༄༅། །ན་མོ་གུ་རུ་ལོ་ཀི་ཤྭ་ར་དྷེ་ཝ་བཛྲ་སཏྭ་སརྦ་ཤན་ཏི་ཀྲོ་ཏ་སིདྡྷི་ཧཱུཾ། འགྲོ་དྲུག་འདྲེན་མཛད་བླ་མ་སྤྱན་རས་གཟིགས། །སྡིག་སྒྲིབ་སྦྱོང་མཛད་རྡོར་སེམས་རིགས་བརྒྱའི་ལྷ། །དེ་ཡི་ཕྲིན་ལས་ཐུགས་རྗེའི་ཉི་འོད་ནི། །གདུལ་བྱའི་ཞིང་དུ་འདྲེན་མཛད་ཤིང་རྟ་ཆེ། །རིག་འཛིན་དབང་དྲག་རྒྱ་མཚོ་དེ་ལ་འདུད། །དེ་ཡི་སྤྲུལ་སྐུ་མི་འགྱུར་རྡོ…

༄༅། །མི་རྟ་བཞི་བཅུ་ཙམ་ལ་ཐེ་བ་དང་། །རི་དྭགས་གཅན་གཟན་སྟོང་ལ་ཉེ་བསད་པའི། །དེ་ཡིས་བང་རུམ་ཟས་གོས་གཅིག་གྱུར་པས། །སྐུ་གྲིབ་ཕོག་པས་གསུང་རྒྱུ་མ་བྱུང་བ། །དགུང་ལོ་བཅུ་གཅིག་ལོ་མཇུག་བདག་དང་མཇལ། །ངོས་འཛིན་ཁྲི་འདོན་བྱས་ནས་དབང་ལུང་ཕུལ། །མཚམས་བསྡམས་བསྙེན་སྒྲུབ་མཛད་པས་སྐུ་གྲིབ་སངས། །དབང་དྲག་རྒྱ་མཚོ་ལ་སོགས་རྣམ་ཐར་དང་།…

བརྗེད་ཐོ་ནི། །དོམ་ཡིག་ལྟ་བུར་བྲིས་ནས་བཞག་པ་དེ། །འདི་རུ་གོ་རིམ་ས་བཅད་དང་བཅས་པ། །ཚིགས་སུ་བཅད་དེ་བཀོད་པར་བྱ་བ་ལ། །སྤྱི་དང་བྱེ་བྲག་རྣམ་པ་གཉིས་ཡིན་ཏེ། །དང་པོ་སྤྱི་ཡི་རྣམ་བཞག་བཤད་པ་ནི། །ངེས་པའི་དོན་ལ་དམྱལ་བ་བར་དོ་སོགས། །དངོས་སུ་གྲུབ་པར་ཡོད་པ་མ་ཡིན་ཏེ། །སྡིག་པའི་ལས་ཀྱི་རང་རང་འཁྲུལ་སྣང་ཡིན། །དེ་ལྟར་མིན་ན་གཤ…

ཡིན་པར་གསུངས་ན་ཡང་། །དམ་པའི་དོན་དེ་མངོན་སུམ་མ་རྟོགས་ཚེ། །གོ་བ་ཙམ་ཞིག་ཡོད་ཀྱང་ཕན་པ་མེད། །དམ་པའི་དོན་དེ་སར་གནས་སེམས་དཔས་རྟོགས། །འཁོར་བའི་སྡུག་བསྔལ་སྣང་ཡང་རང་བཞིན་མེད། །རྨི་ལམ་སྒྱུ་མ་ཙམ་དུ་གཟིགས་པའི་ཕྱིར། །སྐྱེ་རྒ་ན་འཆི་འདི་ལ་མི་སྐྲག་ཕྱིར། །དེ་ལྟར་མ་གཏོགས་འགྲོ་ལ་ཕན་པའི་ཕྱིར། །དག་པའི་ཞིང་ཁམས་རྣམས་སུ་མི་…

