ཅད་ལ་ལྟ་སྟངས་མཛད་པས་ཐམས་ཅད་རེངས། དེར་རྒྱལ་པོ་ངོ་མཚར་སྐྱེས་ནས་འོངས་པས། སློབ་དཔོན་ན་རེ། སྲོགས་ཆགས་འདི་སྙེད་ཅིག་བསད་ན་ཁྱོད་མྱུར་དུ་འཆ། ཤི་ནས་ཀྱང་དམྱལ་བར་སྐྱེ། འདི་རྣམས་ཐོང་ཞིག་གསུང༌། དེ་རྣམས་བཀྲོལ་ཏེ་བཏང་མ་ཐག་ཏུ་སློབ་དཔོན་གྱིས་རྒྱལ་པོའི་མགོ་བོར་ཕྱག་བཞག་པས་ནད་ལས་གྲོལ། དེར་མཆོད་སྦྱིན་གྱི་མི་རྣམས་ཀྱང་རྣལ་…

ལྟ་སྟངས་ཀྱིས་ཚར་བཅད་དེ། དེ་ཡང་མཐར་བཅོམ་བརླག་གི་གྲོང་ཁྱེར་དུ་སློབ་དཔོན་དཔོན་སློབ་གསུམ་ཙམ་ཕེབས་པ་ཞིག་ལ། མུ་ཀུནྡ་ཝརྟི་འཁོར་དང་བཅས་པ་ཡང་དེར་འོངས་པ་འཛོམ། གྲོང་ཁྱེར་གྱི་སྐྱེ་བོ་དཔག་ཏུ་མེད་པ་ཡང་དེར་འཚོགས་ཏེ། འདི་གཉིས་ཀྱི་གྲུབ་རྟགས་བལྟའོ་ཞེས་ཟེར་རོ། །དེར་མུ་ཀུནྡ་དེ་མིག་འཕྲུལ་གྱི་རིག་སྔགས་གྲུབ་པ་ཡིན་པས། སྔར་…

ད་ལྟར་འབུམ་ཕྲག་བཞི་བཅུ་རྩ་ལྔའི་བདག་པོར་སོང༌། གུ་རུ་ལྷོ་ཕྱོགས་པའི་ཞལ་སྔ་ནས་ཀྱང༌། ལན་ལྔ་མཇལ་བའི་རྟིང་མ་འདི་དུས་ཡིན་གསུང༌། དེ་ནས་ཕལ་ཆེར་གནས་འདི་ཉིད་དུ་བཞུགས། འགྲོ་བ་དཔག་ཏུ་མེད་པ་སྨིན་ཅིང་གྲོལ་བར་མཛད་ནས། དེ་རྗེས་སློབ་མ་རྙིང་པ་མཆོག་རྣམས་མ་གཏོགས་མི་མཇལ་བར་ལོ་བདུན་ཙམ་སོང་བ་ན་རྣམ་སྨིན་གྱི་སྐུ་འཇའ་ཚོན་ལྟར་ཡལ…

པའི་འཁོར་གྱི་དབུས་སུ་ངོ་མཚར་བའི་ལྟས་རྒྱུན་མི་འཆད་པར་འབྱུང༌། ཚོགས་ཀྱི་འཁོར་ལོ་གོང་བུ་དང་ཁུ་བ་དང་ཆང་དང་ཁྲག་དང་ནགས་ཚལ་གྱི་ཤིང་ཏོག་ལ་སོགས་པ་དངོས་སུ་དགུག་པར་མཛད། ས་སྟེང་གི་འདྲེན་པ་གཅིག་པུ་པར་གྱུར་པས། མཚན་ཡང་ཤྲཱི་ས་ཏྭ་ནཱ་ཐ་སྟེ། དཔལ་སེམས་ཅན་གྱི་མགོན་པོ་ཞེས་ཆེ་བའི་ཚིག་ཏུ་སྐྱེ་བོ་རྣམས་བརྗོད་པར་བྱེད་དོ། །རྗེ་…

བླ་མས་དབང་བསྐུར་ཞིང་གདམས་པ་གནང༌། ལོ་གཉིས་ནས་བསྐྱེད་པའི་རིམ་པ་ལ་བརྟན་པ་ཐོབ། རྫོགས་པའི་རིམ་པའི་ཡེ་ཤེས་ཀྱང་ཅི་རིགས་པ་སྐྱེས། སློབ་དཔོན་ཉིད་ཀྱི་རྙེད་བཀུར་བྱ་བའི་ཕྱིར་དུ་རྐང་མགྱོགས་ཀྱི་དངོས་གྲུབ་བསྒྲུབས་པས་འཕྲལ་དུ་གྲུབ། བླ་མ་བསྟེན་ཚུལ་མཁས་པས་སློབ་དཔོན་གྱི་དབང་རྒྱུད་གདམས་ངག་ཐམས་ཅད་ཐོབ། ཐོག་མར་སྤྱན་རས་གཟིགས…

