བཞག་སྟེ་ཞུ་བ་མ་བྱུང༌། དེ་སྐབས་བཀའ་ལས། འུ་ཅག་ཡང་ནམ་འཆི་ཆ་མི་གདའ་གྲྭ་རིགས་ལག་གཡོག་གྲུལ་བཏུབ་ཙམ་ཡོད་པ་ཚོ་ཡང་ཕལ་ཆེར་ཤི་ད་ལྟ་ནི་འདི་ཚོ་ན་སྣ་ཚོགས་ལས་མི་འདུག་པས་འུ་ཅག་ཤི་བ་བྱུང་ནའང་ཤུལ་འདི་ལ་ཁྱོད་ཀྱིས་བལྟ་དགོས་ཞེས་ཡང་ཡང་གསུང༌། ལན་ཅིག་འདི་ན་མནོ་བསམ་ཐ་དད་པ་འགའ་རེ་ཡོད་པས་དགོན་གནས་འདི་མི་འགྱུར་བའི་རྟེན་འབྲེལ་ད…

སངས་ཏེ་གྲག་སོང༌། འདི་སྐབས་འཇགས་པ་སྤྲུལ་པའི་སྐུ་གློ་བུར་དུ་སྐུ་གཤེགས་པའི་བསྔོ་རྟེན་དང་གནས་ཚུལ་སྐྱེས་མཁན་འབྱོར། ཁོང་གཤེགས་རྐྱེན་འཇགས་རང་གི་ཆོས་སྐྱོང་མ་དགྱེས་པས་བསྲུང་སྐྱོབ་བྲལ་བའི་རྣམ་པར་བྱུང་བ་འདྲ། འཕྲལ་རྐྱེན་རྣམ་གླིང་ཆོས་སྡེ་པར་གཏོགས་པའི་བླ་མ་གཅིག་གིས་འཇགས་པའི་དགོན་གཞིས་འཕྲན་བུ་དེ་པ་མིག་འོག་ཏུ་བཅུག་…

མཚམས་སུ་བྱེད་པ་སོགས་སྙིང་རྗེ་ཞིང་གད་མོའི་རྒྱུ་མང་པོ་བྱེད། སྔ་སོར་རྒྱང་ནས་ཐོས་ཚོད་ལ་ཁོང་པ་བྲག་སྟོད་དུ་ཡང་ཡང་ཡོང་ཞིང་བླ་མ་དམ་པ་ལ་མོས་གུས་དང་ཞབས་ཏོག་ཆེ་ཕྱག་གཡོག་འགྲུབ་པོ་ཡོད་ཟེར་བའི་གྲགས་པ་ཅིག་ཀྱང་འདུག་པས་བློ་སེམས་དཀར་བར་ཡོད་ཀྱང༌། འདི་སྐབས་ཁོང་གི་མཚན་ཉིད་རྟོགས་འཕྲལ་བླ་མའི་ཕྱག་ནས་གནང་སྦྱིན་ཞུ་བ་དང་ཁོ་པ་…

བརྩམས་ཉིན་རེ་བཞིན་རླུང་ཆེན་པོས་རྗེས་བཅད་པ་བཞིན་དུ་བྱུང་སྟེ། རང་གི་སེམས་ཉིད་ཆོས་སྐུར་ངོ་སྤྲོད་པའི་བླ་མ་དེ་དང་ཚེ་འདི་ལ་ཕྱིས་མི་མཇལ་བའི་རྟགས་སུ་གདའ། མཚོ་སྒོར་ཤིན་ཏུ་འཚུབ་ཅིང་རླུང་ནག་སྤྱི་དང་མི་འདྲ་བ་བྱུང་བའང་ཁོང་རང་རྣམས་ལ་འཕྲལ་དུ་བལྟ་བར་འདུག ཕུག་དམར་གྱི་ལ་ལ་མི་རྟ་འཁྱེར་བའི་རླུང་ཙམ་བྱུང༌། ངས་དམ་ཉམས་ཀྱིས…

