གཏེར་སྟོན་ཡབ་སྲས་ཀྱི་ཕྱག་དཔེ་འགངས་ཅན་རྣམས་གོང་པའི་ཕལ་ཆེར་འདམ་སྙིགས་ཆ་ཁང་མ་ཤས་ཆེ་བས་དགོངས་འདུས་པོ་ཏི་དགུ་པ་ཞིག་མ་གཏོགས་ཚང་བའི་རིས་དཀོན་པ་འདུག་གསུང་། དྭགས་ཡུལ་ཆབ་ཚན་ལ་ཕེབས་ཐོག་རྒྱལ་སྨད་བླ་མས་ཆོས་འབྲེལ་ཞུ་བ་དང་གཟིམས་གུར་ལ་སྐོར་བ་བརྒྱ་རྩ་སོགས་གཏིང་ནས་མོས་པའི་རྣམ་འགྱུར་བྱས། སླར་པོ་ཏ་ལར་ཕེབས་ནས་ཁྲོ་རོལ་སླ…

རིས་ཞིབ་རྒྱས་དང་། འབྲོམ་སྟོད་དུ་འབྱོར་སྐབས་ཚལ་གུང་པ་བྱིངས་དང་ལྷན་ཅིག་པར་ཡང་ཞབས་ཟུང་འཁོར་ལོའི་རི་མོ་ཕྱོགས་དེར་མངོན་པར་བཀོད། ཟིང་པ་བ་གྲ་པ་བཅོ་ལྔས་གུང་ཐང་དུ་ཞི་ཁྲོ་གཞན་ཕན་འོད་ཀྱི་འཁོར་ལོའི་ཆོ་ག་སྟོང་རྩ་ཞིག་འཛུགས་པ་མཛད། ངེད་ཕྲད་པར་བྱོན་པའི་ཕྱོགས་འདུས་ཀྱི་ཁྲོད་ནས་ཞལ་འདྲིས་ཡོད་པའི་བླ་མ་མང་དག་ཅིག་མཇལ་ཀ་གསུ…

སེང་ཕྲུག་མཛེས་པའི་འཕྲུལ། །གཞན་འདྲིད་མ་ཡིན་ཟབ་གཏེར་གཡུ་རལ་ཅན། །ལེགས་ལྡན་ཐུགས་བཅུད་བདུད་རྩི་རབ་འཁྱིལ་བས། །འགྱུར་མེད་སྲོག་གི་ཀ་བ་དེང་འདིར་ཚུགས། །བདེ་གཤེགས་ཀུན་ཚང་ཆེ་མཆོག་ཧེ་རུ་ཀའི། །བདུན་བརྒྱ་ཉི་ཤུའི་འཁོར་ལོ་རང་སྡེའི་ཚོགས། །ཉེར་ཆུད་བཟློག་བསད་མཚོན་ཆར་བདུད་སྡེ་ལ། །ཕབ་འདི་དྲག་སྔགས་བདག་པོ་གནུབས་ཆེན་བཞིན། །…

འབྱུང་སྨོན་ལམ་ཚིགས་བཅད་དང་བཅས་པ་ཕུལ། སྒགས་སྔགས་ལྕོག་གཉིས་ནང་མ་འཆམ་པར་དགེ་སློང་ཡིད་བཞིན་ཟེར་བས་གུང་ཐང་དུ་འོངས་ནས་སྡེ་པར་སྙན་འབུལ་གྱི་སྣེ་སྦྱོར་ཞུས་པར་ཕན་ཚུན་གཉིས་ཀར་དགེ་བཤད་སྡིག་གྲོལ་གྱིས་དབྱེན་བཟླུམས་ནས་བཛྲ་མུ་ལས་རྣམ་པར་གྲོལ་བའི་ཀར་བསྟན་ལ་ཕན་པ་གནང་བ་ནི་སྔགས་རྙིང་མ་བའི་ཕྱག་ལེན་གྱི་གསོས་སུ་གྱུར། བདུན་…

