པ་དྲི་བཟང་གི་ཆུས་བཀྲུས་པས། རིང་བསྲེལ་སྔོན་པོ་ཤིན་ཏུ་འཚེར་བ་ཞིག་བྱུང་། ཞག་ཤས་སོང་བ་ན་གདུང་རུས་ལ་རྣམ་བཅུ་དབང་ལྡན་བོད་ཡིག་གི་རྣམ་པ་ཅན་དུ་བྱོན། གདུང་ཐལ་རྣམས་ལ་གཞན་གྱིས་ཇི་ཙམ་བཙན་ཡང་མ་རྙེད་པ་ལ། རྗེ་ཉིད་ཀྱིས་ཕྱག་ཏུ་བླངས་ཤིང་གཟིགས་པ་ཙམ་གྱིས་རིང་བསྲེལ་གྲངས་མེད་འཕེལ་བར། བྱང་རྩེ་བ་ཕྱོགས་ནས། འདི་འདྲ་རྗེ་ཐམས་ཅད…

འདོགས་དང་བཅས་པ་རྒྱས་པར་གནང་། དེ་ནས་རྒྱལ་དུ་ཆིབས་ཁ་སྒྱུར། མཚར་ཆེན་གྱི་ཞལ་སློབ་རིན་པོ་ཆེ་བོད་མཁར་བའི་གསུང་ལས། དུས་གསུམ་སངས་རྒྱས་ཐམས་ཅད་ཀྱི། །འཕྲིན་ལས་ངོ་བོ་གཅིག་བསྡུས་པ། །འཛམ་གླིང་ཡོངས་ལ་གྲགས་པ་ཡི། །རྗེ་བཙུན་མཚར་པའི་ཞབས་ལ་འདུད། །ཕ་ཁྱེད་ཀྱིས་བྱིན་གྱིས་བརླབས་པ་ཡི། །བུ་ཡི་ཐ་ཆུང་མེ་ཏྲི་ང་། །ཁ་བ་ཅན་ལྗོངས་ས…

རྗེ་ཉིད་ཀྱིས་ཞལ་བཀོད་གནང་སྟེ། འཇིགས་བྱེད། མགོན་པོ་ཕྱག་བཞི་དྲུག །གུར་ཞལ། འདོད་ཁམས་དབང་ཕྱུག །རྣམ་སྲས། ལས་གཤིན། །བེག་ཙེ། མ་ནིང་། ལེགས་ལྡན། །ཞང་འོན། དུར་ཁྲོད་བདག་པོ། རྣམ་སྲས་མདུང་དམར་ཅན། ཙ་རི་ཞིང་སྐྱོང་སོགས་ཆོས་སྐྱོང་སྤྱིའི་མགོན་ཁང་དང་། དེ་ཝཱི་ཀོ་ཊིར་དཔལ་ལྡན་ལྷ་མོའི་སྐུ་བརྙན་སོགས་བཞེངས་ཏེ། དམ་ཚིག་པ་ལ་ཡེ…

ཕྱག་ལེན་དང་བཅས་པ་ཕལ་ཆེར། རིན་པོ་ཆེ་བོད་མཁར་བ་ལ་རྫོགས་པར་གསན། མགོན་ཁང་ཤོད་དུ་དཔལ་མགོན་གྱི་སྐུ་བརྙན་ཞིག་བཞེངས་པ་གྲུབ་བསྟུན། ནང་དུ་གདན་འདྲེན་རྒྱུ་ལ་སྐུ་ཚད་ཆེས་ཏེ་སྒོ་ལ་མ་ཐར་བས། དེ་ཉིད་ཆོས་སྐྱོང་གི་སྤྱན་འདྲེན་གདངས་དབྱངས་རྔ་ཆིངས་དང་བཅས་པ་ཞིག་གནང་སྟེ། ནུབ་མོ་མགོན་ཁང་གི་སྒོ་མ་བཅད་པར་བཞག་པས། སང་ཞོགས་ནང་དུ་ར…