ཕྱིར། །སྙིགས་དུས་སངས་རྒྱས་བྱང་སེམས་གཞན་མི་འབྱོན། །རིགས་གསུམ་མགོན་པོ་ལ་སོགས་སེམས་དཔའ་རྣམས། །སྡུག་བསྔལ་དེ་ཉིད་བཟོད་པར་བཞེས་ནས་ཀྱང་། །འགྲོ་ལ་ལྷག་པར་ཐུགས་ནི་བརྩེ་དྲག་པས། །བསམ་བཞིན་སྙིགས་དུས་སྐྱེ་བ་ལེན་པ་སྟེ། །དཔེར་ན་ཚེ་ལོ་བརྒྱ་པ་སྙིགས་མའི་དུས། །སངས་རྒྱས་སྟོང་གིས་མ་བཞེད་བསྒྱུར་བ་དེ། །ཤཱཀ་ཐུབ་སྙིང་རྗེ་ཆེ་…

དང་རི་བོང་དང་། །ཤིང་རྟ་མོ་དང་ཀླུ་ལ་སོགས་པ་ཡི། །མ་དག་སྐྱེ་བ་མང་དུ་བཞེས་པ་ཡང་། །གཞན་དང་མི་འདྲ་གཞན་ཕན་ཅུང་རེ་ཡོད། །མདོར་ན་སེམས་ཅན་གཅིག་ལ་ཕན་ཐོགས་ན། །བསྐལ་པར་མནར་མེད་བཞུགས་ལ་འཚེར་བ་མེད། །དེ་དག་སེམས་དཔའ་ཆེན་པོའི་རྣམ་ཐར་ཡིན། །ས་ཐོབ་བྱང་ཆུབ་སེམས་དཔའ་ཆེན་པོ་ཡི། །ངན་སོང་ལྟུང་བའི་རྒྱུ་བསགས་མི་སྲིད་དེ། །གལ་ཏེ་…

ཏིའི་སྐྱེ་བའི་མཐའ། །ཀུ་སུ་ལུ་པ་ཉག་ཕྲུག་ཨ་སྲུང་དང་། །ཤཱཀྱ་ལྷ་དབང་སྟག་བཟའ་རིན་ཆེན་མཚོ། །སེང་གདོང་སྤྲུལ་པ་ཌཱཀི་ཨ་ཁུན་མ། །བསོད་ནམས་དཔལ་འདྲེན་དཔའ་བོ་རིན་ཆེན་དཔལ། །དེ་སོགས་སེམས་དཔའ་སེམས་མའི་སྤྲུལ་པ་རྣམས། །རྒྱུ་འབྲས་ཆོས་སྟོན་འགྲོ་ལ་ཕན་པའི་ཕྱིར། །ཚད་ལྡན་འདས་ལོག་པ་ཡང་མང་དུ་བྱོན། །རང་བྱུང་རྡོ་རྗེ་ལ་སོགས་སྐྱེས…

གདོན་གྱིས་བསླུ་བར་གསུངས། །འོན་ཀྱང་ཚད་ལྡན་རྣམས་ལ་དེ་འདྲ་བ། །བྱུང་བ་དེ་ཡང་བསླུ་བ་མ་ཡིན་ཏེ། །མོའུ་འགལ་མདོ་བསྡུས་པའི་ནང་ནས་ནི། མ་རྫོགས་གློ་བུར་ཤི་བ་རྣམས། །གཤིན་རྗེའི་རྒྱལ་པོའི་དྲུང་དུ་འགྲོ་ས་མེད། །བར་དོར་བསྒུག་ནས་འདུག་པ་དེ་རྣམས་ཀྱང་། །ཆ་ཕྲིན་བསྐུར་ཚུལ་ཡོད་པ་ཡིན་པས་སོ། །དེ་ཕྱིར་ཆ་ཕྲིན་ལ་སོགས་བསྐུར་ས་དང་།…

