གཏོར་བཟློག་གི་ཚེ་ཟངས་གྲི་ཅན་གྱི་གཏོར་མ་སྒོ་ཕྱོགས་སུ་འཆུས་ཤིང་ཡུངས་ཀར་གང་བཟང་རྣམས་རང་བཞིན་གྱི་སིལ་སྒྲ་ཆད་མེད་སྒྲོགས། གཏོར་མ་འཕེན་སར་གཏོར་མ་ལས་མེ་ལྷབ་ཀྱི་འབར་ཏེ་རྩེ་མོ་ནས་བཙོ་བྱད་ཤར་ཕྱོགས་སུ་རྒྱུགས་པ་སོགས་རྡོ་རྗེ་ཆོས་སྐྱོང་རྣམས་བྲན་དུ་བཀོལ་བའི་མཐུ་སྟོབས་རྫུ་འཕྲུལ་བསམ་གྱིས་མི་ཁྱབ་ཅིང་དེ་ལོ་ལྷོ་བྱང་ཀུན་…

སྦྱིན་བདག་ཞུས་ཏེ་རྗེ་ཉིད་ཕེབས་རྒྱུའི་སྔ་ནུབ་ལྷ་འདྲེའི་དམག་སྒར་རྣམས་འུར་བའི་ཆུ་བྱང་ཁར་སོང་བ་ལེགས་བཤད་གླིང་པའི་གྲ་པ་དགེ་སློང་རྗེ་བཙུན་ཟེར་བའི་མིག་མཐོང་ཤིན་ཏུ་གསལ་བས་ངེས་ཤེས་འདྲོངས་པའི་ཡ་མཚན་དུ་བྱེད་པ་བཅོམ་ལྡན་འདས་ཧེ་བཛྲ་གྱི་རྣམ་པར་རོལ་པའི་གཟི་བྱིན་མ་བཟོད་པར་སྣང་། དེའང་གཏེར་ཁ་མང་པོར་གནས་ཆེན་རྣམས་ལ་རབ་ག…

དཀའ་བ་དང་རྗེ་ཉིད་ཀྱི་དགོངས་པ་ནི། ཐམས་ཅད་མཁྱེན་པའི་གསུང་མགུར་དུ། སྡུག་མི་འདོད་ཅི་དང་ཅི་བྱུང་ཡང་། །དེ་བྱུར་ངན་རང་གི་ཉེས་པ་ཡིན། །མི་གཞན་ལ་སྡུག་ཡུས་མི་འཚོང་བ། །ང་ཅི་ནུས་ཀུན་གྱི་སྡུག་བསྔལ་འཁུར། །སྐྱིད་བདེ་བ་ཅི་དང་ཅི་བྱུང་ཡང་། །རྗེ་མཉམ་མེད་བླ་མའི་བཀའ་དྲིན་བསམ། །བདག་རང་གི་བསོད་ནམས་མི་བགྱིད་པར། །ད་འགྲོ་དྲུག…

པོ་དང་རྒྱུན་བཟླས་མི་ཐེ་བའི་སྔ་ཕྱིར་མང་ཙམ་མཛད་པའི་བསྙེལ་ཐོའི་སྙིང་པོ་བསྡུས་པ་འདི་ལྟ་སྟེ། སྐྱབས་འགྲོ་བཞི་ཁྲི་བཞི་སྟོང་བཞི་བརྒྱ། སེམས་བསྐྱེད་སུམ་བརྒྱ། ཡིག་བརྒྱ་ཉིས་འབུམ་ཆིག་ཁྲི་དགུ་སྟོང་བརྒྱད་བརྒྱ། བཛྲ་སཏྭ་དྲུག་འབུམ་ཆིག་ཁྲི་མཎྜལ་ཉིས་སྟོང་ཉིས་བརྒྱ། བཛྲ་གུ་རུ་ས་ཡ་གཉིས་དགུ་ཁྲི་བདུན་སྟོང་། ཚིག་བདུན་མ་བཞི་ཁ…