ལུག་གི་ལོ་གསར་གཏོར་ཆེན་སོགས་རྒྱས་པར་མཛད། དཔལ་ལྡན་ལྷ་མོའི་བསྐང་གསོ་དང་། བོད་རྒྱལ་པོའི་འགུར་ལྷ་འོ་དེ་གུང་རྒྱལ་དངོས་སུ་འོངས་ཏེ་འཕྲིན་ལས་བསྒྲུབ་པར་ཁས་བླངས། བསྟོད་པ་ཞིག་ཐུགས་རྩོམ་མཛད། སྡེ་པ་ཡབ་སྲས་དང་། མཐོང་ཆག་མཁར་གསུམ་སོགས་མངའ་ཞབས་ནས་ཀྱང་བསྙེན་བཀུར་མཐའ་ཡས་པ་བསྟབ། རིམ་གྱིས་བསམ་ཡས་སུ་གནས་མཇལ་དང་། བསྟན་སྲུ…

ཁྱོག་འགྲོ་བཅོམ། ཁྱད་པར་དགའ་བའི་རང་ཞལ་མཐོང་། །སླར་མར་གད་ས་ལེ་སྦྲམ་མཛེས་དག །མགོན་རིན་འབྱུང་དོན་གྲུབ་གཉིས་སྤངས་མར། །ལྷན་སྐྱེས་བདེ་སྐྱོང་གི་འཁོར་ལོ་སྡོམ། །བརྗོད་བྲལ་གྱི་ཞལ་བཟང་དེ་འདྲ་མཐོང་། །ང་བཞད་པའི་རྡོ་རྗེར་ཡིད་རྟོན་པའི། །རྗེས་འཇུག་གི་སྐལ་ལྡན་ཁྱེད་རྣམས་ཀྱང་། །རྗེ་རྒྱལ་བ་གཉིས་པའི་ཐུགས་བཅུད་ཀྱི། །དྲང་ང…

ཞིག །ཚེ་དཔག་མེད་ཀྱི་བསྐྱེད་རྫོགས། ཚེ་ཁྲིད། སྒྲོལ་དཀར། འཇམ་དབྱངས། དབྱངས་ཅན་དཀར་དམར། མཁའ་སྤྱོད་མ་རྣམས་ཀྱི་བཟླས་བསྙེན། བདེ་མཆོག་གདན་བཞིའི་བསྙེན་པ་སུམ་བརྒྱ། སྔགས་རིང་ཉེར་གཅིག །རྡོ་རྗེ་ཤུགས་སྔགས་ཉེར་གཅིག །ཟིལ་གནོན་སྐུ་གསུང་ཐུགས་སྔགས་བརྒྱ་རྩ། ཨྱཻ་རིང་ཉེར་གཅིག །འཇམ་སྡུད་བཟང་གསུམ་ལྗགས་ཀློག །རྟ་མགྲིན་དམར་ནག …

གཏོར་མ། ཆུ་གཏོར། དུ་རིང་མ། ཞལ་བཞི་པ་རིགས་བཞིའི་གཏེར་བསྔོ། གྲུའི་བུམ་སྲུང་། ཚེ་དཔག་མེད་མཚན་རྒྱ་རྩ་ལྷ་དགུའི་གཟུངས། ཛ་ཀིའི་གདམས་པ་འགའ་ཞིག །ཕྱག་འཚལ་ཉེར་གཅིག །བདུད་ཚར་གཅོད་པའི་སྔགས་རྣམས་ཡིན་ཞེས་གསུང་དངོས་ལས་སྩལ་པ་དག་བསྡུས་ཏེ་བྲིས་པའོ། །སྡེ་པ་འོལ་ཁ་བས་ཆེད་གཉེར་གྱིས་གདན་འདྲེན་པ་མངགས་པ་ལྟར་བྱང་ཁ་བརྒྱུད་གདན་…

