ཆོས་མིན་ལོག་པར་སྤྱོད་ན་ངོ་ཚ་བས། །བུད་མེད་གཞོན་ནུ་ཐོ་ཕྱིར་མི་བརྟེན་ཞིང་། །རི་ཁྲོད་ཁྱིམ་དུ་བུད་མེད་མི་བཞག་ཅིང་། །ཐག་རིང་འགྲིམས་པ་ལན་རེ་བྱུང་ན་ཡང་། །རོ་ཡིས་མནན་པ་ཙམ་དུ་གནོད་སྣང་ཆེ། །གྲྭ་པ་རྣམས་ཀྱང་དེ་དང་འབྲེལ་དོགས་པས། །ཀུ་རེ་ཐབས་ཀྱིས་བསྒགས་ནས་ཧོབ་བཅིལ་བྱས། །རང་ལ་དད་འདུན་འབུལ་བ་བཟང་ན་ཡང་། །བུད་མེད་རིགས་…

རྒྱ་བོད་རིག་འཛིན་གྲུབ་ཐོབ་ཐམས་ཅད་པ། །གཅིག་བསྡུས་རྡོ་རྗེ་འཆང་གི་སྐུ་རུ་བསྒོམས། །གསོལ་བ་བཏབ་ཅིང་དབང་བཞི་རྒྱུན་དུ་བླངས། །ཅི་མཛད་ཡེ་ཤེས་རོལ་པར་ཤེས་པ་དང་། །གང་གསུང་རྡོ་རྗེའི་གསུང་དུ་ངེས་པ་སྐྱེས། །རྩ་བའི་བླ་མ་དཀོན་མཆོག་ཀུན་འདུས་ཏེ། །ཐུགས་ནི་སངས་རྒྱས་གསུང་ནི་དམ་པའི་ཆོས། །སྐུ་ནི་དགེ་འདུན་ཡོན་ཏན་མཁའ་འགྲོའི་ཚ…

དག་དང་མ་དག་གཉིས་སུ་མཐོང་། །ཁོག་ན་འདོད་པ་ཆེ་ཡང་མི་འདོད་སྨྲས། །སྐྱེས་པའི་ཡུལ་དུ་སྤྱོད་ངན་རྩིས་ཆུང་བས། །ཕ་ཡུལ་སྤང་ཞེས་རྒྱུས་མེད་ཡུལ་དུ་འདུག །འདུལ་བྱ་མི་འབྱུང་དུས་སུ་མི་ལེན་ཟེར། །མཇལ་མི་མེད་པའི་དུས་སུ་སྐུ་མཚམས་བསྡམས། །དེ་ནས་དད་འདུན་འབུལ་ཞབས་བྱུང་ཙ་ན། །འདུལ་བྱ་དུས་བབ་ཡིན་ཞེས་ཆོག་ཤེས་མེད། །འགྲོ་དོན་གང་ཆེ་…

འདོད་མེད། །སྔ་ཐོག་གྲྭ་པ་གོ་ཆོད་མེད་པའི་དུས། །དུད་འགྲོ་གང་བྱུང་གང་ཁུག་རེ་དང་བརྗེས། །ཞག་འགའ་མ་ཚོང་ན་ཡང་གནོད་སྣང་ཆེ། །ཀུན་གྱིས་ཚོང་ཕམ་འདི་འདྲ་བྱེད་ཟེར་ཡང་། །ཕམ་པར་ཤེས་ཏེ་གང་ཁུག་བྱེད་པ་ནི། །དུད་འགྲོ་འཚགས་མི་འདོད་པས་ལན་པ་ཡིན། །མི་ལེན་ཀ་མེད་འགའ་རེ་མ་གཏོགས་པ། །ཞིང་ཡང་ཕུལ་མི་བྱུང་སྟེ་མ་བླངས་སོ། །ཁྲལ་ཞིང་གཏེ…