མཐའ་ཆོས་བརྒྱུད་སོགས་ཀྱང་གཞན་ལ་ངོ་ལོག་གི་ཁུངས་དང༌། དངོས་དང་བརྒྱུད་པའི་སྒོ་ནས་སྣ་ཚོགས་སུ་སྨོད་ཅིང་བཟློག་པ་དང་ངན་བྱེད་ཤེས་ཟེར་བ་ཐམས་ཅད་གསོག་པར་ཡང་འདུག་སྟེ་ཐམས་ཅད་སྙིང་རེ་རྗེ་སྙིང་རེ་རྗེ་ཕཊ་ཁོ་བོ་ནམ་མཁའ་ལྟ་བུའི་རྣལ་འབྱོར་པ། རྒྱུད་སྡེ་ནས་གསུངས་པའི་ལས་ཚོགས་ཏ་ཐམས་ཅད་ལ་མཁས་ཀྱང༌། ལས་མཐའ་སྒྲུབ་པའི་དོན་དུ་རྫས་…

ནག་པོའི་རིང་ལུགས་སྤོང༌། །དད་པ་བརྟན་པོས་དགེ་ཕྱོགས་སྤེལ། །བསམ་དོན་ཡིད་བཞིན་འགྲུབ་པ་ལགས། །བླ་ཆེན་མང་ཚད་འདི་འདྲ་གདའ། །ཆོས་ཀྱི་ལག་ལེན་ལྟ་ཅི་སྨོས། ཁ་སྐད་ཙམ་ཡང་ཡེ་མེད་པ། །འཇིག་རྟེན་ཁེངས་གྲགས་ཁོ་ནས་འདའ། །བདེན་མེད་ལ་བདེན་པར་འཁྲུལ་པ་སྙིང་རེ་རྗེ། །བདེན་པ་ལ་དོགས་པ་སྐྱེ་བ་སྙིང་རེ་རྗེ། །མགོ་སྐོར་ལ་ཤ་ཚར་ནོར་བ་སྙིང…

འཛིན་བྱེད་ཀྱིན་གདའ། དོགས་གཞི་ཡང་ཅུང་ཟད་བྱུང༌། གཙོ་བོར་ནི་ཕན་པའི་ངག་ལ་མི་ཉན་པར་འབྲེལ་མེད་བྱུང་རྒྱལ་དུ་བསྐྱངས་པས་ལན་སོང༌། རིན་པོ་ཆེ་ཀ་བཞི་ནས། འདི་སྐབས་ཀྱི་སྔ་ཕྱི་རྣམས་ལ། དགོན་གྲྭ་རིགས་དང་བཅས་པ་ཐམས་ཅད་ད་དགོས་ཁྱོད་ལ་བློ་གཏོང་དགོས་འདུག ངེད་ཚོའི་ཆ་ནས་ཆོས་ནས་བཤད་པའི་བླ་མ་བསྟེན་ཚུལ་རྣམ་དག་ཞིག་དགོས་རྒྱུར་འདུ…

སྟོང་འདུག་བསམ་པས་སོ་སོའི་དབང་དུ་མ་བཏང་བར་བསམ་རྩེར་སྡེ་པ་ལ་ཡང་ཞུས། རྣམ་གླིང་ཆོས་སྡེ་དང་དགའ་གདོང་སོགས་ཀྱིས་སྔ་མོ་ནས་སྡེ་པ་ལ་ཡང་ཡང་ཞུས་གདའ་ན་ཡང༌། དང་པོའི་ཞལ་ངོ་དེ་ཚོ་ཤེས་ལྡན་འདུག་ཅིང་གཞན། འབའ་ཞིག་ལ་གྲོས་འདྲི་མི་དགོས་པར་རང་ཐག་ཆོད་པ་ཞིག་ཡོད་པས་ཞལ་བཞེས་མ་མཛད་གདའ། དེ་ཀས་ད་ལྟའི་བར་དུ་ཚུགས་མ་སྟོར་ཙམ་བྱུང༌། ཞ…