དགའ་སྟོན་རྒྱས་པར་གནང་། རྫིང་ཕྱི་མཁན་པོ་དོན་ཡོད་རྒྱ་མཚོ་དང་། དཔོན་སློབ་གཉིས་དགོངས་པ་མཐུན་པར། གོང་དཀར་ནས་ཞབས་དྲུང་ངག་དབང་བཀའ་བརྒྱུད་རྣམ་པར་རྒྱལ་བའི་ལྷ། འོལ་ཁའི་ཐུགས་ཁུར་བཞེས་པར་གདན་འདྲེན་རྩིས་ཀྱི་བཀའ་གྲོས་ནང་བཅར་གནང་སྟེ། སྨོན་ལམ་ཆེན་མོའི་གྲལ་དབུར་ཕེབས། འགྲོ་བ་རྣམས་སྨིན་གྲོལ་ལ་བཀོད་དེ་ཞག་ཤས་འབྲས་སྤུངས་…

དགྲ་སྡེ་མ་ལུས་ཚར་བཅད་ཚེ། །པད་གནུབས་རྭ་གཉན་རྣམ་ཐར་གཅིག་ཏུ་བྱས། །གཞན་ཕན་ལྷག་བསམ་ཁབ་ལེན་རྡོས། །ཕྱོགས་བྲལ་གདུལ་བྱའི་ལྕགས་ཕྱེ་ཀུན། །མ་ལུས་གཅིག་ཏུ་བསྡུ་བ་འདི། །པད་དཀར་འཛིན་པའི་ངང་ཚུལ་ཡིན། །དེ་ཡང་པཎ་ཆེན་དགེ་འདུན་གྲུབ་ཀྱིས། འགོག་རིར་གནས་བརྟན་བཅུ་དྲུག་ཞལ་གཟིགས་པའི་ཚེ། གཙང་གི་བརྒྱགས་ལྷག་ཁམས་སུ་འཁྱེར་བའི་ལུང་བ…

གཅིག་ནས་གཅིག་ཏུ་བརྒྱུད་པའི་སྐྱེས་རབས་མ་ཡིན་ཀྱང་། ཟླ་བ་གཅིག་ལ་ཆུ་ཟླ་གྲངས་མེད་འབྱུང་བ་ལྟར། སྤྲུལ་པ་སྣ་ཚོགས་སུ་བསྟན་པ་དག་སོ་སོར་ཞལ་གྱིས་ཞེས་པ་ལྟར་རོ། །དེ་ཡང་སྔོན་ལྕགས་ལུག་གི་ནང་དུ་ཨལ་ཐན་རྒྱལ་པོ་ཆོས་ཀྱི་སྣང་བ་ཅུང་ཟད་སྐྱེས་ཏེ། ཕྱོགས་དེར་འཛོ་དགེ་ཨ་སེང་བླ་མ་ཞེས་བྱ་བ་ཞིག་འོངས་པ་ལ། དྲི་བ་བྱས་པར། རྗེ་འདི་ཉིད་…

བཤད་གླིང་ཞེས་གྲགས། ན་ཚོད་ལྡན་ཞེས་པ་ཤིང་ཕག་གི་ལོ་གསར་དང་སྨོན་ལམ་རྣམས་གྲུབ་ནས་འབྲས་སྤུངས་སུ་བཞུགས་སྐབས། སྡེ་པ་རིན་སྤུངས་པས་གཙང་རོང་གི་དམག་ཁྲི་ཕྲག་ཏུ་ཉེ་བ་བཏེག་ནས། སྟོད་ལུང་སྒལ་པོ་ན་གར་སྒར་ཕབས། སྒལ་བྱང་སྨོན་གསུམ་སོགས་བཅོམ། རིམ་གྱིས་སྐྱིད་ཤོད་དུ་འོངས་ནས། གཙང་ཆེན་དོན་ཡོད་རྡོ་རྗེ་ལྟ་བུའི་ཕྱོགས་ལས་རྣམ་པར་ར…