དངུལ་ཚོན་རྩི་དར་རས་དང་། །ནོར་གཡུ་ལ་སོགས་དངོས་གཙང་ཅུང་ཟད་རེ། །ཉ་ར་བྱས་ན་གནང་སྦྱིན་ལ་སོགས་པ། །མཁོ་དགོས་གཉེར་ཚང་ནང་ནས་ལེན་དཀའ་ཟེར། །འོན་ཀྱང་གང་ལ་སྲེད་པ་མེད་པའི་ཕྱིར། །ཅུང་ཟད་ཙམ་ཡང་འཚགས་པར་མ་བྱས་སོ། །འབུལ་བ་ཆེ་ཕྲ་སྣ་ཚོགས་ཅི་བྱུང་ཡང་། །དཔེ་ཆ་བྱུང་ན་མ་གཏོགས་ཐམས་ཅད་དང་། །ཆེ་ཆུང་བཟང་ངན་རྟོག་པ་མི་འཇུག་ཅིང་། …

འབུམ་ཕྲག་རི་བའི་གོས་ཀྱང་གྱོན། །མ་རྙེད་ཚོལ་ཕྱིར་སྡིག་པ་བསགས་པ་དང་། །དགེ་སྦྱོར་ཆག་པར་མི་བྱ་གང་རྙེད་ཀྱི། །ཟས་སྐོམ་ངན་ངོན་ལུས་འཚོ་ཙམ་ལ་བརྟེན། །གོས་ཀྱང་རོ་གོས་ལ་སོགས་མ་འཁྱོག་ཙམ། །དེ་བཞིན་ཤཱཀྱ་ཐུབ་པའི་ལུགས་སུ་གསུངས། །དཔེར་ན་བདག་ཀྱང་ཡོད་བཞིན་མི་ཟ་བའི། །དཀའ་ཐུབ་བཅུད་ལེན་ལ་སོགས་མ་བྱས་པར། །གང་བྱུང་བསྐྱེད་རིམ་…

དུ་གསལ་བཏབ་ཅིང་། །མ་བཅོས་སོ་མ་ལྷུག་པ་རང་བབ་ངང་། །འདི་བསྒོམ་གཏད་སོ་མེད་པར་རང་ལུགས་བཞག །དེ་ལྟར་སྒོམ་གྱི་འགོ་རྐང་བར་གསུམ་ལ། །འབྲེལ་པ་བཞག་པའི་སརྒ་བཅུ་གཅིག་པ།། །།དེ་ནས་བྱང་ཆུབ་སེམས་དཔའ་ཐམས་ཅད་ཀྱིས། །འགྲོ་དོན་སྒོ་མོ་བསྡུ་བའི་དངོས་པོ་བཞི། །མཁོ་བ་སྦྱིན་དང་སྙན་པར་སྨྲ་བ་དང་། །འཇིག་རྟེན་དོན་མཐུན་གདུལ་བྱའི་དོན་…

སེམས་། །བླ་མ་གསར་པ་མཆོད་ཆ་མི་འཛོམ་ལ། །ཐེབ་ཡོད་ན་ནི་གང་འོས་སྦྱིན་པར་སེམས། །རང་གི་སློབ་མ་ཆོས་དང་མཐུན་པ་ལ། །རི་ཁྲོད་ལ་སོགས་ཡུལ་གཞན་འགྲོ་བའི་ཚེ། །མེད་ན་མ་གཏོགས་དཔེ་ཆ་མཆོད་ཆ་སོགས། །གང་འོས་ཐབས་མི་ཆོག་ཙམ་སྦྱིན་པར་འདོད། །དབུལ་པོའི་ཕྲུ་གུ་བརྗེ་བྱེད་པ་ལ། །ཡོད་ན་སེར་ཆས་གོས་རྣམས་སྦྱིན་པར་འདོད། །གཉོམ་ཆུང་བྱ་བྲལ་…