ཚིག་སྨྲས་པ། །བུ་སོགས་ཉེ་དུས་དངོས་སུ་ཐོས་པའོ། །རྩ་རླུང་བསྒོམ་པའི་གང་ཟག་ལ་ལ་ཡི། །དམྱལ་བའི་རྩ་མདུད་གྲོལ་ཞིང་ཞིག་པའི་ཚེ། །དངོས་ཉམས་རྨི་ལམ་དམྱལ་བའི་སྣང་བ་འཆར། །དེ་དུས་ཚེ་འདས་འདྲེན་དང་ཆ་ཕྲིན་སོགས། །ཕྱི་ནང་རྟེན་འབྲེལ་གཅིག་པས་དོན་དང་ལྡན། །རྩེ་གཅིག་སྒྲུབ་ལ་བརྩོན་པའི་གང་ཟག་ལ། །དངོས་ཉམས་རྨི་ལམ་དམྱལ་བའི་སྣང་བ་འ…

ན། །ཕལ་ཆེར་རྫུན་ཡིན་གལ་ཏེ་རྫུན་མིན་ཀྱང་། །ཟ་འདྲེའི་བསླུ་བ་ཡིན་གྱི་ཚེ་འདས་མིན། །སྔར་དུས་ལྷ་སྡིས་ཞེས་བྱའི་ཤི་ལོག་པས། །བཀྲ་ཤིས་སྟོབས་རྒྱལ་དམྱལ་བར་གདའ་ཚུལ་སོགས། །རྫུན་མང་བཤད་ཅིང་ཟང་ཟིང་མང་དུ་བསྡུས། །ཁོང་རང་ཚུལ་ཁྲིམས་འཆལ་སོགས་མི་དགེ་སྤྱོད། །དེ་ཡི་ཀརྨ་བསྟན་འཕེལ་མཇལ་སོང་ཛ། །ངས་ནི་དམྱལ་བ་མཐོང་ནི་མ་མྱོང་སྟེ།…

སྟོན་པ། །བཀྲ་ཤིས་སྟོབས་རྒྱལ་ལ་ནི་སྐུར་པ་བཏབ། །སྦྱིན་བདག་མང་པོ་དད་པ་ལོག་བཅུག་གོ །དེ་ལྟར་བར་དོར་དམྱལ་བ་ལ་སོགས་པ། །མཐོང་ཚུལ་བཤད་པའི་འདས་ལོག་པ་རྣམས་ལ། །བཟང་ངན་བདེན་འཛིན་འབྱེད་དཀའ་གྲངས་མང་ཕྱིར། །འདས་ལོག་རིགས་ལ་མཁས་དང་ཡོན་ཏན་ཅན། །ཀུན་གྱི་མི་གུས་པ་ཡང་དེ་ལྟར་ལགས། །སྤྱིར་འདི་འདྲ་ལ་རྣམ་གྲངས་མང་ཚུལ་རྒྱས་པར་བཤད…

མ་ཡིན་ཏེ། །ཤུད་བུ་དཔལ་སེང་ཆུ་བོ་གྱེན་བཟློག་ཡིན། །ཞེས་གསུངས་སྐྱེས་རབས་བདུན་ཙམ་གསུངས་མཛད་ནས། །མང་དུ་དྲན་ཏེ་དེ་བས་མི་སྨྲ་གསུངས། །དེ་བཞིན་སྤྱི་བོའི་རག་ཤི་གཏེར་སྟོན་དང་། །ཀོང་པོའི་ལྕགས་སྡེ་གྲུབ་ཐོབ་གཏེར་ཡིག་ལས། །དབང་དྲག་རྒྱ་མཚོར་བསྟོད་བསྔགས་ཆེན་པོ་དང་། །དེ་ཡི་སྐུ་གདུང་གླང་ཐང་སྒྲོལ་མ་རུ། །བཞུགས་ན་ཁམས་ཕྱོག…