འདིའི་ཕྱག་ཏུ་ཕུལ་བས། བདག་གིས་གྱོན་ན་གང་འདྲ་འོངས་གསུངས། ཞྭ་ནག་དབུའི་ཐད་ཀྱི་བར་སྣང་ལ་བཞག་པས། ཀརྨ་པ་དཔོན་སློབ་མི་ཕྱེད་པའི་དད་པ་ཐོབ་ཟེར། འདི་ལྟར་ན་ཞྭ་ནག་དེ་མཁའ་འགྲོ་མའི་སྐྲ་ལ་བཟོས་ཟེར་བ་ཡང་མི་བདེན་པའི་ངེས་པ་མི་འདུག་གོ །སྣེའུ་གདོང་རྩེར་ཞབས་དྲུང་ནོར་བུ་གླིང་དཀར་གྱིས་གུས་མཆོད་མཛད་ཅིང་། བཀའ་ཆོས་འབུལ་བ་གནང་།…

གདན་དྲངས་ནས་རི་སྒོར་ཕེབས། མཆོག་དམན་མཐའ་དག་དགེ་བའི་ལམ་ལ་བཀོད། འདིའི་སྐབས། ཁོ་བོའི་བླ་མ་རྡོ་རྗེ་འཆང་ཆེན་པོ་ཕ་བོང་ཁ་པ་དཔལ་འབྱོར་ལྷུན་གྲུབ་དེ་ཉིད་ཀྱིས་ཀྱང་རབ་ཏུ་བྱུང་བ་གནང་། རྗེ་དེ་ལ་ཐུགས་རྗེ་ཆེན་པོ་ཉེ་བརྒྱུད་དང་འདོད་ཁམས་དབང་ཕྱུག་མའི་རྗེས་གནང་ཐུན་མོང་མ་ཡིན་པ། དཔལ་ལྷ་མོའི་རྗེས་གནང་ཉེ་བརྒྱུད། ཚེ་དབང་ཉེ་བར…

ཕུར་ཚེ་ཆུ་དང་ལྷན་དུ་གཏེར་ནས་བྱོན་པའི་ཁྱད་འཕགས། འུག་བྱ་ལུང་ནས་ཀུན་བཟང་རྩེར་འབྱོར་བའི་པདྨ་ཀཱི་ལ་ཡ་དེ་ཕྱག་ཏུ་ཕུལ་བས་འཕྲིན་ལས་ཀྱི་རྟེན་འབྲེལ་དང་། ལྕགས་ཀྱི་བསྙེན་ཕུར་ཐང་ཅིག་དོར་བ། ར་རྫིས་རྙེད་དེ་ཕུར་རྩེ་གཏད་ནས་ར་ལུག་རྣམས་བརྩིས་པས་སྣ་ཁྲག་ཕྲུལ་ལེ་ཤི་བའི་ཁྱད་ཅན་དེ་ཡང་མགུལ་ཕུར་དུ་ཕུལ་བས། བདུད་སྡེའི་གཡུལ་ལས་ར…

འགྲོ་བ་ཡོངས་ཀྱི་མགོན། །གཏན་སྐྱབས་ཀྱི་དམ་པ་སྤྲུལ་པའི་སྐུ། ཁྱེད་སྙིང་ནས་དྲན་པའི་གསོལ་འདེབས་ན། །ཚེ་འདི་དང་ཕྱི་མའི་གནས་སྐབས་སུ། །དོན་བསམ་པ་ཐམས་ཅད་འགྲུབ་པ་དང་། །རྐྱེན་ཕྱི་ནང་གི་བར་གཅོད་ཞི་བར་ཤོག །ཅེས་དང་། གཞན་ཡང་ལུགས་གཉིས་ཀྱི་བསླབ་བྱའི་ཞལ་གདམས་མང་དུ་གནང་ཞིང་ལྷག་པར་ཚིགས་སུ་བཅད་པ། དཔལ་མར་མེ་མཛད་དཔལ་ཡེ་ཤེས་…

