མཐར། །ས་ལམ་རྫོགས་པའི་ཀུན་ཏུ་བཟང་དེ་ཉེ། །ཆེད་དུ་དམན་ཆ་བླངས་པའི་མཚན་མོའི་མལ། །སོ་སྐྱེའི་གཉིད་ལ་གཡུར་འདོད་རྫུ་བག་མུན། །མཁས་གྲུབ་ངང་ཚུལ་སྐྱ་རེངས་མས་དྲངས་པའི། །རྣམ་ཐར་རྟ་ལྗང་ཅན་ཤར་གང་གིས་འགོག །གཞན་གསོས་མགྲིན་པའི་དྲིལ་ཆུང་འཁྲོལ་བའི་གླུ། །སྙན་པོ་རྣ་བར་མངར་བའི་ཕོ་ཉ་ཡིས། །ལེགས་བོས་སྤང་ལྗོངས་མར་གད་གོས་གྱོན་པ།…

མདོ་སྡེའི་སྡེ་སྣོད་ལ་སངས་རྒྱས་དང་བྱང་ཆུབ་སེམས་དཔའ།འདུལ་བ་ལ་ཐམས་ཅད་མཁྱེན་པ་ལ་ཆེད་དུ་བརྗོད་པས་བསོད་ནམས་འཕེལ་ཞིང་བར་ཆད་མི་འཇུག་པ་དང་ཆོས་དེ་སྡེ་སྣོད་གསུམ་པོ་གང་གི་ཁོངས་སུ་གཏོགས་ཤེས་སླ་བར་གསུངས་པར་མ་ཟད་བརྡ་སྤྲོད་པའི་བསྟན་བཅོས་ཙནྡྲ་བྱཱ་ཀ་ར་ཎར། གྲུབ་པ་ཀུན་མཁྱེན་ཀུན་ལ་སྨན། །འགྲོ་བའི་བླ་མར་ཕྱག་འཚལ་ནས། །ཞེས་ད…

གསེར་གྱི་རྒྱ་མཚོ་འདྲ་བ་དེ་ལ་ཕྱག་བགྱིའོ། །ཞེས་རྒྱ་གར་ཁ་སྤུ་ཅན་རྣམས་ཀྱི་རྣམ་པར་ཐར་པའི་རྗེས་སུ་འབྲངས་ཏེ་ཡུལ་ཁྱད་པར་ཅན་ལ་ཕྱག་འཚལ་བ་སྔོན་དུ་འགྲོ་བའི་སྒོ་ནས་ལས་སུ་བྱ་བ། མདོ་ལས། དེ་བཞིན་གཤེགས་པ་དུས་མཁྱེན་རྒྱལ་པོ་ནི། །སྙན་ངག་མཁན་དེ་བདེ་གཤེགས་རྩྭ་མཆོག་ལ། །ཚིགས་སུ་བཅད་པའི་དབྱངས་ཀྱིས་བསྟོད་ནས་ཀྱང་། །དང་པོར་བྱང…

དུས་གསུམ་གྱི་རྒྱལ་བ་སྲས་དང་བཅས་པ་ལ་བྱས་པར་འགྱུར་བའི་ཚོགས་རྒྱ་ཆེན་པོ་གསོག་ལ། དེ་ཡང་ཚོགས་གསོག་ཚུལ་རྣམ་གྲངས་མང་བ་གཞན་དག་གི་སྒོ་ནས་བསགས་ན་མི་རུང་ངམ་སྙམ་ན་རང་གི་བསགས་སྦྱངས་ལ་ཁྱད་པར་མེད་ནའང་བདེ་བར་གཤེགས་པ་ཞི་ཁྲོ་རབ་འབྱམས་མ་ལུས་པ་འདུས་པའི་བདག་ཉིད་ཀུན་བཟང་རྡོ་རྗེ་འཆང་མཉམ་མེད་ཁྲ་ཚང་པ་ཆེན་པོ་བློ་གྲོས་མཆོག་གི་…