པར་མཇལ་བའི་དགོངས་བཞེད་ཡིན་ན་ཆོས་ལུང་ཉིད་དུ་ཕེབས་པ་ལས་ཐབས་གཞན་མ་མཆིས་ཤིང༌། འདི་སྐོར་ལ་སྐུ་དོག་བར་ཆད་ཡེ་མེད་ཚུལ་འབུལ་བར་ཀུན་དགའ་དཔལ་བཟང་པ་སྐུ་ཞོགས་བརྫངས་དུས་རྗེ་འགྱུར་མེད་ཙམ་མ་གཏོགས་ཕེབས་པ་ལ་བཤོལ་འདེབས་བྱེད་མཁན་ཁོ་ན་བྱུང་འདུག་ནའང༌། དེ་རེས་སྐབས་ངེད་ཀྱི་ཚིག་ལ་ཐུགས་བཀལ་ནས་དེ་འཕྲལ་བསྐྱོད་པ་བདེ་བར་ཆོས་ལུང་…

བྱེད་དགོས་བྱུང་བ་གཤེགས་རྐྱེན་རྒྱལ་པོའི་གནོད་པ་ལ་བརྟེན་པར་འདུག་པས་གཤེད་འབྲེལ་བགེགས་སྐྲོད་བུངས་བསྐྱེད་པས་བལྟས་ཀྱང་བཟང་བ་ཙམ་ཤར། ངེད་འབྲུག་སྦྲུལ་རྟ་ལོའི་སྟོད་རྣམས་ལས་སྨད་ཕྱོགས་ལ་སོང་བའི་བར་ལ་སྨོན་འགྲོ་བ་དང་ཆོས་ལུང་གི་གྲྭ་པ་ཁ་རེ་ཁོག་འབྲེལ། དཔོན་པོ་ཀུན་རྡོར་བ་ཡང་རང་གི་རྩ་བའི་བླ་མ་རྗེ་རྡོ་རིངས་བ་ལ་དད་པ་ལོག…

བརྟེན་ནས་རང་ཤུགས་ཀྱི་སྐྱོ་ཤས་ཆེ་བར་བྱུང༌། ཧོར་ཟླ་བདུན་པའི་ཚེས་བཅུ་བཞི་ལ་འཚུབ་དང་ཆོ་འཕྲུལ་གྱི་རྣམ་པས་བླ་མ་ཡི་དམ་གྱི་གཏོར་མ་ལ། ཨོ་དཀར་བས་གནོད་པ་བྱེད་པ་དང་སྡིག་པ་རྭ་ཅན་ཤིན་ཏུ་ཆེ་བ་ཤིག་ནམ་མཁའ་ནས་རང་གི་པང་དུ་ལྷུང་བ་སོགས་སྣ་ཚོགས་པ་བྱུང་བ་རྣམས་ཀྱང་དབྱིངས་སུ་བསྐྱལ། འཇགས་ཀྱི་གདན་ས་འགོད་དགོས་བྱུང་ནས། རྣམ་གླིང…

སླར་སྐུ་གཞོན་ནུའི་རྣམ་པ་ཤིན་ཏུ་མཚར་བ་མུ་ཏིག་གི་རྒྱན་དྲ་ཕྱེད་ཁྲལ་ཁྲོལ་དུ་གསོལ་བ་ན་བཟའ་སྤངས་པའི་རྣམ་པ་ཅན་ཞིག་ཕྱོགས་གཞན་ཞིག་ལ་ཐེགས་ཚུལ་ཡོད་པ་ཞིག་བྱུང༌། གནམ་གང་གི་ཉིན་གནས་ཚུལ་སྐྱེལ་མི་སླེབ། དོན་དུ་ནི་མཐོང་ཐོས་དྲན་རེག་གི་གདུལ་བྱ་ཐ་མ་འདུལ་བ་ལ་དགོངས་པ་དང་སྔ་སོར་བཀའ་ཡང་ཡང་ཕེབས་པ་ལྟར་གྱི་དགོན་གནས་ཀྱི་ཤུལ་རྣམ…

