བཀའ་གདམས་གླེགས་བམ་རིན་པོ་ཆེ་ལས། ང་སྙིང་རྗེ་ཆེ་བས་ཞིང་ཁམས་དག །ང་སྣ་ཚོགས་སྤྲུལ་པ་སྟོན་ན་ཡང་། །རྒྱུད་མ་དག་རྣམས་ལ་ཅི་ཆ་ཡོད། །ང་བུ་མེད་རྣམས་ལ་བུར་སྟོན་ཡང་། །མ་སྙིང་མེད་མ་ལ་ཅི་ཆ་ཡོད། །མི་དབུལ་པོ་དག་ལ་ནོར་སྟོན་ཡང་། ཁོང་མངོན་ཤེས་མེད་ལ་ཅི་ཆ་ཡོད། །ཐང་སྐམ་པོ་དག་ལ་ཆུར་འབྱིན་ཀྱང་། །མི་མངོན་ཤེས་མེད་ལ་ཅི་ཆ་ཡོད། །མ…

མི་ལུས་ཆོས་ལྡན་བར་མ་ཆད་ཀྱི་སྐྱེ་བ་བླངས་པ་ནི་སྲིད་མཐའ་ཙམ། ངན་འགྲོར་སྐྱེས་པའི་རབས་ནི་བརྗོད་ཀྱང་དགོས་རྒྱུ་ཆུང་། བླ་མ་དང་ལྷག་པའི་ལྷས་རྗེས་སུ་བཟུང་སྟེ་འགྲོ་དོན་ནུས་པ་ནི་ཁ་ཡར་བླངས། འོན་ཀྱང་འདི་ནས་འདིར་སྐྱེས་ཞེས་པའི་སྐྱེས་རབས་སྟོན་མཁན་ནི་མ་མཆིས། རང་གིས་ཤེས་པ་ལ་ནི་མཁྱེན་གཉིས་ཀྱི་སྤྱན་མེད་པའི་སྟེང་ཉམས་གྲིབ་ད…

འབུམ་དུ་སྐྱེས་པ་ཞིག་དྲན་ཞིང་ད་ལྟ་སྔ་འགྱུར་གྱི་བསྟན་འཛིན་ཕལ་མོ་ཆེའི་ཐུགས་སྲས་སུ་འགྱུར་བའི་རྒྱུ་མཚན་དེ་ལྟར་ལགས་དེ་ནས་བར་སྐབས་མལ་ཡེར་པ་བའི་གཏོར་གཤོམ་བཙུན་མར་སྐྱེས་པའི་འབགས་པ་ཤོར་བས་སྐྱེ་བ་དེའི་འོག་སྤོས་དང་དབུས་སུ་རིའི་བྱིའུ་ཞིག་ཏུ་སྐྱེས་པ་གསལ་པོར་དྲན་ཀྱང་མ་དག་པའི་སྐྱེ་བ་བརྗོད་ཀྱིས་མ་ལང་། སླར་ཡབ་སྲས་གཉི…

དགོངས་འདུས་ཀྱི་ལུང་བསྟན་བཀའ་རྒྱ་ལས་གསལ་ལོ། །དེ་ནས་གཞན་རིགས་འཛིན་གཏེར་སྟོན་མང་པོའི་ཡོན་བདག་དང་ལས་རྒྱ་དང་། ཆིབས་པ་སོགས་སུ་སྐྱེས་པའི་ཚད་མང་པོ་འདུག་ཀྱང་གང་གསལ་རྣམས་བྲིས་པ་ལགས་པས་རང་བཞིན་གྱི་སྒྲོ་སྐུར་གྱི་གནས་སུ་འགྱུར་བས་གཞན་ལ་མི་སྟོན་པ་མཁྱེན་མཁྱེན། ཞེས་རིགས་འཛིན་གུ་གུ་ཡང་ཝང་གི་རིགས་དབོན་རིག་སྔགས་འཆང་བ་ད…