ཆོས་དང་ལྡན་པའི་གཏམ་གྱིས་རབ་ཏུ་དགའ་བར་འགྱུར། །ཞེས་དམ་པའི་རྣམ་པར་ཐར་པ་ལ་བརྟེན་ནས་སྔར་དད་པ་མེད་པ་རྣམས་གསར་དུ་སྐྱེ་ཞིང་ཡོད་པ་རྣམས་གོང་ནས་གོང་དུ་རྒྱས་པའི་ཕྱིར་ན་འགྲོ་བ་ཀུན་གྱི་ལེགས་བྱས་རྒྱ་ཆེར་འཕེལ་བ། དཀོན་ཅོག་སྒྲོན་མའི་གཟུངས་ལས། དད་པ་སྔོན་འགྲོ་མ་ལྟར་བསྐྱེད་པ་སྟེ། །ཡོན་ཏན་ཐམས་ཅད་བསྲུང་ཞིང་འཕེལ་བར་བྱེད། །…

མཛད་པ། བསྐྱེད་རྫོགས་རྫོགས་པ་ཆེན་པོར་གོམས་པས་དངོས་གྲུབ་བརྙེས་པ། གྲངས་མེད་པའི་སློབ་མར་ཆོས་འཁོར་རྒྱ་ཆེར་བསྐོར་བ། དགོན་གནས་ཀྱི་ཞལ་བདག་དང་བྱ་བ་ལས་ཀྱི་འཁོར་ལོ་སོགས་འགྲོ་དོན་མཛད་པ། ལེགས་བཤད་ཀྱི་བསྟན་བཅོས་བརྩམས་པ། རྟག་འཛིན་ཅན་རྣམས་ཆོས་ལ་བསྐུལ་ཕྱིར་ཆོས་དབྱིངས་སུ་འདུས་མ་བྱས་པའི་ཀློང་དུ་སྐུའི་བཀོད་པ་བསྡུས་པ་དང…

མཚུངས་པ་སྟོང་གི་གྲངས་ཚང་བ་བར་མའི་འཇིག་རྟེན་གྱི་ཁམས། དེ་ལྟ་བུ་སྟོང་གི་གྲངས་ཚང་བ་གངས་ཆེན་མཚོའི་རྒྱ་མཚོ་ཆེན་པོར་བརྟེན་ཁོར་ཡུག་གཅིག་གིས་བསྐོར་བ་སྟོང་གསུམ་གྱི་འཇིག་རྟེན་གྱི་ཁམས་རྣམས་ཆགས་འཇིག་ཅིག་ཅར་དུ་འབྱུང་བ་འདི་ནི་མཆོག་གི་སྤྲུལ་སྐུའི་ཞིང་དུ་འདོད་ལ། ཐེག་ཆེན་པའི་ལུགས་ལ་བཤད་མ་ཐག་པ་དེ་བྱེ་བ་ཕྲག་བརྒྱར་རབ་འབ…

གླིང་དྲུག་ནི་ལོངས་སྤྱོད་ཀྱི་ས་དང་། དེའི་ཕྱི་རོལ་གྱི་གླིང་བཞི་གླིང་ཕྲན་བརྒྱད་ལས་ཀྱི་ས་པར་གསུངས་པ་དང་ཕྱོགས་མཚུངས་པ་མཁའ་འགྲོ་རྒྱ་མཚོ་སོགས་ནས་ཀྱང་འབྱུང་ལ། ཛ་ན་སྐྱེ་བ་ལའོ་ཞེས་པའི་བྱིངས་ལས་བསྒྲུབས་པའི་ཛམྦུའི་གླིང་དེ་ས་དུམ་བུ་བཅུ་གཉིས་རྫོགས་པར་ངོས་བཟུང་སྟེ་འཛམ་གླིང་ཆེན་པོ་དང་རི་རབ་ལྷོ་ཕྱོགས་ཀྱི་གླིང་འདི་ལ་…