པས། སེམས་ཀྱི་བཞག་ཐབས་དང༌། བྱང་ཆུབ་སེམས་དཔའི་སྤྱོད་པའི་གནད་ཁྱད་པར་ཅན་བསླབས་པས། དེས་ཀྱང་ལེགས་པར་ཤེས། ལོ་བཅུ་ལོན་པའི་དུས་སུ་ཡུལ་ཙཻ་བ་ལར་རྒྱལ་རིགས་རྒྱལ་ཕྲན་ཞིག་ལ་བག་མར་བཏང༌། ལོ་བཅུ་གསུམ་ལོན་པའི་དུས་སུ། འཁོར་བ་ལ་ཡིད་ངེས་པར་འབྱུང་སྟེ། ཁྱིམ་ཐབ་དང་གྱོས་སྒྱུག་སོགས་ལ། ཁོ་མོ་ནགས་ཚལ་རྣམས་སུ་ཏིང་ངེ་འཛིན་བསྒོམ་པ་…

མེད་ཡིན་ཡང་བློ་ནི་ཤིན་ཏུ་རྣོ་སྟེ། དེ་གོང་དུ་ཙནྡྲ་བྱཱ་ཀ་ར་ཎ་ཡོངས་སུ་རྫོགས་པ་ཤེས། མངོན་བརྗོད་དང༌། སྨན་དཔྱད་དང༌། རྟོག་གེ་ཡང་ཅི་རིགས་པ་མཁྱེན། སྔོན་གྱི་བག་ཆགས་ཀྱིས་ཤེས་རབ་ཀྱི་ཕ་རོལ་ཏུ་ཕྱིན་པ་བདུན་བརྒྱ་པ་དང༌། སུམ་བརྒྱ་པ་དང༌། བསྡུད་པའི་ཚིགས་སུ་བཅད་པ་རྣམས་བཀླགས་པ་ཙམ་གྱིས་ཟིན། དགེ་སློང་མ་དང༌། དགེ་བསྙེན་མ་འདྲ…

སྤྱད་པས། ཐུན་མོང་གི་དངོས་གྲུབ་བརྒྱད་ལ་སོགས་པ་ཐམས་ཅད་ཉམས་འོག་ཏུ་ཆུད། དྲུང་དུ་བྱུང་བ་ཐམས་ཅད་ལ་གདམས་ངག་བསྟན། རྟོགས་པ་མཆོག་ཏུ་གྱུར་པའི་རྣལ་འབྱོར་མ་ལྔ་བརྒྱའི་འཁོར་དང་བཅས་ནས། ཡུལ་སྣ་ཚོགས་སུ་འགྲོ་བའི་དོན་སྤྱོད་ཅིང༌། སློབ་དཔོན་གྱི་དྲུང་དུ་མཆོད་པའི་ཕྱིར་དང༌། རྟོགས་པའི་ཚད་འབུལ་བར་ཡང་དང་ཡང་དུ་འབྱོན་པར་གནང་གསུང…

དེས་ཐོད་པར་བཟེད་པས་དེ་ཡང་བརྡོལ། དེ་ལྟར་དམ་ཚིག་ཉམས་པ་ཚར་བཅད་གསུང༌། དཔལ་ཧེ་རུ་ཀ་དང༌། ཁྲོ་བོ་བཅུ། རྡོ་རྗེ་རྣལ་འབྱོར་མ་སུམ་ཅུ་རྩ་བདུན་ལ་སོགས་པ་ཐམས་ཅད་ནམ་བལྟ་འདོད་པའི་ཚེ་ཞལ་གཟིགས། འོན་ཀྱང་དེ་སྐབས་མཆོག་གི་དངོས་གྲུབ་ནི་མ་ཐོབ་པར་གྲགས། དེ་ལྟར་སློབ་དཔོན་ཞི་བ་སྦས་པ། སློབ་མའི་མཆོག་གཉིས་དང་བཅས་པས་ཁོ་བོའི་བླ་མ་གས…