ལ། །འཇིག་རྟེན་དོན་དང་མཐུན་པར་བྱ་བ་ནི། །དང་པོ་བྱོན་དུས་ཆག་ཕེབས་བྱོན་ཞུ་དང་། །ཡུལ་ཕྱོགས་སྐད་ཆ་ལོ་ཡི་ལེགས་ཉེས་འདྲི། །འགྲོ་ཁ་ཐུགས་དམ་གོང་འཕེལ་བདེ་མོ་གྱིས། །འདི་དག་རྣམས་ལ་གང་ཡིན་མི་གདའ་ཡང་། །འཇིག་རྟེན་པ་དང་མཐུན་ཕྱིར་བརྗོད་པར་བྱས། །འཁྲུག་པ་བསྡུམ་པ་འགྲོ་དོན་ཆེ་ན་ཡང་། །སྙིགས་དུས་ཆད་མི་བཙན་ཞིང་མནར་མི་བརྩི། །…

བར་བྱས། །རས་པ་ཞི་བ་འོད་ཀྱི་གསུང་བཞིན་དུ། །འཇིག་རྟེན་མི་ཡི་ཆོས་དང་མཐུན་པའོ། །གདུལ་བྱའི་དོན་སྤྱོད་ཅེས་པའི་དོན་འདི་ནི། །སྨན་པ་རྣམས་ལ་སྨན་བླའི་དབང་ལུང་བཏོན། །ཨ་མཆོད་རྣམས་ལ་སོ་སོའི་ཆོས་སྤྱོད་དང་། །ལྷ་མོ་ལྔ་སོགས་དེར་མཁོའི་དབང་ལུང་བཏོན། །སྒོམ་པ་རྣམས་ལ་ཞི་དྲག་རྟ་མགྲིན་དང་། །མགོ་གསུམ་རྡོ་རྗེ་མཆུ་སོགས་གང་ཕན་བ…

གསར་དུ་བླ་མ་བྱེད་ལ་དབང་རྗེས་གནང་། །དབང་ལུང་རྒྱ་ཆེ་འདོད་ལ་འགྲོ་གང་ཆེ། །བསྔོ་བ་བྱང་བུ་འདོད་ལ་གང་འདོད་དེ། །བསྟབ་པ་ལུས་སྦྱིན་འདོད་ལ་དེ་ཉིད་རེ། །གདམས་ངག་ཕྲན་བུ་འདོད་པ་ཕན་བྱའི་སྔགས། །མདོར་ན་མཐུ་གཏད་ངན་རྗེས་མ་གཏོགས་པ། །སྦ་སྲི་མེད་པར་གང་ལ་གང་འདོད་པ། །འཚེར་བག་སུན་སྣང་མེད་པར་ལྷུག་པར་སྟོན། །དེ་ལྟར་བསྡུ་བའི་དངོ…

ཡང་། །ཕྱོགས་མཐུན་ཙམ་ཞིག་ཡིན་ནམ་སྙམ་པ་ཡོད། །དེ་ཡང་ཆབ་ཆོབ་ས་ཟིན་རྡོ་ཟིན་མིན། །མདོ་དང་སྔགས་དང་མདོ་སྔགས་ཟུང་འཇུག་དང་། །བཀའ་མ་གཏེར་མ་ཐེག་པ་ཆེ་དང་ཆུང་། །གང་ལ་བཤད་ཀྱང་གཞན་ལ་མ་འདྲེས་པར། །རང་རང་མགོ་རྐང་ཚ་ཚང་བཤད་པར་ཤེས། །ཏུག་གུ་ཕྲེང་དང་བཀང་བཀང་ཀྲད་ཀྲད་མིན། །རྒྱས་དང་བསྡུས་དང་རྒྱས་བསྡུས་རན་པ་སོགས། །ཅི་ལྟར་འདོད་…