བའི་གླིང་རང་བྱུང་གི་གཙུག་ལག་ཁང་བྱང་ཕྱོགས་ན་ཆོས་རྒྱལ་རིགས་ལྡན་གྱི་རྒྱལ་ས་ཤམྦྷ་ལའི་གྲོང་ཁྱེར་གྱིས་མཚོན་པའི་ཞིང་དང་ཡུལ་གྱི་བཀོད་པ་མཐའ་ཀླས་ནའང་། ལྷ་མོ་དྲི་མ་མེད་པས་ཞུས་པའི་མདོ་ལས། ང་ཡོངས་སུ་མྱ་ངན་ལས་འདས་ནས་ལོ་ཉིས་སྟོང་ལྔ་བརྒྱ་ན་གདོང་དམར་ཅན་གྱི་ཡུལ་དུ་དམ་པའི་ཆོས་དར་བར་འགྱུར་རོ། །ཞེས་འཕགས་ཡུལ་ནས་བརྩིས་པའི…

འབྱུང་གནས་ཉིད་ཡིན་ལ། མཁན་བརྒྱུད་བྱང་ཆུབ་སེམས་དཔའ་དེ་རྣམས་ནི་ང་ཁོ་ན་ཉིད་ཡིན་གྱིས་གཞན་དུ་མ་སེམས་ཤིག །ཅེས་གསུངས་པས་ཤེས་ནུས་ཤིང་བྱེ་བྲག་འཕགས་པ་སྒྲིབ་པ་རྣམ་སེལ་གྱིས་བསྐུལ་བའི་རྐྱེན་གྱིས་བོད་འདུལ་བར་བྱོན་པ། དེ་ཉིད་ལས། པོ་ཏ་ལ་ཡི་རི་བོ་ན། སྤྱན་རས་གཟིགས་དབང་ང་བཞུགས་ཚེ། །སྒྲིབ་པ་རྣམ་སེལ་དེར་བྱོན་ཏེ། །མགོན་པོ་…

སྐུ་ལ། །འགྲོ་དང་འོང་བ་མི་མངའ་ཡང་། །ཐོ་ཐོ་རི་ཞེས་བྱ་བར་གྲགས། །སྣང་ངོར་ཐ་དད་དུ་མ་འབྱུང་། །ཞེས་ལྷ་ཐོ་ཐོ་རི་གཉན་བཙན་ཕོ་བྲང་ཡུམ་བུ་བླ་སྒང་དུ་བཞུགས་པའི་ཚེ་དཔང་སྐོང་ཕྱག་བརྒྱ་པ། ཚིནྡྷ་མ་ཎིའི་རྐོས་ཕོར་གསེར་གྱི་མཆོད་རྟེན་མདོ་སྡེ་ཟ་མ་ཏོག་གི་སྙིང་པོ་ཡི་གེ་དྲུག་པ་རྣམས་བབས་པ་དོན་མ་ཁྲོལ་ཡང་མཚན་གཉན་པོ་གསང་བར་བཏགས་ཏ…

བཙའ་རྣམས་བཅོས་ཏེ་ཤཱཀྱའི་རྒྱལ་པོའི་ཕོ་བྲང་གི་གནྡྷོ་ལ་བཞེངས་པ་སོགས་བསྟན་པའི་སྲོལ་བཏོད། དེ་ནས་མི་རབས་བཞི་པ་མེས་ཨག་ཚོམ་གྱིས་པཎྜི་ཏ་སངས་རྒྱས་ཞི་བ་དང་སངས་རྒྱས་གསང་བའི་སར་མངགས་པའི་ཕོ་ཉས་བློར་གཟུང་བའི་ཐེག་པ་ཆེན་པོའི་མདོ་སྡེ་ལྔ་གླེགས་བམ་དུ་འདྲི་བ་དང་བཞུགས་གནས་ཀྱི་ལྷ་ཁང་བཞེང་བ་སོགས་དཀོན་ཅོག་གསུམ་ལ་བླ་མར་བཟུང་…