ཉེ་གནས་ང་ཡིན་ཟེར་བྱུང་སོགས་ཁ་ཡར་གསུངས་པས་ཞང་བློན། ཉེ་གནས་སྒྲོལ་མ་བ་གཙང་དུ་ཕེབས་ཚེ་སྤུན་དུ་ཐུགས་དྲན་གསོས་པའི་ལྷ་རྗེ་ཟུར་བུ་ཆེ་ཤཱཀྱ་འབྱུང་གནས་སུ་འཁྲུངས་པ་ཞལ་གྱིས་འཆེས་ནའང་འདིར་མི་གསལ་ལ་ཟུར་མོ་དགེ་འདུན་འབུམ་ལྔ་རྟིང་གཉིས་ཙམ་བྱུང་འདུག་པས་ཤཱཀྱ་འབྱུང་ཕྱི་མའི་ལྕམ་སྲིང་མ་དེ་ཡིན་པར་མཆིས་སྨན་ལུང་པའི་རིགས་སུ་འཁ…

འགྲིག་པར་སྣང་ངོ་། །འགྲོ་ལ་རྗེས་བརྩེའི་ཤར་རིའི་ཕྲག་པ་ནས། །སྐྱེས་རབས་ཟླ་བའི་འཕྲེང་བ་མཛད་མེད་དུ། །བསྟན་འགྲོའི་ཀུནྡ་བཞད་པའི་གྲངས་འཛིན་ན། །སྨྲ་བོ་ཐོག་མར་སྤྱན་སྔ་མངོན་ཤེས་སྒྲུབས། །འོན་ཏེ་ཞིང་འདིར་ཡེ་ཤེས་སྒྱུ་མའི་གར། །ཆ་ཙམ་སྐལ་ལྡན་གདུལ་བྱའི་ཨཱ་དཪྴར། །རབ་གསལ་ཀེ་ཏ་ཀས་བགྲུངས་དྭངས་མཚོའི་སྤུན། །ཐེ་ཚོམ་རྙོག་མའི་…

དང་། ཤེས་རབ་ཆེ་བས་སློབ་དཔོན་ཀླུ་བྱང་གིས། འོན་ཀྱང་འགོ་སྨོས་པས་གོ་བ་དང་དབང་པོ་རྣོ་ཞིང་གྲིམས་པ་སྟེ། དེས་ན་བྱང་ཆུབ་སེམས་དཔའ་རྣམས་འཛམ་བུའི་གླིང་གི་སྐྱེ་བོའི་གནས་ཀྱི་དབུས་སུ་འཁྲུངས་ཤིང་ཆོས་སྟོན་པར་འགྱུར་རོ། །ཞེས་མཆོག་གི་སྤྲུལ་སྐུའི་ཚུལ་བསྟན་ནས་ཆོས་གསུང་བའི་ས་ཡང་གླིང་འདི་ཉིད་ཡིན་པར་གསུངས་ལ། རི་ཀི་ཨ་ར་ལེའི་…

ཀྱི་བར་ན་མཚོ་མ་དྲོས་པ་ཡན་ལག་བརྒྱད་དང་ལྡན་པ། དེའི་ཕྱོགས་བཞིའམ་བྲག་ནས་ཆུ་བོ་ཆེན་པོ་བཞི་ལ་བདུན་རེ་གཡས་ཕྱོགས་སུ་བསྐོར་ནས་ཕྱོགས་སོ་སོར་འབབ། སྤོས་ངད་ལྡན་གྱི་བྱང་དཔག་ཚད་ཉི་ཤུ་ན་བྲག་གསེར་གྱི་བྱ་སྐྱེབས་ཅན་ལྷ་མ་ཡིན་གྱི་ངོས་ཞེས་བྱ་བ། དེ་ནས་རིམ་གྱིས་དཔག་ཚད་ཉི་ཤུ་ན་ཤིང་སཱ་ལ་རྒྱལ་པོ་རབ་བརྟན། དེའི་ཤར་ཕྱོགས་དཔག་ཚད་…