སྒྲུབ་མཆོད་ཁ་ཐོར་ལྗགས་ཐོག་ནས་སོང་བ་ལ། ཀྱེ་རྡོར་བདུན་ཅུ་དོན་བཞི། བདག་མེད་མ་ལྔ། བདེ་མཆོག་ཉི་ཤུ་རྩ་དགུ །དུས་འཁོར་བཅོ་བརྒྱད། འཇིགས་བྱེད་ཉིས་བརྒྱ་དང་ལྔ། གཤེད་དམར་གཉིས། གསང་འདུས་བདུན་ཅུ་དོན་དགུ །མ་ཧཱ་མཱ་ཡ་གཉིས། མཁའ་འགྲོ་རྒྱ་མཚོ་བཅུ་བཞི། སངས་རྒྱས་མཉམ་སྦྱོར་ལྔ། སཾ་བུ་ཊི་ལྔ། ནཱ་རོ་མཁའ་སྤྱོད་བདུན། ཨིནྡྲ་མཁའ་ས…

སྲས་ཕུ་ཆུང་པ། །བདག་གཞན་མཉམ་པར་བརྗེ་ནུས་འཆད་ཀ་བ། །རབ་འཁུ་དམ་ཆོས་འཚོལ་ལ་བག་སྟོན་རྗེ། །རྩེ་གཅིག་སྒྲུབ་ལ་གཞོལ་བ་བྲག་ཕུག་པ། །ཧཱུྃ་འོད་ཉང་བན་ཐུགས་ལས་ཉེར་འཕྲོས་པས། །ཧཱུྃ་སྒྲའི་ང་རོ་ཆེར་སྒྲོག་གཏེར་སྟོན་གྱིས། །ཧཱུྃ་ནག་ཆོས་ཀྱི་བདག་པོར་བཀའ་བབས་ཞེས། །ཧཱུྃ་མཚན་ཐུགས་དགྱེས་ངང་ནས་ལྗགས་རིང་བརྐྱང་། །ཡོམ་ཡོམ་གླིང་དགུའ…

འཕྲལ་དུ་ཆིབས་ཁ་བསྒྱུར་ཏེ་བཀྲ་ཤིས་རྩེ་ཆོས་སྡེར་ཕེབས། སེར་ཚོགས་ཀྱི་གྲལ་དབུ་གནང་ནས་དགེ་སྒྲུབ་ཀྱི་དངོས་པོ་ཐམས་ཅད་དོན་ལྡན་སྙིང་པོར་སྨིན་པའི་འབྲས་བུ་སྦྱིན་བདག་འཁོར་བཅས་གནས་སྐབས་ལྷ་མི་དང་རིང་མིན་འཁོར་བ་མཐའ་ཅན་དུ་མཛད་པའི་རེ་བ་ཡོངས་སུ་བཀང་། རྟ་ལུག་ཚོར་མཆོད་ཡོན་དུ་ཞུ་འབུལ་མ་གནང་བའང་གནས་སྐབས་སུ་ཐུགས་སུ་མ་ཆུན་པ…

ཀྱི་སྲོལ་འཆད་ཉན་རྩི་སྨན་ལྗོན་པས་འཐུད་པའི་སྙིང་སྟོབས་ཀྱིས་ཁུར་ཕྲག་པར་བཞེས་པའི་རྒྱུད་འབུམ་དང་འདུལ་ལུང་གཉིས་ངོར་དང་གོང་དཀར་དུ་གསན་ཟིན་ཀྱང་། ཤེར་ཕྱོགས་དང་མདོ་མང་གཉིས་ཕྱོགས་ཀུན་ཏུ་འཚོལ་བ་གནང་བར། འཐོར་ཀློག་ལྕགས་རི་མ། དབའ་བཤུར་མ། ཐོག་མཐའ་བར་གསུམ་སོགས་ཉན་བཤད་ཀྱི་གཟུགས་བརྙན་ཙམ་ལས་མཚན་ཉིད་དང་ལྡན་པ་མ་བྱུང་བ་སྡ…