ཤེས། །ཁྱད་པར་བསྙེན་སྒྲུབ་ལས་སྦྱོར་རིམ་པ་རྣམས། །སྔར་མ་མཐོང་བའི་དཔེ་ཞིག་མཐོང་ན་ཡང་། །ཕྱག་ལེན་གནད་དང་མན་ངག་འཕྲལ་དེར་ཤེས། །ཡི་དམ་སོ་སོའི་དབང་ཀ་རྗེས་གནང་ལའང་། །མི་གོ་བ་དང་མི་ཁོམ་མ་གཏོགས་པར། །སྤྱི་བཤད་མིན་པར་སོ་སོའི་ལོ་རྒྱུས་དང་། །ཕན་ཡོན་འཕྲལ་དུ་སྤྲོ་བ་སྐྱེ་བར་བཤད། །དེ་དག་འཆད་ལ་འབྲེལ་པ་བཞག་པའོ། །དབུས་གཙང་…

ཁྲིམས་པ་དེས་ང་ལ་ངན་ཡིན་ནམ། །སློབ་གཉེར་འདྲ་འདྲ་མཉམ་མཉམ་མ་གཏོགས་པ། །འཚོག་མང་སྐབས་སུ་བསླང་ར་མེད་པ་ལ། །ཉིན་ཞིག་ཡིད་ལ་མེད་པར་ང་དང་ནི། །མངའ་རིས་བཀའ་བཅུ་སྲུང་མེད་ཅེས་བྱ་བ། །ང་ཡི་ཚད་པ་མེད་པ་མཉམ་དུ་བླངས། །འཚོགས་ཆེན་དབུས་སུ་ཉིན་ཞིག་བགྲོ་གླེང་དགོས། །ཉིན་ཞིག་ཕར་བཏང་རང་གིས་ལན་རྒྱབ་ཅིང་། །ཉིན་ཞིག་ཚུར་བཏང་གཅིག་གིས…

རེ་འབྲེལ་བ་བཞག །མཚན་ཉིད་མིན་ཡང་ཡོན་ཏན་གང་ཆེ་ལ། །རྩོད་རིགས་འདྲ་བའི་རྒོལ་འབོད་ཁོ་ན་བྱས། །ཡོན་ཏན་ཆེ་བ་རྣམས་ནི་ཐུགས་དགྱེས་མགུ། །ཡོན་ཏན་མེད་པ་ལ་ལས་ཁྲོ་ཚུལ་བསྟན། །རྩོད་རིགས་ལ་ནི་འབྲེལ་པ་བཞག་ཚུལ་ཡིན། །དེ་ནས་རྩོམ་ལ་འབྲེལ་པ་བཞག་ཚུལ་ནི། །བསམ་བཞིན་རྩོམ་པ་ཤུགས་འབྱུང་མགུར་གྱི་ཚུལ། །རྒྱལ་བ་རྒྱ་མཚོའི་བདག་བསྐྱེད་དོ…

བསྐུར་། །ཕྱོགས་གཅིག་མེད་ཀྱང་པོད་ཆེན་ཙམ་གྱི་སྡོས། །སྐུ་གསུམ་སྒྲུབ་པ་ཕག་མོ་ཁྲོ་ཆུ་སོགས། །ཟིན་བྲིས་ལ་བརྟེན་བསྙེན་སྒྲུབ་ཐོན་པ་མང་། །དེ་ཚེ་རྟགས་མཚན་ངོ་མཚར་ཡིད་ཆེས་གྱུར། །ཤུགས་འབྱུང་ཡིད་ལ་གང་དྲན་རྩོམ་པ་ལ། །མདོ་རྒྱུད་མན་ངག་དོན་དང་མི་འགལ་བའི། །མགུར་དང་ཞལ་གདམས་སྨོན་ལམ་ལ་སོགས་ནི། །ཇི་ལྟར་བྲིས་ཀྱང་ཆུ་ལྟར་ཟད་པ་…