ཆུབ་སེམས་དཔའ་དང་། འཕགས་མ་སྒྲོལ་མས་བྱིན་གྱིས་བརླབས་པའི་བྲག་སྲིན་མོ་འདུས་པ་ལས་གདོང་དམར་ཤ་ཟན་གྱི་ཕྲུག་གུ་མང་དུ་འཕེལ་ཏེ་བོད་མིའི་རྒྱལ་ཁམས་སུ་གྱུར་པར་འབངས་སྤྱི་ལ་དབང་བའི་རྒྱལ་པོར་འཕགས་པ་རིགས་གསུམ་གྱི་མགོན་པོའི་རྣམ་པར་སྤྲུལ་པ་རིམ་པར་བྱུང་བའི་ཐོག་མར་རྗེ་གཉའ་ཁྲི་བཙན་པོ་བྱོན། དེ་ནས་ལྷ་མོ་དྲི་མ་མེད་པར་ལུང་བསྟ…

སྙོམས་པ་ཆེན་པོ་སོགས་ཚད་ཐུབ་ཀྱི་པཎ་ཆེན་དང་། རིན་བཟང་། འབྲོག་མི་སོགས་འཇིག་རྟེན་གྱི་མིག་གཅིག་པུ་ཆེས་མང་བ་རྗེས་འབྲང་དང་བཅས་པས་མདོ་སྔགས་ཀྱི་བསྟན་པ་ཤིན་ཏུ་དར་བར་མཛད་པས་ན། ཁྲོ་ཕུ་ལོ་ཙཱ་བས་པཎྜི་ཏ་ཛ་ཡ་ཤྲཱི་ཅན་མངགས་ནས་བཻ་ཌཱུཪྻའི་ཚོང་འདུས་སུ་ཁ་ཆེ་པཎ་ཆེན་ལ་ཞུ་འཕྲིན་ཕུལ་བར། མ་ག་དྷ་སོགས་རིགས་འབྱུང་གནས་ཀྱང་སྡིག་ཏོ…

ཅན། མགུལ་ཕྲེང་། རབ་གནོན། ཐག་བཟང་རིས་བཞིས་གཙོ་བོ་བྱས་པའི་ལྷ་མ་ཡིན་གྱི་གཡུལ་བཤམས་པ་ན། བརྒྱ་བྱིན་གྱིས་ལྷ་གྲགས་ལྡན་མཆོག་སྐྱོང་ལ་ཐབས་ཞུས་པས་བདེ་བྱེད་གཞོན་ནུས་འདུལ་བར་ལུང་བསྟན་པ་བཞིན་གསོལ་བ་བཏབ་པས་ཁང་བཟང་གི་རྩིག་པའི་ཟུར་ལས་བབས་ཏེ་ཕྱི་རོལ་ཏུ་བྱོན། ལེགས་ལྡན་ཚོགས་བདག་ནག་པོ་ལ་བཀའ་བསྒོས་པས་ཙན་དན་གྱི་བེང་ཆེན་པོ…

ལ་སྒང་དུ་བྱོན་ནས་སྲས་བསྐྲུན་པར་ཟུར་རྒྱལ་བ་གསུམ་བསྒྲགས་བྱུང་། དེ་སྲས་ཟུར་བཤེས་གཉེན་རྟག་སྤྲ་ཅན། དེ་སྲས་ཟུར་དབང་ཕྱུག་རྒྱལ་བ། དེ་སྲས་ཟུར་རིན་ཆེན་རྒྱ་མཚོ། དེ་སྲས་ཟུར་འཚོ་བཟང་མིག་པོ་ཆེ་ལྔ་པོ་ནི་མདོ་ཁམས་སུ་བྱོན། དེའི་སྲས་ཟུར་ཨཱ་ཙཪྻ་ཆེན་པོ། ཟུར་ཁ་ཅན་ལག་ཅན། ཟུར་བཟང་ཤེས་རབ་འབྱུང་གནས་གསུམ་འཁྲུངས་པའི་ཨཱ་ཙཪྻས་རྒ…