ལྷ་སྲིན་གདུག་པ་ཅན་རྣམས་ཀྱི་ཚ་ངར་བཅག་ཟིན་ཡང་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་གེགས་མེད་དུ་འབྱོངས། མཁན་པོས་རབ་བྱུང་གི་སྡེ་བཙུགས། སློབ་དཔོན་ཆེན་པོས་རི་བྲག་དབེན་གནས་ཐམས་ཅད་བྱིན་གྱིས་བརླབས་ཏེ་ཟབ་གཏེར་སྦས། ལོ་པཎ་རྣམས་ཀྱིས་གསུང་རབ་བསྒྱུར་ནས་འཆད་ཉན་གྱིས་གཏན་ལ་ཕབ་སྟེ་བསྟན་པ་དར་རྒྱས་སུ་མཛད། འདིའི་སྲས་མུ་…

ཐུགས་ལ་གདོན་གསོལ་ཏེ་བསྟན་པ་རིན་པོ་ཆེ་འཕེལ་འགྲིབ་བྱུང་ནའང་སྟོད་སྨད་གཉིས་ནས་སོ་སོར་ཐར་པའི་བསྟན་པའི་མེ་རོ་གསོས། སྨྲྀ་ཏི་ཛྙཱ་ན་ཤྲཱི། མཉམ་མེད་ཇོ་བོ་ཆེན་པོ་མར་མེ་མཛད། ཁ་ཆེའི་བསོད་སྙོམས་པ་ཆེན་པོ་ཤཱཀྱ་ཤྲཱི། རྒྱལ་སྲས་ནགས་ཀྱི་རིན་ཅེན་སོགས་པཎྜི་ཏ་ཚད་ཐུབ་དུ་མ་དང་། སྐད་གཉིས་སྨྲ་བ་རིན་ཅེན་བཟང་པོ་དང་། སྒྲ་བསྒྱུར་ར…

ཇོ་བོ་སྤྱན་རས་གཟིགས་ཀྱི་ཞལ་མངོན་སུམ་དུ་བསྟན་ཞིང་གཟིགས་ཏེ་ཐུགས་རྗེ་ཆེན་པོའི་ཞལ་ནས་སྐྱེས་བུ་དམ་པ་ལེགས་སོ་ལེགས་སོ་དུས་གསུམ་གྱི་སངས་རྒྱས་ཐམས་ཅད་ཀྱི་གསང་བའི་མཛོད་གང་ཡིན་པ་དེ་ཁྱོད་ཀྱིས་ཤེས་སམ་འདི་ནས་ཀྱང་བྱང་ཕྱོགས་ན་ངའི་ཞིང་ཁམས་ཡོད་ཁྱོད་ཀྱི་ཡི་དམ་ཇོ་མོ་སྒྲོལ་མའང་དེ་ན་སེམས་ཅན་གྱི་དོན་མཛད་ཅིང་བཞུགས་ཁྱོད་ཀྱི་…

ཤེས་རབ་འབྱུང་གནས་སོགས་གསང་སྔགས་ཀྱི་གྲུབ་པ་བརྙེས་པ་ཟམ་མ་ཆད་པར་བྱོན་པའི་གདུང་ལས་ཉང་སྟོན་བྱ་ཁྲིད་འཁོར་ལོ་དང་ཉང་པོ་ཆེ་བྱ་བ་ཡབ་ཚན་དུ་གྱེས་པའི་བྱ་ཁྲིད་འཁོར་ལོའི་སྲས་གཏེར་སྟོན་ཆོས་ཀྱི་རྒྱལ་པོ་ཉི་མ་འོད་ཟེར་དང་ཕྱི་མ་ནས་བརྒྱུད་པ་བླ་མ་བརྩོན་སེང་སྟེ་ལྷོ་བྲག་ཉང་ཚོ་དང་འཕྱོང་རྒྱས་ཉང་ཚོར་གྲགས་ཤིང་དེ་དག་ལས་ཀྱང་འཕེལ་…