དབྱངས་བླ་མ་ཆོས་ཀྱི་སྣང་བ་ཅན། །རྒྱལ་བ་གཉིས་པ་དེ་ཡི་གསུང་ལས་ཀྱང་། །བླ་མ་བཟང་བའི་མཚན་ཉིད་གང་ཞེ་ན། །སློབ་མ་བཟང་ལ་མང་བ་བྱུང་ན་ཡིན། །གསུངས་པ་བཞིན་དུ་དབང་དྲག་རྒྱ་མཚོ་ཡི། །སློབ་མ་མཁས་གྲུབ་ལྡན་པ་དཔག་མེད་དེ། །ཆོས་ཉིད་རྒྱ་མཚོ་ཆོས་སྐྱོང་རྒྱ་མཚོ་དང་། །ཡོན་ཏན་རྒྱ་མཚོ་ཚེ་མཚམས་སྤྲུལ་པའི་སྐུ། །པདྨ་བློ་གྲོས་སྡེ་དགེ་ག…

དུ་འབབ་པ་གསོལ་དཔོན་མཐོང་། །རིལ་བུ་བཀྱེ་དུས་ང་ཡི་རིལ་བུ་འདིར། །དབང་དྲག་རྒྱ་མཚོའི་སྐུ་ཤ་འདྲེས་པའི་ཕྱིར། །གཞན་ལས་བྱིན་རླབས་ཆེ་ཞེས་དྲུང་པས་གསུངས། །དེ་ཡི་རིལ་བུ་འགའ་ཞིག་སྒོ་ང་ལྟར། །ཕྱི་པགས་གཅིག་ལ་ནང་དུ་རིལ་བུ་ནི། །ཏིལ་འབྲུ་ཙམ་ལ་མང་དུ་འཕེལ་བའང་བྱུང་། །དེ་དུས་རིལ་བུ་སྒྲུབ་དུས་ཐག་རིང་དུ། །འཕུར་ནས་ཚན་ཆེན་བསྡ…

འདུས་རྒྱུད་ལས། །དེ་ནས་སྐྱེ་བདུན་ཤ་སྒྲུབ་བཤད། །དེ་ཉིད་རྟག་སྒྲུབ་འགྲོ་དོན་བྱེད། །བརྟག་པ་སྐྱེ་བདུན་གང་ཡིན་དེས། །མི་ཡི་སྐྱེ་བ་བདུན་པོ་དྲན། །དེ་ཡང་ཆོས་ལྡན་སྐྱེ་བདུན་པའི། །རོ་བླངས་ཤ་རྣམས་ལེགས་སྐམ་སྟེ། །ཞེས་དང་། གྲུབ་ཐོབ་ཤ་ཆེན་རྟག་ཏུ་ངུ་། །སྨན་དང་འབྲས་ཕྱེ་ཕུལ་གང་བསྲེ། །ཞེས་གསུངས་དེ་བཞིན་ཐུགས་རྗེ་ཆེན་པོ་ནི༔…

སྦྱར། །ཅེས་པ་ནས། རིལ་བུ་སྲན་ཚད་གྲངས་མེད་སྦྱར། །ཞེས་སོགས་རྒྱས་པར་གསུངས་ནས། །རིལ་བུ་སུ་ཡིས་ལྟོར་སོང་བ། །ཚེ་རབས་གང་དང་གར་སྐྱེས་ཀྱང་། །སྤྱན་རིས་གཟིགས་དང་འབྲལ་མི་སྲིད། །བདག་བས་གཞན་གཅེས་འགྲོ་དོན་སྤྱོད། །ཡིག་བདུན་བཟླས་ཤིང་དམ་ཚིག་སྲུང་། །ཐམས་ཅད་འཁོར་བ་དོང་སྤྲུགས་འགྱུར། །ཅེས་དང་ཡང་སྙིང་འདུས་རྒྱུད་ལས། །རིལ་བུ…