པ་མ་ཞུགས་པའི་ཁུངས་བཙུན་པ་ཨེ་ནས་རིགས་འཛིན་ཆོས་དབང་ཀུན་བཟང་ལ་གསན་ཏེ་གུང་ཐང་དུ་ཕེབས་ཟླ་ཤས་བཞུགས་པར་བཀའ་བརྒྱད་བདེ་འདུས། འཇམ་དཔལ་རྫོགས་ཆེན་སོགས་མཐའ་ཡས་པ་གསན། རིན་པོ་ཆེ་ཆོས་སྡིངས་པ་དང་གྲུབ་ཆེན་ཀརྨ་གསང་སྔགས་གཉིས་ལ་རིགས་འཛིན་སྲོག་སྒྲུབ་ཀྱི་དབང་ལུང་གསན་ཞིང་གྲུབ་ཆེན་གསང་སྔགས་པར་རྫོགས་པ་ཆེན་པོ་སངས་རྒྱས་མཉམ་སྦྱ…

ཞུས། ལྷོ་བྲག་སྨྲ་བོ་ལྕོག་ནས་མངའ་བདག་བསྟན་འཛིན་ཆོས་དབང་ལ་སྲིད་པའི་གཏེར་ཁྱིམ་གྱི་ལྗགས་ལུང་སྩལ་ཞིང་ཕར་ཡང་ཆོས་འབྲེལ་གསན། ཟླ་བ་བཅུ་གཉིས་པའི་ནང་དུ་བསྟན་འཛིན་ཆོས་ཀྱི་རྒྱལ་པོ་སྐུ་གཤེགས་པའི་ལོ་གཅིག་གི་བར་གདུང་ནང་བཞུགས་བྱེད་པར་ཤར་བ་ར་མོ་ཆེའི་གཙུག་ལག་ཁང་ཀླུའི་རྒྱལ་པོའི་ཕོ་བྲང་གི་སྟེང་དུ་ཡོད་པ་ཕྱོགས་དེ་ཀླུ་ས་ཆེ…

གི་གྲ་པ་གྲངས་བཅད་ཀྱིས་གུང་ཐང་དུ་འཇམ་དཔལ་མེའི་སྤུ་གྲིའི་སྲུང་བཟློག་སྲེག་མནན་དང་བཅས་བསྒྲུབས་པས་བསྟན་འགྲོའི་མགོན་དུ་ལྷམ་མེར་བཞུགས་པའི་སྐལ་བཟང་དུ་གྱུར། ཟླ་བ་གསུམ་པའི་ནང་དུ་ཁྱབ་བདག་བཀའ་འགྱུར་བ་ཆེན་པོ་འབྲས་སྤུངས་སུ་ཕེབས་པའི་ཕར་ལམ་གུང་ཐང་དུ་ཞག་ཤས་དཔོན་སློབ་གདན་འཛོམ་པའི་རྐྱེན་སེལ་གྱི་བཀའ་ཆོས་གསན་ལན་མཛད། ལྷོ…

མང་དུ་སྩལ།དེ་དུས་དྭགས་ལྷ་སྒམ་པོའི་སྤྲུལ་སྐུས་ཁྲ་མོ་བྲག་ནས་གཏེར་བཏོན་ཁུལ་ལ་ཞིབ་ཏུ་དཔྱད་ན་ཤོག་སེར་རྣམས་ཕར་སྦས་ནས་མེད་ཚུལ་གྱིས་རབ་རིབ་མཛད་ནས་ཤོག་སེར་གཅིག་ལུས་འདུག་ཅེས་སྟོན་པ་མཛད་བྱུང་བ་རྗེ་བླ་མར་སྤྱན་འབེབས་ཞུས་པ་རྒྱབ་མདུན་གཉིས་ཀར་ཞིབ་ཏུ་གཟིགས་ནས་ཤེལ་བྲག་ཏུ་མཆོག་གྲུབ་རྒྱལ་པོའི་དོན་ལ་སྦས་ཚུལ་འདུག་པས་ཨོ་ར…