དང་། །རང་གི་རྩ་བའི་གྲྭ་པས་རང་རྒྱུད་འཛིན། །དེ་སོགས་རྣམ་གྲངས་མང་བའི་སྲོལ་འདུག་པས། །དེ་དག་སོ་སོར་ཟུར་ཙམ་བཤད་པ་ནི། །འོ་བྲན་གདུང་བརྒྱུད་བླ་མ་ཝ་རྒན་ལ། །ཀིང་ཀང་དམར་ནག་ལ་སོགས་ལུང་འགའ་ཕུལ། །དྲུང་རམ་ཀུན་འཕེལ་དྲུང་རམ་འཕེལ་རྒྱས་དང་། །དྲུང་རམ་ཤེས་རབ་ཀརྨ་དབང་པོ་དང་། །དགེ་སློང་ཡང་ཤེས་དགེ་ཚུལ་མཐར་ཕྱིན་དང་། །སོག་པོ་…

ལྡན་རབ་འབྱོར་དང་། །ཟུར་མང་ཀུན་དྲག་ཀརྨ་རིན་ཆེན་དང་། །ཨ་གྲོ་བློ་གྲོས་ལ་སོགས་དྲུང་པའི་འཁོར། །བླ་མ་གུ་རུ་ཀུན་དགའ་ཉི་མ་དང་། །སྐྱོ་ཐུ་བླ་མ་དང་ནི་དཔལ་བཟང་གཉིས། །བླ་མ་པདྨ་པདྨ་དབང་དྲག་བཅས། །བདག་ལ་དབང་ལུང་མང་དུ་ཞུས་པའོ། །དེ་ནས་ལོ་གྲངས་བཅུ་གསུམ་མཚམས་བསྡམས་ཚེ། །ལོ་གསུམ་མཚམས་ཀྱི་ཁས་ལེན་བྱེད་པ་ལ། །ཉི་མ་གཉིས་གསུམ་…

འབྱུང་བསྟན་པའི་སྲོག །གནས་སྒོ་མང་ཕྱེས་འགྲོ་བའི་བླ་མར་གྱུར། །ཡང་དག་ལོ་གསུམ་མཚམས་བསྡམས་བླ་མ་བྱུང་། །ལྟ་སྒོམ་ལྷུན་གྲུབ་ལོ་གསུམ་མཚམས་བསྡམས་ནས། །རྨི་ལམ་ཡུལ་དུ་བདག་གིས་ཇ་བྱིན་པས། །ཇ་ལ་ཟད་རྒྱུ་མེད་པ་བྱུང་ཟེར་ཞིང་། །རེ་ཞིག་ལུས་ཀྱང་བདེ་ཞིང་བླ་མ་བྱུང་། །ཨོ་རྒྱན་རིག་འཛིན་ལོ་གསུམ་མཚམས་བསྡམས་ཀྱང་། །བླ་མ་མ་བྱུང་སྔ…

ཟིན་བྲིས་ཉམས་བླང་ལམ་སྣ་ཟིན། །ཞལ་གདམས་ཡི་གེ་བསྐུར་བ་ལ་བརྟེན་ནས། །སེམས་ངོ་འཕྲོད་དང་བོགས་སྐྱེད་བྱུང་བ་ནི། །མང་པོ་བྱུང་བར་འདུག་སྟེ་བྲིར་མི་ལོངས། །དམིགས་པ་བསྟབ་པ་ལ་སོགས་བྱས་པ་ཡིས། །ཁོ་རང་ཚོ་ལ་དེ་རྟགས་རྨིས་ལྟས་དང་། །བཅས་ཏེ་ནད་གདོན་ཞི་བ་འགའ་བྱུང་སྣང་། །ཆར་རྫས་བཀྲམ་ཞིང་བཀའ་སྒོ་དམིགས་པ་ལ། །བརྟེན་ནས་ཆར་པ་ཁུག་…