སྐབས་འགར་ཡར་ཀླུངས་ཀྱི་དགེ་བཤེས་ཤཱཀྱ་འོད་དང་གསང་མཚན་མི་བསྐྱོད་རྡོ་རྗེ་ཞེས་པ་ལ་དགོངས་ནས་སློབ་མ་རྒྱལ་བ་རིགས་ལྔ་ཡོད། འོག་རྟ་མགྲིན་དབང་རྒྱལ་ཡོད། ཅེས་གསུངས། དུས་ཕྱིས་གླེན་བསོད་ནམས་མགོན་པོའི་གདན་ས་སྨན་ལུང་དུ་བཞུགས་ནས་མཚན་དེ་ལྟར་ཐོགས། བླ་མ་འདི་ཉིད་ཀྱིས་བླ་རྫོགས་ཐུགས་གསུམ། མདོ་སྒྱུ་སེམས་གསུམ། རྫོགས་བཞི་སྤྱོད…

ལུང་པ། ཞེས་པའང་དོན་ལ་གནས། དེ་ལྟར་གཅུང་ཆོས་ལྡན་པ་དང་དུར་ཁྲོད་པ་གཉིས་ཀྱི་སྲས་ཉང་སྟོན་ཤཱཀྱ་འབུམ་དང་ཤཱཀ་གཞོན་གཉིས་དེ་གཉིས་ཀྱི་སྲས་སྨན་ལུང་པ་འཁྲུལ་ཞིག་བསོད་ནམས་རྒྱལ་མཚན། རྨ་བསོད་ནམས་པ་ཤཱཀྱ་སེང་གེ །སྲོང་བཙན་པ་གཞོན་དབང་གསུམ་ལས་དང་པོ་ནི་ཤཱཀྱ་དཔལ། དེའི་སྲས་སངས་རྒྱས་རིན་ཅེན། དེའི་སྲས་བློ་གྲོས་རྒྱ་མཚོ། དེའི་སྲ…

དབོན་གྱི་དུས་དབུས་གཙང་རུ་བཞིར་གྲགས་པ་ལས་གཡོན་རུ་སྟེ། དེང་སང་གཡོར་པོ་དང་གཡོ་རུ་ཞེས་སྒྲ་ཟུར་ཆག་པའི་འདོན་ཚུལ་སྣང་ཞིང་། ས་གསུམ་གྱི་མགོན་པོ་འཕགས་པ་རིན་པོ་ཆེ་དང་གོང་མ་སེ་ཆེན་རྒྱལ་པོ་གཉིས་ཀྱི་དུས་གནམ་ལ་ཉི་ཟླ་ཟུང་འབྲེལ་དང་ས་ལ་ས་ཧོར་ཟུང་འབྲེལ་དུ་གྱུར་པའི་ཚེ་ཁྲི་སྐོར་བཅུ་གསུམ་དུ་ཕྱེ་བའི་ཕག་གྲུ་ཁྲི་སྐོར་གྱི་ཁོ…

ཅན་གྱི་ཆོས་ཀྱི་མཛོད་འདི་ནི། །ཉེས་ལས་རྣམ་པར་རྒྱལ་ནས་སངས་རྒྱས་འགྱུར། །ཞེས་ལུང་བསྟན་པ་ལྟར་དམ་པ་འདི་ཉིད་ཀྱང་མཁས་བཙུན་གྲུབ་པའི་དབང་ཕྱུག་ཆེན་པོར་གྱུར་བའི་དོན་དུ་མངོན། ལྷུམས་སུ་ཡོད་པའི་སྐབས་སློབ་དཔོན་བཻ་རོ་ཙ་ནའི་རྣམ་པར་སྤྲུལ་པ་ལྷ་བྲོ་བ་མཁས་གྲུབ་ཆེན་པོ་ཀརྨ་གུ་རུས་བྱིན་རླབས་གནང་ཞིང་བསྟན་པ་ལ་ཕན་པའི་སྲས་ཁྱད་པར…