བྱུང་བས། སྐྱེ་བོ་འགའ་ཞིག་སྡེ་དཔོན་གྱི་རྫོང་དུ་སྐུ་འདས་སྙམ་མ་དད་པ་བྱེད་ཀྱི་འདུག་ཀྱང༌། སྤྱིར་ཕྱོགས་དེ་ཀུན་ཡང་གནས་བཟང་བར་རྒྱ་གར་པཎ་ཆེན་ནགས་རིན་སོགས་ཀྱི་རྣམ་ཐར་ལས་ཤེས་ཤིང་ཁྱད་པར་རྒྱུ་མཚན་གོང་དུ་སྨོས་པ་ལྟར་དུས་གསུམ་མཁྱེན་པའི་མཛད་པ་ཁོ་ནར་ངེས་ཤེས་སྐྱེས་སོ། །དེ་སྐབས་གདུང་ཆོག་ངམ་རིང་དུ་གནང་འདུག་ནའང་སྐུ་གདུང་…

གྲྭ་རྒྱམ་པད་པ་ཡང་དགོངས་རྫོགས་ཀྱི་སྐལ་བ་ལེན་པར་བྱོན་ཡོད་ཅིང་ངེད་ཀྱིས་ཀྱང་ཁོང་ལ་རྣམ་གཞག་སོགས་བཟང་དུ་བཏང༌། ཁོང་པ་རང་གིས་ནི་སྒྲུབ་སྡེ་ལ་ཐུག་པ་གཅིག་ཀྱང་དྲངས་པ་མེད། གདུང་ལ་ཞལ་ཟས་གཅིག་ཀྱང་མ་ཕུལ། དབུས་པའི་མི་ངན་ཁྲེལ་པོར་ངོ་ཚ་མེད་ལྟོགས་ལ་ཅན་འགའ་ཞིག་གི་རྣམ་ཐར་ཟངས་མ་དེ་ཀ་བསྐྱངས་ནས་དགོངས་རྫོགས་གྲོལ་བའི་ནང་པར་ཕྱ…

ཅད་ཀྱིས་ཤིན་ཏུ་བཀའ་ནན་ཆེ་བར་བྱུང་ནའང༌། སྐུ་ཁམས་ད་ལམ་འདི་ལ་བརྟེན་པའི་སྐྱོན་ཆེ་བ་རང་མེད་སྙམ། དེ་བས་ངེད་རང་གཟབ་དགོས་ཡིན་པས་དགོངས་གྲོལ་རང་ཞུ་བྱས་ལྟས་དང་བསྟུན་ནས་འགྲོ་མ་ཐུབ། ཕྱིས་སྡེ་པ་མཐུ་སྟོབས་དྲུང་རང་དེ་ལ་ཐུགས་བརྙས་མ་འཁྲུངས་ནའང༌། སྡེ་པ་ཀར་བསྟན་དྲུང་དངོས་མི་དགེས་ཙམ་བྱུང་འདུག མཚམས་ཟླ་གཅིག་ལྷག་ཙམ་སོང་ལྟས…

དྲུང་རང་སྐུ་ཁམས་བསྙེལ་བ་རང་ཞིག་བྱུང༌། སྨན་དཔྱད་པ་རྣམས་ཀྱང་འཚབ་ཆ་ཆེ་བར་བྱེད་ཀྱིན་འདུག་པ་ལ། སྤྱིར་སྐུ་དོག་ཅུང་ཟད་ཡོད་པ་རྐྱེན་སེལ་གྱི་དབང་བྱིན་རླབས་སོགས་ཀྱིས་ལྷོངས་པར་སྣང་བས་ད་རེས་སྐུ་ལ་ཉེས་སྐྱོན་དུ་མི་འགྱུར་བ་ཐག་ཆོད་ཅེས་ཁས་བླངས། ཁོ་ཚོ་ལ་ཁོག་གནོད་འདྲ་གཅིག་ཀྱང་འདུག ལ་ལ་ཡིད་ཆེས་བྱེད། ཕལ་ཆེར་ཐེ་ཚོམ་སེ་བྱེ…