སྙིགས་མ་ལྔ་བདོའི་སེམས་ཅན་ལ། །ལས་གོམས་པའི་དབང་གིས་ཆགས་སྡང་མེས། རང་རྒྱུད་ཀྱི་བུད་ཤིང་སྲེག་པར་བྱེད། །དེ་སྣང་ཚུལ་བལྟས་ན་དོན་གྱིས་སྟོང་། །གཞི་ཆགས་སྡང་གི་རྟོག་པ་མགོ་སྙོམས་ལས། །དོན་ཁ་ཞེ་མེད་པར་བླ་མ་ཡི། །ཞབས་སྤྱི་བོའི་གཙུག་དུ་ལེན་པ་དང་། །སྐྱབས་དཀོན་ཅོག་གསུམ་ལ་བློ་ཕུགས་གཏོད། །རྗེ་མཚན་ལྡན་བླ་མས་བཀའ་བསྒོས་པའི།…

གཡོག་སོགས་ཕལ་ཆེར་དེ་ཁ་ནས་ལོག་རྩིས་ཀྱིས་གསུང་གླེང་གནང་སྦྱིན་མཛད། རྭ་སྒྲེང་ནས་ཆིབས་ཐོག་ཏུ་འཁྱོན་ཐོག །ས་སྐྱོང་བཀྲ་ཤིས་པས་ཆིབས་ཡོབ་ལ་འཇུས་ནས། བསྟན་པའི་དཔལ་གྱུར་བླ་མའི་ཞབས་པད་བརྟན། །བསྟན་འཛིན་སྐྱེས་བུས་ས་སྟེང་ཡོངས་ལ་ཁྱབ། །ཅེས་ཚིག་རྐང་གཉིས་འཕྲལ་རྩོམ་མཛད་ཐོག །མཆི་མས་བརྣངས་ཏེ་གསུང་རྒྱུ་མ་བྱུང་བས། བསྟན་པའི་ས…

གཟིགས་སྣང་ལ་ཞལ་བྲམ་ཟེའི་གཟུགས་ཅན་རལ་གྲི་ཐོགས་པ་ཞིག་གིས་དེ་བསྒྲལ་བ་བྱུང་། དཔལ་མགོན་བྲམ་ཟེའི་གཟུགས་ཅན་ལ་མཆོད་གཏོར་འབུལ་བའི་རིམ་པ་ཐུགས་རྩོམ་མཛད། འབྲུ་མང་ཞེས་པ་ས་སྟག་གི་ལོ་གསར་རྒྱས་པར་གནང་སྟེ་ཕེབས་པ་ན། ལྷ་འདྲེའི་ཆོ་འཕྲུལ་གྱིས་འབྲི་ཆུ་གློ་བུར་དུ་འཁྲུགས་ཤིང་གཡོ་བས་ཕན་ཚུན་དུ་བགྲོད་དཀའ་པ་ལ། ཁྲོ་བོའི་ལྟ་སྟངས…

ཞེས་སྨྲ་བ་ལ། སང་ནམ་ལངས་ཏེ་བལྟས་ཙ་ན་དོང་པུས་ནུབ་ཙམ་ལས་མི་འདུག་པས་ཐམས་ཅད་སྨྲ་མི་ཤེས་པའི་ཡ་མཚན་དུ་གྱུར། རིམ་གྱིས་ཕེབས་པས་བོད་འབྲོག་གིས་དབེན་པའི་ཐང་ཆེན་པོ་ཞིག་ཏུ། ཇུ་ཐིག་གི་ཐི་གུ་ག་ཤར་བརྒྱུས་པའི་རྟ་པ་བཞི་ཙམ་ཞིག །བག་ཚ་བ་དང་ཡ་ང་བ་མེད་པར་འོངས་ཏེ། མགྲོན་གཉེར་སོགས་མ་བརྒྱུད་པར། ངེད་ཚོའི་དབོན་པོ་མཇལ་བར་ཡོང་ཚུལ…