པ་འགའ་སྣང་ཡང་ཁུངས་བཙུན་པ་མདོ་ཁམས་ནས་ལུང་པ་རིལ་པོ་རྗོང་དུ་སོང་བ་གཡང་མོ་བྱ་བར་ཡབ་གོང་དུ་སྨོས་པ་དང་ཡུམ་པདྨ་གསལ་ལེ་གཉིས་ཀྱི་སྲས་སུ་འཁྲུངས་པའི་ཚེ་ཡབ་ཀྱི་མནལ་ལམ་དུ་གསེར་གྱི་འཁོར་ལོ་རྩིབས་སྟོང་ཅན་ཡུམ་གྱི་ཕྱག་ཏུ་བབས་པ་དང་མནལ་སད་ནས། ཉི་མ་ཤར་བ་འགྲིག་པ་སོགས་ཡབ་ཡུམ་གཉིས་ཀ་ལ་ལྟས་ཡ་མཚན་པ་མང་དུ་བྱུང་། སྐུ་བལྟམས་ནས…

པ་ལུང་གི་ཆོས་ཁྲིའི་གཡས་ལོགས་ཀྱི་ཕུག་པར་བཞུགས་ནས་སྒྲུབ་པ་མཛད་པས་ས་ལམ་གྱི་རྟོགས་པ་མཐོན་པོར་སོན། ཨ་རའི་སློབ་མ་དྲུ་བུ་ཀློག་འབྱུང་ལ་སྦན་དུ་རྫོགས་ཆེན་གསན། བྲག་དུམ་ཕུག་པ། སྤང་པོ་ཆེའི་བྲག་སྒོམ་ཆེན། བྲག་དམར་ཆང་ལྡིང་སོགས་དབེན་པ་མང་དུ་བསྟེན་ནས་སྒྲུབ་པ་མཐར་ཕྱིན། སློབ་མ་ལྟ་དགོངས་ཀྱི་རྩེ་མོ་ཟུར་ཆུང་བ། སྒྱུ་འཕྲུལ་…

ཐུག་གནང་བ་ཟུར་ཆུང་པ་མ་གཏོགས་གཞན་གསུམ་གྱིས་ཟར་མ་ཉན་པར་རྟེན་འབྲེལ་འཕྱུགས་ཏེ་ཁོང་གསུམ་གྱི་ཕྱག་རྟེན་མ་བཞེས་པས་བླ་མ་དང་ཆོས་གཞན་ནས་རྙེད་འོང་ཞེས་ཕྱིར་ལྡོག་པའི་གཅིག་འགོས་ཁུག་པ་ལྷས་བཙས་ཡིན་པ་ཁོང་རྒྱ་གར་ནས་ཕྱིར་བྱོན་རྗེས་སྔར་གྱི་དེ་ལ་སྙིང་ནད་བྱས་ནས་གསང་སྔགས་རྙིང་མ་ཆོས་ལོག་ཡིན་ཞེས་དྲིལ་བསྒྲགས་སྐད། ཟུར་ཆུང་པས་བ…

དབེན་དུ་སྒྲུབ་པ་མཛད་པའི་ཚེ་རྣལ་འབྱོར་པ་ཞིག་གཏོར་མ་སློང་བའི་བརྡ་ཐབས་ལ་བརྟེན་བཟང་གོང་ཤེས་རབ་རྒྱལ་པོ་བསམ་ཡས་མཆིམས་ཕུར་རོག་ཤཱཀ་འབྱུང་གི་སང་ཆོས་ཞུ་བར་བཏང་བས་གདམས་པ་ཤིན་ཏུ་མང་བ་གནང་སྟེ་ཚང་བ་བླ་མ་ལ་ཕུལ། ཆོས་ཀྱི་རྗེས་སུ་ཚངས་པ་དུང་ཐོད་ཅན་འབྲངས་པས་ཟུར་པའི་ཕོ་ལྷ་ཆེན་པོར་མངའ་གསོལ། ལྷ་རྗེས་མཆིམས་ཕུའི་ཆོས་ཀྱི་ཁྲོ…