གྲོལ་འཕྲལ་ཕེབས་ལམ་དུ་བཤད་དྲགས་པས་སྐྱ་བབས་ཀྱི་སྐུ་མ་བདེ་བ་ལ་རོང་ནས་དྲུང་འཚོ་དབོན་པོ་གདན་དྲངས་པའི་སྐུའི་འཕྲོད་བསྟེན་དང་མཆོད་ཡོན་གྱི་དགོངས་བབས་ཐུགས་ལྷུས་མ་ཐིངས་པའི་མངོན་ཆུང་ལྟ་བུར་བཞུགས་གཤིས་མེ་ཕག་གི་དབྱར་བར་གནས་ཚུལ་ཞིབ་པ་མ་ཐོས་ཤིང་སྟོན་མཇུག་ཉེ་ལེན་གྱི་ཡི་གེ་ཕུལ་བར་ལན་ཚིགས་བཅད་མ་ཞིག་བྱུང་བས། འདི་ག་ནས་བ…

དགའ་ལྷུན་གྲུབ་གསུམ་སྡེ་པ་དགའ་ལྡན་པའི་བླ་མར་གྱུར་པ་སོགས་འཕྲིན་ལས་ཆེས་པ་ལ་སྐྱིད་ཤོད་ཕྱོགས་སུ་ངན་དོགས་ཀྱི་དབང་སྡུད་ཡོད་ཟེར་བའི་སྒྲོ་སྐུར་ཐུགས་ལ་མངའ་བ་དང་། ཕག་མོ་གྲུ་པ་དང་ཤེན་རྡོར་སེང་གཉིས་ཀྱི་ལོ་རྒྱུས་ལྗགས་ལུང་གི་དུས་གསན་པས་ཀྱང་རྐྱེན་བྱས་རྗེ་འདིའི་མཆོད་གྲལ་དུ་འཕེལ་གདུང་བཞུགས་པའི་བ་སོའི་ཟེའུ་ཞིག་ཡོད་འདུ…

ཆ་མཐའ་དག་གཞུང་ནས་བསྐྲུན། ཟུར་ཐམས་ཅད་མཁྱེན་པ་ལ་ཨིནྡྲ་མཁའ་སྤྱོད་མཻ་ཏྲི་མཁའ་སྤྱོད་ཀྱི་བྱིན་རླབས། གུར་མགོན་ལྷ་བརྒྱད། བཅུ་གཉིས་མ། ལྔ་མ། བཅུ་བདུན་མ་དང་བཞིའི་དབང་། མགོན་པོ་ལྷ་གསུམ། བརྒྱད་མ། བཅུ་གཉིས་མ་དང་གསུམ་གྱི་ཐུན་མོང་བ། མགོན་པོ་ཁྲོ་བཅུ་རྣམས་ཀྱི་རྗེས་གནང་། ཕྱི་འཁྲིད་རྡོ་རྗེ་བྲག་རྫོང་ལ་ཕྱི་ནང་གསང་གསུམ་གྱ…

ལུང་ཡོངས་རྫོགས། མངའ་རིས་སྐུ་མཆེད་ཀྱི་བླ་མ་བཀའ་བརྒྱུད་ཡོངས་འདུས་ཀྱི་རྩ་དབང་དང་སྒོས་དབང་ཐོར་བུ་དེ་དག་དང་འབྲེལ་བའི་ཆོས་སྐོར། ལེགས་ལྡན་རྗེའི་དྲག་པོ་དབུ་དགུའི་ཆོས་སྐོར། ཉང་གི་དྲག་དམར་དབང་ཆོག་རྡོ་རྗེ་སྤྱི་བླུགས་ཀྱི་དབང་རྫོགས་པ། དུམ་པ་བརྒྱའི་འཆར་ཀ་སྒྲོམ་བུ་མ་དང་བཀའ་མ་སྤྲིན་ཤུགས་མ་ཉིས་འདུས་གཤིན་རྗེ་འཇོམས་བྱ…