བཙན་ཕྲོགས་མཛད་པའི་མཆོད་གཞིས་རྣམས་འདི་སྐབས་རྩིས་སྤྲོད་གནང་མ་ཐུབ་གཞན་མཐའ་དག་མ་ཚང་བ་མེད་པ་བྱུང༌། དེ་སྐབས་ཞག་ཤས་བསྡད་ནས་ཟླ་བ་དེའི་ཉིན་ཤུ་ལྔ་ལ་སྔར་འཁྱུད་ལྟར་གྱི་ཇོ་ནང་གི་འཁྲིད་བཙུགས། ལོ་འདི་ལ་འཁྲིད་ལོ་འབྲིང་ཙམ་དང༌། བཙུན་གསར་བྱེད་མི་དྲག་ཞན་སྣ་ཚོགས་ནས་ཤིན་ཏུ་མང་བར་བྱུང༌། འཁྲིད་གྲོལ་ནས་ཟླ་གཅིག་ཏུ་ཉེ་བ་ལ། གས…

གཟུགས་བརྙན་ཤིན་ཏུ་ངོ་མཚར་བ་དང་མེ་ཏོག་གི་ཆར་འབབ་པ་ཐམས་ཅད་ཀྱིས་མཐོང་བར་སྙོན་མེད་དུ་བྱུང་ཞིང་རོལ་མོའི་སྒྲ་སྙན་པོ་དང་དྲི་བཟང་གི་ཡུལ་ཕྱོགས་ཐམས་ཅད་ཁྱབ་པའི་རྣམ་པ་ཞག་མང་པོར་ཤིན་ཏུ་གསལ་བ་ཞིག་ངེད་རང་ལ་བྱུང་ནའང༌། གཞན་གྱིས་ཚོར་བ་ནི་ཆེར་མི་སྣང༌། འཁྲུལ་སྣང་ཡིན་ལས་ཆེ་མོད། མཚམས་གྲོལ་ནས་ཚོགས་ཁྲོའི་ཁྲོ་ལུགས་ཅིག་ཀྱང་བ…

དག་ཞལ་ངོ་རྣམས་དང་དོན་གཉེར་རྣམས་ལ་བྱས། དམ་རྫས་ཀྱི་སྒྲུབ་པ་ཅིག་བྱས་པ་ཤིན་ཏུ་ལེགས་ཏེ། དྲི་བཟང་གིས་ལུང་པ་ཁྱབ་པ་དང༌། ལྟས་རྣམས་སྔར་བཞིན་ཤར། དེ་རྗེས་སྟོན་སེར་ཁ་རུ་ཡང་སོང་ཤིང༌། བྲག་སྟོད་ཀྱི་རྟེན་བཞེངས་སྔ་སོར་ཧོར་ཟླ་གསུམ་པའི་ནང་དུ་འགོ་བཙུགས། འདི་སྐབས་ཕལ་ཆེར་ཟིན་པས་བྲག་སྟོད་དུ་འགྲོ་བའི་ཡར་ལམ་ལ་སྨད་ཀྱི་ཕྱོགས་ལ…

དྲང་སོང་རྫོང་སོགས་བརྒྱུད་ནས་བྲག་སྟོད་དུ་འབྱོར། སླེབ་འཕྲལ་ནས་རྟེན་བཞེངས་ཀྱི་གཟུངས་བཞུགས་སོགས་རིམ་པས་བགྱིས། གཙུག་ལག་ཁང་གསར་བཞེངས་ཡིན་པ་དང༌། དེར་རྟེན་བཞུགས་དགོས་པ་ནས། རབ་གནས་ཀྱིས་ཆོ་ག་ཀྱང་གཟའ་ཚེས་དང་བསྟུན་སྔ་བར་བྱས། ས་ཆོག་གི་སྦྱིན་སྲེག་ཀྱང་ཞི་དྲག་གཉིས་ཀར་བགྱིས་ཤིང༌། ཧོར་ཟླ་དགུ་པའི་ཚེས་བཅུ་གསུམ་གྱི་ཉིན་…