ནུས་སྟོབས་དྲག་པོའི་མཚོན། །རིམ་གྱིས་བསྟར་བ་ཁོ་བོའི་ལག་ཆར་ལོན། །མི་བཟད་དྲག་རྩལ་འབར་བའི་གནམ་ལྕགས་ཐོག །མཐུ་ཆེན་དམར་གྱི་གཏོར་མའི་འགྲན་ཟླར་སོང་། །ཞེས་བྱིན་ཆགས་པོ་ཞིག་མ་གཏོགས་རྡོ་རྗེ་སློབ་དཔོན་གྱིས་སྦུག་ཆོལ་དཀྲོལ་བ་དང་མེ་དར་དབྱུག་དབྱུག་སོགས་ཨ་ཅེ་ལྷ་མོ་མཛད་སྲོལ་ནི་མི་སྣང་། ལྷོ་ནས་ཞང་གི་ལུགས་འཛིན་ཀ་ལེབ་དགོན་…

དབུ་ཞྭ་སོགས་ཀྱི་སྐྱེས་གནང་། ཡབ་སྲས་གཉིས་ལྷན་ཅིག་པས་བདུད་རྩི་བུམ་པའི་དབང་ལུང་དང་ཐོ་ལིང་གི་གཟའ་མོན་པའི་སྐོར་རྫོགས་པར་གསན། དབྱར་སྨད་འབྲས་སྤུངས་སུ་ཕེབས་གྲུ་གུའི་སྔགས་འཆང་དོན་གྲུབ་བཀྲ་ཤིས་ལ་ཆོས་རྒྱལ་བྱང་པའི་གཏེར་གསར་མ་རྒྱུད་སྙིང་པོ་དོན་གསུམ་གྱི་སྐོར་གསན་ཞིང་དེ་འཕྲལ་ངེད་ཀྱིས་ཀྱང་ཞུས། གྲ་ཚང་གི་གྲ་པ་འགའ་ཞིག…

མདང་བསྐངས། ཚོགས་མཆོད་ཆག་མེད་དུ་བཏང་། རྡོ་རྗེ་བྲག་ནས་རིགས་འཛིན་སྤྲུལ་པའི་སྐུ་དཔོན་སློབ་ཀྱིས་རང་བྱུང་རང་ཤར་གྱི་ལས་གཞུང་བསྲངས་རང་ལུགས་རབ་གནས་བསེ་སྒྲོམ་མ་ལ་རྗེ་བཙུན་ཆེན་པོའི་དོན་གསལ་གྱི་མཛེས་རྒྱན་སྤྲད་དེ་སྟ་གོན་དངོས་གཞི་སོགས་སྦྱོར་དངོས་རྗེས་ཚང་གི་ཚུལ་དུ་དམ་ཡེ་དབྱེར་མེད་དུ་གནང་། རྟེན་བཞེངས་ལ་འགྱོགས་དང་ལེ…

ཀརྨ་གསང་སྔགས་ལ་རིགས་འཛིན་སྲོག་སྒྲུབ་ཀྱི་དབང་ལུང་ཡོངས་རྫོགས། རྒྱུད་བཅུ་བདུན། གཏེར་མགོན་ཕྱག་བཞི་པ་དང་འབར་ཆུང་སྐོར་གྱིས་གཙོས་པའི་ཆོས་འཁོར་རྒྱ་ཆེར་བསྐོར། འབྲི་གུང་ཞབས་དྲུང་རིན་པོ་ཆེ་ཆོས་ཀྱི་གྲགས་པ་འབྲས་སྤུངས་སུ་ངེད་དང་ངོས་འཕྲད་ལ་ཕེབས་པའི་ཡར་ལམ་འབྲོམ་སྟོད་དུ་རྗེ་ཉིད་དང་རིགས་འཛིན་སྤྲུལ་པའི་སྐུ་དཔོན་སློབ་ལ…