དབུས་ན་མཁྱེན་བརྩེའི་དབང་ཕྱུག་སྐྱིད་དོ། །ཞེས་པའི་དོན་འདི་ཉིད་ཀྱི་རྣམ་ཐར་དུ་སོང་ངོ་། །གུང་ཐང་པ་རྣམས་གཙོ་བོར་གྱུར་པའི་ཁྲོམ་ལ་གྲུབ་རྒྱལ་ལུགས་ཀྱི་ཚེ་དབང་དང་། མ་ཎི་བ་རྣམས་ལ་ཐུགས་རྗེ་ཆེན་པོ་གཙོ་འཁོར་གསུམ་པའི་རྗེས་གནང་སྩལ། བར་དེར་མོང་བཟའ་ཁྲི་བཙུན་གྱིས་བཏབ་ཅིང་སློབ་དཔོན་ཆེན་པོ་པདྨ་སཾ་བྷ་ཝ་དང་མཉམ་མེད་ཇོ་བོ་ཆེ…

གྱི་སྲོག་དབང་ལུང་བཅས། གྲྭ་པའི་ཞང་བློན་ལས་ཚོགས་ཀྱི་ལུང་། ལས་འབྲེལ་རྩལ་གྱི་བདུད་མགོན་གྱི་བཀའ་གཏད་དྲེགས་དབང་ལུང་བཅས། འབྲོ་ལོའི་ཁམས་གསུམ་འཁྲུག་བྱེད་རླུང་ནག་གི་སྐོར། བྲམ་ཟེ་སྡོམ་བཟང་གི་རླུང་འཁོར་བླ་མ་ཞང་གི་བཀའ་འབུམ་པོད་བཞི་བཀའ་རྒྱ་མ་དང་བཅས་པ། སྣར་ཐང་བརྒྱ་རྩའི་རྗེས་གནང་ལུང་བཅས་སོགས་ཆོས་བཀའ་མཐའ་ཀླས་པ་གསན། …

རྒྱས་དང་བཅས་ཡར་ལམ་ཟུར་ཀུན་མཁྱེན་བླ་མ་དང་ཞལ་རྒྱས་ངོས་རྒོད་དཀར་ལ་བརྒྱུད་དཔལ་ཟན་གཡང་ལྷུན་གྱིས་གྲུབ་པའི་གཙུག་ལག་ཁང་ཆེན་པོར་ཕེབས་ཏེ་དབུ་རྩེ་རིགས་གསུམ་ཡཀྴ་བླ་འོག །གླིང་བཞི། གླིང་ཕྲན། ཇོ་མོའི་གླིང་གསུམ་དང་བཅས་པའི་རྟེན་བརྟེན་པ་རྣམས་ལ་དཀར་མེ་སྙན་ཤལ་སོགས་ཀྱི་ཚོགས་གསོག །བཤད་སྒྲུབ་ཀྱི་རིང་ལུགས། སྐྱེ་རྒུའི་ལེགས་…

གྲགས་སྙན་ཕྱོགས་བྲལ་གྱི་རྣ་བའི་རྒྱན་དུ་ཇེ་ཆེར་འཕེལ་བའི་བརྡར་མངོན། སྔོན་དགེ་སློང་ནག་པོ་སོགས་ཀྱི་སྐྱེ་རྒྱུས་བྷ་ཏ་ཧོར་གྱི་སྒོམ་གྲྭ་ནས་བྱོན་ཏེ་གུ་རུ་པདྨས་གཙུག་ལག་ཁང་གི་སྲུང་མར་བསྐོས་པ་ནས་ད་བར་མ་ཉམས་པར་མཛད་ལུགས་ཀྱི་རྒྱུ་མཚན་རྒྱས་པར་གསུངས་པའི་ཚེ་རྗེ་ཉིད་ཀྱིས་ཤིན་ཏུ་ལེགས་ཚུལ་དང་དགེ་རྒྱས་འདི་བྱེ་མའི་གནོད་པས་…