འདི་མཐོ་བ་ཡིན་ནོ། །རིན་པོ་ཆེའི་འབྱུང་ཁུངས་ལྟ་བུའི་གཏམ་ལས། བཀའ་བབས་ཐམས་ཅད་གཅིག་ཏུ་འདྲེས་པའི་གཏམ་གྱི་སྐབས་ཏེ་དགུ་པའོ།། །།བཀའ་བབས་བདུན་པོ་དེ་དག་ནི་དངོས་སུ་བྱིན་གྱིས་བརླབས་པའི་བརྒྱུད་པ་འབའ་ཞིག་ཡིན་ཅིང༌། དེའི་ནང་གི་ཡང་དྲུག་པོ་དེ་དག་ནི་དོན་གྱི་བརྒྱུད་པ་ཁོ་ན་ལགས། གདམས་ངག་ཕྲ་མོ་རེ་རེ་ཞིང་གི་བླ་མ་བརྒྱུད་པ་མི…

གསུམ་དབུལ་བ་སེལ་བར་ཤོག །ཅེས་བཀའ་བབས་བདུན་ལྡན་གྱི་བརྒྱུད་པའི་རྣམ་ཐར་ངོ་མཚར་རྨད་དུ་བྱུང་བ་རིན་པོ་ཆེའི་འབྱུང་ཁུངས་ལྟ་བུའི་གཏམ་ཞེས་བྱ་བ། རྗེ་བཙུན་བླ་མ་དམ་པ་རྣམས་ཀྱི་བཀའི་འབངས་ཀྱི་ཐ་ཆུང་དུ་གྱུར་པ་ཏཱ་ར་ནཱ་ཐ་ཞེས་བྱ་བས་རང་ལོ་ཉེར་དྲུག་པ་ལ་ཉེ་བ་ན། གྲུབ་པའི་གནས་མཆོག་དཔལ་སྟག་ལུང་ཐང་དང་ཉེ་བ་རྣམ་རྒྱལ་རབ་བརྟན་ཞེས་…

སློབ་དཔོན་ཆེན་པོ་སྤྱོད་འཆང་དབང་པོའི་རྣམ་ཐར་ངོ་མཚར་སྙན་པའི་སྒྲ་དབྱངས་ཞེས་བྱ་བ་བཞུགས། །

ན་མོ་བཛྲ་སཏྭ་ཡ། ཉི་གཞོན་བྱེ་བ་ཕྲག་བརྒྱས་མི་དཔོགས་པའི། །ཡེ་ཤེས་གཟི་འོད་རྒྱས་པས་འགྲོ་མུན་སེལ། །བརྟུལ་ཞུགས་སྤྱོད་པའི་རྦ་རླབས་རབ་གཡོས་པས། །བདུད་དང་མུ་སྟེགས་ཟིལ་གནོན་གང་དེ་རྒྱལ། །གང་ལས་ངོ་མཚར་གཏམ་གྱི་ཕུལ། །རྣམ་པ་སྣ་ཚོགས་གྲགས་དེ་ལས། ཡིད་ཆེས་ཁུངས་དང་ལྡན་པ་དག །མདོ་ཙམ་མཆོག་ཏུ་གསལ་བར་སྡེབ། །འདིར་ཡང་དག་པར་རྫོག…

པ། མགོན་པོ་ཕྱག་གཉིས་པ་དང༌། བཞི་པ་དང༌། དྲུག་པ་དང༌། བརྒྱད་པ་དང༌། བཅུ་གཉིས་པ་དང༌། བཅུ་དྲུག་པའི་དཀྱིལ་འཁོར་སྟོན་པ། ཁ་བ་ཅན་གྱི་ཕྱོགས་འདིར་རྭ་ལོ་ཙཱ་བ་ཆོས་རབ་ཀྱིས་བསྒྱུར་ངེས་པ་རྒྱ་དཔེ་ཅན་དེ་ལས་དེ་ལྟར་ཡུལ་ཨུ་རུ་བི་ཤར་ཡང་མཚུངས་པར་ངེས་པའོ། །དེར་སྐྱེས་བུ་བརྩོན་འགྲུས་ཆེན་པོ་དང་ལྡན་ཞིང་སྦྱོར་བ་ལ་བརྩོན་པ་རཱ་མ་ཎའི…

ལུས་ཀྱི་དངོས་པོ་སྤངས་པའི་ཕྱག་རྒྱ་ཆེན་པོ་ཐོབ་པར་འགྱུར་རོ། །ཞཻས་གསུངས་པ་དང༌། དཔལ་དུས་ཀྱི་འཁོར་ལོའི་རྒྱུད་ཕྱི་མ་འགྱུར་རྙིང་ལས། ཁ་ཊྭཱཾ་ག་དང་རུས་རྒྱན་ཅང་ཏེ་ཆང་སྣོད་ཐོགས་པ་ནག་པོའི་མིང་ཅན་འབྱུང་བར་འགྱུར། །ཞེས་ལུང་བསྟན་པ་སྟེ། ལུང་དང་པོའི་དོན་ནི་དེར་ཞེས་པས་གང་དུ་འཁྲུངས་པའི་ཡུལ་དང༌། བརྩོན་འགྲུས་དང་ལྡན་ཞིང་སྦྱ…