བསྐྲད་པའི་མཐུ་སྨན་གྱིས་སྙུན་ནད་ཐམས་ཅད་ཕྱིར་དེད་ནས་ཟླ་བ་གཟའ་ལས་གྲོལ་བ་ལྟར་རྒྱལ་དབང་པདྨཱ་ཀ་རའི་བསྟན་སྲོག་གི་ཟུངས་སུ་གྱུར། ལྷོའི་དཔུང་འཇུག་གི་སྐུ་རིམ་ལ་མགོན་པོ་གཡུལ་བཟློག་གི་མདོས་ཆེན་བཏང་། གུ་རུ་མཚན་བརྒྱད་གཙོ་བོར་གྱུར་པ་ལ་སིནྡྷུ་རྒྱ་མཚོའི་ཞིང་བཀོད་ཡོད་པའི་ཐུགས་དམ་ཐང་ཁ་གྲ་ཚར་གྱི་སྐྱ་རིས་ཕྱག་བསྟར་བ་ཚོན་མ…

ཕུན་ཚོགས་ལ་མཛད་ལྔ་འདུས་པའི་ཟབ་གཏེར་གྱི་དབང་འཁྲིད་ལུང་ཆེས་མང་བ་གསན་ཞིང་། ཕར་རཏྣའི་གཏེར་ཆོས་གཙོ་བོར་གྱུར་པ་བཞེད་སྦྱར་སྩལ། ཟླ་བ་ལྔ་པའི་འགོར་ཐུགས་དམ་ཐང་ཁ་ལེགས་པར་གྲུབ་པའི་ཚེས་བཅུའི་ཉིན་མཆོད་པ་རྒྱ་ཆེན་པོ་མཛད་པས་མར་མེ་འཛིན་པ་སོགས་ཡེ་ཤེས་པ་རང་བཞིན་དུ་བཞུགས་པའི་ལྟས་ངོ་མཚར་བ་བྱུང་གྲ་ཚང་ཆོས་རྗེ་ལ་འདོད་ཆོས་ཁ་ཡ…

རྒྱལ་རིགས་རྣལ་འབྱོར་པ༔ གསང་སྔགས་རྒྱུད་སྡེ་གནས་ཀྱི་སྙིང་པོ་རྣམས༔ རིག་པ་བརྡ་ཡི་ཚུལ་གྱི་ཆར་དུ་འབེབས༔ རྒྱལ་བའི་སྲས་མཆོག་མི་ཡི་སེང་གེ་དེ༔ ལྷོ་བྲག་གཏམ་ཤུལ་སྨྲ་བོ་ལྕོག་པོ་རུ༔ མ་འོངས་གསང་སྔགས་བདག་པོར་གྱུར་ནས་ནིཿ སྐུའི་བཀོད་པས་འགྲོ་བ་མ་ལུས་འདུལ༔ ཐུགས་རྗེ་ཆེན་པོ་དངོས་ཀྱིས་འགྲོ་བ་འདུལ་བ་ཡིན༔ ཉིད་ཀྱི་གདུལ་བྱས་འ…

དཔོན་པ་བློ་གྲོས་རྣམ་རྒྱལ། མཁས་གྲུབ་ཀརྨ་གསང་སྔགས། རིགས་འཛིན་ཀུན་བཟང་དབང་པོ། བླ་མ་འཛེམ་པ་སྒང་པ། སྔགས་འཆང་དོན་གྲུབ་བཀྲ་ཤིས། ཁམས་པ་བླ་མ་པདྨ་བློ་གྲོས། བཟང་སྡིགས་སྐུ་སྐྱེ་ངག་དབང་བསྟན་པའི་ཉི་མ་དབྱངས་ཅན་དགྱེས་པའི་ལང་ཚོ། ཕྱག་མཛོད་མངའ་བདག་ཀརྨ། སྨན་སྒོམ་འབྲང་རྒྱས་པ་ངག་དབང་དོན་གྲུབ། ཀ་ཐོག་པ་དཔལ་འབར་དྲུང་པ། སྦྲེ…