བར་སེམས་ཤིང་སླར་སྐུ་རིམ་སོགས་བླང་དོར་གྱི་ལུང་བསྟན་ཞིབ་ཏུ་མཛད། རྡོ་སྐྱགས་མགོའི་བར་ཕེབས་སྐྱེལ་ཞུས་ཤིང་མཆོད་རྟེན་དམར་པོ་བའི་བཙུན་པས་སྟག་ལུང་ཞབས་དྲུང་ཕེབས་པ་ལས་འཚུབ་པ་དང་ད་རེས་ལས་འཇམ་པ་མ་དྲན་ཟེར་བ་ནི། རྗེ་མཁྱེན་བརྩེའི་གསུང་མགུར་ལས། ཕྱི་རོལ་གྱི་དྲེགས་པ་རྒྱུད་གསུམ་པོ། །རང་སེམས་ཀྱི་རྩལ་དུ་རང་ངོ་འཕྲོད། །ཡིན…

མཁྱེན་ཆེན་པོས་ཡར་ཀླུངས་སུ་ཕེབས་པར་མགོན་པོ་ལྷ་བརྒྱད་དང་བཅུ་གཉིས་མ་ཐུན་མོང་མ་ཡིན་པ། དུད་སོལ་མའི་རྗེས་གནང་ནན་ཆགས་མ། པུ་ཏྲ། བེར་ནག་ཟངས་གྲི་ཅན་ཕྱི་ནང་། བྲན་བདུད་ཐུན་མོང་བ། ལས་སྦྱོར་གྱི་མགོན་པོ་གླང་གདོང་མ། ཕྱག་རྡོར་གོས་སྔོན་ཅན། རྣམ་སྲས་སེར་ཆེན་སྨད་ལུགས། དཀར་བདུད་ལྕམ་བྲལ་རྣམས་ཀྱི་རྗེས་གནང་། ཡང་གསང་ཁྲོས་པའི…

གསུང་ངག་གི་ཁྲིད་དང་དགོངས་ཇ་ཁར་རང་བྱུང་འཕགས་པའི་ལྷ་ཁང་དུ་དབང་རྗེས་གནང་གི་རིགས་རིམ་གྱིས་གནང་བར་གསུང་ངག་རིན་པོ་ཆེ་སློབ་བཤད་ཀྱི་ཉམས་ཁྲིད་སྨིན་རྒྱས། རྒྱུ་དབང་། ལམ་དབང་། བདག་མེད་ལྷ་མོ་བཅོ་ལྔའི་དབང་བྱིན་རླབས་ཀྱི་སྐོར་རགས་རིམ། ནཱ་རོ་མཁའ་སྤྱོད་ཀྱི་བྱིན་རླབས། རྒྱབ་རྟེན་གྱི་ལུང་། རྡོ་རྗེ་ཕྲེང་བ་ཞེ་ལྔ་མ། བདེ་མཆ…

ནཱ་རོ་མཁའ་སྤྱོད་ཀྱི་བྱིན་རླབས་ཀྱི་ཆོ་ག་ཚར་ཆེན་གྱིས་མཛད་པ་དང་རྗེ་ཉིད་ཀྱིས་མཛད་པའི་གུར་མགོན་གྱི་སྐུ་རྟེན་བཞེངས་ཚུལ་རབ་གནས་དང་བཅས་པའི་ལུང་། ཚེ་དཔག་མེད་གྲུབ་རྒྱལ་ལུགས་ཀྱི་ཉམས་འཁྲིད། སྒྲོལ་དཀར་ཡིད་བཞིན་འཁོར་ལོ་འོད་ཟེར་དྲུག་སྦྲགས་ཐུན་མོང་མ་ཡིན་པའི་རྗེས་གནང་རྣམས་ཐུགས་དགྱེས་པ་ཆེན་པོའི་སྒོ་ནས་སྩལ་ཞིང་གསེར་དང…