ཤངས་ཀྱི་མདའ་ན་ལུང་པ་ཟླ་གམ་ལྷོ་ནུབ་ཏུ་སྒོ་བསྟན་པ་སོགས་ཚེ་གཅིག་ལ་བྱང་ཆུབ་ཐོབ་པའི་གནས་ཁྱད་པར་ཅན་ཡོད་པ་ཚོལ་ཟེར་བའི་ལུང་བསྟན་ལྟར་དཔོན་སློབ་རྣམས་ཀྱིས་གདོང་པོ་ཐང་ཁ་ནས་ཤངས་ཀྱི་ལུང་པའི་དཔྱད་ལ་གཟིགས་ཏེ་རྒྱུད་ནས་བཤད་པའི་གནས་དེར་ཕེབས་ཞང་མོ་ཡོན་ཏན་རྒྱན་གྱིས་ས་ཕུག་ཕུལ། ཟུར་ཆུང་པ་སོགས་འཁོར་རྣམས་ཀྱང་རང་ཤོང་གི་ཁང་པ་…

དང་མཉམ་པ་མཛད་རྒྱུར་རྡོ་བཟོ་བས་ཅུང་ཟད་བསྐུམས་ཟེར། དབུ་རྩེའི་ཀ་བ་གཅིག་གིས་མ་སྙོབས་དེ་ལྷ་རྗེའི་ཞབས་ཀྱིས་བསྒྲིལ་བས་སྙོབས་པར་གྱུར་ཅིང་ཤིང་འཁྱོག་པོ་རྣམས་མདའ་ལྟར་སྲོང་བ་སོགས་རྫུ་འཕྲུལ་བསྟན་པས་ཤིང་བཟོ་བ་དད་དེ་སྔར་ཤིང་གྲོན་ཆེན་པོ་བཅུག་པའི་འགྱོད་མཚང་ལ་རྩིག་པ་མེད་པའི་ཀ་བཞི་མ་ཕུག་ནས་ཕུལ་བར་མགོན་ཁང་མཛད། ལྷ་ཁང་གྲ…

པས་ཤངས་ཀྱི་སྒྲུབ་ཁང་གདོང་ལ་རྒྱུའི་ཧེ་རུ་ཀཿཞལ་གཅིག་ཕྱག་གཉིས་པ་ཞིག་ཕྲེང་ངེ་འདུག་པ་གཟིགས་ཏེ་བླ་མར་ཞུས་པས་ཁྱོད་ཀྱིས་དཔལ་ཆེན་པོའི་གྲུབ་པ་ཐོབ་པར་འདུག་པས་འུ་ཅག་རྣམས་འདེངས་གསུངས་ནས་ཤངས་ཀྱི་སྒྲུབ་ཁང་གདོང་དུ་ཕེབས། དེར་ལྷ་ཁང་བརྩིག་པར་ཐག་བཅད་ནས་ས་འདུལ་མཛད་པས་བླ་མ་དཔལ་ཆེན་དུ་མཐོང་བ་མང་པོ་བྱུང་། གྲ་པ་ཀུན་གྱིས་རྡོ…

ཕྱག་དྲུག་པ་ཞིག་སྟོན་པར་ཞུས་པས་དེ་འདྲ་མི་དགོས་ཞལ་གཅིག་ཕྱག་གཉིས་པ་ཞིག་བཞེངས་པས་ཡོང་གསུངས་པའི་ལྟེ་བ་མན་ཆད་བླ་མ་དཔལ་ཆེན་གྱི་སྐུར་བཞེངས་པ་ཇི་ལྟ་བ་ལ་སྐུ་སྟོད་ཚུལ་ལྡན་མ་བྱུང་བས། ཁྱེད་ཚོ་ལས་མ་དག་པའི་སྐྱོན་ཡིན་པས་སྐུ་རྒྱུའི་རྫས་རྣམས་སྦྱར་ནས་འདི་གར་ཞོག་ཁྱེད་རང་ཚོ་སྒྲུབ་ཆུ་ལ་ཁྲུས་དང་ལྷ་ཁང་ལ་སྐོར་བ་བདུན་བྱས་ནས་…