ཡིན་ཀྱང་དེའི་མིག་རྐྱེན་ལ་བརྟེན་པའི་གྲོང་ཁྱེར་ཆེན་པོ་བཅུ་གསུམ་ཙམ་གྱི་སྐྱེས་པ་བུད་མེད་ཁྱེའུ་བུ་མོ་ཚུན་ཆོད་འཇིག་རྟེན་གྱི་བྱ་བ་སྤངས་ཏེ་རྣལ་འབྱོར་ཕོ་མོ་འབའ་ཞིག་ཏུ་གྱུར་པས་གྲོང་ཁྱེར་དེ་དག་རེ་ཞིག་སྟོངས་སོ། །དེ་དག་ཀུན་ཀྱང་རབ་ཀྱིས་དངོས་གྲུབ་མཆོག་དང༌། འབྲིང་གིས་ཐུན་མོང་གི་དངོས་གྲུབ་དང༌། ཐ་མ་རྣམས་ཀྱིས་ཀྱང་ཕྲ་མ…

མང་ངོ༌། །སློབ་དཔོན་འདི་ལ་ཀཧྣཱ་ཙརྱ་སྟེ་སློབ་དཔོན་ནག་པོ་དང༌། ཀྲྀཥྞཱ་ཙརྱ་པ་ཡང་སློབ་དཔོན་ནག་པོའོ། །ཀཧྣ་ཀྲྀཥྞ་དང་ཐུང་ངུའི་མཐར་ཙརྱ་པ་སྦྱར་ན། ཀཧྣ་ཙརྱ་པ་ཀྲྀཥྞ་ཙརྱ་པ་སྟེ་ནག་པོ་སྤྱོད་པ་བ་ཞེས་དང༌། ཡང་ཙརྱཱ་ཙརྱ་པ་སྟེ་སློབ་དཔོན་སྤྱོད་པ་བ་དང༌། དེ་བཞིན་དུ་ཙརྱ་བཛྲ་ཏེ་སྤྱོད་པའི་རྡོ་རྗེ་དང༌། ཨཱ་ཙརྱ་ཙརྱ་དྷ་རི་པ་སྟེ་སློ…

གྲགས་པ་དེ་བཀག་ནས། ཆ་རྒྱུས་མེད་པའི་རྒྱལ་ཁམས་བོད་ལྟ་བུར་དེ་དང་འགལ་བར་སྨྲ་བ་དག་ལ་འདི་ནི་བདེན་ཏེ། སྨྲ་བ་པོ་དེ་སྐྱེས་བུ་བཟང་པོ་ཡིན་པའི་ཕྱིར་རོ། །ཞེས་སྨྲ་བ་ནི་ལེགས་པ་མ་ཡིན་ཏེ། གཡེམ་མ་མུ་ཅོར་གྱི་རྒྱལ་ལོ་ཞེས་པའི་དོན་དང་མཚུངས་པར་འགྱུར་བའི་ཕྱིར་རོ། །དེ་ནས་ཆུང་ངུའི་དུས་ནས་བློ་རྣོ་ཞིང་སྒྲ་དང༌། སྨན་དཔྱད་དང༌། བཟོ…

པའི་དངོས་གྲུབ་ཏུ་འགྱུར་རོ། །ཞེས་གྲགས་པས་བདག་ཉིད་གཅིག་པུ་ཡུལ་ཛ་ལན་དྷ་རར་བཞུད་དོ། །དེར་གྲུབ་ཐོབ་ཛ་ལན་དྷ་རི་པ་དང་མཇལ། སློབ་དཔོན་དེ་ནི་རང་བྱུང་གདོད་ནས་གྲུབ་པའི་རྣལ་འབྱོར་གྱི་དབང་ཕྱུག་ཆེས་ཆེ་བ་ཡིན་ཅིང༌། སྐུ་ལུས་ཀྱི་བཀོད་པ་ཡང་ཅིག་ཅར་མང་དུ་སྟོན་པས་ཡུལ་ཐ་དད་སྣ་ཚོགས་ན་སྐུ་དུ་མས་དུས་གཅིག་ཏུ་བཞུགས་ཤིང༌། སློབ་མ…