ཐ་སྙད་གཙུག་ལག་གི་སློབ་མ་དང་འདི་ཕྱི་བར་གསུམ་གྱི་སྐྱབས་གནས་ཞུས་པའི་ཡོན་བདག་བཅས་པའི་གྲངས་ནི་སྟོན་མཚན་དྭངས་པའི་རྒྱུ་སྐར་གྱི་གྲངས་ལྟ་བུར་མངོན། ཐུགས་རྩོམ་གསང་བ་སྙིང་པོའི་ལེའུ་ལྔ་པ་ཡན་གྱི་ཊཱིཀྐ་རྡོ་རྗེ་འཆང་ཕ་བོང་ཁ་པའི་གསུང་རྒྱུན་ཟིན་བྲིས་སུ་མཛད་པ་གཡུང་འགྲེལ་རྒྱན་གྱི་མེ་ཏོག་ཅེས་ངོ་མཚར་བ། ངེད་རང་ནས་གསོལ་བ་བཏ…

རང་གི་ལྟོ་རྒྱབ་དང་འདུ་འཛི་ཁོ་ན་ལས་བླ་མའི་རྣམ་ཐར་དང་ཡོན་ཏན་མི་སེམས་པའི་དགེ་འདུན་ཉི་ཤུའི་ཐོག་མའི་ཞབས་འབྲིང་པ་ཁོ་ནས་བསྐོར་ཏེ་གར་སོང་ཆ་མེད་དུ་གྱུར་གཤིས་བརྗོད་བྱ་རྗོད་བྱེད་དང་བྲལ་བའི་རྫོགས་ཆེན་གྱི་གནས་ལུགས་ཁོ་ནའོ། །སྙིང་པོར་དྲིལ་ན་ཐ་སྙད་ཀྱི་གཞུང་ལུགས། ནང་རིག་པ་སྡེ་སྣོད་གསུམ། རྒྱུད་སྡེ་བཞི་གང་ལ་ཡང་ཚེ་རབས་…

ལུགས་དང་སྒོས་ཁའུ་བྲག་རྫོང་པའི་དབང་བྱིན་རླབས་རྗེས་གནང་རིག་གཏད་འཁྲིད་མན་ངག་མཐའ་དག་ལ་འདི་ནི་འདིའོ་ཞེས་ཤིན་ཏུ་ཞིབ་ཆ་ཆེ་བའི་གངས་ཅན་འདིར་འགྱུར་རོ་ཅོག་གི་ཆོས་ཀུན་ལ་འདི་ཁོ་ནར་སྦྱངས་འདུག་སྙམ་པ་མ་གཏོགས་ད་ལམ་རང་ཨོ་ཟོབ་ཟོབ་དང་སྤོམ་ཡོར་ཡོར་ཡིན་འདུག་སྙམ་པའི་རྣམ་རྟོག་ཟ་བ་ཅུང་ཟད་ཀྱང་མ་མཐོང་བས་འཇམ་དབྱངས་གཞོན་ནུ་མཐོན…

ཆེའི་ཞལ་གདམས་སུ། གཡོག་པོ་སྲག་སྲེག་མང་པོ་ལས་ཀ་མི་ཡོང་བ། བཟའ་བ་ཡོང་བ། འབུལ་བ་བཙལ་ནས་མི་ཡོང་བ། ཁ་སྨྲས་བཙལ་ནས་ཡོང་པ། ཆ་རྐྱེན་ཁྱེར་ནས་མི་ཡོང་པ། གོད་ཁ་ཁྱེར་ནས་ཡོང་བ། གཏམ་སྙན་ཁྱེར་ནས་མི་ཡོང་བ། གཏམ་ངན་ཁྱེར་ནས་ཡོང་བ་དེ་ལྟ་བུའི་གཡོག་པོ་འཁོར་དུ་མི་བཞག་པ་གལ་ཆེ། བཞག་ན་གུས་ཞབས་ཡེ་མ་བྱུང་ནའང་ལོ་གཅིག་ལ་ཟན་སྟོང་བརྒྱ…