མིན་ན་མཁས་གྲུབ་ཚད་ལྡན་དེ་རྣམས་ཀྱི། །སྐུ་ཤ་བུམ་སྒྲུབ་རུ་རྩི་ག་ལ་བྱེད། །གལ་ཏེ་བྱས་ཀྱང་འཕུར་སྔ་འཕེལ་བ་སོགས། །མི་འབྱུང་བ་སྟེ་བྱིན་རླབས་རྟེན་ཕལ་པ། །འདྲེས་ན་འགྲུབ་རྟགས་མི་གསལ་གསུངས་ཕྱིར་རོ། །འདས་ཁ་ང་ཡི་གདུང་འདི་མ་བཞུ་བར། །འབུ་ལ་ཟ་ཆུག་འབུ་ནི་ཁྲི་ཕྲག་འོང་། །སྐྱེ་བ་རྒྱབ་ལ་མི་འགྱུར་རྡོ་རྗེའི་དུས། །འབུ་ཀུན་མི་…

བཅུ་པ་ལ་འཁྲུལ་སྣང་འཇིགས་སྐྲག་བྲལ། །དེས་ན་འོག་ཏུ་འཆད་པའི་དགོངས་པ་རྣམས། །གོ་བར་མཛོད་ལ་བཀའ་ལྟར་ཡིད་ཆེས་བྱོས། །འདི་ཉིད་འཁྲུལ་པ་མེད་ཚུལ་བཤད་པའི་ལེའུ་སྟེ་གཉིས་པའོ།། །།དེ་ནས་འཁྲུལ་ཞིག་དབང་དྲག་རྒྱ་མཚོ་དེ། །སྒྲུབ་གནས་སྐུ་བླ་ཕུག་ཅེས་བྱ་བ་དེར། །ཚེ་དང་སྒྲུབ་པ་མཉམ་པར་མཛད་པ་སྟེ། །སྙིང་ནས་སྒྲུབ་པའི་དམ་བཅའ་ཕུལ་ན་ནི…

གཟུགས། །རྔམས་བྱེད་ཆུ་སྲིན་མགོ་ཅན་གསུམ་བྱུང་ནས། །གྲྭ་པ་དེ་རྣམས་རིམ་བཞིན་ཁྲིད་སོང་གཟིགས། །ཀྱེ་མ་ཀྱི་ཧུད་འདུས་བྱས་མི་རྟག་པ། །སྐྱེས་པ་ཙམ་ནས་འཆི་བའི་ཆོས་ཉིད་ཅན། །ཞག་རེ་སོང་བཞིན་འཆི་ལ་ཐག་ཉེ་བ། །དཔེར་ན་གསོད་སར་ཁྲིད་པའི་བཙོན་དང་འདྲ། །འཆི་བདག་གཤིན་རྗེ་ནམ་འོང་ཆ་མ་མཆིས། །བྱུང་ན་སུས་ཀྱང་བཟློག་པའི་ཐབས་མེད་དེ། །ཞ…

འབྱུང་། །དེ་དུས་སྐྱབས་དང་བསྐྱེལ་མ་ལམ་གྱི་རྒྱགས། །དམ་པའི་ཆོས་ཤིག་མ་གཏོགས་མི་གདའ་ན། །འདི་འདྲ་ཐོས་ཤིང་དྲན་པའི་ཕྱི་རབས་རྣམས། །དེ་དུས་མཁོ་བའི་གྲབས་ཤོམ་མ་གཡེལ་གཅིག །ལ་ལ་ན་སོ་གཞོན་ཀྱང་ངེས་པ་མེད། །མངལ་དུ་འཆི་དང་བཙས་མ་ཐག་འཆི་དང་། །དར་ལ་བབ་དང་རྒས་གཞོན་ངེས་པ་མེད། །དཔེར་ན་ཀཿཐོག་བླ་མ་གཞོན་ནུ་གཉིས། །རྗེ་ལས་ཁྲི་མཐ…