒྱུད་སོགས་ཞུས་རྩ་བའི་སློབ་མར་གྱུར། །རེ…

མཁའ་འགྲོ་མས། །སྤྲུལ་པས་སྤྲུལ་པ་མཇལ་དུ་འོང་ངོ་ཟེར། །གྲུབ་ཐོབ་ཁམས་པ་དབུ་སེ་བྱོན་པས་མཇལ། །ཁོང་ལ་གདམས་ངག་ཟབ་ཁྱོད་ཐམས་ཅད་གནང་། །༧།ལྕགས་ཡོས་དཔྱིད་ཟླ་འབྲིང་པོའི་ནང་དེ་རུ། །འཇའ་ཚོན་མེ་ཏོག་ཆར་དང་རོལ་མོའི་སྒྲ། །ངོ་མཚར་ལྟས་མང་ཡང་ཡང་བྱུང་བ་ལ། །བླ་མ་སངས་རྒྱས་བྱང་སེམས་མང་པོ་ཡི། །ཞལ་གཟིགས་བྱུང་ཚུལ་ངོ་མཚར་དཔག་ཏུ་མེ…

བྱུང་བའི་རྗེས། །གཞི་བདག་ཐམས་ཅད་ཆོ་ངེ་འདེབས་པ་དང་། །གསོལ་བ་འདེབས་པའི་སྒྲ་ནི་ཆེན་པོ་བྱུང་། །ནམ་མཁའ་ཌཱ་དྲིལ་གཡེར་ཁའི་སྒྲས་གང་ཞིང་། །མཁའ་འགྲོ་མང་པོས་གར་བཏབ་བསྒྱུར་བའི་དབུས། །རྗེ་ཉིད་འཁོར་ལོ་སྡོམ་པའི་སྐུར་གྱུར་ནས། །ཇེ་མཐོ་ཇེ་མཐོ་ནམ་མཁའི་དབྱིངས་གཤེགས་པས། །སུམ་པ་ལ་སོགས་བུ་སློབ་རྣམས་ཀྱིས་མཐོང་། །གནམ་སྟོང་ཐོ…